رواية شبح الماضي
الفصل التاسع9والاخير
بقلم رويدا راشد
"عوم في بحر غارق وماتعومش في دموع وليه يلف الزمان وتلقاه في الذريه"
انخطبت نهى للكوكا وتزوج حاتم وحبيبت قلبه
ياسمين الإنسانة للي كان متوقع انها تحبه وبتصونه....
الخبرة: المهم انا طلعت قد كلمتي معاك وللي تبيه صار بالحرف...
تقوى: مازال صفقة ثانية ....لكن استنى مني اشارة بس.
الخبرة: تم بينا هاتف معناها.
نهى: تقوى نبي نقولك ع حاجة .
تقوى: شن فيه يانهى.
نهى: انا اليوم بنكلمك بصفتي اختك الكبيرة العمر يفوت والدنيا ماواخدين منها شئ وانا عرفت قصة خطوبة معتصم معاك ولكن صدقيني واضح انه الولد شاريك الدنيا مش حدها حاتم وبعدين هو يدفع في ثمن افعاله كلها انت اقوى من انه حياتك توقف عند شخص
بوي وامي الله يرحمهم قضاء الله وقدر والانسان غير ديما يحكم ع نوائب الدهر من الظاهر لو بوي وامي قاعدين عايشين راهو انا وياك عداء توا لذلك بالله عليك فكري في كلامي وقدري للي داره معاك معتصم من اول ماخش حياتك.
تقوى: نعرف اني قسيت عليه هلبا لكن الله غالب هكي صار توا .
أمجد: نهى قالت تبي تحكي مع تقوى باش انديروا عرس واحد.
معتصم: مانبيش تتوقع اني نحاول نضغط عليها بأختها .
أمجد: لاضغط لاشئ اسمع انا بنطلع انا ونهى بعدين خش تكلم معاها.
معتصم: معاش عندي حيل لصد شبعت .
امجد: شن فيك مولي حساس بسلامتك انا قتلك وانت دير رأيك.
حاتم: زمان كنت نعرف وحدة متع استراحات بايعة شرفها ع خاطر وسخ دنيا كانت تبيني نتزوجها لكن مجرد ماشفتك قلت طول هاذي هيا للي بنكمل معاها حياتي وحتكون ام صغاري.
ياسمين: ياعمري انت للي عشته قبلي كله انساه من اليوم حياة جديدة مافيها حد إلا انا وبس.
حاتم: وانا عمري مانتمنى غيرك.
تقوى:طلعت نهى وأمجد نشوف فيه واقف بروحه عرفت انه القط مش قاعد نزلتله.
معتصم: ها ناقصك شئ.
تقوى: ناقصني انت .
معتصم: في خاطري هاذي ياتكون معاقة عاطفيا ياتجلطني مرة وحدة انا ديما جنبك ومعاك حتى لو تبي تنهي الموضوع عادي المهم نكون معاك بأي صفة كانت.
تقوى: باهي مدامه ننهي الموضوع طلقني.
معتصم: كنت بنقولها انت مرتي تحسابني حق بنطلق.
تقوى: حطت يدها ع فمه راك تقولها انا ماعنديش سند غيرك عمري ماننسى للي تحملته ع خاطري .
معتصم:😒اصلا بنقولك انت مرتي 🤣🤣.
تقوى: بايخ راك .
معتصم: اسمعي انا بنحكي معاك في مواضيع لازم نحطولها حدود.
تقوى: بإستغراب للي هيا.
معتصم: معاش فيه طلوع قدام القط قبل كنت بصفة وتوا انت في حياتي بصفة ثانية ،لبسك مش ماشي حاله تبدأ عباية وكان معاها خمار خير وخير.
تقوى: وهذا شن يسموا فيه.
معتصم:غيرة عادي شن متوقعتني واكل لحم خنزير ولا كيف.
تقوى: باهي انا بنحكيلك ع حاجة نبي نديرها وبعدها حتى تقولي معاش نبي نشوفك برا الباب عادي.
معتصم: شن فيه.
تقوى: انا كلمت الخبرة .......واحكيتله للي صار كله .
معتصم: للي اديري فيه ياتقوى مش ساهل ولو انت كنت مسيبة السوق احنا حاليا بدون حماية يعني حاتم اكيد بيدير ردة فعل.
تقوى: راهو قاتل امي وبوي راهو للي تحكي فيه مش ساهل عليا راني الليل مانقدرش نرقده من التفكير انا حرة مانقدرش نسكت ع حقي .
معتصم: وانا خايف عليك .
تقوى: للي كاتبه ربي صاير وانا حاليا مانبيش معتصم نبي الحربي للي وين نحتاجه نلقاه.
معتصم: لبيك ياقلبي انا معاك بجميع ظروفك ماسيبتكش وانا صاحب نسيبك وانا راجلك.
تقوى: نحبك .
معتصم: الكلمة هاذي منك كفيلة تخليني نفديك بالدم للي في عروقي.
نهى: زعمك تتفاهم تقوى ومعتصم.
أمجد: ان شاء الله.
نهى: خيرك تقول مهموم في حاجة.
أمجد: أمور خدمة مانبيش نضايقك بيها وانت ماتفهميش فيها .
نهى: احكي ياأمجد.
أمجد: الشباب للي نعرفهم قالولي التجار للي سحبنا البضاعة منهم راقيلهم من تقوى انا نتوقع منهم اي شئ.
نهى: وهيا خايفة زي شن مثلا متوقع.
أمجد: حتى يقتلوها عادي .
نهى: ياحليلي يوم للي توب تموت انا ماعنديش غيرها دير حل .
أمجد: كلنا في مركب وحدة يانهى ربي يسلم وخلاص.
فات اسبوع مافيش جديد حاتم غارق في الحب مع ياسمين وسامر في المحل وتقوى تسكر في حسابات قديمة .....
لعند قررت تقوى تكمل الحلقة الثانية من الانتقام متعها.
الخبرة: هلت وانورت كنت نستنى في اتصالك.
تقوى: قولها تتلاقى مع صاحبه سامر في شقة الايجار .
الخبرة: وراك قصة ياتقوى لكن مدامك ماتبيش تحكي مش رح نسألك.
تقوى: نفدي وبعدها تعرفي كل شئ وانا يوم التنفيذ نطلعه من الحوش بمعرفتي.
الخبرة: تم.
بعد يومين.
ياسمين: اسمع ماتبيش اديرلي زيارة في الشقة حاتم طالع وانا بروحي .
سامر: وين ماشي الطوبو هذا.
ياسمين: عنده موعد خدمة ولا مش مشتاقلي.
سامر: خلي نتأكد منه انه طالع وبعدها نجيك طيار.
ياسمين: تمام نستنى فيك .
الخطة كانت انه القط اتصل بيه وقاله تعالى عندي روؤس ونبي سواق وطبعا بحكم حاتم معاش عنده شئ فرح وجاه.
حاتم: تبارك الرحمن الرأس واضح جديد.
القط: مش ماشي حكم لكن يبي واحد قلبه قوي .
حاتم : انا ليها .
القط: هذا سلاح خليه معاك من توا لانه الطريق ماتعرفش شن فيها .
حاتم : أكيد صح.
القط: طلع هاتف ويتصل بإسم مسجله سامر لكن مافيش اجابة .
حاتم: ابيخ لقطة لما تتصل بحد ومايردش.
القط: هذا صاحبي اسمه سامر.....اليوم قالي بيمشي لصاحبته ياسمين راجلها طالع .
حاتم: اسم ولقب سامر وياسمين وراجلها طلع عقله وقف وسأل القط شن متع روؤس حتى هو زيك .
القط: لالا عنده محل تغليف هدايا وماشية قتله اكثر من مرة اخدم معاي مايبيش .
حاتم: حسيت الدنيا بدت تلف وتلف بيا باهي توا نستأذنك انا وطلع من جنب القط ....
وقبل مايوصل الحوش درس سيارته بعيد ع الحوش وجاء يمشي ع رجليه سيارة سامر كانت تحت العمارة .
ركب وفتح الباب بالشوية خش وهو ساحب سلاحه من برا
لقاء مرته الشريفة العفيفة تخون فيه ع سريره
من الصدمة طول وبدون تفكير قتل ياسمين وحاول يضرب رصاصة ثانية لكن السلاح كانت فيه رصاصة وحدة .
هرب سامر وكان متوقع انه سلم مايعرفش انه يحمل مرض رح يدمره تدمير .
سمعوا الجيران السلاح وجت الشرطة لقوه يضحك جنب جثة مرته للي غارقة في دمها ضيع فلوسه وصحته ولحق عقله
الخاتمة
"قسمك ايجيك وأجلك تمشيله"
تزوجت تقوى والحربي ونهى وأمجد....
بعد مرور ستة أشهر
معتصم: البسي عبايتك بنطلعوا انشوفو الحوش وشن دارو فيه العمال.
تقوى: عارف الحمل متعبني وماعنديش حيل بكل.
معتصم: هيا عاد مش خاطري نمشي بروحي .
طلع حاول يولع سيارته مابتش تولع بكل استغرب فيها قرر يرقى لدور الثاني لشقة أمجد وطلب منه السيارة .
نهى: مش تعطلوا بنجهز اللحم نديرو شواء خاطري فيه.
تقوى: حاضر مسافة الطريق نشوفه وانجئ طول.
أمجد: معتصم رد بالك ع روحك.
معتصم: خيرك تقول أول مرة نطلع خلاص بح انتهى كابوسهم.
علاء: اهو كيف طالعين امجد ونهى ومافي حد غير تقوى والحربي متعها.
سامر: قداش ليا نستنى في اللحظة للي بنرجع فيها حقي.
طلع معتصم وتقوى في السيارة المظلمة ع جية القط لي أمجد طبعا بحكم السيارة مظلمة علاء كان متوقع انه للي طالع نهى وأمجد لكن القدر كان ليه رأي أخر.
تقوى: تعرف نحس في روحي مضايقة ومخنوقة مش عارفة علاش بالزبط.
معتصم: من الحمل هانت اهو قريب يشرفو ولدي وبنتي وبعدها خودي سنتين راحة.
تقوى: بالله حق شكرا ع حسن كرمك بصراحة..
طلعت تقوى من الاستراحة للي بعد تزوجوا زادو عليها الدور الثاني لنهى وأمجد .
القط: انزل راني نشم في ريحة الدم .
نهى: دم شن اللطف ياربي.
أمجد: فتحت الروشن هههه فيه شواء ياقط مازال تميز في رائحة اللحم.
القط :خيانة عظمى يامعلم ...
وهو قاعد يتكلم وعاطي ظهره للبوابة وجهه لصاحبه سمع صوت الرصاص وهو يشوف لصاحبه فجأة رصاصة اخترقت ظهره وهو مبتسم قتلك دم ياصاحبي وطاح .
نهى: ياربي شن قاعد يصير أمجد شن فيه البرا.
أمجد: طلع يجري اخد سلاحه وبدأ يرمي عليهم ابعثي لمعتصم رسالة قوليله راك تروح
نهائي.
نهى: وهيا ترعش فتحت الهاتف وكانت تبعث في التسجيل وتبكي راكم تروحوا سامحونا .
بسبب انه معتصم مسكر النت مااستلمش الرسالة نهى شفت ع جنب شكله ريحة الدم حق شدت سلاحها ونزلت مع راجلها بدت ترمي
لين بعد ربع ساعة معاش فيه صوت سلاح ...
ماتت نهى ومات علاء مات أمجد وسامر
الدم مايخلص غير بالدم
رجعت تقوى نفس الموقف يوم مات بوها وامها لقت اختها وأمجد جتثث هامدة.
يوم الجنازة
معتصم : مش عارف نعزيك ولا نعزي نفسي خسارتنا وحدة لو كنت مازال عند رغبة نكملوا حياتنا بشكل طبيعي نسيبو البلاد.
تقوى: وقفت بعيدة ع باب المقبرة وللي دفنهم هنايا خلاص.
معتصم: رح يكونوا عايشيين في قلوبنا.
سافرت تقوى ومعتصم بعيد ع الدم والتصفيات بعيد ع الحقد والثأر جابت بنت وولد سمتهم
أمجد ونهى .
اليوم وراه غدوا واللعب مع الناس للي متعودة ع الدم مش ساهل .
تمت بحمد الله