رواية حته مني الفصل الثالث3 والرابع4 بقلم سهيله سعيد
الاب ... اقعد يا بيه
( يزق ابو كريم كريم ع السرير .. يقعد كريم ويقعد ابوه ع كرسي قدامه )
الاب ... ايه الى حصل يا استاذ ؟
كريم ... مش اخوك حكالك بتسالنى ليه ؟
الاب ... متردش عليه بدل مبيتك في المستشفى انهاردة واضح انى الى يعاملك راجل يستاهل ضرب الجزمة .. رد ع سؤالي
كريم ... محصلش حاجة
الاب ... يابنى متخلنيش اتعصب عليك
( يضحك كريم )
كريم ... دة ع اساس انك بتلعب معايا شطرنج دلوقتى
( يقوم ابو كريم يضرب كريم بوكس ويفضل يضربه في دماغه .. يوصل ايمن يخبط ع باب اوضة كريم هو وامه ابو كريم مش راضي يفتح )
الام ... اكسر الباب .. هيموته !!!
( يكسر ايمن الباب ويدخل يقوم ابوه من فوق كريم .. كريم مش قادر يفتح عينه ووشه وارم )
الام ... كريم .. قوم يابنى .. حرام عليك يا منصور ليه كدة بس
( كريم يغمى عليه .. تحاول امه تفوقه مبيفوقش .. ايمن ماسك ابوه وباعده عن كريم وبيهديه )
ايمن ... حصل ايه لدة كلوا ؟
الاب ... مش كل مرة اسمع كلام يحرق دمى من عمه بسبب سلوكه الزفت حصلت يقولي مش قادر احكم عليه .. كل دة بسبب انا بسيبله واعديله واقول كبر وبقا راجل بقا عاقل بقا وبقا وهو مبيعملش حساب لحد
ايمن ... بس بردوا انت عمرك ممديت ايدك ع حد فينا مهما حصل
الاب ... خلاص يا ايمن انا معدش ليا خلق ادادى واحل مشاكل مش كفاية ام صفحة الفيس الى مليانه بنات واخر استهتار والناس مبتصدق ع غلطة وهو اسموا ابن المزيع المحترم خلاص مخلاش فيها احترام .. انا هاعرف اربيه من اول وجديد
ايمن ... طب اهدى بالله عليك ماتمد ايدك عليه تانى
( تدخل ام كريم )
الام ... الحقونى الولا بيموت مني :o
( يقوموا كلهم يجروا ع اوضة كريم .. كريم نايم ع السرير وعمال ينزف دم من بؤه ويفتح عينه ويقفلها )
الاب ... اطلب الاسعاف
( يطلب ايمن الاسعاف )
الام ... ابنى هيضيع منى يا ناس .. حرام عليك يا منصور حرام عليك
ايمن ... اهدى مافيش حاجة
( ايمن يقوم كريم .. كريم يغمى عليه ويقع ع السرير تانى )
الاب ... يابنى فوق
الام ... ابنى ابنى !!!!
( توصل الاسعاف تاخد كريم المستشفى .. كريم في الطوارق .. اهله واقفين برة )
الام ... يارب .. يارب مش طالبة غيره يطلع بالسلامة يارب ابنى يرجعلي يارب والنبي يارب
( يقرب ابو كريم ويحضن ام كريم )
الاب ... بس اهدي
الام ... هايضيع مني يا منصور .. هايضيع منى :'(
( جنى بترن ع تليفون كريم .. محدش بيرد .. تليفون كريم في البيت .. تتصل بتليفون البيت .. ترد عليها الشغالة )
الشغالة ... ايوة مين حضرتك ؟
جنى ... انا جنى يا طنط كريم موجود ؟
الشغالة ... لا يا حبيبتى كريم واهل كريم في المستشفى
جنى ... مستشفى ليه ؟!!!!
الشغالة ... استاذ منصور اتخانق من كريم وودوه المستشفى
جنى ... مين الي في المستشفى كريم ولا ابوه ؟؟
الشغالة ... لا كريم
جنى ... حصله ايه ؟؟
الشغالة ... مش عارفة بس انا شيفاه مسندينى ووشه وارم وبؤه بيجيب دم
جنى ... يالهوى مستشفى ايه ؟؟؟
( يطلع الدكتور )
ايمن ... خير يا دكتور كريم عامل ايه ؟
الدكتور ... هاكلمكوا بصراحة حالته مش مستقره نهائي احنا بنعمل الي نقدر عليه
الام ... يعنى ايه ابنى هايضيع منى ؟؟
الاب ... اهدى يا فريدة
الدكتور ... انشاء الله هايبقا كويس احنا طلعناه اوضة الاشعة لازم يعمل اشعة ع دماغه
ايمن ... ليه يا دكتور ؟
الدكتور ... لانه حتى الان بيفوق ويغمى عليه تانى .. احنا شاكين في حاجة عشان كدة منقدرش نديله اى ادوية غير بعد الاشعة
ايمن ... شاكين في ايه ؟
الدكتور ... مقدرش اقولك غير لما اتاكد .. زمانه دخل اوضة دلوقتى تقدروا تشوفوه بس هو هيبات معانا انهاردة مقدرش امشيه الا لما حالته تستقر
ايمن ... ياريت تطمنا يا دكتور
الدكتور ... متقلقوش انا هتابعكم خطوة بخطوة .. عن اذنكم
الاب وايمن ... اتفضل
( يطلعوا لكريم .. كريم نايم ع السرير مفتح عينه )
الام ... عامل ايه انت كويس حاسس بايه ؟
( كريم يغمض عينه تانى )
الام ... هو نام ليه ماله ؟
ايمن ... يا امي انتى مسمعتيش الدكتور بيقول بيغمى عليه ويفوق تانى
الام ... طب ليه بيعمل كدة ؟
ايمن ... هانعرف لما تطلع الاشاعة
( يطلع ابو كريم برة .. يطلع وراه ايمن .. ابو كريم عينه تدمع وتنزل دموعه )
ايمن ... انشاء الله هايبقى كويس متضايقش
الاب ... هو الي غاوى يعصبنى دايما بيخلينى اتنرفز عليه خرجنى عن شعورى انهاردة .. اكلمه جد يقعد يهزر ويستفزنى شوفت وصلنا لفين
ايمن ... معلش هو بردوا عايش سنه هو مش كبير يا بابا
الاب ... داخل كليه كمان كام شهر وتقولي مش كبير
ايمن ... بس لسة 19 سنة يعنى في سن طايش
الاب ... انا الى غلطان كان المفروض ادخله الجيش يلمه
( توصل جنى )
جنى ... فين كريم ؟
ايمن ... جوة
( تدخل جنى لكريم .. تسلم ع امه وتقعد جنبها )
جنى ... حصلوا ايه ؟
( تحكى ام كريم ع الي حصل )
جنى ... منوا لله الي كان السبب
( كريم يفتح عينه )
جنى ... كريم ؟
( يبص كريم لجنى ويقفل عينه تانى )
جنى ... ليه بينام ؟
الام ... اهو ع كدة ينام ويقوم عملوله اشاعة عشان يعرفوا ماله بس لسة مطلعتش
جنى ... انشاء الله خير
الام ... انشاء الله
( ايمن واقف مع ابوه برة )
الممرضة ... استاذ منصور .. الدكتور طالبكم
( يروح ابو كريم واخوه لمكتب الدكتور .. الدكتور قاعد وقدامه الاشاعة )
الاب ... خير يا دكتور ؟
الدكتور ... الاشاعة مطمنش
ايمن ... في ايه يا دكتور ؟
الدكتور ... كريم عنده ورم ع المخ
الاب ... ورم !!!!
ايمن ... ورم ازاى دة كان قلم ع شوية ضرب ايه دخلهم في ورم ؟؟!!!!!
الدكتور ... الورم كان من الاول بس كان صغير جدا وفي اوله .. كتر الضرب نشطه احمده ربنا انه لسة عايش بعد الضرب دة كله في دماغه
الحلقة الرابعة
ايمن ... طب والعمل ؟
الدكتور ... هنعمل اشاعات تانى وشوية فحوصات عشان نعرف ايه حالته بالتحديد ونتصرف ع الاساس دة .. بس هو هيبات معانا انهاردة لحد محالته تستقر
ايمن ... يعنى انشاء الله في علاج ؟
الدكتور ... مقدرش اطمنك في كدة في حالات ملهاش علاج عشان كدة هنبيته انهاردة ونتابع حالته بالظبط
ايمن ... يعنى ايه ملهاش علاج ؟؟
الدكتور ... يعنى ...........
( ابو كريم يمسك قلبه ويقع في الارض .. ينقلوه العناية المركزة .. يرجع ايمن اوضة كريم )
ايمن ... لسة مفاقش ؟
الام ... لا لسة
ايمن ... اه
( ايمن عينه تدمع ودموعه تنزل )
الام ... فين ابوك .. مالك .. انت بتعيط ؟
( ايمن مش مبطل عياط )
جنى ... هايبقا كويس انشاء الله
ايمن ... الاشاعة طلعت
الام ... وماله عنده ايه ؟؟
( ايمن مش عارف يتكلم )
الام ... متقول في ايه متسيبش اعصابي
ايمن ... بيقول عنده ورم ع المخ
جنى ... ورم !!!!!
الام ... يعنى ايه .. ورم من ايه ؟؟
ايمن ... معرفش بيقول الضرب نشطه وحاجات مش فاهم منها حاجة
الام ... يالهوى .. ليه كدة بس ليه
( جنى تتفتح في العياط هى وام كريم )
ايمن ... بابا في العناية
الام ... منصور .. ودينى ليه يا ايمن
( ايمن ياخد امه ويوديها العناية عند ابوه .. جنى قاعدة ماسكة ايد كريم حاطة دماغها عليها وبتعيط .. كريم يفتح عينه )
كريم ... جنى ؟
جنى ... انت كويس ؟
كريم ... اه .. مصدع شوية
جنى ... معلش
كريم ... بتعيطي ليه انا لسة مامتش
جنى ... بعد الشر عليك
كريم ... هو انتى عرفتى ازاى انى هن..........
( يغمى ع كريم تانى .. جنى تذيد في العياط .. يدخل اخو كريم يقعد جنبها .. يحط ايده ع كتفها )
ايمن ... بس اهدى
جنى ... لا مش قادرة
( تقوم جنى تخرج برة .. تحط وشها عند الحيطة وتعيط اكتر .. يفوق كريم تانى .. ايمن قاعد جنبه )
كريم ... فين جنى ؟
ايمن ... واقفة برة
كريم ... اندها والنبي
ايمن ... حاضر
( يخرج ايمن لجنى )
ايمن ... جنى ؟
( جنى مش مبطلة عياط )
ايمن ... كريم عاوزك .. بطلي عياط وادخليله
جنى ... لا مش هادخل مش قادرة اشوفه كدة .. انا .. عاوزة امشي
ايمن ... بالله عليكى
الممرضة ... ايمن بيه .. والدتك طلباك
ايمن ... اوك جاى
( يمشي ايمن )
( جنى تحاول تمسح دموعها .. كريم يطلعلها .. دماغه مربوطة وبيسند ع الحيطة .. تشوفه جنى تجري عليه تسنده )
كريم ... انا كويس كويس
جنى ... طلعت ليه انا دخلالك
كريم ... انتى ليه زعلانة ؟
( جنى تبص في عين كريم وتنزل دموعها .. يمسحهلها كريم ويغمى عليه .. ينزلوا هما الاتنين في الارض .. تاخده جنى في حضنها )
جنى ... حد يلحقنى .. كريم فوق !!!!
( ييجى الدكاترة يسندوه ويدخلوه الاوضة .. ويدوه حقنة )
الدكتور ... اوعى تخليه يقوم تانى
جنى ... حاضر
الدكتور ... المفروض حضرتك تمشي ميعاد الزيارة انتهى من بدري
جنى ... مش المفروض حد يبات معاه ؟
الدكتور ... والدته موجودة .. اتفضلي حضرتك متقلقيش عليه
( جنى تبوس ايد كريم وتخرج من الاوضة .. مش قادرة تمشي عمالة تسند ع الحيطة .. تطلع جنى برة المستشفى .. مستنيها السواق .. تركب ويروحها .. طول الطريق جنى مش مبطلة عياط .. توصل البيت .. تدخل جنى تترمي في حضن جدتها وتعيط لحد متنام لوحدها .. يطلع الصبح .. تقوم جنى تروح المدرسة .. تدخل عنيها حمرا ووشها باين عليه الزعل والهم .. يبصولها صحابها مستغربين مالها يكلموها متردش بتعيط بس .. يرن جرس بداية الحصة .. جنى قاعدة في فصلها سرحانة وعنيها مليانة دموع .. تخرج المدرسة تتكلم في الموبايل )
رودى ... جنى مالك ؟
غادة ... جنى بالله عليكي ردي علينا ؟
غادة ... طب فين كريم ؟
رودى ... انتى متخانقة معاه ولا ايه ؟
( جنى تهز دماغها ب لا )
غادة ... اومال مالك ؟
حمو ... انا بتصل بيه مبيردش
رامى ... طب اتصل باخوه ولا ابوه
حمو ... معييش نمر حد فيهم انت معاك ؟
رامي ... اه معايا .. هتصل انا
حمو ... اوك
( يتصل رامى بايمن .. ايمن يحكيله ع كل حاجة .. رامي يحكى لصحابة .. المدرسة كلها تعرف .. وقت البريك .. جنى متنزلش وتقعد في فصلها .. الكل يتكوم جنبها ويحاولوا يطمنوها حتى المدرسين )
المدرسة ... ايه الزحمة دي كلوا ع تحت يلا
( ينزل الكل ماعدا جنى .. تقعد معاها المدرسة )
المدرسة ... ع فكرة الدكتور دة حمار ممكن يكون اشاعة غلط ولا حاجة
( جنى تبصلها وتدمع )
المدرسة ... طيب انتى عارفة ان كريم غالى علينا كلنا صح ؟
جنى ... اه
المدرسة ... يعنى كلنا زعلانين بس منقدرش نبين دة قدامه عشان ميتعبش اكتر بالعكس المفروض نبقى اقوى من كدة .. انتى اقرب حد ليه هنا .. انتى الوحيدة الى متنفعش تبقى دي حالتك يا جنى
جنى ... غصب عنى :'(
المدرسة ... عارفة بس هو محتاجك دلوقتى .. محتاجك تقويه مش تبقى ضعيفة جنبه
( المدرسة تمسح دموع جنى )
المدرسة ... فهمانى يا جنى ؟
( جنى تترمي في حضن المدرسة وتعيط اكتر تخلي المدرسة تعيط هى كمان )
المدرسة ... بس يا حبيبتى اهدى انشاء الله هايبقا كويس ويرجع يرخم علينا تانى .. بس انتى تخليكي جنبه اوك
( جنى تهز دماغها ب اه )
المدرسة ... خلاص بقا كفاية عياط خلتينى اعيط ينفع كدة
( يرن الجرس .. الكل يدخل ع فصله تانى .. المدرسة تهدى جنى وتخرج .. جنى تكمل اليوم .. يخلص اليوم الدراسي .. جنى تطلع تقف قدام المدرسة مع صحابها مستنية السواق .. يقرب عمر عليها )
حمو ... انت ناويها بقا
عمر ... عاوز اكلم جنى بس
حمو ... ملكش دعوة بجنى
( جنى سرحانة ودموعها ع خدها مش معاهم خالص )
عمر ... يابنى والله مش هعملها حاجة هاكلمها
حمو ... متقدرش اصلا تعملها حاجة
عمر ... ماشي ياعم هكلمها
حمو ... لو ضايقتها ع فكرة هازعلك هى مش نقصاك
عمر ... والله مش هاضايقها
حمو ... ماشي
( عمر يقف قدام جنى )
عمر ... جنى ؟
( جنى تبص لعمر )
عمر ... انتى كويسة .. انا بس حبيت اطمن عليكي .. كريم عامل ايه ؟
( جنى باصة لعمر وفاجاه يغمى عليها يلحقها عمر قبل ماتقع في الارض ويسندوها .. يحاولوا يفوقوها مبتفوقش .. يخدوها مستشفى .. الدكاترة بيقيسوا ضغطها وسكرها وكدة .. صحابها واقفين برة )
غادة ... هو في ايه مرة كريم ومرة جنى
حمو ... انت قلتلها ايه زعلها ؟
عمر ... والله ملحقت اقولها حاجة .. قلتلها كريم عامل ايه اغمى عليها
غادة ... عمر مالهوش دعوة هى مش متظبطة من ساعة مجت
رودى ... ربنا يستر عليها هى كمان
( يطلع الدكتور )
حمر ... يا دكتور ؟
الدكتور ... ايوة ؟
حمو ... عندها ايه ؟
الدكتور ... مين ؟
حمو ... مين ايه بس !!
رودى ... البنت الى جوة يا دكتور
الدكتور ... اه اه .. سكرها عالي
غادة ... سكرها !!!
حمو ... بس هى معندهاشس السكر
الدكتور ... هى اول مرة يحصلها كدة ؟
رودى ... ايوة يا دكتور
الدكتور ... يبقا اكيد في حاجة زعلتها سكرها معدي ال 500 ادناها انسولين