رواية ترويض الشياطين بقلم ميار زاهر
رواية ترويض الشياطين الفصل السادس6والسابع7 بقلم ميار زاهر
تغريد بدات تفتح عنيها ببطئ وشهقت بصدمه لما لقت نفسها في حضن زين وماسكه فيه بقوه
وزين فتح عينه واتصدم
تغريد قامت بسرعه وكان وشها عامل زي الطماطم
زين: احم انا طالع بره عقبال ما تلبسي
وخرج زين بسرعه
وتغريد بدات تاخد نفسها بصعوبه وقالت: يلهوي هو انا كنت ماسكه فيه كده ليه زي العيل الي ماسك في اموا
وغيرت تغريد وطلعت
تغريد: زين انا غيرت خش انت بقا غير
زين: تمام
ودخل زين غير وبعد اما خلص طلع وراحوا هما الاتنين للتدريب
ونسيبهم ونروح عند اسر الي كان قاعد وسرحان في تقي البنت الي خليته يبطل الي بيعمله طب ازاي ده مفيش حد قدر يمنعه غييرهاا
وقطع تفكيره دخول تقي
تقي: جرا ايه يا عم اسر سرحان في ايه
اسر: فيكي
تقي: نعم
اسر: احم... اقصد فياااا
تقي: اهه ماشي ياخويه طب يلا انزل عشان الفطار
اسر: ماشي نازل وراكي اهو
وطلعت تقي
اسر: يلهوي كنت هقع بلساني
ونزل اسر وراها
وعند تماره كانت بتجهز عشان رايحه اول درس ليها وبعد اما خلصت نزلت ولقت حليمه وراغب وتقي واسر قاعدين بيفطروا
تماره: حلول انا راحه الدرس هاتي 100 جنيه
وقبل اما تنطق حليمه راغب قال: لا لا انا كده ازعل منك اوي
تماره: ليه؟
راغب: بقا انا موجود وتقولي لامك هاتي فلوس ده ازاي ده؟
تماره: معلش بقا يا رغوبه
راغب: عموما خودي 300 جنيه وهكلم ليكي سواق يكون خاص بيكي انتي يوديكي كل دروسك ويجيبك
تماره: يا حلاوه ايه كل الكرم ده تسلم يا رغوبه
راغب: بعد كده اي حد يعوز حاجه يطلبها مني انا
حليمه: تسلم يا راغب بجد مش عارفه اقولك ايه
راغب: متقوليش حاجه انتي مراتي ودول اولادي وواجب عليا اني اعمل كده
حليمه ابتسمتله
وراغب كلم السواق وقالوا انوا يجي دلوقتي
وبعد خمس دقايق كان السواق وصل
راغب: السواق بره يا بنتي
تماره: اشطات عليك سلاموز عليكوا كلكوا
كلهم قالوا: سلام يا توتو
وطلعت تماره وركبت العربيه
وبعد وقت كانت وصلت للسنتر
ونزلت من العربيه وقالت للسواق المعاد الي هتخلص فيه عشان يجي ياخدها والسواق هز راسه بالموافقه ومشي
وتماره طلعت علي درسها وقابلت صحبتها وقعدوا مع بعض
ملك: ايه يا بت يا تماره مالك نضفتي كده ليه
تماره: قصدك ايه يعني بنضفتي دي
ملك: اقصد انك كنتي منتنه ومعفنه ومأيحه ونضفتي فجأه
تماره: يخربيت صراحتك يا شيخه
ملك: اكدب يعني
تماره: لا ياختي متكدبيش عموماً...
وبدأت تماره تحكلها علي كل حاجه
ملك: يا ماشاءالله يا ماشاءالله واللا وبقيتي نضيفه يا توتو
تماره: اه شوفتي بقا
ملك: لا وراغب الزيناتي مره واحده
تماره: هو احنا اي حد
ملك: لا بقولك. ايه ياختي اوعي تتكبري بقا
تماره: لا يا ملوكه انا نو تكبر
ملك: ما هو باين علي سحنتك
تماره: طب اسكتي ياختي عشان المدرس دخل ولو شافنا واحنا بنتكلم هيعلقنا من هدومنا
ملك: علي قولكك ياختي
تماره: هيححح الواحد زهق ونفسوا يتجوز و...
وقبل اما تكمل جملتها كان المدرس قال: اقفيييي يا انسه
تماره: انا يا مسترر
المدرس: لا انا ياختي قوومي اقففي
تماره: طب هو لازم اقف مينفعش اقعد
المدرس: مانتي اصلا قاعده
تماره: يبقا ليه بقا نتعب نفسنا واقوم اقف
المدرس: لا بقا دانتي ناويه تشليني ما تقومي تقفي
تماره قامت وقالت: اهو يا مستر قومت يكش تنبط بقا
المدرس: نعم ياختي
تماره: بقول يكش انهد انا الي انهد
المدرس: اه بحسب المهم انتي بتتكلمي ليه؟ مش انا قولت اول مادخل مسمعش نفس
تماره: ما هو مش انا الي اتكلمت دي البت ملك
ملك: اه يا واطيه
المدرس: بس انا شايفك وانتي بتتكلمي
ملك: حبيبي يا مستر تسلم انت الوحيد الي ناصفني في ام السنتر ده
تماره: عيله جزمه
المدرس: اسكتيي انتي وانتي ها قوليلي جاوبيني
تماره: هو حضرتك سألت
المدرس: بت متعصبنيشش
تماره: طب اقول ايه انا يعني
المدرس: كنتي بتتنيلي بتقولي ايه
تماره: لا يا مستر بقا معلش سكسكيوزمي بقا دي حجات ما بيني انا وصحبتي مينفعش تطلع بره
المدرسه: اههه بره
تماره: بره ولا جوه كر كر كر
المدرس: قسماً عظماً لو ممشتيش من قدامي دلوقتي لهسقطك
تماره: هو احنا لسه ابتدينا عشان تسقطني
المدرس: بتت يلا برهه
تماره: طالعه اهو متزقشش بسس
تماره طلعت من القاعه وقالت: جتك الهم مستر معفن ومنتن ومأيح انا اصلاً باخد عنده عشان اعطف عليه اكمنه مدرس فاشل ومفيش حد بيدخله و...
وقبل اما تكمل كلامها كانت سامعه صوت ضحكات هي عارفاها كويس
بصت وراها واتصدمت لما لقت ريان
ريان: هههههه يخربيتك مش قادر
تماره: ايه ده ر... ريان
ريان: اه ريان
تماره كانت حاسه انها هتطير من الفرحه لانها كانت عايزه تشوفه اوي
ريان: عامله ايه يا تماره؟
وفي اللحظه دي تماره دق قلبها بقوه وقالت: ال... الحمدلله وانت عامل ايه
ريان: الحمدلله علفكره انا مبسوط اوي اني شوفتك ووقفت معاكي لان لو كنتي خرجتي في معادك مكنتش هقف معاكي ولا هكلمك بسبب ان هيبقا في ناس كتيره جدا وانا مش عايز حد يقول عليكي كلمه وحشه انا كنت هبتسملك بس من بعيد لبعيد بس الحمدلله اديكي اطردتي اهو
تماره: يعني جاي بعد كل الكلام الحلو ده وتقولي اديكي اطردتي جتك الهم انت كمان يا شيخ
ريان: صحيح انتي اتطردتي ليه اصلا
تماره: مفيش يا عم كنت بكلم واحده صحبتي وهو قومني وطردني مستر مستفز اللهي ينشل في فخادوا البعيد
ريان: فخاادوو مره واحده
تماره: طب وانت خلصت درس ولا مطرود زيي
ريان: لا يا حبيبتي انا دحيح درجه اولي انا خلصت درس ومروح اهو
تماره سابت كل الكلام وكانت مركزه في كلمه (حبيبتي)
ريان باستغراب: تماره... انتي معايا؟
تماره: ها اه انا اهو
ريان: يااه انتي بقا كنتي سرحاانه
تماره: ها عادي يعني افتكرت بس اني مكلتش
ريان: ماشي يا ستي عموماً يلا انا همشي قبل اما حد يشوفك يلا عايزه حاجه
تماره بهيام: عايزه سلامتك
ريان اتصدم
تماره لحقت نفسها وقالت: اقصد... يعني عايزه سلامتهاا سلامت مامتك يعني ابقي سلملي عليها
ريان: اهه ماشي يلا سلام
تماره: ريان
ريان قلبوا دق لما سمع اسموا منها ولفلها وقال: نعم
تماره: ركز كويس في مذاكرتك عشان تحقق الي انت عايزه
ريان ابتسملها وقال: حاضر وانتي كمان ذاكري كويس وخودي بالك من نفسك
تماره: تمام ماشي
ريان مشي
وتماره كانت حاسه انها هتطير من كتر الفرحه الي هي فيها وقالت: يااه يا ولاااد ايه الجماال ده يخربيتك اجدع امك كانت نمله عشان تجيب السكر ده كلوااا
وفضلت سرحانه شويه وبعدين افتكرت انها مطروده وقالت : هيحح طب المفروض اعمل ايه دلوقتتي انا لازم احضر الحصه
وخبطت تماره علي باب القاعه وقالت: ادخل
المدرس: لا
تماره: طب وحيات امك
المدرس: نعم ياختي
تماره: طب وحيات الست الوالده
المدرس: ما هما الاتنين نفس المعني...
تماره: يا مستر مستقبلي في ايددكك
المدرس: هيححح امري لله ادخلي بس حسك عينك اسمع نفسك
تماره: اهو بص قفلت بوقي
ودخلت تماره وقعدت جنب ملك
ملك: منوره ياختي
تماره: بنوورككك
المدرس: تماااارهههه
تمااره: يللهوي هو انا ليه الي بتتشااااف ما في كذا حد بيتكلم
المدرس: تماااره
تماره: اخرسيت اهووو
المدرس كتم ضحكته وبدأ يشرح
وعند تقي واسر كانوا قاعدين مع صحابهم في الشركه
تقي: واد يا اسر خلصت الشغل الي راغب بيه اداهولك
اسر: لا
تقي: يخربيتكك وبيت سنينك ده عايزه بعد شويه
اسر: عادي البريك يخلص وهروح اعمله
تقي: بالسهووله دي
اسر: اه
تقي: اما نشوف يا خويه
حازم: اللهم برودك يا اخي ده الواحد لو عليه شغل بيخلصه قبليها بيومين مش قبليها بنص ساعه
حور: حصل وانا اشهد
تقي: لا لا ده رايق علي الاخر
حازم: خلاص يبقا الدلع بتاعوا عم الرايق
حور: يا عم الرايققق
اسر ضحك عليهم وقال: تسلمولي تسلمولي احلي دلع ده ولا ايه
كلهم ضحكوا
وعند زين وتغريد كانوا قاعدين بياكلوا مع زمايلهم
وقال القائد علي: خلاص يا جماعه هانت مش هنقعد كتير يعني لانكوا ماشاءالله كويسين جدا
تغريد: تشكرات تشكرات
علي: هههه علفكره يا تغريد انتي دمك خفيف اوي
تغريد: تسلم اباشا البشوات
علي ضحك عليها
اما زين كان حاسس بخنقه من هزارهم وقال: ايه خلصتوا اكل يلا نقوم نكمل بقا وكفايه هزار
علي: جرا ايه يا عم زين انت غيراان ولا ايه...؟
زين ارتبك وقال: غيران... غيران علي مين..؟
علي: هنستعبط؟ علي تغريد
زين: انا لا طبعا.. دانا...
علي: هو ايه الي لا ما طبيعي تغير عليها مش هي مراتك؟
زين: ها اه اكيد انا غيران عليها واوي كمان
علي: هههه ماشي يا سيدي
تغريد كانت فاتحه بوقها بصدمه من الي سمعته ومكنتش عارفه تقول ايه
علي: تمام يلا نكمل
كلهم قاموا وبدأو يتدربوا ولاكن فجاه سمعوا صوت صريخ تغريد وهي بتقول: اه رجلي
زين جري عليها وقال: م... ماللك بس يا تغريد
تغريد: رجلي اتلوت اه مش قادره
زين: طب... قومي معايا اوديكي الخيمه تستريحي واشوفلك كريم ولا حاجه
تغريد حاولت انها تقوم ولاكن معرفتش وقالت: مش عاارفه رجلي بتوجعني اوي
علي: شيلها يا زين
زين شال تغريد وتغريد كانت ماسكه فيه بقوه من شدت الألم
واول ما وصلوا الخيمه زين نزلها وراح جاب مرهم ورجع وقال: انهي حته الي بتوجعك؟
تغريد شاورتله علي الحته الي واجعاها
وهو بدأ يدهنلها فيها
وتغريد كانت مكسوفه اوي وحطا عنيها في الارض
زين بص عليها وابتسم من كسوفها ده
وبعد شويه كان خلص زين وقال: بإذن الله هتبقي كويسه
تغريد وهي حاطه عنيها في الارض: ش.. شكرا
زين ابتسملها وقال: العفو ارتاحي بقا ولو عوزتي حاجه نادي عليا
تغريد هزت راسها بالموافقه وهو طلع برا وكمل تدريب
تغريد سرحت في كلمته: " اه غيران عليها واوي كمان"
تغريد: ايه يا بت تغريد ده بس بيعمل كده قداموا عشان ميشكش في حاجه لاكن اكيد يعني مش غيران عليكي بجد
رد عليها قلبها: طب وانتي بتفكري ليه يكونش حبيتيه؟
عقلها: حبت حبت ايه اكيد لا يعني ده بس مجرد تفكير في الجمله مش اكتر
قلبها: لا لا مفيش حد بيركز اوي كده وانتي ركزتي في الجمله
تغريد: اتهدوا انتوا الاتنين انا هتخمد احسن
ونامت تغريد
وعند زين كان بيتمرن وهو سرحان
علي: ايه يا زين؟ مالك؟ حسك مش مركز معانا
زين فاق وقال: لا لا انا معاكوا اهو
علي: تلاقيك خايف علي تغريد متقلقش بإذن الله هتكون كويسه
زين اتصدم هو ازاي عرف ان هو خايف علي تغريد وقال: اه اه بإذن الله يلا نكمل
ونسيبهم ونروح عند الجوز الي هيشلونا تقي واسر كانوا قاعدين في البلكونه بيلعبوا كوتشينه
تقي: لا لا علفكره بقا انت بتخمممم
اسر: لا مبخمش انا كسبت بمجهودي
تقي: لا خميت يا خمام
اسر: لا مخمتش
تقي: لا خميت
وكان لسه هيرد اسر
ولاكن قاطعه صوت راغب الي قال: بس يا ولاد الهبله انتوا الاتنين انا الي خميت حلو كده
تقي: لا يا رغوبه انت متخمش ابدااً ده هو الي عيل خمام
اسر: عيل؟
تقي: لا اقولك طفل
اسر: كمان طفل لا دانتي وصلتي لي ليفل البجاحه
تقي: امال يا عم
اسر: اهه طب تعالي بقا
وقام اسر ونط عليها وبدا يعض فيها
تقي: بقا انت بتعضني يله
اسر: اه بعضك
راغب بضحك : ههههه الاتنين اهبل من بعض
ومشي وسابهم
تقي: طب تعالا
وقعدت تقي فوقيه
واسر جت عينه في عنيها وفضلوا باصين لبعض وقت لحد اما تقي فاقت وقامت وهي بتحمحم
تقي: احم انا خارجه
وجريت من البلكونه
اسر ابتسم ومستغرب هو ليه بيسرح لما بيبص عليها
وعند راغب دخل اوضته ولقا حليمه قاعده
راغب: سرحانه في ايه يا حلول
حليمه: ولا سرحانه ولا حاجه بفكر بس في مصير العيال
راغب: في امل انا حاسس
حليمه: امل ولا حسناء كر كر كر
راغب: يخرببت فصلانك يا حليمه
حليمه: معلش ياخويه بهزر معاك
راغب: وانا اقول العيال طالعين دمهم خفيف كده لمين اتاريهم طالعينلك صدق المثل اقلب القدره علي فومها تطلع البت لامها
حليمه ضحكت
ونسيبهم ونروح عند تماره الي كانت بتتكلم في التيلفون مع ريان
تماره: يووه مش عارفه افهم الحته دي يا ريان
ريان: طب قوليها وانا افهمهالك
تماره قالتله علي الي هي مش فاهماه وهو فهمهولها
ريان: فهمتي؟
تماره: اه اوي تصدق انت شاطر اوي
ريان: خمسه وخميسه يا شيخه
تماره: لا تقلق انا عيني مش حسودين انا عيني بتنبر بس
ريان: ههههه حصل وانا اشهد
تماره: هيحح يخربيت ضحكتك
ريان: بتقولي حاجه؟
تماره: ها يلهوووي ل.. لا مبقولش
ريان: لا بتقولي
تماره: لا مبقولش
ريان: لا بتقولي
تماره: هو انت هتعرف اكتتر مني يعني تكونش جوا بوقي او زمارتي وانا معرفش
ريان: هههههه زمرتتك
تماره: اه ياخويه زمرتي
ريان ضحك عليها
وعند زين دخل الخيمه بعد اما خلص تدريب وبص علي تغريد ونادي عليها وفجاه....
الفصل السابع
زين: تغريدد
ولكن ملقاش رد منها فا زين اتخض ونادى عليها تاني
ولكن برضوا ملقاش رد
وجري عليها بسرعه وفضل يهز فيها لحد. اما قامت
تغريد: ايه يخربيتك الله يقل راحتك يا بعيد
زين اتنهد براحه وقال: الله يخربيتك خضتيني عليكي ا...
وقبل اما يكمل كلامه استوعب هو قال ايه وقال: ا... اقصد يعني ان... ا...
تغريد: بجد اتخضيت عليا يا زين
زين: ا.. اه بصراحه
تغريد كانت حاسه انها طايره من الفرحه وعايزه تقوم ترقص ولاكن اكتفت بانها ابتسمتله
زين: بقيتي احسن من الاول
تغريد: اه بس انت اللهي يقل راحتك يا بعيد قومتني في عز نومي
زين: يا شيخه ايه النوم ده دانتي نايمه نومه اهل الكهف
تغريد: مش مريضه ولا مش مريضه
زين: يارب صبرني
وعند راغب كان قاعد بيتغدا هو وحليمه وتقي واسر وتماره
تماره: اني بدي اجول شئ لاكن استحي
راغب: هههه قولي يا تماره
تماره: خير اللهم اجعله خير يعني... يعني
حليمه: ما تنطقي يا بنت بطني
تماره: كان عندي امتحان في درس الصبح ده تمام كده
حليمه: كملي ياختي
تماره: وبعدين انا عشان يعني طالبه مجتهده ربنا يحميني ويحفظني يارب
حليمه: يارب ياختي ننجز بقا
تماره: كنت بذاكر في الملزمه ولاكن وانا في الطريق فجاه ثم فجاه ان الملزمه تقع ويدوسها عربيه ومتوسكل ومقرباص وتروسكل
حليمه: كل دههه
تماره: ايوه يا ست الكل طبعا انا قعدت اولول
حليمه: يولولي عليكي خمسه يا بعيده
تماره: يا وليه متقاطعنيش المهم زعلت قولت هذاكر ازاي ده انا كده هسقط روحت الدرس وشوفت الامتحان وبصيت في الورقه وماشاءالله عليا معرفتش ولا سؤال بس علي مين دانا تماره حاولت اغش من الي جمبي ولاكن البت كانت تبته اللهي تجيب ملحق طول السنه يارب المهم معرفتش اغش بس برضوا دانا تماره المتمره روحت سبت الورقه فاضيه والمستر لما شافها طلب انو يكلمك تفتكري ليه بقا يا ست الكل
حليمه كانت مصدومه وقالت: فاضيه؟ سبتي الورقه فاصيه يا بنت بطني
تماره: م.. ما هو انا هفهمك مش النظافه من الايمان
حليمه: وده ايه علاقتوا
تماره: انا هقولك فا انا بقا مشيت علي المقوله دي اني اسيب الورقه فاضيه ومش ابهدلها لان النظافه حلوه زي ما حضرتك شايفه يعني
حليمه كانت حاسه انها هتتشل وقالت: اه يارب يارب اعمل ايه فيها اولع فيها طيب ولا احرقها بجاز
تماره: يا حليمه هما الاتنين واحد مش هتفرق او اقولك ممكن تقتليني وترحميني من الهم ده
حليمه في الوقت ده قلعت الشبشب
وتماره قامت من مكانها بسرعه وقالت: يا حلول طب استني طيب مكملتش اكل
ولاكن حليمه هجمت عليها
وتماره جريت
تماره: يا وليه اهدي
حليمه: يا بنت الجزمه بقا تسقططي انا هوريكي
وكل ده وراغب كان فطسان علي نفسوا من الضحك
تقي: استعنا علي الشقا بالله اما اقوم احوش ربنا يقدرني علي فعل الخير دايما
وتقي قامت ووقفت قدام حليمه ولاكن هي الي اتضربت
اسر كان باصص عليها ومش عارف يمسك نفسوا من الضحك
تقي: عاجبك كده فرجتي علينا الي يسوي والي ميسوااش طب انا ماللي طيب
حليمه: متقفيش في طريقي يا جزمه والا هتخدي. بالجزمه
تقي حاولت تفلت منها والحمدلله عرفت تفلت
تقي: علي رأي المثل خيراً تعمل شراً تلقي انا احسنلي اخليني في حالي ومليش دعوه بالناس دي
راغب قام وحاول يهدي حليمه واخيرا حليمه هديت
تماره: تسلم يا رغوبه والله فضلك ده عمري ما هنساهولك
راغب: وانتي يا تمااره اهتمي بمذاكرتك شويه
تماره: عنيا يا رغوبه بس كده امسك بس الوليه العقربه دي لاتاكلني
حليمه: انا عقربه يا بنت الجزمه
تماره: طب ليه بس كده يا حلول انتي بتشمتمي نفسك وانا مرضهاااش
حليمه: سبني سبنييي يا رااغب اولع في بنت الجزمه دي
راغب: اهدي اهدي بس وسييك منها دي عيله هبله
تماره: اهو قالك اهو عيله هبله اسمعي كلاموا بقاااا
حليمه: ماشي ماشي يا بنت بطني مسير الشبشب ده ينزل فوق دماغككك
كلهم ضحكوا
وعدي شهرين علي ابطالنا
واخيرا زين وتغريد خلصواا تدريب في المعسكر
وجه اليوم الي هيمشوا فيه عشان يجهزوا للمهمه تاني يوم
كان زين واقف قدام العربيه وجمبوا تغريد
تغريد: هيح اخيرا يخربيت ده تدريب يا شيخ
زين: اهو خلص الحمدلله
تغريد: ايوا بقا وندخل علي المهمه اني قادمه تغريدووو قادمه
زين ضحك من جواه عليها
وركبوا العربيه واتحركوا وبعد ساعات كانوا وصلوا للفيلا
وتغريد نزلت بسرعه وخبط علي باب الفيلا وفتحتلها تماره
تماره: ياه انتي جيتي ما لسه بدري
تغريد: بدل ما تقوليلي حبيبتي يا اختي وحشتيني هاتي حضن
تماره: يا ستي دانا ما بصدق انك. تغوري عن خلقتي
تغريد: حبيبتشي يا اختشي شوفت يا زين احنا بنحب بعض ازاي
زين: الحب ولع في الدنيااا يا ولاه
تماره: اتنيلي خشي جوه جتك الهم
تغريد: تسلمي يا اختشي متحرمش منك
تماره: اتفضل خش يا زين الرجال
تغريد: اشمعني هو بقا
تماره: لا هو زيننن وانتي تغريد
زين برفعه مناخير: ايوه ايوه يا تموره حبيبتي والله
تغريد: ايه التفرقه العنصريه دي
وجه عليهم في الوقت ده تقي واسر
وهما بيتخانقوا
زين: يخربيتكوا هو انتوا علطول كده
تغريد: كابل مشاكل بعيد عنك
تقي: اعمل ايه ما هو اخوك الي رخم
اسر: لا بقي اختك انتي الي رخمه
تقي: لا بقا اخوك انت الي رخم
وقبل اما يتكلم اسر
زين قال: خلااص انا الي رخم عليا النعمه
تماره: انتوا علاقه فاشله
تقي: ايه ده انتي جيتي يا بت يا تغريد
تغريد: لا ياختي انا لسه في المعسكر
تقي: طب لما ترجعي ابقي قوليلي علشان اسلم عليكي يلا انا غايره علي الشغل
تغريد: في داهيه يا حبيبت اختك
اسر: سامو عليكوا انا بقا
تغريد: امال فين امك يا بت يا تماره
تماره: جوا مع رغوبه
تغريد: يلهوي ليكونوا بيستفرطوا ببعض
ودخلت جري علي جوه ودخل زين وراها وهو بيضحك عليها واول ما دخلوا لقوهم قاعدين جمب بعض
تغريد: شوفت مش قولتلك
وقبل اما يتكلم زين قامت حليمه وقالت: اخيرا جيتوااا وحشتيني يا بنت الجزمه
تغريد: طب كملي جميلك. طيب وقولي وحشتيني يا حبيبتي ليه لازم التهزيق في الموضوع
تماره: هي امك كده بقا نعملها ايه
راغب: حمدالله علي سلامتكوا يا ولاد
زين: الله يسلمك يا بابا
تغريد: حبيبي يا رغوبه الله يسلمك
راغب: انا طالع علي الشغل عايزين حاجه
حليمه: خلي بالك من نفسك
راغب: حاضر يلا سلام
حليمه: سلام
وحليمه فضلت بصا علي راغب وهو ماشي
وقاطعتها تغريد وهي بتغزها في بطنها وبتقولها: اوعي جرا ايه يا حلول هي السنيوره وقعت ولا ايه
حليمه: اتلمي يا جزمه انتي
زين: انا طالع استريح
وطلع زين
تماره: يابت امك وقعت ومحدش سما عليها يلا اما اسيبكوا انا راحه علي الدرس
تغريد: وانا هتنيل استريح يلا انا طالعه
حليمه: الله طب وانا هقعد لوحدي يلا اما اروح اجهز الغداا
وعند تماره كانت لسه هتدخل السنتر ولاكن وقفها شاب في سنها وشكله كان صايع
وقال: ايه يا تمووره
تماره: انت مين يا عيل انت
: عيل ماشي هستحملهاااا منك بس المهم انا الي وقعتيه في حبه
تماره: حبك برص يا بعيد اللهي تنشك في فخادك وسع كده من قدامي خليني ادخل والا هوريك وش مش هيعجبك
: طب ليه بس كده دانا حتي طالب القرب
وفي الوقت ده كان وصل ريان للسنتر وقبل اما يدخل شاف تماره وهي بتتخانق مع الواد حس بغضب جامد وكان لسه هيروحلها ولاكن اتصدم لما لقه تماره ادته بالشلوط في بطنه وقالت: مش انا يا زباله الي تعمل معاها كده انا تماره عارف يعني ايه تماره ولو فكرت مره تانيه انك تقف قدامي هوريك وش غير ده مش هيعجبك اكتر دانا كده بسخن بس
والناس اتلمت حواليها ولما شافت المنظر ده سقفت لتماره لان محدش عرف يعمل زيها
تماره: تشكرات تشكرات فانزاتشي حبايبي ربنا يخليكوا ليا وما يحرمني منكم ولا يحرمكم منيي
وعند ريان كان طاير من الفرحه ان تماره عرفت تاخد حقها من نفسها وان هو كده متطمن عليها
ودخلت تماره السنتر
وريان كان لسه هيدخل ولاكن وقفه صاحبه وقال: مالك يا عم مبحلق في البنت دي كده ليه
ريان: ها لا ولا مبحلق ولا حاجه انا بس عجبني انها عرفت تدافع عن نفسها وكده
صاحبه: اهه ماشي طب يلا ياخويه عشان نلحق الدرس
وبعد وقت كانت تماره خلصت الدرس واول ما طلعت لقت حد بيشدها وكتم بوقها بسرعه قبل اما تسرخ
وكانت لسه هتسرخ ولاكن قلبها دق لما شافت ريان
ريان: معلش بس مكنتش عايز حد يشوفنا المهم عجبني تصرفك لما الواد الجزمه ده دايقك دانا كنت هشلوحه لو انتي مكنتيش عملتي حاجه
تماره: حبيبي يابني تسلم صحيح شوفت الترند الي كان طالع بجد مش قادره اشيله من دمااغي
وبعدين قالت
تماره: بس انا مكنتش متخيل انك تسيبيني يا فريدعععع عاااااا
ريان: هههههه يخربيت عقلك
تماره: بجد. لازق في مخي اكتر من التاريخ
ريان: طب يلا روحي وخلي بالك من نفسك
تماره: عونيا يلا باي
ومشيت تماره
وعدا اليوم علي ابطالنا من غير اي احداث
وتاني يوم صحي زين وصحيت تغريد معاه
تغريد: يلاا بقاا حان وقت المهمهههه هنعمل نفسنااا شحاتين ازاي اممم اه لقيتها
وراحت فتحت الدولاب وجابت تشيرت ليها ولزين وبدات تقطع في التشيرت بتاع زين شويه وكانت لسه هتقطع بتاعها ولاكن زين وقفها وقال: انتي بتعملي ايه؟
تغريد: هقطع بتاعي
زين: لا طبعا مش هينفع جسمك هيبان
تغريد فرحت بأنه قال كده وقالت: لا متخفش اكيد يعني مش هعمل كده انا هبقا لابسه حاجه تحتيه
زين: لو كده يبقي تمام
وبدأت تغريد تقطع شويه في الهدوم وقالت يلا يا زين خود البس
زين راح الحمام ولبس وتغريد بدات تلبس وبعد شويه زين خرج وكان خلص وتغريد كمان ونزلوا علي تحت
ولقوا تقى واسر وتماره وحليمه وراغب قاعدين علي السفره
اسر: يما مين دول
تقي: تلاقيهم سحر اسود
راغب: انتوا عاملين في نفسكوا كده ليه؟
تغريد: يا رغوبه عشان المهمه انت نسيت ولا ايه
حليمه: ده ايه المهمه الي مش نضيفه دي
تغريد: دانا كمان حسه ان ناقص حاجه امممم اه عايزين طيينه نحطها علي وشنا
وكان لسه هيتكلم زين ولاكن اتكلمت تماره وقالت: سهله اجبلكوا شوكلانه واحطهالكوا علي وشكوا
تغريد: لا انا كده هاكل وشي مش هينفع
زين: واحنا ماشين نبهدل نفسنا شويه بالتراب كده
تغريد: بالظبطط الله ينور عليك يا زين يلا يا جماعه عن اذنكوا
حليمه: طب كلوا حاجه طيب
تغريد جابت كام حاجه من علي السفره ليها ولزين وقالت: اهو يلا باي بقا وزقت زين وخرجوا بره
وحطت الاكل في بوقوا وقالت: الف هنا علي قلبك يا زوجي التعيس
زين: جتك القرف يا شيخه
تغريد: طب يلا بقا نمشي لحد اما نوصل للمكان الي بيجي فيه تجار المخدرات
زين: ماشي يلا
وبدأو يمشوا
تغريد: تصدق يا زين حساك اتغيرت
زين: من ناحيه ايه بالظبط
تغريد: بص هو انا بصراحه مش متاكده بس حسه كده يعني معاملتك معايا احسن عن الاول
زين: ليه هو انا كنت بعذبك
تغريد: لا بس كنت عيل قفيل كده
زين: عيل..
تغريد: يا عم متقفليش علي الكمله دي يخربيتكوا رجاله بتركزوا علي حاجات غريبهههه
زين: احنا برضوااا
تغريد: طب امشي امشي
وفضلوا يشموا وهما ساكتين ومره واحده تغريد اتكلمت وقالت: بس انا مكنتش متخيل انك تسيبيني يا فريدعععععع عااا
زين: وفريده سبتك ليه
تغريد: يا عم مفيش حد. سابني دي بنت كده قالت علي التيك توك الجمله دي طلعت ترند بس بجددد الترند حواار بس انا مكنتش متخيل انك تسيبيني يا فريدعععع عااا
زين: يابنتي بس خلاص عرفناااا
تغريد: بجد. مش قادره حلو اوي
زين ضحك عليها
وعند تقي واسر
كانوا قاعدين في مكتبهم واسر قال: تقي تقي
تقي: نعم
اسر: بتعملي ايه
تقي: لا ولا حاجه قاعده بلعب ده ايه الذكاء الخارق الي فيك ده شايفني قاعده بشتغل يبقا ايه..
اسر: اصل انا خلصت شغل وزهقان اوي والبريك لسه مجاش
تقي: يا عم طب انا لسه مخلصتش سيبني في حالي بقااا
اسر بدا يغني ويقول : حال حال حاااال
تقي بصتلوا وقالت: انت دمج يابني
اسر: بجد.زهقاننن
تقي: وبعدين ايه الاغنيه دي
اسر: دي من تاليفي حال حال حااال وحالي يعني حالي يعني الف حاللل والحال انقلب علي حاللل وبقا حاللل
تقي مقدرتش تمسك نفسها وفضلت تضحك وقالت: لا لا بجد مش قاادره
اسر: شوفتي بقا
تقي: ايوه شوفت لا انت المفروض تألف اغنيه وتامر حسني يغنيها انت مينفعش تفضل دافن الموهبه كده كتشير
اسر: اعمل ايه بقا النصيب نصيب وبقاااا نصيبب و...
وقبل اما يكمل اسر اغنيته تقي قالت: خلاص خلاص ياخويه اتنيل واسكت بقااا
اسر: قطيعه للاحلام محبطهه
ونسيبه في احزانهه ونروح عند زين وتغريد الي وصلوا للمكان وقعدوا علي الارض
تغريد: يعيني عليكي يابت يا تغريد جه اليوم الي تبقي شحااته فيه
زين: دي مهمه وهتخلص انتي عشتي في الدور ولا ايه
تغريد: اصل صعبت عليا نفسي اوي الصراحه
زين:ميصعبش عليكي وحش
تغريد: مين دي الوحش يا رخم انت
زين: بت اتلمي
تغريد: لا مش هتلم ووريني بقا هتعمل ايه
زين: يا بت اسكتي متخلنيش اتعصب عليكي
تغريد: لا اتعصبب انا عايزااك تتعصب
وقبل اما زين يتكلم شافوااااا....