رواية ويبقي الامل الفصل الثاني والثلاثون32والثالث والثلاثون33بقلم رنا عبود والاء الشناوي
دخلوا المكتب سويا يضحكون
عاصم :اهلا اهلا جبتولي اخبار حلوه
ياسين بمرح:انا بقول نشتغل عصابه احسن هنبقي جامدين اوي
خالد : طبعا يبني هو احنا قليلين ولا ايه
عاصم:ايوه جبتولي اخبار ولا لا
خالد بمرح:بسم الله الرحمن الرحيم الاجابه هي تونس
ياسين:شكرا علي الافيه ال مش حلو خالص ده
خالد:لا شكرا علي واجب
عاصم:يا ابني انت وهو جبتولي اخبار
ياسين:للاسف لا هي متعرفش اكتر من ان اسمه اسامه وهو كان ماسك عليها حاجات خلتها تعمل كده وبتقول في واحد اسمه كريم قريبها كان عايز يدخل معاهم في اللعبه
عاصم:ايوه كده هي مقالتش حاجه جديده هي فين دلوقتي
خالد :رجعت لبلدها وعرفناها اننا لو شفنا وشها تاني متلمش الا نفسها
ياسين:بس احنا دلوقتي عايزين نعرف مين اسامه ده
خالد:هنعرفه ازاي دلوقتي كنا المفروض نخليها لغايه ما نعرفه علي الاقل
عاصم :مش مشكله هنتصرف وهعرفه يعني هعرفه اكيد يعني بعد ما يعرف ال حصل مش هيسكت
ياسين:وافرض خاف سكت
خالد :ياسين معاه حق افرض خاف
عاصم :كل ال اعرفه دلوقتي ان انا لازم اجيبه حتي لو من تحت الارض
خالد :طب دلوقتي هنعمل ايه
عاصم :ولا حاجه هنستني
ياسين:انا هروح البيت دلوقتي عشان فصلان وعايز انام
عاصم :خلاص تمام لو عايز تروح يا خالد انت كمان...
خالد:لا انا قاعد معاك في شغل عايز يخلص
***
تجلس اسراء في غرفه الانتظار تنتظر خلود ومرام بالداخل مع المدير لا تعلم لماذا تركوها هنا بمفردها كان من الارجح ان ياخذوها
خرجت مرام
اسراء:هو مش المفروض ادخل معاكم
مرام:انا جايه اخدك يا روحي عشان ندخل
دخلت مرام واسراء
المدير:اهلا انسه اسراء انا اسمي يوسف
اسراء:اهلا يا استاذ يوسف
ابتسم يوسف
يوسف:مفيش حد هنا بيقولي استاذ هو يوسف بس انا لسه صغير متكبرونيش
ابتسمت اسراء فيبدو ان مديرها الجديد مرح
يوسف :طبعا انا شفت رسمك الاول وهو حلو جدا يعني تقريبا من احسن الرسم ال شفته فبدون تفكير وافقت انك تشتغلي في مكانا المتواضع كلنا هنا بنعتبر المكان ده بيتنا التاني انا عن نفسي بعتبره بيتي الاول اصلا بس كاجراء بسيط اتفضلي املي الاستمارة دي
امالت خلود علي اذن مرام
خلود:بيحب يتكلم كتير شكله كتير
انتهت اسراء من ملئ الاستمارة واعطتها له
يوسف:وطبعا عشان حضرتك السلم هيبقي صعب عليكي في مكان مخصص لحضرتك تطلعي منه
مرام:انا هبقي اجبها ووهنروح سوا
تضايقت اسراء قليلا من الكلام ولكن سعادتها كانت اكثر من ذلك
يوسف:طب السكرتيره هتفهم حضرتك كل حاجه وتاخدكم جوله في المكان
بعد الانتهاء من الجولة وهم في طريقهم لمنزلهم
مرام :بس المكان حلو اوي
اسراء :ايوه حلو اوي والوانه مبهجه وبيعلموا الرسم بطريقه حلوه اوي
خلود:لا وكمان ال هناك تحسيهم عيله واحده والمدير بيضحك وبيهزر معاهم
****
اوصلتهم الي منزلهم وذهبت الي منزلها
منهكه للغايه تريد ان تنام
بدلت ملابسها واستلقت علي سريرها وكادت ان تنام ولكن رنين هاتفها ايقظها
خلود بصوت ناعس:ايوه مين
حسام :مين ايه انتي شكلك نايمه خالص
خلود:حسام ازيك عامل ايه
حسام :يا بنتي انتي لسه فاكره حسام انا قلت انك نستيني
خلود بصوت ناعس:اه اه
حسام :انتي شكلك نمتي خلاص
خلود:لا انا صحيه اهو ثواني هغسل وشي واجيلك
حسام :لا مش مشكله كملي نوم يا قلبي براحتك
خلود:لا انا هصحي اهو ثواني
ذهبت خلود وغسلت وجهها
خلود:انا جيت اهو وصحيت كمان
حسام:وحشتيني اوي
خلود :وانت كمان انا اسفه الفتره ال فاتت دي كان الوضع كله ملغبط
حسام :لا بعد وانت كمان دي انا مسمعتش اصلا احنا بنطور اهو
خجلت خلود فضلت الصمت
حسام:تصدقي انا مجنون وممكن اجيلك دلوقتي هلاقي خدودك لونهم احمر و مكسوفه
خلود: لا عادي مش مكسوفه ولا حاجه
انتبهت خلود لا قالته
خلود:لا هو... انا عايزه انام
ضحك حسام :خلاص روحي نامي براحتك بكرة بعد الكليه اعملي حسابك هنروح نتغدا سوا وهقول انا لباباكي يلا روحي
انتظر حسام الرد ولم تجيب فعرف انها بالفعل نامت قبل ان يكمل كلامه
اغلق المكالمه
حسام بابتسامه:مجنونه نامت وانا لسه مخلصتش كلامي
******
بعد مرور أسبوع علـي كل تلك الاحداث
أمام المرسم الذي اشغلت فيه اسراء
كانت في انتظار مرام التي تقوم بتوصيلها يوميا
اسراء::ياربي هفضل واقفه كده يامرام اقول فيكي ايه اما اتصل بيكـي اشوفك فين
قامت بالاتصال علي مرام ولـكن هاتفها مغلق
في الناحيه الأخـر
مرام::اوف ياربي اعـمل ايه دلوقتي الفون يفصل شحن والدكتور الرخم ده يدخلنـا اعمل ايه ياربي اسراء ياخلود هتعمل ايه دي مستنيه ف الشارع ياربي
توجهت اليها خلود
مالك يامرام بتكلمي نفسك ليه كده
مرام::الحمدللـه جيتي في وقتك ادني تليفونك اكلم اسراء دي قاعده ف الشارع مستنياني اروحلها
خلود::يالهووي خدي كلميها بس هي هتروح ازاي
مرام::وااللــه مش عارفه ياخلود اعمل ايه ولا اتصرف ازاي
لمعت فكـره في راس خلود
بقولك طيب انا هكلم عاصم ينزل يوصلها
مرام::مش عارفه بس انتي عارفه ان اسراء بتركب العربيه بصعوبه واكيد مش هتخلي راجل يسندها
خلود::بضيق ياربي بصي انا هكلم عاصم ونشوف
قامت بالاتصال علي اخيها
رد عاصم
عاصم::ايوه يامـتر
خلود::متر في عينـك مش عايزه اغلط فيك انت اكبر مني
عاصم::طيب كويس اوي انا عارف انك متصله اكيد عشان مصلحه وطلبك مرفوض
خلود::لا باللـه عليك ياعاصم احـنا عندنا محاضره دلوقتي وللاسف مش هنقدر نسيبها
واسراء اخت مرام شغاله في المرسم اللي جنبك وانت عارف ظروفها هتلاقيها في الشارع وصلها البيت عشان خاطري
عاصم::للـه بس وعشان خاطر ظروفها هي يلا سلام واغلق الهاتف
مرام::ها ياخلود قالك ايه
خلود::هينزلها دلوقتي
الدكتور::السلام عليكم
خلود::بس اسكتي بقا وعاصم هيتصرف ماتقلقيش........
*******
داخـل عماره سكنيه في منطقـه المعادي تحديد في الدور الثالث
داخـل الشقه
الخادمه بسنت هانـم
بسنت::ايوه ياحنان أسامه بيه بره
بسنت::تمام قوليله اني جايه حالا
خرجت الخادمه ل أسامه الهانم جايه يابيه
أسامه::ماشي مستنيها
داخل الغرفه
بسنت:: بتنهيده بقا كده ياماجد تسيب اختـك في يوم زي ده ماشـي ياماجـد انت اصلا مش فارق عندي
(فلاش باك لما حدث قبل أسبوع)
بعد ان عادت بسنت من سهره ليلة مع أسـامه
ماجد::كويس اووي اللي بيحصل ده
بسنت::بخضه ايه ده ياماجد قاعد في الظلمه كده ليه
ماجد::مستني الهانـم أخـتي اللي راحت اتخطبت من نفسها وبعدين جابتلي البيه هنـا اشوفه مش عشان اوافق او لا
بسنت::ماجد انا مش صغيره علي الكلام ده
ماجد::وانا مش هتسني لما تبوظي سمعتي وسمعت ابني عشان حضرتك امي وابويا معرفوش يعلموكي اصول بلدك كويس
بسنت::بخنقه انت واخد بالك من كلامك ياماجد
ماجد::اه واخد بالي لما بنتي تشوف عمتها بقلة الادب دي يبقا لازم اخد بالي كويس
بسنت::يعنـي اانا شبه ليكـم وكمـان غلط اللي بنت ماشي ياماجد انا مش هقعد هنا دقيقه واحده
ماجد::المركب اللي تودي يابسنت هانـم بس عايزك تعرفي حاجـه لو فضلتي مع العيل الصايع ده لأنتـي أختي ولا اعرفك
خرجت بسنت من الفيلا وهي لاتري امامها من كثره البكاء ونامت هذه االليله في فندق وفي الصباح استأجرت هذه الشقـه التي تقطن بها
(عوده من الفلاش باك)
خرجت بسنت ل أسامه
أسامه حبيبة قلبي عامله ايه النهارده
بسنت::انا كويسه طول ما أنت معايا ياحبيبي
أسـامه::طب يلا بينـا عشان نلحق نختار الشبكه قبل الزحـمه ونعدي نأخد ماما من النادي
بسنت::يلا بينـا ياحبيبي ......
*******
تـرك عاصم شغـله وذهب ليحلق بأسراء قبل ان يحصل لها مكروه فهو يعلم انها قعيدة كرسي متـحرك ولـكن هنـاك شيا˝ أخر يحركه ولـكن لما يعيطه اهميه
كـأن يمشـي بسرعه البرق ليصتدم باخالد
خالد:: اه مالك ياعم عاصم واخد ف وشك كده ليه
عاصم::معلش عندي مشوار ياخالد واكمل سيره
ركب سيارته وتوجه للمرسم فهو جنب شركته لا يفصل بينهم الا بضع خطوات
ترجل عاصم من سيارته وذهب اتجاه اسراء
التي تفأجات به امامها يطلعها بعيون التي غرقت في بحورهـم منذ اول لقاء لـهم
عاصم::أحم أحم ازيك يا انسه اسرا۽
اسراء::الحمدللـه مش حضرتك استاذ عاصم
عاصم::بلباقه ايوه يافندم هي مرام مكلمتكيش
اسراء::بإستغراب لا وموبايلها مقفول وانا مستنياها بقالي ساعه
عاصم::معلش هي متأسفه موبايلها فصل شحـن وفي دكتور دخلهم في محاضره مفأجاه
اسراء::بضيق وزعل طب انا هروح ازاي دلوقتي
عاصم::ما انا لسه مكملتش كلامي
اسراء::بخجل اسفه كمـل
عاصم::بأبتسامه متواضعه هي كلمتي هي وخلود ووصوني عليكي اني اوصلك
اسراء::بخضه نـعم
عاصم::في ايه براحـه انا قولت حاجه غلط
اسراء::بخجل وضيق مش كده بس ازاي
انا اصلي اصلي مش بعرف اركب العربيه لوحدي
عاصم::بشفقه لو مفيهاش مضايقه ليكي انا هساعدك
اسراء::بخنقه ودموع علي وشك الهطول
ازاي انا ماما ومرام هما اللي بيساعدوني انا مش بحب راجل يلمسني
عاصم::بنظره فرحه وفخر بهذه المخلوقه التي لما تعد موجود منها الكثير في هذا الوقت
عاصم::احم طب هنـعمل ايه دلوقتي
نظر خلفه فراي امراه وابنتها ف توجه ناحيتهم
اسراء::لنفسها المجنون ده رايح فين وسايبني
عاصم::لو سمحت يا امي
الست::اتفضل ياحبيبي اي خدمه
عاصم::معلش بس انا محتاج مساعدتكم خدي خطيبتي اللـي هناك دي
البنت::اللي قاعده الكرسي المتحرك دي
امها::بس يابت محتاجه مساعدتنا في ايه يابني
عاصم::للاسف انا مش جوزها ومش هينفع امسك ايديها واسندها للعربيه في لو سمحتوا تساعدوني
ذهب الام وابنتها وقاموا بمساعده اسراء علي ركوب العربيه ثم شكروهم وذهبوا
داخل العربيه
اسراء:: بخجل شديد فهي اول مره تتعرض لهذا الموقف
انا مش عارفه اشكر حضرتك ازاي علي اللي عملته ده
عاصم مفيش داعي للشكـر انا جنبك علي طول يعني في اي وقت تحتاجي حاجه ابعتيلي وده الكارت بتاعي
ظلوا يتكلموا حتي وصلوا لبيت اسراء نزل وفتح له البا واستدعي جميله كي تساعدها
جميله::متشكره اوي يابني تعباك معانا
عاصم::مفيش تعب ياطنط حمدللـه علي سلامتك يا استاذه اسراء
اسراء::بأبتسامه رقيقه اللـه يسلمك بس المفروض كنت تشرب حاجه
عاصم::معلش مره تانيه عن اذنكـم
ذهب عاصم وكـل واسراء كل واحد منهم في طريقه ولـكن تفكيرهم في بعض لم يذهب.......
*******
اسفين اننا مش نزلنا الحلقه امبارح بس ده بسبب ظرف عندي ودي اخـر حلقه لبعد الاحتفاليه ان شاء اللـه
الحلقه الثالثه والثلاثون
امام الكليه
تخرج من سيارتها مسرعه الوقت تاخر والمحاضره بالتاكيد بدات اغلقت باب سيارتها ولم تنتبه لما اوقعته
وعيون اخري تراقبها بحذر لاحظت ما وقع منها
جري مسرعا والتقط ما اوقعته
ياسين :انسه مرام
استدارت مرام وعلي وجهها علامات التعجب
مرام :نعم
ياسين :حضرتك فكراني انا ياسين صاحب عاصم اخو بسنت
مرام متمتمه:هو ده وقته يعني انا متاخره
ياسين :حضرتك بتقولي حاجه
مرام:بقول ايوه فكراك ازيك يا استاذ ياسين حضرتك عامل ايه
ياسين :انا الحمدلله تمام
مرام بعجاله:فرصه سعيده بس معلش انا متاخره
وكادت ان تذهب
ياسين :انسه مرام استني
مرام بصوت منخفض :هو عايز ايه ده
استدارت مرام وحاولت الابتسام
ياسين بابتسامه :اتفضلي مفاتيحك وقعوا منك
مرام بابتسامه :شكرا
مدت يدها تاخذ مفاتيحها وتلامست اصابعهم
اخذت مرام مفاتيحها سريعا بخجل وذهبت
ووقف ياسين متسمرا مكانه
ياسين :هي لسه خلود مكلمتهاش ازاي الملاك ده كان هيتاذي
****
داخـل جامـعه الحقوق
تجلس خـلود ومرام داخل كافتيريا الجامـعه
خلود::انا زهقانه ياميرو ماتيجي نخـرج
مرام::ما انتي عارفه اني بروح اجيب اسراء
خلود::ماتخرج معانا هي كمـان
مرام::احنا بنحب نتمشي ياخوخه واكيد مش هنخرج نمشي يالعربيه هي كده هتحس بعجزه انا مش بحب اعمل اي حاجه تخليها تحس انها ناقصه عننا
خلود::بفرحه تصدقي يابت ميرو انا بحبك اوووي وبحب حبك ل اسراء وكنت بتمني انك تكوني اختي من امي وابويا عشان تعييش معايا انتي وهي
مرام::ما احـنا اخواتك ياهبله بردو وشوفيلي عريس جنبك وانا هقرفك يلا بقا
خلود::بخيث ممم طب ما انا عندي عريس
مرام::بضحكه انتي صدقتي ولا ايه بس هبل يابت
خلود::لا مش هبل الواد سونه ماهو اخويا هو كمـان
مرام::بعدم فهم سونه سونه مين ده ياختي
خلود::اقصد ياسين ايه مش فاكـره
مرام::ياسين لا فاكره ااه
خلود::ايه رايك اهو شب حليوه وامور واخويا
مرام::بخجل بس يابت روحي شوفي حسام
خلود::ايه ده انتي بتتكسفي ياقطه
من خـلف خلود
ايه ده هو القمر والشمس بينزلوا علي الارض بالنهار
نظرت البنات لذلك المتكلم
خلود::بأندهاش ايه ده سونه
ياسين::بتصنع الضيق سونه في عينك احترمي نفسك
خلود::بضحكه اسفه يا ابيه
ياسين::وهو يرفع ياقة تيشرته ايوه كده ناس ماتجيش اللي بالعين الحمراء
مساء الخير عليكم
البنات::مساء الـنور
خلود::يعني انت هنا جاي تعـمل ايه
ياسين::بغمزه لخلود عاصم قالي عدي علي خوخه شوفها محتاجه حاجه ولالا
وبعدين مش تسبيني أسلم علي الانسه مرام
مرام::وهي تنظر لأسف بخجل ازيك يا استاذ ياسين
ياسين::بنظره عاشقه اسمي ياسين مش لازم أستاذ دي
مرام::حضرتك أكبر مني لازم يكون فيه القاب
خلود::بغمزه لياسين عن اذنـكم ياجماعه هشوف حسام بس بيرن عليا
نظرت لها::مرام بغضب فهي تعلم انها لا تجلس مع اي شخص غريب
ياسين::خدي راحـتك او مش لازم ترجعي تاني
نظرت::لها مرام بأندهاش ماذا يقول هذا المعتوه
ذهبت خلود الي حسـام وتركت مرام تستشيط غضبا منها
بعد مرور ساعه من ثرثره ياسين
مرام::معلش يا اساستاذ ياسين انا لازم امشي دلوقتي
ياسين::طب ممـكن اوصلك
مرام::بخجل لا ميرسي جدا انا لسه بروح اجيب اختي من المرسم اللي جنب الشركه بتاعتكـم
ياسين::بجـد طب كويس خلاص اركبس عربيتك وامشي وانا هكون وراكي لحد ماتوصلي
مرام::ماشـي عن اذنـك
ذهبت مـرام من امامه وهي تشتم في صديقتها التي تركتها في هذا الموقف
حتي وصلت ل اسراء ترجلت من العربيه ياسو حبيبتي اسفه اني أتاخرت عليكي
اسراء::ولا يهمك ياميرو
ياسين::ازيك استاذه اسراء
نظرت له اسراء::انت استاذ ياسين مش اسمك كده بردو
ياسين::كويس ان حضرتك مفتكراني
اسراء::بأبتسامه رقيقه حضرتك وقفت معانا مرتين اكيد مش هنساك
ياسين::حضرتك اخـتي
قطعت مرام حديثهم
طب يلا بينـا يا اسراء عشان ماما ماتقلقش
نظرت لها اسراء بمعني ايه قلة الذوق دي
ياسين::بأحراج اسف اني عطلتكم عن اذنـكم
ركبت مرام واسراء العربيه
اسراء::ايه يامرام قلة الذوق دي هو ده اللي انتي متعلمه
مرام::بأرتباك انا انا مكنتش بس عايزه نقف كتير في الشارع
نظرت لها اسراء نظره ذاتي مغري
الشارع ماشي يامرام يلا اطلعي بينا......
****
وصلت بسنت وأسامه وفريال الي محـل المجوهرات
أسامه::يلا يابوسب اختاري اللي يعجبـك
همست فريال بجانبه::اللي يعجبها ايه يا اهبل دي متربيه علي الغالي اختارلها انـت
بسنت::شوفي كده يا انطـي الانسيال ده
فريال::وهي تمصمص شفايفها انطي قوليلي يافيرو يابوسي
بسنت::بضحكه طب شوفي معايا يافيروو
فريال::حلو ياحبيبتي بس ده سعره كام
بسنت::10الاف بس يافيرو
فريال::بخضه نعم
تدخل اسامه في الحوار
ايه ياماما بسنت تختار اللي يعجبها وانا هدفع وتبع كلامه غمرة لفريال
انتقت بسنت انسيال ودبله وسلسله بها حرف أسـامه
الصايغ::كده تمـام اتفضل الفاتوره يافندم
نظر اسأمه للفاتوره وجدها ب 70الف وهو علي حد قوله لا يمتلك هذا المبلغ الضخم
أسامه::بخجل متصنع بوسي
بسنت::ايوه ياحبيبي
انا محرج منك واللـه بس مكنتش اعرف
بسنت::خير ياحبيبي في ايه
أسامه::اصل انا معايا 40الف بس ومكنتش عامل حسابي
بسنت::ولا يهمك ياحبيبي انا معايا دفعت بسنت باقي المبلغ
أسامه::انا مش مصدق انك بقيتي خطيبتي
بسنت::لا صدق ياحبيبي انا بعشقك ياسمسم
أسامه::وانت بموت فيكي ياقلب سمسم
فريال::مش يلا بينـا نروح نتغدا في اي مكـان
أسامه::ايه اااه طبعا لا بينا
وذهبوا لكي يتغدوا مع بعضهما في مكـان ما........
*******
داخـل فيلا عاصم
ماجـد::يلا ياجمـاعه كده هنتأخـر علي المعاد
خلود:: انا خلصت يابابا
كوثر::وانا اهو خلصت ياماجد
ماجد طب يلا بينـا
خلود::يلا بينـا ايه احـنا مش هنستنا عاصم
ماجد::عاصم وصل بره يادكتـوره يلا بينـا
خـلود::بأبتسامه خبيثـه مخدتش بالي يابابا ياحبيبي
ذهبت خلود تجري امام ابويها
ماجد::بضحكه شوفي المجنونه اللي هتتجوز كمان كام شهـر كوثر::ربنـا يباركلنا فيهم يـارب
ركبوا جميعا مع عاصم
عاصم::هـو يعني مكنش ينفع تروحوا لوحدكم ولا انا السواق بتاعكم
خلود::مالك بس ياحبيبي ده احـنا رايحين عند مرام صاحبتي وبأبتسامه خبيثـه واسراء اخت صاحبتي واختي كمـان
عاصم::بفرحه حاول اخفائها ماشي ياختـي
خلود::عاصم اقف هنـا انا عايزه اجيب ورد ل اسراء
عاصم::خليكي مكانك وانا هجيبه
فرحت خلود بأقتراح اخيها
اخد عاصم باقة من الورد الاحمر والورد الابيض ثم عاد
خلود::واو ايه الورد الجميل ده مميرسي جدا ياعاصم
وصلوا اخيرا لفيلا اسراء
ترجلوا جميعا وكانت اسراء ومرام بأنتظارهـم في حديقه المنـزل
بعد السلام والترحاب
ذهبت خلود ومرام لجلب العصير وبعض الحلوه
جميله:منورنا وااللـه ياجماعه بقالنا
كـوثر::ده نورك ونور اسراء ومرام
ماجد::ازيك يا اسراء يابنتي
اسراء::الحمـدللـه ياعمو
ظلت جميله وكوثر ييتكلموا في مواضيع شتا
وخلود ومرام في ركب بعيد عنـهم
وماجد واسراء وبجانــهم عاصـم
الذي يتابع تفاصيل اسراء جميعها
عاصم::لنفسـه ايه ياعاصم مركز ليه معاها كده هي عجبتك ولا ايه😕
عجبتني ايه مش حكايه عجبتني هي حلوه واخلاقها كويسه بس دي قعيده يعني مش هتنفع زوجه
لالا حرام عليك تقول كده دي القعيده دي ممكن تكون احسن من 100واحده سليمه وانن جربت ريم ولا نسيت
لالا مش ناسي بس
بس ايه ماتقول انها عجباك
ااه فعلا عجباني بس انا اعرف ان هي حاولت تنتحر قبل كده عشان خاطر واحد بتحبه
عند هذه النقطه اشتعلت عيناه من الغيظ
انا هبقا اسأل الزفته خلود واعرف حكايتها ايه واللـي فيه الخير يقدمه ربنـا
علي الجانب الاخـر كانت اسراء تتحدث مع ماجد ولكن عقلها مشغول بمن يجلس خلفها فهي نست اسامه ولا تفكـر به
اسراء::وحديثها الداخـلي
ايه يا اسراء مالك مش علي بعضك ليه كده
انتي خايفه من عاصم ولا مالك فيكي ايـه
انا مش عارفه بس انا حاسه اني عايزها يفضل جنبي كده
استغفر اللـه ياربي سامحني يارب علي تفكيري ده
انتهت هذه السهره علي خير وسعاده وموعد بمقابلات ثانيه
وهناك وعود اخري ولـكن لما يبوح بها اي ااحـد😌😉.......
*****
بعد رجوع عائله عاصم
في غـرفه المعيشه
عاصم::في حاجه حصلت من يومين كـنت عايزه اقولكم عليها
ماجد::حصل ايه ياعاصم
عاصم::وهـو ينظـر لهـم انا فسخت خطوبتي من ريـم
جاء الرد من كوثر بزغروطه هزت اركان الفيلا
نظـر لها الكل بأندهاش
ماجد::ايه ده انتي من زمان معملتهاش
عاصم:: بضحكه ايه ده كوثر هانم بتعرف تعمل الحركه دي
خلود::ده انا مسمعتهاش يوم خطوبتي ياست ماما
كوثـر::كنت ناويه اعملها يوم فرح عاصم
لـكن بعد ماسمعت الخـبر الجميل ده لازم اطلعها
عاصم::للدرجادي مكنتيش عايزها
كوثر::واكـتر وابوك عارف
ضحك ماجد::عارف دي كانت كل شويه قاعده تدعي ان الموضوع ده يقف
عاصم::بجد انتي احسـن ام في الدنيـا كنتي حاسه انها ماتنفعليش بس انت مخدتش بالي من كلامك
ماجد::حصل خير يا ابني وربنـا يكرمك
بالاحسن منها ان شاء اللـه
نظرت::خلود أتجاه عاصم وهي تعرف اخيها جيداا فهو هناك ماتشغل عقله
خلود:: بخبث شوفت يابابا اسراء
نظر::لها عاصم ليعرف ماتنوي ان تقوله خلود علي من شغلت تفكيره
رغم انـها قعيده شوف عندها موهبه شكلها ازاي ورسمها
ماجد::بصراحه بنت ممتازه واحده غيرها كانت تقول انا مشلوله والنااس هتستهزء بيا ومش هفكر اخرج من بيتنا
لـكن هي واقفه علي رجيلها ربنـا يحميها يـارب
كوثر::ولا اخلاقها ااه احنا نعرف مرام بس اسراء محدش فينا اتعامل معاها كتير دي اخلاقها اعلي من مرام بكتيـر وحـتي لبس البيت بتاعها شيك ومحترم ربنـا يشفيها يـارب
قوليلي ياخلود هي مفكرتش تعمل عمليه ليـه
خلود::واللـه ياماما معرفش بس تقريبا مرام قالتلي ان باباها لف بيها كتيـر ف مصر ونسبه نجاح العمليه كانت10%
ولما كان بيفكر ياخدها بره ماات
ماجد::ربنـا يشفيها ويكرمها بأبن الحلال اللي يقدرها
كان هناك متيم يستمع لمدح ابويه عن هذه المخلوقه ولـكن عن ذكر شخـص اخر غضب بدون اي سبب
وعلي الجانب الاخر كانت هناك عيون تراقب كل تحركاته فيها تعلم انه يستشيط غيظا من هذا الحـوار
عاصم::عن اذنكـم انا هطلع انـام
كوثر::ماشي ياحبيبي
واحـنا كمـان يلا بينـا
ذهب كل منـهم الي غرفته
ولـكن عاصم لما يتذوق النوم ف صوره اسراء تطارده طوول الليل
وعلـي الجـانب الاخـر
كانت اسراء تجلس علي سريرها ترسـم من سيطر علي تفكيرها منذ شهر فات.......
********
تجلس في حديقه بيتها ليلا تحب الليل هي
ساكن ومريح
تجلس علي ارجوحتها سارحه في خيالها
الجميع نائم
تسلل عاصم من خلفها بخفه
عاصم بصوت اقرب الي الهمس :خلود قاعده بتعملي ايه الجو هنا بارد
خلود:انت لسه منمتش
عاصم :من امتي وانا بنام بدري يعني بس انا داخل انام
خلود:تصيح علي خير
عاصم :مش هتدخلي
خلود:شويه كده وهدخل مش كتير يعني
عاصم:ماشي يا حبيبتي انا هدخل
دخل عاصم وسرحت بخيالها مجددا ولكن تلك المره صوت هاتفها هو من اخرجها من خيالها
ابتسمت خلود ابتسامه رقيقه صافيه واجابت
حسام:خوختي وحشتيني اسف لو صحيتك من النوم
خلود:لا مكنتش نايمه قاعده في الجنينه شويه
حسام :بس الجو برد مينفعش
خلود:لا الجو حلو اوي
حسام :لا برد
خلود:عجبني كده
حسام :مادام عجبك يبقي عجبني انا كمان هطلع اقعد في الجنينه
خلود بمرح:لا انا خلاص دخلت
حسام :Tom and jerry
خلود:مين جيري بقي
حسام :وبلا فخر انتي يا روحي
خلود:انا فار يا حسام
حسام :هتبقي فار نضيف وابن ناس كده تصدقي
خلود:وانت هتبقي قطه وحشة اوي علي فكره
حسام :لا انا هبقي اجمل قطه هبقي نوع نضيف كده
خلود:انا كنت بحب القطط كده انا كرهتم
حسام بمرح:طبعا يا روحي متحبيش قطه غيري يلا روحي نامي عشان الجو بقي بارد اوي وعشان تعرفي تصحي الصبح للكليه
خلود:خلاص انا داخله انام اهو تصبح علي خير
حسام:وانتي بخير يا قلبي
ودخلت خلود ونامت نوم عميق وهي مبتسمه
********
في صبــاح يـوم جـديد علي ابطـالنـا
داخــل شركـه عاصم المنشاوي
دلف عاصم *ياسين* خالد الي غرفه مكـتب عاصم
خـالد::ماقولتليش بقا ياسي عاصم كنت نازل تجري زي المجنون كده ليه امبارح
عاصم::بأرتباك ملحوظ لياسين انا ابدااا كان ورايا مشوار مش اكـتر
وبعدين انـت مالك
خالد::بغيظ تصدق انا غلطان اني بسألك واطمن عليك
ياسين::بس ياعم انت وهـو احنا عايزين نحتفل بالصفقه الجديده دي
عاصم::بتهكم نحتفل مين دول اللي نحتفل
ياسين::ايه ياعم عاصم احـنا التلاته وتبع كلامه بغمزه ولا انتي عايز تحتفل مع حد تاني
عاصم::احترم نفسك ويلا انت وهو علي شغلك
ياسين:: بصوت انوثي بقا كده ياسي عاصم بعد ماعملتلك كل اللي انت عايزه ترميني في الشارع
انفرج خالد وعاصم في الضحك
عاصم::اللـه يخربيتـك ربنـا يكون في عونها اللي هتتجــوزك
ياسين::بشرود بس هي توافق عليـا وانا هعملها كل االلي تتطلبه
خالد::يااااه ده انت بتعشقها بقا وانفرج ضاحكين هو وعاصـم علي حالة صديقه
ياسين::تصدقوا انتو عيال مش تمام وانا غلطان اني كنت هقولكم علي خبر حلو يلا انا رايح اشوف اللي ورايا
عاصم::بضحكه اهدي ياعم مالك بس
ياسين::واللـه ماهقولكم دلوقتي يلا سلام
خالد::وانا كمـان هروح اشوف شغلي
عاصم::ماشي وخلي االسكرتيره تبعتلي القهوه بتاعـتي
بعد خروج الشبـاب ظل عاصم يفكـر في من شغلت عقله منذ ان راها ولـكـن يكذب احساسه بها........
*****
داخل مكان عملها الذي اصبح بيتها الثاني احبت المكان واحبت اصدقائها في العمل ومديرها خفيف الظل مرح لا يعامله كمدير وموظفين بل يعاملهم كاصدقائه
يوسف :صباح الخير يا اسراء
اسراء:صباح الخير يا يوسف
يوسف :اخيرا قلتي يوسف بس
احمر وجهه اسراء
اسراء:اصل... اصل كلهم هنا بيقولوا يوسف بس
يوسف :انا ال قايلهم بردو حبيت اطمن ان الشغل عجبك انا شايف ان الاطفال حبوكي اوي وبيحبوا يتعلموا الرسم منك اوي
اسراء بتلقائيه وابتسامة :وانا كمان بحبهم اوي بيبقوا ابرياء كده وضحكتهم حلوه اوي
يوسف :كده تقريبا هتوافقي
اسراء :اوافق علي ايه
يوسف :انا مخصص يوم بنروح فيه ملجئ بنعلم الاطفال فيه الرسم وكنت حابب تيجي معانا بس كنت خايف لترفضي
اسراء :لا اكيد هوافق اي حاجه ليها علاقه بالاطفال انا موافقه
يوسف:اعملي حسابك بقي الاسبوع الجاي هنروح
اسراء :ممكن اسال سؤال
يوسف:اكيد طبعا
اسراء:هو انا كنت شفت صوره بيبي علي المكن بتاع حضرتك ابن حضرتك ده
ابتسم يوسف:لا مش ابني هو ابن اختي وهو دلوقتي مش بيبي خالص وكلها يومين وجاي تعلميه الرسم حبك من كتر ما بتكلم عليكي قدامه
اسراء :ربنا يخليه لبابا ومامته
وقطعت السكرتيرة حديثهم
السكرتيره:مستر يوسف اخت حضرتك هنا
يوسف:انا همشي دلوقتي يا اسراء لو احتاجتي حاجه ابقي تعالي قوليلي فورا
اشارت اسراء بالموافقة وذهب يوسف