رواية ليلة زفافي الفصل الثاني2بقلم مروان فرج
الحاج....اسمعي ي ولدي معاش بنصبر عليك اكثر من هكي نبي سبب مقنع عليش ماتبيش تتزوج لتوا
انا....من قال مانبيش نتزوج غضوا يام بنبعتلك لمكان ونبيك تخبطبيي رسمي
امي وبوي وهما مستغربين شبحو لبعض وشافوني 🔥😨
انا.....اي زي مانحكيلكم مش تبوني نتزوج اهو نا لقيت بنت وعجبتني ونبيك تمشي تخبيطهلي ياامي
الحاج...من عيله مني ي مهدي وبعدين تعرفها انتا او شنو
انا ....اي صاحبي يعرف بوها وهوا يلي قالي عليها ونا شفتها وعجبتني واستوني يومين نكلم صاحبي يكلمهم عشان تمشي امي وتخبطهلي رسمي
الحاجه ... ع خير إنشاء الله
انا.... إنشاء الله كملت غدي ومشيت خشيت للمربوعه فتحت نت وقعدت مكسد بروحي طول الوقت ومش عارف كيف اتا تفكيري يفكر ف البنت هادي معقوله هكي دارت فياا لدرجه معاش ركزت ف شي بكل من كثر تفكيري فيها
مشي الوقت ونا عقلي معاها وكنت نستني ف غضوا امتي يجي عشان نمشي للعمل وعلي امل اني نشوفها😐🔥
جي اليل ونا من كثر تفكيري ماطلعتش العشيه كلها ونا قاعد ف الحوش خطر في بالي صاحب الشركه قولت اكيد يعرف بوها نمشي نحكي معاه عشان يكلمه وغضوا يجي بيش نشوفه وبالك نتفقو امتا نحدوو موعد وهكي تمشي لامور ع خير
خديت تلفوني وجيت بنرن ع عادل جت الحاجه وقاتلي المهدي تعال كان بتتعشي للعشي واتي
انا...هي حاضر مشيت وقعمزت وتعشيت معا امي وبوي وكانو مش مصدقين انا خلاص قررت اني نتزوج لانا ماعمريش قبل فكرت فيه وكل مايفتحولي موضوع الزواج اتا يلي نهرب منهم
مهم تعيشا وكل شي وكلمت الحاجه قوتلها وتي روحك في اليوم هادم نبيك تخطبيهلي🔥😉
الحاجه....فرحت هلباا بس قالت نبي نشوفها ولو ماعحبتنيش مش رح نخطبك🙂
انا....اي اكيد وفي خاطري رح تعجبك اكيد نضت من بحدا بوي وامي ولعت سيارتي ومشيت كسدت ف قهوه ومابيتش نتصل بي عادل قولت بكره نشوفه ف الشركه ونحكيله ع الموضوع
جت الساعه 11في اليل ولعت سيارتي وروحت للحوش بيش نرقد ونوض بكري نمشي للعمل لانا عرفت انا بوها يجي بكري للشركه
رقدت وتاني يوم نضت الصبح بكري اول مره من اول ماخدمت ف الشركه لبست جاكيت وقميص ابيض وجهزت روحي ومشيت للشركه وصلت بكري قعدت مكسد بس للاسف بوي البنت مااجاش اليوم راقلي بكل وخشيت للمكتب متاعي وشوي وجاني عادل🔥🙂
عادل....خيرك يالمهدي فيك شي من بكري نشوف فيك مش ع بعضك شن صاير معاك
انا....اسمع في موضوع نبيك توقف معاي
عادل....قول شن في يالمهدي
انا...تعرف الراجل يلي امس سالتك الصبح وقوتلي صاحبي وبيوصل بينته وبيجي وماجاش
عادل....اي خيره
انا....بما انا صاحبك انا امس بالصدفه شفت بنته خشت خاطري ونبيها ونبيك تحكيلي معا لو وافق نجيب امي ونخبطها رسمي عشان انا مستعجل🔥
عادل....فرح هلباا واخير رح اديرها ي مهدي
انا.... إنشاء الله بس شوف مرات الراجل مايوافقش
عادل....ههههه خلي الموضوع عليااا واستني من تلفون اليوم العشيه خليني نكلمه ونحدد معاه موعد بيش تمشي ترفع امك وتخطبهلك رسمي
انا...وكان موافق
عادل ....الل غالب ماعندي مانديرلك
انا ... مستحيل يااما ناخدها ي رح ناخدها انا البنت حبيتها ونبيها
عادل...توكل ع الله وابدي ف خدمتك واستني مني تلفون ف العشيه
انا ... إنشاء الله بديت ف خدمتي وكنت نخدم كويس ومكسد ع امل يجي بوه البنت بس للاسف طول الدوام ماجاش روحت ولقيت الحاجه دايره الغدي بس ماكانش عندي نيه ع طول رقدت نضت العشيه خديت تلفوني وشفت بالك عادل اتصل بيا بس كان مافيش مكالمات بس
قعدت مكسد جي المغرب ومارنش عليااا جي للعشي وقاعد عادل مارنش علياا قولت ف خاطري اكيد كلمه بوه البنت وناوفق حسيت بكسره كبيره ف خاطري 💔اول مره نحس بالشعور هدا
جت الساعه 10في اليل مشيت للقهوه وكسدت فيها لعند12ونص طلعت وركبت سيارتي ورن تلفوني طلعت ولقيته عادل يتصل بياا
رديت عليه ايوااا عادل
عادل ....المهدي معليشي تاخرت مارديتش عليك لاني كنت نشغول وهمي
انا.... عادي مش مشكله بس قولي شن صار كلمت الراجل
عادل.....اي كلمته بس شني بنقولك توا للاسف مافيش نصيب 😐
انا.....سكتتت شوي وحسيت بقلبي انكسر وقعدت ساكت
عادل ...ههههه غضوا ارفع الحاجه الحماعه يستنوك فيك الساعه5العشيه واسم البنت ايناس
انا ...فرحت هلبااا وكانت فرحه عمري وحياتي كلها❤️🔥😍كنت مش مصدق بكل بكل شكرت عادل وسكرت الخط وروحت ونا فرحان وقعدت نرسم ف يومي شن بندير
تاني...يوم نضت بكري وطبعا مامشيتش للعمل ع طول مشيت للسوق وخديت حاجات عشان ترفعهم الحاجه معاها جبت كل شي وجهزت روحي وحت الساعه 5العشيه خطيت امي وطلعت درت دوره وشوي ورنت علياا امي وجيت روحت بيها وسالتها شن رايك في البنت وهنا كانت فرحتي
الحاجه عجبتها البنت هلباا بس قاتلي انها صغيره عليك شوي ونا قوتلها عادي وقالي خلاص توكل ع طول اتصلت بي عادل وقوتلا شن موافقين الجماعه
عادل....اي موافقين
انا...كويس بكل وحددنا موعد الخطوبه وخطبت ايناس وكل شي تمام التمام وخديت رقم تلفونها وقعدنا نحكو كل يوم في اليل وكانت ف البدايه تتحشم مني بس كل يوم تزيد تتعلق بيا اكثر واكثر ونا فرحان هليااا عشان خطبتها وهكي
المهم مشوو ايام هلبا وحددنا موعد العرس بعد اسبوع وكنت لما نتلاقا معا صاحبي يقولي ماتتسرعش أجل العرس شوي عشان تزيد تتعرف عليها مرات تطلع مدايره علاقات قبلك وهكي نقعد ف مشكله وكانو يحكولي هلباا قصص ع يلي صاير معاهم بس انا رفضت وقولت انا البنت حبيتها ونبيها ومش ماجل العرس نهائي
مشو ايام وجي يوم العرس وتحديدا يوم الزفه يلي كنت نستني فيها بالدقيقة 🔥😍
المهم جهزت روحي واتصلوا بياا قالولي وينك تعال للصاله نا كنت براا وكنت خايف شوي ومرتبك مهم خشيت وسلمت ع كل يلي كانو ف الصاله وقعمزت جنب عروستي ايناس كانت ايه من الجمال حلوه بمعني الكلمه😉😍حسيت روحي نعرفها من زمان مش من شهرين قعمزت جنبها وقعدنا نهدرزو معا بعض وكانت فرحانه هلبا ومش مرتبك بكل قعدنا شوي وبعدين طلعنا نن الصاله وجيت ركبتها ف سيارتي ومشيت لحوشي،❤️
وطول الطريق كنت نهدرز معا ايناس بس هيا ساكته وترد بحرف بس مش عارف شن يلي صارلها قولت ممكن خايفه ماخديتش الموضوع بجديه وصلنا لحوشنا ونزلت من السياره ومشيت فتحت الباب ليها ونزلتها من السياره كانت لابسه فيلو ومس قادره تمشي مشيت فتحت باب الحوش وجيت رفعتها ف حضني وخشينا لحوشنا وصلت لعند الصاله نزلتها وقوتلها خودي راحتك الحوش حوشك امشي لو حاب تغيري هادي دار نومنا ❤️
وانا مشيت للمبطخ شربت طاسه ميه وجهزت العشي ومشيت لدار النوم واول ماخشيت انصدمت لقيتها قاعده بالفيلو ووجها اصفر وخايفه🔥😨
جيت قعمزت جنبها وحاولت نهديها وقوتلها خيرك ماغيريتش وخيرك خايقه مني
ردت عليااا وقاتلي خايفه وبس 🔞💔
انا ..قولت ف خاطري ممكن مش متعود وهكي حاولت نهديها وبست ع راسها وقالتها ماتخافيش من شي بكل ومس رح ندير شي وطلعتها من دار النوم قعمزنا ف الصاله وقولتها خليك اهني بنحط العشي ونجي تمام
ردت عليا وقاتلي تمام نتعشو
خشيت للمبطخ وجهزت العشي وتعشينا معا بعض وقاتلي اصبر شوي نغير ونجي
قولتها تمام قعدت مقعمز ف الصاله هكي ربع ساعه طولت مشبت وخشيت للدار لقيتها زي ماهياا
قعمزت جنبها وحاولت نمسك يدها وفي لحظه صار يلي ماكنت متوقعه يصير بكل......🔥😨
الفصل الثالث من هنا