رواية غدر الايام
الفصل الخامس والثلاثون35
بقلم نورا عطيه
فارس : طيب انا عندي حل .عليا : قوله .
فارس : تنامي في حضني مش هتسمعي اصوات خالص .
عليا : نعم .
فارس : علشان متسمعيش اصوات خالص .
عليا : انا مش هنام بقي .
فارس : هتعمل ايه .
عليا : هقعد شويه .
فارس : طيب بصي هوريكي شويه حاجات خاصه بيا .
عليا : ايه هي .
فارس : افتحي الدولاب ده .
تفتح عليا الدولاب الخاص به وتقوله فتحته خير .
فارس : طلعي العلبه الحمرا دي .
عليا : اهي .
فارس : هاتيها بقي وتعالي .
عليا : ايه دي .
فارس : ده الكتالوج الخاص بيا .
عليا : يعني ايه .
فارس : كل حاجه عني .
( الكتالوج يا تري ايه اللي هيحصل لو كل واحد فينا عنده كتالوج زي ده فيه كل حاجه عن البني ادم اللي بيتعامل معاه ايه اللي حصله بيحس بأيه بيفكر ازاي نفسه في ايه بيحلم بأيه وبيخاف من ايه عارفه انها فكره مجنونه بس فضلت مسيطره عليا طول اليوم يا تري اختراع زي ده كان ممكن يفرق مع عليا وكان ممكن يخفف عنها شويه ولا فارس هيبقي بالنسبه ليها كفايه )
عليا : يعني انت في الكتالوج ده وده يهمني في ايه .
فارس : يعني مش همك .
عليا : ايوه .
فارس : بعصبيه طيب هاتيه بقي لو سمحتي .
ويقوم يشيله منها ويرجعه الدولاب مره اخري .
عليا : فيه ايه اتعصبت كده ليه .
فارس : مفيش حاجه .
عليا : طيب علي راحتك .
فارس : انا هنام .
عليا : طيب انا خايفه .
فارس : براحتك انا هنام بس هطفي النور .
عليا : لا يا فارس .
ويغلق بالفعل النور اما عليا فتبكي من الخوف ومن فارس ومن اشياء كثيرا تفعلها بالغلط .
( عمر ما حد فيكم غلط غلطه في حق نفسه وفي حق ناس بيحبوه وأذاهم غلطه بوظت حياتهم وحياته دي طبيعه البشر اكيد بتحصل كتير ناس بتغلط وبتشوف وبتتعلم من غلطاتها وتمشي في حياتها وبعد كده تقابل مواقف تانيه وتغلط تاني وتتعلم من غلطاتها كمان مره وهكذا لكن ده عمره في حياته ما كان مبرر انك تبقي شايف الغلط بعينك وتبقي عارف انه غلط وتعمله وبعد كده تستهبل وتقول اصل انا مكنش بأيدي يعني ده في الاخر غلط وهيعدي و انا هعرف اصلحه طيب لو فرضنا ان انت تبقي حر انك تغلط في حق نفسك وده مش حقيقي علي فكره ازاي تسمح لنفسك انك تبوظ حياه حد انك تأذي حد واثق فيك ازاي ازاي تظلم حد وانت عارف انك بتظلمه ومتأكد انك بتأذيه ازاي تعمل ده وتعدي يا جماعه ده مش غلط ده اكبر حرام بتظلم بيه نفسك وغيرك ده ذنب ذنب كسره قلب حد وثق فيك وحبك وامنلك ماينفعش يبقي غلطه ده اسمه افترا افترا الغلطه اللي سببها تفكيرك في نفسك دي اسمها انانيه ماسمهاش غلطه لو غلط حاول تصلح غلطتك لو مقدرتش علي الاقل خليك شجاع واقف قدام نفسك وقول انا غلط انا غلط وهحاول اصلح الغلط ده الخطر بقي انك تبقي شايف كل ده ومستوعبه ومش حاسس ولا مستوعب انك غلطان وبعد كده لما تكتشف غلطتك تقف كده وتستهبل وتكمل
اننا منغلطش خالص ده حلم بعيد جدا ده حلم شبه مستحيل كلنا نفسنا نوصله وكلنا عايزين نبقي كاملين لكن اللي في ايدينا اننا لما نغلط بجد نحاول نصلح غلطاتنا ونقف كده مع نفسنا ونحاول بجد ان احنا منقررهاش علي الاقل ساعتها هنتعلم نحب نفسنا ونصونها نراعيها ونحترمها البني ادم هيعيش ويموت وهو بيغلط وهو بيغلط في حق نفسه وبيغلط في حق غيره لكن دايما باب التوبه مفتوح ودايما فيه امل ان احنا نتعلم من غلطتنا )
نورا عطيه
عليا : تبكي بصوت عالي .
فارس : يشعل النور مره اخري ويقولها بتعيطي ليه انت دلوقتي .
عليا : مفيش انت نام مش تشغل بالك .
فارس : لا مفيهاش نوم ممكن اتفق معاكي اتفاق .
عليا : اتفاق ايه .
فارس : بطلي عياط طيب .
عليا : بطلت خلاص قول بقي .
فارس : لا مش بطلتي ويقرب منها ويمسح دموعها بيده .
اما عليا تغمض عينها وهو يلتمس وجهها وتقشعر منه وتقوله خلاص شيل اديك .
فارس : خلاص بقي مفيش عياط .
عليا : قول بقي اتفاق ايه .
فارس : ممكن نبقي اصحاب .
عليا : بتفكير اصحاب وبس .
فارس : اصحاب وبس .
عليا : يعني منوجعش بعض .
فارس : وانا عمري ما هوجعك بس فكري في الكلمه دي كويس انت.
عليا : يعني ايه انا وجعتك .
فارس : لا لا عادي يا عليا متفقين ويمدد يده لها .
عليا : تمد يديها هي الاخري وتقول متفقين .
فارس : ايديكي بترتعش ليه بقي وسخنه كده ليه .
عليا : تبعد يديها عنه وتقوله مفيش عادي مش متعوده يبقي ليا صديق ولد .
فارس : شوفتي بقي لا وكمان جوزك يعني لا يمكن يضرك في شئ .
عليا : فارس احنا اصحاب وبس متفقين ننفصل بعد 3 شهور .
فارس : بمزاح 3 شهور 3 شهور ونص كده .
عليا : هتهزر .
فارس : لا خلاص نامي بقي عندي شغل الصبح .
عليا : ايه ده انت نازل الشغل الصبح مقولتش يعني .
فارس : مكنتش هنزل اصلا بس هقعد اعمل ايه ما هو كده كده جواز مع ايقاف التنفيذ خلاص .
عليا : بعصبيه تقصد ايه بجواز مع ايقاف التنفيذ .
فارس : عليا يلا ننام اطفي النور بقي ونامي مطرح ما انت عايزه .
عليا : لا انت مالك فيه ايه .
فارس : ماليش يا عليا كفايه بقي ونامي .
عليا : انام ازاي واسيب صديقي زعلان وتقرب منه وتقوله مالك يا فارس .
فارس : ابعدي عني يا عليا لو سمحتي انا معدتش قادر استحمل كده وسبيني انام لو سمحت .
عليا : وقد احست بغلطها وقالت طيب يا فارس نام .
ويغلقون النور .
الاثنين معا ولم يذقون طعم النوم .
فارس في سره ازاي انام جنبها في مكان واحد وجنبي ومش قادر حتي احضنها يا رب قربها ليا يا رب .
اما عليا تفكر بما فعله فارس بها من البدايه وتقول يا تري اسامحه ونبقي زي اي زوجين ولا لا اكلا هو ممكن علشان عايز ينول غرضه مني بس ويرميني علشان عمر ما بنت قالتله لا مغرور ومتكبر بس انا هقوله لا ومش هستسلم ليه ابدا بس مش هحبه اهم حاجه مش اقع في حبه خالص .
صباح يوم جديد عليهم جميعا.
عليا : صباح الخير يا فارس .
لم تجده علي السرير وتقوم كي تبحث عنه في الغرفه ولم تجده ,
وتدخل تغير ملابسها وتنزل لتجده يفطر مع والدته ناديه .
ناديه : صباح الخير يا بنتي .
عليا : صباح الخير يا ماما ناديه .
فارس : صباح الخير انا لقيتك نايمه سبتك ونزلت افطر مع ماما علشان عارف انك سهرانه طول الليل .
عليا : ليه كنت صحيني اجهزلك الفطار .
ناديه : يا بنتي انت هنا ملكه زوجه وبس ومش هتعملي حاجه خالص امال ايه لزمه اللي شغالين هنا .
عليا : ربنا يخليكي يا ماما وتقوم تحتضنها .
فارس : انا همشي انا بقي ويقوم كي يحتضن عليا امام والدته حتي لا تعقب عليا عليه .
عليا : تفضل السكوت حتي لا تلاحظ والدته شئ .
ناديه : تنظر لهم وتقول ربنا يخليكم لبعض ويرزوقكم الذوريه الصالحه يا رب ,
فارس : يا رب يا امي عايزين حاجه .
عليا : عايزين سلامتك .
فارس : مع السلامه .
ناديه : مع السلامه يا حبيبي .
وبعد ان يذهب فارس وعليا وناديه معا يجلسون سويا .
ناديه : تعالي يا عليا معايا .
عليا : نعم يا امي .
ناديه : تعالي بس اوضتي اوريكي حاجه عندي .
عليا : حاضر يا ماما .
وتذهب عليا وناديه الي الغرفه الخاصه بناديه معا .
ناديه : اقعدي يا عليا انا هوريكي الكنز بتاعي .
عليا : بفرحه عندك كنز يا ماما .
ناديه : بصي يا بنتي وتفتح دولابها الخاص وتحضر منه صندوقا كبير وتقولها ده كنزي يا بنتي كل ليله لازم افتحه اطمن عليه وبعيش معاه .
( الذكريات احلي حاجه حصلت لينا بتعيش وتفضل معانا طول العمر ذكري اهل ذكري حبيب ذكري صحاب ذكري جيران ذكري زوج عشتي معاه اجمل سنين عمرك مش شرط تكون حلوه او وحشه بس بتسيب اثر جوانا اثر اشتياق لحنين الماضي ساعات كتير اوي كل واحد نفسه يرجع صغير تاني بيحن لايام طفولته كلنا كده علشان اللي بيروح من العمر عمره ما بيرجع مهما عملت الايام بتاخد مننا مش بتدينا علشان كده لازم نعافر فيها ونتحمل كل حاجه فيها حلاوتها واحشتها غدرها عدلها ظلمها كل حاجه فيها علشان كده اوعا تيأس من اي حاجه تحصلك طول ما ربنا موجود وقلبك بينبض احمده واشكره علي كل حاجه ولما نفتكر الماضي نضحك بس منرجعش لورا علشان الماضي بيرجع والحاضر بيقف والمستقبل مش واضح بس لينا حكمه ربنا سبحانه وتعالي كما قال الله تعالي
وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ )
عليا : دي صور يا ماما .
ناديه : دي صوري انا وابو فارس وفارس بمراحل عمره ومعاه ابوكي وامك يا بنتي انا كل ليله اطلعهم وافتكره اوي اصله واحشني اوي يا عليا .
عليا : ياااه يا ماما ناديه كنتي بتحبيه اوي كده .
ناديه : كنت ومازلت بحبه ده كان جوزي واخويا وابويا وصديقي وكان كل حاجه ليا ومازل هو اذا كان مات هو مات بجسده بس بس روحه معايا عايش جوايا وقد دمعت عينها .
عليا : ياااه ربنا يجمعك بيه في الجنه يا رب يا ماما .
ناديه : يا رب يا حبيبتي بصي بقي دي صور فارس كلها وهو صغير مولود مولود علي ايد عفاف امك .
عليا : ماشاء الله كان عسول اوي وهو صغير .
ناديه : ومازل يا عليا .
عليا : طبعا يا ماما بس وهو طفل احلي .
وتشاهد عليا الصور لتجد صوره لفارس وهو طفل بدون ملابس .
عليا : هههههه حلوه دي هو كان عنده قد ايه .
ناديه : كان عنده 6 شهور دي ابوه اللي صورها ليه .
عليا : الله يرحمه يا ماما .
ناديه : الله يرحمه يا رب عليا انا عايزه منك طلب .
عليا : اتفضلي طبعا يا ماما .
ناديه : انا يا بنتي عايزه انت وفارس تملوا البيت عيال .
عليا : بأحراج ان شاء الله يا ماما .
ناديه : انا نفسي يا بنتي نفسي اشوف عيال فارس .
عليا : ان شاء الله .
ناديه : توعديني يا عليا .
عليا : ان شاء الله يا ماما .
ناديه : لا اوعديني .
عليا : اوعدك يا ماما وفي سرها يا رب سامحني .
ناديه : يا رب يا حبيبتي .
عليا : انا هاخد الصوره دي بقي يا ماما بعد اذنك .
ناديه : تنظر للصوره لتجدها نفس صوره فارس وتضحك وتقول لها اشمعنا دي بقي ما عندك باقي الصور .
عليا : ههههه لا علشان اغيظ فارس بيها .
ناديه : ههههههههه طيب جوزك بقي وانت حره معاه .
عليا : هههه طيب يا ماما مش تقوليله .
ناديه : ماشي يا بنتي بصي بقي العلبه دي هديه مني ليكي .
عليا : ميرسي ده كتير اوي يا ماما .
ناديه : مفيش حاجه تكتر عليكي انت زيك زي نادين بالظبط انا حبيتك اوي يا عليا .
عليا : انا كمان حبيتك اوي والله يا ماما وتحتضنها وتقولها ربنا يخليكي ليا يا رب .
ناديه : ويخليكي يا ام احمد .
عليا : بأبتسامه باهته ان شاء الله .
وفي الشركه عند خليل .
خليل : خلاص يا يوسف انا قولتلك هتتجوزها وكلامي انتهي .
يوسف : انا مش عارف اشكرك ازاي يا خليل بيه .
وتدخل عليهم السكرتيره ولتقول خليل بيه البشمهندس عبدالرحمن منتظر حضرتك بره .
خليل : خليه يدخل فورا وابعتي الانسه شاهندا .
السكرتيره : اوامرك يا خليل بيه .
وتخرج هي ليستأذن عبدالرحمن بالدخول .
خليل : اتفضل يا بشمهندس .
عبدالرحمن : السلام عليكم .
خليل : وعليكم السلام اتفضل .
عبدالرحمن : ازاي حضرتك يا خليل بيه .
خليل : الحمدلله ازيك انت يا بشمهندس .
عبدالرحمن : الحمدلله .
يوسف : ازيك يا بشمهندس عبدالرحمن .
عبدالرحمن : الحمدلله ازيك انت يا بشمهندس يوسف .
يوسف : الحمدلله .
خليل : اقدر افهم ليه وقفتوا الشغل بالموقع .
عبدالرحمن : خليل بيه اخر دفعه مش وصلت للشركه والشركه امرتني بوقف الشغل علشان الدفعه .
خليل : بعصبيه يعني ايه انا مضيت علي الشيك .
يوسف : المفروض شاهندا هانم كانت وصلته اصلا الشركه يا خليل بيه .
وتدخل شاهندا لتقول ايوه يا بابي انا اللي وقفت الشيك .
خليل : ليه يا شاهندا .
شاهندا : مش عاجبني شغل البشمهندس عبدالرحمن اصلا .
عبدالرحمن : بعصبيه نعم انا شغلي مش عاجبك ويعجبك بتاع ايه .
خليل : بس انتوا هتتخانقوا مع بعض .
يوسف : خلاص يا بشمهندس عبدالرحمن شاهندا هانم مش تقصد .
عبدالرحمن : ولا تقصد اصلا انا مش يهمني رأيها اصلا .
شاهندا : نعم انا صاحبه الشغل اصلا ومش عاجبني شغلك .
عبدالرحمن : يقوم من مكانه بعصبيه طيب يا خليل بيه انا هبلغ المديرين في الشركه وبعد اذنكم وينسحب عبدالرحمن من الاجتماع .
شاهندا : تبتسم ابتسامه نصر وتقول هيرجع تاني اصلا .
خليل : شاهندا عاجبك اللي عملتيه ده .
شاهندا : انا قولت الحق يا بابي .
يوسف : خلاص يا خليل بيه هي قالت الصح نشوف شركه تانيه بقي .
خليل : لا ابدا مش هنشوف شركه تانيه مفيش وقت خالص .
شاهندا : يعني ايه .
خليل : يعني المفروش الموقع يكون جاهز اصلا .
شاهندا : والحل يا دادي .
خليل : الحل انك تلحقي البشمهندس عبدالرحمن وتصلحي اللي عملتيه ده .
شاهندا : بس يا بابي .
خليل : مفيش بس انا قولت كلمه واتفضلي صلحي اللي هببتيه .
شاهندا : حاضر يا بابي وتنصرف من امامهم متجهه خلف المهندس عبدالرحمن .
يوسف : يا خليل بيه شاهندا عملت الصح وهي كده مش طايقاه ليه رجعتها ليه تاني .
خليل : علشان الشغل وانا قولتلك انها ليك خلاص يا يوسف .
يوسف : تحت امرك يا خليل بيه .
اما شاهندا بعد ان ذهبت خلف عبدالرحمن وتقول يا بشمهندس عبدالرحمن استنا وتنهج من الجري خلفه .
عبدالرحمن : افندم عايزه ايه تاني .
شاهندا : المفروض حضرتك تكمل الموقع انا اللي اخرتها علشان اشوفك تاني .
عبدالرحمن : يا استاذه ده شغل مش استهبال .
شاهندا : برفع حاجبها قصدك اني بستهبل مثلا .
عبدالرحمن : يا انسه بعد اذنك .
تمسكه شاهندا من يديه وتقوله مش هتمشي بقي انا عايزاك تتكلم معايا اقف شويه .
عبدالرحمن : مش يصح كده يا انسه .
شاهندا : لا يصح والا هقول لبابا علي اللي بينا .
عبدالرحمن : واحنا اصلا بنا حاجه .
شاهندا : ايوه يا بشمهندس بنا .
عبدالرحمن : نعم انت هتتبلي عليا .
شاهندا : تعالا اقعد معايا من سكات يا بشمهندس اعتبرها خدمه لله .
عبدالرحمن : لا بعد اذنك .
شاهندا : حتي لو قولتلك علشان ربنا انت هتساعدني وتقف جنبي انا محتاجه فعلا مساعدتك .
عبدالرحمن : اتفضلي قولي عايزه ايه .
شاهندا : نقعد في مكان لوحدنا الاول شربني حاجه الجو حر اوي .
عبدالرحمن : لا مش هينفع اللي عايزاه قوليه هنا .
شاهندا : انا عايزه حضرتك يا بشمهندس في حاجه كبيره اتمني تساعدني فيها اعتبرني زي اختك .
عبدالرحمن : اتفضلي خير يا انسه قولي .
شاهندا : اولا بلاش انسه دي .
عبدالرحمن : اتفضلي قولي طيب .
شاهندا : انا مش عايزه اتجوز يوسف ده وبابي مصمم عليه .
عبدالرحمن : وانا مالي انا .
شاهندا : يا بشمهندس عبدالرحمن اسمعني وافهم مني .
عبدالرحمن : عايزه ايه مني اساعدك في ايه .
شاهندا : يا بشمهندس تتجوزني .
عبدالرحمن : نعم بتقولي ايه .
شاهندا : بجوازك مني يا بشمهندس هتكسب فيا ثواب كبير .
عبدالرحمن : ثواب ايه ده بقي .
شاهندا : اتجوزني شهر واحد بس يا بشمهندس وسبني مش هضغط عليك .
عبدالرحمن : انت مجنونه صح اكيد مش عاقله .
شاهندا : يا بشمهندس فيه حاجه بابي لو عرف احتمال يقتلني وانا بستنجد بيك .
عبدالرحمن : حاجه ايه دي .
شاهندا : افهمها يا بشمهندس بس ياريت ترد عليا علطول وانا مش هطلب منك حاجه بس ربنا هيجازيك خير يا رب لو فعلا قبلت تتجوزني .
عبدالرحمن : طيب انا هفكر في الموضوع ده .
شاهندا : يا بشمهندس ارجوك مش عايزه بابي يعرف حاجه ده سر بيني وبينك .
عبدالرحمن : خلاص يا انسه .
شاهندا : والشغل تكمله في معاده يا بشمهندس واتفضل الشيك اهو.
عبدالرحمن : ان شاء الله بعد اذنك .
شاهندا : اتفضل وده رقمي هستني رد حضرتك عليا .
عبدالرحمن : ماشي سلام .
شاهندا : مع السلامه يا عبدالرحمن وتنظر له وتضحك بشده وتقول يا رب تكون اللعبه دخلت عليه ويوافق يا رب واتجوزه .
اما عبدالرحمن يمشي ويسرح في كلامها ويفكر انها مش كويسه ويقول ازاي ده انا كنت معجب بيها اخص صحيح طلعت مش كويسه طيب ايه الحل اعمل ايه يا ربي في اللي انا فيه ده اتجوزها ولا اسيبها كده بس لو سبتها هيبقي حرام لانها لجئت ليا انا وماينفعش اردها ديني بيقولي كده بس ازاي اتجوزها وهي كده طريقه لبسها وكل حاجه فيها ازاي اتجوزها مش دي الزوجه الصالحه اللي تنفع خالص يا رب دبرني انا هتصل بالشيخ اسأله وخلاص ويمسك فون ويبدا بالاتصال بشيخه ويقص له جميع ما حدث بس علي موقف صديق له .
الشيخ : لعبدالرحمن يا بشمهندس بلغ صديقيك الحديث ده
)من ستر على مسلم ستر الله عليه (
عبدالرحمن : ده حديث صحيح يا شيخ وايه معناه .
نعم، هذا حديث صحيح رواه مسلم عن أبي هريرة -رضي الله عنه- عن النبي – عليه الصلاة والسلام- أنه قال: (من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلما ستره الله في الدنيا والآخرة) وفي الصحيحين من حديث ابن عمر -رضي الله عنه- عنهما عن النبي -صلى الله عليه وسلم- أنه قال: (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) فهذا هو المشروع: إذا رأى الإنسان من أخيه في الله عورة يعني معصية فلا يفضحه ولا ينشرها بين الناس، بل يسترها عليه وينصحه ويوجهه إلى الخير ويدعوه إلى التوبة إلى الله من ذلك ولا يفضحه بين الناس، ومن فعل هذا وستر على أخيه ستره الله في الدنيا والآخرة، لأن الجزاء من جنس العمل، أما الذين يظهرون المعاصي ولا يستحون يظهرونها بين الناس فهؤلاء فضحوا أنفسهم، فليسوا محلاً للستر كالذي يشرب الخمر بين الناس في الأسواق والاجتماعات هذا قد فضح نفسه، نسأل الله العافية، وهكذا من يعمل المعاصي الأخرى جهرة ولا يبالي فهذا يرفع بأمره إلى ولاة الأمور إذا كانوا يردعون مثله ويقيمون عليه الحد يرفع بأمره، وليس محل الستر من أظهر فاحشته وأعلنها، نسأل الله العافية.
عبدالرحمن : فهمت يا شيخ .
الشيخ : عبدالرحمن قول لصاحبك يتجوزها ويستر عليها لعلها تكون تابت .
عبدالرحمن : هبلغه متشكر ليك يا شيخ عبدالله .
الشيخ : الشكر لله يا ابني هستناك في المسجد العشاء ان شاء الله .
عبدالرحمن : ان شاء الله يا شيخ .
الشيخ : السلام عليكم ورحمه الله وبركاته .
عبدالرحمن : وعليكم السلام ورحمه الله وبركاته .
ويذهب عيدالرحمن الي الشركه ثم يذهب الي المنزل لكي يفاتح والده ووالدته بموضوع زواجه من شاهندا .
عفاف : حمدلله علي سلامتك يا عبدالرحمن .
عبدالرحمن : الله يسلمك يا امي كنت عايز اتكلم معاكي شويه .
عفاف : خير يا ابني .
عبدالرحمن : انا هتجوز يا امي .
عفاف : بفرحه اخيرا هتفرح قلبي اشوفلك يعني .
عبدالرحمن : لا يا امي انا شوفتها خلاص .
عفاف : بجد اخيرا يا ابني هفرح بيك .
عبدالرحمن : ايوه يا امي .
عفاف : هي مين بقي وبنت مين .
عبدالرحمن : هتعرفي في الوقت المناسب انا هنام دلوقتي .
عفاف : ماشي يا ابني علي راحتك اهم حاجه اني هفرح بيك .
وعند فارس بعد ان انتهي من عمله ذهب مسرعا الي الفيلا ليعبر لعليا مدي اشتياقه لها .
ناديه : فارس حبيبي حمدلله علي سلامتك .
فارس : الله يسلمك يا ست الكل عامله ايه النهارده .
ناديه : الحمدلله يا ابني بخير طول ما انت بخير .
فارس : امال فين عليا .
ناديه : دخلت الاوضه تريح شويه واضح ان انت مش نيمتها خالص طول الليل .
فارس : وينكسف خلاص يا ماما .
ناديه : يا واد علي امك اطلعلها عقبال ما اقولهم يجهزوا الغدا .
فارس : حاضر انا هطلع اغير بعد اذنك يا امي .
ناديه : اتفضل يا حبيبي .
ويصعد فارس الي الغرفه ليجد عليا نائمه وفي يديها صوره له وهو صغير ويقول بصوت عالي ايه ده انت وصلتي للصوره دي ازاي .
عليا : تفيق علي صوته وتقوله فيه ايه يا فارس خضتني .
فارس : لا يا قلبي مفيش حاجه نامي نامي .
عليا : طيب يلا اطفي النور وتعالا نام .
فارس : ايه يا عليا مالك تعبانه ولا ايه .
عليا : لا يا حبيبي انا كويسه .
فارس : نعم قولتي يا ايه .