رواية ويبقي الامل الفصل الثامن والعشرون28والتاسع والعشرن29بقلم رنا عبود والاء الشناوي
في الكافيه
عاصم:ثواني يا روحي هروح اتكلم في التليفون واجي مش هتاخر وكملي اكلك
ريم بتوتر:ماشي يا حبيبي
ذهب عاصم وبقيت ريم بمفردها
صوت رنين هاتفها يصلها بوضوح والمتصل كريم
ريم ببكاء:يارب هو انا مش هخلص من ال انا فيه ده
اغلقت ريم هاتفها تماما
وبدات في تناول طعامها بهدوء
جاء عاصم
عاصم :حاولت متاخرش عليكي كويس انك خلصتي اكل دقيقتين بالظبط وجاي تاني شغل اسف يا روحي
ريم :لاعادي
خرج عاصم ودخل ياسين
ياسين موجها حديثه لريم:قومي بهدوء معايا انا خلاص عرفت كل حاجه
بدات ريم بالبكاء :انا مش هروح في مكان
ياسين:انا بقول تيجي معايا بالهداوه احسن واخرج مسدسه
ريم :خلاص خلاص انا اقوم اهو
ذهبت ريم معه ووصلوا لمكان شبه مهجور
ياسين:انزلي
اومأت ريم بالايجاب
ونزلت
دخلوا الي بيت مظلم
تعالت شهقات ريم بالبكاء
ريم:انا معملتش حاجه والله اسامه هو ال عمل كل حاجه
اضيئت الانوار
وظهر عاصم بباقه ورد والبالونات تملئ المكان
انسحب ياسين ببطئ
عاصم:بابتسامه حبيت اعملك مفاجئه مختلفه شويه يا قلبي وفي مفاجئه تانيه قررت نكتب كتابنا اخر الشهر يعني كمان عشر ايام كده يا روحي والفرح بعديه علطول
لم تستطع تمالك نفسها تعالت شهقاتها
عاصمعاصم: اسف يا ريم مش قصدي اخضك ولا حاجه بس فكرت في فكره مجنونه زي ما بتحبي دايما الافكار المجنونه
هدأ عاصم من روع ريم
ريم ببكاء:عاصم انا عايزه اروح
عاصم:لسه المفاجئه مخلصتش
ريم:انا عايزه اروح مش هقدر اقعد هنا ثانيتين حتي
عاصم:خلاص براحتك يا ريم
*******
داخل فيلا المنشاوي
تجـلس كوثر تحتسي القهوة تحت اشعه الشمس في حديقه المنزل ليأتي ماجد من خلفها
ماجد::كـده ياكوكو بتخرجي تشربي القهوة لوحدك من غيري
كوثر بزعل بادي علي وجهها::معـلش ياماجد بس مضايقه شويه وقولت اقعد لوحدي
ماجد:: ومن امـتا بنخبي علي بعض حاجه
كوثر:: انا الحمـدللـه اطمـنت علي خلـود معاها شاب ابن ناس ومحترم وبيحبها
ماجد::امال مضايقه من ايه
كوثر:: مضايقه علي عاصم واماني
ماجد::عاصم ليه?!!
كوثر::انا مش مرتاحه للبت دي ابداا قلبي بيقولي انها مش بتحب عاصم ولا شكلها ومنظرها
ماجد::وبعدين ياكوثر احنا اللي هنقوله نعيده ابنك هو اللي اختارها وهو الي هيعيش معاها يبقا احنا مالناش دخل
كوثر:: ياماجد افهمني دي البت ما كلمتنيش حتي من يوم الخطوبه ولا اهلها كلموك ولا نعرف عنهم حاجه يبقا خطوبه ايه دي وونسب ايه ده
ماجد:: بصي ياكـوثر احـنا عودنا ولادنا انـهم يختاروا ويتحملوا نتيجــه اختيارهم دي عشان محدش منهم يجي بعد كده ويقولنا انتو السبب في حاجه خلينا احـنا بعيد عن حياتهم الشخصيه واللــه لما يحبوا يدخلونا ماشـي مش عايزين خلاص مالناش دعـوه
كوثر::ماشـي ياماجـد سيبنا من عـاصـم وامانـي
ماجد بأنزعاج:: مالها الهانـم
كوثر::مالك ياماجد انت مش طايقها ليـه
ماجد::احكـي اللـي عندك
كوثر:: البت منهاره ياماجد وانت جاي عليها مع خالد
تصور خالد بيعرف عليها بنات وكل يوم سهر وخروج للفجـر ولبس جديد وشياكه دي وصلت بيه ان هو بيكلـم البنات والستات وينزل يقابلهم قدامها عادي
ضحك ماجد ضحكه عاليه
كوثر بأستغراب::بتضحك علي اايه ياماجد انت مبسوط من اللي بيحصل ده
ماجد::اه مبسوط بنتك هي اللي وصلته لكده قولي لبنـتك تبارك لجوزها ع العروسه التانيه
كوثر بشهقه::بتقول اي هي حصلت لكده
ماجد:: بنتك خلاص ضيعت جوزها واللــي كان كان
خليها تحاول تعدل اللي اتكسر ده لو قدرت وخليها تقفل ع بيتها وعلي سرها وتبقا ست زي باقي الستات وتشوف مقصره مع جوزها في ايه وتعدل من نفسها وتاخد بالها انها متجوزه راجل بيحبها وشايلها من علي الارض شيل
عند اذنك يا مدام كوثـر عندي شغل في المكتب
وتـرك كوثـر تتخبط في افكارها وترتعب من فكـرة جواز خالد بأخري غير ابنتها........
******‹
داخـل غرفه المعيشة بفيلا اسراء
تـجـلس جميـله مع بناتها بعـد ان اقنعوا مرام بالجـلوس معهم امام التليفزيون لمشـاهدة مسرحيـة قديـمة لتغير جو المنزل من الحزن المخيم عليه
اسـراء:: ايه يامرمـر مش ناوي تفكيها وتضحكي شويه بقا انتي بقالك أسبوع ع حالك ده مش حتي الكتابه مش بنشوفه غير لو عايزه حاجه ضروري بس
نظـرت مرام بحزن ل أسراء وابعدت وجهها للناحيـة الأخـري
اسـراء:: انا عندي ليكـم خبـر ممـكن يفرحكم بس مش همشـي فيه غير لما مرام تبقا كويسه ان شاء اللـه
جميـله:: قولي يابنتي اهي ايه حاجه تفرحنـا
نظرت اسراء لمرام لتري انها تنظر لها تحسها علي تكملت الكلام
فرحـت اسراء ان اخـتها تستجيب لها::انا قررت أنزل اشتغل ايه رايكـم
جميله:: الف مبروك ياحبيبتي هي خطوه كويسه جـداا بس فين الشغل المناسب ليكي واللـي هتقدري عليه من غيـر تعب
نظرت اسراء
لمرام لتراها تكـتب لها
الف مبروك ياحبيبتي وان شاء اللـه هنلاقي الشغل المناسب قريب اوي
اسراء :: حبيبتي يامرام ان شاء اللـه ياماما مش هدور علي شغل غير لمـا مرام تخف وتبقا زي الفـل عشان هي اللي هتدور معايا علي الشغل ده
اومت مرام براسها
اسراء::يلا بقا خفي بسـرعه عشان نلاقي الشغل
وعدي الليل عليهـم كالمعتـاد بين حزن وهم وخوف وقلق من المجهوول..
*****
داخـل كافيه علي النيـل
تجـلس بنست علي طاوله اخـر الكافيه
أسـامه:: مـعلش ااتأخرت عليكي بس الطريق كانت زحـمه اووي
(بس هو كان مع واحده تانيه الفاشل ده😂😂)
بسنـت::ولا يهـمك يابيبـي
اسامه::وحشتيني اووي اوووي اوووي
بسنت::وانت اكـتر
اسامه::انا بقولك نتجـوز بقا
بسـنت::بدهشه نتجـوز
اسامه:: ااه نتجـوز مالك اتخضيتي ليـه كده
بسنت::انـا بس اتفأجـت وفرحـت شويه احاسيس كده
أسامه::وافقي انتـي بـس وانا خلال الاسبوع ده هكـون مظبط كل حاجه واجي اطلبك
بسنت:: حـاضري ياحبيبي خليني علي تليفون بس يلا انا جـعانه بموت وحبيت أكـل معاك
ابتسم اسامه بخبث::بس كده عنيا ياروح قلبـي........
********
داخــل غرفـه نوم اماني وخـالد
حاولت امانـي التكلم مع خالد في اي شئ ولكـن خالد لما ولن يتنازل عن تلقينها درسا قاسـي
رن هاتفـه
خالد:: حبيبـة قلبـي عامـله ايه
خالد::حلو اووي استنيني بقـا ساعه بالكيتـر ونتقابل في المـكان بتاعـنا
اغلق خالد الهاتف وبدل مالبسه وتوجه ناحية باب الشقـه كل هذا تحت كتلة الشعله التي تجلـس علي طرف السرير
اقفل خالد باب منزله وذهب
وظلت اماني تنتحـب طول الليـل ولـكن اخذت قرارتها الصائبه لترجيع زوجـها الحبيب اليها مره ثانيـه......
****
الحلقه التاسعه والعشرون
ذهـبت خلود لزيارده مـرام
داخـل فيلا اسـراء
خلود::ازيك ياسو اخبـارك ايه
اسراء::خلود حبيبتي انا بخيـر الحمـدللـه
اخبار خطيبك ايه
خلود::بمشاغبه بخير ياختي مطلع عيني
اسراء::بضحكه بجد ده انتي مفتريه ياخلود
ربنـا يهنيكي ويفرح قلبـك يارب
خلود::ونفـرح بيكـي ياقمـر انـتـي كـمان
اسـراء بغصه في حلقها:: لا خـلاص انا مش عايزه اتجوز انا قررت اشتغـل وافضل مع ماما
خلود::سيبك من الجواز دلوقتي انا هجبلك الشغل ان شاء االلـه
اسراء::بفـرحه بجد ياخلود
خلود::اااه طبعا بجد مرام اصلا كانت كلمتني علي الموضوع ده وكنا فعلا هندورلك علي حاجه مناسبه ليكي
اسراء::يـاريت ياخلود انا عايزه اشتغل في حـاجـه بحبـها وانتي عارفه اكـتر حاجه بحبها ايه
خلود::الرسم طبـعااا وعشان كده بأذن االلـه هنلاقي حاجه خاصه بالرسم تشتغلي فيها
اسراء::متشكره جداا ياحبيبتي واللـه ياخلود احـنا لو معانا اخت تانيه مش هتكون زيـك كده
خلود::متشكره يا اختي يلا بينـا ندخل نرخم علي البت مرام
اسراء:: تعــالي
دلفوا لغـرفه مرام كانت مرام انهت طعامها
جميله::اهلا ياخلود ياحبيبتي منورانت
خلود::ده انتي اللـي منوره الدنيا ياجوجو ياجميله انتي
جميله بضحكه صافيه::تصدقي يابت ياخلود محدش بيدلعني غيرك
خلود::ربنـا يخليني ليكـ وافضل ادلع فيكـي طـوول العـمر
اسراء::مرام أكلت كويس ياماما
جميله:: الحـمدلله يا اسراء أكلت كويس عن الايام الي فاتت دي كلـها
ذهبت جميله وجلست خلود علي يمين مرام واسراء علي كرسيها المتحرك علي شمالها
خلود::اسمعي بقولك يامرام كفايه الشهر المنيل ده اللي عايشين فيه جلسات ودكاتره وقرف وانتي لحد دلوقتي مش بتتكلمي حتي انك مش راضيه تقولي حصلت حاجه تانيه غير اللي قولتيه ولالا
اسراء::وااللـه تعبت معاهت ياخلود وهي مش موافقه تعرفني اي حاجه
اشارت مرام لهم علي كراستها التي تكتب فيها وكتبت لهـم ماحدث
اسراء بشهقه::يالهوووي دي لو ماما عرفت هتروح فيها
ياندل ياحيوان هنعمل ايه دلوقتـي
خلود::اهدي يا اسراء احسن طنط تسمعنا
اسراء::دي مصيبه ياخلود عارفه يعني ايه صورها تتوزع علي الناس بتاعت الجماعه بس يعني الدنيا كلها هتشوفها
ظلت خلود تفكر حتي وجدتها
خلود::انا عرفت هنحلها ازاي بس بس لازم الموضوع ده حد تالت يعرفه
نظرت لها مرام بخضه واسراء كذلك
خلود::براحـه عليـا بـس احـنا لازم ندخل راجل يابنـات عادل ده عيل صايع واحنا مش هنقدر عليه
اسراء::بس انتي ناويه تعرفي مين ياخلود احنا مش عايزين شوشره ولا عايزه حد يبصلنا بصه مش كويسـه
خلود::ماتقلقوش هو شخص ثقه جدا واوعدكم ان محدش هيعرف حاجه ابدا ولا هيبصلكم بصه مش لطيفه
سيبوا المووضوع ده عليـا واللي فيه الخير ربنا يقدمها
دعت اسراء ومرام في سرهما بأن يسترها عليهم اللــه...........
********
في حديقه منزلهم تحتسي كوثر كوبا من القهوه بينما تشرب اماني كوبا من العصير ومحمود يلعب امامهم
كوثر معاتبه:هتضيعي جوزك من ايدك يا اماني
اماني:يا ماما اضيعه ايه ده بيكلم البنات قدامي ولا كاني موجوده اصلا خالد اتغير خالص ولا بقي بيشوف طلبات البيت ولا بقي بيهتم بيه خالص كل شويه لبس جديد وانا ولا اكني موجوده في حياته خالص
وبدات في البكاء
اماني:انا مش عارفه اعمل ايه خالص بجد تعبت طلقوني منه يا ماما
شهقت كوثر:طلاق انتي اتهبلتي ولا ايه وجايه دلوقتي مش عارفه تعملي ايه كنت فين لما كان بيعملك كل حاجه كان مهتم بيكي وانتي كنت هملاه انا كنت شايفه وساكته وابوكي كان كل شويه يقولي عقلي بنتك هيروح يتجوز عليها وانا كنت بقولها لا خالد ميعملهاش بس دلوقتي متلوميش الا نفسك يا اماني انتي غلطانه و غلطك كبير كمان روحي حاولي ترجعيه
اماني:هو ضاع خلاص يا ماما هعمل ايه انا
كوثر :هتفضلي هبله طول عمرك لما تلاقيه داخلك بعروسه بقي متبقيش تزعلي
اماني:انا عارفه اني كنت غلطانه يا ماما بسصس دلوقتي مفيش اي حاجه في ايدي اعملها
كوثر:مش بقولك هبله انا هاخد محمود ينام في حضني انهارده مش بلحق اشبع منه
وانتي روحي اي بيوتي سنتر وظبطي نفسك كده
اماني:مش هينفع يا ماما
كوثر بصوت عالي :هو ايه ال مش هينفع انتي لسه قاعده قومي يلا
اماني:طب ومحمود يا ماما مبقدرش ابعد عنه
كوثر:بس تقدري تبعدي عن جوزك صح قومي يا اماني روحي اعملي ال قلتلك عليه محمود معايا اهو وعاصم هيفرح اوي لما يعرف ان محمود هنا
*******
في منزلها مستلقاه علي سريرها ابتلت وسادتها من كثره دموعها لا تعرف ماذا تفعل لا يعجبها الطريق التي سارت به لا تستطيع التراجع الافكار تتزاحم في عقلها
امسكت هاتفها
وارسلت رساله اليه
"اسامه انا عايزه اقابلك "
والرد كان
"انا كده كده جيلك وحشتيني "
اغلقت هاتفها تماما لا تريد ان تحادث احد لقد تعبت وسئمت الحياه ايضا
لا تعرف كم من الوقت مر عليها وهي هكذا
دق جرس الباب وقامت لتفتح عيناها منتفختان ووجها شاحب اللون جسدها النحيف ازداد نحافه
اسامه:هو انتي مبتكليش ولا ايه اومال لو مكنتيش كل يوم خارجين تاكلوا في مكان شكل صديتي نفسي
ريم :اسامه من الاخر كده انا تعبت
اسامه:قولي انك عايزه فلوس عشان تروحي للدكتور هاتي من الاخر يعني
ريم:لا مش عايزه فلوس انا مش عايزه حاجه خالص انت شفلك طريقه تانيه غيري انا مش قادره امثل في اللعبه بتاعتك دي اكتر من كده
وقف اسامه وصفق لها
اسامه:ايه الدراما الجامده دي مكنتش اعرف انك تنفعي ممثله دراما
بدات ريم في البكاء:انا تعبت خلاص مش هكمل شفلك طريقه تانيه
اسامه:انا فعلا شفت طريقه تانيه بس ال بدا حاجه يكملها للاخر يا قطه متنسيش انا ماسك عليكي ايه
ريم:يا اسامه حرام عليك بقي انا عملت كل ال انت عايزه ومش قادره اكمل
اسامه :مش ذنبي
تركها وذهب وصوت بكائها ونحيبها زاد لولا ان المكان خال من السكان لكان وصل اليهم صوت البكاء
******
نـرجع لفيلا عاصم تانــي
ذهبت امـاني لتعمل ما املته عليها والدتها
وسابت محمود لكوثـر
كوثر:: حوده حبيبي تعالي ندخل نشـوف جدو بيعمل ايه يلا
ماجد::من خلفها انـا جيتلك بنفسي ياحبيبي جدوو
نظرت له كوثر:: بأستغراب ايه ده انت رايح فين ياماجـد انت بقالك شهر كده تصرفاتك مش مظبوطه
ماجد::بضحك ليه هتجوز عليكي انا كمـان
كوثر::ماتقدرش ياحبيبي هتلاقي زيي فين
ماجد::طب ما انتي عـارفه ياحبيبة قلبـي اني مقدرش استغني عنك
محمود::ايه ده ياجـدو انت هتحضن تيته قدامي امشي يلا من هنا
ضحك ماجد وكوثر علي كلام حفيدهم
ماجد::يلا اسيبكـم انا هوصل مشوار ساعه بالكتيـر وجاي
كوثر::خلـي بالك من نفسـك
ماجد::حاضر يالا سـلام
استقل ماجد سيارته وانطلق بها الي كافيه وبعد مرور دقاق وصل ماجد الي المكان ترجل من سيـارته وذهب لذلك الذي شاور له
ماجد::مساء الخير ياخالد بيه
خالد::بضحكه صاخبه ده حضرتك اللي بيه
جلس ماجد وهو يضحك
(فلاش باك لمكالمه بين خالد ومااجد)
ماجد::انت اهبل يازفت انت هتسيبها كده براحـتها وانت هتفضل ماشي وحاضر ومن عنيا
هي بنتي ااه لكـن الحق يتقال انا شايف انها مقصره معاك وسايبك وكل اهتمامها ب محمود والبيت
خالد::طب اعمل ايه ياعمي بس انا تعبت مع اماني
ماجد::انا هقولك تعمل ايه
انت هتخونها
ماجد::بخضه ايه استحاله ياعمي اماني دي روحي
ماجد::مش بقولك اهبل احنا هنمثل كده هقولك هنعمل ايه بالظبط واسمع وانت ساكت
خالد::حاضر اتفضل ياعمي
ماجد::بصي انت كل يوم الساعه9 هترن عليا تكلمني ع اساس اني واحده ست وتحب فيا وتلبس وتتشيك وتنزل وكانك نازل ل البت اللي بتكلمها دي وانا عليا المكالمات وانت عليك التمثيليه صح ماشي
خالد::بضحكه يا دماغك ياعمي تهون عليك بنتك
ماجد::تهون دلوقتي بدل ماتجيب اخرك منها وساعتها هيكون حقك تعمل اي حاجه
خالد::ماشي ياعمي انا هعمل االي انن بتقول عليه ده ونشوف النتيجه
(نهايه الفلاش باك)
ماجد::ايوه طبعا بيه امال زيك يا اهبل ياللـي مش عارف تخلي مراتك تاخد بالها منـك
خالد::الـحمدللـه ياعمي النتيجه واضحه جداا وهي بقت بتحاول تتكلم معايا وبسمعها وهي بتعيط كل يوم وقلبي بيتقطع عليها
ماجد::ياحنبن المهم النتيجه خلي قلبك علي جنب دلوقتي النهارده هنشوف النتيجه
خالد::اشمعنا بقا النهارده
ماجد بغمزه::عشان محمود بايت عندنا
خالد::يافرج اللـه يامسهل يارب
انا هروح علي البيت علي طول استناها واشوف ايه الحكايه بقا
ماجد:ربنا يهديكم يارب عايزكم بكره تدخلوا عليا انتو الاتنين مع بعض
خالد::ان شاء االلـه ياعمـي
ماجد::يلا بينا عشان الحق افهم حماتك اللي بيحصـل لانها بدات تشك فيه
ضحك خالد: ربنا معاك ياعمي يلا بينا...........
*****
جالس مع اصدقاءه بمكان مظلم ورائحه التبغ تعم المكان
رمزي:ما قلتش يعني يا عادل عملت ايه مع البت بتاعتك
عادل وابتسامه شيطانيه تزين وجهه:انا انا برئ معملتش حاجه
سعيد :علينا بردو ده احنا حتي اصحابك يا جدع ما تقول حاجه يا ادم
ادم:انت عارف اني مليش في ال انتو بتعملوه ده اخري السيجاره الحلوه ال بنشربها دي
عادل بسخريه:ربنا يزيدك ايمان يا شيخ ادم
رمزي:معرفناش بردو عملت ايه يا عدوله
عادل:عملت..... هو انا لسه هحكي تعالوا افرجكوا وخلاص
سعيد:دي شكل القعده هتحلو بقي
اخرج عادل هاتفه وفتح لهم الصور
رمزي:هو ده ال ربنا قدرك عليه
عادل:هتفضل طول عمرك غبي يبني هو ده المفتاح ال هيخليني اقدر يا حلو انت
ادم:شكل البت مش عايزه متسبها وتشوف غيرها
عادل :هو بمزاجها ولا ايه انا عايز مش مهم هي بقي ولا ايه يا رجاله
سعيد:انا بقول اقعد ساكت خالص يا ادم
ادم:وانتو من امتي بتاخدوا بنات غصب
عادل:دي استثناء عشان عششت جوه عقلي وبقالي سنه ولا طايل ولا ابيض ولا اسود حتي
ادم:انا قايم القعده بوخت
عادل بسخريه :بالسلامه يا شيخ ادم
*******
في صباح يوم جديد
كادت ان تخرج مرتديه بنطال ضيق وبلوزه قصيره بدون اكمام
ماجد:بسنت استني عندك انتي رايحه فين ولبسسه كده
بسنت:خارجه هكون رايحه فين يعني
ماجد:ايوه خارجه رايحه فين بالهدوم دي
بسنت:في اي يا ماجد هو انا طفله رايحه فين ولبسه كده ليه انا ماشيه
ماجد، :استني هنا انا بكلمك رايحه فين
بسنت:هو ايه ال رايحه فين رايحه نايت كلااب مع اسامه
ماجد:مع مين ؟؟ هو انتي فكره نفسك في امريكا ولا ايه ومين اسامه ده كمان
بسنت :اسامه ده تقريبا خطيبي وانا دلوقتي متاخره لما ارجع نبقي نكمل الموضوع
ماجد:بسنت استني
لم تكترث لكلامه وذهبت وتركته
****
في صباح يوم جديد
داخـل شـركه عاصم المنشـاوي
توجه ياسيـن لمكـتب عاصـم وهو مرتدي جلباب (جلابيه) ونظاره شمس وشال رجالي من الصوف
سلامو عليكو ياولد
نظر له عاصم ::وانفجر ضاحك علي منظره
ياسين:: ايه رايـك فيـا
عاصم::مسخـره بصراحه
(فلاش باك)
التقط عاصم هاتفه وقام بالاتصال علي ياسين
وكـان الحـوار كألتالي
عاصم::ياسين انا عايزك في خدمه ممـكن
ياسين:اكـيد ياعاصم تحت امرك
عاصم::انا عايزه تسيب الشغل الايام دي وتشتغل مخبر 😂😂
ياسين::بضحكه مخبر وعايزني اراقب مين بقا ريم??
عاصم::اه انا فعلا بدات اشك فيها تليفونها علي طول مشغول انا كمـان رحت الفيلا عشان اعملها مفأجـأة لقيت الفيلا مقفوله ومفيش انس مخلوق فيهت وكلمتها وقولتلها عايزه اشوفك ونزلت وجاتلي علي الكافيه وقعدنا وفضلت تتكلـم علي اهلها والفيلا وبتاع بـس انا عرفت انها بتكدب وليه معرفش
وحسيت ان وراها حكايه كبيـره ولازم اعرفها
ياسين::عنيا ليـك اديني 5ايام وهجبلك كـل المعلومات.....
نرجع مره تانـي
المهم سيبك من شكلك احــنا كده جمـعنـا كــل حـاجـه
ياسين:بس للـاسف في شخـص مجهـول محدش يعرفه الناس تعرف شكله لكـن اسمه هو مين لا
عاصم :اكيد اسامه ال كانت بتتكلم عليه ولازم تتـعلم الادب الاول هي فكـرت انـها هتلعب علي مين ده انا عاصم المنشاوي
ياسين:: طيب يا استاذ عاصم انا كده عملت اللي عليا وزياده
الدور والباقي عليـك اللي بقالك شهـر مفكرتش حتـي تتكلم خـالد
عاصم:ياعـم ماهو عارف اني بكـون مضايق لما حاجه بتحصل غلط في الشغل
ياسين::حتـي لو علي العموم براحـتك ياعاصم انــا هقابل خالد النهارده باليل في الكافيـه بتاعـنا لو حابب تيجي تتصالحوا مفيش مشكـله يلا اسيبك انـا شوف هتعمل ايه انت بقا مع القطه بتاعتك
عاصم::ده انـا هعمل عمايل سوده بس اصبر عليا روح انـت دلوقتي شوف وراك ايه
ياسين::ماشـي باكبيــر سلام بقا.......