رواية تائه في قرية العاهرات الفصل الحادي عشر11والاخيربقلم روايدا راشد
فاق معز وهو يدور ع خوه سالم لكن للأسف سالم مات موت سالم كسر معز تعرفوه شعور انك تعيش جثة بلا روح هذا معز بعد سالم وطبعا بعد موت سالم بشهور كانت لمياء حامل....
كل شئ ايصير ليه حكمة من الله سبحانه وتعالى معز كان ناوي ينتقم من لمياء ع خاطر للي داره بوها لكن رحمة ربي واسعة .....
حملت لمياء بولد وكانت نعمة الزوجة والسند مانبيش نقول معز حبها ولكن يحترم فيها لانها فارضة احترمها عاتكة تكمل في قرايتها وعايشة مع خوها ومرته لعند اليوم للي غير كل شئ لمياء جاها ضغط الحمل وكانت في فترة ولادة والضغط ديما مرتفع....
لمياء: انا نعرف انه قلبك مع وحدة ثانية وانا حاسة انه نهايتي قربت معاش بعيدة انا وصيتي ليك ولدي بس والعمر مافي حد واخد منه حاجة تزوجها ماتخليهاش اضيع منك مرتين.
معز: شن الكلام للي تقولي فيه غير انت خايفة بس توا تجيبي وتنوضي ع خير وتربي سالم احسن تربية .
لمياء: لالا، سالم رح تربيه مرت بوه ...
معز: كنت هازي ع كلامها لعند جاء موعد الولادة
وهيا في صالة الولادة طلعلولي سالم شفته قعدت نستنى فيها كل مايفتحو الباب نقولك اهيا بتطلع لين طلعلي الدكتور وقالي عظم الله اجرك مرتك ماتت اثناء الولادة بسبب ارتفاع ضغط الدم وجعتني تحملت اصعب فترة تمر في حياتي تحملت التقلب متعي سندتني وقفت جنبي قعدت نربي في ولدي....ولاهي في خدمتي وخلاص.
بعد خمسة شهور....
صقر: اسمع مش عيب لو الانسان خطب لي اخته انت مصيرك بتتزوج سواء اليوم ولا بعد اسنين وانا عاتكة هاذي للي طلعت بيها من الدنيا ومش رح تلقى خير منك نبي نرتاح ع اختي....
تزوج معز عاتكة وجابت معاه بنت وعايشة هيا وياه وسالم وصقر عنده ولدين ...
لولا موت سالم عمره معز مارح يقدر يتزوج عاتكة
وربي لما يقسملك الشئ تاخده تاخده....
هناء ونرجس وسميحة كانوا مثال لصنف من النساء للي تاجر بعرضها سواء تحت مسمى الحب او طمع في المال .....اما هناء فكانت ليها عذر بحكم انها طلعت مسحورة ويما بنات ناس وعائلات محترمة ضاعوا بسبب السحر والله لاتربح كل من يساهم في فساد اخلاق وليه ...
خالد والفئة للي زيه ناسيين انه الدنيا ياداير يالاقي للي داره مع نرجس رجعله في مرته...
اما جماعة المناصب عمرك ماتناصرهم انت وغيرك وغيرك يشوفو فيك وسيلة باش يعفسوا ع جثك ويوصلوا منها لقمة السلطة ....
تمت