رواية اعظم خيانه بقلم الزهيرية الزهيرية
لكي تعيش بهذا المجتمع المنافق
يجب ان تمتلك شيئين اما مال قارون
او صبر أيوب
ريماس/ اكو انسان يرافقه التوفيق الإلهي مو شرط الانسان يصلي ويصوم حتى الله يوفقه مرات التوفيق الإلهي يجي عن طريق دعوة ام او الانسان يكون مسوي خير بينه وبين ربه او يكون انسان نزيه بعمله وهواي أسباب يكون التوفيق الإلهي حليفك وهذا چان حال مهند على الرغم من انه نحاول ننصب كمين اله بس رب العالمين ينجي يعني اول كمين اله خربه من طلع يريد زواج وهذا ما چان بالحسبان
والكمين الثاني چان من دخل للبيت يمي بالبدايه من شافني حضني بقوه وظل يبوس بيه بشفايفي وصدري رگبتي وهو يردد كلمة احبچ اموت عليچ لينا
بس فجاءه ابتعد عني وطلع يركض حتى ما فهمت ليش راح بعدني اريد اتصل بأم رحاب هي فتحت الباب وصارت گدامي وياها هذا الضخم ابو شوارب بس شنو متخبلين وهنا شفت وجه ام رحاب الحقيقي اجتي عليه وجرتني من شعري وفاتحه عيونها على وسعهن وهي تگلي
ام رحاب / ولچ گحبه شنو گتيله وخليتي يطلع
ريماس/ ويمكن ساعه احلف انه ما حچيت شي وهو راح وحتى هذا ابو شوارب هم طبگ وياها على الخط ويگلي / املص راسچ عن رگبتچ گليلي ليش راح
بس همه اذن من طين وأذن من عجين احچي احلف ما يفيد وهذا ابو شوارب نزع حزامه وگعلي دگ ووين ما يوجعك واني بملابس النوم مال رحاب يعني جسمي تحت المرمى مال الضرب مالته واعيط واتوسل بيهم في سبيل يعوفني وبعد ما شطب جسمي گعد گبالي على القنفه واني حالي يبچي الصخر گال ابو شوارب/ إذا ما گلتي اله شي على كلامچ يعني عادي من تنطي موعد ثاني يجي
واني بس أهز براسي ما بيه حيل احچي شگد چانت تضربني صفيه إلا هيچ ضرب بحياتي ما مضروبه
وام رحاب مثل الشرطه تجي بالأخير تنطي الحلول وأيدت كلام ابو شوارب وهي اجتي عليه وتگول لابو شوارب
ام رحاب / عوفها خلي جسمها يصير زين وترجع تتواعد ويا
ريماس/ گومتني وهذا ابو شوارب وين وله ما ادري گعدتني على القنفه وراحت جابت ملابسي وبدلت وخليت شال على راسي وأخذتني لبيتي وهي بس فتحت الباب وراحت واني گوه دخلت حتى رجلي احسهن عبالك خيوط ما اگدر اصلب طولي من وره الضرب دخلت واني انعل ساعه السوده الشفت بيها ام رحاب اجني اخواتي عليه أتوكأ عليهن ودخلني للغرفه
وگوه ساعدني وگعدت واريد انزع ملابسي بس ما اريد انزع گدامهن ويشوفن جسمي لهذا طلعتهن وفتحت جنطتي وطلعت الموبايل اريد رحاب تجي ساعدني لگيت مهند متصل هواي وراسل رسائل واني منا نكتلت بسببه وبعدني اقرا برسائله اتصل
بگلبي گتله عيد وجابك الله الي
رديت عليه واول ما گال شلونچ لينا نهديت بي بصياح گتله / شوف لك بعد اياك تتصل بيه فهمت يله ولي حقير
وغلقت الخط بوجهه واريد اتصل برحاب ماكو يتصل بيه مهند وارجع افصله اخير شي رسلت بصمه صوتيه لرحاب گتلها تعاليلي هسه
وغلقت جهازي نهائياً نمت على السرير گد ما تعبانه نمت ما حسيت غير على اختي وهي تتلمس بوجهي وتگلي شبيچ ريماس
جاوبتها انه اني ودى امشي دعمتني السياره
وكسرت گلبي من حضنتني وتبچي وتگلي خاف تموتين ريماس احنه وين نروح احنه نحبچ
سحبتها عليه وحضنتها طمنتها انه ما اموت ورجعت تگلي گومي اكلي ويانه سويت اكل ومن سالت على صفيه گالت طلعت عرفتها راحت على ام رحاب حتى تاخذ الجرعه مالتها
وگوه گومتني اختي وآخذت ملابس ورحت للحمام سبحت وجسمي مخطط مثل الحمار الوحشي كملت سباحه وبدلت وطلعت رحت گعدت ويه اخواتي ناكل أجتي رحاب ودخلت سلمت عليه وهي تتعذر انه قبل شويه يله سمعت البصمه
خلصت أكل وساعدتني گمت رحنه للغرفه وبعدها طلعت جسمي الها وهي تخبلت من شافته وحچيت الها كل الصار
رحاب / مهند الظاهر بمركز حساس والله اعلم احتمال يريدون منه شي او يبتزوا وچانوا يريدون هذا الشي عن طريقچ بس انتي خربتي خطتهم وربچ لما مهند مهم عدهم ما يسوون بيچ هيچي على موده تخيلي البنيه البكر عدهم يندفع بيها فلوس قيامة الله يله ينطوها لواحد يكسرها انتي هيچ ينطوچ مجاناً لمهند يكسرچ لعد گولي مهند شگد بالغ الأهمية
ريماس/ يا أمة الإسلام والله ما گتله اي شي هو ما اعرف عافني وطلع يركض يعني انتي بخيالچ شنو اگله هو كل شي ما يعرف عني انتي تعرفين هو ما يعرف اسمي ريماس ترى هو يعرفني بسم لينا بس هو شبي طلع ما اعرف وبعدين هو نگبر طلع واني بتليت على عمري
وظلت رحاب سولف انه بشغلهم اي غلط حتى لو اني ما غلطانه بشي اتحمل كل عواقبه على اعتبار فشلت بالمهمه وسوالف ما منها فايده بعدها راحت رحاب جابت عصارات دهن من الصيدليه وخلتلي على أماكن المضرره من الضرب وراحت
ويعدها اجتي ام رحاب جايبه صفيه ودخلت يمي حتى شوفني وظلت تحچي عليه وتريدني شاطره بشغلي على اساس اني بالمدرسه وتريدني شاطره
وراحت وبقى الوضع تقريباً 11 يوم موبايلي غالقته وام رحاب تجي تطمئن عليه وتروح واني صرت زينه وبفضل عصارات الدهن مال رحاب حتى آثر ما بقى وبيوم 12 اجتي ام رحاب وطلبت مني احدد موعد ويه مهند
جاوبتها / يا مهند من يوم الضربتوني بي انتي والرجال تعاركت ويا وما احچي ويا وحتى جهازي غلقته ما ادري بمهند
وهي تخبلت
ام رحاب / انتي الله مخبلچ وذابچ عليه مو بكيفچ تصرفين غير تسأليني ولچ إذا ما اتواعدتي ويه مهند روحچ يطلعوها بنت القندره بكيفچ انتي شوفي لچ منا إلى باچر إذا ما رجعتي علاقتچ بمهند اني ابلغهم وهمه يصرفون وياچ وشيسوون بيچ انتي تحملي نتيجة غبائچ اللهم اني بلغت اللهم فاشهد
وراحت ام رحاب رجعت طلعت جهازي اريد افتحه ما ينفتح خليته على الشحن شحن ونفتح وبلشت توصل الرسائل وإشعارات الاتصالات وهواي منها من مهند واخر اتصال منه ورساله قبل ساعتين
فتحت رسائله وگعدت اقرا بيهن اكثرهن يتوسل بيه آنّه أجابه ويحلف إنه يحبني وما يگدر بدوني
وبعد التوجيهات العاليا لازم ارجع علاقتي بي وما معقوله بعد ما انكتلت بسببه اني اتصل بي لهذا قررت شوكت ما يتصل بيه اجاوبه
وبالفعل للعصر دگ موبايلي شفته چان مهند خليته شويه يدگ يله رديت عليه
مهند / ولچ لينا شلون سوين بيه هيچ ما تگولين حبيبي مهند شنو صاير بي لچ دى اموت لكونچ بعيده عني
ريماس/ هنا قررت انتقم منه شلون انكتلت بسببه
گلته/ روح اني زعلانه منك يعني حبيبي حاضني ويبوس بيه وابوس بي بعدين يعوفني ويطلع بدون سبب ولا حتى يعتذر مني بعد ما اريدك وعلاقتنه انتهت
مهند / ولچ انتي ما تفهمين شوفي لينا اني احبچ وربي يشهد عليه واريدچ حلالي وما اريدچ بالحرام ومن اجيت يمج وظليت ابوس بيچ صارت عندي رغبه قويه بيچ يعني لو باقي بعد دقيقتين ادخل بيچ بالحرام وهذا الشي اني ما اريده گتلچ اريدچ حلالي احچي ويه زوجة عمچ وعلى لسانها شگد تريد مهر اني قابل بس اريد تكونين حلالي
ريماس/ شوف مهند لما احچي وياها وتوافق اني ما اگدر ابتعد عنك لسه لمساتك وبوساتك احسهن على شفايفي وجسمي مشتاقتلك باچر زوجة عمي تطلع ابقى بس اني تعال يمي وهم بس بوسني وحضني كل شي ما اريد منك واني احچي ويه زوجة عمي
مهند /لهاي الدرجه مشتاقتلي وما تردين عليه وربچ اني مشتاق الچ اكثر منچ باچر اشلعهن لشفايفچ من البوس واشوفچ منو مشتاق اكثر اني لو انتي
وظلينه نسولف ونتغازل وبعدها غلقت الخط ويا واتصلت على ام رحاب وبلغتها بكل كلام مهند
ام رحاب / ابن سير النعال هسه وكت حلال وحرام واحنه عبالنه گلتي شي اله وطلع چنتي راح تموتين من ورا يله ما صار شي اعتبري أبوچ وضربچ وحضري روحچ باچر لمهند حتى مثل ما هو راح يعرس عليچ احنه هم راح نعرس عليه
ريماس/ اني هذا الخرط مال ام رحاب كله ما يهمني غلقت الخط وياها وكالعاده لازم اهتم بجسمي لانه عندي موعد كملت تنظيف جسمي ووجهي وسبحت والليل كله سهرانه ويه مهند وللفجر يله غلقت الخط ويا وحضرت نفسي من مكياج وملابس نوم وبدلت طلعت رحت لأم رحاب وهي شافتني كامله من كل شي اجى ولد علينه بسيارته صعدنه ويا واخذنه للبيت الثاني دخلنه
وكالعاده التوجيهات نفسها بس ام رحاب اكدت عليه أنه احاول بكل جهدي انزع مهند ملابسه كلها واني بس أهز براسي علامة الموافقه نزعت ملابسي ولبست ملابس النوم وعطرت روحي وما يقارب ساعه 9 الصبح اتصل عليه مهند گال اني بالباب
وگتله الباب مفتوح ادخل وبس فتحت باب الصاله شفته من دخل الباب الرئيسي اجى عليه ودخل وسديت باب الصاله ورا وهو حضني ويبوس بيه من رگبتي ويگلي / اوف هسه ردت روحي حبيبتي لينا
وهو يبوس بيه واني ابوس بي ونزعته ترشيرته وفتحت حزامه وهو تبرع نزع ملابسه كلهن ويكلي / خلي ادخل بيچ احنه راح نزوج بعد ما اتحمل حبيبتي
دفعني على القنفه وصار فوگي ويحير شنو يسوي يبوس ويتلمس بجسمي وحتى المناطق الحساسه ونزعني ملابس النوم كلهن وصار بين رجلي ما حس اله من خلوا اسلحه براسه وهمه يگولون اله لا تتحرك نفس مكانك ونفس وضعك وموبايلاتهم بيدهم ويصورون بينه اما مهند إذا ينذبح من الوريد للوريد ما بي نقطة دم
وبعد ما كملوا تصوير طلبوا من عدنه نلبس ملابسنه ومهند يلبس ويباوع عليه بنظرات ما اعرف شلون أفسرها واني ام رحاب دخلت واجتي عليه بيدها جبه وشال لبست الجبه والشال
ومهند بده الكلام گال لابو شوارب / اني مستعد ازوجها او شي تطلبوا ضمان على كلامي اني مستعد اقدم الضمان
جاوب ابو شوارب / ليش انت مصور احنه جايبيك لهنا حتى ننطيك مره لا حباب امشي ويانه والشباب راح يصعدون وياك بسيارتك واي شي يطلبوا منك الشباب تنفذه والا ما تعرف شنو يصير بيك
ريماس/ اخذوا مهند گدامهم وطلعوا بس قبل ما يطلعون مهند ركز نظره عليه بنظرات ما أنساها ابد
بيان / الحياة الزوجيه تنبني على التفاهم والثقه والحب إذا نفقد احد هاي العوامل الزواج يكون خطأ مثل البناء إذا الأساس أعوج مستحيل الحايط يطلع عدل واني ويه لميس اي تفاهم وثقه وحب ماكو ولميس زادتها عليه غدر اني اعتبر لميس غدرتني بيوم الي تخربطت اخذني ابويه للمستشفى بحيث لحگوا عليه بالأنفاس الاخيره لانه وجع بصدري كلش قوي وحتى نفسي احسه دى ينگطع واخذوني بطوارئ خلوا جهاز التنفس على خشمي وحلگي وخلوا كانونه بيدي وخلوا مغذي وبعدها ضربوا اكثر من ابره بالمغذي
ورجعوا اخذوا مني دم للتحليل وابويه اتصل بعمي وسام موبايله مغلق اتصل بعمي مهند وبلغه انه اني بالمستشفى وما مر تقريباً نص ساعه واجى عمي مهند والدكتور من عرف اني ضابط ما قصر ابد وعمي مهند چان يسألني على شبيك وما بيك فايده وبعمر الشباب وگلبك يوجعك
اجى الدكتور سألني/ انت تعاني من ضعف جنسي
بيان / لا ما عندي اي ضعف جنسي ليش
الدكتور / إذا ما تعاني من ضعف جنسي ليش هلگد ماخذ منشطات جنسيه هاي الكميه الماخذها تكفي حصان مو انسان كلش ماخذ هواي وحمدلله جابك والدك بالوقت المناسب والا چان صار عندك تصلب بشرايين القلب وانتقلت لرحمه الله
بيان / إذا اگول على المفاجأه الي تفاجئنه بيها اني وابويه وعمي مهند لا تصدق ظلينه واحد يباوع على الثاني والدكتور كمل كلامه راح اكتب علاج اله من صيدليه من بره بعد ما يخلص المغذي تگدرون تطلعون رجع عمي يسألني
مهند / انت ليش تاخذ منشطات ترى هاي ما تاخذها إلا تحت إشراف دكتور خطره
بيان / كفيلك هو الله ولا ماخذ منشطات ابد بس هسه عرفت هاي لميس لكوني ما دخلت بيها الفتره السابقه خلت الي منشطات حتى اتقربلها
مهند / هاي مخبله شلون تنطيك منشطات وانت كل شي ما بيك شنو هي دكتور امراض تناسليه همزين ما متت والله صدگ هاي گحبه ولو حتى الگحبه اشرف منها لانه ما سوي سوايتها بابا لا تسكت عليها بلغ ابوها وخلي بالصوره باچر عگبه وسام يگلك ليش ما بلغتني وانت إذا رجال لا تبقيها يمك لانه هاي ما عدها خطوط حمره توگف يمها عبرت كل الخطوط الحمره حتى خطوط المرور هم عبرتها
بيان / وبقى ابويه يتوسل بيه على بنت عمك وتحبك وتريدك تبقى وياها لا تبلغ أبوها عيب شيگول علينه
مهند / لعد هي لو موته لهذا المسكين احنه شنو راح نگول سامي الغلط يتعالج ما يطمطم عليه فهمت خلي يبلغ ابوها شنو سوت بنته حتى بعد لا تفكر تعيد شغله تأذي
بيان / كمل المغذي وكتبلنه الدكتور على علاج وطلعنه وچان دنيا فجر من رجعت للبيت ويايه ابويه لانه عمي مهند عنده دوام ومن يخلص دوام يجي علينه للمزرعه وراح ولگيت لميس وبيبي بالمطبخ واول ما دخلت اجتي لميس حضنتني وتبچي وتتحمدلي بالسلامه وتسألني شنو السبب صار هيچ بس اني ما جاوبتها نمت على القنفه نمت بعد ما حسيت وبذاك اليوم حتى للدوام ما رحت
وما گعدت غير ساعه 2 الظهر گمت سبحت ولميس جابت الي ملابس اخذتهن منها لبست وطلعت واني جوعان صراحه گمت حتى بالأكل ما اثق بيها رحت اني للمطبخ وكلهم بعدهم ما متغدين صبيت الي ولميس واگفه يمي تتوسل بيه
لميس / حبيبي بيان روح لصاله هسه راح اصب غده للكل كلنه بعدنه ما اتغدينه
بيان / عفتها تمسلت ما جاوبتها واخذت الصينيه ورحت لصاله تغديت والصينيه اني رجعتها للمطبخ وصبيت الي چاي ورجعت لصاله خابرت على مديري وطلبت منه يعتبر هذا اليوم اجازه الي ولميس عينها عليه واني مجاهلها وظليت اگلب بالموبايل لساعه 5 إلا ربع دخل عمي مهند وظلينه نسولف سوالف عاديه وبعد ساعه دخلوا بيت عمي وسام كلهم وبعد السلام وشويه سولفنه سوالف طبيعيه سال عمي
وسام/ خيرك بيان شبيك البارحه اني موبايلي اغلقه بالليل والصبح عندي دوام ومن رجعت لقاء گالتلي بيان البارحه نقلوا للمستشفى
بيان / الله بالخير عليك عمي اني من چنت عندي مشاكل ويه ميقات انت اكثر من مره انطيتني لميس واعرف انت تحبني وتريد سند لبناتك واني مو دى انقص من لميس بالعكس بنت عمي ومتربيه احسن تربيه واني چنت ما اريد ازوج لميس لكون بعدني مشاكل ويه ميقات لهذا ما حبيت اظلم لميس ويايه بس من انت انطيتني لميس وحددت موعد ما حبيت اكسر كلامك
وتزوجت لميس وسبق ان گتلك ما اريد اظلم لميس لهذا ما دخلت بيها گلت انطي مجال لنفسي والها من يصير توافق ورغبة بينه يله نكمل زواجنه بس انت يوم الخميس من اخذتها لدكتور گتلي لميس متخربطه يرضاها الله تطلع جايبه حبوب منشطات وتنطيها الي ويه چاي والبارحه تخربطت وهاي عمي وسام وابويه ويايه چنت راح اموت بسبب المنشطات الي تنطيهن الي
هنا عمي وسام تخبل بدون سابق إنذار طفر على لميس خلص عليها گوه عمي مهند واني خلصناها من ايده بس شنو عصبيته تحسه صاير نار لزمني من راسي وباسني وهو يگلي
وسام / امسحها بوجهي بيان وشنو تگول عليه اني استحقه لو تضربني بنعالك ما اگول لا
بيان / محشوم عمي اني ابنك والله رگبتي ترخصلك
وسام / بيان راح اطلب منك طلب واذا ما نفذته والله لا انت ابن اخويه ولا اعرفك
بيان / انت مو تطلب انت تآمر عمي
وسام / طلگ لميس