رواية غدر الايام
الفصل العشرون20
بقلم نورا عطيه
فارس : عايزه تقولي ايه اخلصي .عليا : لا مش عايزه .
فارس : قولت اخلصي .
عليا : عايزه اقولك اني بكرهك اوي .
فارس : هاهاها مش اكتر مني سلام .
ويسيبها ويغادر .
عبدالرحمن : فيه ايه يا عليا .
محمد : انزل وصلهم يا ابني .
عبدالرحمن : حاضر يا بابا.
اما عليا تقول في داهيه يا اخي كتك القرف .
عفاف : بتقولي حاجه يا حبيبتي .
عليا : لا يا ماما مفيش .
عفاف : طيب تعالي يا عليا عايزاكي .
عليا : نعم يا ماما .
عفاف : كلها اقل من شهر وتمشي خالص خدي بالك يا عليا ناديه دي اختي متربيه معايا .
عليا : يعني اخد بالي من ايه يا ماما .
عفاف : خدي بالك منهم يا حبيبتي كفايه يبقي ابن ناديه واحمد .
عليا : حاضر يا امي حاجه تاني .
عفاف : وبدات تدمع عينها مش مصدقه اني هفرح بيكي يا عليا اخيرا كان نفسي اجوزك ابن ناديه من زمان بس مكنتش اعرفلهم طريق بس شوفي النصيب جمعكم وجمعني بصديقتي عمري وبنت عمتي الوحيده .
عليا : مالوش لزمه العياط ده يا ماما انا معاكي اهو ومش هسيبك اصلا .
عفاف : يا بت انت ما هتصدقي باين عليكم بتحبوا بعض حصل امتي ده يا عليا .
عليا : بكدب من اول ما شوفنا بعض .
عفاف : يا سيدي بقي ومجتيش تحكيلي ليه .
عليا : اتكسفت خوفت لاحسن مش ياخد خطوه يا ماما .
عفاف : نعم ليه يعني تتكسفي مني انا امك يا عليا انت مش بنتي وبس انت اختي وصاحبتي يا بت هو انا ليا غيرك .
عليا :تحتضنها وتقولها انا اسفه يا ماما ربنا يخليكي ليا يا رب انا كمان بحبك اوي .
عفاف : انت عارفه يا عليا انا مش هكون مرتاحه وانت بعيده عني بس هعمل ايه مسيرك لجوزيك وبيتك نفسي اوي اشوف عيالك يا عليا .
عليا : وقد تذكرت كلام فارس لها وان مده جوازهم شهر فقط ثلاثون يوما سوف تعيشهم معه وقالت بنفس غير راضيه ان شاء الله يا ماما هتكوني مبسوطه لو جوازتي من فارس تمت علي خير .
عفاف : ايوه طبعا يا بنتي ده اللي اتمنيته ليكي .
عليا : لوالدها وانت يا بابا تتمني كده .
محمد ( والدها ) : طبعا يا بنتي هو فيه احسن منه .
عليا : وانت يا خالد .
خالد : طبعا انا شايف انه مناسب ليكي خصوصا طلع قريبنا .
عليا : وانت يا عبدالرحمن .
عبدالرحمن : ايوه يا عليا انا بتمني سعادتك طبعا يا اختي .
عليا : انتم مش ملاحظين حاجه غريبه .
جميعا : خير يا عليا .
عليا : الواحد اما بيتمني حاجه لحد بيتمناله الامنيه الي تسعده اما انتم اتمنيتوا الامنيه اللي تسعدكم انتم وعلشان كده انا هحققها ليكم .
( انا وقت الكلام ده فكرت في حياتنا اللي معظمها عباره عن محاولات لاسعاد غيرنا للطالب اللي بيدخل طب علشان باباه عايزه دكتور , , البنت اللي بتتجوز بدري علشان مامتها شايفه ان ده الصح ,, اللي بتتوظف في مكان مش حباه ,, واللي بيكمل في مجال مش حابه ,, واللي بتخلف علشان الناس عايزه كده ,, وبعدين تخاوي علشان الناس برضوا ,,وتجيب الثالث والرابع علشان الناس برضوا ,, واللي ضيعت سفريه مهمه علشان الناس وكلامهم انا طبعا بذكر نفسي ,, واللي كملت في خطوبه او جوازه علشان الناس وكلامهم برضوا .
ليه حياتنا كلها محاولات لاسعادد غيرنا سواء قريب او بعيد , مش بتفرق انت حابب ايه او مش حابب ايه او نفسك في ايه , طب احنا مهما اتشقلبنا علشان نعجب الناس مش هنعجبهم ومهما اتشقلبت علشان ارضي اللي حواليا مش هرضيهم , الحياه بتتعاش مره واحده مش مرتين ,,عيش الحياه اللي نفسك فيها مش اللي غيرك نفسه فيها واتمنوا للي حواليكم السعاده وراحه البال )
محمد : ايه لزمته كل ده اهم حاجه عندنا ان انت تبقي مبسوطه وسعيده.
عليا : ما انا الحمدلله مبسوطه اوي انا هدخل انام بقي .
عبدالرحمن : عليا انت بجد مبسوطه .
عليا : طبعا تصبحوا علي خير .
عفاف : ماشي يا حبيبتي تصبحي علي خير.
عليا : وانت من اهل الجنه .
اما عليا قد ذهبت الي غرفتها ولكن لم تنم تتذكر نظرات الفرحه في اعينهم اعين امها واعين والدها واخواتها ايضا وتقول ليه يا عليا عيشتيهم علي امل فرحه بشيطان زي ده محدش يعرفه كلهم مخدوعين فيه .
محمد : هي عليا مالها يا عفاف .
عفاف : معلش يا محمد بتدلع شويه .
عبدالرحمن : ربنا يهديها يا رب .
جميعا يا رب .
اما عليا في غرفتها تحدث نفسها .
بس انا لازم اتحدي نفسي هخليه يحبني هخليه يدوق معايا طعم الحب لازم اعمل فيه كده بس انا مش لازم اقع ولا استسلم لازم اكون قويه انا هكمل خطتي ولعبتي لاخرها ومش لازم يحس اني بكرهه خالص لازم ادوقه طعم الحب بس مش هيلمس مني شعره طول ال 30 يوم دول ماشي يا فارس تحدي انا لازم اغلب الشيطان.
وتقول انا بنت قويه مش علشان بنت هيفتكرني ضعيفه وتبدا تكتب بمذكراتها الخاصه .
1- المرأة القوية لا تضيع وقتها في الشفقة أو الحزن على نفسها. فالشفقة على الذات تعدّ أمراً مدمّراً وتخلق شعوراً سلبياً. لذلك، يجب العمل على استبدال الشفقة على الذات بالامتنان.
2- المرأة القوية تلاحق أهدافها وتعمل جاهده على تحقيقها.
3- المرأة القوية لا تخشى التغيير. صحيح أن أي قرار بالتغيير يمكن أن يكون مخيفاً، إلا أن الخوف يمنع من التقدم.
4- المرأة القوية لا تركز على الأمور التي لا يمكنها السيطرة عليها. فمحاولة السيطرة على كلّ شيء هي بمثابة استسلام للقلق. على العكس، ركزي على ما يمكنك فعله.
5- المرأة القوية لا تفكر في إرضاء الجميع. يمكنك أن تكوني أكثر قوة وذكاء إذا توقفت عن الحكم على نفسك من خلال ما يقوله الآخرون عنكِ.
6- لا تضيّع وقتها في التفكير بالماضي. هذا لن يحل شيئاً وقد يؤدي إلى الكآبة. بدلاً من ذلك، استمتع بالحاضر وخطط للمستقبل.
7- لا تكرّر أخطاءها. تحمّل مسؤوليّة أي خطأ وضع خطة لعدم الوقوع فيه مجدداً في المستقبل.
8- لا تستاء من نجاح الآخرين. حتى إذا غدوتِ شخصاً ناجحاً، لن تكوني سعيدة أبداً إذا ركزت فقط على نجاح الآخرين.
9- المرأة القوية لا تستسلم بعد الفشل. عادة لا يتحقق النجاح على الفور. وكثيراً ما يعرقلك الفشل الذي عليك أن تتخطيه وتعيدي التوازن إلى حياتك.
10- لا تخشى قضاء الوقت وحدها. الوحدة قد تجعلك تركزين أكثر على النجاح من خلال زيادة الإنتاجية، حتى أنك تكونين أكثر حماسة وابداعاً.
11- لا تشعر بأن الآخرين يدينون لها بأي شيء. يجب أن تركزي فقط على جهودك وتتقبلي النقد وتعترفي بعيوبك.
12- المرأة القوية لا تتوقع نتائج فورية. اعملي من أجل أهدافك البعيدة المدى ولا تنسي قياس نجاحاتك، وانظري إلى الصورة الأوسع.
وتغلق الكراسه وتقول انا همشي علي الخطوات دي ولازم اكون قويه قدام فارس بالذات مش لازم ابان ضعيفه قدامه .
وتقول يااااااه انا مش كلمت احمد يارب يكون فتح موبيله اعرف اطمن
عليه .
عقلها : وفارس دي كده تعتبر خيانه ليه.
شيطانها : خيانه ايه انت هتكلميه بس انت هتروحيله ولا ايه .
عقلها : لا لا برضوا خيانه .
( مفيش شك ان الخيانه من اوطي واحقر واقذر الافعال البشريه من يوم ما ربنا خلق ادم مش بس علشان الخيانه فعل واطي وحقير علشان الخيانه مرتبطه دايما بالشخص التاني بالالم وبالندم وبالاهانه لشخصه محظوظين اوي يا جماعه اللي مجربوش احساس الخيانه ده اصل الخيانه دي حاجه بتكسرك من جوه بتفضل موجوده جواك مهما عملت تفتكر انك نسيت وتمشي في حياتك وتعيش وفجأه فيه حاجه تحصل وتفكرك بموقف ما قترجع تاني تتوجع طبعا لما نقول خيانه اول حاجه بتيجي في دماغنا هي الخيانه الزوجيه ومفيش شك ان هي واحده من اصعب واقصي من ان حد عشره عمرك وشريك حياتك يخون الوعد اللي وعدهولك ويخون العشره واحيانا يخون البيت لكن مين قال ان دي بس الخيانه الخيانه لما تكدب علي اقرب الناس ليك وتوريهم صوره غير حقيقتك تضحك عليهم بيها بكل بساطه وهما واثقين فيك الخيانه انك متفكرش انت بتجرح الناس دي ازاي دي اسمها خيانه الخيانه لما تنسي حد غالي عليك لمجرد انه مش قدامك الخيانه لما تنسي عشره الايام والسنين وكل الذكريات اللي جمعتكم الخيانه لما متقدرش حب ربنا ادهولك وتتقي ربنا فيه الخيانه مش بس بين اثنين متجوزين ولا حتي بيحبوا بعض الخيانه ممكن تكون خيانه اهل صحاب جيران هي اسوء حاجه ممكن تحصل لاي علاقه في الدنيا الخيانه مش انك تخون شخص مع شخص تاني بس الخيانه انك متبقاش فاهم هو يستاهل ايه منك ربنا يكفيني ويكفيكم جميعا شر الخيانه والخاينين )
عليا : لا انا مش خاينه ومش هكلمه .