رواية حبيب الروح
الفصل السادس عشر16والسابع عشر17والثامن عشر18
بقلم لولو الصياد
وصل كل من كرم ومريم واخيها وزجته الى محل الماظ عالى جدا
لم تكن تحلم مريم ان تدخله نهائيا
نظر له اخوها باستغراب
الاخ...هو احنا مش هنروح محل دهب
كرم ..لا
زوجه الاخ بحقد ...انت هتجبلها الماظ
كرم وهو ينظر الى مريم الخجوله
كرم ...مريم هى الالماظ والماظ الدنيا كلها ما يجيش حاجه فيها
الاخ ...ربنا يكرمك فعلا يا زين ما اخترت لاختى
وبالفعل انتقى كرم طقم الماظ غالى جدا لانه لاحظ خجل مريم وانها
تحاول ان تختار ابسط شىء فقرر هو الطقم كان يرى السعاده بعيونها
ولكن حين تتحدث زوجه اخيها او تقترب منها يرى الحزن يعود لها
اخذهم كرم الى افخم المطاعم لتناول الغذاء
وجلس بالقرب منها
كرم بهمس ....مبسوطه
مريم بخجل ...الحمد لله
كرم ....مرات اخوكى سبب حزنك صح
رفعت له مريم وجهها بسرعه وكان يبدو عليه ملامح التوتر والفزع
مريم. عرفت ازاى
كرم ...يعنى هى شكر طلع فى محله ممكن اعرف عملت ايه ووعد هيكون كل كلامك سر
مريم بهمس وحزن ...مش هينفع
كرم ...مريم انا خطيبك وكام يوم وابقى جوزك ولازم يكون بينا ثقه
مريم ...انا صعب اتكلم
كرم بشك ...خيانه
مريم وهى تشير براسها دليل الموافقه
كرم ...عؤفتى ازاى
مريم... سمعتها بتتكلم فى التليفون بعد ما رجعت من الفرح معاه ومن ساعتها مش عارفه اتصرف
كرم وقد لاحظ ان اخوها وزوجته ينظرون اليهم
كرم ...اقفلى الكلام دلوقتى وبكره هجيلك بعد الشغل
مريم. بس انا واخده اجازه
كرم ...اقطعيها وترجعى بكره مفهوم
مريم ....حاضر
وكان الطعام وصل بتلك اللحظه
كرم للجميع... اتفضلوا يا جماعه بالهنا والشفا
على الجانب الاخر
كان صلاح وشاهى وصلوا الى باريس مدينه العشاق وهاهم فى الجناح الخاص لهم بالفندق
شاهى بفرحه ...اد ايه الجو جميل انا مش مصدقه انى هنا بجد
اقترب منها صلاح حتى وقف خلفها وهى تنظر من زجاج الفندق
صلاح.... طول ما انتى معايا مش هخلى نفسك فى حاجه
التفت شاهى وهى لا تعلم انها لا يفصلها عنه شىء
لف صلاح يده حول خصرها
وجدها لا تنفر منه بل تنظر له بتركيز غريب
دون شعور منهم اقترب صلاح من شفتيها وقبلها قبله رقيقه ناعمه
ابلغها بها عن اشتياقه لها كان اول قبله لها لم تكن الاولى له ولكن لا يشعر انه لمس امراه من قبل وكانها المره الاولى التى يقبل فيها امراه كم هى مختلفه وناعمه...........
ابتعد صلاح عنها وهى يتنفس بسرعه
وضعت شاهى راسها على صدره وهى ترتجف
ضمها صلاح الى صدره وقال
صلاح ...واضحو باريس اثر علينا وبسرعه
شاهى وهى تتحدث بجديه
شاهى ...صلاح انا متلخبطه انت ملخبطنى
صلاح بابتسمه وهو يقبل راسها
صلاح. .. ودهصلاح ...وده حلو ولا وحش
شاهى وهى تفكر بتنهيده كبيره
شاهى ... حاسه انه حلو بس خايفه وكمان مستغربه نفسى اوى انت غيرتنى فى وقت قصير حاسه كل حاجه جوايا متلخبطه وحتى لما فكر بتلخبطنى بلاقيك قدامى حتى فى عقلى
صلاح بمشاكسه....ده انا رزل اوى
شاهى بغيط وهى تقرصه برقه. . بطل رزاله
صلاح ....انا حاسس ان الايام الجايه هنفضل فاكرنها طول عمرنا
شاهى ...وهى تنظر بعيونه .. تفتكر
صلاح. . .ان شاء الله
شاهى. ....ياريت
الفصل السابع عشر17
كانت تقف شاهي تنظر الي نافوره ماء يقوم الجميع
برمي عمله بها ويتمني امنيه
وقفت شاهي والي جانبها صلاح اعطاها صلاح عمله معدنيه
صلاح.... ارميها واتمني
وبالفعل اغمضت شاهي عيونها ورمت العمله .
صلاح... اتمنيتي ايه
شاهي.... مش هينفع اقولك وقت ما تتحقق هقولك
صلاح.... ماشي ياعم الغامض
شاهي.... وهي تشير الي المياه
شاهي... مش هتتمني
صلاح.... مش محتاج حاجه اتمناها كفايه عليا تكوني مبسوطه
شاهي وهي تنظر له بتعجب
شاهي.... عارف ارل مره احس ان الوقت بيجري بيا اوي كده حاسه انه خلص بسرعه اوي الايام بتجري معاك
صلاح... نفس احساسي
شاهي بتنهيده...مش مصدقه انه خلاص الوقت قرب يخلص
صلاح ....وهو يمسك بوجهها وينظر بعيونها
صلاح...طول ما انا عايش هخليكي سعيده وصدقيني انا اوعدك كل فتره نيجي هنا
شاهي..... ربنا يخليك يا صلاح
صلاح..... يله نرجع لفندق بقي علشان سهره بالليل
شاهي وهي تضع يدها علي بطنها
شاهي.... فعلا لاني كمان هموت من الجوع
صلاح بمشاكسه.....عارفه انا مستغربك
شاهي... ليه
صلاح بضحك.... بتاكلي زي القطط كتير ومبيبنش عليكي بتاكلي وتنكري
شاهي ....بغيظ وهي تضربه بكتفه
شاهي ....طيب خلي بالك بقي احسن تقوم في يوم تلاقي حاجه فيك ناقصه
صلاح.... فداكي عمري كله
شاهي بكسوف..... نمشي
صلاح بابتسامه.... بحبك وانتي مكسوفه اوي
شاهي. بحرج ....صلاح
صلاح... عيوني
شاهي.... كفايه بقي ويله نروح ناكل
صلاح..... ههههههه يله يا اخرت صبري
................
علي الجانب الآخر
استيقظت مريم وارتدت ملابسها وتوجهت الي المطبخ لتشرب كوب من القهوه وتذهب الي عملها حتي تجعل عقلها يفيق قليلا
ولكن وجدت امامها زوجه اخيها
مريم بدون نفس.... صباح الخير
زوجه الاخ كانت تقف امام الثلاجه وتمسك برطمان المربي وتاكل منه باستمتاع
زوجه الاخ..... صباح النور علي الشغل طبعا صح
مريم وهي تقوم باعداد القهوه
مريم..... ايوه
زوجه الاخ بخبث.... اوعي تكوني بتقولي راحه الشغل وانتي بتروحي تخرجي مع خطيبك اصلي عارفه حركات البنات دي
مريم بعصبيه.... صوابعك مش زي بعضها وانا مش زباله علشان اعمل كده والحمد لله متربيه كويس واعرف العيب كويس جدا وعنري ما اخون ثقه اخويا فيا
زوجه الاخ لا تعلم لماذا شعرت بالتوتر
زوجه الاخ.... قصدك ايه
مريم...... ولا حاجه
وامسكت حقيبتها وخرجت من المطبخ ولكن قبل خروجها وقفت ونظرت لزوجه اخيها نظره كلها اشمئزاز وقرف
نزلت مريم الي الاسفل وجدت كرم امامها ينتظرها
كالعاده ليقوم بتوصيلها الي العمل كحاله يوميا ولكن بعد الاستئذان من اخيها كما طلبت منه مريم
وبالفعل وافق الاخ علي ذلك
اقتربت مريم من السياره وهي تبتسم اليه ابتسامه جذابه
مريم وهي تفتح الباب وتجلس الي جانبه
مريم.... صباح الخير
كرم.... صباح الفل والياسمين علي احلي عيون واحلي بنوته في العالم كله
مريم بحرج..... مش للدرجه دي
كرم....انا اللي اقول مش انتي
مريم..... طيب يله
كرم.... الاول إيه اللي مزعلك
مريم... مفيش
كرم.... رغم انك نازله تضحكي في وشي لكن صدقيني يا مريم عنيكي باين فيها الحزن
مريم.... مفيش يا كرم
كرم.... مرات اخوكي برده
اشارت له مريم براسها دليل الموافقه
كرم.... اه بصي يا مريم
مربم وهي تنظر له بتركيز
مريم..... نعم
كرم... انا لقيت الخطه اللي هنقدر نكشف بيها الحيوانه دي
مريم...... ايه هي
كرم.... بصي يا ستي انا فكرت كتير واخيرا وصلت اننا لازم............
واكمل كرم شرح تفاصيل الخطه الي مريم وهي تنظر له بتركيز وجديه
وحين انتهي
كرم. ....ايه رايك...
مريم.... فكره حلوه اوي بس عارف
كرم.... ايه حبيبتي
مريم.... بحزن.... رغم اني عاوزه اخويا يعرف الحقيقة رغم كده صعبان عليا النونو وصعبان عليا حال اخويا لما يعرف
كرم...... متقلقيش ربنا كبير
مريم .....فعلا عندك حق
كرم..... ممكن طلب
مريم.... اكيد
كرم.... اوعي تخبي عليا حاجه تاني
مريم....... حاضر يله بينا بقي
كرم.... اوك تحت امرك سيدتي الجميله
انفجرت مريم بالضحك
كرم.... هو ده اللي انا عاوزه اشوف ضحكتك
................
علي الجانب الآخر في منزل أمير
كانت مرام تنتظر رجوعه من العمل حسب اتفاقهم للذهاب
الي قاعه الافراح لتنقيه البوفيه الخاص بهم
كانت تجلس مرام بكل غرور وعدم احترام وتضع قدم فوق الاخري في وجه والدة امير
وضعت الام كأس العصير أمامها
الام.... اتفضلي يا بنتي
مرام وهي تلعب بهاتفها ولم تنظر اليها
مرام... شكرا
الام.... اخبار والدتك ايه
اغلقت مرام الهاتف ونظرت لها....
مرام. .....كويسه
الام... يارب دايما بقولك عاوزكم لما شاهي ترجع تروحوا ليها انتي وامير تباركوا ليها وكمان تدوها دعوه الفرح
مرام بعصبيه... لا
الام..... ليه يا بنتي كده
مرام.... كده حاجه متخصكيش
الام بغضب..... انتي ازاي تكلميني كده
مرام...والله انا حره انتي اللي بتدخلي في حياتي
الام....... انتي ازاي كده
مرام بغضب.... ما خلاص بقي اما صحيح وليه قرشانه
الام..... انتي بنت قليله الادب ومش متربيه
في تلك اللحظة دخل امير ووالدته تقوم باهانه مرام
فاقتربت منه تلك الافعي سريعا وامسكت بيده وهي تبكي
مرام ببكاء ...شايف يا امير مامتك بتشتمني ازاي وانا معملتش ليها حاجه مش قلتلك بتكرهني مش عارفه ليه
الام بصدمه وهي تنظر لابنها
الام..... كدابه يا ابني والله ما حصل هي اللي غلطت فيا الاول
امير........
الفصل الثامن عشر18
امير.... ليه كده يا ماما
الام.... ليه ايه يا ابني
امير.... انا داخل وسامعك بتشتميها ليه كده وبعدين انا عارف انك مبتحبيهاش بس ليه كده علي الاقل تحترمي اختياري ومتنسيش ان هي احترامها من احترامي
الام بحزن. .حبيب الروح.... لولو الصياد ...واحترامي انا فين لما تشتمني فين حقي كام فين بتكدبني وتصدقها بتكدب امك اللي حجت بيت الله وعاشت طول عمرها ست يحلف الناس بحياتها تكدبني يا خساره تربيتي فيك ياخساره التسع شهور اللي شيلتك فيهم في بطني عارف يا امير انا ابوك عشت معاه علي قد ما عشت عمره في يوم ما كدبني ولا قالي في يوم اني كدابه لانه عارفني كويس وانت كمان عارف اني مبكدبش
امير بامير بعد انتهاء والدته من الحديت
امير.... ماما انا عارف انك بتحبيني لكن كمان انا سمعت بوداني وحضرتك انا مش عاوزك تزعلي مني لا انا عاوزك تعاملي مرام كانها انا يا ماما بلاش شغل الحموات ده
الام بحزن.... شغل حموات ربنا يكرمك يا ابني
امير وهو يقترب منها ويقف أمامها ويمسك بوجهها
امير . ..ماماانا بحبك ومش عاوزك تزعلي ارجوكي اعتبري مرام بنتك
الام.... وهي تمسك بيده....
الام... بص يا ابني ربنا عالم باللي حصل وانا معنديش غير اني اقولك ربنا يسعدك وانا يا ابني هحضر فرحك زيي زي الغريب بس انا مش هدخلك بيت ولا عاوزك تجيلي ولحد ما تتجوز اعتبرني اي حد غريب عايش معاك في السكن
وازاخت يده عن وجهها واتجهت الي غرفتها ودموعها تغرق وجهها دموع ام حزينه علي ولدها حزينه علي تعبها وسهرها الليالي الي جانبه حزنها لانه كذبها وهو يعرفها حق المعرفة هي لم تفكر ابدا ان تقلل من احترام مرام وانما كانت تتحدث بلهجه عاديه هي لا تحبها ولكن ايضا لا تكرهها تراها فقط غير مناسبه لابنها ولكن فليتحمل مسؤليه فعلته ولن يغضب قلبها عليه رغم ما فعل لا تقدر علي ذلك نهائيا فهي تخشي عليه من غضب الله فهو في الاول والآخر ولدها فلذه كبدها
في الخارج كانت مرام تقف تمثل الحزن وهي امامه
مرام... بحزن مصطنع ....انا اسفه يا امير مكنتش اتمني يحصل كده ربنا عالم بحبها ازاي
امير بشرود.... ماشي يا مرام
مرام.... ومامتك هتعمل معاها ايه
امير.... انا هصالحها متقلقيش
مرام.... طيب هنروح نحجر البوفيه ولا ايه
امير... وهو ينظر الي باب غرفه والدته
وبعدها الي مرام
ويقرر الابن القاسي ان يؤجل مصالحه والدته لحين عودته
ويذهب مع تلك الحيه
امير.... اه ماشي يله بينا
.................
علي الجانب الاخر في باريس
مدينه العشاق....
كانت شاهي تخرج من الحمام بعد الاستحمام وقفت امام المراه تنشف شعرها وكان صلاح يجلس علي التخت يتابع ما تفعل بكل تركيز لا يفوته اي حركه منها حتي لاحظت شاهي ذلك في المراه
شاهي.... يا تري هستلمها امتي
صلاح .وقد فهم سخريتها منه انه يركز بها حتي يرسم لها صوره وكانه رسام يدقق بها جيدا لرسمها
صلاح....لو بيدي كنت اتمني اكون رسام مكنتش امل ابدا من رسمك ليل ونهار
وجدت شاهي كلماته تخرج من فمه الي قلبها مباشره
دون شعور منها تركت الفوطه واتجهت اليه بخطوات بطيئه حتي جلست امامه علي التخت
شاهي بهمس... صلاح
صلاح وهي يبتسم لها ابتسامه هادئه
صلاح.... نعم
شاهي.... انا عاوزه تحضني
ودون تردد ودون ان يسمح لها بالرجوع في كلامها اخذها بحضنه وبقوه حتي انه شعر وكانه سيكسر عظامها من شده احتضانها
وحين ابتعد اخير لم يبتعد عنها وانما رجع الي الخلف حتي ينظر الي وجهها
صلاح..... شاهي
شاهي بخجل وجهه احمر كحبه الطماطم
شاهي..... نعم
صلاح.... انا شايف ان الوقت جه ان جوازنا يكون كامل وانتي خدتي وقت كافي فيه تعرفيني وتقربي مني وانا بصراحه بشر ومعنتش اتحمل قربك مني كده من غير ما اقرب منك انتي مراتي يا شاهي وده حقي انا مش بجبرك لا والله لو قلتي لا او حسيت من ناحيتك رفض حتي لو بسيط هبعد واديكي الوقت اللي انتي عاوزه بس انا عاوز اعرف انتي عاوزه ايه لو عاوزني ابعد قومي وابعدي مش عاوزني ابعد قربي مني تاني وانا اتمني من كل قلبي انك تقربي
نظرت له شاهي بكل تركيز وكان هو ينتظر قرارها علي اخر من الجمر لا يعلم هل ستكسر قلبه وسعادته وترفض
ام ستقترب وتكتمل الصوره وتصبح حياتهم كامله يتمني وبشده ان توافق