رواية ويبقي الامل الفصل الاربعون40والاخير بقلم رنا عبود والاء الشناوي
بعد مرور اسبوع
في فيلا اسراء
ذهب عاصم وياسين والعائله للمرة الثانيه لطلب مرام &اسراء بعد علم عاصم بموت أسامه والذي اصر علي اتمام الزيجه
جميلة::اهلا بيكم ياجمـاعه منورنا
ماجد::النور نورك البقاء للـه
جميله::ونعم باللـه اهو ارتاح وريح الناس منه
عاصم::معلش يا امي احنا متأسفين اننا جايين في وقت زي ده بس ربنـا امرنا ب 3 ايام بس حداد ولا ايه
خلود::صح ياعاصم
جميله::ما دائما الا وجه الله يابني واسـراء من حقها تفرح بعد كل اللي شافته منه
ماجد::يعني حضرتك موافقه ان الخطوبه بعد اسبوع وبعد اسبوعين الفرح
جميله::انا موافقه علي اي حاجـه تفرح بناتي المهم اني اشوفهم مبسوطين
بس هي كوثر هانم مش معاكم ليه
نظر الجميع لبعضهم
اماني وكانت اول زياره لها :
معلش ياطنط انا سبت معاها ابني وهي تعبانه شويه هي بتسلم عليكي كتير وبتعتذر
جميله::بعدم ارتياح ربنـا يشفيها هبقا اطمن عليها ان شاء اللـه
خلود::عم اذنك ياطنط اشوف البنات
جميله::تعالي ياخوخه انا رايحه معاكي
بعد ذهاب جميله وخلود
عاصم::عاجبكم الموقف ده
ياسين::براحه ياعم هي الست مش هتحط في بالها حاجه واهو الموضوع خلص
اماني::خلاص ياعاصم بلاش عكننه وخلي الليله تعدي وخلاص
ماجد::خلاص يابني فكها شويه
في غرفه البنـات
خلود::وهي تصقف
وافراحي ياعروسه انا العريس ياعروسه ياعروسه انا العريس
مرام::بس بس يامجنونه ايه الفاضيح دي
خلود::مالك يابت انتي فضايح ايه ده احـنا عندنا عروستين زي القمر وعريسين احسن من احمد السقا
اسراء::بضحكه رقيقه انتو مش هتخفوا خناق كده دايما
جميله::يلا يابنات بلاش دلع الناس مستنيه بره
مرام::حاضر ياماما يلا بنات وقامت بدفع كرسي اسراء
دلفت جميله وخلفها خلود وخلها اسراء ومرام
ماجد::اهلا اهلا بأحلي عرايس
كانت حمرة الخجل تعتلي وجوه الفتيات
ياسين::بانبهار اللـه اكبـر ايه الحلاوه دي
ضحك الجميع عليه
تقابلت عيون ابطالنا في حوار لما يدم طويلا
فهناك من قاطعه
أماني::ازيك يا اسراء ياحبيبتي عامله ايه
اسراء::الحمدلله بخير يا امانـي
ماجد:: بابتسامه صافيه تملؤها الفرحه والحب والحنان مش وقت سلامات ده يابنـات احنا عايزين نتفق علي كل حاجه خلوني ااشوف احفاد كتيره حواليا
ضحكت الفتيات علي كلام ماجد
جميله::عاصم وياسين عايزين الخطوبه بعد اسبوع والفرح هيكون بعد اسبوعين
اسراء::بصدمه وهي تنظر لعاصم التي وجدت علي وجهه ابتسامه تحدي
ازاي ياماما مش هينفع انا عندي شغل ده غير اني فيه حاجات كتيره عايزه اعملها
عاصم:بغضب حاول اخفاءه بكـره هعدي عليكي وتشوفي اللي عايزه وحكايه الشغل دي هنتكلم فيها بعدين
احست من طريقه كلامه بأنه علي وشك ضربها في ابتلعب باقي كلامها الذي سوف يجنن عاصم
ماجد::علي بركه الله نقرا الفاتحه
ياسين::هو ماينفعش اخد مرام من دلوقتي ياجماعه
ضحك الجميع علي كلامه الطفولي
خلود::بس ياسونه عيب الكلام ده
ياسين::امشي من هنا يابت انتي دايما كده واقفه في الزور
ماجد::نستأذن احـنا وان شاء اللـه الاولاد بكـره يخرجوا يشفوا اللي عايزينه مع بعض
جميله::ان شاء اللـه نورتنونا
ذهب الجميع ولكن عاصم ذهب اتجاه اسراء وقام بأخد هاتفها من بين ايديها
اسراء::انت بتعمل ايه
عاصم::بفمزة عيب تكوني خطيبتي ومش معايا رقمك رن علي هاتفه وذهب من امامها
وهي تضحك من قلبها ل اول مره في حياتهاا منذ عجزها....
♥♥♥♥♥
اخبرها بكل شئ وانتهي لقد أدي واجبه والآخر مات وهي كانت المغفلة الوحيدة بالموضوع لم تكن تحبه ولكن كانت تراه فرصه جيده لتعاند أخاها وخسرت ويبدو انها أيضا الخاسره الوحيدة لقد فقدت اموالها التي لم تكن بالكثير هي بالأصل جاءت مصر لتاخذ أموال من اخيها لم علي اَي حال لم تخسر كثيرا او هكذا ما تخبره به نفسها لتواسيها قررت الرحيل لم تكن يوما تتخيل حياه ورديه ولكنها تخيلتها الان فارسها ياتي ويمنعها من الرحيل لتبقي معه وهل لديها فارس بالأساس وان لديها لن تبقي فهي ليست هكذا ولن تكون
لا تريد البكاء فقط الصراخ بصوت عال مع تكسير الأشياء كم تحمل الفكرة من اغراء !
ولكنها اكثر عقلانيه من هذا ربما النسخه العديدة عاقله
لململت أشيائها وحجزت التذكره ستعود وبلا رجعه لن تحضر فرح عاصم او حتي خلود
فقط ستذهب ترتاح اكثر هناك
ماذا تنتظر لم تكن يوما حالما ما بها الان
بسنت محدثه نفسها :فوقي كده يبنتي ايه الهبل ده خلاص كلها يومين وتسافري وترجعي بقي للناس ال بتحبيها وكل حاجه انت بتحبيها
دق بابها وسمحت للخادمه بالدخول
الخادمه:مستر كريم تحت مستني حضرتك
بسنت:مش عايزه أقابل حد
الخادمة: بس هو بيقول انه عايز حضرتك في حاجه مهمه جدا
بسنت:خلاص هنزل
واشارت لها بالرحيل
بسنت بتنهيده تواسي نفسها:معلش اخر مره هتقابليه شوفي هو عايز أيه وخلاص
نزلت بسنت ولسبت قناع قوتها الوهمي وجدت ماجد يقف بجانبه
بسنت:اهلًا يا أستاذ كريم علي ما أظن مهمتك خلصت ومش محتاجيني دلوقتي
كريم بابتسامه:بس أنا مش جاي عشان كده
ووجه حديثه لماجد:ممكن أتكلم معاها علي انفراد لوسمحت
بسنت:علي ما أظن الموضوع مش محتاج انفراد وماجد اخويا
ماجد:لا بس هو عايزك علي انفراد عن اذنكم
وتركهم ماجد بمفردهم
كريم:واحد +واحد=٢ ....
قطعت بسنت حديثه
بسنت:هو حضرتك جاي تديني حصه رياضه ولا ايه
كريم:ممكن متقطعيش كلامي
بسنت:اه اتفضل بس بسرعة ممكن
كريم:من الاخر كده انا اتقدمتلك
وكادت ان تقاطع كلامه
كريم:وقبل ما تقاطعيني انا عارف انك مكنتيش بتحبي اسامه ولا بتحبيني بس لو سافرتي دلوقتي هتأخذ نفسك انا بقول أدي لنفسك فرصه مش هنخسر حاجه انا طبعا عارف انه جواز بس انا مش هسيبك تسافري
هو كان يتكلم وهي سارحه بخيالها من قليل كانت تتخيل الفارس ذو الحصان الأبيض ولكن ها هو أمامها كريم مرتدي بنطلون جينز ازرق وقميص اسود
كريم:بسنت هو انتي معايا
بسنت:ها ...ايوه معاك
كريم:طب ايه رأيك
بسنت:هو انت قلت لماجد
كريم:ايوه
بسنت:هو قالك ايه
كريم:هو موافق بس مستني يشوف ردّك
بسنت:خلاص موافقه
تعجب كريم من سهوله الموقف لقد توقع ان ترفض ويعود مره اخري وترفض ويعود اليها وترفض ويتبعها الي المطار ويوقفها قبل ان تصعد للطائره لكنها وافقت وبكل سهوله
كريم:الخطوبه مع خطوبه عاصم
بسنت :تمام عن إذنك انا هطلع ارتاح
وصعدت الي غرفتها وهو مازالت الصدمة تؤثر عليه
********
بعد مرور خمس أيام
في كافيه علي النيـل
يجلس كل من عاصم,,اسراء,, مرام,,ياسين,,ياسين,, خلود,, حسـام
عند اسراء وعاصم
عاصم::انتي مش بتأكلي ليه
اسراء::بخجل بأكل اهو ياعاصم
عاصم::ايه الجمال ده هو اسمي حلو كده
اسراء::عاصم لو سمحت انا بتكسف
عاصم::انا اصلا بقصد اكسفك عشان اشوف جمالك ده
اسراء::عاصم انت ليـه عايز تتجوزني
عاصم::انا قولتلك قبل كده هتعرفي بعدين
اسراء::ياعاصم لو سمحت انا اه بـكره خطوبتنا بس فكـر تاني
عاصم::اسراء انا خلاص فكـرت ويلا كملي اكلك عشان نشوف ايه اللي عايزه تاني قبل بكـره
اسراء::بتنهيده حاضر ياعاصم.
نروح لمرام وياسين♥
ياسين::بحبك اوي يابت
مرام::بأنزعاج مزيف بس بقا يا ياسين انت قولتلهالي من اول ماخرجنا لحد دلوقتي يجي 5مره😂😂😂
ياسين::وهفضل اقولهالك العمر كله ياحبيتـي
مرام::ياسين هو انت بجد بتحبني
ياسين::انا بموت فيكي يامرام انا عمري ماحسيت بالحب غير لما شوفتك انا حبيتك من اول مره شوفت فيها♥
مرام::طب انت مش هتندم انك اختارتني بعد موضوعي القديم
ياسين::مرام انسي الموضوع ده انتي كنتي ضحيه وانا نسيت الموضوع ده ياريت تنسيه انتي كـمان زيي ونعيش حياتنا بقا
مرام::اوعدك اني هحاول انساه وافضل معاك
ياسين::بحبك اووووووي ياميرو
مرام::بس بقا خلص اكلك انت هتفضل طول القعده بتبصلي كده 😂😂😂
نروح للمجنونه والعاقل😂
حسام::يااه ياخوخه اخيرا هنتجوز انا مش مصدق نفسي انها كلها كام يوم وهتكوني في بيتي
خلود::بضحكه لا صدق ياسمسم
حسام::ربنـا مايحرمني منـك ياحبيبتـي
خلود::وبخليك ياحبيبي
حسام::ياااني علي حبيبـي يلا عشان نلحق نخلص اللي ورانا♥
خلود::مااشي ياسمسمي♥..
♥♥♥♥♥
خاطـره بقلـم الكـاتبــة الرقيقـه♥/ مــروة نصــار
ظننت انك تستطيع سجني ، ولكنك أصبحت سجيني .
أعتقدت بأنك كسرتني ، ولكنك لا تعلم مدي تصميمي .
ظننت بأني حبيستك ، لأني مجرد قعيدة .
أذن سأخبرك بسري ، أنا هي الحياة ، والحياة هي انا ، سأظل احيا بالأمل ولن أجعلك تهزمني ، سأحب ، وافرح ، سأبكي ، وأتالم ، ولكني ابدا لن أتوقف عن حلمي ، حتي لو لم تحملني قدماي ، فقلبي سيظل يحملني ، سأحلق دائما للأعلي ، وسأسابق أحلامي ، ولن أتوقف ابدا .
فأهدا واطمئن انت ستبقي كما أنت مجرد مقعد ، وأما انا فحتي لو ظللت حبيستك بالجسد ، فروحي ستكون دائما حرة طليقة ..
الحلقه الواحدة والأربعون (الاخيرة)
بعد مرور أسبـوع علي يوم الخطبه وكتب الكتاب الذي أصر الفتيات علي ان يكون عائلي فقط
وصل اليوم المنتظر والفرحـه الكبيـرة عــلي الجميـع
في فيـلا اسـراء
قامت خلود بمهاتفة مرام
مرام::وهـي تفتح عيونـها الو مين بيتكـلم
خلـود::اصحي ياعروسـه دي الليلة ليلتـك
مرام::بضحـك بس يابت بلاش دوشه عايزه انـام
خلود::نعم يا هانم اصحي يابت يلا قومي اجهـز انا نض ساعه وهعدي عليكم انا وعاصـم عشـان نروح السنـتر يلا قومي
مرام::طب انام ساعه كمـان ياخـلود
خلود::واللـه لو ماصحيتي يامرام لهخلي سي سونـه يجي يصحيكي بنفسـه
مرام::بفز غه فهي تعلم صديقتها لا تمـزح خلاص ياخوخه ياحبيبتي انا صحيت اهـو هقوم اخد حمام دافي كده واشوف اسراء ونجهز ونستناكي
خلود::بنات مش بتيجي غير بسونه بصحيح
يلا سلـام
أغلقت مـرام الهاتف وتوجهت إلي غرفه اسراء
ايه ده عروستنا الحلوه صاحيه وكـمان اخدت حمامها وبتجهـز
اسراء::بأبتسامه خجل بس يابت امال نايمه لحد الضهر وانا فرحي بعد العشااء ولسـه معملتش اي حاجـه
مرام::صح عندك حق اديني نص ساعه واكـون جاهزه
جميله::من خلفها طب يلا يا اخر صبري روحي اجهز عبال ما اساعد اختـك تجهز هي كمـان
مرام::فوريره ياحبيبتي وقامت بطبع قبله علي جبين والدتها ربنـا يخليكي ليـنا ياحبيبتــي
ساعدت جميله اسراء في ارتداء ملابسها وتجهيزها
مرام::انا جاهزه اهـو
جميله::واخـتك كمـان جهز..
قطع كلامها صوت سياره عاصم
مرام::عصومي جـه اهو يلا ياسووسو
اسراء::بتصنع الغضب اتلمي يابت ايه عصومي دي اسمه ابيه عاصم
مرام::كادت تقع من كثره ضحكها ايه ده اسراء بتغير ياجدعاان مش معقوله دي
طب يلا بينا احسن ابيه عاصم يموتنا
خرجت الفتيات وقام عاصم بمسـاعدة اسراء لتركب العربيه ثم توجه بهم إلي السنتـر
عاصم احـنا هنكون هنـا الساعه6 مش عايزين تأخيـر تـمام
خلود::حاضر ياعاصم خلي بالك من نفسـك
ذهب عاصم إلي اصدقائه لتجهيز نفسـه هو الأخـر .....
ــــــــــــــــــــــــــــــــــــــــــــــــــــــــــــــــــــــــــــــ
في فيلا عاصــم
ماجد::ياكوثـر اللي بتعمليه ده مش صح اديكي شايفه ابنـك حتي صباح الخير مش بيقولهالك
كوثر::ببكـاء وهو انا كـنت عملتله ايه يعني كل ده عشان عايزه يتجوز واحده تشـرفه قدام الناس تقدر تقولي هيدخل بيها ازاي القاعه قدام المعازيم
ماجد::استغفر اللـه العظيم حرام عليكي ياكوثر اللي بتعمليه ده البت زي الفل وابنك طاير من الفرحه ليه تكسري فرحـته كده بالشكـل ده
كوثر::ماجد ريح نفسك انا مش هحضر افراح انا مش هكسف نفسي قدام الناس
ماجد::طب ياكوثر اللي يريحك اعمليه بس يكـون في علمـك فرح ابنـك نقطـه فاصـله بينك مابينـه يعـني لو مش هتروحـي الفرح انسي انـك عندك ابـن لانه مش هيقبل ابداا انك تقلي من مراتــه
كوثر::مش كفايه الخطوبه وكتب الكتاب حضرتهـم انتو ليه مش عايزني افرح بيه زي الناس
ماجد::طب هسألك علي حاجه ياكوثر هو عاصم لو اتجوز واحده ملكة جمال وطلعـت بعد كده بنت مش كويسـه كنتي هتعملي ايه
كوثر::كـنت هخليه يطلقها علي طول طبعـا
ماجد::طب واحنا ليه نوصل لكده وابنك مستواه يتقل قدام الناس
المشلوله اللي مش عاجباكي دي احسـن من اي واحده حلوه يكفي اخلاقها واحترامها لذاتهـا وبعدين بلاش نضحك علي بعض انتي فرحـانه بأبنـك بس بتـحاولي تداري ده انا عارفك ياكوكو ده احـنا عشره 35سنـه
يلا ياحبيبتي قومي شوفي اللي هتعمليه عشان تجهزي للفرح
كوثر::طول عـمرك كده بتخليني اعمل اللي انت عايزه وانا راضيه ومبسوطه حاضر ياحبيبي
ربنـا يفرحك ياعاصم يابني ويسعدك يارب
**********
داخــل صالون الحلاقه
ياسين::بص يافادي انا عايز اطلع من تحت ايدك ياسين تاني غير الواد ده اللي قدامك
خالد::يعني انت مـعترف انك معفن
ضحك الجميع عليهم
ياسين::هاها خفه ياد اقعد علي جنب وسيبني في حالي انا الـنهارده عريس وهتجوز ايوووه بقاااا
عاصم::الواد اتجنن ياجدعان ربنـا يكـون في عون العروسـه الغلبانـه
خالد::يلا انا هسيبكم ساعه اخد المدام عند البنات وهرجع علي طووول
اياكمـ ترقصوا من غيري ايووووه
حسام::بسـرعـه ياعم خالد عشان تلحق الفقرة بتاعتـك
ظل الاصدقاء يمزحون مع بعضهـم إلي إن جـاء موعــد ذهابهـم إلي الفتيات
ـــــــــــــــــــــــــــــــــــــ
نرجـــع عنـد البنــات
أمانـي خالد بيقولي انـهم 10دقايق وهيتحركوا يعني معاهم نص ساعه ويوصلوا
خـلود::امـاني انا كبه تـمام مفيش اي حاجه ناقصـه
اماني::لا بنوتي زي العسـل ربنـا يسعدك ياحبيبتي انتي ومرام واسراء
مرام::انا حاسه اني وحشـه انا عايزه اغير الميك اب ده
اسراء::بس يامجنونه ازاي ده احنا خلاص المفروض هنخرج
خلود::بضحكه خليها تشيله وتغيره عشان ياسين يجي يأخدها علي البيت علي طووول
أماني::ماتقولولي شعـوركـم يابنـات النهارده فرحانين ولالا
انا شايفه خلود فرحانه مرام قلقانه انما ست اسراء دي بقا في عالم تاني خالص انا فاكـره يوم جوازي من خالد طبعا كنت بحبه قبلها عشان كـده اليوم ده كان اسعد يوووم في عمري كـله
مالك يا اسراء زي مايكون مش مبسوطه فيكي ايه
اسراء::بنظره شارده بجد يا اماني مش عارفه بس مش قادره اوصف فرحتي ازاي النـهارده بس خايفه اوي وقلقانه اكـتر
خلود::من ايه يا اسراء بس ده حتي عاصم بيحبك اوي
اسراء:: اكيد عارفه ده هو صحيح لسه مش قالها بلسانه بس انا حسيتها من نظراته من كلامه من حنيته عليـا
لـكن خايفه اكون عبء عليه بعد كده في حياته انتوا عارفين يعني ايه انا واحده قعيده كرسي يابنـات ده احساس فظيع انا بحمد ربنا علي كل شئ بس خايفه مت نظرة الناس ليـا انا وعاصم بعـد كده خايفه ليزهق مني ومن همي خايفه من حاجات كتيره اوي بس مش قادره انكر بردو اني بحب عاصم جدا ومقدرش اتخيل انـي ممـكن اعيش مع حد تاني غيره
خـلود::فينك ياعاصم تسمع الكلام ده كله هييييييييح الله يسلهلك ياعصومي
ضحك اسراء::بس يابت عصومي دي انا بس اللي هقولها
وبعدين تعالي هنا قوليلي انتي فرحه ليه كده ومدلوقه دلقه سوده علي سي حسـام بتاعك ده
خـلود::بأبتسامه خجل من البنات انا بحب حسـام جداا ومرام كانت عارفه كده والكلام ده من قبل ماهو يتقدملي وعمري مافكرت في واحد غيره وفعلا النـهارده اسعد يوم في حياتـي ♥
اماني::ربنـا يسعدك ياحبيبتي ويفرحـك علي طووول
نظروا جميعهم إلي مرام التي كانت فعالم اخر
نظرت اسراء وخلود لبعضهم فهم يعلمون مايدور بذهن مرام
خلود::بقرصه خفيفه في دراع مرام ايه ياعروسه مالك روحتـي فين اكيـد طبعا في سونه حبيب القلب
مرام:انا حبيت ياسين فعلا بس خايفه حياتنا بعد كده تكون مش مستقره او فيها مشاكل او يندم انه اتجوز واحده كانت علي عل....
قطعتها خلود سريعا فاماني لا تعرف شيئا:ويندم ليه عروسه زي القمر وبيحبك وبتحبيه
اماني:متقوليش كده يا مرام ده سونه قبل ما يسافر كان تقريبا متربي معانا وعارفينه اكتر من نفسه هو بيحبك اوي مفيش ندم ان شاء الله
ورنين هاتف اماني ينبههم بقدومهم
دخل اولا ياسين ليجلب مرام
ياسين :هو انا في حلم ولا ايه لا النظام ده مش هينفع ايه الجمال ده كله هو انا ينفع اخدك ونطلع علي بيتنا دلوقتي بلا فرح بلا بتاع
وامتلأ المكان ضحكا علي كلام ياسين
أخذ ياسين مرام ونزلوا
ودخل حسام
حسام مصطنعا البحث عن خلود:ايه ده يا اماني هي خلود فين
ضيقت خلود عينيها وضمت شفتاها
خلود:انت مش شايف ولا ايه انا هنا اهو
حسام بمرح:نورك خلاني أعمي يا روحي
خلود:لا لا مش هينفع كده يا حسام
اماني بضحك:يلا يا بابا انت وهي علي عربيتكم
حسام:يلا يا خوختي دول شكلهم بيطردونا
دخل عاصم
وكانت اسراء متوترة خجله تفرك في يداها
عاصم:بِسْم الله ما شاء الله ايه الجمال ده كله
واكتفت اسراء بابتسامه زادتها جمالا
ونظرات بينهم دامت كثيرا
فستانها كان رقيق منسدلا بانسيابية عليه بعض الزهور
لم يكن منفوشا ووضعت القليل من مستحضرات التجميل لم تبالغ فقط أشياء بسيطه زادتها جمالا فوق جمالها
وطوق الورد موضوعا علي رأسها
اماني:مش عايزه اقطع اللحظه الحلوه دي بس عايزين نروح الفرح اتاخرنا
***********
طوال الطريق واسراء تفكر كيف ستدخل وكيف سينظر الناس اليها وهي علي كرسيها المتحرك كيف سترقص معه كيف ستفعل اَي شئ
وكأن عاصم كان يعرف فيما هي تفكر
فقط أمسك يدها وبعبارة صغيره طمئنها:متقلقيش
وابتسمت
وصلوا الي القاعه
ودخلوا في دخله أسطورية تشبه القصص الخياليه انبهر بها كل من في المكان لم يكن أحد يعرف ان هذه ستكون دخلتهم ما عدا عاصم فهو من خطط لها
نيران خفيفه من حولهم وأزهار تزين الممشا
وعاصم يحمل اسراء ويدور بها في حركه مفاجئه
واسراء تضحك وتبتسم
ومن بعده ياسين يحمل مرام ثم حسام يحمل خلود
همس حسام في إذن خلود :عجبتك
خلود:جدا هو انت ال عاملها
حسام بابتسامه:ولا اعرف عنها حاجه لسه متفاجئ زيك دلوقتي
——————-
عيني عاصم لم تفارق اسراء يعرف فيما تفكر ولكن لن يجعل تفكيرها هذا يضيع منها ليله العمر
عاصم:متفكريش في حاجه تقلقك يا اسراء استمتعي بوقتك بس انا مخطط لكل حاجه
____________
ياسين :اخيراً بقيتي مراتي بعد ما دوختيني صبرت ونلت والله
مرام بابتسامه:ايه ده هو انا جايزه ولا ايه
ياسين:انتي جايزتي انا وأحلي جايزه في العالم كله
__________
عيني كوثر معلقه علي عاصم عينيه تشع بالسعادة مجرد رؤيته بتلك الحاله السعيدة اسعدتها بل أيضا احبت اسراء
ماجد:الواد خالد اداني محمود وقالي خليه معاكم عايز يرجع هو وأماني ذكريات فرحهم
محمود:جدو هيرجعوها ازاي
كوثر:هي ايه دي
محمود :ذكريات فرحهم
ماجد:معرفش ابقي أسئلهم يا حبيبي
كوثر بابتسامه رضا :حاسه ان عاصم اختار صح
ماجد:اخيرا قلتلك اسراء بنوته محترمه وجميله
كوثر:وعاصم فرحان بيها اوي
ماجد:ربنا يخليهم لبعض
كوثر:انا هروح اقعد مع جميله خليك انت مع محمود
وذهبت لتجلس مع جميله
—————
كريم:عقبال فرحنا
بسنت:ايوه عقبالنا بس انا مش هعمل فرح كبير كده
كريم:اه انا هعمل اكبر منه وهتلاقي المكان كله ظباط وعساكر وهيبقي المكان كله محاصر ومش هتعرفي تهربي
بسنت بضحك:ومين قال اني ههرب
كريم:عشان لو فكرتي بس
_________
خالد:انا بقول احنا نرجع ذكريات فرحنا بقي ونعتبر الفرح فرحنا
اماني:لا احنا كان لينا فرحنا خليهم يفرحوا هو صحيح فين محمود
خالد:أديته لعمو عشان نعرف نرجع ذكريات فرحنا يلا يلا خلينا نقوم نرقص معاهم
___________
بعد مرور عامين
______
تجلس مرام في الحديقه وهي تلاعب طفلها ادهم
وياسين يشوي اللحم
ادهم:ماما انا عايزه اروح اعمل مع بابا
وقبل ان تتحدث مرام
ياسين:تعالي يا ادهومي تعالي ساعد بابا
وقفز الطفل وذهب لمساعده والده
خلود وحسام جالسين
وخلود قاربت ان تلد
خلود:انا عايزه اسميها ندي مليش دعوه
حسام:بس انا عايز اسميها رقيه يا خلود
ياسين بصوت عال :خلوا ادهم ال يسميها مش هي عروسته
خلود:ده عايز يسميها ماجده مش عارفه جاب الاسم ده منين
ادهم بطريقه طفوليه:اصلا ماجده اسم حلو بس هو مش عجبكم فخلاص سموها رقيه اسم حلو
مرام:افرح يا حسام خلاص انت ال كسبت وهتسميها رقيه
خلود بعناد:لا بقي انا مش هسميها غير ندي
حسام:خلاص يا روحي ولا تزعلي هنسميها رقيه حاضر
خلود:حسام بطل هزار بقي
ياسين:سبكم من ماجده دلوقتي هو عاصم واسراء فين
خلود:اولا انا مش هسمي بنتي ماجده ثانيا بقي مش عارفه
تدخل اسراء وهي تحمل كيك
اسراء:انا عملت اخيراً الكيك
وعاصم من خلفها:وانا ساعدتها ياريت مننساش كده
اسراء:اه فعلا حرقها بس يعني
وضحك الجميع
——————
بعد مرور ٤اعوام
في حمــام سبااحـه فيلا عاصم واسـراء
اسراء يلا ياحبيبي اطلع بقا
كوثر الصغيره::لا مامي انا مش هخرج
عاصم::شوفتي بقا كوثـر مش عايزه تخرج اعمل ايه انا بقا
اسراء::طـب خلاص انـا هروح اكل لوحدي وانتوا خليكم هنـا
خرج عاصم وكوثر مسرعين خلف اسراء
عاصم::طب براحـه يا حبيبي علي نفسـك احنا لسه عاملين العمليه والحركه الكتيره مش حلوه دلوقتي
اسراء ::مش مصدقه ياعم اني بقيت امشي علي رجلي تاني انت عارف يعني ايه عايشه عمري كـله مش قاره امشـي علي رجلي اه ماشيه علي العكازات بس كلها شهر وارميه وامشي براحتي
عاصم::انا مبسوط جدا انـي شايفك بالحاله دي ياحبيبتي ربنـا يباركلي فيكي يـارب
احـنا فعلا دورنا كتير لحد ما عرفنا دكتور كويس بس الـحمدلله قدر يخلينيا نعيش اللحظـه دي اللي اشوفك فيها واقفه علي رجلك وشايف الفرحه دي في عنيكي♥♥
كوثر::يلا بقا يابابي عايزه اكل
اسراء:: بتصنع الزعل البت دي بتحبك اكتـر ياعاصم
عاصم::بس انا بعشق امـها ياروح قلـب عاصـم
اسراء::ربنـا مايحرمنا منـك يا أجمل واحـلي حاجه في دنيتي♥
تمت