رواية مالا نهايه الفصل الثاني2بقلم اش
في كليه الهندسه
كان فيه شخص مركز مع شرح الدكتور بس لفت نظره صاحبه اللي مشغول في الموبايل بصله بيأس وقال
انت يابني ركز شويه مع الدكتور
قال كامل اللي كان بيلعب بابجي من غير مايبصله: بقولك اي يا عم احمد متشتتنيش احسن اخسر
احمد وهو بيبص علي الموبايل بتركيز: بابجي! يا بني تخسر اي مش احسن ما تشيل السنه انت اي اتعودت علي الملاحق
بص كامل للموبايل بعصبيه وقال يجدع انت بقولك اسكت انا مصدقت نيمته شويه
استغرب احمد من كلامه وقال هو مين ده
كامل:" بضحك "ضميري يا عم ضميري
احمد:" بسخريه" هو انت اصلا عندك ضمير
وبص علي صاحبه التاني وقال
متقوله يا عم راضي يركز
راضي : يا عم كامل ركز وحياه ابوك هنروح في داهيه
بصله احمد بفخر: عاقل يا بني والله
راضي: يا عم فجره فجره يا جدع هتودينا في داهيه
احمد:" باستغراب" يفجر اي انت بتقول اي وصد من الموبايل اللي كان في ايده.. اي ده انت معاه في التيم اه يا صايع اقول فيكو اي وانتو فيكو العبر
وقاطع كلامه صوت الدكتور
الدكتور: انت ياللي لابس تيشرت اسود
احمد:" بصدمه" انا
الدكتور: ايوه انت اطلع بره
احمد بصله بصدمه وقال ليه انا عملت اي
الدكتور: عشان حضرتك بتتكلم
احمد: يعني حضرتك شوفتني وانا بتكلم.. وبالنسبه لجوز الخرفان اللي جمبي دول اي
وقف راضي وقال الله جري اي يابو حميد انت مش قادر علي الحمار هتتشطر علي البردعه
الدكتور:" بعصبيه" انتو الاثنين بره
كامل: اي ده اي ده فيه بنت في التيم كانت مستخبيه فين دي بس علي مين جبتها
المدرج كله بيضحك
شاور الدكتور علي كامل وقال خدو اللي جابها ده معاكو كمان
شد راضي احمد وكامل وخرجو من المدرج
كامل وهو نازل علي السلم وقال:" بضحك" ادينا اطردنا اهو عاجبك كده
احمد اتحركناحيته وقال الكلام ده ليا
كامل: طبعا ليك الدكتور شافك انت وانت بتتكلم واحنا
راضي غمز لكامل وقال: في السليم يا باشا
احمد: بقي كده طيب انا مروح بلا جامعه بلا زفت
كامل: "بضحك" ده علي اساس انك ساكن في المهندسين واحنا في الزمالك ده احنا في نفس الشارع يعني هنجيبك هنجيبك
راضي وهو ماسك بطنو افضلو كده ارغو وانا واقع من الجوع
كامل: خلاص احنا نروح ناكل ونسيب الدحيح ده يروح وهو مقموص
راضي:" بخبث" يلا بينا يسطا
احمد: يلا يا خويا انت وهو
كامل: ماشي احنا بقي نروح ناكل كشري
احمد: اي كشري
راضي: ايوه يلا يا كامل
احمد: لا استنو انا هاجي معاكو اكل كشري وبعدين ابقي اتقمص لما نروح مش حوار يعني
كامل: ايوا بقي
احمد: حبيبي يا كامل
كامل: ايوا بقي المزه دي
احمد: مزه مزه يا سافل يلا يلا انت وهو انتو مصايب ماشيه علي الارض
نادين:" بخوف" وبعدين بقي ده بقاله فوق الساعتين معقول يكون جراله حاجه
(كنت خايفه حاسه برعب اول مره من ساعه ما امي ماتت اكون لوحدي..موت ماما اثر فيا بشكل كبير حتي شكلي اتغير من كتر الوجع والالم بقيت فاقده الشغف لكل حاجه بقيت مستسلمه بشكل مش طبيعي..مستسلمه لعمي الطماع اللي اخد بيتي هنا في القاهره ومرات عمي اللي بقالها سنه بتمرمط فيا لغايه ما خلاص نزلت النص حاسه اني مش عارفه اواجه حاجه خالص عقلي بيصرخ فيا وبيقولي انتي اي اللي جرالك فوقي انني بتضيعي عمرك..وقلبي اللي خايف من انه يحب حد تاني ويسيبه ويروح..وجسمي اللي رافض الحركه انا عارفه اني بتصرف غلط بس مش قادره اخرج للعالم تاني والله ما قادره يمكن اكون محتاجه معجزه عشان افوق)
قطع تفكيري مجموعه شباب كانت بتبصلي اتوترت جامد حسيت اني بترعش ملامح الرعب ظهرت علي وشي وللأسف ده شجعهم يجو ناحيتي
شاب1: اي يا قمر واقف لوحدك ليه
شاب2:الله ساكت ليه يا جميل
شاب1:ياعم دي شكلها خارسه
شاب3: خارسه خارسه بس مزه
وقرب منها وحاول يمسك ايديها بس فيه ايد مسكته
... جري اي يا شبح بقي ينفع كده تستقوي علي واحده
شاب1: لا انتي فاهمه غلط ده بيعاكسها
البنت: اه تحرش يعني شوف يا اخي الظلم وانا اللي كنت فاكراه عنف
شاب3 سحب ايده منها: اه تحرش ليكي شوق في حاجه
البنت: لا يا برنس براحه راحتك هو انا يعني هعزها عليك
شاب2:ده اي السهوله دي
البنت: شوفت بقي ولا اروع صح.. بس انا بقي هكرمكو عشان انتو شباب زي الورد
وطلعت حقنه من شنطتها اي رأيكو بقي في حقنه الكوكتيل دي
شاب3:"بصدمه "الحق يلا مش دي الحقنه اللي كانت في مسلسل عصابه بابا وماما
شاب2: اه بينها كده مش كده يا...اي ده هو راح فين
البنت: انت لسه فاكر ده شاف الحقنه من هنا شمع الفتله في ثواني
شاب1:طيب استأذن انا بقي انتي مشكلتك معاه هو وطلع يجري
شاب3: ولا استني رايح فين
بس مسكته البنت: لا لا رايح فين امال مين اللي هيجرب الكوكتيل ده
شاب3:انتي فكراني خايف منك ولا اي
البنت: بسيطه نخوفك انت جيت في جمل يعني وضربته برجلها ووقعته علي الارض
شاب3" بتوتر" انتي هتعملي اي
البنت:" بخبث "هعمل معاك زي ما كنت هتعمل معاها.. بس قبلها هدوقك الكوكتيل.. عم فرغلي يا عم فرغلي
عم فرغلي: فيه اي يا بنتي.. واي ده مين اللي منيماه علي الارض كده
البنت: لا متاخدش في بالك ده واد شقي شويه بس عايزين نأدبه امسكه يا عم فرغلي
عم فرغلي: عنيا
البنت: اي ده انت مصدقت
شاب3:سيبني يا عم انت الحقونااااي
البنت مسكت خدوده وقالت انتي تصوتي يا بيضه يا خراشي يا ناس يلا بقي متزعلنيش منك وبعدين اي الهدوء ده... يا ام عماد يا بت يارانيا هي الناس راحت فين مع انهم في الشارع دايما واد يا زلطه
شاب3:" بخوف" انتي بتعملي اي
البنت: ولا اي حاحه انا مش عيزاك تقلق انا بس هخلي الموضوع جماعي
والناس كلها اتلمت
البت: واد يا زلطه حظك في رجليك جه اللي هيشهرك يا ولا افتح لايف بسرعه ده زبون لقطه ومحدش هيسأل عنه
زلطه وهو بيمسك الموبايل: يا حظك يا هناك يا زلطه
البنت: ثبته يا عم فرغلي ياسلام علي حظك يا ولا يعني الفرحه مش جماعيه بس لا دي كمان بث مباشر
زلطه: اديله ده انت لقطه
الشاب3:"بخوف" لا لا انا اسف والله اسف مش هعمل كده تاني
البنت: الله امال فين الوش التاني بس اقولك وش سوسن لايق عليك اكثر
الشاب: ايوه ايوه انا سوسن بس مشوني من هنا
البنت: اتأسف الاول يا جلنف
الشاب: اسف والله اسف
البنت: خلاص يا عم فرغلي قوم... عم فرغلي... انت يا راجل ده نام ده ولا اي قوم الواد بقي زي الفطيره
فرغلي: انا بس كنت بأدبه
البنت: بتٱدبه اي ده مبقاش نافع سوسن حتي.. يلا يا جماعه بيتك بيتك يلا يا زلطه خلاص بقي تتعوض في حاجه احسن يلا يا جدعان
(الله هو انا كنت بتخانق ليه وبصت حواليها اه انتي اي ده هو انتي خارسه ولا اي )
نادين:" بخوف" انا انا
البنت: انتي هتنأنأي ده اي اليوم ده يا ربي... انا قمر
نادين: "بضحك" قمر
قمر: "بغضب" ليه كده بقي ده انا اطلع الحقنه
نادين: لا لا انا مش قصدي اتريق علي اسمك انا بس ضحكت عشان الخناقه دي كلها عشان قالي يا قمر
قمر: يا شيخه يعني المرمطه اللي اتمرمطها دي كلها عشان قالك يا قمر يلا نصيبه بقي.. انا همشي بقي سلام
نادين:" بخوف" اي! هتمشي
قمر: ايوه عندي شغل انتي شكلك هنا لوحدك صح
نادين: ايوه ومعرفش انا فين اصلا
قمر: يا شيخه طيب تعالي نقعد علي الرصيف ده واحكيلي
نادين: طيب والشغل
قمر: لا انا كده كده مرفوده متحطيش في دماغك
نادين: انتي طيبه قوي انا هحكيلك.... بس ولما اتأخر خرجت من المحطه وفضلت امشي في الشوارع لحد ما حصل اللي حصل
قمر: الناقص
نادين:" بأستغراب" هو مين ده اللي ناقص
قمر: هيكون مين يعني عمك
نادين: عمي ليه بس ده انا خايفه يكون جراله حاجه
قمر: جراله حاجه... انتي هبله يا بنتي ده مشي وسابك
نادين: سابني
قمر: انتي مش قولتي ان مراته الحيزبونه دي خيرته بينك وبينها
نادين: ايوه
قمر: يا بااااي اي البرود ده اكيد قاصد يسيبك يعني... بقولك اي اي اللي معاكي ده
نادين: ده ورق التحاليل بتاعتي
قمر: يا شيخه حظك في رجليكي اصل انا ممرضه او كنت يعني زمان الدكتور رفدني من زمان تعالي اوديكي ليه ويمكن لما يلاقيني جايبه حد معايه ميرفدنيش
نادين ماشي
في المترو المكان اللي جمع كل ابطالنا كلهم اتجمعو في مكان واحد كل واحد رايح مكان معين بشر اللي مروح بيته بعد ما اطرد.. ليل اللي رايح يبيع البضاعه بتاعته... روح اللي راحت عشان تجيب كتاب معين.. وندي اللي لاول مره تركب مترو.. وراضي وكامل واحمد اللي رايحيين ياكلو كشري.. ونادين وقمر اللي رايحيين عند الدكتور.. وعدي اللي هرب من ابوه
كل واحد فيهم ماشي في طريقه بس ميعرفوش انهم هيتجمعو تاني في مكان واحد بس المره اللي جايه هتكون الظروف
مختلفه
وصل ليل للمكان اللي اتفق عليه مع الشخص اللي هياخد البضاعه... وفضل واقف مستنيه لغايه ما ظهر شخص
الشخص اتحرك ناحيته وقال ليل
ليل: ايوه
الشخص فين البضاعه
ليل وهو بيبص علي الشنطه اللي معاه بتركيز موجوده في الشنطه طلع فلوسك
الشخص: الفلوس في الشنطه سلم تستلم
ليل: طلع روزمه من الفلوس
الشخص:" بخبث "ماشي وهفنطها كمان
وطلع الروزمه من الشنطه وشافها ليل واداله البضاعه واخد الفلوس وتابعه لحد ما اتحرك واداله ظهره وحط الشنطه علي العربيه وبصلها بفرحه
ليل( واخيرا... انا مش مصدق ان اخيرا بقي معايه كميه الفلوس دي وكان خلاص هيمشي بس وقف فجاه وفتح الشنطه تاني بسرعه وطلع روزمه ثانيه وزي ما اتوقع طلعت مزوره)
اتعصب ليل وقاله اقف مكانك
الشخص اللي كان مديله ظهره وماشي وقف مكانه: خير
اتحرك ليل بخطوات ثابته ناحيته واتصدم الشخص لما لقي معاه مسدس ومصوبه عند راسه
ليل: انت اهبل يلا انت فاكرني مش هعرف ان الفلوس مزوره
الشخص: غريبه عرفتهم بسرعه يعني مكنتش متوقع انك بالذكاء ده بصراحه
ليل: ارمي الشنطه من ايدك
الشخص: بس كده ده انت تؤمر وكان هيحط الشنطه علي الارض بس جاب تراب ورماه علي ليل وطلع يجري وليل طلع يجري وراه وفضلو يجرو لغايه ما وقف عند حيطه سد ووقف ليل
ليل:" بضحك" كان لازمتها اي الفرهده دي كلها اديك اهو هتديني الشنطه
الشخص: انا هنصحك نصيحه امشي احسن
ليل: لا انا عندي فكره احلي اخد الشنطه وامشي
ومشي ليل ناحيته واخد الشنطه منه وكان هيمشي بس الشخص مسكه من كتفه
وقال حلو القميص ده بس لونه مش عاجبني اعتقد ان لو لونه احمر هيبقي احلي وخرج مطواه من جيبه
ليل(كنت هرد عليه بس فيه حاجه منعتني لما فهمت قصده اي بس فهمته متأخر)
الشخص بصله في عينه وقال قولتلك امشي بس انت استقويت وسحب منه المطواه بكل قسوه ووقع ليل علي الارض وهو بينزف واخد الشخص الشنطه ومشي
في الجامعه
... انتي اي يا بنتي كل ده عشان تيجي انتي مش كان مراد بيوصلك
روح: ايوه يا اختي بس قليل الذوق مرداش يوديني اجيب الكتاب قال اي بستعبط
منه: بتستعبطي! وقالك كده ليه
روح: عشان افتكرت حوار الكتاب ده لما وصلني علي باب الجامعه
منه: وكنتي عيزاه يوديكي تجيبي الكتاب ويرجعك الجامعه تاني
روح:" ببرائه" ايوه شوفتي الظلم بتاعه
منه: لا معاكي حق... يلا يا قادره
روح: "بضحك" ماشي ماشي
في محل الكشري
احمد وهو بياكل: والله مفيش حاجه اجمل من طبقي الكشري ده
راضي: عشان لما بقي اقول فقري متزعلش
احمد: يا اخي بطل بطر
كامل: اي الصوت العالي ده
احمد: عادي تلاقيهم بيوزعو لحمه ولا حاجه
في العياده
قمر: والله يا دكتور زي ما بقولك كده الواد كان بيتحرش بيها والبت تصوت تصوت
الدكتور وهو عارف انها بتحور عليه وبعدين يا قمر
قمر وهي بتكمل كذبها: ولا قبلين قام مقطعلها البلوزه وانا بصراحه مقدرتش اسكت الا البلوزه وهي الواحده مننا ليها اي غير بلوزتها
الدكتور وهو بيجز علي سنانه: ماشي حسابنا بعدين دخليها
جريت قمر: فوريره... بت يا نادين تعالي
دخلت نادين
قمر: بس بقي يا دكتره هي دي نادين
الدكتور: يسلام امال بلوزتها سليمه ليه
قمر:" بغباء" ها اصل اصل انا خيطها شوفت بقي شطارتي اصلي لهلوبه
الدكتور: طيب يا لهلوبه اطلعي بره
قمر: اطلع بره اترفدت ولا اطلع بره امارس مهامي الشاقه
الدكتور:" بعصبيه" الثانيه بره
قمر: خلاص متزوقش
الدكتور: اتفضلي يا انسه ها حاسه بأيه
نادين: دي التحاليل بتاعتي من سنه
الدكتور: وريني كده... اي ده انتي متأكده انها من سنه يعني انتي لسه متعالجتيش
نادين: اتعالج من اي
الدكتور: انتي بتهزري انتي بجد مش عارفه
نادين:" بتوتر "انا مش فاهمه قصدك اي
الدكتور: انا مش عارف اقولك اي
نادين: فيه اي
الدكتور: للاسف كانسر
نادين:" بصدمه" اي
الدكتور: وللاسف من غير العلاج لمده سنه اكيد الحاله بقت صعبه
نادين: "بضحك" كانسر
الدكتور:" بصدمه "انتي كويسه يا انسه
(فضلت اضحك اضحك لدرجه ان الدكتور افتكرني مجنونه مهو اصل دي الحاجه الوحيده اللي ناقص تحصلي كانسر..فضلت مكمله في الضحك لغايه ما الباب فجأه اتفتح واتصدمت الصدمه الثانيه كان فيه صوت صريخ جامد بره وقمر لبسها كله دم وعنيها مليانه خوف ورعب وكأنها بتقول الحقوني)
عند بشر
كنت في اوضتي وخرجت عشان اكل وامي كانت بره عند الباب وبابا بيقرأ الجرنال
والده: اقعد يا بشر
بشر: فيه حاجه يا بابا
والده: المفروض انا اللي اسألك السوال ده.. خارج النهارده وانت طاير من الفرحه وراجع ساكت وهادي ودخلت علي اوضتك علي طول ودي مش عادتك
بشر:" بتوتر "مفيش حاجه يا بابا انا كويس انا بس مرهق شويه
وكان هيرد عليه والده بس فجأه سمعو صوت صريخ جاي من عند الباب
طلعت اجري علي صوت الصريخ لقيت ماما واقعه علي الثارض وفيه راجل جمبها والارض مليانه دم
ليل (صحيت علي وجع رهيب في جمبي افتكرت اللي حصل حاولت اقوم من مكاني بس مكنتش قادر جيت علي نفسي وقمت فضلت امشي امشي لغايه ما وصلت مكان زحمه كأن فيه خناقه بس لما ركزت شويه اكتشفت انها مش خناقه دماغي اتشلت عن التفكير هو اللي انا شايفه ده بجد
عند روح اللي استغربت لما دخلوهم المدرج الكبير هو بصراحه اجمل مدرج كفايه انه واسع والازاز بيلمع... بس فجأه حسيت ان قلبي اتقبض معرفش ليه مكننش فاهمه حاجه من شرح الدكتور.. وفجاه حسيت ان فيه خيال عدي من ورا الازاز معرفش ليه قومت من مكاني ومشيت ناحيه الازاز فضلت ماشيه وانا عندي فضول بس الدكتور لاحظني ونادي عليا وطلب اني ارجع مكاني بس انا مهتمتش لكلامه وقربت من الازاز اكثر بس فجاه فيه حاجه اترمت علي الازاز جامد
من الخضه رجعت لورا وبصيت للازاز برعب