رواية غدر الايام
الفصل السابع والعشرون27
بقلم نورا عطيه
اما عليا وفارس يدخلون الفيلا سويا( الانسان ممكن يعمل حاجه غلط ويعدي منها بس ده مايجعلش منها حاجه صح ممكن مثلا يعدي في طريق سريع ومتخبطوش عربيه ممكن ينزل يعوم في المايه وهو مبيعرفش يعوم ومع ذلك مبيغرقش ممكن طفل صغير يلعب في الكهرباء وميتكهربش التصرفات دي مش صح وهتفضل مش صح علشان كده اوعوا تتغشوا في نجاح حاجه انتوا عارفين كويس انها غلط )
فارس : اتفضلي يا هانم احنا بقينا لوحدنا .
عليا : انا هطلع انام علشان تعبانه .
فارس : استني هنا عايز اتكلم معاكي شويه .
عليا : مش وقته ان تعبانه .
فارس : انا قولت كلمه استني .
عليا : نعم عايز ايه .
فارس : احنا المفروض قدامهم كويسين ونكون عادي .
عليا : الكلام ده معروف ومفهوم حاجه تانيه .
فارس : هو انا بشحت منك يا بت .
عليا : انا تعبانه وعايزه انام ممكن تسبني اطلع انام .
فارس : انت هتطلعي فين بقي ان شاء الله .
عليا : هطلع السويت .
فارس : لا عندك ده بتاعي انا .
عليا : يعني انام فين انا بقي .
فارس : تعالي نطلع هتصرف انا .
عليا : نطلع فين ومعاك انت اتجننت ولا ايه .
فارس : بصي انا عايز انام انا كمان خدي بالك عندنا سفر بكرا .
عليا : طيب ماينفعش ننام في اوضه واحده .
فارس :تعالي هنا مفيش اكتر من الاوض اختاري اي واحده الا اوضتي بس تعالي نتكلم الاول قبل ما نطلع اقعدي هنا .
عليا : نعم اتفضل .
فارس : بحيث اننا طلعنا للاسف قرايب ماينفعش شهر معاهم .
عليا : يعني ايه .
فارس : يعني المده هتزيد شويه .
عليا : بصدمه نعم ده انا هعصر علي نفسي لمونه واقعد معاك علشان الشهر ده بس تقوم تقولي انها اكتر من شهر .
فارس : بعصبيه بت اتعدلي انا كمان هستحملك بالعافيه لاني مش طايقك .
عليا : والحل ايه بقي .
فارس : هنخليها 3شهور علشان محدش يحس بحاجه .
عليا : استغفر الله العظيم لسه هستحمل 3 شهور .
فارس : بكل عصبيه يقف امامها ويمسكها من يديها بشده ويضغط عليها بكل قوه ويقول قولتلك اتلمي وبطلي طوله اللسان دي والا هيتقص .
عليا : بضعف طيب براحه سيب ايدي لو سمحت اها بتوجعني اوي .
فارس : اتفضلي تعالي نطلع ننخمد .
عليا : في سرها الهي تتخمد ما تقوم يا بعيد وتقول بتعب امري لله .
ويصعدون معا .
فارس : بصي اتصرفي انت واختاري اي حاجه انا داخل انام ويدخل ينام دون ان يسمع منها رد .
عليا : صحيح قليل الذوق طيب انا عايزه اغير انام بالفستان .
فارس دخل وقفل الباب وغير ملابسه وجلس يستريح علي السرير الخاص به ويفكر فيما يفعله مع عليا .
عليا : يا ربي علي البني ادم ده دخل ولا همه واتخمد طيب انا عايزه هدومي اغيرها وتقول ما ادخل اجيبلي هدوم وخلاص .
وبالفعل تدخل عليا الغرفه الخاصه بها هي وفارس .
اما فارس بمجرد ان حس انها داخله الغرفه عمل نفسه نايم حتي يتجنب الكلام معها والمشاجره .
عليا : الحمدلله انه اتخمد وتبدا بفتح الدولاب لتجد الصدمه وتقول ايه ده كله عريان كده ليه البس انا ايه دلوقتي هما حطوا العبايات فين ياربي هما بيتصرفوا من دماغهم ياريتني كنت معاهم لتجد علبه مغلقه وتقول دي اكيد هديه نادين وتبتدا بفتحها لتصدم بما تراه وتقول ايه اللي جابته نادين ده .
فارس : فيه ايه حتي مزعجه هنا صوتك فيه ايه .
عليا : وقد احمرت خجلا منه وتقوله مفيش حاجه اتفضل نام انا هخرج خلاص كنت بجيب هدوم ليا اغير الفستان .
فارس : ما تنامي بيه بره في اي داهيه .
عليا : خلاص انا اخدت هدومي وهطلع اغير وانام .
فارس : في داهيه واعملي حاسبك من الفجر تصحي وتجيلي هنا علشان محدش يلاحظ حاجه وغيري الفستان وهاتيه هنا علشان مش تنسيه الصبح .
عليا : حاضر حاجه تانيه .
فارس : لا امشي من وشي .
عليا : بخوف منه وتخرج وتغلق الباب خلفها وتدور علي غرفه تنم فيها وتدخل غرفه نادين اخته لكي تنم فيها وتبدا بتغير الملابس .
اما فارس يقوم يفتكر هديه نادين ويبحث عنها في الدولاب ولم يجدها ويقول اكيد في دولاب نادين دي دماغها مش معاها انا هروح اشوفها .
وعليا بغرفه نادين تغير فستانها .
فارس :يدخل عليها فجاه .
عليا : مصدومه تقف امامه وتهرب فجأه وتقول له اطلع بره يا حيوان .
وهو الاخر يخرج ويقولها انت ايه اللي جابك اوضه نادين .
عليا : انت مالك هي اوضتك .
فارس : انا كنت جاي اشوف الهديه بتاعت نادين .
عليا : الهديه كانت في دولابك وانا شيلتها .
فارس : طيب هي ايه طيب .
عليا : مش لازم تعرف .
فارس : لا طبعا دي هديه اختي ومن حقي اعرفها .
عليا : الهديه ليا انا مش هتنفع ليك ممكن بقي تمشي من قدام الاوضه .
فارس : اشبعي بيها شكلك طمعتي فيها .
عليا : هههههههه عبيط ده هو عايزاها هو يالهوي.
فارس : ليه الشتيمه انا لسه واقف ايوه عايزاها هديه اختي بقي .
عليا : طيب امشي والصبح هديهالك خلاص .
فارس : بعصبيه اما نشوف اخرتها ويدخل غرفته كي ينام .
اما عليا تفضل الضحك عليه وتقول والله عبيط يالهوي هيعمل ايه ببيبي دول هيلبسه ده ولا ايه وتضحك عليه بشده وتذهب في النوم هي الاخري .
اما عند احمد يجلس مع صديقه المفضل .
عادل : يا احمد كفايه كده بقي زمان مامتك قلقانه عليك .
احمد : عارف يا عادل الكلام ده وتقلت عليك يا صاحبي .
عادل : متقولش كده انت منورني والله يا صاحبي .
احمد : عارف يا عادل انا حاسس بايه .
عادل : بأيه يا صاحبي .
احمد : حاسس بفراغ جامد اوي هو انا بعمل ايه في حياتي حاسس اني ولا حاجه .
( الفراغ يا تري امتي بنحس ان حياتنا فاضيه ومالهاش ولا اي معني ولا اي طعم ايه بالظبط اللي بيفرق في حياتنا بيديها شكل اي شكل مهما كان تفتكروا ممكن نعيش كتير في مرحله الولا حاجه دي ولا احنا محتاجين حاجه اي حاجه تخلينا حاسين اننا عايشين )
عادل : ليه يا صاحبي بتقول كده .
احمد : مفيش يا عادل بطلع اللي جوايا وخلاص .
عادل : علي راحتك يا صاحبي .
اما احمد يفتكر عليا ويقول انا هتصل بيها انا محتاج اوي اتكلم معاها ويبدا بالاتصال بها .
عليا : بصدمه بعد ان استيقظت فجأه علي صوت موبيلها تنظر للرقم وتجده رقم احمد وتفكر ترد ولا لا .
( الناس في حياتنا نوعين نوع كل ما تقصه يرجع يظهر في حياتك تاني مهما حاولت تبعده عنك ونوع عامل زي القلب او زي ما بتقولوا الروح كده عمرنا ما بنحس بوجوده لكن هو سبب حياتنا ومن غيره نموت )
احمد : ردي بقي انا محتاج اوي اتكلم معاكي .
عليا : مش هينفع ارد خلاص مؤقتا .
احمد : استغفر الله العظيم لاحسن يكون حصلها حاجه .
عليا : انا اقفل الموبيل وانام احسن وتغلق موبيلها وتذهب في النوم.
احمد : يا ربنا خلاص ممكن تكون نايمه الصبح اكلمها ويفتح الفيس بوك كي يتحدث مع صديقته عليا ولم يجدها هي الاخري اون لاين يغلق وينام هو الاخر .
اما عند فارس لم يذق طعم النوم ويقول لازم اوقعها في حبي واذلها وتركعلي ويفتكر يقول الغبيه دي مش جابت الفستان هنا وامي وامها هيكونوا هنا الصبح قبل ما نسافر وزمانها اتخمدت طبعا انا ادخل اجيبه انا وبالفعل يدخل غرفه نادين ويجد عليا نائمه ينظر اليها ليجدها تتحدث وهي نائمه وتقول بكرهك يا فارس فيضحك علي ما تقول ويقول حتي وانت نايمه مش مهدوده يا شيخه بقي ويأخد الفستان ويذهب الي غرفته وينام .
صباح يوم جديد عليهم جميعا
تستقيظ عليا من النوم لتقول انا فين وايه اللي جابني هنا وتفتكر وتقول اها صحيح انا اتجوزت امبارح يا رب بقي اما اشوفه زمانه مخمود وماما هتيجي دلوقتي لازم اغير وتدخل تاخد شاور وتغير ملابسها .
وتذهب عليا الي غرفه فارس وتدخل لتجد فستانها علي الارض وتقول ايه اللي جاب فستاني هنا وتنظر لفارس وهو نائم بغيط مكتوم وتقوله انت يا زفت قوم كفايه نوم ماما علي وصول .
فارس : يقوم مخضوض من صوت عليا ويقول فيه ايه بتعلي صوتيك ليه يا هانم صوتك هنا مايطلعش .
عليا : انت عملت ايه دخلت اخدت الفستان وعملت فيا ايه .
فارس : انت عبيطه يا بت انا هبصلك انت انا معايا ملكات جمال يا حلوه فوقي لنفسك .
عليا : طيب يلا مش احنا هنتنيل نسافر .
فارس : طيب خلاص انا قومت روحي حضري الفطار اجري علي ما اخد شاور .
عليا : هو انا الخدامه بتاعتك عايز تطفح حضره لنفسك .
فارس : اللهم طولك يا روح ويقوم يمسكها من طرحتها بشده ويخلعها لها انت طول ما انت معايا الطرحه دي تتشال من شعرك يا هانم وانجري حضري الفطار .
عليا : بخوف حاضر وتذهب كي تحضر الفطار .
فارس : صحيح خدوهم بالصوت .
اما عند عفاف ومحمد في المنزل
عفاف : يلا يا محمد زمان عليا صحيت يلا نلحقهم قبل ما يسافروا.
محمد : خلاص انا جهزت خلي قولي لعبدالرحمن ينزل يجيب تاكسي.
عفاف : عبدالرحمن نزل يا محمد والتاكسي تحت .
محمد : علي خيره الله يلا .
ويذهبون جميعا الي عليا وفارس.
اما عند نادين في منزلها .
ناديه : يلا يا نادين فاضل ساعه واخوكي يمشي .
نادين : انا خلاص جهزت يا ماما .
محمود : انا هنزل اسخن علي ما تخلصوا .
نادين : خلاص خلصت يلا .
ويذهبون الي عليا وفارس .
اما عند عليا وفارس في الفيلا .
بعد ان تجهز عليا الفطار تقوله حاجه تانيه .
فارس : البسي بقي علشان قدامنا ساعتين ونسافر .
عليا : حاضر وتذهب الي السويت كي ترتدي ملابسها .
ويصل محمد وعفاف وعبدالرحمن وخالد الي الفيلا ويبدا عبدالرحمن برن جرس الفيلا .
فارس : يقوم يفتح الباب ليجدهم جميعا .
عبدالرحمن : السلام عليكم .
فارس : يحتضنه ويقوله وعليكم السلام اتفضلوا .
ويدخلون جميعا
محمد : ازيك يا عريس عامل ايه .
فارس : الحمدلله بخير .
عفاف : صباحيه مباركه يا عريس .
فارس : الله يبارك في حضرتك .
عفاف : امال فين عليا يا ابني .
فارس : بتغير فوق علشان السفر ثواني هطلع اقولها .
محمد : خد راحتك يا ابني .
ويذهب فارس الي غرفته ليجد عليا ترتدي ملابسها .
عليا : استغفر الله بطل تدخل كده فجأه امال الباب ده معمول ليه ما تخبط عليه .
فارس : بت انت انا حر ده بيتي انا ثم انت خلصتي لبس خلاص بس كنتي بتعملي الطرحه يعني مش قصه يعني .
عليا : خلاص عايز ايه .
فارس : اللهم طولك يا روح قولت اتكلمي عدل .
عليا : لا براحتي .
فارس : لا مش براحتك ويقرب منها بشده .
عليا : بتحدي انت عايز ايه .
فارس : عايز اعمل كده ويقبلها بشده