رواية اختفاء مجهول الفصل الخامس عشر15 والسادس عشر16 بقلم يارا محمد
ريما: باستغراب انتي بتعملي ايه هنا وازاي تدخلي من غير ما تخبطي واذنلك بالدخول .
روزالين: انا اسفه افتكرت مفيش حد هنا وبعدين زوجه عمي قالتلي ان مامتك هنا بتتعالج سلامتها حصل معاها ايه.
ريما مش كانت مرتاحه ل روزالين من الاول ولا طريقه تعاملها اتكلمت ببرود.
ريما: ببرود مش حصل حاجه شويه مضاعفات من عوامل سنها مش اكتر وهي مريضه قلق و توتر وده عملها مضاعفات مفيش حاجه .
روزالين: سلامتها مش تخافي هتبقي كويسه
قربت منها وبصتلها بابتسامه مزيفه
هتبقي كويسه يا سيده ماريان متخافيش
تصدقي ليه حق اوسكار يختارها هي جميله.
ريما: ف حاجه تانيه ولا هتطلعي
روز: لا مفيش عن اذنكم
ريما بصت الممرضه وطلبت منها أنه مفيش حد يدخل هنا غيرها يدوب الممرضه والأطباء بس وهي .
ثواني والباب خبط وكانت اليزيا .
اليزيا : حبيبتي طمنيني هي كويسه دلوقتي.
ريما: مش هكدب عليكي لا مؤشراتها مش مستجيبه للعلاج غير ببطئ شديد انا خايفه عليها اوي .
اليزيا: حضنت وشها مش تخافي هتبقي كويسه صدقيني الظاهر اخوها مش رحمها واعطاها بكميات كبيرة هتخف .
ريما: جدتي ممكن سؤال .
اليزيا: بابتسامه بعد كلمه جدتي دي اسئلي اللي عايزة ايه .
ريما: انتوا مضايقين اني جبتها هنا وهي مش كانت اختيار شريكه حياه بابا وكنتم هتجوزوه ل روزالين.
اليزيا: لو كنتي فاكرة أننا عيله بنجبر ولادنا ع جواز من أجل الشغل حتي لو مش بيحبها تبقي غلطانه يا حفيدتي علشان عمري ما جربت اوسكار ع حاجه بيئته أنه طلع ابن زعيم مافيا وغاص ف العالم ده بإرادته بس اوسكار عمره ما اتجبر ع حاجه ابدا طول عمره دماغه هي اللي ممشياه متخافيش هو اه مش كنت عايزاه يتجوزها علشان بتكون من كامورا الشرق وكنت رافضه تماما بس الظاهر أنه حبها.
أما روزالين ف هي مش كانت ف دماغ ابوكي من الاول مش خطفت قلبه اصلا.
لكن والدتك خطفت عقل وقلب ابوكي من أول نظرة فكانت اختياره متخافيش أنا مش بكرهها ابدا.
ريما حضنتها وشكرتها أنه مفيش من ناحيه امها ضغينه ابدا وطلعوا من الاوضه علشان ماريان ترتاح .
نزلوا وهما بيتكلموا مع بعض ومندمجين ومش لاحظوا روزالين اللي كانت واخده جنب وطلعت لنفس الاوضه بتاعت ماريان وكان الأطباء مش معاها لانه ليهم غرفه جنبها علشان يتابعوها
دخلت وقعدت جنبها واتكلمت
روزالين: بحقد بقي انتي اللي اخدتي مني اوسكار فيكي ايه احسن مني علشان يسيبني بأبشع طريقه ويتجوزك انتي حتي معرفتش انتقم منه علي اهانه كرامتي حتي لما سلمته لكامورا الغرب ع طبق من فضه وخنت العيله فلت منها
ايوة أنا اللي سربت معلومه ان اوسكار بيرلو ف طيارته متجه لهولندا زاك رايدر عضو كامورا الغرب هو اللي دبر القنبله بس للاسف حد وصله أن ف قنبله ف لعب لعبته ومراحش وحط واحد مكانه كان نفسي يموت بس بسيطه هموتك انتي بصلت لأنبوب الأكسجين وقفلته وماريان نفسها ونبضاتها بيقلوا واحدة واحدة متخافيش بنتك عليها الدور نسل اوسكار مش هيدوم مش هخليها عايشه لاني ما اشوفها بشوفه قدامي.
خرجت من الغرفه بس الممرضه لحقتها وعملتلها اللازم وانقذتها .
ريما واندريا كانوا قاعدين ف البهو الكبير وادريانو جه من الشركه بعد يوم شغل وقابلهم .
اندريا: كويس انك جيت يا ادريانو كنت عايزك.
ادريانو : خير يا جدي أؤمرني ف حاجه .
اندريا: كنت عايزك تاخد ريما معاك بكرة الشركه تعرفها ع المستثمرين بصفتها مدير تنفيذي للمقر الام هنا .
ادريانو: تمام مفيش مشاكل لو هي جاهزة تروح معايا وتبدأ شغل لو هي حابه .
ريما: بسعادة حابه اوي أنا بحب الشغل بالمناسبه يا جدي شركه بابا اللي ف مصر هنعمل فيها ايه .
ادريانو: احنا already عملنا يا بنت عمي الشركه انضمت لمجموعه الشركات ف كل دوله .
ريما: و ضميتها ازاي وامتي.
ادريانو: متشغليش بالك ضممناها بمعرفتنا وخلاص .
روزالين: بدلع ادريانو مش وعدتني انتا هنخرج النهاردة يالا.
رينا: طول عمري مش بحبك امتي هنخلص منك
سكاف: اصبري يا رينا اهدي مش دلوقتي مش عايزين نحسسها أننا مش عايزينها.
ريما: جدتي هي مخطوبه ل ادريانو
اليزيا: ادريانو اصلا مش بيحبها بس مضطر علشان ف شراكه بينا وبين ستيف ابوها
ريما: اه فهمت عن اذنكو هروح انام بكره يوم طويل .
تاني يوم ريما قامت بدري واستعدت ولبست فورمال وخرجت من الاوضه ولقت ادريانو ف وشها وابتسمت.
ريما: صباح الخير.
ادريانو: صباح النور جاهزة ولا لا.
ريما: ومتحمسه اوي مش قادرة اصدق اني همارس حياتي الطبيعيه من تاني
ادريانو: انت مش مقتنعه ليه أن الشركه مجرد ستار لشغلنا الحقيقي المهم تحبي بعد الشغل اوريكي نابولي شويه.
ريما: اكيد ليه لا.
خرجوا للشركه مع بعض ورينا كانت ع وشها ابتسامه بسيطه ليهم وفكرت ف فكرة بس هل يا تري هتنفع ولا النار هتنفتع عليهم فاقت ع صوت سكاف.
رينا: بشرود بتقول ايه .
سكاف: سرحانه ف ايه بقول مين هيستلم عمليه بيع سبائك الدهب أنا ولا انتي .
رينا: سيبك من الشغل دلوقتي أنا عندي ليك اقتراح هتقبله ولا لا.
سكاف: لو الاقتراح ينفع يتنفذ خير اي هو .
رينا: اي رايك بريما .
سكاف: باستغراب ريما بنت اخويا ليه.
رينا: سكاف نفسي ف مرة تجاوبني من غير اسئله قولي دلوقتي اي رايك فيها .
سكاف: تمام همشي وراكي البنت باين انها ذكيه وواعيه مش بتقبل الخسارة وجديه ف الشغل .
رينا: بالنسبه لأنها كانت متجوزة وكان معاها بنت .
سكاف: رينا انتي عايزة توصلي لايه بالظبط ايه هدفك من السؤال.
رينا: توافق لو بنت اخوك بقت كنه ليك .
سكاف: ادريانو وريما بصي لو أبويا وافق اوكي بس من ناحيتها هي لا يا رينا .
انتي ناسيه هي اتخدعت ازاي وامها هربت من أهلها ازاي .
رينا: خلينا مش نسبق الأحداث طيب اعرض الموضوع ع ابوك ممكن.
سكاف: تمام هشوف.
ف الشركه دخل ادريانو وريما والكل وقف باحترام لرئيسهم المباشر ووقف قدامهم واتكلم.
ادريانو: ببرود من النهاردة ف نظام جديد اعرفكم بريما بنت عمي والمدير التنفيذي للشركه هنا ولو مش كنت موجود ف اي وقت هي هتباشر الشغل ارجعوا للشغل واتحركوا ع المكتب فتحه وبصلها.
ادريانو: اتفضلي مكتبك بتمني أنه يعجبك.
ريما دخلت ولقت لونه رصاصي وف كل حاجه هي عايزها وانبهرت بيه وابتسمتله
ده حلو اوي مش قادرة اوصف جمال المكتب
دخلت السكرتيرة عليهم ووقفت باحترام بينهم وبعمليه.
كريستين: بعمليه واحترام اهلا بيكي يا فندم أنا سكرتيرتك الخاصه بمكتبك بتمني اكون مفيدة ليكي .
ادريانو: كريستين كانت سكرتيرتي بس نقلتها ليكي وجبت سكرتير ليا كريستين فهمي نظام الشغل للمدام ومش تسيبيها غير وهي بتقولك فهمت كل حاجه .
كريستين: بعمليه تمام يا فندم هعمل كده .
ادريانو مشي ومفضلش غير ريما وكريستين.
كريستين: تحبي تبداي من فين يا فندم.
ريما اندمجت معاها ف الشغل وعطتها ملفات تراجع عليهم وتمضيهم ومش سابتها غير وهي فاهمه النظام رجعت كريستين مكتبها وبدأت شغلها المباشر وفضلوا طول اليوم ف المكتب وخلصوا .
ادريانو: جاهزة نتمشي شويه واعزمك ع الغدا .
ريما: تمام يالا .
اخده مطعم شيك اتغدوا فيه وكان بيتكلموا ف كلام عشوائي
جاتله رساله من جده أن ماركوس مش نفذ ولا جاب الفلوس اللي عليه وطلب منه يتصرف خرجوا من المطعم واتمشوا شويه ف الشارع بس سابها شويه وقلها ف حاجه لازم يعملها وشافته عدي شارع جانبي راحت وراه.
واستخبت ف ركن وشافت ادريانو هو بيتكلم مع حد باين عليه الخوف والرعب.
ماركوس : بخوف سيد ادريانو ارحمني اعطيني فرصه تانيه وانا هنفذ المطلوب مني.
ادريانو: انت خنتنا يا ماركوس ومش نفذت الحاجه المطلوبه منك اخدت نص الدهب ليك يعني طمعت.
ماركوس: برعب أنا آسف مش هتتكرر اديني فرصه تانيه وهثبتلك ولائي.
ادريانو: ببرود قاتل للاسف فات الوقت ولازم تتعاقب
ريما كانت بتسمعهم واستغربت من أنه هيعاقبه ازاي ملحقتش تفكر
سمعت صوت ضرب رصاص ودماغه انفجرت وشافت الشاب ميت ف لحظه مش استحملت المنظر وصرخت بصوت عالي ادريانو لاحظها وراح ليها .
ادريانو : ظبط كل حاجه مش تسيب اثر فاهم.
شافها بتجري راح وراها ومسكها وهي صرخت
ريما: بخوف بعد عني مش تلمسني .
ادريانو: انتي ايه اللي جابك ورايا ممكن افهم.
ريما: بصراخ ده اللي همك مش هامك انك قتلت واحد بدم بارد.
ادريانو: ببرود كنتي عايزاني اعمل ايه يعني خالف اومرنا ف عاقبته
ريما: بالقتل عقابكم بيكون كده.
ادريانو: ببرود شكلك ناسيه أننا مخالفين القانون احنا مافيا لغتنا القتل والدم وبس وانتي منهم جزء مننا من ساعه ما وعيتي ع الدنيا .
ريما: بشجاعه وانا ممكن عادي اهرب اسيب الدنيا كلها واهرب منكم مش بيهمني
ادريانو: يبقي جانيتي ع نفسك بكده انتي خلاص بقيتي ف عالم اندريا بيرلو واياكي تغضبيه أو تحاولي تهربي ساعتها هينسي انك بنت اوسكار ويخلص عليكي بطلقه واحدة انتي من نسل الندرنغيتا يعني اخطر ناس مش بيرحمو ابدا عيشي وتاقلمي تمام يالا بينا هنكمل التمشيه ونروح.
اخدها فسحها شويه وهي كانت بتفكر ف كلامه خلاص هي وقعت ف شباكهم ومفيش منفذ للهرب شكل الراجل وهو بيموت مش ناسياه ابدا بعد ساعتين وصلوا القصر وهي طلعت لغرفه امها عطول ومش سلمت ع حد .
اندريا: باستغراب ادريانو حد ضايقها.
ادريانو: لا يا جدي بس كل الموضوع شافني وانا بصفي ماركوس.
اليزيا: شافتك ازاي هي المفروض مش كانت تشوف حاجه لغايه ما تطمن
ادريانو حكي اللي دار بينهم واندريا أمر يهدو اللعب شويه لغايه ما ريما تحس بالامان .
رينا غمزت لسكاف يتكلم ف الموضوع إياه.
سكاف: والدي هو لو انا اخدت رايك ف موضوع توافق
اندريا: واي هو الموضوع ده
سكاف: بتردد جواز اي رايك لو جوزت ريما لابني .
اليزيا: بفرح فكرة حلوة اوي أنا موافقه بس ياريت هي توافق .
ادريانو كان هيتكلم بس سمعوا صوت روزالين الغاضب.
روزالين....
الفصل السادس عشر
تاني يوم نزلت ع الفطار وهي لابسه بنطلون واسع وتيشرت اسود قعدت معاهم واكلت ف صمت بس بعدها اتكلمت
ريما: سيد اندريا لو فاضي بعد الفطار ممكن اتكلم معاك.
الكل بصلها من الجمله القصيرة اللي قالتلها بتفاجئ واستغراب
اندريا: بابتسامه هتتعودي عليا بعدين وهتناديني بجدي أنا مش مستعجل ع ده تمام هنتكلم وحدنا
خلصوا فطار وطلب منها تيجي وراه ع المكتب وطلب عصير فراوله ليها وبصلها
اندريا : قولي عايزة تتكلمي ف ايه
ريما: عايزة اعرف انت بدور عليا من امتي بالظبط وابويا امتي ساب البيت ومشي.
اندريا : سابه بعد مع عيله كامورا الغرب كانت هتغتاله ف الطيارة وراح روسيا
فلاش باك
اندريا : اوسكار انت كويس صابتك جروح أو الانفجار طالك
اوسكار : متخافش يا ابويا أنا ابنك ابن اندريا بيرلو معرفوش يموتوني أنا لسه سليم .
اليزيا : بخوف ابني انت كويس حصلك حاجه .
اوسكار: مش تخافي يا والدتي أنا بخير
ابويا أنا هطلب منك طلب ممكن
اندريا : خير يا اوسكار ف بالك خطه انتقام معينه.
اوسكار: لا مش دلوقتي بس كل اللي طالبه هو اني هعيش ف روسيا فترة.
اندريا: ازاي يعني ما اللي كانوا هيغتالوك من كامورا روسيا الغربيين لا مش هسمح انك تروح هناك برجلك ليهم
اوسكار: ومين قال إني هروح هناك بصفتي اوسكار بيرلو .
اندريا: باستغراب مش فاهم انت ناوي ع ايه.
اوسكار...... فهمتني دلوقتي
اليزيا : نعم تغير شكلك واسمك علشان تعرف تصفيهم واحد واحد لا مش ممكن أنا لا يمكن اسيبك تضيع نفسك.
اندريا: اليزيا اسكتي ابنك عاقل وعارف مصلحته فين تمام يا اوسكار هسيبك تنفذ مخططك بس هتشتغل من بعيد معايا ولا ايه
اوسكار: ف شركه معروضه للبيع لأن صاحبها مش سدد الديون اللي عليه ف صفاها هي كبيرة بس معرفش يديرها كويس أنا عايز من حضرتك تقفل الديل بتاعها أنا هعرف اديرها بما اني دارس برمجه .
اندريا: مش تقلق ف شهرين العمليه وشفائك هتكون الشركه ليك وهتشغل مؤقتا تحت ايدين رافي لغايه ما تستلمها انت
رافي
رافي: أوامرك يا سير
اندريا: الشركه المحطوط عليها الطلب دي تقفل الديل بتاعها باي مبلغ وتستلم شغلها مؤقتا فاهم ف ظرف شهرين عايزها مشهورة ف روسيا كلها
رافي: أوامرك بس هيكون العقد باسم مين اكيد مش اسم السير الصغير
اوسكار: البيع باسم زين النهري يا رافي سامع
رافي: أوامرك .
باك
اندريا : ابوكي عمل العمليه وفضل ف فترة النقاهه شهرين وظبط ورقه باسم زين النهري وسافر روسيا وفعلا خلينا الشركه ليها مستثمرين وشركا ف شهرين وكان بيصفي أفراد كامورا الغرب بذكاء شديد وبمعرفته كده انتي عرفتي النص الاول من الحكايه
أما بدأت ادور عليكي ده كان بعد موته بشهر لأننا كنا ف حاله حزن ومتخبطين اوي صدمه موته كانت أكبر كسرة ليا بس أنا مش اتهزيت ولا خليت حد يشمت فيا واللي فكرني جدتك .
فلاش باك
اليزيا: بدموع دلوقتي ابني مات اول فرحتي بعد اخوه الصغير مات بس مش هسيب بنته ابدا يا اندريا فاهمني.
اندريا: بتذكر ريما كويس انك جبتي السيره أنا هخليها تعيش بين أهلها ابوها سابني وعمل اللي ف دماغه وكانت آخرته رصاصه من ماتيو دينيارو بس دول حسابهم بعدين اول حاجه ريما وبس .
رافي تعالي عايزك ف موضوع .
سكاف: امي هو ف ايه ابويا بيخطط لايه
اليزيا: بنتنا البعيدة هترجع من تاني .
سكاف: قصدك مين .
اليزيا: بنت اخوك انت ناسي ان اوسكار ليه بنت وحيدة وكان بيبعت صورتها ف كل مراحلها العمريه
سكاف: اه صحيح افتكرت بس اشمعنا دلوقتي قرر ده.
اليزيا: ابوك عايز بنت ابنه ف حضنه مش عايزها تبقي بعيدة زي ما ابوها بعد وسابني حبيبي انا اسفه لو معرفتش اديك الحب اللي عطيته لاخوك.
سكاف: بصدق مش مهم كفايه انك جنبي صدقيني وهنبقي ف اسعد لحظات حياتنا لما ابويا يرجع بنت اوسكار صحيح هي اسمها ايه
اليزيا: سماها اسم عربي اظن ريما .
سكاف: غريبه سماها اسم عربي كنت فاكر هيسميها اسم ايطالي .
اليزيا: مرضيش وكمان علشان مراته مش تشك فيه وتعرف أنه من عضو خطير من المافيا .
سكاف: اوه اوكيه تمام
ف المكتب
اندريا : رافي ده عنوان بيت اوسكار ف مصر عايزك تسئل ع بنته وتجبلي اخبارها لغايه ما نشوف طريقه نجيبها هنا ازاي .
باك
اندريا : بس وكانت اخبارك كلها عندي دراستك مجالك اللي تخصصتي فيه وادارتك لشغل ابوكي بحرفيه لغايه جوازك المشؤوم واللي حصلك بعد كده
فلاش:
رافي سير اندريا المدام الصغيرة مش ليها اثر ف مصر كلها اختفت بطريقه مريبه
اندريا: بغضب ازاي يعني رافي أنا مكلفك باخبارها وانها تكون تحت عينك ازاي غلطت غلطه شنيعه كده تقلب مصر عليها فاهم والمرة دي لو لقيتها تبقي انت وهي هنا فاهم.
باك
اندريا: دورت عليكي شهور لغايه ما حد من رجالتي اللي زارعهم ف بيت رافييل شافك واماليدا كانت بتسلمك ل جايكوب جيرمان والجاسوس اللي ف بيته كمان بلغني أنه عايز يتجوزك وبس اخدتك وانتي هنا قدامك.
ريما: ياه كل ده قد كده انا مهمه ليك واستحق اللي اتعمل علشاني
اندريا: واكتر كنت مستعد احرق الدنيا علشان ارجعك هنا ولا انك تتاذي من حد .
ريما: طيب واماليدا والباقي عملت فيهم ايه
اندريا: انتي فوضوليه اوي ابوكي مش كان كده
ريما: بابتسامه كلنا عندنا فضول تجاه كل حاجه ها قولي بقي .
اندريا: هقولك بس نفذت فيهم عقابي بمعرفتي .
ريما: ازاي .
اندريا: يعني اماليدا رمتك تحت رجلين جايكوب ف أنا رميتها تحت رجلين اسوء شخص ف روسيا تحت رجلين ملاك الظلام وده شخص مش يعرف الرحمه حتي لو حد اذي أشخاص تخص المميزين عنده .
ريما: وانت مميز عنده اوي
اندريا: فوق ما تتخيلي جمايلي عليه كتيرة وساعدته لغايه ما بقي شخص بيعرف يزرع الرعب ف الناس .
ريما: وماتيو أو ياسر عملت ف ايه
اندريا: شركته اللي كبرها ف خلال قعدته ف مصر وقعت خالص خليت الديون تتراكم عليها من الإهمال فيها وصفقات غير مربحه واخيرا حرقتها .
أما رافييل ف ده سحبت منه بساط السلطه من أيده سادة روسيا الكبار عرفوا بطريقه ما أن أخته كانت متجوزة مصري وده قانونا مش ينفع ف عرفهم صفوه بطريقتهم دلوقتي ينفع ترتاحي يا ريما اه ف تخص ادريانو شغلها كله برمجه وتصميم كومبيوتر وكده.
ريما: باستغراب اه عارفاها قلي امبارح بس ليه بتقولي كده
اندريا: بابتسامه علشان بقيتي عضو فيها رسميا ومنصبك بقي مدير تنفيذي بجانب إدارة ادريانو للشركه.
ريما: كده ادريانو وعمي مش هيبقوا مضايقين من القرار ده .
اندريا: مش تخافي لا ابني ولا حفيدي طماعين ابدا يعني أمان وبعدين فرصه تنسي اللي حصلك من ازمات .
ريما: بسعادة حضنته وشكرته
شكرا يا جدي اوي كنت فاكرة اني هلاقي معامله سيئه وهعيش في جحيم بس لقيت العكس بشكرك اوي .
اندريا: أنا اللي شكرا ليكي لأنك رجعتيلي روحي اللي ماتت مع ابوكي من زمن وبمناسبه كلمه جدو دي ليكي هديه عندي بس مش دلوقتي .
ريما: عن اذنك هروح اطمن ع ماما .
خرجت من المكتب وهي مبسوطه ودموعها نازله وراحت لامها
واندريا بلغهم باللي اتكلموا فيه
بس سمعوا صوت روزالين وراهم .
روزالين: خير يا جماعه فرحونا معاكم .
اليزيا: مفيش يا روز انتي جيتي ليه
روز: مفيش يا زوجه عمي جيت علشان اقعد مع حفيدتك شويه هي فين ف غرفتها.
اندريا: لا يا بنت اخويا هي ف غرفه الضيوف مع الأطباء ووالدتها.
روز: بحقد دفين هي والدتها هنا ممكن اروح اشوفها
اليزيا: روحي بس اسمعي لو جايه علشان تفشي غليلك من ماريان علشان اوسكار فضلها عليكي تبقي تبعدي خالص .
روز: بحقد وغل مش تخافي يا اليزيا هانم قصتي مع ابنك ماتت من ساعه ما رفضني .
سابتها وراحت الاوضه واليزيا بتبصلها بشك فيها روز دخلت الاوضه من غير ما تخبط وريما كانت بتعتني بأمها وبصتلها باستغراب.
ريما: انتي بتعملي ايه هنا
روزالين.....