رواية أسيرة الوحش الفصل الخامس5 والسادس6 بقلم سجده محمد
سجده بخوف وتوتر: انت دخلت هنا ازاي
فهد: لا مهو الدخول سهل جدا نطيت من البلكونة التانية لهنا وكان ممكن اتكسر 100حته علشان حضرتك مش عايزه تفتحي.... وبيمسكها من ايديها جامد سجده... بتزقه وبتطلع تجري وبتقوله: ما انت الي قليل الادب
فهد بيتعصب.. وبيجري يمسكها... وبيلزقها في الحيطه وبيقولها: ليكي عقاب واحد علي طولة لسانك الي عايز يتقطع وانك اتجراتي وايدك اتمدت عليا...تاني...وعيونه بتحمر من الغضب لو ايدك اترفعت عليا تاني..لاكون كسرهالك
سجده:م انت...الي بتقل ا وبتسكت
فهد:متكملي
سجده بخوف:خلاص...حقك عليا
فهد: عقابك بقي هيكون ايه
سجده بتلعثم: ايه... ايه. هو
فهد ببرود: انك ترقصيلي
سجده بشهقة:ايه... لا دا انت تكسرلي ايدي احسن... وبعدين انا مبعرفش ارقص
فهد: اعلمك
سجده بتمتم بغضب: مستبد
فهد: سمعتك علي فكره واحمدي ربنا اني مطلبتش حاجه تانيه
سجده: ماشي عديني بقا علشان انزل اشوف الي ورايا..والي اتكتب عليا معاك
فهد: يلا.. مش عايز كلام كتير بقي
سجده: عايزه اطلب منك طلب
فهد: قولت ١٠٠مره لاء
سجدة: لا مش علي الكلية انا خلاص ده نصيبي انا عايزه حاجه تانيه
فهد: ايه هو.. يست
سجده بحزن ووجع : سلملي علي.. علي بابا
فهد بضحك وبيكسرها بكلامه : ابوكي.. مين ابوكي ده.. الي باعك...... اه الحرامي
سجده بخزي: بس.. بس دا ابويا
فهد ببرود : تمام.. براحتك
&&&&&&&&&&&&&&&&&&&&&
فهد بينزل يروح الشركه..... بيدخل بهيبة طاغية علي المكتب بتاعه، بيلاقي حامد داخل عليه: ازيك يا فهد باشا
فهد ببرود: كويس
حامد بتوتر: كنت عايزه قرشين كده بما اننا نسايب وصحيح يباشا البت سجده لو معنداك انا ممكن اجي اكسرلك دماغها
فهد بعصبيه بيمسك من لياقته وبيقوله: قولتلك قبل كده ايدك لو اتمدت عليها هتتكسر ثانيا...... نسايب دي فانا مش بعتبرك نسيبي وفلوس متحلمش انك تاخد مني جنيه
حامد بخوف وهلع : اسف يباشا مش هتتكرر ولسه هيطلع
فهد: استني عندك
حامد: نعم يباشا
فهد: اسمها ميجيش علي لسانك تاني وانساها سجده بقت حرم فهد الراوي وعمرها ماهتكون غير كده
حامد بتوتر: ماشي يباشا..... وبيطلع يجري علي بره
،فهد بيستغرب ازاي اب بالبشاعه دي باع بنته وعايز من وراها فلوس..... وعايز يضربها وبيقول لنفسه: انسان قذر وحقير، ومستبد وبيستغرب سجده رغم كل الي عمله فيها...... لسه بتحبه وعايز تطمن عليه بيفوق من سرحانه علي صديقه اسر بيفتح الباب وبيجري عليه يحضنه وبيقوله: وحشتني اوي
فهد بفرحه : انت اكتر يحبيبي رجعت امتي
اسر: لسه راجع من ساعه رحت القصر لقيت بنت.... قمر بتفتحلي الباب وقلتلي ان انت مش هنا
فهد عروقه بتبرز وبيمسكه من هدومه
اسر: في ايه يافهد
فهد: متجبش سيرتها تاني
اسر: في ايه يافهد هي اختك.... وانا معرفش.. وبعدين انا قولت ايه
فهد: تبقي مراتي.. ي استاذ اسر
اسر: ايه...... ازاي... انت
فهد: ايه...الي ازاي
اسر : بقا فهد الي بيكره صنف الحريم اتجوز.. طب ازاي.. يراجل.. ومن غيري.. دا انت زي صاحبي
فهد: اه.. اتجوزت
اسر: انا اسف ياصحبي علي الي قولته بس اتجوزتها ازاي
فهد بيحكيله الي حصل وازاي اتجوزها
اسر: هو في اب يعمل في بنته وبعدين انت ازاي تستغل ضعفها وحقارة ابوها وتتجوزها
فهد: ضربتني بالقلم ومحدش فحياته قدر يعملها واتجوزتها علشان اعلمها.. الادب
اسر: انت صحبي يا فهد... وانا بنصحك البنت باين عليها صغيرة وبريئة متخليهاش تكرهك
فهد باستهزاء: تكرهني مش فارقه علي العموم فكك من الموضوع ده من بكره هترجع الشغل تاني
اسر: ماشي يا صحبي وبيمشي......
&&&&&&&&&&&&&&&&&&&&
فهد يرجع البيت بيلاقي سجده لابسه بيجامه حريريه ستان بينك.... وعمله شعرها كحكة فوضويه بيمسكها من ايديها جامد.... وبيفكر انها فتحت الباب بالبس ده وبيقولها: انتي ازاي يا هانم تفتحي الباب كده
سجده: باب ايه
فهد: انتي هتستعبطي صحبي اسر كان هنا وانتي فتحتي الباب كده
سجده بدموع: سيب ايدي انا كنت لابسه الاسدال صليت العصر ولقيت الباب خبط فتحت وفضلت واقفه ورا الباب.... قالي انو عايزك قولتله انو انت في الشركه
فهد بيسيب ايدها وبيقولها: طب يلا حضري الغدا واطلعي اجهزي
سجده وهيا ناسيه: اجهز ل ايه
فهد: انت.. هتستعبطي.. هتعمليلي نسيتي
سجده: اه.. افتكرت
بتحضر سجده الغدا وبتحطه علي السفره وبتطلع تجهز
بتشوف بدلة الرقص: يلهوي علي قلة الادب دي.... بتكشف اكتر ما بتداري، وبتلبسها سجده وبتفرد شعرها البني الطويل، وبتحط مكياج بسيط.... فهد بيدخل وبينصدم من جمالها شعرها البني المفرود...... عطرها الجذاب جسمها الممشوق بالاضافه الي كل ده برائتها الي محلياها بيفوق علي صوت سجده وهيا بتقله: البتاعه دي قصيرة وضيقه جدا
فهد بيبتسم وبيقولها: عادي انتي مش لابساها لحد غريب.. يعني
سجده ووشها احمر: بس انا بتكسف
فهد: لا متتكسفيش
بيغير فهد هدومه لبنطلون بيتي مريح وعليه تيشرت وبيشغل اغاني بالدف..... سجده بتكون وقفه مكانها مش عارفه ترقص بتلاقي فهد بيمسكها من ايدها وبيقوم يلفها...... وبيدفن راسه في عنقها بيستنشق عبيرها سجده بتوتروبتقوله: خلاص بقا بالله عليك انا.... مبعرفش ارقص عاقبني اي عقاب تاني غير اني ارقص
فهد: خلاص من هنا ورايح هتنامي جنبي علي السرير مش علي الكنبه
سجده: هو انا كل مره لازم افكرك انو احنا اتفقنا
فهد:وده ملهوش علاقه باتفقنا انتي هتنامي جنبي زي اي زوج وزوجة لكن مش معني كده انو انا هلمسك دلوقت... وبعدين مش من جمالك يعني هتغريني
سجده: ماشي انا موافقه... مقولتلكش انا وحشه ولا حلوه اصلا..... وبتبدل هدومها لبيجامة بيتية مريحة وبتنام علي طرف السرير، فهد بيكون لسه منامش بيخلص الشغل وبيطفي النور وبينام
&&&&&&&&&&&&&&&&&&&
في صباح يوم جديد سجده بتصحي بتلاقي فهد حضنها بتحس انها اول مره تنام في امان وبتبص علي فهد وبتقوله: مغرور ومتكبر فهد بيفتح عينه وبيقولها: سمعتك
سجدة بتشيل الغطا وبتطلع تجري علي الحمام فهد بيبتسم عليها وعلي عفويتها
بتنزل سجده بتحضر الفطار فهد بيفطر وهيا بتقعد تفطر معاه زي مقالها وبعدين بيروح فهد الشركة سجده.... بتكون بتنضف وبتمسح النجف بتلاقي الباب بيخبط بتروح تفتح الباب وبتلاقي شادية وبنتها هاله
سجده بصدمه: طنط شاديه...
شادية: ايوه ياختي طنط شاديه
سجده بقوه : عايزه ايه
شادية بتزقها وبتدخل: الله الله علي العز الي انتي عايشه في يا مقصوفة الرقبه
سجده بهمس لنفسها: يختي تعالي عيشي في العز.. ده انتي
شادية: بتقولي ايه يابت
سجدة: مبقلش حاجه وبعد اذنك اتفضلي انتي وبنتك علشان لو فهد جه مش هيسكت
شادية: انتي بتكرشينا يابت وعايزه تضربها بالقلم
سجده بتمسك ايدها : سيبوني في حالي بقي.. وايدك متتمدش عليا.. والي كنت بخاف منك عليها.. خلاص.. معدتش هروح الكليه تاني.. حرام عليكو بقي
هاله: حرمت عليكي عيشتك..... والله مههنيكي عليه... وكل العز ده انا الي عايشه فيه اما خليته يقتلك ويعذبك ميبقاش اسمي هاله بنت شاديه
&&&&&&&&&&&&&&&&&&&&&
فهد بيوصل الشركة بيدور علي تليفونه مش بيلاقيه وبيكون نساه في البيت فبينزل يركب عربيته علشان يجيب التليفون حركات سجده بتيجي في دماغه بيضحك وبعدين بيفوق وبيقول لنفسه: انت جايبها علشان تادبها... وولا تهز شعره فيا
بيوصل فهد القصر وبيفتح الباب بيلاقي سجده قاعده في ركن وبتعيط علي اخرها
فهد بيجري عليها وبيقولها: في ايه مالك وقعتي اتعورتي
سجده: ٠٠٠٠٠٠٠٠٠٠
فهد بعصبيه: ردي عليا مالك
سجده بتهتها: طن طنط شاديه.... ج جات هيا وملك هنا هيا و...وهاله.. وهددوني..وهاله قالتلي انو هيا هتخليك تقتلني..... وتعذبني.. انا تعبت منهم والله... وتعبت من حياتي
فهد بيتعصب : يا ولاد الكل ٠٠٠والله مهرحمكو وبيقول لسجده: اهدي ومتخافيش مش هيقدروا..... يعملولك حاجه وارتاحانهارده ي متعمليش غدا..انا هطلب انا هطلب دليفري
سجده بتمسح دموعها وبتتطمن : م... ماشي
وبيطلعها الغرفه وبينزل يركب عربيته وبيمشي
&&&&&&&&&&&&&&&&&&&&
حامد بيكون قاعد بيتغدي وملك وشادية وبيقول لشادية: اسكتي يا شادية ده فهد باشا طلع متمسك بالزفته.... ومش هيطلقها.... انا مش فاهم ازاي
شادية بشر: ده بيتسلي يخويا... شهر شهرين وهيطلقها... ويرميها لكلاب السكك.. وترجع تتاسفلنا
حامد: ممكن بردو
شادية: متقلقش انا هدمرلها حياتها... هظبطهالك.. وخليها ترجع.. تاني.. ونشغلها.. ولا تعليم ولا نيله
بيلاقو الي بيكسر الباب وبيقولها: لا ما انتي مش هتعرفي تعمليلها حاجه وووووووووو
الفصل السادس
فهد بيمسك حامد من هدومه وبيضرب ضربات متتاليه في وشه وبيقوله: مش قولتلك يا ابن الكل~~متقربلهاش وانساها
حامد بخوف ورعب : هي...هي مين ياباشا
فهد: انت هتستعبط باعت مراتك وبتها البيت لسجده ليه
حامد: والله يباشا مبعت حد انتي روحتي لسجده القصر يا شادية
شادية بتلعثم: ان... انا كنت رايحه اطمن عليها
فهد بعصبيه: كنتي عايزه تضريبها.... وبنتك تهددها انو انا هقتلها وتقوليلي بتطمني عليها..... انا لو هقتل حد فهقتلك انتي وبنتك وجوزك
حامد بخوف: والله يباشا مكنت اعرف ومش هتتكرر تاني وبيمسك ايد فهد يبوسها
فهد بيزقه بعيد وبيقوله: اقسم بالله لو شفت حد منكم قربلها... لكون قتله وانت مشوفش وشك في الشركه تاني
حامد برجاء: لا يباشا الله يخليك متقطعش عيشي
فهد بصرامه: انتهينا فين اوضة سجده
حامد: هناك اهي يباشا فهد بيبعده وبيدخل الاوضه
&&&&&&&&&&&&&&&&&&&&&
بعد فتره فهد بيرجع البيت... بيلاقي سجده محضره الغدا علي السفرة بيقولها: انا مش قلتلك هطلب دليفري
سجده: خلاص انا حضرتلك الغدا مش لازم تطلب من بره
فهد بابتسامه: تمام يلا اقعدي كلي
سجده بتاكل...... وبعدين بتشيل الاكل.... وبتعمله قهوة...... بتوديه الاوضه، وبعدين بتنزل تحت تنضف المطبخ.... وبتقعد قدام الشاشه سجده، بتسمع صوت المطر... بتجري بفرحه علي الجنينه بتقعد
..... علي المرجيحه الي بره السما، بتوقف مطر سجده بتكون داخله بتلاقي السما مطرت تاني بتلف بسعاده تحت المطر وتوكة شعرها بتتفك بيكون شكلها جميل فهد بيلاحظها من شباك اوضته بيقف يتاملها وهيا بتلف وبيضحك
سجده تحت المطر بتقول بدموع: يارب ارحمني يارب... من الي انا فيه بقالي اسبوع هنا وبابا مفكرش..... يسال عليا، باعني لفهد الي مقدرتش اكمل تعليمي، علشان حكمه عليا ومشغلني خدامه ليه وبتنزل علي الارض.. ودموعها بتنسال اكتر وبتقول : يارب خدني وريحني
فهد بينزل بيشوفها كده بيجري عليها
سجده بتقوله: كل الي انا فيه بسببك... وبيغمي عليها
فهد بيشيلها بخوف... وبيطلع بيها الاوضه بيدخلها الحمام.... وبيحطها تحت الدوش، وبعدين بيغيرلها هدومها.... وبيحطها علي السرير وبينام جنبها
&&&&&&&&&&&&&&&&&&&&
بتصحي سجده بتلاقي فهد واقف قدام المرايه لابس بدله... رسميه وبيسرح شعره
سجده بتتذكر الي حصلها امبارح وبتقوله: انا جيت هنا ازاي
فهد بيقولها: اغمي عليكي امبارح طلعتك علي الاوضه وغيرتلك هدومك ونمتي
سجده بكسوف: شكرا
فهد بمشاكسه: متخافيش غيرتلك هدومك الي فوق بس علشان تعرفي اني طيب بس.... وبديكي فرص
سجده بتفتكر انها صحيت متاخر... ومحضرتش الفطار بتتنفض من علي السرير: انا اسفه والله اني صحيت متاخر، هقوم احضر الفطار قبل متروح الشركه... فهد بيشدها من ايدها: استني
سجده: نعم
فهد: عندي ليكي خبر حلو
سجده بوجع : بابا قلك سلملي عليها
فهد: لاء
سجده بحزن: امال ايه
فهد: انا قررت انك هترجعي الجامعه تاني... وبيفتح الدرج وكتبك... اهي طبعا... فهد لما دخل اوضة سجده امبارح جاب كتبها وحاجتها من الاوضه
سجدة بفرحة طفوليه: هيه وبتحضن فهد
سجدة بتفوق لنفسها وبتبعد: اسفه من فرحتي مش هكررها تاني
فهد: عادي انا زي جوزك بردو
سجده بتبتسم ابتسامه جميله: شكرا جدا انك وافقت ترجعني الجامعه
فهد: العفو عايز اكله جميله بقا
سجده: احلي اكله من ايد الشيف سجده بس هو انت جبت كتبي ازاي
فهد: بسيطه رحت بيتك وجبتها
سجده: شكرا
اليوم بيعدي وسط فرحة سجدة الي ملهاش حدود
&&&&&&&&&&&&&&&&&&&&
تاني يوم سجده بتلبس دريس زيتي وعليه طرحه كافيه... وبتستعد علشان تروح الجامعه
فهد بيوصلها... الجامعه وبيقولها في المعاد الخروج هيكون منتظرها
سجده بتدخل... بتلاقي اسراء قاعدة في الكافيتريا بتجري سجده عليها وبتحضنها وبتقولها: وحشاني جدا
اسراء: انتي وحشاني اكتر بس انتي جيتي الجامعه ازاي
سجده بتقولها: يلا ندخل المحاضره وبعدين هحكيلك
اسراء: تمام
سجدة بتدخل المحاضرة وسليم لما بيشوفها بيفرح جدا
بتخلص المحاضرة وبتطلع سجدة هي واسراء الكافيتريا وبتقعد تحكيلها ايه الي حصل
اسراء: مهو طيب اهو
سجده: يعني بس بجد يابختك يا اسراء... مش بحسدك والله .... لكن كنت عايزه اعيش حياتي.. مش اتقيد بفهد.. بس الحمد لله نصيبي
اسراء: متزعليش يا سجده انتي قويه مش عيزاكي تضعفي
سجده بحب: ماشي ياحبيبتي
بتمشي اسراء... وسجده بتروح تسال سليم علي سؤال مش فهماه.. بتتذكره وهيا ماشيه
سليم: ازيك يا سجده
سجده : الحمد لله يدكتور
وبتساله السؤال.... بترجع للخلف اتكعبلت في طوبه كانت هتقع..... سليم لحقها ومسك ايدها
فهد بيكون بيدور علي سجده.... بيشوفهم كده عيونه بتحمر جامد وبيروح يمسكها من ايده.....وبيضرب سليم بوكس..وبيمشي ولا كان عمل حاجه...وسليم كان واقف مصدوم مش فاهم ايه الي بيحصل .... وبيمشيها وراه
سجده : في ايه يافهد
فهد: ٠٠٠
سجده: فهمني... في ايه انت... بتجرني كده ليه
فهد بصوت جهوري: اخرسي خالص
سجده بتسكت بخوف وفهد.... بيركب العربيه وبيسوق بسرعه جنونيه بيوصلو... القصر بيسحبها من ايدها وراه... وبيدخل الاوضه وبيزقها علي السرير
سجده بعياط: في ايه
فهد بعصبيه شديدة: في انك وقفالي مع راجل وماسك ايدك عرفتي فيه ايه
سجده: انا٠٠فهد بيقطعها: انتي تخرسي خالص انا كنت غلطان اني
رجعتك الجامعه
سجده: والله كنت هقع هو مسك ايدي.. والله دي الحقيقه
فهد بعصبيه: اخرسي مش قولت متتكلميش انا كنت غلطان... لما رجعتك الزفته الجامعه بس.... تعرفي انا مش هقعدك من الجامعه.... علشان مرات فهد الراوي.... مينفعش تكون جاهله وبيعلي في صوته اكتر وقالها من هنا ورايح... هتصحي بدري فطاري يتحضر وتركبي مع السواق تروحي الجامعه الجديده الي هنقل ورقك فيها ترجعي الغدا يتحضر الغدا ومتورنيش وشك وبعدين تتزفتي.... تزاكري فاهمه
سجده: ٠٠٠٠٠٠٠٠٠
فهد بانفعال: فاهمه
سجده بخوف: ف٠فاهمه
سجدة بتقوم تعمل الاكل... وبعدين فهد بيتصل علي عميد الجامعه الي هينقل سجده فيها وبيعدي اليوم
&&&&&&&&&&&&&&&&&&&&
تاني يوم سجدة بتنفز كل الي فهد قالها عليه.... وبتروح الجامعه... وبترجع تنضف وهيا دايخه جدا من.... قلة الاكل فهد، بيجي بتحضرله الغدا وبعدين بتدخل تاكل هيا في المطبخ
فهد بيدخل المكتب سجده بتدخل المكتب وبيكون في ايدها القهوة
فهد: ايه الي دخلك هنا
سجده: اتفضل القهوة
فهد بيقوم وبيجي، قلبها من ايدها علي الارض سجده.... بتتلسع منها بس مش بتبين وبتنزل تلم القزاز من الارض سجده بتخلص
فهد ببرود: بره
سجده بتطلع بدموع واول مبتطلع بتصرخ بصوت واطي علي... اللسعه والجروح الي في ايدها
فهد بتجيله مكالمه بيطلع من المكتب يتكلم في الجنينه.... وبيرجع بيلاقي سجده قاعده في الصالون بتزاكر ودموعها... نازله بيشوف الحرق الي في ايدها بيجيب علبة الاسعافات الاوليه وبيروح يمسك ايده
سجدهبخوف: والله معملت حاجه في ايه تاني
فهد متخافيش وبيمسك ايدها.... بيعقم الحرق وبيلفها برباط... وبيكون زعلان لان الحرق كبير
سجده بتتكلم: والله العظيم كنت هقع وهو لحقني
فهد: مصدقك
سجده: بجد
فهد: بجد... جهزي نفسك علشان جدي في الصعيد طلبني وعايزني اروحله علشان يتعرف عليكي
سجده بصدمه: هو انت صعيدي
فهد بابتسامه: اه
سجده بهمس: وانا اقول العصبية... دي جايه منين
فهد: بتقولي حاجه
سجده: كنت بقول انت ازاي صعيدي.. وبتتكلم كده
فهد: انا عيشت حياتي كلها في القاهرة
سجده بحماس: تمام انا هقوم اجهز هدومي
فهد: تمام يلا
بتطلع سجده... تحضر هدومها بتلاقي فهد داخل الاوضه... بتقوله: احنا هنطول هناك
فهد: بتسالي ليه
سجدة: علشان يعني الشغل بتاعك والجامعه
فهد: من ناحية الشغل في الشغل.... هنا اسر هيمشيه... مكاني والباقي همشيه انا في الصعيد والجامعه طبعا هتاخدي كتبك... تذاكري والي تقفي في انا هشرحهولك... وهنرجع علي الامتحانات
سجده بتفرح: تمام
وبيناموا..... بتصحي سجده.. بحماس بتجهز نفسها وبتحضر الحمام.... لفهد، فهد بيصحي بيجهز نفسه وبيفطروا وبعدين بيركبوا العربية وبيمشوا سجده بتكون سرحانه في الطريق بتفر دمعه من عينيها بتفوق علي صوت فهد: مالك
سجدهبتمسح دموعها بسرعه: لا مفيش حاجه
فهد: طب تيجي نجيب ايس كريم
سجده : يلا طبعا
فهد: بتحبيها بطعم ايه
سجده: الفانيليا
فهد: وانا كمان بحب نفس الطعم... وبينزل يجيب ايس كريم.. وبيرجع
سجده، بتاكل الايس كريم، وبتنام بتصحي سجده علي صوت فهد.... وهوا بيصحيها يلا وصلنا سجده بتصحي.... وبتبص بتلاقي نفسها قدام قصر كبير في الصعيد بينزل فهد وسجده من العربية والخدم بيجروا.... ينزلوا الشنط
فهد بيلاقي جده في استقباله بيجري عليه يحضنه
فهد: وحشتني ياجدي
الجد ويدعي صالح: انت اكتر ياولدي هيا دي مرتك
فهد: ايوه يا جدي
الجد بارتياح لسجده وحس احساس غريب نحيتها: قربي يابتي
سجده بتقرب منه وبتبوس ايده وبتقوله: ازي اخبارك ياجدو
الجد: انا بخير وبقيت بخير اكتر لما شوفت ان فهد اتچوز بنت زينه زيك
سجده بابتسامة صافية: يارب دايما تكون بخير
الجد بحنيه: اسمك ايه
سجده : اسمي سجده
الجد: عاشت الاسامي ياسجده... بيدخل سليم والد فهد: كيفك ياولدي
فهد بلهجه صعيديه: بخير يابوي اتوحشتني قوي
سليم: كيفك يابتي
سجدة: الحمد لله ياعمو
سليم: قوليلي يابوي
سجدة بضحك: حاضر يابوي
الجميع بيضحك علي طريقتها
سلمي مرات عم فهد التاني بتدخل بتسلم علي سجده بحب: ازيك يا حبيبتي
سجده باحترام: الحمد لله.. بخير
احمد جوزها: ازي اخبارك يابنتي
سجده: الحمد لله يا عمو
وبيجري بنت ولد توام علي سجده عندهم 13سنة وبيقولو لسجده: ازيك يا قمر
سجده بحب: ازيكو يا حلوين عاملين ايه
ميرنا ومراد: الحمد لله..... دول ولاد احمد عم فهد
الجد بينادي وبيقول: يا جليلة
جليلة: نزله يابا اهو وبتدخل جليله تصحي بنتها وبتقولها: اصحي يابت
حبيبة: ايه ياما في ايه
جليلة: فزي يابت فهد رجع ومعاه مراته
حبيبة بغل : والله لطفشها فهد مش هيكون لحد غيري
جليلة: طب يلا قومي... علشان تسلمي عليها وعليه
جليلة وحبيبة بينزلوا وبينصدموا.. من جمال سجده حبيبة بتنزل بتجري علي فهد... ازيك يافهد وحشتني قصدي وحشنا
فهد بود: الحمد لله يا حبيبة وبتقول لسجده: ازيك يا ٠٠٠٠٠
سجده: انا اسمي سجده.. الحمد لله اخبارك ايه
حبيبة بطيبه مزيفه: الحمد لله
الجد: يلا يافهد اطلعوا ارتاحوا في اوضتكم علي الغدا ميتحضر
فهد: حاضر ياجدي
صالح الراوي جد فهد يبلغ من العمر 70عام كبير... الصعيد وعمدة البلد... راجل حاد الطبع بس حنون جدا ومعروف بالعدل الصعيد كلها بتحترمه
سليم الراوي ابو فهد: راجل طيب وبيشتغل رجل اعمال برضه.... بس اغلب عيشته في الصعيد جدا يبلغ من العمر 50عام ابن صالح الكبير
احمد: يبلغ من العمر٣٩ عام طيب جدا
سلمي: مرات عم فهد الصغير تبلغ من العمر36 عام
حبيبة بنت عم فهد تبلغ من العمر 23 شريرة وعايزه تتجوز فهد علشان الفلوس... ومكملتش تعليمها
جليلة ست جبارة وحقوده تبلغ من العمر 45 ام حبيبة
&&&&&&&&&&&&&&&&&&&&
سجدة وفهد بيدخلو الاوضه وسجده بتقوله: بتتكلم صعيدي حلو اوي
فهد: عارف
سجدة: ايه الغرور ده
فهد: يابنتي انا فهد الراوي ابن سليم الراوي حفيد صالح الراوي
سجده:ايه ده... بس خلاص.. عرفت
فهد: بس جدي اتعود عليكي بسرعه وانا ممكن اغير
سجده: علشان انا اتحب بسرعه
فهد: ايه الغرور ده
سجده بضحك: علشان انا مرات فهد الراوي ابن سليم الراوي حفيد صالح الراوي
فهد بيضحك: بس خلاص عرفت
بيضحكو الاتنين..... بعدين سجده... بتدخل تاخد شاور وبتلبس ادناء واسع باللون الرمادي وبيكون شكلها قمر وشعرها بيكون مبلول بتهز دماغها الماية... بتيجي في وش فهد
سجده: سوري
فهد: براحتك واخده براءة انهارده
سجده: تمام.... وبتسرح شعرها وسط عيون فهد الي متبعاها باعجاب
سجده بتقوله: يلا يا فهد انا جهزت بيلاقي شعراية طالعه من الطرحه بيقولها: ايه ده
سجده: فيه ايه
فهد: شعرك باين من الطرحه
سجدة: مشوفتهاش فهد بيقرب منها وبيدخل شعرها في الطرحه... وبيطبع بوسه رقيقة علي خدها وبيمشي قدمها
سجده: هتفضل سافل
فهد: بتقولي حاجه
سجده: بقول انك راجل محترم
فهد: ما انا عارف
سجده... وفهد بينزلوا يقعدوا في الصالون بتدخل بنت بتجري علي فهد وبتحضنه وبتقوله: فهد وحشتني قوي
فهد: انتي اكتر ياعيوني
حور يطيبه : ازيك يا قمر انتي مرات فهد
سجده بابتسامه : اه
حور: فهد اخوي زوقه حلو قوي
سجده: انتي احلي ياحبيبتي
حور: ولسانك عسل زيك احنا من هنا ورايح اخوات واصحاب
سجدة: اتشرف انو يكون عندي اخت قمر زيك
حور اخت فهد بنوته عسوله ورقيقة عندها 20 سنه اكبر من سجده... بسنه في كلية تربية وبتحب اخوها وعليتها جدا
العيلة كلها بتتجمع علي السفرة وفهد بيقعد جنب جده وحبيبة بتروح تقعد جنبه
الجد بصوت جهوري: حبيبه ***