رواية عوالي
الفصل الثاني2
بقلم منه محمد
بعد مشاجرتها مع ياسر وهي سايقه العربيه ومضايقه من معاملته معاها وسرحانه بنتها لقت دم نازل من مناخيرها واتخضت وصرخت عوالي بصتلها وطارت ع المستشفي والدكتور قالها مفيش وقت لازم بسرعه ياخدوه دم الحبل السري لتبرع للخلايا الجزعيه وبعد الكشف والتحاليل ودوخه طول النهار البنت تعبت ونامت وعوالي قعدت جنبها لحد ما الباب خبط
نوره صحبتها دخلت.......: ها نامت
عوالي بصتلها.....اه بعد الحقنه
نوره.......ها وصلتي لايه مع ياسر وافق
عوالي اتنهدت......لسه معاند ورافض واتظاهر بالكرامه
نوره: خلاص قوليله انها بنته واكيد مش هيسيبها تمـ وت
عوالي.......انا مكنتش عايزه يحس اني رجعتله عشان مصلحتي, كنت عايزه يعرف اني اولا رجعت عشانه هو
نوره.........عوالي دي مش مصلحتك دي حياه طفله لازم يعرف الحقيقه وليه هربتي منه اتكلمي معاه وفهميه واكيد هيقدر
عوالي........افهميني انا لو اخويا حس انها بنت ياسر ممكن يخطفها او يضرها وياسر مش هيسكت وانتي عارفه بابا ممكن يعمل ايه ده طردني واتبرء مني لما عرف اني بس ع علاقه مع ياسر بمالك لو عرف اني خلفت منه كمان لآء معنديش استعداد اخاطر
نوره: .......يعني هتفضلي تخبي لامتي
عوالي......: معرفش وبعدين اقولها ازاي ان ده ابوكي بيشتغل ايه غير بيروح يضرب في الناس واوقات بينام تحت العربيه ومصاحب المجرمين لاْ مش هسيب بنتي تعرف ان ده ابوها غير لما يتعدل ويصلح حاله
نوره........عندك حق
عوالي........انا عندي امل كبير لما نتجوز ونصلح علاقتنا احكيله وجايز يغير من نفسه عشان بنته
نوره......ايه جواز ازاي
عوالي......ايه هو الي ازاي عند ماذون
نوره.......رآي بلاش رسمي لان كدا اخوكي وابوكي بسهوله هيعرفوا وبعدين افرضي ياسر رفض يطلقك وحبيتي تسافري هتعملي ايه وقتها
عوالي.......امال اعمل ايه اعيش معاه في الحرام
نوره........اتجوزيه عرفي وقتها محدش هيعرف
عواي......والله انا بقيت خايفه منه بس بقول اقرب واجرب وانا وبختي المهم انا هخرج شويه ممكن تهتمي بلينا واتصلي بيا لو فيه اي حاجه
نوره......تمام روحي
عوالي ركبت عربيتها وطلعت ع المستشفي لام ياسر لقته داخل غرفتها يطمن عليها اتسحبت ومشت وراه وبصت من وري الباب
ياسر رجع امه لمكانها.......خليكي نايمه يا امي عامله ايه وحاسه بتحسن
رحمه.......الحمد لله احسن كتير وهبقي احسن لما تريحني وتتجوز وافرح بيك قبل ما اقابل وجهه كريم
ياسر باس ايدها......بعيد الشر انتي هتعلمي العمليه وترجعي اجمد من الاول هانت
عوالي اتنهدت ودخلت بأحلي ابتسامه.......ياسر
ياسر قام من مكانه ومسك دراعها.....انتي ليه هنا
عوالي لزقت بجسمها فيه وبصتلها......مساء الخير يا طنط
رحمه بستفسار....مين دي يا ياسر
ياسر بصلها......دي
عوالي زقته وراها وقالت.....انا حبيبه ياسر وجيت اشوفك واطمن عليكي
ياسر همس بغيظ......سيبي ايدي متخلنيش اغمل معاكي حاجه توجعك
عوالي بهمس: نفس ما عملت ليله ما كنا سوي
رحمه......اي ليله
ياسر اتعصب.....انتي مجنونه اي ليله
عوالي بوقاحه كملت.....الي كانت في اوضتك لما انا وانت
ياسر خطف من الطبق حته تفاحه وحطها في بؤها وقال لامه وهو بيسحبها.......: ماما انا طالع معاها وهرجعلك بعد شويه
عوالي بتشاورلها......مع السلامه باي
رحمه بفرحه كبيره......يعني دي حبيبته
ياسر سحبها لبره.......اياك تستغلي امي في حاجه زي دي هو انتي فاضيه وبتدوري ع المشاكل
عوالي.......ياسر امك تعبانه جدا ولسه بتكابر وبعدين انت اصلا قد الجواز والمسؤليه عشان تلاقي بنت ترضا بيك لاشغل ولا مال ولا جمال الي راح من كتر الضرب احسن لك تتجوزني ولا هتفضل تضرب وتنضرب واخر الليل تروح تنام في الاوضه
ياسر......انا عندي اشحت ولا اقبل عرضك السخيف زيك
عوالي.......اسمع مجرد ما تتجوزني هتفرح امك وتقدر تعالجها كويس ليه تكابر وتطول في الامر
ياسر....انتي
عوالي حطت ايدها ع شفايفه....انا احسن واحده ليك
ياسر........مش انتي الي هتقرري اتجوز مين وضحت
عوالي.......وانا هتجوزك يعني هتجوزك وكل ما زادت قله ادبك زادت رغبتي في اني اكون معاك ( بخبث سرقت منه الموبيل
ياسر ......هاتي الزفت
عوالي مسكت وشه وفتحت الموبيل ورنت ع نفسها وقالت له......ده رقمي قدامك ساعتين عشان تقرر
ياسر.......انا مقرر مستحيل ارتبط بواحده مزعجه
عوالي......هي مين دي الي مزعجه يكش مفكرني عايزه اكون معاك لعلمك الصبي الي عندك في الورشه اكتر وسامه منك
ياسر بغيره وغيظ ......مفيش جديد طول عمرك جريئه وده امر مفهوم لو عايزه اطلبه يجي هنا واعرفكم ع بعض
عوالي ابتسمت ...لاء هاته شاهد ع جوزنا
سمكه وهي جايه لرحمه شافتها وراحت وقفت قصادها.......انتي لسه بتجري وري ياسر مش هيتجوزك عشان كدا ابعدي خالص عن حياتة
عوالي بصتلها بحتقار وسابتها وماشيه في طريقها
سمكه: واحده زيك ام لبنت من حرام متستهلش ياسر ابدا
عوالي لفت وبصتلها نظره من نار وقالت بصوت عالي: بنتي ليها اسم
سمكه ابتسمت بسخريه....عارفه بس مين ابوها ملهاش تبقي بنت حرام
عوالي رفعت ايدها عشان تضربها بالقلم ياسر مسكها وعلقها في الهواء
سمكه: شايفه ياسر مستحيل يختارك ابدآ
عوالي بصتله بغضب.....سيب ايدي
ياسر......العرض الي عرضتيه لسه موجود
عوالي......طبعا
ياسر سحبها من ايدها وخارج بيها
سمكه صرخت......ياسر حالا نسيت مش قلت مستحيل تبقي اب لبنت جايه من حرام ولا انت بدئت تحب امها
عوالي اتكت ع اسنانها وفلتت ايدها من ايده وبسرعه جريت لطشتها بالقلم
سمكه هجمت عليها.....انتي حيوانه
عوالي.....وبما اننا هنتقابل كتير الايام الجايه القلم ده هيعلمك تحترمي بنتي واياك تقولي عليها كدا تاني وتجرحيها
سمكه بصتله وصرخت بجنون........ياسر هترجع تندم ع كدا
ياسر رجع شد عوالي الي سألته: انت واخدني ع فين
ياسر......اركبي وبس
عوالي: مش افهم انت واخدني ع فين بالظبط
ياسر.....البسي دي ع دماغك واركبي وبس
عوالي لبست الخوذه وطلعت قعدت وسألته: احط ايدي فين
ياسر مردش عليها ومره واحده طلع بالموتسكل وهي خافت ولفت ايدها الاتنين ع وسطه لحد ما ركن جنب اوضته ودخل وهي دخلت وراه وشافت منظر الاوضه صعب جدا ولا عشه الفراخ لحد ما حدف في وشها تي شيرت ابيض
عوالي......ايه ده مش تحاسب يا نيله انت
ياسر: اقلعي
عوالي بصتله شويه وقالت...... اقلع ليه وبعدين مش هينفع الاول نتجوز عشان ابقي مرتاحه
ياسر بصلها بتريقه..... هو انتي حياتك بتتمحور بس لغريزتك القذره البسي دي عشان نمشي ونروح نتصور عشان المأذون
عوالي......مأذون
ياسر......ايه اتراجعتي
عوالي......لاء بس بقول لو يعني نتجوز بورقتين عرفي مش لازم مأذون
ياسر......عرفي وعايزني اخلف منك عيل طيب افرضي هربتي وروحتي بلغتني عني اني بتاجر بالبشر هثبت ازاي برائتي وانك مراتي
عوالي نفخت.....عايز ايه
ياسر......نتجوز شرعي والامش هوافق
عوالي..... اسمعني الجواز العرفي اسهل وبعدين انا مش عايزه منك لا مصاريف ولا اي حاجه يعني كل واحد فينا يعيش حياته براحته
ياسر...... موافق وانتي تمثلي قدام امي انك مراتي بجد والا هنهي الاتفاق في اي وقت
عوالي كشرت فيه.....اطمن
ياسر جاب ورقتين وعطاها تمضي عليهم وعوالي مضت وقالت.......اتمني يبقي جوزنا العرفي سر ما بينا
ياسر حدف القلم ...........هو ايه ده الي يبقي سر ما بينا
عوالي ............جوزنا العرفي متقولش لحد لان
ياسر اتعصب وقاطعها .............لان ايه عايزه تقطعي الورقتين وبعدين تهربي مش كدا
عوالي .........مش ده قصدي هو مش هيفضل عرفي للابد بس دلوقت متقولش لحد
ياسر .................انتي بتهزري انتي بتفكري في ايه
عوالي نزلت دموعها.........مش بفكر في اي حاجه غير اني ابقي معاك حاليا
ياسر ..... متعيطيش للان دموعك مبقتش تاثر فيا ولو عايزه تهربي تاني اهربي مش هدور عليكي انتي وامثالك فاكرين نفسكم تقدروا تستغلونا بالفلوس وتجبرونا نوافق ع اي حاجه
عوالي ......هو انت بتكرهني للدرجادي
ياسر مسكها بقسوه ولزقها في الحيط .... انا مش بكرهك انا شايفك اوحش ست في الدنيا
عوالي.......سيبني والا هتعصب
ياسر زعق فيها......المفروض انا الي اتعصب هجرتيني وسبتيني فجأه قعدت افكر واعصر دماغي انا غلطت معاكي في ايه
عوالي....انا اسفه جدا ع انانيتي
ياسر.......مش انانيه يا هانم انتي شفتيني مستهلش الاحترام اختفيتي من حياتي فجاه وعلاقتنا كانت بالنسبه لك عابره عادي تتنسي وتترمي في اقرب صفيحه زباله
عوالي ..........الوضع مكنش تحت سيطرتي
ياسر .........اي سيطره ولما هو كدا ليه ظهرتي تاني في حياتي فجاه
عوالي....... ممكن تنسي الي فات ونبدء من النهارده
ياسر.......انسي انك غدرتي بيا عملت فيكي ايه عشان استاهل الغدر منك بس عرفتك انتي ملكيش عزيز ولا غالي ومع ذالك وافقت اتجوزك
عوالي مضت بتكشيره وقات له ......مبروك
ياسر مضي وقالها ........: الله لا يبارك فيكي
..............قصص منه محمد كاتب.......
ياسر كان رايح في النوم لقاه تلفونه صدع المكان قام ورد !
عوالي......ياسر أشتريت بيت جنبك بشارعين تعال وهبعت العمال ينقلوا حاجاتك المهمه يله تعال انا واقفه بره
هدي راحت عليها .....ايه لزومه تاخديه من وسطنا
نوره......اصل اوضه ياسر متنسبهاش هي وبنتها
هدي .........لما هو كدا ليه اتجوزته لما مش من توبها
عوالي ......انتي مالك انا حره وبعدين انا اشتريت البيت من فلوسي مالك انتي
هدي....... ايه عرفنا انه بفلوسك مين يصدق ده بيت يكلف كتير اكيد دي فلوس علاج اختي
جاره شهقت .......معقول ياخد فلوس عمليه امه عشان يشترلها بيت اما واحدة معندهاش قلب
ياسر دخل وسطيهم.....ايه الموضوع
هدي .....ياسر اتكلم مع الست مراتك امك لسه في المستشفي ومستنيه فلوس تعمل العمليه ودي اخدتها وصرفتها
ياسر......خالتي البيت ده بفلوسها هي
هدي.....فلوسها امال هتشكمها ازاي لو دي فعلا فلوسها
نوره .........بس البيت حلو وسعره معقول
هدي .........اكيد دي حد بيصرف عليها ياسر لا يمكن تتجوز الست دي ابدا ابعد عنها يابني
ياسر.....خالتي متقوليش اتهام من غير دليل غير كدا هي بقت خلاص مراتي
هدي بزعل........كدا يا ياسر
ياسر وقف جنب عوالي وقال.....اسمعوني من هنا وطالع عوالي واحده مننا وهنعيش كلنا في منطقه واحده وهنشوف بعض كل يوم اتمني تبقوا معاها لطاف يله
عوالي بحده.....يله فين طالما كلهم هنا لازم اوضح موقفي انا عوالي صاحبه شركه وغنيه وحماتي ست مريضه والورشه مش مستقره يوم فيه وعشره مفيش وهي اول ماتخرج من المستشفي محتاجه مكان ادمي تعيش فيه
جاره.....والله عندك حق شكلنا ظلمناها
عوالي.....انا واحده عاقله ومتواضعه اقدر اتكيف مع ظروف جوزي ولا يمكن اتمرد عليه لاني بحبه ولو اتكرر الكلام ده منك تاني ياست هدي انا هرفع عليكي قضيه سب وقذف وقتها متلومنيش لو الامور بينا راحت للمحاكم
هدي.....لاء ياختي انا عندي عيال عايزه اربيهم
ياسر.....يله كل واحد يرجع بيته
عوالي بصتله.....تعالي افرجك ع البيت الجديد
الفصل الثالث من هنا