حافيه القدمين
الفصل الاول والثاني والثالث
بقلم ياسمين علاء الدين
👑 سبحان الله وبحمده .. سبحان الله العظيم 👑
كتله من البرود والغموض تحيط بها لاتستطيع ان تفهم من هي .
اسمها صبا عمرها ٢٩عام قويه جدا. شخصيه محاطه بالغموض . والعنف . من يراها يخشها
تمتلك صاله رياضيه كبيره . فهي مفتوله العضلات قويه البنيه من يراها يحسبها ولد شعرها قصير بني وعينها جميله جدا. عنيفه جدا
في حلبه الملاكمه كانت تقف وهي تخبي وجهها بقناع لتلاعب الملاكم اللذي امامها
ظلت تضرب وجهه باللكمات حتي خارت قواه . وسقط ارضا وهو ينزف الدماء.
اعلن الحكم فوزها . لتشعر بالذه النصر. .
صبا في منزلها تقف امام المراه لتري وجهها به اثر كدمه .
تتذكر الماضي
Flash back
فلاش باك
زوجها اهلها من رجل غصب عنها كانت في ١٨ من العمر. وهو كان في ٢٢ من عمره. ليس كبير ولكنه كان يكرهها بشده فقد تزوجها رغما عنه. بامر من والده . كان ضخم جدا بالنسبله لها وهي كانت صغيره وضعيفه
كان متنمر عليها بشكل غريب وهو وامه.
امه كانت توصفها باقذر الالفاظ وتعيب شكلها كانت تتنمر عليها
ام جاسم : انتي قذره . بصي لنفسك في المرايا. ابني انا يتجوزك انتي . كل البنات بتحلم بنظره منه بس . لكن ابوه اختارك انتي ليه.
ايه القرف اللي انتي لابساه ده .. ذوقك قذر اوي .
👈اما هو فكان ينتهز اي فرصه ليضربها ويعذبها ويمارس علاقته بابشع الطرق بدون رحمه يضربها عندما تخطئ . حتي عندما تكون مطيعه كان يجد سبب لضربها . . يهينها امام اصدقائه . ويهزا بها . تحملت ابشع انواع الالم النفسي وايضا الجسدي
جاسم : انتي يا*** . اقعدي تحت رجلي
صبا : انا تعبت طلقني وريحني . ابوس رجلك
جاسم ضربها بالقلم : مش هطلقك ..هتخرجي من هنا وانتي ميته
صبا : انا بموت كل يوم. انت مش خدت اللي انت عايزه من ورث ابوك اما اتجوزنا طلقني
جاسم : اما تولدي . هموتك بايدي. انتي لسه مشفتيش حاجه
صبا : حرام عليك. مش كفايه اللي بتعمله فيا .
جاسم ضحك بصوت عالي : انتي اصلا فاكره نفسك واحده. انتي زباله . انا بقرف اصلا اما بلمسك. انتي متسويش في نظري حاجه
صبا كانت تشعر بالم من كلماته المتنمره عليها. ولكنها كانت تبكي في صمت
امسك شعرها ولفه علي يده ليجبرها ان تقف امامه واخذ يضربها بالاقلام علي وجهها حتي غابت عن الوعي . اخذها بالقوه وظل يمارس معاها حتي نزفت امامه. كان نبضها ضعيف. ليضحك في شر. اخيرا سيرتاح منها . لن يطلقها ستموت ويرتاح
👈اتت الاسعاف واخذتها الي المشفي
الدكتوره : المدام دي حد مغتصبها وكمان الجنين اللي في بطنها في خطر علي حياته
طلع مبلغ كبير من المال واعطاه للدكتوره لتصمت
جاسم : انقذي ابني
الدكتوره : هي في السابع ممكن اولدها.
جاسم : المهم ابني يكون كويس
الدكتوره : هعمل كل جهدي
جاسم : ابني لو مخرجش بالسلامه هكسر المستشفي علي دماغكم
دخلت الدكتوره وولدتها ولكن الطفل كانت حالته حرجه.
وهي دخلت في غيبوبه.
لمده شهر كانت في غيبوبه .لتفيق وتسال علي ابنها
الدكتوره : . ابنك مات
صبا كانت تصرخ بقهر والم . تشعر انها تتمزق من دخلها
وفي الليل هربت من المشفي وهي حافيه القدمين تهرول بعيدا عن جحيمها . .
لم تعلم اين تذهب. عادت الي امها التي لم تعرف عنها شئ عندما كانت تسال عليها زوجها كان لا يجيب ولم يقدرو ان يقتربو من بيت زوجها
👈ام صبا عندما رات حالته انهارت واحتضنت ابنتها
صبا : ماما انا لازم اهرب من هنا. مش هرجع غير وانا قويه واقدر احمي نفسي واخد حقي من جاسم. هخليه يندم علي اللي عمله فيا وانه قتل ابني.
ام صبا : خدي يا بنتي الدهب كله اهو بتاعي. بيعيه وابدئي حياتك من اول وجديد بعيد عن هنا وبعيد عن ابوكي . هو السبب في اللي انتي فيه. هو اللي باعك لجاسم الكلب
صبا خدت الدهب بتاع مامتها وفلوس وسافرت بعيد عن البلد اللي فيها جاسم وبدائت من الصفر.
اول حاجه عملته قصت شعرها عشان كان جاسم علي طول بيشدها منه .. توفيت امها ومعرفتش غير بعدها . كانت حزينه علي فراقها .
وايضا علمت بموت ام جاسم. لتدعو الله ان ياخذ حقها منها
كانت تسئ معاملتها وتجعلها تنظف البيت كله بالرغم من وجود خدم ولكنها كانت تتلذذ في تعذيبها.
٣ سنوات كانت اصعب سنوات عمرها. اجهضت فيهم ٤ مرات والاخير كان قد مات
Back
بااااك
صبا وهي ما زالت امام المراه : ٨ سنين عدت علي اخر مره شوفتك فيها يا زوجي العزيز . استعد عشان هتوجهه اسؤ كوابيسك 😏
#حافيه_القدمين
بارت ٢
👑 اللهم انك عفو تحب العفو فاعفو عني 👑
تاني يوم صبا دخلت خدت دش دافي ووضعت مرهم علي الكدامات اللي في وشها. وراحت للجيم بتاعها.
في الجيم. دخل خالد
خالد منصور👈 مدرب جيم عمره ٣٢عام. بيحب صبا من وقت اما اتعرف عليها من ٤ سنين . عارف حكايتها. وصارحها بحبه بس هي بتعامله ببرود .
وهو بيعاملها كصديقه عشان ميخسرهاش
صبا دخلت الي مكتبها وخالد دخل وراها وهو زعلان علي شكلها
خالد : وبعدين معاكي هتفضلي احد امتي تعملي كده في نفسك
صبا : لحد اما قلبي يرتاح واخد حقي
خالد : انسي . وارفعي عليه قضيه طلاق. وكملي حياتي. انتي كده بدمري شبابك
صبا : انسا ايه وله ايه. انا اما بكسب واحد بحس اني كسبته هو.
خالد بحزن : انا خايف عليكي
صبا لم ترد . هي بتعمله ببرود وهو اتعود علي المعامله دي
خالد : فطرتي
صبا : اه
خالد : عزمك انهارده علي الغدا. بمناسبه فوزك.
صبا : ماشي
خرج خالد الي الصاله و اكمل عمله وهو يفكر في اليوم اللي هتتغير فيه معاملتها ليه وتحس بحبه
صبا كانت بتعمل اتصالات مع كذا حد. لحد اما جالها الاتصال اللي خلها تبق فرحانه واخيرا حته في قلبها نورت
بعد الانتهاء من العمل. خالد وصبا قاعدين في المطعم ولاول مره يشوفها مرتاحه وشكلها هادي كده
خالد : قوليلي ايه اللي اتغير فيكي.
صبا بابتسامه : انا هسافر بكره
خالد قلبه اتقبض : هترجعي لجوزك
صبا : هدمره
خالد : بلاش يا صبا.
صبا: هو ايه اللي بلاش .. وانا اما كنت بتعذب محدش ليه قاله بلاش.
خالد : اهدي . انا اسف. انا قصدي بلاش تسافري
صبا : هرجع تاني
خالد : طيب هاجي معاكي.
صبا : مينفعش. انت ناسي الجيم
خالد : هخلي حد من المدربين يديره . مش هطمن عليكي وانتي لوحدك
صبا : اطمن. متخفش عليا. خاف عليه هو
خالد : صبا انا
صبا : متكملش يا خالد . مش هينفع حاليا
خالد : امتي
صبا : انت عارف ظروفي. وانا لسه علي ذمه الحيوان ده
خالد : اطلقي منه
صبا : هيحصل. ووقتها بس هقدر ابتدي من اول وجديد
خالد لاول مره يشعر براحه من كلامها وبدفا. فهي في العاده معاه مشاعرها جافه
تناولو الطعام .. وتوجهو الي الخارج
صبا : تعال نتمشي شويه
خالد : ماشي.
اتمشو كتير لحد اما وصلها لبيتها.
حالد : ميعاد الراحله امتي
صبا : الساعه ١٠ الصبح
خالد : هجيلك ٨ واوصلك للمطار
صبا : مفيش داعي
خالد : انا عايز كده. لو سمحتي
صبا بابتسامه : هستناك .
خالد : تصبحي علي خير
صبا : وانت من اهله
دخلت صبا الي بيتها وجهزت شنطتها وهي متوتره بتفكر هتعمل ايه اما تشوفه ..
رتبت كل حاجه مع واحد تعرفه وده صديق جاسم وعارف بزواجها منه. قبلته صدفه . وطلبت منه معلومات عن جاسم ... وقالها انه هيساعدها.
وانهارده جتلها المكالمه منه اللي بيقولها انه رجع من السفر.
صديق جاسم اسمه رامي 👈
حاولت تنام بس كان عندها ارق . والصبح قامت خدت دش ولبست بنطلون جينز وبادي ابيض وجاكت بدله اسود. و كوتشي ابيض و جرت شنطه السفر ونزلت وهي بكامل قوتها
خالد كان منتظرها في العربيه اول اما شافها فتحلها الباب وركبها ودخل الشنطه وانطلق علي المطار
وصلو المطار وخالد واقف وهو زعلان علي فراقها.
صبا : شكرا يا خالد.
خالد : خلي بالك من نفسك وكلميني اول اما توصلي. هستناكي .. متتاخريش عليا
صبا : سلام
خالد فضل واقف لحد اما خلصت الاجراءات وتوجهت الي الطياره وسافرت لجاسم.
طول الرحله صبا كانت تتذكر الطريقه اللي بيعملها بيها جاسم. لتبتسم علي شكلها . كانت ضعيفه جدا وهاشه واقل كلمه كانت بتكسرها.
حاليا هي اللي بتكسر بس ..
اخيرا وصلت الطائره ونزلت وهي تجر حقيبتها وتىتدي النظاره الشمسيه . شعرها القصير بيديها قوه وثقه وجمال.
وبعد مده كانت واقفه قدام الفيلا . اللي يما كانت بتمشي فيها وهي حافيه وتحاول تهرب من جحيهم ولكنه كان بيمنعها من الهروب.
صبا : انقلب السحر علي الساحر جاسم.
رنت جرس الباب وفتحتلها الخادمه شكلها جديد
الخادمه : حضرتك مين
صبا : جاسم موجود
الخادمه : اقوله مين
صبا : متقوليش حاجه انا اللي هقوله
الخادمه : بس حضرتك
صبا : انا مراته. قوليلي هو فين
الخادمه : مراته
صبا: اخلصي
الخادمه : في الاوضه فوق
صبا ابتسمت .. وسابت شنطتها وطلعت علي الاوضه وهي تتذكر هذا السلم اللي يا ما سحلها عليه وهي بتنزف
دخلت الاوضه كان نايم علي السرير.
طلعت موبايلها وفتحته علي تسجيل الفديو وحطته في مكان قريب عشان تسجل لحظه انتصارها
فتحت النور . جاسم فتح عينيه بغضب لتقع عينيه عليها. لم يعرفها في الاول.
صبا : اهلا يا جاسم . نسيت مراتك
جاسم بيبصلها من فوق لتحت. رجع بذاكرته لسنين طويل فاتت. وازاي كانت بتقف قدامه تترعش وهدومها متقتعه وحافيه.
وقف جاسم وبيقرب عليها وهي استعددت اول اما اقرب اكتر انهالت عليه بالضرب كما لم تضرب احد من قبل.
جاسم كان متفاجا من سرعتها وقوتها.
ظلت تضربه حتي شعرت بالراحه والسكينه. اخيرا. خلصت حقها وانتقمت من الانتقام الجسدي . لسه الانتقام النفسي.
ابتعدت عنه وتوجهت الي هاتفها اطفئت التسجيل .
وجلست علي السرير تمسح عرقها . وتخلع الحذاء من قدميها. فهي لديها هذه العاده السيئه. . تحب ان تبق حافيه . تشعر بحريه الحركه
اما هو فكان يحاول النهوض وهو يشعر بالالم في جسده.
نظرت اليه وابتسامه علي وجهها
صبا : جاسم شكلك بقي مشلفط خالص
جاسم : ليه يا صبا
صبا : ده جزء من حقك . انت تستاهل اكتر من كده. بس انا قلبي طيب ... فين مامتك
جاسم: ماتت
صبا : ربنا رحمها مني. عارف لو كانت عايشه كنت خلتها تدوق كل اللي عملته فيا
جاسم بيمسح الدم اللي علي وشه.
صبا : منخيرك بتنزف شكلها اتكسرت
جاسم : عارف
قربت منه وهو واقف بصصلها ومبيعملش اي رد فعل.
بحركه كانت عدلت العظم بتاعت انفه مكانها. تالم ولكنه لم يظهر اي رد فعل.
صبا : كده صلحت الكسر. بس دي البدايه
جاسم : رايحه فين
صبا : هرتاح لسه واصله من السفر.
استغرب جاسم علي رد فعلها : انتي هتقعدي هنا
صبا : اه طبعا . بيتي انت نسيت. وبعدين لسه اللي بينا مخلصش
جاسم : صبا انا اسف .
صبا : اسمها ايه الشغاله اللي تحت
جاسم : رقيه
صبا وهي تنادي عليها : رقيه . رقيه
رقيه : نعم .. وبصت علي شكل جاسم وشهقت بخضه وشه بايظ وبينزف والكدمات
صبا : طلعي شنطتي ونضفي تاني اوضه. بسرعه
رقيه بصت لجاسم . جاسم : نفذي طلبات المدام
رقيه : حاضر
صبا دخلت الي الغرفه و قعدت ع الكرسي
وقف جاسم وهو يتامل فيها. قوتها وكل حاجه فيها جديده. طريقه لبسها وكلمها . شعرها.
جاسم : صبا. انا عايز اتكلم معاكي
. صبا: ايه الادب ده.
جاسم ؛ انا اتغيرت وندمت.
صبا : مش وقت كلام .
جاسم : ايدك اتعورت
صبا : عادي مش اول ولا اخر مره
جاسم شعر بالحزن من طريقه كلامها
تليفونها رن وكان خالد ..
صبا : الو
خالد : عامله ايه
صبا : الحمد لله. ايه الاخبار عندك
خالد : كل حاجه تمام. قبلتي جوزك
صبا : اه طبعا.
خالد : عملك حاجه
صبا : ميقدرش. ...
خالد : هتيجي امتي
صبا : لسه مش عارفه. .. سلام
قفلت صبا مع خالد وجاسم قعد بيغلي
جاسم : مين ده
صبا : وانت مالك
جاسم : انتي مراتي
صبا ابتسمت باستهزاء. وما ردتش عليه .
دخلت رقيه : خلصت الاوضه يا مدام
صبا خرجت من عند جاسم . ودخلت اوضتها غيرت ونامت بهدوء. وسلام بعد اما حست بلذه الانتصار
اما جاسم : هعرف كنتي بتكلمي مين يا صبا
ايه رايكم في اللي عملته صبا في جاسم 😏
#حافيه_القدمين
بارت٣
👑أستغفر الله العظيم واتوب اليه 👑
تاني يوم . صحيت ولبست ترينج رياضي ونزلت تجري شويه. زي ما اتعودت ..
صبا كل تفكيرها ازاي هتعيش جاسم في وجع نفسي. بعد اما سببتله الوجع الجسدي
جاسم خرج من اوضته ووشه كان كله كدمات .. قعد يشرب قهوه ....
ورقيه الشغاله بصتله بصدمه. ازاي جاسم حد يعمل فيه كده ومن واحده كمان. مش اي واحده دي مراته
رجعت صبا من بره. ووشها احمر من الجري.
جاسم اول اما شافها. بصلها: ادخلي يا صبا
صبا: ما انا داخله . دي بيتي وله نسيت
جاسم : منستيش . انتي اللي بعدتي الفتره اللي فاتت
صبا: قصدك هربت من عذابك
جاسم : انا اسف ع كل اللي عملته فيكي
صبا : تؤ. هعمل ايه باسفك .
جاسم : مكفكيش .اللي عملتيه فيا
صبا: انت لسه شوفت حاجه. انا هطلع علي جتك القديم والجديد
جاسم : موافق
صبا رفعت حاجبها باستغراب : معندكش حل تاني.
جاسم : لازم نصلح علاقتنا
صبا: ههههههههههههه . انت دمك بقي خفيف اوي
.
جاسم : صبا انا دورت عليكي كتير . عشان اعتذرلك بس انتي اختفيتي . بعد شهر من الغيبوبه .
صبا: انت السبب في كل حاجه سيئه حصلتلي
جاسم : انا كنت وقتها صغير. ومغصوب علي الجوازه دي
صبا: انا كمان كنت ذيك. كان في الف طريقه غير الضرب والاهانه
جاسم : عارف. انا غلطان.
صبا : انا بكرهك يا جاسم.
جاسم الكلمه هزته من جواه بص في عنيها مش شايف غير الكره فعلا . بس هو عايز يصلح كل اللي حصل زمان
اما صبا فطلعت غرفتها ودخلت الحمام خدت دش دافي وغيرت هدومها . بشميز اسود وبنطلون جينز وعليه هايلز اسود . وصففت شعرها بعنايه. ووضعت القليل من الميكاب خدت شنطتها ونزلت تاني كان هو لابس البدله ونازل .
شافها. واعجب بيها. بقت قويه بمعني الكلمه
جاسم صفر .. وصبا بصتله باحتقار
جاسم : رايحه فين اوصلك
صبا : هه. فين مفتاح عربيتك
جاسم : معايا
صبا: هاتها. عشان مجبتش معايا عربيتي
جاسم : تعالي اشتريلك واحده
صبا : تؤ. هاخد عربيتك. انت مش بتحبها
جاسم افتكر اما كانت بترسم وياخد ادوات الرسم بتاعتها منها عشان هي كانت بتحب الرسم. او لو قرات كتاب كان بردو بياخده يرميه منها. عشان يضايقها وخلاص.
جاسم : خدي المفتاح . بس كنت هجبلك واحده جديده
صبا شدت منه المفتاح : تؤ. بقشش علي نفسك .
جاسم : طيب ممكن توصليني في طريقك
صبا : اممم . ماشي .
جاسم : كتر خيرك
صبا : قلبي ابيض
جاسم: انتي هتقولي.
صبا : عندك اعتراض
جاسم رفع ايده باستسلام. ..
صبا ركبت العربيه وساقت وهو ركب جنبها.
صبا: علي فين
جاسم: علي """""". اشتري عربيه
صبا: احسن. اصلي عربيتك هتكسر
جاسم : ايه. وليه بقي
صبا: عشان انت بتحبها
اتنهد وسكت .. ساقت صبا علي محل العربيات.
لسه هتتحرك شافت. كريمان صحبتها . نزلت وسلمت عليها
كريمان : مين
صبا ضحكت : انا صبا يا غبيه
كريمان باستغراب : صبا حسين
صبا: ايوه.
كريمان حضنتها : ايه يا بنتي التغير ده معرفتكيش.
صبا: كبرت بقي
كريمان : كبرتي ايه. قولي احلويتي . ايه الحلوه دي. بقيتي مزه جامده. قوليلي دخلتي جامعه ايه
👈صبا سكتت لان جاسم مخلهاش تكمل تعليمها.
جاسم كان متابع الحوار ولاحظ سكوت صبا. هي افتكرت كل محاولاتها في اقناعه انها تكمل تعليمها . وهو كان بيضربها وترفض .. الاتنين المشاهد بتعدي قدام عينيهم ....
جاسم : صبا. تعالي اختاري معايا العربيه.
كريمان قربت علي صبا بهمس: مين المز ده.
صبا : جوزي
كريمان غمزتلها : ليكي حق تحلوي.
صبا: هه.
كريمان : همشي انا. عشان متتاخريش علي جوزك . وهنتقابل مره تاني.
صبا : اكيد .
كريمان : ده رقمي. كلميني. كتبت كريمان رقمها علي ورقه وادتها لصبا
صبا : اوك .
جاسم في محاوله للكلام مع صبا: حلوه العربيه دي
صبا : انت هتصحبني
جاسم: هصحبك ايه . انت مراتي
صبا: يا راجل لسه فاكر
جاسم : عمري ما نسيت وله هنسي
صبا: انت اقل من انك تكون جوزي . انا بقرف اصلا اما بشوفك
جاسم كلماتها بتقطع فيه. بس دول كلامه هو واهاناته
منطقش
صبا ضحكت باستهزاء. ولبست نضراتها وركبت العربيه ومشيت ... جاسم واقف وهو بتبعد
جاسم : هصلح العلاقه. وهنرجع لبعض. عشان خاطر ادهم ابننا ..
👈
صبا راحت المطعم لمقابله صديق جاسم القديم. او عدوه اللدود حاليا.. وهي تناوي تدميره .كما دمرها وقتل ابنها
اللي هو عمران حازم
عمران : صبا. انتي صبا
صبا : اه. اتغيرت اوي كده
عمران : اتغيرت. انتي اتحولتي.
صبا بثقه : لاقوي
عمران : واجمل كمان
صبا : متحولش تعاكس. عشان متندمش
عمران : مفتكرش واحده بجمالك تعمل حاجه
صبا: لا افتكر. انت متعرفش صبا الجديده ممكن تعمل ايه
عمران : احب اعرف
صبا: عمران. انا هنا عشان اتكلم في الشغل.
عمران : اوك . متتعصبيش
صبا: قولتلي هتساعدني في انتقامي من جاسم
عمران : اه. بصي في صفقه جاسم داخل فيها . وانتي لو عرفتي تجيبلي الورق بتاعها . هنخسر جاسم خساره كبيره اوي
صبا: صفقه ايه
عمران : جاسم هياخد صفقه ادويه من شركه دنماركيه . وانا عايز الورق اللي يخص الصفقه دي
صبا : تمام .
عمران : هنتظر تليفونك ومعاكي الورق
صبا : اول اما اعرف مكان الورق هكلمك
عمران : اتفقنا
صبا : هقوم انا
عمران : خليكي قاعده شويه
صبا بصتله بتحذير ومشيت
خرجت صبا من المطعم وركبت عربيتها راحت للنادي.
اتمرنت ملاكمه عشان تهدا شويه بالرغم الضرب اللي ضربته لجاسم لسه مش مرتاحه . هي كسبت جوله لسه بقيت المباره .
تمرنت لحد وقت متاخر واعجب بها مدرب فريق الملاكمه وطلب منها الانضمام الي الفريق النسائي .
صبا: هفكر
المدرب: ياريت توفقي انتي مستواكي رائع
هزت راسها صبا . خرجت من النادي بعد ان ابدلت ثيابها . عادت الي البيت. كانت حاسه بتعب في صدرها بس ضغطت علي نفسها. وصلت البيت.
رقيه : الاكل جاهز يا مدام
صبا : جاسم جه
رقيه : لسه
صبا ؛ هطلع اخد دش وانزل
رقيه : ماشي
طلعت اوضتها و دخلت الحمام خدت دش.
بدلت هدومها ببجامه بيتي شورت وبتفكر هتجيب الورق ازاي لعمران عشان تكمل انتقامها من جاسم .. و من التعب نامت...