الفصل السادس6
بقلم منه محمد
قاعده تطبق الغسيل في السله لحد ما حست بيه داخل وشكله متبهدلعوالي جريت عليه.....حصل ايه تعال اقعد مين عمل فيك كده
ياسر بصلها بنظرات مبهمه مش مفهومه وعيونه مرغرغه بدموع
عوالي حطت ايدها ع جبينه....انت سخن جدا( جابت ازازه)اشرب الدواء هينزلك الحراره
ياسر مسك منها الازازه وحدفها وهجم عض في رقبتها بس منع نفسه
عوالي عضته من رقبته وبغيظ....هو انتي معتوه
ياسر ....اظن عرفاني معتوه ومع كدا مصممه تكملي معايا قوليلي اشتريتي البيت بكام عشان ارجعولك وخدي الفلوس وامشي
عوالي بصتله شويه وبعدها قامت من قدامه وهو اخد بعضه طلع ينام في الورشه وفضل قاعد لحد ما طلع النهار
صبي الورشه.....يامعلم انت من امتي هنا وليه طلبت مني بالليل اهتم بمراتك وانت ليه هنا انت بتفكر في ايه
ياسر بصله حدف له رزمه فلوس.... دي فلوس المصارعه الي هدخلها وهسيب عوالي وامي في امانتك
الصبي....تقصد ايه
ياسر....هلعب مع فندام
الصبي بذهول....مع ايه هو نفسه الي مـ وت اتنين في الحلبه بس انت لسه متصاب وقلت هتبعد عن اللعب فتره طويله ايه الي جد ولا قررت تمـ وت نفسك
ياسر .......بالطريقه دي مش هتعاني عوالي بسببي
الصبي....يعني عشان الامر كدا ده يستاهل تضحي بروحك عشان تعيشها في مستواها
ياسر......اسكت لانك مش فاهم اي حاجه واعمل بس الي بقولك عليه
عوالي.....يله بينا يا لينا
لينا.....مامي هنمشي نروح فين
عوالي.....هنرجع بيتنا خدي الشنطه دي حطيها قدام العربيه
لينا.....حاضر يا مامي
عوالي سحبت الشنط ووقفت لما جات لها رساله من سعد انه لازم يقابلها ضروري بأمر مهم يخص ياسر بدون اي تفكير جريت بسرعه وراحت له ودخلت بعصبيه وقعدت قدامه
سعد بصلها....متقبلناش من زمان
عوالي.....انت الي ضغط علي ياسر وهددته صح
سعد ضحك.....مش وحش واخيرا فهمتي لوحدك ع الاقل معاناه ياسر عشان يوصلك بقت بفايده
عوالي.....يعني ايه وضح كلامك
سعد....متستعجليش هتعرفي كل حاجه بعد دقايق معدوده
عوالي.....سعد عارفه انك بتكرهني عشان بابا كان طول عمره بيفضلني عنك وانه شايفك واحد فاشل ومبتعرفش تعمل اي حاجه نافعه غير اثاره المشاكل والسرمحه في البارات وضيعت فلوس كتير ع الهلس بس لو كنت بتخطط لحاجه تضر ياسر هجيلك دوغري انا وهو مفيش بينا اي حاجه مجرد جواز صوري لحد دلوقت حتي لو قتـ لته ده ولا يهمني اطلاقا
سعد شهق وحط ايده ع شفايفه وبرق عنيه وقال....معقول جواز مزيف بمشاعر حقيقيه ياللهول تصدقي مؤثر هو كمان قالي نفس الفيلم الهندي ده تعرفي عشان يحميكي كان مستعد نمـ وت سوي ووافق يوقع معايا ع شهاده موته يصارع ع الحلبه بعد شويه هيرقد ع الارض زي الكلب الميـ ت ممتع واسمعي سواء عقد عرفي ولا شرعي انتي نقطه ضعفه دي الحقيقه يعني هو لسه بيحبك بجد امر سخيف انك انتي نقطه ضعفه
عوالي.....يعني ايه ده
سعد.....دي غلطتك المجنون عنده استعداد يمـ وت عشانك يا سندريلا وانتي هربتي منه زمان خوفتي عليه تخيلي اتصرفتي زي الهبله الي مش فاهمه حاجه في اي حاجه بس خلاص هو قريب من النهايه بمجرد ما يمـ وت في الحلبه انا هفوز بثروه من الضجه دي وكلنا هنكسب
عوالي اتحركت زي المجنونه ومسكت الموبيل تتصل بيه
سعد ضحك وضحك وضحك بمتعه....اتاخرتي كتير اللعبه بدئت بالفعل
عوالي جريت في الشارع وتخبط في الناس وتعتذر لحد ما جالها موبيل
كمال.....طلعت نتيجه تحاليلك الخاصه مبروك انتي حامل
عوالي......متشكره انك قولتلي ده لاني مش هسيبه
كمال بص للتشخيص وقال.....انتي الي اجبرتيني اكدب عشان يصر يسيبك
عوالي وصلت للحلبه كان ياسر رقد زي الجثه ع الارض من كتر الضرب
عوالي نزلت دموعها ومدت ايدها وصرخت.....ياسر قوم
ياسر بصلها وحاول يتحرك يمسك ايدها وبالعذاب فضل يسخف ع بطنه لحد ما ايدهم التحمت ببعض واخدته ع البيت بعربيتها وخلته يمدد ع السرير وجابت علبه الاسعافات تداوي جروحه وياسر اتألم جدا
عوالي بحزن شديد....اسفه وجعتك
ياسر ابتسم بوهن وهز دماغه بأيوه
عوالي.....قبل اربع سنين لفئولك تهمه ورموك في السجن مش كده
ياسر......محدش صدقني ليه انتي صدقتي
عوالي.....عشان ياسر الي عرفته لما بيتهدد بحياته بيرفض يخسر بأرادته ليه ياسر النهارده يضحي بروحه ويستسلم
ياسر.....واضح انك تعرفي عني حاجات كتير
عوالي.....انت دايما شايفني وحشه بس عرفت انك غبي
عوالي افتكرت كلام سعد= تعرفي الجرح الي في بطن جوزك حبيبك منين ابونا العزيز لما جه الافندي يسال عنك امر البودي جارد يعلم عليه عشان اتجرء يحط عينه عليكي ويعمل لنفسه مشاكل واحنا الي رمناه في السجن
عوالي حركت ايدها ع الجرح وقالت بدموع متاسفه........حقك عليا مكنتش اعرف
ياسر......ليه جيتي عشان بجد بتحبيني زي زمان
عوالي.....سؤال غبي لانك لسه بتٍسال عشان مش عايز تصدق ورغم كدا روحت تضحي بروحك عشاني يله خلصت لازم جسمك يرتاح للصبح
ياسر قلق وصحي من النوم ملقاش عوالي جنبه اتخض وطلع يدور عليها لقاه بتجري وري فرخه
عوالي بتجري......اثبتي بقي ومتجريش خليكي حلوه
ياسر اتعجب.....بتعملي ايه
عوالي..... ليه صحيت
ياسر مسك ايدها....حصل ايه لايدك
عوالي.....ولا حاجه كنت بحاول امسك فرخه اعملك عليها شوربه تتعافي انا عمري ما مسكت فرخه قبل كده فخربشتني
ياسر....... انتي ممكستيش فرخه قبل كده فأزاي هتعرفي تدبـ حيـ ها
عوالي بصتله وضحكت والفرخه خربشتها تاني وصرخت وسابتها وياسر اخدها وغسل ايدها من الدم تحت الحنفيه بحنيه
عوالي بصلها.....انت
ياسر في نفس الوقت......انتي
عوالي ابتسمت.....اتكلم انت الاول
ياسر.....هو ممكن تخليكي ومتمشيش افضلي معايا
عوالي رفعت حاجب.....هو مين الي كان عمال كل شويه يطردني
ياسر......انا ندمان خليكي
عوالي....ولو قلت لاء
ياسر ضمها لصدره بقوه.....مهما بعدتي هجيبك وارجعك لحضني
عوالي بفرحه ضربته ع صدره.....انت قليل الادب دلوقت
ياسر اتوجع بتمثيل.....اه
عوالي بسرعه رجعتله......اسفه وجعتك خليني اشوف
ياسر ضمها من وسطها وهمس في ودنها......ليه قلقتي عليا كدا
عوالي.....لسه مش مصدقني
ياسر ….مش هي دي المشكله
عوالي ..امال ايه المشكله
ياسر ........عوالي انا لسه بحبك وايه عنك عايز اعرف ايه هي مشاعرك
عوالي........اني بحبك وكنت مرعوبه عليك كدا جاوبتك
ياسر قرب من شفايفها واخدهم في بوسه مهلكه
عوالي جريت منه.....همسك الفرخه واعملك شوربه تعالي يابنت الحلال متجريش هيه مسكتها
علي السفره ياسر بدء يسمي وياكل
عوالي بترقب......ها طعمها ايه
ياسر بصلها وابتسملها......عادي اكل واعمل غسيل معده
عوالي....هي كارثيه اوي كده
ياسر بضحكه ......لاء حلوه تسلم ايدك
عوالي.....وقع قلبي يارخم
ياسر جاله فيديو ع موبيله وهو بيتهزم وبيقع في الحلبه ع الارض واضايق وكشر
عوالي بشك ......... فيه ايه ع الموبيل
ياسر رجع يكمل اكله.....ولا حاجه
عوالي في سرها.....مش عايز يقلقني عشان كدا بيمثل انه كله تمام
ياسر....الحمد لله
عوالي.....لحقت تاكل
ياسر وهو بيقوم....اه وهلم الاطباق
عوالي بسرعه فتحت الموبيل وشافت الفيديو وبسرعه اتصلت بمدير اعمالها.....وقف الفيديو بأي ثمن
......................
ياسر مرجعش لحد الليل والدنيا بدئت تمطر بقوه وهي قلقلت جدا عليه اخدت بعضها وطلعت تدور عليه كان هو وصل ودخل ينادي عليها مكنتش موجوده قلق وخاف تكون سابته اتصل بيها تلفونها مغلق وده في حد ذاته قلقه اكتر وطلع يجري زي المجنون ينادي عليها
عوالي جايه من بعيد......يا سر انا هنا
ياسر راح عليها ضمها ......روحتي فين وليه تلفونك مقفول
عوالي.....طلعت ادور عليك وتلفوني جه عليه مياه
ياسر.....حرام عليكي وقعتي قلبي
عوالي.....انا ولا انت مين الي وقع قلب التاني فكرتك روحت الورشه بس ملقتكش لدرجه فكرت انك
ياسر.....ايه انتـ حرت
عوالي....ياسر يخربيتك بجد
ياسر ضحك.... الله يخليكي وبعدين يا عبوطه ليه انتـ حر بس لو عملتها هاخدك معايا ماهو مش معقول امـ وت لوحدي
عوالي.....ليه هو انا اصلا هسمحلك تمـ وت مش هتمـ وت
ياسر ضمها بعشق وقالها...انا هموت فيكي ولسه عايز اعيش معاكي سنين كتير
عوالي خرجت من حضنه...قلت ايه قولها مره تانيه ياولا
ياسر.......ايه مسمعتيش
عوالي بخبث.....لاء صوت الشتاء عالي مسمعتش قولها تاني
ياسر.....بحبك وعايز اكمل حياتي الجايه معاكي كدا سمعتي بوضوح
عوالي....سمعت
ياسر.....طيب يله يا تاعبه قلبي نرجع البيت بس ليه بتعرجي
عوالي.....لما كنت بلف عليك وقعت وتلفوني عام في الميه
ياسر ركع ع ركبه.....تمام يله اركبي ع دهري يله اركبي
عوالي فرحت جدا ولفت ايدها ع رقبته وهي مبسوطه من اهتمامه بيها وهي كذالك
ياسر اخدها يعالج ركبتها .....خلاص خلصت
عوالي.....تعال غير بقي هدومك مبلوله
ياسر شدها.....لاء الاول انشفلك شعرك لتبردي تعالي اقعدي قدامي
عوالي ..... ياسر الكلام الي قلته من شويه بره عايزه اسمعه منك تاني
ياسر وهو بيمسح ع شعرها بايده....قلت ناوي اعيش معاكي حياتي الجايه وانتي
عوالي.....انا كمان ناويه اعيش معاك
ياسر.....متاكده
عوالي...... متاكده من اول يوم قابلتك وانت خطفت قلبي
ياسر قرب منها يقطف شفايفها النور قطع وعوالي خافت ودخلت في حضنه
ياسر ....متخافيش هولع شمعه
عوالي مسكت فيه.....هاجي معاك
ياسر ضمها.....تعالي ولع شمعه) خلاص تمام هجيب الكهربائي يصلحه بكره
عوالي.....ماشي
ياسر شد خدها بمرح.....هو ممكن انام جنبك
عوالي......ماشي بس تنام بادبك واياك تتمادي
ياسر رفع حاجب بغيظ.....ياسلام ياختي مين الي كانت كل يوم عايزني اتمادي
عوالي.....اه ده كان قبل كده
ياسر......قصدك عشان العقد بس انا لسه جوزك لحد دلوقت وطالما لسه ع ذمتي ليا حق عليكي
عوالي.....ياسر انا مكنتش اعرف انك كده
ياسر....كدا ازاي
عوالي.....شقي
ياسر....بحبك ياعوالي ونفسي ابقي معاكي
عوالي......استني عايزه الاول اقولك ع حاجه مهمه
ياسر....قولي
عوالي......انا حامل.
ياسر بصلها شويه وحط ايده ع بطنها وصرخ بسعاده.....انا هبقي اب
عوالي ضحكت.....انت مبسوط للدرجادي
ياسر......بابا غاليا هيفرح
عوالي بصتله بصدمه.....ابوك مش قلتلي انه مـ ات
ياسر اتنهد بحزن وحط دماغه ع بطنها.....ايوه مـ ات من زمان بس لسه عايش في قلبي
عوالي في نفسها.....شكله فرح اوي واتحمس اوي ياتري لو عرف ان البيبي ده جه للدنيا عشان ينقذ حياه لينا وقتها هيسامحني لما كمان يعرف ان سعد اخويا مش هيقول اني متفقه معاه عليه يارب خليك معايا
كمال قرر ينتقم من عوالي انها رفضته واختارت ياسر وجه البلد وخلاه سمكه فايته رمي التحليل قدامها وهي جريت وري العربيه وفي الاخر فتحت التحليل مفيش حمل في نفس الوقت ياسر راجع هو وعوالي من السوق مبسوطين جدا لقاه صحافه طالعه في وشهم وبيساله عوالي انها فعلا استغلت ياسر لصالح اخوها سعد يلعب لعبه غير قانونيه عشان المكسب
عوالي بصتله....ياسر عايزه اوضحلك انا وسعد
ياسر قاطعها ورد ع الصحفيه...... ابعدوا وبعدين انا الي لعبت غير قانوني وعوالي ملهاش اي علاقه باللعب ده اما بخصوص انها استغلتني انا اكتر واحد عارف ان ده محصلش منها تتفق مع اخوها ضدي
عوالي بصتله بصدمه......انت كنت عارف
ياسر..... انتي بالنسبه لي عوالي البنت الي حبيتها وبس
عوالي اتشجعت وردت وهي بتبص للبث المباشر......جوزي مش مجبر يفسر لحد بس ليك يوم معايا ياسعد وجاي قريب جدا
الصحفيه......مدام عوالي ايه معني كلامك ياريت توضحي
عوالي صرخت فيها.....سبونا في حالنا بعد كده والا هتخذ الاجرائات القانونيه
الصحفي......وضحي الاول
عوالي بصتله......ياسر لو امك عرفت انا بنت مين وعلاقه سعد بيا
ياسر.....مفيش مشكله هفهمها
رحمه طلعت ع الدوشه.....الناس دول بيتكلموا عن ايه ومين رحمي ويعني ايه خساره هو ايه الي بيحصل
سمكه......بيقوله ان عوالي بنت رحمي الي ضرب ياسر بسكـ ينه وتبقي اخت سعد الي سجنه ظلم تلات سنين
رحمه بنفعال....ايه ده مستحيل لازم اتاكد
سمكه مسكتها.........ياخالتي متنفعليش عشان صحتك اقعدي
هدي ...........روحي هاتلها العلاج يا سمكه
سمكه ....حاضر حاضر
هدي........... اهدي يا رحمه لسه مش عارفين الحقيقه ايه
سمكه وهي بتفتش ع العلاج لمحت ظرف فتحته لقت العقد العرفي صورته ع موبيلها وقررت تطرد عوالي من حياه ياسر نهائيا
ياسر داخل ورحمه لطشته بالقلم بعزم قوتها....ياغبي هو مش ابوها دمرك بما يكفي وانت جيبت بنته لحد بيتنا
عوالي.....ماما اسمعيني
رحمه صرخت.....مش عايزه اسمعك يا حيه عايزين تعمله فيه تاني اكتر من كده
عوالي......ماما انا
ياسر كمل....عوالي ملهاش علاقه بكل الي حصل منهم سواء زمان او دلوقت هي حتي متعرفش بالي حصل من ابوها ناحيتي انا هشرحلك كل حاجه بوضوح بس من فضلك اهدي الاول
هدي .....مكنتش تعرف بالي ابوها عمله فيك زمان امال ليه مقلتش اسمه خالص ولا مره قدامنا هي هنا عشان تجبرك تلعب لحساب ابوها ويكسب من وراك وانت اعمي بسببها بتصدق كل الي بتقوله واحده غنيه زيها سهل تلعب بيك زي المغفل
ياسر اتعصب عليها......خالتي ده يخصني انا وعايلتي وبس خليكي بعيد عنه
رحمه ضربته في دراعه بغيظ.......متزعقش لخالتك انت سامع
عوالي بدموع.......ماما والله ماكنت اعرف مشاكل ياسر مع عايلتي والسبب الوحيد لوجودي مع ابنك اني بحبه
هدي فتحت موبيل سمكه قدامه......لما هو كدا ليه اتجوزتيه عرفي لما بتحبيه
رحمه شدت منها الموبيل ورمته في وشه......شوف بنفسك وانتي شوفي انك بنت ابلسه ميجيش من وراكم غير الشر وبس ولسه مكملين تقضوا ع حياه ابني عشان الفلوس
عوالي.....يا ماما اقسملك مش كدا من فضلك اهدي
رحمه زقتها بعنف....ابعدي عني واياك تقوليلي ماما لما عاملتك انتي وبنتك كان من قلبي وعاملتها ع انها زي حفيدتي وانتي بتضحكي عليا جواكي وتقولي الوليه العجوزه ماصدقت صح قدرتي تخدعي ست عجوزه بين الحياه والمـ وت
ياسر......ماما انا وافقت ع العرفي بمزاجي انا وعوالي بينا قصه حب من سنين طويله قبل حتي العقد ده ولما رجعتلي وافقت ع شرطها طالما جواز صحيح شهود واشهار ومشاعرنا ناتجه عن حب حقيقي مش بحته ورقه غير كدا مراتي حامل مني فيه حاجه محتاجه اثبات لحبنا اكتر من كده
رحمه ضحكت بدموع كتير ورمت التحليل عليه وصرخت فيه ......شوف بنفسك الكدب ده الطفل الي حامل فيه الهانم
عوالي بصت للتحليل بدهشه....ازاي ده المستشفي بنفسها مبلغاني اني حامل
ياسر....ماما جبتي منين التحليل ده
سمكه....... لقيته مرمي في الشارع اكيد زيفت الحمل زي ما خبيت علينا مين هي فعلا افعي متعملش غير الشر حتي السماء مطقش تشوفها
رحمه زقت عوالي....يله اخرجي من حياتنا مش عايزه اشوفك تاني
ياسر صرخ .............امي مش كدا
عوالي......ماما انا مقدره حالتك بس سبيني افهمك
رحمه....... بقولك اخرجي مش طايقه ابص في وشك
عوالي جريت بسرعه ع بره وياسر جري وراها
سمكه ...........مثلي بسرعه ياخالتي والا ياسر هيجري وراها
رحمه مثلت الاغماء وهدي صرخت........الحق امك ياياسر وقعت اغمي عليها
سمكه ببكاء مصطنع........ردي عليا ياخالتي يايااااااسر الحق
ياسر اضطر يسيب عوالي ويرجع لامه واتلخم فيها وهدي طلعت وصوتت لمت اهالي البلد بالصحافه الي كانت لسه واقفه قدام بيت ياسر
هدي هجمت ع عوالي ضربتها بغل وقالت......الصايعه جايبه بنت والله اعلم من اي راجل واشترت ابننا بفلوسها ونفوزها واجبرت ياسر يتجوزها عشان يستر عليها الفاجـ ره المنحله
راجل ما ..........اتفوه عليكي يا بنت الحرام
ست ما.......... اخص عليكي واحنا الي فكرناكي ست محترمه
هدي ضربت عوالي ووقعتها ع الارض وقالت.....دي متربتش الوقحه خطافه الرجاله
اهالي البلد اتلموا ع عوالي يضـ ربوا فيها ويشدوها من شعرها مع هدي
كمال جري عليهم وزقهم.....بس ابعدوا عنها منك ليها
هدي بنفعال....... انت مين ولا ماشي معاها عديمه الحياء
كمال مسك عوالي من وسطها يقومها من وسطيهم....يله نمشي
عوالي قامت....مش ماشيه امشي انت
هدي ..........يله يافاجـ ره اخرجي من بلدنا وانت امشي معاها
كمال صرخ بقوه....اسمعوني كلكم كلمه كمان هرفع قضيه تشهير وسب وهشتكي حالا للعمده