رواية انتقام مؤجل الفصل الحادي عشر11والثانى عشر12 بقلم يارا محمد
ادريانو دخل المكتب ورا جده اللي كان ف حاله غضب وإنكار للي بيحصل حفيده عمل كده من وراه ومن غير ياخد رأيه ف حاجه.
ادريانو: خير يا جدي اظن احنا اتكلمنا برة مالوش لازمه كلامنا دلوقتي.
اندريا: بغضب شديد احنا لسه مش بدأنا الكلام يا ادريانو ممكن تقولي ليه اتجوزتها هي بالذات لا وكمان كتبت شركه من شركاتنا ليها ايه اللي حصل فجاه ده كان سبب طلاقك السريع من ريما.
ادريانو: اه يا جدي ده سبب طلاقي من ريما أنا حبيت اوليفيا ذكيه وواعيه وكمان هتفيدنا ف شغلنا.
اندريا: بجد وهتبقي مفيدة ازاي لينا هي مجرد محاميه وبس .
ادريانو: وكمان ليها ف القنابل وتركيبها وتفكيكها ومش تنسي أنها اللي ساعدتني وجابت مضاد السم ليا ف ده اقل حاجه اقدمها
اندريا: كلمه واحدة يا ادريانو تنفصل عنها فاهم مش عاوزين منها حاجه تاني وانا اديتها حسابها لما جبت ليك العلاج مالوش داعي جوازك منها.
ادريانو: لا يا جدي مش هطلق سيبني احس و لو مرة واحدة اني اخترت حاجه بمزاجي أنا طول عمري انت بتختار ليا وممشي ليا حياتي أنا عايز احس اني حر ف اختياراتي.
اندريا: طيب وريما واللي حصل .
ادريانو: برده عامل حساب ليها و لزعلها اعمل حساب ليا مرة و تدعمني ف حاجه بحبها.
اندريا: وانا مش موافق يا حفيدي والشرطه اللي كتبتها باسمها ترجعها فورا.
ادريانو : عن اذنك يا جدي أنا تعبان محتاج ارتاح.
ادريانو خرج من اوضه المكتب بوجه واجم ومش عاجبك اللي حصل حتي اختياره الوحيد جده رفضه ولسه عامل خاطر ل بنت ابنه دخل غرفته لاقاها مغيرة لبسها ومستنياه .
اوليفيا: حبيبي قولي عرفت تقنعه بحاجه أو هو اقتنع بجوازنا.
حكالها اللي حصل ورفضه القاطع لجوازته وبغضب شديد.
ادريانو: حتي بعد اللي حصل عامل حساب ليها ول زعلها يعني كل اللي فارق معاه وبس ريما ابتديت احس انها عبئ ولازم اخلص منه.
اوليفيا: ممكن تهدي شويه عصبيتك مش هجيب نتيجه يمكن عامل حسابها علشان هي لسه طالعه من اجهاض وخايف ع زعلها مش تخاف لما يهدي هتلاقيه فرحان بينا.
ادريانو: ده حتي لما قولتله انك هتساعدينا ف شغلنا وليكي ف شغل القنابل وتفكيكها مش همه ابدا كأنه شايف ريما وبس.
اوليفيا: معلش اهدي مفيش شئ مساهل وبعدين هنفضل نجيب سيرة اللي حصل النهاردة بس مش مهم هما كلهم المهم احنا وبس أنا بحبك وده كفايه يالا معاد جرعه المصل.
ادته المصل المضاد اللي خفف من آثار الفيروس شويه وبعدين قضوا ليلتهم الأولي بحب وشغف لبعض ع الناحيه التانيه ريما كانت ف الاوضه بتاعتها بتبكي وعرفت ان اللي شاكه فيه صح هو سابها علشانها بس هي مش هتسمح ليهم يحسسوها بالانتصار عليها هترجع شغلها ومش هتهتم لحد ابدا الباب خبط واذنت بالدخول دخل ديفيد ليها.
ديفيد: ممكن ادخل اتكلم معاكي.
ريما: خير يا ديفيد عايز ايه تاني.
ديفيد: اواسيكي يا ريما مش عايز حاجه غير اواسيكي أنا عارف ان اللي حصل دلوقتي صعب تتقبليه بس أنا هدعمك.
ريما: بعصبيه مش عايزة حاجه من حد كويس أنه اتجوزها وريحني وريح نفسه ع الأقل لقي واحدة شبهه هي محاميه فاسدة وهو بيشتغل ف الممنوع ومش عايزة حد يواسيني أنا كويسه ممكن تخرج .
ديفيد: يا ريما ممكن تهدي و نتكلم بهدوء شويه العصبيه مش هتحل حاجه.
ريما قربت منه ومسكت دراعه وفتحت الباب وطاعته برة وقفلته وقعدت وراه وفضلت تبكي ديفيد متفهم شعورها وإحساس كسرتها ده مش لقي حاجه يعملها غير أنه يدي ضهره للباب لمحاوله منه أنه يدعمها فضل قاعد وضهره للباب واتكلم.
ديفيد: عارف انك سمعاني دلوقتي مش تخافي أنا معاكي وبدعمك لو تحتاجني حاجه انا هنا يا اختي .
ريما سمعت كلامه ونفسها تصدقه هي اتخذلت من الكل ومش مستعدة تصدق حد تاني والحد ده عايز ينتقم من عيلتها فونها رن قامت تشوفه الرقم كان خاص ومش ظاهر ف اضطرت ترد
ريما: الووو مين معايا.
الشخص ......
ريما: باستغراب تمام هقابلك بكرة ف كافيه المدينه.
ريما قفلت واستغربت من المكالمه دي بس فضولها حركها لأنها عايزة تعرف مين ده.
حست انها تعبانه ف نامت من الارهاق والتعب و ديفيد مشي بس هيحاول يكسب ثقتها باي طريقه راح ل دان وقعد معاه شويه.
دان: طمني ايه الاخبار دلوقتي ف الفيلا.
ديفيد حماله كل اللي حصل وحاله ريما دلوقتي بعد اجهاضها و زواج ادريانو من اوليفيا.
ديفيد: أنا مش عارف ليه اوليفيا كانت مصممه ع جوازها من ادريانو وكرهها الشديد لجده مش قادر افهم.
دان: طار قديم وعايزة ناهدة باي تمن حتي لو هتدوس ع ناس ابرياء مش ليهم ذنب.
ديفيد: واي اللي بينها وبينهم عايزة تنتقم منهم .
دان : مش تشغل بالك المهم ريما انت قولتلي انها ف انهيار بعد اللي حصل
ديفيد: اه بتسئل ليه.
دان: تبقي دي فرصتي هي عايزة حد يواسيها ويدعمها ودي خطتي الجايه أنها توقع ف حبي واتجوزها وبكده تكون انت انتقمت منها عن طريقي.
ديفيد: لا يا دان خرج ريما برة حساباتنا أنا مش هعمل كده فيها هي مش ناقصه .
دان: بسخريه ليه حنيت دلوقتي وخشيت أنها اختك بجد مش دي اللي بسببها والدتك ماتت
ديفيد: خلاص يا دان انتهي النقاش ف النقطه دي ريما لا فاهم.
دان: بكذب حاضر يا صديقي اللي تشوفه و ف نفسه بس أنا مش هسيبها دي هي اللي مطلوبه للعمليه الجديده وخلاص بياناتها وصلت للجماعه.
تاني يوم ريما راحت كافيه كبير وسط المدينه وقعدت ع طربيزة مستنيه المجهول اللي اتصل بيها فضلت مستنيه ساعتين و ف الآخر ظهر.
الشخص: بتاسفلك جدا بس كان ورايا شغل يعتذر ع التأخير.
ريما: ولا يهمك قولي انت طلبتني ليه وانت مين.
الشخص: اريان أنا المقدم اريان صديق اوس فكراه.
ريما: بحنين اوس عمري ما هنساه ده اللي ضحي بنفسه علشان ينقذني وف الاخر مات بسببي بس انت كنت عايزني ف ايه .
اريان.....
12
اريان : أنا عايزك تساعدينا نقب*ض ع عيله بيرلو زمان مش عرفنا نقب*ض ع جوزك وعيلته وده لأنهم اتصفوا تماما دلوقتي الهدف بقي عيلتك ولازم نقبض عليهم لأنهم بيخططوا لعمليه خطيرة .
ريما: ودي نوعها ايه بالظبط ممكن اعرف.
اريان: تجارة أعض*اء وسل*اح بكميات كبيرة افي*ون وقناب*ل عقارات سام*ه وكيمائ*يه وللاسف انتي من ضمن العمليه دي.
ريما: أنا ايه الكلام ده جدي مش ممكن يئذيني ابدا أنا بنت ابنه معقول يضحي بيا لا اكيد انت غلطان.
اريان: كان نفسي اقولك اني غلطان ف المعلومات بس للاسف اتاكدنا من المعلومه ف الفترة الأخيرة انتي بقيتي خط*ر ع جدك بنسبه كبيرة وقرر يبيعك لل*د*ارك وي*ب وهما يخططوا يعملوا ايه فيكي يعني انتي مجرد صف*قه ليهم.
ريما مصدومه مش قادرة تستوعب اللي بتسمعه ازاي جدها يفكر التفكير البشع ده معقول جدها اللي يكون بيدور عليها لغايه ما لقيها يتخلي عنها بسهوله وبساطه كده للاسف هي حست بالغدر للمرة التانيه وقررت هتعمل ايه.
ريما: أنا دوري ايه معاكم ممكن اعرف اذا كان هما قرروا يتخلوا عني بأبشع طريقه أنا كمان هسلمهم حتي لو ع موتي ع الأقل انتقم منهم ف موت اوس واللي عملوه فيه.
اريان: باستغراب وهما عملوا ايه غير انهم قتل*وه.
ريما: حضرتك مش بصيت ف جسمه بعد موته اخده قلبه وباعوه أنا عشت معاهم فترة كبيرة وعرفت أنهم مش ليهم عزيز.
اريان: طبيعي يعملو كده تمام يا مدام ريما انتي هتكوني عنينيا هناك تبلغينا بتحركاتهم اول باول تمام.
ريما: اكيد أنا لازم امشي عن اذنك.
اريان: اتفضلي استني ده جهاز تنسط تحطيه ف مكتب جدك وهيكون متوصل بالفون بتاعنا هنسمع من خلاله كل حاجه.
صحيح تعرفي الشخص اللي ف الصورة دي
ريما اه ده رجل اعمال مصري اسمه رامي الوديدي ليه
اريان: بس ده مش رجل اعمال مصري ده صديق ديفيد اللي رجع ينتقم منكم و اسمه دان ابن الراجل اللي ربي ديفيد وهو اللي زقو عليكي احترسي منه.
ريما :تمام اخدت الجهاز واتمشت شويه ف البلد وبعد ست ساعات رجعت وقابلتها اوليفيا بابتسامه.
اوليفيا: اي ده كل ده برة يا تري كنتي فين ده كله.
ريما: بابتسامه زيها وانتي مالك بيا بتدخلي ف شؤوني ليه خليكي ف جوزك يا سيادة المحاميه تمام .
اوليفيا مسكتها من دراعها ووقفتها قدامها تاني.
اوليفيا: اوعي تفتكري اني هسيبك ف حالك انتي غلطتي فيا كتير وزي ما اخدت منك جوزك هاخد الكل لصفي لما يشوفوا شغلي اللي هينفعهم هينسوكي خالص.
ريما: بتنهيدة طيب تمام اعملي كده تبقي ريحتيني الصراحه .
اليزيا خرجت وشافتهم قدام بعض ف استغربت.
اليزيا: ريما في حاجه ولا ايه واقفين كده ليه وبعدين أنا طلعت اوضتك مش لقيتك كنتي فين.
ريما: كنت مخنوقه يا جدتي ف كنت بتمشي شويه واما بالنسبه لأننا ليه قدام بعض كده ف زوجه حفيدك المبجلة تقول ليكي بصراحه انا مش فاضيه ليها عندي شغل عن اذنكم.
ريما سابتهم وراحت اوضتها وقبل ما توصل شافت ادريانو تجاهلته وكملت مشي دخلت اوضتها وبصت للجهاز اللي ف شنطتها .
ريما : احطك ازاي ف المكتب بس هحاول اعمل حاجه الظاهر كده نهايتهم قربت.
ريما ارتاحت شويه ونامت بعدها نزلت لجدها المكتب وطلبت أنها تتكلم معاه.
اندريا: خير يا ريما كنتي عايزاني ف ايه اخبارك ايه الاول بقيتي احسن.
ريما: بابتسامه كويسه يا جدي وبصراحه كنت جايه اكلمك ف الشغل شويه.
اندريا: شغل الشركه ماشي كويس محتاجين بس انك تمضي ع شويه ورق ويبقي تمام.
ريما: بس أنا مش بتكلم عن شغل الشركه يا جدي بتكلم عن الشغل الرئيسي بتاعنا.
اندريا: بتاعنا اول مرة تقولي كده مش انتي رافضه عيشتك دي من الاول.
ريما: حاجات كتير اتغيرت يا جدي أولهم تفكيري اكتشفت أن عنادي مش هيوصلني لحاجه وهخسركم وهخسر ثقتكم فيا انت كنت بدور عليا علشان اهتم بشغل ابويا اللي سابه و ادريانو مسكه من بعده اهو بقولك أنا مستعدة لده وصدقني مش هخذلك المرة دي كفايه اللي حصل وكمان عندي خطه تزيح ديفيد من هنا.
اندريا: بابتسامه كده انتي بنت ابني بصحيح بس هتنسي اسم ريما هتشتغلي باسم سابرينا فاهمه.
ريما ف الوقت ده حطت جهاز التنصت الصغير ف زاويه المكتب من تحت واريان بقي سامع كل حاجه.
ريما قربت منه ومسكت أيده بابتسامه
أوامرك يا جدي اللي تقوله أنا هعمله بس عندي طلب .
اندريا: قولي عايزة ايه.
ريما: مش عايزاك تبقي زعلان من ادريانو علشاني أنا وهو مش لينا نصيب مع بعض واختار حياته مع بنت تانيه مش تلومه ارجوك وبعدين بلاش تحسسه أنه شخص قليل عشان خاطري أنا عايزة علاقتنا تكون كويسه تمام.
اندريا: تمام ريحتيني كنت شايل همك مش تخافي من حاجه .
ريما: و دلوقتي ايه المطلوب مني والعمليه الجديدة عبارة عن ايه.
اندريا: عبارة عن أشياء كتيرة اسمعي ......
وبس العمليه دي هتخلينا ملوك ف كل حاجه تقريبا ومهمتك القنب*له دي شوفي هتعملي ايه .....
والعقاقير دي هتعملي ......
فهمتي دلوقتي دورك ازاي وهتعملي ايه .
ريما: بتنهيدة خفيه فهمت يا جدي مش تقلق.
ريما خرجت بيهم وشافتها اوليفيا و ادريانو باللي معاها وقام ليها.
ادريانو: انتي بتعملي بدول ايه بالظبط ناويه تبلغي عننا تاني وتبوظي اللي مخططين ليه.
اندريا طلع ع صوته وهو اتكلم ف حين هي كانت ساكته .
اندريا: سيبها يا ادريانو ريما أو سابرينا من ضمن العمليه دي هي اللي هتسلم معاك بعد اسبوع وانا مديها دول تشتغل عليهم.
ادريانو: اكيد بتكدب عليك يا جدي فيلم بتعمله علشان تبلغ عننا اكيد.
ريما: مش مضطرة ارد ع اتهامك يا بن عمي عارفه انك مش مأمن ليا بس بعد ما نسلم العمليه هتصدق عن اذنك.
ريما بصت ل اوليفيا اللي كانت مش عاجبها الوضع وازاي سمح ليها أنها تاخد العينات دي وهي مبلغه ادريانو يقول لجده أنها هي اللي هتعملهم راحت اوضتها وهي متعصبه من كل حاجه وخصوصا من ريما لازم تزيحها عن طريقها باي تمن وهتعمل كده.
ريما دخلت اوضتها بخوف وتوتر وبصت للي ف ايديها ازاي قبلت ع نفسها انها تشارك ف ده بس لازم تكمل طلعت الفون واتكلمت
ريما: مقدم اريان سامعني ولا لا.
اريان: سامعك يا ريما براڤو عليكي كده انتي ماشيه تمام خليكي ع الوضع ده للآخر .
ريما: تمام هعمل كده بس عايزة منك خدمه ممكن.
اريان: اكيد اتفضلي خير.
ريما: اوليفيا ديلار هي محاميه عايزة اعرف كل حاجه عنها ممكن عايزة اعرف مين هي بالظبط لاني مش مرتاحه ليها .
اريان: تمام بكرة تكون معلوماتها عندك مش تقلقي.
ريما خلصت المكالمه والباب خبط فتحت لقته ديفيد ابتسمت له لأنه خطوتها الجايه.
ريما: خير يا ديفيد عايز حاجه.
ديفيد: اه عايز اتكلم معاكي شويه .
ريما: تمام اتفضل خير يا ديفيد عايز ايه.
ديفيد: مش عايز حاجه بس كل اللي عايزه اطمن عليكي ممكن انتي كويسه صح.
ريما: بابتسامه كويسه مش فيا حاجه ومستعدة للشغل انت بتروح الشركه والشغل كويس .
ديفيد: اه تعرفي دخلت صفقه ب عشرين مليون يورو مع شركه روسيه كبيرة .
ريما: طيب تمام هروح بكرة واتابعها بنفسي وأشوف وصلت لفين فيها.
ديفيد: اتفقنا عن اذنك.
ريما: ابتسمت له واختفت ابتسامتها لما خرج انت اول واحد صحيح مش ليك ذنب بس أنا مش هسيبك لما تعملي حاجه.
فونها رن برقم غريب فتحت المكالمه وكان رامي أو دان ابتسمتله .
ريما: هو انت تاني خير.
دان: بعتذر اني بتصل بيكي بس سئلت عليكي ف الفترة اللي فاتت قالولي انك اجهضتي وخرجتي امبارح ف قلت اطمن عليكي بعدت ما عرفت اوصل لرقمي.
ريما: أنا تمام حاجه تاني.
دان: لا بس مالك فيكي حاجه.
ريما: ببرود مفيش محتاجه ارتاح بعد اذنك .
قفلت ف وشه من غير ما يرد عليها وهو اتغاظ من حركتها وقرر يدور حواليها ومش هيسيبها ابدا.
ريما بدأت ف الشغل اللي مكلفه ليها جدها وعملتهم فعلا بكل هدوء وطالعه وشاركت ف العمليات الصغيرة وحسست جدها بالامان ناحيتها أما ديفيد اتهمته بالسرقه والاختلاس من الشركه بحركه بسيطه منها وفضحته قدام الشركه وروحت الفيلا علشان تبلغهم وهو جه وراها بسرعه .
ديفيد: ريما ارجوكي أنا مش عملت حاجه هتسرقيني وخلاص أنا مش اختلست صدقيني .
ريما: لازم جدي والباقي يعرف بعملتك انت راجع تنتقم مش بعيد عليك تختلس من شركتنا .
نادت ع جدها والكل التجمع ع صراخها وهي اتكلمت.
ريما .....