رواية حته مني
الفصل الاول
والفصل الثاني
بقلم سهيله سعيد
وقت البريك .. فى مدرسة ثانوى خاصة بنات وولاد .. بنت واقفة مع صحابها بتهزر وتضحك .. ييجى شاب من بعيد يطلع يجرى ع البت دى وفجاه يسكعها قفا
جنى : حرام ع اهلك ارحم قفايا 😠
( يبتسم الشاب ويحط ايده ع كتف البنت )
( نوقف لحظة .. كريم وجنى صحاب جدا وزى الاخوات من اعدادى بقالهم 5 سنين وحاليا دى اخر سنة ليهم فى ثانوى .. كريم واد روش البنات هاتموت عليه دايما يعمل المصايب ويلجئ ل جنى عشان تحلهالوا .. معظم بنات المدرسة بيحبوا جنى عشان بتظبطهم مع كريم بس اكترهم بيكرهوها عشان هى قريبة منوا .. جنى بباها ومامتها بيسافروا كتير شغلهم برة عملوا حادثة في مرة واتوفوا .. هى عايشة مع جدتها .. نرجع تانى )
كريم ... مش عيب عليكى كدة توقفي تتضحكى بالمنظر دة
جنى ... اسم الله عليك بتضحك سايلنت 😏
كريم ... انا ولد وبعدين انا مؤدب خليكى زيي خودينى حدوة ليكى وابقي مؤدبة
جنى ... حدوة ؟!!!!
كريم ... اها
جنى ... هاتستهبل يالا .. انت بتصلي الجمعة يوم الاربع
كريم ... بس بقا انتى هتسيحيلي قدام الاجانب 😄
( تقرب بنت عليهم )
جنى ... طيب استاذن انا
كريم ... رايحة فين .. انتى ابت
رودى ... هاى
كريم ... هاي ورحمة الله وبركاته
رودى ... ازيك ؟
كريم ... زى العسل وانتى ؟
رودى ... انا تمام .. ميرسي ع توصيلة امبارح ☺
كريم ... لا ميرسي ع واجب .. انتى بس تؤمري
رودى ... تسلم .. انت فاضي ؟؟
كريم ... الحكيكة انا مشغول جدي بس .. مافيش مانع اعزمك ع فيروز جوافة
رودى ... هو في فيروز جوافة ؟؟!!!
كريم ... اة طبعا وبتيخ كمان
( يمشي كريم مع رودى .. جنى واقفة مع صحابها تيجي بنت )
دلال ... جنى ؟
جنى ... نعم ؟
دلال ... عوزاكى ممكن دقيقة ؟
جنى ... اة اكيد
( تتمشى جنى مع دلال )
دلال ... كنت عاوزة اسالك سؤال بس ردي عليا بصراحة اوك
جنى ... اوك اسالي
دلال ... هو انتى حبيبة كريم ؟
جنى ... اشمعنا ؟
دلال ... اصلك دايما معاه وفي نفس الوقت هو بيقعد يكلم بنات تانيين ويهزر معاهم وانتى مش بتضايقي
جنى ... انا وكريم صحاب واخوات مش اكتر من كدة 😒
دلال ... بقولك كنت عاوزة اطلب منك طلب
جنى ... اتفضلي ؟
دلال ... كنت عوزاكى تسالي كريم عني
جنى ... عنك .. ليه ؟
دلال ... اساليه بس والنبي عشان عاوزة اتاكد من حاجة
جنى ... طب اساله عن ايه بالظبط ؟
دلال ... عوزاكى من الاخر تشوفيه معجب بيا ولا لا
جنى ... اااااه .. طب متقولي كدة من الصبح
دلال ... بس تردى عليا بسرعة اوك
جنى ... حاضر
( تروح جنى عند كريم .. واقف يهزر مع رودى )
جنى ... كريم عوزاك
كريم ... لفي وارجعى تانى مش فاضيلك
( يقف كريم يكمل هزار مع رودى )
جنى ... مصلحة
( كريم فاهم انى كلمة مصلحة دى يعنى الموضوع فيه بنات )
كريم ... في ديلك هتلاقنى فى ديلك
رودى ... رايح فين ؟؟
كريم ... كملي العرقسوس الى في ايدك دة .. خمسة وراجع
( يروح كريم ورا جنى )
كريم ... ايه في ايه ؟
جنى ... تعرف بنت اسمها دلال ؟
كريم ... هيييييييييح دلال .. هو فى احلى ولا اجمل من دلال 😙
جنى ... يعنى تعرفها ؟
كريم ... ولا عمرى سمعت عنها
جنى ... اومال محسسنى انها مراتك ليه !!!
كريم ... ما علينا بتسالي ليه ؟؟
جنى ... ابدا ... كانت عاوزة تعرف انت معجب بيها ولا لا .. هاروح اقولها بقا انك متعرفهاش اصلا
كريم ... استنى .. هو انتى تعرفيها ؟
جنى ... يعنى .. مش قوى
كريم ... طب وريهالى
جنى ... بص وراك هتلاقي بنت حاطة توكة حمرا بشعرها .. هى دى
كريم ... يا نهار اسود ع الى خلفونى .. بضعف قدام اللون الاحمر 😍
( يمشي كريم يقرب ع دلال )
جنى ... اااااه .. نفسي اوفق راسك مرة فى الحلال
( يقف كريم يتكلم مع دلال ويهزر ويضحك معاها .. جنى واقفة بصالة ومبتسمة .. يرن الجرس .. تروح جنى تنادى كريم )
جنى ... كريم يلا
كريم ... هاحصلك
جنى ... لا دلوقتى المدرس لو دخل قبلنا مش بيدخلنا
( ميردش كريم ويكمل كلام مع دلال )
جنى ... لا بقا مش كل مرة اتهزق بسببك
( تجر جنى كريم من هدومه .. كريم ماشي لورا عينه ع دلال بيضحكه لبعض .. يعدل كريم مشيته ويحط ايده ع كتف جنى ويطلعه يحضره الحصة )
( يهمس كريم لجنى )
كريم ... بت اجنى ؟
جنى ... ايه ؟
كريم ... كتك اوة .. هو دة المدرس الجديد ؟
جنى ... ايوة هو واسكت بقا احسن شكلوا بيتعصب بسرعة
( المدرس عاطيهم ضهره لكن سامعهم )
المدرس ... البت الى بتتوشوش دى تقوم تقف 😠
( الكل يسكت مرة واحدة ويبصوا لجنى .. جنى تقوم تقف )
المدرس ... كنت بتكلمى مين ؟
جنى ... احم .. ولا حد بكلم نفسي
( يزعق المدرس فى جنى )
المدرس ... ليه اجنيتى .. اطلعى برة
جنى ... يا مستر انا ...........
المدرس ... بقولك برة
( يمسك المدرس ايد جنى ويجرها برة بكل عنف .. من دون تردد يقوم كريم يزق المدرس يلزقه فى الحيطة .. الكل يتفاجا
ويقموا يقفوا .. جنى ترجع كريم لورا .. يقوم صحابهم يهدوه ويهدوه المدرس )
المدرس ... انت اتهبلت يا روح امك
كريم ... متجبش سيرة امي 😡
جنى ... كريم خلاص بالله عليك
المدرس ... انت هاتنزل عند المدير حالا
كريم ... انزل للمدير
( كريم ينزل للمدير والمدرس وراه .. يدخل المدرس متعصب عند المدير .. جنى واقفة برة بتتصنت )
المدرس ... الولد دة لازم ينطرد حالا
المدير ... حصل ايه ؟
المدرس ... بتكلم مع بنت وبقولها اطلعي برة عشان اتكلمت اثناء الشرح قام ضربنى
المدير ... ضربك ؟!!!!
كريم ... محصلش حضرتك
( يحكى كريم الى حصل )
المدير ... اولا مش مسمحلك يا كريم تدخل اومال انا موجود ليه .. حصل حاجة زى كدة كان المفروض تلجالى مش تزق مدرس .. انا مبحبش اسلوب الهمجية دة مع حد .. ياريت متتكررش تانى
كريم ... حاضر
المدير ... وبما انوا مهما كان دة مدرس فانت عندك فصل لمدة اسبوع
كريم ... بس حضرتك انا ..........
المدير ... كريم .. انا اتكلمت
كريم ... اوك 😒
المدرس ... فاكرها سايبة اياك
المدير ... وعشان هي مش سايبة يا استاذ يا محترم .. اسلوب العنف دة ميستخدمش في مدرستى .. خصوصا لو كانت بنت .. مخصوم منك شهرين
المدرس ... شهرين لييييه ؟؟؟؟
المدرس ... خلصنا اتفضل شوف حصتك
( يطلع المدرس متعصب ومتنرفز .. جنى تستخبى .. يطلع كريم تنده جنى عليه )
جنى ... كريم
كريم ... ايه الى نزلك ؟
جنى ... جيت اشوف هايحصل ايه .. انا اسفة والله انا السبب 😥
كريم ... انتى ملكيش دعوة انا الى بدات الكلام .. اطلعى دلوقتى عشان ميتحججش بيكي وساعتها هاموت اهله لو ضايقك تانى
جنى ... وانت هاتعمل ايه ؟
كريم ... ولا حجة هاطلع معاكى اخد شنطتى و اروح البيت ...يلا امشي قدامى
( تطلع جنى وكريم .. تدخل جنى تقعد .. كريم ياخد شنطته ويمشي ..
المدرس يبصله بغيظ مش طيقه )
الحلقة الثانية
( يروح كريم البيت .. امه وابوه قاعدين )
الام ... ايه جايبك بدري كدة ؟
كريم ... طالع انام
الام ... كريم تعالى كلمنى فى ايه ؟
( يقعد كريم يحكى الى حصل )
الاب ... وانت تتصدرلها ليه متتحرق هى والمدرس
الام ... مش ابنك هو السبب
كريم ... وحتى لو مش انا السبب
الام ... انا عارفة انك بتخاف عليها بس اهى اتسببت فى فصلك اسبوع .. ودى مش اول مرة
الاب ... وانشاء الله هتفصله من المدرسة كلها 😠
( يطلع كريم ينام .. يخلص اليوم فى المدرسة .. جنى طالعة متعكننة ومضايقة من الى حصل .. تروح البيت تتصل بكريم تليفونه مقفول .. ييجى الليل تليفونها يرن )
جنى ... انت نايم ولا ايه ؟
كريم ... اة نمت شوية
جنى ... انا اسفة والله على الى .........
كريم ... لا وحيات امك متخنقنيش عليا الطلاق اقطع علاقتى بيكى عادى ختلي اسبوع اجازة حد طايل ياما
جنى ... اة خد انت كل حاجة ببساطة
كريم ... هى يعنى اول مرة .. فكك
جنى ... اة نسيت انك سوابق لامؤخذة 😏
كريم ... ولا يهمك يازطااا .. بقولك ؟
جنى ... نعم ؟
كريم ... نعم الله عليكى .. بصي
جنى ... ايه ؟
كريم ... كتك اوة
جنى ... متلخص بقا .. ابو رخامتك 😤
كريم ... الاسبوع دة انا مش هستحمله فى البيت
جنى ... ممممممم .. انسى مش هاطلع معاك
كريم ... متبقيش باردة بقا .. كدة كدة كنا طالعين قريب
جنى ... اهى بواخة ^_^
كرريم ... عليا النعمة اجيبك من شعرك .. انتى عارفة مبطلعش من غيرك
جنى ... اتحايل عليا شوية
كريم ... وحيات امك ؟؟
جنى ... خلاص .. طب هانروح فين المرة دى
كريم ... مارينااااااا
جنى ... لا لا لا !!!
كريم ... ليه ليه ليه ؟؟؟
جنى ... انت اخر مرة كنت هتبيتنا في القسم بسبب معكستك للاجانب
كريم ... لا والله هابقا مؤدب المرة دى .. وعد مني
جنى ... ماشي بس خليها حتة تانية غير مارينا والنبي
كريم ... خلاص مطروح هاتصل بالعيال اقولهم
جنى ... هانمشي امتى ؟
كريم ... دلوقتى
جنى ... نعم .. انت عارف الساعة كام .. الساعة 12
كريم ... عارف .. يادوب تلحقي تجهزى
جنى ... دة افترى والله العظيم انا صاحية من 8 الصبح
كريم ... مانا زيك .. يلا اخلعي هاروح اتصل بيهم
جنى ... طيب
( كريم يتصل بصحابه يحصلوه ع هناك .. جنى تقوم تجهز هدومها .. كريم يعدى عليها ياخدها ويمشوا )
جنى ... دماغي هتنفجر .. هاموت من النوم .. اه يانا اه ......... 😔
كريم ... بس ياما ايه مركب خالتى جنبي .. متفردى الكرسي وتتخمدي
جنى ... هو الكرسي بيتفرد !!
كريم ... ايوة
( يتكة كريم ع زرار يفرد الكرسي )
جنى ... مش تقول انه بيتفرد سايبنى متزنبة من الصبح
كريم ... هش بقا مسمعش حنجرتك .. خلينى اسمع عمرو فى روقان
جنى ... مش هاينفع انام
كريم ... ليه بقا اجى ارضعك بالمرة
جنى ... اتلم الجيبة قصيرة
كريم ... نامي ومش هابص 😉
جنى ... لا والله دة مش بعيد اقوم الاقي نفسي جايبة منك عيلين
كريم ... طب هاقولك فكرة
جنى ... ايه ؟
كريم ... كتك اوة
جنى ... وربنا هاضربك
كريم ... بصي جيبي دماغك عندى ورجلك هناك
جنى ... طيب هاجرب
( تلف جنى رجليها تخبطها فى وش كريم )
كريم ... الله يحرقك وشي 😳
جنى ... سوررررري .. هييييييح .. تصدق مريحة كدة
كريم ... طب نامي بقا ابوس ايدك
جنى ... طيب نايمة ع قلبك انا
كريم ... انيل
جنى ... نعم نعم !!
كريم ... ولا حاجة يلا تصبحي ع خير
جنى ... ماشي
( تنام جنى .. كريم عمال يسمع اغانى عشان تفوقه .. جنى رايحة فى النوم .. جيبتها عمالة تطير .. ياخد كريم جاكيت كان فى العربية يحطه ع رجليها ويفقل الشباك .. يقرب المكان )
كريم ... جنى .. قومى قربنا نوصل
جنى ... ايوة ايوة ايوة
كريم ... الحلم سف منك ولا ايه
( يزعق كريم فى جنى )
كريم ... قومى ابت
( تقوم جنى مفجوعة )
جنى ... حرام عليك بقا فى حد يصحى حد كدة
كريم ... عارف نومك منيل مينفعش معاكى الزوق
( تقوم جنى تفوق ...... يقف كريم )
جنى ... وصلنا ولا ايه ؟
كريم ... اه يلا انزلى
جنى ... طيب
( تنزل جنى وكريم يسلموا ع صحابهم .. رودى ودلال واقفين لازقين لكريم )
كريم ... فين عمر ؟
حمو ... جاى اهو
( يوصل عمر يطلع بيهم شقة صغيرة اوى وهما كتير )
رامى ... يا نهار اسود هو دة الى هاظبطلكم المكان !!!!
حمو ... احيييه !!!
كريم ... خد هنا ياض
عمر ... من غير مد ايد 😄
كريم ... هتنيمنا فين بروح اهلك ؟؟؟
عمر ... مالمكان واسع اهو .. الشقة اوضتين وصالة
غادة ... صالة !!!
عمر ... اة ياختى صالة
حمو ... طب مندور ع شاليه ناجره ولا شقة كبيرة
رامي ... مش لسة هاندور ع سمسار وناجر .. خلاص باظت يا عم
كريم ... ادى الى يمشي ورا كلام العيال
جنى ... انتوا مكبرين الموضوع ليه .. مش في اوضين وكل اوضة فيها سريرين يا عمر ؟
عمر ... ايوة
جنى ... طب خلاص الشباب اوضة والبنات اوضة كل 2 ع سرير
رودى ... لا انا مش هنام جنب حد
دلال ... ولا انا
جنى ... خلاص الى مضايق ينام برة فى كنبة فى الصااااالة
( تدخل جنى شنطتها الاوضة تفضيها ويناموا .. جنى جنب غادة ودلال جنب رودى مش طايقين بعض )
رامى ... رايح فين ؟
كريم ... مش هنام جنب سيد قشطة دة .. هنام برة
حمو ... عين العقل انام براحتى انا بقا ^_^
عمر ... طب تعالى نام جنبي
كريم ... انت تخرس خالص 😠
( يطلع كريم ينام ع الكنبة برة .. تطلع دلال وكله نايم تنام في حضن كريم )
( تدق الساعة 4 جنى تقوم الاول )
جنى ... انت يا استاذ .. ولا قوووم
كريم ... ايه في ايه ؟!!!
جنى ... قوموا اتعدلوا البيت صحا
كريم ... ايه دة ايه الى جابك هنا .. قومى امشي
( يزق كريم دلال في الارض ويضير وشه ويكمل نوم .. ملحوظة .. كريم بيستهبل )
دلال ... ايه الغباوة دى
جنى ... قومي يا حلوة 😏
( الكل يصحا وينزلوا الشاطئ .. كل البنات لابسة مايوهات الا جنى لابسة شورت وبادى .. ينزلوا الماية الا هى قاعدة ع الشط حاطة فى ودنها السماعات وتقرا كتاب .. يطلع رامي من الماية )
رامى ... منزلتيش ليه ؟
جنى ... لا مش اختصاصي البحر
رامي ... مبتعرفيش تعومي ؟
جنى ... لا
رامي ... طب قومي وانا هاعلمك .. مش لابسة مايوه ليه ؟
جنى ... كريم مبيحبنيش البسه
رامى ... اه قولتيلي .. اومال جاية ليه ؟
جنى ... جاية انكد عليكوا فكك منى بقا
رامى ... فقرية :/
( رامى يرجع الماية .. يطلع كريم وفي ديله رودى ودلال .. جنى واقفة مسكاله الفوطة )
دلال ... فاتتك الماية يا جوجو
رودى ... اة تحفة
كريم ... متجربي تنزلى
جنى ... لا يا كريم انت عارف مبحبش البحر
كريم ... طب قومي نتمشى
جنى ... طب ريح الاول
كريم ... ياما قومي احنا مش جايين نريح
( تقوم جنى مع كريم .. رودى ماسكة فى ايد وجنى ماسكة في ايد .. دلال ماشيه وراهم متغاظة تدخل بين ايد كريم وايد جنى وتمسكوا هى .. ترجع جنى تمشي وراهم )
( تتكعبل جنى فى رجل شاب قاعد .. تلحق نفسها وتخبط فى دهر كريم .. يلف كريم )
الشاب ... انتى حمارة مش تحاسبي >:o
كريم ... مانت لو لميت رجل اهلك كانت حاسبت
الشاب ... يعنى تحب ادوسلك ع رجليها زى مهرست رجلي
كريم ... لو راجل اعملها