رواية دعني احطم غرورك الفصل الثاني والثلاثون32بقلم منال سالم
#الحلقة_32
انقضى معظم النهار بين العائلتين في تناول الطعام ، وقضاء وقت طيب وممتع على الشاطيء ... أرادت جانا أن تمتطي الخيل ، لذا مالت على عمها قليلاً و... ،،،،
-جانا بنبرة عادية : أنكل حسين ، بليز ممكن أروح أركب خيل؟
-حسين وهو يوميء برأسه : اوك يا جانا ، خدي عز معاكي
-جانا بتأفف: No way .. خلاص مش عاوزة
-حسين باستغراب : ليه بس يا جانا ، ده جوزك ومن حقك تخرجي معاه وتاخدي رأيه برضوه!
-جانا وهي تشيح بوجهها : سوري أنكل خلاص صرفت نظر
عقدت جانا ساعديها أمام صدرها ، وأشاحت بوجهها ناحية البحر تتأمله في صمت ...
في نفس الوقت لمح حسين عز الدين وهو يتجول على الشاطيء فنادى عليه بصوت مرتفع و...،،،
-حسين بنبرة عالية : ياااااا عز ، ياااا عز ، صباح الخير يا بني ... تعالى
-عز مبتسماً : صباح الخير عليك يا عمي ، صباحك فل يا جانا
-جانا بتأفف وعلى مضض : اهلا ، انا قايمة أرتاح ، باي
نهضت جانا وسارت بخطواتها مبتعدة عن عز الدين الذي ظل يتابعها باستغراب و...
-عز باستغراب : مالها دي ؟
-حسين بنبرة عادية: كانت عاوزة تركب خيل بس أنا قولتلها تقولك وتروحوا سوا ، فقالتلي مش عاوزة
وضع حسين إصبعيه على طرف ذقنه ليحكها وطرأ بباله فكرة ما و...
-عز : أها ، طب عن اذنك يا عمي
-حسين بخبث: اتفضل يا حبيبي ، خد راحتك
..........
أسرع عز الدين في خطاه لكي يلحق بجانا ، وحينما وجدها تبتعد عنه ، نادى عليها بصوت مرتفع و...
-عز بنبرة عالية : يا جااااااااااااااااانا ، يا جااااااااااانا .. استني يا حاجة
توقفت جانا في مكانها ، ثم أدارت جسدها لتواجهه و..
-جانا وهي تنظر إلى جوارها : عاوز ايه؟
-عز وهو يلهث : ايه يا بنتي مركبة ماتور في رجلك ، قطعتي نفسي
-جانا وقد أدارت رأسها في مقابلته : ما انت راحت عليك
-عز بنبرة منزعجة : استغفر الله العظيم ، ايه كل كلمة عندك ليها رد ، اييييه قاموس ردح متنقل !!
-جانا باقتضاب : عاوز ايه الوقتي؟
-عز وهو يشير بيده : يالا
-جانا باندهــاش : يالا ايه؟
-عز وقد وضع يده على كتفها : تعالي بس وهتعرفي
-جانا وهي تزيح يده بعيداً عنها : أنا تعبانة وعاوزة ارتاح
-عز: يا بنتي هديتي حيلي ، مش كل شوية هشيلك
-جانا بقلق: اوووف
-عز بنبرة هادئة وهو يبتسم لها : صلي ع النبي كده ، وتعالي ، والله حاجة هتبسطك
-جانا بضيق : عليه الصلاة والسلام. اتفضل خلصني
-عز: نفسي اشوفك مرة بتتعاملي معايا زي البنات الطبيعية
-جانا بحنق : قصدك اني مجنونة؟
-عز ضاحكاً: ههههههههههههههه لأ مقصدش ، لأحسن انتي بتقلبي ف ثانية
وبالفعل توجه عز الدين مع جانا إلى حيث تتواجد الخيول ليمتطياها سوياً
-عز بنبرة سعيدة : ايه رأيك بقى؟
-جانا وهي تمط شفتيها : مش بطال ، اكيد انكل حسين هو اللي قالك
-عز مازحاً : مش بطال !! مقبولة منك يا ستي ... قوليلي بس بتعرفي تركبي خيل
-جانا بثقة : طبعاااااااااااااا لأ
-عز فاغراً شفتيه وبصدمة : افندم؟؟ اومال كنتي عاوزة تروحي تركبيه لوحدك ازاي يا هانم؟؟؟
-جانا ببراءة : أجرب !!
-عز وهو يشير بكلا يديه : طب استني هنا ، هاروح أجيبلك حاجة مناسبة
-جانا وهي توميء برأسها : أوك
دلف عز الدين إلى داخل الاسطبل ، ثم غاب لبضع دقائق ،وبعدها دلف للخارج ومعه السائس الخاص برعاية الخيول ، بالاضافة إلى جواد وحمــــار و.......
-عز مبتسماً : ها يا جانا ؟ ايه رأيك في ده ؟؟
نظرت جانا إلى الحمـــار الذي أحضره عز الدين بأعين مصدومة ، ظلت ترمش لعدة مرات فقد اعتلى وجهها الدهشة و...
-جانا فاغرة شفتيها وباندهــاش : ايه ده ؟؟؟ جايبلي حمـــــــــــار !!!
-عز مازحاً : يدوووووب اللي هتعرفي تركبيه
-جانا بضيق واضح : انت بتستهبل !!
-عز وهو يشير بيده : يا بت أنا خايف عليكي ، افرضي وقعتي من على الحمار اخرك خربوش ، لكن الحصان مضمنش الصراحة
-جانا بنبرة حادة : عــــــــــــز ...!
صمت عز الدين للحظات ، ثم اقترح عليها أن ...
-عز: طب انا عندي حل تاني؟
-جانا وهي تعقد ساعديها : ايه هو؟
-عز بلؤم وغامزاً : اخدك اودامي يا ورايا ع الحصان ، وفي كلا الحالتين هنقفش في بعض.
اكتست وجنتي جانا بحمرة الخجل عقب عبارته الأخيرة ، وارتكبت ، ثم حاولت أن تبدو طبيعية أمامه و...
-جانا بضيق : انت مش محترم !!
-عز بنبرة هادئة : يا بت انا جوزك ، وبعملك قيمة وجو رومانسي
-جانا وهي تشيح بيدها : الله الغني يا عم
-عز بتهكم : يا عم ، في واحدة تقول لجوزها يا عم ، بدل ما تدلعيني كده ، يا بت هطفش والله
تعالت ضحكات جانا في المكان مما أثار حفيظة عز الدين ، و...
-جانا بضحكة عالية : انت تطفش هههههههههههههه ، ده يوم المنى
-عز بنبرة جادة : طب لمي نفسك بدل ما ارزعك كف اكتم بيه نفسك
-جانا وهي تزفر في ضيق : اوووف
التفت عز الدين بجسده ليتحدث مع السائس فوجده قد انصرف ، فأسرع خلفه وهو ينادي على بـ ....
-عز للسائس: يا حااااااااج ، ياااااااااااا حاج ، غيرلنا الحمار بحصان كده يكون مكسح أو مشلول ، حاجة يدوب بتعرج كده
-جانا باستغراب : ليه يعني؟
-عز وهو يشير بيده : اسكتي بس
-السايس وهو يوميء برأسه : عندي طلبك يا باشا
وبالفعل استبدل السائس الحمار بجواد أخر ، وأحضره إلى عز الدين الذي أمسك بلجامه ..
استندت جانا على عز أثناء صعودها على ظهر الجواد ، ثم أمسكت هي باللجـــام وتنفست بهدوء رغم توترها الشديد
امتطى عز الدين جواده ، وأشار لجانا أن تتحرك وقتما تكون مستعدة لهذا ، وبالفعل انطلق الاثنان سويا ،،،
ظل عز الدين بين الحين والأخر يلتفت إلى جانا ويراقبها وهي تحاول أن تبدو ثابتة وهي تمتطي الجواد ، كانت على طبيعتها وهي فوقه ، شعر عز الدين بالسعادة لأنه لأول مرة يقضي وقتاً معها بدون أن يزعجهما أحد .. ثم قرر عز الدين أن يمازحها قليلاً و...
-عز وهو يدندن : بحبك يا حمار ، ولعلمك يا حمار ، انا بزعل أوي لما حد يقولك يا حمار ♪
-جانا وهي تمط شفتيها : صوتك وحش
-عز بثقة : ما انا عارف ، بس بصدعك
-جانا بصوت خافت : خروجة فقر
-عز باستغراب وهو ينظر ناحيتها : بتقولي حاجة ؟
-جانا باقتضاب : لأ
-عز: بس ايه يا بت الشطارة دي ، لأ طلعتي أروبة وبتعرفي تركبي احصنة !!
-جانا بفخر: طول عمرى اوووستاذة ، بس اللي يقدر ، والبعيد مابيشوفش
-عز غامزاً : يا واد يا ثقة
وأثناء امتطاءهما للجوادين على الشاطيء مرا على مجموعة من الأطفال الذين يلعبون بالألعاب النارية ، فرمى أحدهم صاروخاً بالقرب من جواد جانا الذي أفزعه الصوت فوثب عالياً في الهواء
- بوووووووووووووووووم بوووووووووووووم
-جانا برعب : ياااااااااااااااااه ، يااااااااني ، اييييه ده ، الحقوووووووووووني
-عز بخوف: امسكي كويس يا جانا !
حاولت جانا الامساك باللجام جيداً حتى لا تسقط ، ولكن ...
-جانا بفزع : هقع ، الحصان اتهبل ، الحقووووووووووووني
ارتسم الرعب على وجه عز الدين الذي حاول هو الأخر تهدئة جواد جانا ، ولكن دون فائدة و...
-عز برعب شديد : حاسبي يا جانا ، حااااااااااااااسبي
لم تستطع جانا أن تتمسك جيداً بلجام الجواد فسقطت من عليه ، وارتطم جسدها بالأرض ارتطاماً قوياً ... ثم نزل عز الدين من على جواد ، واسرع ناحيتها ليطمئن عليها، وجثى على ركبتيه بجوارها ، وأمسك بمرفقها و ...،،
-جانا متآلمة : آاااااااااااااااه
-عز بقلق : انتي كويسة؟
-جانا بتآلم : آااااااااااه ، رجلي رجلي
مد عز الدين يده ليمسك بـقدم جانا ، ولكنها حاولت إزاحة يده بعيداً عنها و...
-عز وهو يحاول فحصها : بتوجعك؟
-جانا متألمة وهي تزيح يده : لأ بتهزر معايا ، اوعى شوية
-عز بإصرار : استنى بس أما أشوفها
-جانا بحدة : أوعى متلمسنيش ، انت السبب أريت عليا ، أصفتني !!!
-عز وهو يلوي شفتيه : نعم ، أصفتك؟؟ يعني ايه؟
-جانا وهي تحاول التغلب على آلامها : يعني رشقتني عين ، يا ساتر عليك ، آااااااه ، عينك مدورة ومأورة ، آااااه
-عز بتهكم : كمان مأورة ، تصدقي يا شيخة حلال فيكي اللي حصلك
-جانا وهي تجز على شفتيها : آااااااااااااه .. منك لله يا شيخ ، انا قولت من الأول مش عاوزة أروح في حتة معاك
-عز: انتي اللي فقر هعملك ايه ! بس عملالي فيها عنتر ابن شداد ، حاولي تقومي ، اسندي عليا
مد عز الدين يده لكي تستند عليها جانا حينما تنهض من على الأرض ، وبالفعل مدت جانا كف يدها فأمسكها عز الدين باحكام وجذبها ناحيته ، ثم لف ذراعه حول خصرها ، وأحاطها بينما استندت هي عليه و...
-جانا وهي تستند على عز: آاااااه يا رجلي ، مش قادرة أدوس عليها ، آااااااه
-عز بخبث: مش قادرة برضوه ؟
-جانا وهي تضرب كتف عز: ابعد عني ياااض ، انا مش فايقالك
-عز وهو يمط شفتيه : برضوه يااااض ، بيئة !!
انحنى عز الدين بجسده قليلاً ، فاستغربت جانا لما يفعل ، ثم قام عز الدين بوضع ذراعه الأخر أسفل ركبتيها ، وحملها برفق بين ذراعيه ..
شعرت جانا بالخجل وهي على مقربة شديدة من زوجها ، فاضطربت وارتبكت أنفاسها ..
شعر هو بارتباكها ، ولكنه لم يعقب وابتسم في سعادة ، ثم اتجه بها نحو أقرب عيادة
-عز مبتسماً : الظاهر انك خدتي ع كده !!
-جانا باحراج : شيل وانت ساكت!
-عز بتهكم : شيال ابوكي اصل.
-جانا بضيق : انت السبب ، فصلح غلطتك..
-عز مازحاً : ليه محسساني اني ماشي معاكي في الحرام؟؟ وإني مش جوزك؟؟
-جانا بحنق : يووووه ، كل يوم نعيد ونزيد في الموضوع ده ، احنا جوازنا ع ورق بس ، افهم بقى ، اتفاق وهيتفض !!
-عز وقد شعر بالضيق: طب اسكتي بقى وصلنا العيادة
بالفعل وصل عز الدين إلى العيادة ، ضرب الباب الخارجي بقدمه لكي يدلف إلى الداخل وهو يحمل جانا ..
وجد عز الدين الممرض جالساً خلف أحد المكاتب ، فنظر إليه و...
-عز للممرض: الدكتور موجود ، المدام وقعت من الحصان ورجلها بتوجعها ، فعاوزين نكشف
-الممرض وهو يشير بيده : طب اتفضل حضرتك في أوضة الكشف وهبلغ الدكتور ياسر
-عز: ماشي
دلف عز الدين إلى داخل غرفة الكشف ، ثم وضع جانا على الفراش برفق ، وجلس إلى المقعد المجاور للفراش وانتظر كلاهما وصول الطبيب ...
بعد لحظات دلف الطبيب إلى الداخل وما إن رأى المريضة حتى ارتسم على وجهه ابتسامة سعيدة و...،،،
-ياسر بعدم تصديق : لأ ، لالالالا لأ ، مش ممكن ، اكيد انا بحلم
-عز بعدم فهم : هه ؟
وزع عــز الدين نظره بين جانا والطبيب ، فقد استغرب معرفة كلاهما ببعض و...
-ياسر بابتسامة سعيدة : جاجووووو القمر عندي ..
-جانا وهي تبتسم برقة: هااااي ، دكتور ياسر ، شور أنا اللي محظوظة اني شوفتك
-عز بضيق واضح : يا شيخة؟ هو انتي مافيش حد في الساحل هنا إلا لما يعرفك !!!
-ياسر بنظرات حالمة : لأ انتي متقوليليش دكتور ، انتي تقوليلي يا ياسوو زي زمان ، بس بجد انتي احلوووتي اوي يا جاجوو
نهض عز الدين عن المقعد ووقف إلى جوار ياسر ، وظل يحك ذقنه بكف يده بعصبية ....
-عز بحنق واضح : ياسوو !!! لأ بقى ، ده كده كتير .. وكمان بتعاكسها اودامي ، هو انا مش مالي عينك
-جانا برقة : ميرسي يا دكتور
-ياسر وهي يوميء برأسه : قولنا ايه ، ياسووو
-عز وقد نفذ صبره : ما خلاص يا عم ياسوو ، ماتشوف ايه اللي في المدام وتخلصنا!!
-ياسر مستفهماً من جانا : مين الكابتن؟
-جانا وهي تشير بيدها : ده عز
نظر عز الدين إلى جانا بحنق شديد ، ثم أكمل بـ ...
-عز لجانا بضيق : بس كده ، مافيش اي اضافة تانية؟
-جانا بصوت خافت : ده my husband
-عز بضيق: كتر خيرك انك لسه فاكرة
-ياسر: أها ، قولتيلي .. بس كده انتي broke many hearts
-جانا بنبرة آسفة : اوووه ياسوو ، اعمل ايه بس ، يالا النصيب !!
-عز بضيق: اه على يدي يا هندسة ، ومش تعرفيني يا هانم مين ده كمان؟؟؟
-جانا بنبرة فرحة : ده الدكتور ياسر الخطاب one of my favorite doctors ، انا من الـ big fans بتوعه
-عز بتهكم واضح : ليه ان شاء الله ؟؟ كان بيعمل ايه ده ؟؟ ماهو دكتور زي أي دكتور
-جانا برقة وهي تنظر لياسر: لأ مش زي أي حد ، ده ليه استايل كده يخليك...... ، مش عارفة افهمالك ازاي أصله بيتحس مش بيتقال
-عز بنبرة حـــادة وجادة : جـــانا اتلمي !! وانت يا عم الحساس انجــــز !!
-ياسر مشاوراً لجانا بيده : طب ارفعي !!
-عز بعصبية : ما تحترم نفسك يا جدع انت بدل ما اغلط فيك ، ايه ارفعي دي ؟
-ياسر بقلق : آآآ... قصدي ترفع رجلها عشان اكشف عليها
-جانا بدلع: آااااه ، مش قادرة
-عز بحنق واضح : ما تحترمي نفسك انتي التانية
-ياسر بسهتنة : بالرااااااحة ، بشوووويش ارفعيها ، ايوووه كده
-عز وقد أوشك على الانفجــار غضباً : اللهم طولك يا روووووح ..
-ياسر وهو يمط شفتيه : مممم ، الظاهر ان رجلك بتوجعك اوي
-عز بتهكم ونبرة حادة للغاية : لأ هي جاية تتمسخر هنا ! انت بتهزر ، اومال ايه اللي خلانا تنيل في يومنا الأسود ده ونجي عندك ماهو اكيد بتوجعها
-ياسر وهو يشير له بيده : طب يا كابتن ، سيبني أشوف شغلي
-عز: يا مصبر الوحش ع الجحش !!
-ياسر : هو التواء بسيط ، هحططلك المرهم المناسب مع رباط ضاغط ، ويومين تلاتة بالكتير هتبقى تمام يا جاجووو
-جانا بابتسامة عريضة : ميرسي يا ياسوو ، بجد انت hero ، ايدك فيها الشفا
-ياسر بنبرة هادئة وهو مطرق الرأس : بس بقى متحرجنيش برقتك
-عز وهو يلكزه في كتفه : خلّص في يومك اللي مش ناوي يعدي !!!
-ياسر وهو ينظر إليه وعلى مضض : اوووف ، انا مش عارف يا جاجووو ، انتي مستحملة البني آدم الـ tough ده ازاي ، اللي زيك عاوز اللي يدلعها و....
لم يتحمل عز الدين تلميحات الطبيب ياسر فأمسكه من ياقته ووقف في مواجهته ، ثم نظر غليه بأعين مشتعلة من الغيظ و...
-عز ممسكاً ياسر من ياقته بحدة : الظاهر انك ناوي تروح القرافة قريب
-جانا وهي تحاول وضع يدها على ذراع عز : بليز عز كفاية بقى ، احرجتني مع ياسووو ، سيبوه يشوف شغله
-ياسر وهو يحاول التخلص من قبضته : لو سمحت ، سيب الياقة ، خليني اكمل لفــ..
-عز مقاطعاً و بنبرة محذرة : عدي يومك ع خير معايا
-ياسر وهو يشير بيده : يالا يا جانا . وطي !!
-عز ممسكاً بعنق ياسر: اما انك واحد سافل ومينفعش معاك إلا ده .. طرااااخ ، بووووم ، طراااااخ
فقد عز الدين أعصابه عقب عبارة الطبيب ياسر الأخيرة ، فقام عز بلكمه عدة لكمات متلاحقة ومتتالية ، ثم طرحه أرضا وسط اندهاش جانا التي فغرت شفتيها في صدمة ..
حاولت جانا التدخل وإيقاف عز الدين و...
-جانا وهي تحاول ابعاده : خلاص يا عز سيبوه ، هو معملش حاجة غلط ، بليز عز !!
-ياسر متآلماً وهو يحاول الدفاع عن نفسه : آااااه يا عيني ، حرام عليك ، آاااي ، اوووه ، انا بقولها تنزل رجلها ، آااااه مقصدش ياكابتن حاجة من اللي في دماغك
-عز بضيق واضح : هو انت لسه شوفت حاجة ، خد .. طرااااااااخ ، وانتي يا هانم حسابك معايا مش هنا !! لينا بيت نتحاسب فيه ..
-جانا بحدة : انت قاصد تحرجني مع أصحابي ، سيبوووه
-عز لياسر بعد أن انتهى من ضربه : تاني مرة يا طووووووووور ، لما يجيلك مريض مهما كنت تعرفه وواخد عليه تتعامل باحترام معاه ، فاااااااااااااهم ، اسلوب السفالة والايحاءات دي ميكولش معايا ، ولولا اني مسكت اعصابي للأخر كنت خلصت عليك وقتي .. فاااااااااهم ولا أعييييييييييييد
-ياسر وهو يوميء برأسه في رعب: فاااااهم ، فاااااااهم
ثم أمسك عز الدين بجانا من معصمها ، وسحبها خلفه وهي تعرج بقدمها إلى خارج العيادة ...
حاولت جانا أن تحرر معصمها من قبضة يده الضاغطة بقوة عليها ، ثم بدأت توجه له السباب اللاذع و..
-جانا بحدة : انت انسان همجي ومتخلف و..... آآآآآآه
كور عز الدين قبضة يده في غضب ، وحاول أن يتحكم أكثر في نفسه ، ولكن للأسف لم يستطع عز الدين أن يسيطر على غضبه الذي قد ثار ثائرته ، حيث أرخى قبضته عن جانا ، ثم التفت إليها ورفع يده في وجهها ثم صفعها بحدة على وجنتها و....
-عز بنبرة غاضبة : انتي