رواية غدر الايام
الفصل الثالث والخمسون53
بقلم نورا عطيه
وجاء اتصال لفارس .فارس بعد اذنكم يا جماعه هرد بس علي الفون .
وكان المتصل المحامي ويرد فارس .
فارس : السلام عليكم .
مرزوق المحامي : وعليكم السلام .
فارس : ها عملت ايه .
مرزوق : انا عايزك في موضوع مهم يا فارس بيه بخصوص مدام عليا مراتك .
فارس : بقلق عليا فيه حاجه وينظر لساعته ليجد ان الوقت قد تأخر ويقول هو لازم دلوقتي .
مرزوق : ايوه يا فارس بيه كلام مهم اوي يا فارس بيه وياريت اقابلك ضروري .
فارس : طيب تعالا انا في مستشفي .... اقعد في الكافتيريا استناني.
مرزوق : حاضر يا فارس بيه ساعه بالكتير واكون عندك .
فارس : تمام وانا هنتظرك ويغلق معه الفون .
وتأتي عليه عليا من بعيد لتتحدث اليه .
عليا : فارس .
فارس : ايوه يا حبيبتي .
عليا : ممكن نروح نستريح بقي .
فارس : مش هقدر اسيبها يا عليا .
عليا : علشان خاطري يا حبيبي والله هتكون كويسه بس لازم تروح تستريح علشان لو شافتك بالمنظر ده هي هتتعب اكتر .
فارس : حاضر يا حبيبتي هطمن من الدكتور ونروح بس انت كويسه ويلمس علي وجهها .
عليا : ايوه يا حبيبي .
فارس : حد عملك حاجه .
عليا : لا متخافش ويوسف مات .
فارس : نفذ من ايدي كنت هقتله .
عليا : وتودي نفسك في داهيه علشان واحد زي ده .
فارس : انت عارفه يا عليا اللي يمس شعره منك اقتله .
عليا : ربنا يخليك ليا يا رب .
فارس : ويخليكي ليا ويشفي ماما يا رب .
عليا : يا رب يلا بقي علشان نشوفهم ونروح كلنا .
فارس : طيب اصبري شويه اطمن من الدكتور ونروح .
عليا : ماشي يا حبيبي تعالا بقي كل لقمه انت مش اكلت من الصبح.
فارس : فعلا اليوم طويل وانا هلكان اوي .
عليا : طيب تعالا يا حبيبي .
فارس : يلا وكمان نادين تاكل .
عليا : طيب يلا .
نادين كانت تبكي بشده امام غرفه الرعايه .
عفاف : يا بنتي ماينفعش كده هتبقي كويسه .
نادين : يا رب يا طنط .
عليا : لازم تاكلي يا نادين .
نادين : لا ماليش نفس .
فارس : لا هتاكلي معايا انا طلبت سندوتشات .
نادين : لا مش هاكل .
فارس : وانا قولت هتاكلي علشان خاطر ماما .
نادين : حاضر .
وبعد ان يأكلون سويا .
فارس : استنوا هنا هعمل حاجه وارجعلكم نمشي علطول .
عبدالرحمن : رايح فين .
فارس : هجيب حاجه من الكافتريا ونمشي علطول .
عبدالرحمن : استنا هاجي معاك .
فارس : لا مالوش لزوم خليك معاهم .
عبدالرحمن : ماشي علي راحتك .
ويذهب فارس لكي يتقابل مع المحامي .
المحامي : انا اسف يا فارس بيه اني قلقت حضرتك والف سلامه علي والده حضرتك .
فارس : الله يسلمك لا لا مفيش قلق خير .
المحامي : انا تابعت القضيه واتقفلت بموت يوسف طبعا بس لسه احمد ده مدان فيها .
فارس : احمد مين .
المحامي : كان في الشقه واحد مع يوسف وانضرب بالرصاص اسمه احمد بس لما جبت الادله ضدده مدام عليا كانت بتدافع عنه وكأنها تعرفه .
فارس : نعم تدافع عنه وتعرفه ازاي اما هي كانت مخطوفه وهتعرفه منين .
المحامي : مش عارف بس الموضوع فيه لغز هو انت كنت متأكد ان المدام كانت مخطوفه .
فارس : بشك طيب حاجه تانيه عايز تقولها .
المحامي : لا يا فارس بيه والف سلامه علي والده حضرتك .
فارس : الله يسلمك .
المحامي : استأذن انا بعد اذنك سلام عليكم .
فارس : وعليكم السلام .
وينصرف المحامي من المستشفي .
اما فارس يعود اليهم ويقول يلا علشان كلنا هنروح .
نادين : لا انا مش هروح مش هسيبها .
فارس : بزعيق وعصبيه لا هتروحي يا نادين وهنيجي الصبح .
نادين : لا مش هروح .
فارس : انا قولت كلمه وخلاص يلا قدامي .
عليا : مالك يا فارس فيه ايه براحه عليها .
فارس وقد نظر لها بشراهه وقال مالكيش دعوه انت يا عليا .
عليا : فضلت السكووت حتي لا يحرجها مره اخري .
ويخرجون جميعا من المشفي فارس وعليا ونادين متجعين الي الفيلا وزينب وعبدالرحمن وشاهندا متجهين الي الفيلا الخاصه بهم اما محمد وعفاف متجهين الي منزلهم .
وبعد ان وصلوا جميعا .
في فيلا خليل .
عبدالرحمن : شاهندا مممكن اتكلم معاكي .
شاهندا : افندم اتفضل .
عبدالرحمن : يارا فين يا شاهندا .
شاهندا : معرفش انا يارا فين .
عبدالرحمن : الورقه اللي كانت معاكي تخص مين .
شاهندا : حاجه مش تخصك ومالكش دعوه بيها .
عبدالرحمن وقد بدا يتعصب عليها ويقول انت بتقوليلي انا الكلام ده.
شاهندا : ايوه ومالكش دعوه بقي وبعد اذنك وتنصرف من امامه .
عبدالرحمن : ماشي يا شاهندا اما نشوف اخرتها معاكي .
اما في الفيلا عند فارس .
عليا : امال فين العيال يا نادين .
نادين : مع محمود وهيبات بيهم عند اخته ويسبهم ويجيي الصبح .
عليا : طيب لو عايزه تجبيهم هنا اخلي بالي منهم هاتيهم .
فارس : لا خليهم هناك احسن .
عليا : ليه ما انا هرعايهم .
فارس : لا مالكيش دعوه انت .
نادين : انا هطلع انام وتنسحب من امامهم .
عليا : فيه ايه مالك يا فارس .
فارس : ماليش ومفيش حاجه انا هطلع انام علشان تعبان .
عليا : طيب يلا .
وبعد ان يصعدون الي الغرفه .
عليا : مش هتنام الا لما افهم مالك يا فارس .
فارس : ماليش انت عايزه ايه دلوقتي .
عليا : لا فيه حاجه انت نظراتك ليا مش مريحاني .
فارس : انا زهقت منك بقي خلاص عايزه ايه مني سبيني في حالي انا امي تعبت بسببك انت ايه انت شيطانه صح وانا هطلقك مش عايزك ولا طايقك اللي مصبرني عليكي امي غير كده مش طايق ابص في وشك سبيني في حالي .
عليا : انا مقدره اللي انت فيه ومش هسيبك يا فارس واستحاله هتخلي عنك هعتبر نفسي مش سمعت حاجه اصلا .
ويخرج من الغرفه ويدخل غرفه والدته .
اما عليا فتذهب خلفه مباشره .
فارس : عايزه ايه جايه ورايا ليه .
وتري في عيونه دموعه الصامته وتحتضنه بشده وتضمه اليها
( جايز نفتكر ان احنا مش محتاجين حد علشان نكمل بس اكيد لو خرجنا من عزلتنا هنشوف ان فيه ناس بتحبنا وان اي حاجه وهما جنبنا بيبقي ليها معني )
فارس يبعدها عنه .
عليا انت بتبعدني عنك ليه يا فارس .
فارس : سبيني لوحدي يا عليا .
عليا : ماشي علي راحتك .
وتخرج عليا وتذهب الي غرفتها .
وبعد مرور اسبوع بين شد وجذ بين شاهندا وعبدالرحمن .
في المنزل عند احمد .
عليا : انا قلقانه اوي علي احمد يا اسراء .
اسراء : ومين سمعك ده ماما بتتصل بيه وموبيله مقفول .
عليا : ربنا يسترها يا رب .
اسراء : امتي اخر مره كلمتيه .
عليا : من اسبوع كده بعدها اتصلت الموبيل مقفول .
اسراء : ربنا يسترها .
عليا : يا رب بس قولي لماما اننا كلمناه وخلاص علشان متقلقش عليه .
اسراء : ماشي تمام ويا رب نوصله ونعرف نطمن عليه .
عليا : يا رب يا حبيبتي .
وعند اسراء صديقه عليا .
كانت تجلس مع والدتها .
والدتها : يا بنتي اخرجي لجوزك مستني بره .
اسراء : لسه فاكر انه متجوز اصلا .
والدتها : معلش يا بنتي كان مسافر الله يهديكي اخرجي ليه .
اسراء : انا هخرجله بس لو سمحتي يا ماما متدخليش وتدافعي عنه.
والدتها : ماشي يا بنتي بس اخرجي الله يهديكي .
وتخرج اسراء لكي تتحدث مع زوجها .
مصطفي : واحشتيني يا اسراء .
اسراء : لسه فاكر انك متجوز.
مصطفي : والله كنت مشغول جدا في الشغل .
اسراء : مش معني انك مشغول متسألش عني .
مصطفي : والله غصب عني يا اسراء عندي ضغط شغل جامد انا اسف سامحيني يا حبيبتي .
اسراء : مبقاش ينفع يا مصطفي انت بتهملني كتير وبفضل كتير استناك وتعبت فعلا .
مصطفي : انا اسف حقك عليا يا حبيبتي .
اسراء : لا يا مصطفي ابعد عني انا وابني .
مصطفي : نعم ابنك مين ده بقي .
اسراء : اللي في بطني .
مصطفي : بفرحه يعني انت حامل .
اسراء : ايوه بس مالكش دعوه بيه .
مصطفي : يعني ايه ده ابني .
اسراء : لا بنت ومالكش دعوه بيها .
مصطفي : لا بقي ده حقي قبل ما يكون حقك .
اسراء : حق ايه يا ابو حق .
مصطفي : خلاص بقي يا حبيبتي حقك عليا انا انا اسف ومش هعملها تاني .
اسراء : مش هتهملني تاني يا مصطفي .
مصطفي : عمري ما هقدر اعملها تاني .
اسراء : بأبتسامه طيب خلاص عفا الله عما سلف .
مصطفي : يعني صافي يا لبن .
اسراء : حليب يا قشطه .
الام : ربنا يهديكم يا رب .
مصطفي : يا رب يا امي يلا يا اسراء بقي علشان نروح .
الام : قومي يا بنتي وربنا يهديكم .
اسراء : ماشي علشان خاطر ماما بس .
الام : ربنا يهدي سركم يا بنتي يا رب .
مصطفي : يا رب .
ويعودن مره اخري الي منزلهم وتدعوا لهم الام بالستر وهدوء وراحه بالهم .
وكان فارس يذهب يوميا الي امه المستشفي هو واخته وايضا عليا وعفاف ومحمد كانوا معهم وزينب ايضا .
وايضا فارس يتجنب الحديث مع عليا حتي يفهم ويتأكد من علاقتها بهذا الاحمد الذي بلغه به المحامي .
وفي المشفي عند ناديه كان الطبيب يتحدث الي فارس .
فارس : يعني الحاله بقيت كويسه يا دكتور .
الدكتور : الحمدلله بس يا استاذ فارس الحاله مش سهله هتكون محتاجه رعايه اكتر وهتاخد وقت .
فارس : تاخد اللي تاخده بس تكون معانا هقدر اخرجها من المستشفي يا دكتور .
الدكتور : ايوه بس لازم رعايه خاصه ليها وهي مش هتتكلم طبعا علشان الجلطه اثرت علي الكلام .
فارس : انا هرعيها وهبقي تحت رجليها .
الدكتور : وهبعت مع حضرتك ممرضه تلازمها .
فارس : طيب تمام .
الدكتور : وياريت يا فارس بيه تشوف دكتور علاج طبيعي يتابع معاها .
فارس : اكيد يا دكتور انا عايز الدكتور اللي هنا واللي تابع حالتها .
الدكتور : تمام ده رقمه اتفضله وكلمه .
فارس : طيب شكرا يا دكتور .
الدكتور : بعد اذنكم .
نادين : بفرحه يعني هتخرج معانا يا فارس .
فارس : ايوه يا حبيبتي .
محمود : الحمدلله ربنا يطمنا عليها يا رب .
فارس : يا رب .
وبعد ان انهي فارس اجراءات امه بالمشفي واتفق مع ممرضه كي تلازم امه .
نادين : انا كمان هكون تحت رجليها .
الدكتور : ده تقرير الحاله يا استاذ فارس بعد اذنكم والممرضه هتكون معاكم وهتراعيها كويس .
فارس : شكرا يا دكتور اتفضل طبعا .
وبعد ان ينهي فارس ومحمود كل شئ ويأخذونها الي الفيلا .
اما ناديه كانت تراهم فقط ولم تتحدث .
فارس : ينظر لها ويبتسم ويقول حمدلله علي السلامه يا ست الكل .
نادين : البيت كان وحش اوي من غيرك يا ماما .
عفاف : حمدلله علي السلامه يا ناني ان شاء الله هتكوني كويسه يا حبيبتي .
محمد : ايضا كان يتحدث .
اما عليا تنظر لها وتبكي في صمت لانها احبتها بشده وتعلقت بها بشده مثل امها .
عبدالرحمن : لو احتجت اي حاجه يا فارس ابقي كلمني .
فارس : اها فيه حاجه عايز اقولك عليها .
عبدالرحمن : خير يا فارس .
فارس : الاخ اللي بعته ليا اللي اسمه احمد .
عبدالرحمن بقلق ماله يا فارس .
فارس : ده بقاله اسبوع مش بيجي الشغل .
عبدالرحمن : طيب انا هكلمه اشوفه .
فارس : طيب تمام انا قولتلهم في الشركه مالهومش دعوه بيا علشانك .
عبدالرحمن : متشكر يا فارس اسيبك بقي علشان عندي شغل .
فارس : اتفضل طبعا .
وبعد ان ينصرف عبدالرحمن ذاهبا الي الشركه وقرر الذهاب الي المستشفي كي يطمئن علي احمد ويعرف منه سبب تواجده .
وبعد ان وصل عبدالرحمن الي المشفي .
يقف ليسئل علي احمد في الاستقبال .
الموظف : ايوه يا استاذ خرج بس لسه هياخد وقت علي ما يتحسن.
عبدالرحمن : اقدر اشوفه .
الموظف : طبعا بس فيه عسكري علي باب الاوضه .
عبدالرحمن : مش مهم لازم اشوفه .
الموظف : اتفضل هو اتنقل غرفه 106.
عبدالرحمن : شكرا ليك .
ويذهب عبدالرحمن الي الغرفه ويستأذن العسكري ويعطي له مبلغ كي يدخل يتحدث الي احمد .
اما احمد كان بالغرفه يفيق ثم يذهب مره اخري في غيبوبه ويقول اسم واحد بس عليا .
عبدالرحمن : بعد ان يدخل له ويسمعه ويقول ايه ده هو يقصد عليا مين ويقول احمد .
احمد : عليا عليا عليا .
تدخل عليهم الممرضه وتقول ايه ده حضرتك هو مش هيتكلم ولا يرد عليك .
عبدالرحمن : ما هو بيقول اسم اهو .
الممرضه : من ساعه ما خرج من الرعايه وهو بيقول اسم عليا دي ومش عارفين مين .
عبدالرحمن : طيب هو الدكتور قال ايه علي حالته .
الممرضه : هيبقي كويس بس عايزين نعرف اهله فين علشان نبلغهم .
عبدالرحمن : طيب ممكن لما يفوق ويكون كويس تبلغيني وده رقمي وليكي حلاوتك .
الممرضه : بس كده حاضر يا استاذ حاجه تانيه .
عبدالرحمن : شكرا وينصرف عبدالرحمن من المستشفي وكل تفكيره في اخته وما علاقتها بأحمد ليتحدث في سره ويقول يا رب الهمني الصبر عليها لحد ما اعرف الحقيقه .
اما في الفيلا بعد ما اطمئنوا جميعا علي حاله ناديه وذهبوا زهبت زينب وابنتها شاهندا الي الفيلا ومحمد وعفاف ذهبوا الي منزلهم ونادين قرررت الرجول الي الفيلا كي تكون بجانب امها هي وزوجها واطفالها وذهبت الي منزلها كي تحضر جميع ملابسها وملابس اطفالها .
وتبقي عليا وفارس والممرضه .
فارس : تعالي يا عليا عايزك .
عليا : طيب وتذهب خلفه.
فارس : ممكن اعرف بقي وافهم انا صابر عليكي بقالي اسبوع .
عليا : عايز تعرف ايه فهمني .
فارس : ايه علاقتك بأحمد ده .
عليا : نعم ايه اللي انت بتقوله ده .
فارس : فهميني زي ما سمعت .
عليا : مفيش حاجه بيني وبينه هو كان بيدافع عني لما كان يوسف عايز يلمسني .
فارس : بيدافع عنك علشان يلمسك هو .
عليا : نعم انت ازاي تقولي انا كده .
فارس : اامال بتدافعي عنه ليه وليه سألتي عنه في المستشفي فهميني واحده خطفها واحد وكان عايز يضرها تروح تسأل عنه وتطمن عليه وتدافع عنه ليه قوليلي فهميني .
عليا : نعم انت فهمت ايه انا بطمن عليه بحكم الانسانيه .
فارس : بس بقي مش عايز اسمع صوتك انا بقالي اسبوع ماسك نفسي وكاتم جوايا علشان امي بس انما فاض بيا خلاص ومالناش علاقه ببعض تاني احنا ننفصل افضل لان حياتنا مستحيله .
عليا : فهمني انا عملت ايه .
فارس : اوعي تنسي اني مكنتش عارف حضرتك روحتي زورتيه وانا اتأكد بنفسي كنت ماشي وراكي يا هانم .
عليا : نعم زورته انا مش زورت حد .
فارس : لا روحتيله المستشفي لما قولتي انك رايحه تطمني علي اسراء صاحبتك علشان تعبانه من 4 ايام.
فلاش باك
( فارس انا هروح عند اسراء اطمن عليها ممكن
فارس : هتتأخري .
عليا : لا .
فارس : استني هاجي اوصلك .
عليا : لا مالوش لزوم خليك جنب ماما وانا بالكتير ساعه وارجعلكم.
فارس : طيب روحي وهستناكي .
عليا : ماشي .
ولما خرجتي يا هانم مشيت وراكي اتأكد روحتي المستشفي ودخلتي سألتي عليه ودخلتي ليه الاوضه ويا عالم حصل ايه جوه )
باك
عليا : انت ازاي تكلمني كده انت م عارفني فاكر اني خونتك والله ما خونتك يا فارس انا روحت المستشفي اطمن بس عليه كأخ انما والله انا بحبك .
فارس : وانا عمري ما حبيت غيرك بس انت خونتيني كدبتي عليا خونتي ثقتي فيكي .
عليا : ارجوك يا فارس متسبنيش .
فارس : خلاص بقي كفايه اللي انا فيه امي تعبانه سبيني في حالي .
عليا : ببكاء شديد انا اسفه يا فارس ارجوك متسبنيش خليني جنبك مش هقدر ابعد عنك .
فارس : انا هخليكي بس علشان امي متحسش بحاجه خصوصا الدكتور قال متسمعش حاجه تضايقها انما ابعدي عني وتجنبيني يا عليا .
اما عليا فتبكي بشده وتقول انا اللي غلطانه انا السبب هيسبني .
فارس : بطلي عياط امي مش لازم تشوفك وانت بتعيطي .
عليا : انت عايز تسبني اتفضل مش هتعوضني عمرك .
فارس : يضمها بشده وهي تبكي .
هتسيبني؟ اتفضل سيبني من غير ما تهددني
عمرك ما تعوضني ولا من غير قلبي تعيش
ايه يعني قلبك باعني وقال جاي بتودعني
ولا قلبي هيوجعني، وآدي عيني شوف مبتبكيش
ولو اني انت عارفني أكتر و أحسن مني
الوحدة هتقتلني و هجري من تاني عليك
وتملي كل حياتنا تفاصيلها بتفضلّي
آه م اللي هيحصلّي، خليك الله يخليك
أبوس ايديك حبيبي بلاش تبعد حبيبي
بحبك يا حبيبي و أقولك تاني ايه
بلاش تبعد كفاية، هموت لو دي النهاية
وحبك م البداية معايا، كل حياتي فيك
بعدك أنا طفلة وحيدة ماشية بتبكي
في بلد فاضية بعد نهايه حرب
بعدك أنا واحدة ضعيفة، خايفة وساكتة
تايهة وضايعة افهم بعدك صعب!
يا حبيبي انت عارفني أكتر و أحسن مني
الوحدة هتقتلني و أجري من تاني عليك
وتملي كل حياتنا تفاصيلها بتفضلّي
آه م اللي هيحصلّي، خليك الله يخليك
ابوس ايدك حبيبي بلاش تبعد حبيبي بحبك يا حبيبي واقولك تاني ايه بلاش تبعد كفايه همةت لة دي النهايه وحبك من البدايه معايا كل حياتي فيه.
عليا : يعني انت هتسبني .
فارس : مبقاش ينفع يا عليا انا شكيت فيكي .
عليا : امشي يا فارس امشي خلاص بعيد عني .
ويخرج فارس من الغرفه ليدخل غرفه امه وينظر لها ويبدا بالبكاء عليها .
الممرضه وكانت تدعي نهي .
نهي : هتكون كويسه يا استاذ فارس .
فارس : يا رب .
اما عليا تمسح دموعها وتدخل الي الغرفه لتجد فارس يتحدث الي الممرضه وتشتعل نار الغيره بقلبها مره اخري .
عليا : هو فيه ايه بتتكلموا في ايه .
نهي : مفيش يا مدام انا بطمن الاستاذ .
عليا : هو انت دكتوره علشان تطمنيه .
نهي : لا بس ده شغلي يا مدام .
اما فارس يتجاهلها ويتحدث مره اخري الي نهي ويقول خلاص يا نهي انا هطمن وهي معاكي خدي بالك عليها .
نهي : بابتسامه حاضر يا استاذ فارس .
فارس : قوليلي فارس بس من غير استاذ .
عليا : وتقولك فارس بس بتاع ايه انت ناسي اني مراتك ولا ايه .
فارس : لا مش ناسي انت اللي نسيتي انك متجوزه .