رواية منتحر بيد غير يده الفصل الاخيربقلم اسلام الامير
وقتها احمد عمل تكبير للصوره تحديداً علي وش الشخص دا وقتها ايمن ذهل من اللي شافه لأنه مكنش يتوقع ان الشخص يكون ليه يد في اللي حصل ليوسف
الشخص دا مكنش سامح لا دا كان حد تاني خالص..!!
محدش ابدا كان يتوقع انه يكون حسام اخو يوسف نفسه .!!!!
كان ايمن ساكت تماما ولسان حاله بيقول..
هو حسام كان بيعمل ايه في الشقه وقت ارتكاب الجريمه.؟!
طيب لو مش هو اللي ق*تل يوسف ايه اللي يخليه ينزل من علي المواسير بالشكل دا وليه مفتحش الباب عادي وواجه الناس.؟!!
معقول، معقول يكون هو اللي ق*تل يوسف ، معقول هو اللي ق*تل اخوه.؟!!
تنهد ايمن وقال: شكراً يا احمد علي المعلومات دي، لو سمحت هنحتاج الفديو دا
-حاضر انا دلوقتي هتطلعلك نسخه
وبالفعل ايمن اخد نسخه من الفديو واحمد مشي وايمن خرج بسرعه ودخل مكتب النيابه واخد اذن بالقبض علي حسام عبدالمجيد
نزل ايمن وركب عربيته ووراه اتحركت قوه من القسم
في الجانب الاخر ...
وصل هاشم لشقة سامح واللي كانت في الدور الرابع رن الجرس....
خرج سامح ولما شاف هاشم والقوه اللي معاه قال: انتو مين وعايزين ايه
-هاشم منصور: مباحث....
وقتها وش سامح اتغير وحاول يهرب ولكن معرفش وتم القبض عليه والقوه اتحركت علي القسم
ايمن كان وصل بالقوه اللي معاه لبيت اسره يوسف ولما رن الجرس فتحت الباب ريهام اخت يوسف وحسام
ريهام: ايمن بيه..؟!!! خير في ايه
حسام فين.؟؟
-ليه في ايه
عايزينه يجي معانا نادي عليه من فضلك ومفيش داعي لأي شوشره
-ظهر حسام من ورا ريهام وهو بيقول: خير عايزين ايه
اتفضل معانا وهتعرف كل حاجه
-لا مش هروح في مكان غير لما افهم كل حاجه
شاور ايمن لأتنين امناء شرطه واللي بدورهم جريوا علي حسام وقبضوا عليه وطلعوا الشارع وركبوه البوكس
وصل ايمن القسم وكان في انتظاره هاشم في مدخل القسم واقف ومولع سيجارة
هاشم- كنت فين يا ايمن بيه انا جبت سامح وهو في الحجز تحت
-كنت بحيب حسام يا هاشم
حسام اخو يوسف.؟! طيب ليه
-مش وقته المهم دلوقتي ارميلي حسام في الانفرادي وهاتلي سامح علي مكتبي ومتخليش الاتنين يلمحوا بعض
دخل ايمن مكتبه ومتعديش كام دقيقه وكان هاشم جايب سامح وداخل المكتب
قعد ايمن علي مكتبه وبجواره قعد هاشم وسامح واقف في منتصف الاوضه
سامح: خير يا بيه انا هنا بعمل ايه.؟!
ولع ايمن سيجاره وقال: قولي يا سامح هو اللي بيكدب بيروح فين.؟!!
سكت سامح ومردش
ايمن: بيروح فين يا هاشم بيه.؟؟!
هاشم: اظن بيروح الن*ار يا ايمن بيه
ايمن: سامع يا سامح اللي بيكدب بيروح ال*نار
رد سامح في توتر وقال:ايوه اللي بيكدب يا باشا وانا مكدبتش في حاجه
ايمن قال بصوت عالي خلي سامح اتنفض من مكانه
(لا كدبت، كدبت يا سامح)
انا لما سألتك امتي اخر مره ذرت يوسف قلت انك مشوفتهوش من قبل الح*ادثه بيومين صح.؟؟
-ايوه صح..
شوفت بقي انك كداب
لا مش كداب انا مشوفتش يوسف من قبل اللي حصل بيومين
وقتها شاور ايمن لهاشم وفورا هاشم شغل الشاشه اللي في المكتب واللي كان شغال عليها فديو كاميرات المراقبه بتاعت الصيدليه وهي جايبه سامح وهو بيشتري ماده الديبوسيمين وبعدها شغل فديو كاميرات العماره واللي جايبه سامح طالع العماره يوم الح*ادثه
بص سامح وكان بيبلع ريقه بصعوبه وعرقان والتوتر بان عليه
ايمن: كدبت ليه عليا.؟
رد سامح في توتر وقال والله معملتش حاجه
ايمن: كنت بتعمل ايه في الصيدليه وليه جبت العلاج دا بالتحديد وكمان انت قلت انك مرحتش ليوسف من قبل الحا*دثه بيومين امال كنت بتعمل ايه في العماره يوم الح*ادثه الصبح.؟!
سكت سامح ومردش
ايمن: ليه يا سامح قت*لت يوسف.؟؟
رد سامح بخوف وعصبيه وقال.. ق*تل... قت*ل ايه انا مقتل*تش حد والله ما لمسته
ايمن: تمام براحتك بس الفديو دا يثبت عليك التهمه وهتشيل الليله خده يا هاشم بيه علي الحجز
-لا اشيل ايه انا هتكلم
مش انا اللي قت*لته انا يادوب ساعدت في دا
رد ايمن بأهتمام وقال: اتكلم، اتكلم يمكن اقدر اساعدك.؟!
-يوسف كان بيحب بنت وكان هيخطبها والبنت دي انا بحبها وهو عارف اني بحبها من زمان لكن هي مكنتش معبراني انا اه محكتش ليوسف عنها ولا عن مشاعري نحيتها لكن هو كان ملاحظ خصوصا انها ساكنه قريب مننا وكان بيلاحظ نظراتي ليها كل شويه
وبعد فتره عرفت ان البنت بتقابل يوسف وكمان في بينهم كلام ويوسف حكالي وقالي انه بيحبها وهيخطبها
وفي يوم كنا قاعدين مع بعض انا ويوسف ولكن هو فاجأني وقالي: انا هخطب رحمه يا سامح.؟!!
قلت: رحمه.؟! رحمه مين.؟!!
رحمه عبد الله اللي ساكنه هنا جنبنا
-وملقتش غير رحمه يا يوسف.؟!!
ومالها رحمه.؟!
-لا بس رحمه انا بحبها وقبلك كمان وانت جاي دلوقتي بتقولي هتخطبها لا يا يوسف دا علي جث*تي
-بدا يوسف يزعق وانا كمان زعقت وهو قالي انه حسم امره وهيخطبها وهي كمان موافقه وطلب مني اني ابعد عنها وقالي لو اتعرضتلها هتشوف مني وش مش كويس
وقتلها حلفت وقلت والله لو قربتلها يا يوسف لهق*تلك وسبته ومشيت وبعد كام يوم عرفت انه بيجهز شقته علشان يتجوز وعرفت انه قابل ابو رحمه وكلمه في الموضوع وهو وافق عليه وكنت حرفيا بغلي وحاسس انه اخد مني حب عمري وقتها كنت قاعد في شقتي لما دخل عليا حسام اخو يوسف وكان متعصب وعيونه بتطق شرار وقالي عايز مني خدمه وهيديني 20,000
قالي ان هجيب نوع دوا من الصيدليه وادي يوسف منه واسيبه وامشي ولكن مقليش انه عايز يق*تله دا قالي انه عايز يخليه يدوخ شويه علشان يمضيه علي عقد تنازل عن الشقه
وقتها قلت فرصه ارد القلم ليوسف ووافقت وعملت كدا ولكن تفاجئت تاني يوم باللي حصل ولما رحت لحسام وقلتله اننا متفقناش علي كدا وعرفته اني هقول علي كل حاجه، هددني انه هيشيلني الليله وانا خوفت اتكلم لحسن رجلي تيجي في الموضوع..
ايمن: كمل
-دا كل اللي حصل والله
خده يا هاشم علي الحجز
خرج هاشم ونادي علي امين شرطه وطلب منه ينزل سامح للحجز
ايمن: هاشم عايزك تطابق ليا بصمات سامح وحسام بالبصمات اللي كانت في شقه يوسف واعرفلي هل في بصمات متطابقه ولا لا وهاتلي حسام من الانفرادي
هاشم: امرك يافندم
اتحرك هاشم وبعد دقائق دخل ومعاه حسام
ايمن: ايه يا حسام مبسوط معانا.؟
حسام: انا بعمل هنا ايه وايه اللي بيحصل دا انا مش فاهم حاجه
ايمن متجاهل سؤال حسام وقال: هات سيجارة من علبتك يا هاشم بيه علشان سجايري خلصت
اخد سيجارة وولعها وقال موجهاً كلامه لحسام: بتقول انك مش فاهم حاجه.؟!!! تصدق بقي انك انت فاهم كل حاجه بس بتستعبط
ايه علاقتك بق*تل يوسف اخوك.؟؟؟
حسام: ق*تل ايه وق*تل مين انت تقول ايه ازاي يعني هق*تل اخويا.؟!!
ايمن: تصدق عندك حق ازاي يعني تق*تل اخوك .؟!
قولي صحيح يا حسام انت خريج ايه.؟
-تجاره
تجاره.؟!! يعني مش شغال سباك.؟؟ ولا تجاره بقت بتخرج سباكين الايام دي.؟!
انت كنت بتعمل ايه علي المواسير بتاعت شقه يوسف ساعه الجر*يمه.؟ ايه بتسلكها.؟؟!
ملحقش حسام يرد علشان يشاور ايمن لهاشم واللي شغل فديو لحسام وهو بينط من بلكونه يوسف
اردف ايمن وقال: هو طبيعي يكون اخوك بيتق*تل جوه وانت تنط من البلكونه بعدين لو انت معملتش كدا يبقي ليه تنزل من العماره بالطريقه دا اصلا زي الحراميه؟!!
ولعلمك شريكك اعترف عليك ، سامح قال كل حاجه واحسنلك تتكلم والا قسماً بالله هتشوف ايام سوده علي ايدي
وقتها حسام دخل في حاله من البكاء والهيستريا وقال انا مقت*لتهوش هو اللي قت*ل نفسه بطمعه وجشعه هو اللي كوش علي كل حاجه حب ابونا وحنان امنا حتي الاهتمام والفلوس كل حاجه كانت ليه لوحده
ايمن: ايه اللي حصل احكيلي
وبالفعل حسام لما لاحظ انه خلاص اتكشف بدأ يحكي كل حاجه بالتفصيل....
"قبل الحادثه بيوم"
كنت قاعد انا ويوسف وريهام وامي في شقتنا وكان يوسف بيتكلم وبيقول
-انا هخطب يا امي وهبدأ تجهيز في شقتي وقريب هخلصها واتجوز
حسام: هتشتغل في ايه..؟؟!
يوسف: في شقتي يا حسام ما انت عارف ان بابا كاتبها بأسمي
-وبأي حق يكتبها بأسمك دا ظلم
لا مش ظلم علشان زي ما كتب الشقه دي بأسمي فهو دافع ليك مقدم شقه انت كمان
رد حسام في عصبيه وقلت: وهي الشقه اللي لسه قدامها سنين علشان تتسلم زيها زي شقه جاهزه وعلي المفتاح ، لا الصح ان الشقه دي تتباع وفلوسها تتقسم علينا يا اما اخدها انا وانت خد الشقه التانيه
اتكلمت ريهام وقالت: جري ايه يا حسام محنا عارفين ان بابا كاتب الشقه ليوسف ايه لازمته الكلام دا دلوقتي
حسام: بعصبيه ابوكي ادي كل حاجه ليوسف مش بس الشقه ومن زمان اوي اداه حنانه وخوفه اداه حبه واهتمامه، اداه كل حاجه وطول عمره ظالمنا
ردت امي وقالت: اتكلم علي ابوك كويس وابوك مظلمش حد
يوسف: ابوك مظلمناش بالعكس ادي كل واحد حقه انت بس اللي ديما حاسس بالنقص
الكلمه زعلتني واتقدمت ناحيه يوسف ومسكته من قميصه وقلت: ابوك ظلمني وظلم اختك لما اختارك وفضلك علينا وزمانه بياخد جزاته دلوقتي
وقتها يوسف زقني وضربني بالقلم علي وشي وسابنا ونزل
وقتها كنت متعصب ود*مي بيغلي وكنت عايز انزل ورا يوسف ولكن ريهام وامي منعوني وبعد شويه هديت وقعدت مع نفسي وجاتني فكره تخليني اخد الشقه من يوسف، قررت اني اديه منوم او اي حاجه تخليه يهلوس ووقتها امضيه علي عقد تنازل بالشقه..؟؟!
سبت الموضوع ومفكرتش فيه ونزلت وطلعت علي شقه سامح
ايمن قاطعه وقال: هو انت وسامح بتربطكم صداقه.؟؟!
-انا وسامح صحاب وكنت اوقات فراغي بروح واسهر عنده
تمام كمل
-وصلت شقه سامح ورنيت الجرس وفتح سامح.؟
ايه يا حسام خير.؟!
ايه مش هتقولي اتفضل.؟!
لا ازاي اتفضل ....
دخلت وقعدت ولاحظت تغير ملامح سامح وسألته في ايه
-هو في غير اخوك ياعم حسام ..
ماله يوسف بيك انت كمان ..؟
-يوسف ملقاش في الدنيا غير البنت اللي بحبها ورايح يخطبها..؟.
هو يوسف كدا ديما يحب ياخد الحاجه اللي مش ليه
-بس انا وشرفي ما هسيبه ياخدها يا حسام ولو بخروح روحي وروحه
وقتها رجع سامح بضهره علي الكنبه وقال انا بس لو معايا فلوس كنت اتقدمتلها ووقتها هي تختار بيني وبينه
وقتها جات في بالي الفكره اللي فكرت فيها قبل ما انزل واجي لسامح وقلت لسامح: طيب واللي يديك الفلوس دي مقابل خدمه صغيره.؟؟!
-لايمني عليه ابوس ايدك
انا هديهملك
-بجد يا حسام.؟؟ بس مقابل ايه
مفيش هديك اسم دوا معين تجيبه من الصيدليه وتحط ليوسف منه في المايه او العصير
-دوا ايه دا.؟؟
منوم يبني مش اكتر
-وليه هتعمل كدا
مفيش همضيه علي ورقه كدا
-ورقه ايه.؟!
تنازل عن الشقه، هاا موافق ولا اشوف غيرك
-الموضوع دا خطر
هديك 10,000
-هاخد 25,000
20,000 ودا اخري موافق ولا اشوف غيرك
-موافق...
تمام ساعه وهديك نص المبلغ والنص التاني لما تنفذ
ودا اسم الدوا هتجيبه وبكره تروح ليوسف وتديه منه وتمشي
قاطعه ايمن تاني وسأله: انت ليه دخلت سامح في الموضوع ليه مخلصتش انت كل حاجه لوحدك
رد حسام وقال: مكنش ينفع احتك بيوسف دلوقتي خصوصاً انه مد ايده عليا وكان زعلان مني وانا عارف يوسف مش بيصفي بسرعه علشان كدا استعنت بسامح
تمام كمل..
اخد سامح الورقه اللي فيها اسم الدوا وانا مشيت علي شقتي وقلت لريهام انا هبقي اعدي علي يوسف اصالحه وهي فرحت بكدا وخلاص
وبعد حوالي ساعتين كلمت سامح واديته نص المبلغ اللي اتفقنا عليه وقلتله النص التاني لما ينفذ...
وتاني يوم الصبح سامح كلمني وقالي ان كل شئ تمام ...
قاطعه ايمن وقال : هاشم بيه هاتلي سامح من تحت
وبالفعل وصل سامح للمكتب والاتنين كانوا بيبصوا لبعض والندم باين الي وشهم ولكن كانت في نظره لوم من حسام لسامح وكأنه بيلومه انه اعترف ووداهم في داهيه
اتكلم ايمن وقال: حسام حكالي كل حاجه ووصل لحد ما اخدت منه نص المبلغ اللي اتفقتوا عليه، اتفضل حابب اسمع منك اللي حصل
سامح: اخدت الفلوس من حسام ورحت الصيدليه وجبت الدوا دا واتحركت ناحيه شقه يوسف ورنيت الجرس
فتح يوسف الباب وقال: سامح..؟! عايز ايه.؟!
رديت وقلت: طيب مفيش اتفضل
-اتفضل
متزعلش مني يا يوسف حقك عليا المسأله نصيب وربنا يسعدكم
-تمام يا سامح ومن فضلك متجبش سيرتها علي لسانك تاني
ماشي ياعم مش هجيب سيرتها خلاص دي هتكون مرات اخويا، ايه معندكش حاجه في التلاجه تتشرب.؟؟!
-عندك المطبخ اهو شوف وهاتلي مايه معاك
دخلت المطبخ وجت اتنين عصير وكبايه مايه ليوسف ووقتها طلعت من جيبي علبه دوا وحطيت منها 6 نقط في المايه واديت الكبايه ليوسف ويوسف شرب المايه كلها ولكن لاحظت ان يوسف متأثرش بالدوا ومظهرتش عليه اي اعراض وقتها سبته ومشيت ورحت الصيدليه اللي اخدت منها العلاج وقلت للدكتور ان الدوا معملش نتيجه بسرعه
وقتها الدكتور قالي ان لو اللي اخد الدوا بيشرب سجاير او قهوه او اي منبهات ف الدوا بياخد وقت علشان يشتغل وقتها مشيت خصوصا ان انا عارف ان يوسف بيشرب سجاير وقهوه كتير ف قلت شويه والمفعول يشتغل
وكلمت حسام وقلتله كل شئ تمام بس الدكتور بيقول ان مفعول الدوا هيتأخر شويه علي ما يشتغل
ايمن: تمام كمل يا سامح.
سامح: اكمل ايه يا بيه دا كل اللي حصل معرفش حاجه تانيه ووالله مكنتش اعرف ان حسام هيق*تله انا اتفاجئت زي زي اي حد بخبر ق*تل يوسف وخوفت اتكلم ليتم اتهامي بأي حاجه
شاور ايمن لحسام وقاله كمل ايه حصل بعد كدا..
اتكلم حسام وقال: لما سامح كلمني كانت الساعه اتنين الضهر ووقتها قلت اتأخر شويه يكون مفعول الدوا اشتغل ويكون يوسف غايب عن الوعي تماماً
ولما رحت رنيت الجرس ولكن يوسف مردش وفضلت ارن لحد ما فتح الباب
يوسف كان واضح انه تعبان ولكن لسه شديد وفيه بعض الوعي
قالي: ايه اللي جابك عايز ايه
-جاي اسأل عليك
لاحظت ان يوسف دايخ ووقتها دخلت وقفلت الباب وقلتله المفروض الحق يرجع لصحابه يا يوسف
لاحظت ان يوسف مديني ضهره ومش مهتم بكلامي وسابني وقعد علي الكنبه في الشقه
طلعت العقد اللي معايا وقلتله امضي علي تنازل الشقه دي احسنلك يا يوسف
بصلي وكانت عيونه شبه مغمضه وقالي شقه ايه وتنازل ايه انت اتجننت .؟؟!
وقتها اتحركت ناحيته ومسكته من كتفه وكنت بهزه جامد وبقول اه اتجننت ، اتجننت من يوم ما شوفتك بتاخد كل حاجه مني ، اخدت امي وابويا، اخدت حبهم ،حنانهم،خوفهم،اهتمامهم،حرمتني من كل حاجه ، اتجننت فعلا يا يوسف وهاخد حقي دلوقتي
وبرغم ان يوسف دايخ وباين انه تعبان الا انه ضر*بني بالقلم علي وشي وزقني
وقتها جريت ناحيته وضر*بته بالبوكس في وشه وهو رد ليا الض*ربه بصيت جنبي لقيت مضرب بيسبول بتاع يوسف مسكته وضر*بته بكل قوتي علي ايده ويوسف صر*خ ومسك فاظه كانت علي الترابيزه وضر*بني بيها غلي د*اغي كسر*ها
ولكن بعدها فجأه وقع علي الارض....
كان واقع علي الارض مش بينطق مفيش حتي نفس طالع منه وقتهاا... وقتهاااا
سكت حسام ومكملش كلام وبدأ يب*كي ولكن ايمن قاله كمل يا حسام وبعدين
وقتها كان د*مي بيغلي ومكنتش حاسس بأي حاجه ولا حتي حاسس بعمل ايه وجبت المخده من علي الكنبه وكتمت نفسه ولما اتأكدت انه فارق الحياه مسكت ايده والقلم ومضيته علي عقد الشقه ولكن بعد لحظات فقت وحسيت بالمصيبه اللي عملتها دخلت في حاله من البك*اء ومكنتش عارف اعمل ايه وحسيت للحظه اني خلاص رحت في ستين داهيه
فكرت ان هيتقبض عليا ومكنتش عارف اعمل ايه وعقلي هداني لفكره وهي اني ابين ان اللي حصل ليوسف هو حاله انت*حار مش ق*تل وقتها فضلت ابص حواليا ومش عارف اعمل ايه وبصيت لقيت الفاظه المت*كسر جنبي ومسكت حته ازاز ومسكت ايد يوسف وقط،عت شرايينه وسبته في الارض واخدت العقد وقمت
قاطعه ايمن وقال: الشخص اللي بلغ قال انه سمع صوت تك*سير وصوت حركه في الشقه الحركه دي كانت منك اظن.؟؟
-لما قمت غصب عني دخلت في لوح ازاز كان في الصاله ووقع اتك*سر وقتها سمعت صوت حد بيخبط علي الباب وبينادي علي يوسف وقتها خرجت من البلكونه ونزلت علي المواسير ومشيت علي البيت وكنت مش طبيعي وخايف بس دا كل اللي حصل
اتنهد ايمن وقال: ياولاد الكلب ، بقي علشان بنت تساعد في ق*تل صاحبك وانت علشان شقه وشويه نقص فيك تق*تل اخوك..؟!! خدهم يا هاشم علي الحجز وحط كل واحد في زنزانه انفرادي ومضيهم الاول علي اقوالهم
وبالفعل مضي كل واحد علي اقواله ونزلهم هاشم وامين الشرطه علي الحجز
"مستشفي اسكندريه العام"
كنت قاعد في مكتبي وفجأه تليفوني رن
الو .. ايمن بيه ايه الاخبار
-تمام يا دكتور ، لو سمحت في حاجات مهمه لازم تعرفها تقدر تعدي عليا في مكتبي
تمام مسافه السكه واكون عندك
قفلت مع الرائد ايمن ونزلت ركبت عربيتي وطلعت علي قسم شرطه المندره
لو سمحت يبني بلغ ايمن بيه ان دكتور علي الطيب بره
تمام لحظه
دخل العسكري ولحظات ورجع وقال: اتفضل يادكتور
مساء الخير يا ايمن بيه
-مساء النور يا دكتور اتفضل
شاور ايمن للعسكري وقاله هاتلنا شاي يبني
ها يا ايمن بيه قلتلي ان في اخبار لازم اعرفها
-بدأ الرائد ايمن يحكيلي كل حاجه من اول موضوع احمد والكاميرا اللي سجلت حسام مرورا بالقبض علي سامح وحسام وانتهاءاً بأعترافهم
وقتها كنت مذهول من اللي بسمعه مكنتش مصدق ان يوسف اللي يخلص عليه هو صاحب عمره واخوه
دخل العسكري وحط قدامي الشاي وبصراحه مكنش ليا نفس اشرب بعد اللي سمعته ولكن ايمن قال: انا هطابق بصماتهم بالبصمات اللي في شقه يوسف مع ان ملهوش لازمه بعد اعترافهم بس برضو دا دليل يدينهم ويثبت التهمه عليهم
سبت الرائد ايمن ومشيت وعدي يوم وكلمت الرائد ايمن اسأله هل في اخبار جديده ولا لا وقالي ان بصمات سامح طلعت مطابقه للبصمات اللي في الشقه وكمان في بصمات في الشقه مطابقه لبصمات حسام
وقالي ان بكره معاد جلسه النطق بالحكم وقالي انه مستني يشوفني هناك
وعدي اليوم دا وتاني يوم الساعه 9 صباحا كنت قدام باب المحكمه ودخلت للقاعه واللي كانت مليانه ناس وعيني لمحت من بعيد الرائد ايمن قاعد وانا رحت ناحيته وقعدت جنبه
دخل سامح وحسام واللي كان واضح عليهم الندم والخوف خصوصاً حسام
وعلي الجانب الاخر كانت ريهام اخت حسام وامه، وطبعا بيبكوا بحر*قه وامه كانت منهاره وبصراحه من حقها من كام يوم فقدت ابنها الكبير وبعد شويه يطلع اللي قت*له هو اخوه وفي طريقها انها تفقده هو كمان
بدأت المحاكمه، وبدأت النيابه الكلام وبدأت في عرض ادله الاتهام وملابسات القضيه علي القضاه وبعد ساعه ظهر صوت القاضي وقال
الحكم بعد المداوله
عدت دقائق ودخل القضاه وقال القاضي بصوت جهوري
حكمت المحكمه حضورياً علي المتهم حسام احمد عبد المجيد بالاعد*ام شن*قاً
وحكمت المحكمه حضورياً علي المتهم سامح شكري عبد الكريم بالس*جن المشدد عشر سنوات مع الشغل والنفاذ
رفعت الجلسه.....
سبت المحكمه ومشيت وانا شايف صر*اخ ام قلبها بيتح*رق علي ابن م*ات بالفعل وعلي ابن في طريقه لحبل المش*نقه، سبتها منهاره وبنتها بتحاول تتماسك بعض الشئ
مشيت بعد ما سلمت علي الرائد ايمن والمره دي مكنتش مبسوط ان الحق رجع لصحابه زي كل مره
يمكن علشان القضيه المره دي صعبه
يمكن علشان شايف حر*قه قلب ام علي ولادها بالشكل دا
يمكن علشان مش مدرك ان شخص يتعرض للق*تل والخيا*نه علي ايد صاحب عمره واخوه
معرفش بس اللي متأكد منه هو اني مكنتش مرتاح ومشيت علي المستشفي
وعدي يوم وبعد كدا وصل اهل يوسف ومعاهم اذن باستلام ج*ثه يوسف لدف*نها وبالفعل نزلت وسلمتهم الج*ثه وطلعت مكتبي
*قسم شرطه المندره*
عدي اسبوع علي جلسه النطق بالحكم علي حسام وسامح، وكان قاعد الرائد ايمن في مكتبه وتليفونه يرن
ايوه مين.؟؟
ايه يبني لحقت تنسي صوتي.؟!! انا عصام عبد الرحيم يا احمد ايه مش فاكرني .؟!
-ازاي مش فاكرك يا عصام وحشني والله
انت اكتر عموما انا جنبك ايه موجود في القسم اعدي عليك.؟!!
-يا سلام اوي اوي مستنيك
عدت ربع ساعه وكان العسكري بيقول: المقدم عصام عبد الرحيم بره وعايز يدخل
دخله يبني بسرعه وهاتلنا اتنين شاي
دخل عصام وهو بيقول: ايمن بيه عاش من شافك وحشني والله
-انت اكتر اتفضل اقعد
ايمن: قولي ايه اخبارك
-اهو ماشي الحال مع ان زي ما انت عارف اللي ييخدم في الس*جن العمومي مش بيرتاح دا كفايه الاشكال اللي الواحد بيشوفها هناك
عندك حق والله ربنا يكون في عونك، ايه بقي سبب الزياره الكريمه دي
-مفيش والله يا ايمن بيه بس كان في سج*ين وصل الس*جن من كام يوم محكموم عليه بالاع*دام بس هو شكله محبش يستني الم*وت فقال يروحله برجليه
طلع ايمن سيجارة وقدم سجارة لعصام وقال بأهتمام : ازاي مش فاهم
-مفيش يا سيدي دا سج*ين وصل الس*جن من يومين وكان زي ما قلتلك محكوم عليه بالاع*دام وانهارده الصبح لقيوه قا*طع شرايينه ومنت*حر في الس*جن الانفرادي ، اخدت الج*ثه ونزلت بيها مستشفي الشرطه علشان اثبت الواقعه ولقيت نفسي قريب منك فقلت اعدي عليك
وقتها ايمن كان مستغرب وسأل عصام هو الس*جين دا اسمه ايه
بص عصام في التقرير اللي في ايده واللي يخص الس*جين وقال اسمه....
"حسام احمد عبد المجيد"
وقتها ايمن استغرب وسكت
عصام: مالك سكت ليه
-مفيش اصل الس*جين دا كان مت*هم بق*تل اخوه وكنت انا اللي ماسك القضيه
رد عصام وقال: سبحان الله الولد دا من يوم ما وصل السجن وهو مضرب عن الاكل وكان واضح انه ندمان وديما بيب*كي وكأنه ندمان علي كل حاجه
رد ايمن وقال: او يمكن حاسس بالذنب
يمكن محدش يعرف
ايمن: فعلا الجزاء من جنس العمل يلا الله يسامحه....
عدي الوقت ومشي عصام وساب ايمن في مكتبه بيطلع تليفونه وبيعمل مكالمه
"مستشفي اسكندريه العام"
كنت قاعد في مكتبي لما تليفوني رن
ايمن بيه ايه الاخبار
-تمام الحمد لله يا دكتور كان في خبر عايز ابلغك بيه
اتفضل
-حسام عبد المجيد تعيش انت..
معقول حكم الاع*دام اتنفذ بالسرعه دي
-لا دا مش حكم الاع*دام هما لقيو حسام منت*حر في الس*جن وقا*طع شراينه
وقتها استغربت وقفلت مع الرائد ايمن وانا مش متخيل ملابسات القضيه دي من بدايتها لنهايتها قضيه فيها كميه قس*وه وبشا*عه مشوفتش زيهم في حياتي
معقول صاحب يخ*ون صاحب عمره بس علشان بنت .؟!!
طيب معقول اخ يق*تل اخوه علشان شويه فلوس .؟؟!!
طيب هو ربنا حب يخلي حسام يدوق من نفس الكاس اللي داق منه يوسف ومحبش يخليه يموت بالاع*دام وخلاه يق*طع شرايينه بالظبظ زي ما عمل في اخوه.؟!!
طيب هو ايه الدافع اللي يخلي حسام يعمل في اخوه كدا ..؟؟
معقول يكون حب الاهل الزياده لواحد من اولادهم قادر يخلي باقي الاولاد يحسوا بالنقص والتفرقه ..؟!!
طيب هو ممكن يكون دافع يوسف هو الطمع..؟؟
طيب هو يا تري الاهل ظلموا مين..؟ ظلموا يوسف بحبهم الزياده ليه ولا ظلموا حسام بحرمانه من الحب زي باقي اخواته
طيب مين الظالم في القضيه دي
الج*اني ولا المج*ني عليه..؟؟
انا شايف ان الاتنين اتظلموا والاتنين مجني عليهم
بصراحه ملقتش اي اجابات لأسألتي وقررت اني خلاص اقفل القضيه دي وانساها مع اني مظنش ان دا هيحصل
في نفس اليوم دا كنت قاعد في المكتب وكان الجو صعب جدا وكان برد شديد ومطر ، ناهيك عن صوت الرعد اللي مش مخليني عارف انام كانت الساعه عدت واحده بعد منتصف الليل لما هدير خبطت علي مكتبي وهي بتقول يا دكتور .. يادكتور .؟؟!!
قمت وفتحت الباب ولقيت هدير في وشي
خير يا هدير عايزه ايه في الوقت دا..؟!!
-في ج*ثه وصلت تحت وفي امين شرطه عايزك تستلمها
تمام ياهدير انا هنزل وراكي
مشيت هدير وانا لبست جاكت تقيل ونزلت اشوف في ايه وبسأل نفسي وبقول ياتري الج*ثه دي مخبيه ايه ..؟؟!!
تمت......
ولو انت وصلت لحد هنا متنساش تتفاعل علي القصه باللايك والكومنت الجميل كمان اعمل شير للقصه عندك ومنشن لصحابك اللي بيحبوا الرعب وقولهم في عظمه بتحصل هنا
تمت