رواية ليله واحده لا تكفي الفصل السابع والثلاثون37 بقلم ايلا ابراهيم
حضنها سراج بالعافيه وحاول يهديها وهي بحالة انهيار مش مصدقه أنه بجد عمل كده كانت مصدومه فيه..
سراج : اششش اهدي ... اهدي ياحبيبتي والله انا عملت كل حاجه عشانك
لبنى رفعت وشها وعيونها مليانه دموع: قتلت ابننا عشاني. انت اناني متتعشرش.. اتجوزتني بالغصب. هددتني باخويا. وفرضت عليا كل حاجه بالغصب. انا متهنتش زي البنات في فرحي . ما عشتش الفرح زي اي بنت ورغم ده كله غفرتلك كل ده وحاولت اكمل معاك إنما تقتل ابني ليه... ليه. كده.. اسر كان عنده حق انت واخدني عشان تتسلى بس. وبعد كده هترميني زي غيري.
سراج بتأثر : متقوليش كده انا مستحيل افكر فيكي. بالشكل ده .. انتي امتى افتكرتي كل ده ..مقولتيش ليه .
لبنى : كنت فاكره انك تستاهل فرصه .. بس للأسف.. انت متستحقش اي فرصه متستحقش اني افضل معاك ثانيه كمان في الوقت ده خبط باب الشقه
. وجريت لبنى وفتحته وكان ايهم..
ايهم بقلق : في ايه يالبنى خضيتيني عليكي ..
لبنى حضنت اخوها وقالت بعياط : خذني من هنا يا أيهم متسيبنيش هنا ارجوك.
ايهم بقلق : في ايه ياسراج انتو متخانقين.
سراج : لبنى ارجوكي اسمعيني .. انا عندي جواب لكل اسألتك اسمعيني..
لبنى بحزم وهي بتمسح دموعها : وقت التبرير والإعذار انتهى ياريت ورقتي توصلني عند اخويا وبلاش نعملها محاكم يا سعادت الضابط واخلعك .
سراج كان مصدوم من كلامها .وهي واقفه تتكلم معاه بكره اول مره يشوفه فعنيها.. فاق مش شروده لما قالت لاخوها : خلينا نمشي يا أيهم..
سراج : استني ولسا هيوقفها.. ايهم وقف قدامه وقال بتعقل سيبها معايا النهارده وبكرى هتتتكلموا سيبها لحد ما تهدى ..
سراج بص ناحيت ايهم بمعنى خد بالك منها..
ايهم شاورله .. ومشي معاها. اول ما طلعوا العربيه بدأت تعيط اكتر وبالرغم من محاولات أيهم يعرف اللي بيحصل ما بينهم لكنها متكلمتش ولا قالت اي حاجه ..
بعد مرور يومين ..عليا خفت وتحسنت حالتها وكانت فرحانه عشان كل حاجه عايزاها بتحصل ... أما سراج مع محاولات كتيره من أنه يقابل لبنى واخيرا وافقت ..
اول ما خرجت عشان تقابله وقف وهو بيبص ليها بشوق بحب بلهفه
لبنى بجديه : عايز تقول ايه ..
سراج : وحشتيني ..
لبنى : ورقتي موصلتنيش ليه ..
سراج: ممكن نتكلم ونتفاهم الاول
لبنى: طلقني بقولك ... انت ايه يا اخي ايه الجبروت اللي انت فيه. ده
سراج : لبنى انا بحبك .. والله بحبك .. وهيجي اليوم اللي هتعرفي بيه أن كل حاجه حصلت لمصلحتك انتي .. انا مش اناني لكن اي حاجه ممكن تبعدك عني مش هرحمها...
لبنى لفت وشها الناحيه التانيه وقالت بانفعال : طلقني..
سراج مسح وشه واتكلم بخنقه: ماشي هطلقك بس بشرط..
لبنى بصت ناحيته بغصه ازاي هيسيبها بسهوله كده . فين الحب اللي كان بيوهمها بيه واتكلمت وهي بتحاول تداري صدمتها : موافقه على كل شروطك بس المهم أطلق
سراج : بما انك افتكرتي كل حاجه اكيد فاكره اننا قدمنا ورقك لكليه في امريكا واتقبل تروحي تكملي السنه وبعد كده هطلقك..
لبنى : مستحيل ده يحصل .. انت فاهم مستحيل. انت عاوز تريح ضميرك باللي بتعمله ده
سراج: يبقى انا مش هطلق يالبنى روحي كملي السنه دي واوعدك ورقتك هتكون هدية تخصصك بالقسم اللي انتي حباه..
لبنى بصت ناحيته ولسا هتتكلم.
سراج قاطعها وقال : أنا همشي دلوقتي عشان عارف انك مش طايقه تشوفيني هنسق مع ايهم كوني بخير.. قال كلامه ومشي قبل ما يسمع كلامها أو ردها عليه...
بعد مرور شهرين ... في القاهره في بيت عبد الله
عليا : الجو برد جدا واقف هنا لوحدك ليه ياحبيبي
سراج : مفيش
عليا : انت كلمة تقى هي بتشتكي منك كتتير انك مش بتهتم بيها..
سراج : يماما انتي شايفه اني مشغول جدا ومعنديش وقت للدلع ده..
عليا : بس تقى خطيبتك.. وانا اخترتهالك زي منتا طلبت. دي جميله ومن عيله ومتربيه ..
سراج مسح وشه بضيق وقال : وانا معترضتش يماما مدام انتي شايفه انها مناسبه خلاص واهو كلها كم شهر ونعمل الفرح.
عليا : بس البنت بتشتكي منك وانك مهملها ومش بتتصل بيها ولا تسأل عليها..
سراج بملل: حاضر هتصل بيها النهارده عاوزه حاجه تانيه.
عليا : انت بقيت كده ليه بعدت عني لدرجادي ليه ياسراج انت مكنتش كده..
سراج باس كفها وقال : يماما ارجوكي بلاش الكلام ده انا بعمل ايه حاجه عشان تكوني مبسوطه مني..
عليا: بس انا عايزاك مبسوط
سراج بكدب: انا مبسوط اوووي
عليا : مش باين يبني حرام عليك انت واخوك تعبتوني معاكم.. اسر برضو مش سأل في مراته ياحبيبتي يرميها و ميسألش عنها.
سراج تنهد بقلة حيلة وقال : اسر طول عمره كده لما تكون الحاجه بين ايديه مش بيحس بيقمتها ومش هيعرف قيمة اناس لحد ما تزهق من العيشه معاه وتسيبه ..
عليا: وانت ياسراج مش هتفتح قلبك لتقى البنت طيبه وبتحبك ..
سراج : ربنا يسهل انا همشي عاوزه حاجه ..
عليا : سلامتك يابني..
اول ما طلع سراج في عربيته جاله اتصال من خطيبته تقى.. ورد عليها بخنقه
سراج : ايوا ياتقى
تقي ببرائه : ازيك .
سراج: الحمدلله انتي عامله ايه
تقى: هو انت مش بتفتكر تتصل بيا الا لما انكشك انا
سراج : معلش انتي عارفه ظروف شغلي..
تقى: طيب ايه رأيك. نخرج نتغدا مع بعض .النهارده متخفش انا عزماك..
سراج ضحك وقال : ماشي مدام العزومه عليكي ماشي .
تقى :واخيرا ضحكت.. دنا عداهم هما يدوب ضحكتين من ساعة ما اتخطبنا.
سراج....
تقى : روحت فين
سراج : معاكي. اخلص كم حاجه واعدي عليكي سلام ..
تقى : مع السلامه..خد بالك.من نفسك..
**********
اناس : انت رايح فين يااسر
اسر : في داهيه ايه القرف ده كل يوم تحقيق رايح فين وجاي منين ...
اناس عيطت .
اسر: ايوا ياختي ابدئي اسطوانة كل يوم انا مظلومه وانت جاي عليا .
اناس بعياط : انت اتجوزتني ليه يا أسر
اسر بص ناحيتها بملل ومشي وسابها.
عليا كانت واقفه تسمع خناقتهم اسر عدى من قدام أمه بص ناحيته وخرج بسرعه ..
عليا : انا اللي عملت فيها كده الحق عليا انا ..
ودخلت عليها وحضنتها وهي بتقول : حقك عليا يابنتي حقك عليا انا..
*********
لبنى كانت مشغوله في الدراسه في بلاد براا ومركزه فدراستها جدا حاول اسر يتواصل معاها ويتقرب منها لكنها صدته وفهمته انها سواء كانت مع سراج أو لا هو اخر واحد هتفكر بيه. ودي كانت صدمه لأسر اللي كان ضامن انها هتكون ليه اول ما يسببها سراج. وفي يوم رجعت من الشغل واول ما شغلت النور اتصدمت بيه متمدد عالكنبه ومستنيها وهو بيقول بكل تلقائيه وعفويه اتأخرتي اوووي يا روحي بقالي كتير مستني
لبنى.
سراج