ضحى بصدمة:انت
ماهر:ازيك ياضحى
ضحى:ملكش دعوة بيا..انت جاى ليه؟! وعايز ايه؟!
ماهر:ممكن اخد من وقتك خمس دقايق
ضحى:مفيش بينا كلام
ماهر:لا فيه ياضحى انا جاى وقصدى خير جاى علشان اصلح غلطتى اللى عملتها من خمس سنين جاى ارجعك ل ابنك..لو سمحتى اتفضلى معايا علشان تشوفيه
ضحى:تعرف لو كنت بتكدب عليا انا
قطع كلامها وقال بعصبية خفيفة:لو سمحتى ياضحى..خلى فى ثقة شوية انا مش هعمل فيكى حاجة وحشة علشان دى مش اخلاقى
ضحى:فعلا دى مش اخلاقك..انت اخلاقك انحطت للى اكتر من كدة..اسمع انا مش هركب معاك العربية..انا هركب تاكسى علشان انا واحدة متجوزة فلازم اصون شرف جوزى وكمان انا يستحيل اركب مع انسان قذر وحقير زيك
ماهر:لاخر مرة هسمحلك تشتمينى..خلى فيه حدود بينا..دة انذار ليكى ولو كررتيها تانى مش هيحصل خير..واعملى اللى انتى عايزاه مش فارقة
ضحى ودعت ايات اللى مش فاهمها اى حاجة لسة
وبعد كدة ركبت العربية وف طريقها للقصر
ف شقة شهاب وضحى
شهاب:الو ياضحى انت فين انا جيتلك النادى ملقتكيش وسالت عليكى أيات قالتلى ان فى حد بيتكلم عربى فضل يكلمك وانتى كلمتيه باسلوب مش حلو..مين دة؟!
ضحى بفرحة وعياط:شهاب ابنى عايش وانا دلوقت رايحاله علشان احضنه واشوفه واشم ريحته من زمان وانا نفسى اسمع كلمة ماما وادينى هسمعها
شهاب رمى نفسه ع الكنبة وقال بتوتر وقال:هو ماهر رجع؟!
ضحى:ايوة رجع ياشهاب.. مش قادرة اوصفلك كم المشاعر اللى كانت جوايا لما شوفته...انا لو فضلت اتكلم سنين ع اللى عمله ف روحى وحياتى مش هتكفى...ظلمنى اوى ياشهاب..كرهنى ف حياتى وكنت بتمنى الموت كل ساعة وكل دقيقة وابنى بعيد عن حضنى..اسمعنى انا اول موصل هبعتلك العنوان ف رسالة علشان تيجى علشان مش عاوزة اكون لوحدى هناك..وبالمرة تشوف حمزة
شهاب:حاضر ياحبيتى.مستنى رسالتك...خدى بالك من نفسك
ضحى:وانت كمان
قفل معاه وفضل يمسح عرقه بقلق وخوف وقال:معقولة هيقولها ع اللى يعرفه؟! انت بتسال ياغبى اكيد هيقولها علشان يردلى القلم....انا اللى فرقت بينهم زمان وخليت ضحى تكون ع ذمتى بداله...واكيد جاى وعاوز يرجع ضحى تانى ليه؟!..بس انا مش هسكت هو ميعرفش انا ممكن اعمل فيه ايه لو لمس شعرة منها؟! وبعدين انا مض هعمل حاجة هى اللى هتعمل كل حاجة..ضحى مستحيل ترجعله بعد اللى عمله فيها...هى بتكرهه اوى وبتفضل تدعى عليه كل صلاه...انا هدافع عن حقى فيكى ياضحى علشان انتى مراتى مش مراته
ف القصر
ماهر:دادة فين ماهر؟!
الدادة:ف اوضته ياسى ماهر...مش معقولة مدام ضحى؟!
ضحى:ازيك يادادة فوقية وحشانى
فوقيه جريت وحضنتها وقالت بعياط:وحشتينى ياضحى..بركة انى شوفتك...دة احنا زرنا النبى انهردة...حظك حلو انا عاملة كل الاكل اللى بتحبيه..سى ماهر انت قولتلها ع كل حاجة صح؟! تعرفى ماهر مرداش يسافر نيويورك من غيرى علشان عارف حمزة مرتبط بيا اد ايه؟! سفرنى قبليهم بيوم علشان اجهز كل حاجة ف القصر انتوا خلاص هترجعوا لبعض صح؟!
ضحى وماهر قالوا ف صوت واحد:لا طبعا يادادة مش هيحصل
فوفية:اومال ياماهر جايب ضحى ليه؟!
ماهر:جيبها علشان تشوف ابنها يادادة..وع فكرة شهاب جاى انهردة متنسيش ترحبى بيه دة مهما كان جوز ضحى ولازم نعمل معاه الواجب
فوقية ضربت صدرها بقوة وقالت:يامرى..تتجوز اللى
ماهر بصوت عالى الى حد ما وقال:دادة
ضحى:فى ايه؟!
فوقية:احم مفيش ياضى عينى...ربنا يهدى سرك...انا هروح اشوف المحشى اللى ع النار زمانه اتحرق وانت ياسى ياماهر خدها ل اوضة حمزة عقبال م اعمل الغدا
مشيت وف سرها قالت:ياحزنى عليكى ياضحى يابنتى الكل ظلمك..تتجوزى اللى لوث شرفك وكان السبب ف خراب بيتك وبعاد ابنك عنك..دة انتى لو عرفتى الموضوع دة الله اعلم هيحصل ايه ولا هتعملى ايه؟! يارب هونها ع الكل..دول مهما كانوا اخوات من بطن واحدة..صفى النفوس بينهم يارب..ولم اللى اتبعتر ع ايدهم..جزاه ايه الواد انه يتحرم من امه ويوم ميلاقيها يلاقيها ف الظروف دى..ياختااااى دماغى يابا هو انا عاوزة ايه؟! عاوزة ماهر يرجع لضحى علشان يذلها تانى بس هو اتغير وهيعوضها طب شهاب مهو بيحبها راخر بس طعن ف شرفها ولا عاوزة حمزة يعيش مع ابوه وامه من غير م يحس ميحس انه خسر حد فيهم تبقى عيلة فيها لم شمل..يارب اكتبلهم الخير وجازى كل واحد ع اد اللى عمله
ف اوضة حمزة
ضحى مسكت الباب علشان تفتحه بس قلبها بيدق جامد وعنيها بتدمع وبتذكر ربنا ف سرها علشان يقويها ع اللى هى داخلة عليه
ماهر ساكت ومش عاوز يتكلم علشان علاقتهم متسمحش باى كلام بس اكتفى بنظراته ليها اللى بتقولها:خشى ياضحى هو جوة ومستنيكى
تنفست نفس عميق ودخلت الاوضة لقيته بيلعب..فضل تضحك وتعيط ف نفس الوقت وعمالة بتقول:حمزة..حمزة ابنى...حمزة
حمزة بصلهم وساب لعبه وجرى ع ماهر اللى شاله وباس راسه وخلاه يبص لضحى وقال:سلم ياحمزة
حمزة:مين دى يادادى؟!
ماهر:دى ماما ياحمزة
حمزة:لا مش ماما؟!..مامى عند ربنا وانا معنديش ام غيرها انت بتكدب عليا؟!
ماهر:ياحبيبى دى ماما اللى
ضحى قطعت كلام ماهر وقالت:هو يقصد ياحمزة انى هبقا زى ماما...انت ممكن تقولى ضحى من غير القاب علشان احنا هنبقا صحاب..وهنلعب وهنتفسح مع بعض ولا انت مش عاوز تلعب معايا
حمزة:انتى مين؟! تقربى لدادى؟!
ماهر:ايوة تبقى زميلتى ف الشغل ولما شافت صورتك صممت تيجى وتلعب معاك وهتقضى معاك الوقت اللى هبقا فيه برة
حمزة:بس انا مش بحب حد يبقى معايا غيرك يادادى..ممكن تعمل فيا حاجة وحشة علشان قولتلها انى مش عاوزها تكونى مامى
ضحى ملست ع شعره وقالت:متخافش ياحبيبى انا مستحيل اعمل فيك اى حاجة وحشة علشان انت حتة منى..واحنا هننبسط جدا مع بعض وانا هخليك تحبنى ومض بعيد كمان لما امشى تفضل تقولى متمشيش انا بحبك وعايزك تبقى معايا العمر كله
حمزة بمناكشة:بتحلمى
ضحى:هههههه هحققه ملكش انت دعوة...ماهر ممكن نسيبنى شوية مع حمزة
وبصت لحمزة وقالت:.ولا انت بتخاف منى والكلام اللى بيقولوا الشخص الجبان
حمزة:بس انا مش جبان...دادى سيبنا لوحدنا
ماهر:ع راحتكوا انا برة واول م الغدا يجهز هبعت حد من الخدم ينادوا عليكوا
ف الصالة
شهاب:مراتى فين يادادة قوليلها تنزل حالا
فوقية:براحة يبنى افرد حمزة سمعك وانت ناسى ان ف البيت شغالين يقولوا علينا ايه بس؟! اهدا وصلى ع النبى وكله هيتحل
شهاب:مفيش حاجة هتتحل طول م اللى اسمه ماهر دة ف الصورة..انتوا كدة بتعقدوها زيادة..مينفعش نعيش ف بيت واحد...انا مش هبقى ظالم زى اللى انتى ربيتيه...انا وضحى هنرجع مصر علشان نظمت شغلى هناك وهاخد الشقة ف الزمالك حمزة يقدر يعيش معانا مش هيبقى عندى اى اعتراض ونقسم الاسبوع بحيث محدش منهم يتحرم من حمزة
فوفية:حمزة مرتبط جدا بماهر ومش هيقبل باللى انت بتقوله..هو بيحبه وبيحب دعاء الله يرحمها تخيل لو قولنا لطفل امك اللى ماتت دى امك؟! هل عقلية طفل هيقدر يستوعب اللى بيحصل؟!...الموضوع معقد والبت الغلبانة اللى فوق دى هى اللى بتتاذى عايز الصراحة ضحى خسارة فيك وفيه
شهاب بعصبية:انا عاوز حل
ماهر نزل من ع السلم وقال:الحل ان احنا نقول لضحى ع اللى احنا عارفينه وهى اللى تقرر
شهاب:انت عايز تخرب بيتى
ماهر:طب منت خربت بيتى..واحدة بواحدة
شهاب:انت اللى ضيعتها من ايدك بسبب غباءك
ماهر:اى حد ف مكانى كان هيعمل كدة
شهاب:لو كنت بتحبها مكنتش هتطلقها غير لما تتاكد
ماهر:هتسامحنى
شهاب:انت غلبان اوى..مش هيحصل...ضحى مراتى فاهم ولو قربتلها عمرك دة هينتهى والكل هيبكى عليك
ماهر:انت واحد وسخ وعينك بتروح دايما للى مش ليك..بصيت لمرات اخوك واستغليت وضعى معاها لصالحك انت...انا ايه اللى عملته غلط يعنى انا اتجوزت ع سنة اللة ورسوله وخبيت عنها علشان مخسرهاش..عمرى م مديت ايدى عليها غير لما الفيديو دة اتبعتلى
شهاب:وظلمك وكلامك ليها مش غلط مش حرام ربنا مش هيحسبك يعنى؟!
ماهر:ظلمى وكلامى ليها ميجيش حاجة قصاد عملتك الزبالة اسمع انت واحد قذر وحقير ومحدش يعرف شغلك المشبوه غير..انت محامى بتبيع ضميرك علشان الفلوس وبتستغل ثغرات القانون علشان تعمل مصلحة لناس كبار لا ومش كدة وبس انت قواد وبتمول بنات ضعارة حظك الحلو انى عرفت متاخر لولا كدة كان زمانى بلعت عنك
شهاب بصدمة:انت عرفت الكلام دة منين؟!
ماهر:يعنى كلامى فعلا صح
فوقية بتخبط ع صدرها كذا مرة وقالت:يامرى..يامرى يانى..قواد وشغل مشبوه..يالهوى يالهوى..تعالى شوفى عيالك ياست هيام...ياخسارة تربيتك فيهم ياست ريهام
شوية وسمعوا دب ع الارض
الكل بص ع اللى مغمى عليها وكانت ضحى...