رواية غدر الايام
الفصل السادس والاربعون46
بقلم نورا عطيه
الدكتور : المدام اتعرضت لانفعال وضغط شديد الظاهر كده هو ضغطها عالي اوي ده نتيجه انفعال لو سمحتم ابعدوا عنها اي انفعال.ناديه : يعني مش حامل يا دكتور .
فارس : نعم حامل ازاي احنا لسه متجوزين امبارح ,
ناديه : نعم ايه اللي بتقوله ده .
فارس : ينتبه لما قاله ويقول لا مش قصدي يا امي اقصد لسه من شهر يعني هتلحق تكون حامل .
الدكتور : ايوه يا استاذ بس علشان تتأكده لازم تعمل تحليل حمل .
ناديه : ان شاء الله يا دكتور .
الدكتور : العلاج ده تاخده بانتظام وياريت مفيش انفعال ليها .
فارس : حاضر يا دكتور .
الدكتور : استأذن انا والف سلامه عليها .
ناديه : وصل الدكتور يا فارس .
فارس : حاضر يا امي ويذهب مع الدكتور .
الدكتور : استاذ فارس ممكن اتكلم معاك شويه .
فارس : طبعا يا دكتور .
الدكتور : فارس بيه مرات حضرتك متعرضه لضغط شديد اوي وغلط عليها في سنها ده خصوصا ان سنها صغير .
فارس : والحل يا دكتور .
الدكتور : ياريت تغير جو وتبعد عن اي انفعال خصوصا ان ممكن يكون فيه حمل بس مش هتبان غير بعد التحليل .
فارس : ان شاء الله يا دكتور .
الدكتور : وياريت تكون هادي معاها وحنين عليها .
فارس : حاضر يا دكتور .
الدكتور : بعد اذنك سلام عليكم .
فارس : وعليكم السلام .
ويعود فارس الي الفيلا مره اخري .
ناديه : فارس تعالا عايزاك .
فارس : نعم يا امي .
ناديه : تعالا اوضتي مش هنتكلم قدامها خليها مرتاحه .
فارس : حاضر يا امي .
ويذهب خلفها الي غرفتها .
ناديه : اقعد يا استاذ يا كبير .
فارس : نعم يا امي فيه ايه .
ناديه : فيه ايه يا فارس حصل ايه لعليا علشان يغمي عليها كده عملتلها ايه .
فارس : مش عملت حاجه يا امي .
ناديه : لا عملت اتكلم فيه ايه دي الامانه اللي وصيتك عليها .
فارس : مفيش يا ماما هو علشان قررت الانفصال وهي رفضيت .
ناديه : بصدمه نعم انفصال ليه تاخد بنت الناس لحم وترميها عضم انت ابني انت دي تربيتي ليك يا فارس يارتني ما عشت وشوفت اليوم ده انت تعمل كده عايز تطلقها ليه قولي السبب .
فارس : مش مستريح يا امي .
ناديه : بعصبيه يعني ايه مش مستريح .
فارس : زي ما قولتلك يا امي .
ناديه : امشي من وشي يا فارس يارتني ما خلفتك انت ترضي محمود يعمل مع اختك كده امشي من وشي اطلع بره .
فارس : يا امي افهميني .
ناديه : مش عايزه افهم منك حاجه اطلع بره .
فارس : بس يا امي .
ناديه : مفيش بس وخليك جنب الغبانه دي لحد ما تقوم من اللي هي فيه يا استاذ وده امر مني بكده والله يا فارس لو حصلها حاجه ما هيحصلك طيب .
فارس : حاضر يا امي .
ناديه : ومفيش طلاق يا فارس بقي افرض طلعت حامل هتربي ابنك او بنتك بعيد عننا .
فارس : انا مش هعيش معاها يا امي .
ناديه : يبقي تمشي انت وخليها هي معايا انما هي مش هتبعد عني خد بالك دي زيها زي نادين .
فارس : حاضر يا امي اللي تشوفيه صح هعمله .
ناديه : اتفضل اطلع خليك جنبها لحد ما تقوم وتبقي كويسه بعد كده روح مطرح ما انت عايز .
فارس : حاضر يا امي .
ويدخل لها الغرفه كي يطمئن عليها ويجلس بجانبها وينظر لها ويقول ليه يا عليا ليه وصلتيني لحد ليه ليه بتعملي فينا كده ليه.
اما عند عبدالرحمن في الشركه يجلس وامامه الموظفين ويتحدث معهم علي نظام الشغل ويدخل يوسف عليه .
عبدالرحمن : انت ايه اللي جابك هنا وبأي حق تكون هنا .
يوسف : انا حر براحتي .
عبدالرحمن : بعصبيه لا مش حر ويتصل بالامن كي يأخذوه بره .
يوسف : انت اتجننت بتطردني مش عارف انا مين وابن مين .
عبدالرحمن : لا عارف كويس اتفضل من غير مطرود .
يوسف : هتندم يا عبدالرحمن علي طردك ليا ده .
عبدالرحمن : انا عايز اندم اتفضل ويحدث مع الامن ويقول الاخ ده لو جه هنا تاني ميدخلش لو سمحتم .
الامن : حاضر يا بشمهندس عبدالرحمن اتفضل يا بشمهندس يوسف .
يوسف : والله لهندمك يا عبدالرحمن علي اللي بتعمله ده انا اصلا خارج .
ويخرج يوسف اما عبدالرحمن يشتاط غيظا لما فعله في زوجته ويقول انا هعرف اوريك لو لمست شعره منها تاني .
وفي البنسيون عند احمد يجلس وحيدا يفكر فيما يحدث له وفي خيانه عليا له ويقول ليه تعمل فيا كده ليه انا حافظت عليها ليه انا هوريكي يا عليا ومش هسيبك انت بتاعتي وبس ويفكر في الانتقام منها .
اما عند عليا بعد ان فاقت تجد فارس بجوارها .
عليا : لو سمحت اطلع بره مش عايزه اشوفك .
فارس : انا خلاص هسيب البيت يا عليا انت هتفضلي موجوده .
عليا : يعني ايه .
فارس : يعني انا هسيب البيت .
عليا : لا مالوش لزوم هسيبه انا .
فارس : لا خليكي انت يا هانم انا اللي همشي .
عليا : تمسكه من يديه وتقوله متمشيش يا فارس خليك جنبي انا محتاجلك اوي يا فارس ارجوك متسبنيش علي الاقل دلوقتي وتبكي بشده .
فارس : طيب اسكتي بطلي عياط انا جنبك اهو بس بطلي عياط .
( ساعات كتير اللي حصلك في الماضي بيخليك مش عارف تعيش النهارده وبتبقي قلقان ومش قادر تشوف اي امل واضح في بكرا )
عليا : خدني في حضنك يا فارس انا خايفه اوي .
فارس : يحتضنها ويقولها طيب اهدي طيب.
عليا : هتسبني يا فارس .
فارس : مبقاش ينفع يا عليا .
عليا : تبكي بشده .
فارس : طيب ممكن تبطلي عياط علشان نتكلم وبعدين الدكتور قال مش عايزين زعل خالص .
عليا : تمسح دموعها وتقوله خلاص يا فارس انت حر وبراحتك انا مش عايزه اعيش مع واحد مش عايزني حتي لو بحبه انا مش هتستسلم لخوفي من بكرا وهتفائل انه خير انا لازم اتفائل وبعدين يعني انا خايفه من ايه ما كده كده مش هشوف غير اللي ربنا كاتبه ليا .
فارس : ينظر لها بأستغراب لانها تحولت من انسانه ضعيفه في ثانيه الي انسانه اقوي ويقول نعم هو انت مين .
( بستغرب جدا من الستات ممكن مودهم يتحول في ثواني ممكن تكون اقوي ست في لحظه وفي نفس الوقت ممكن تكون اضعف ست سبحان الله فيه ستات كتيره كده ربنا خلقنا كده اقل حاجه بتفرحنا في ثواني وتقلب كيانا في ثواني حتي لو كانت الحاجه دي بتحبها اوي الست ممكن في ثواني تبقي حبيبتك الست محتاجه الكلمه الحلوه مش محتاجه اكتر من كده ممكن كلمه واحده حلوه تغير جواها تشوفها بنظره تانيه نظره حب نظره حنان طبعا الكلام ده لا ينطبق علي الستات كلها لان فيه ستات كتير بتكون دفنت وقتلت الحنان والحب جواها طبعا من قصه حب فاشله او زواج فاشل علي حسب اختيارها هي بس الست ست اقل كلمه حلوه بتفرحها وبتزعلها في نفس الوقت سبحان الله هما اصلا مش فامين نفسهم الستات كل بنت محتاجه واحد يفهمها وهي مش عارفه ولا فاهمه هي عايزه ايه علي فكره الكلام ده عليا انا كمان انا عايزه واحد يفهمني ومش فاهمه نفسي اصلا سبحان الله طبيعه الستات بس اوعي تتجوزي وخلاص اتجوزي واحد متحسيش بنقص معاه ابدا نقص في ايه حاجه خدي واحد يملي عنيكي وقلبك وحياتك )
عليا : قوم يا فارس من هنا وخلينا عند موقفنا انا لا غلط ولا خونتك زي ما انت فاكر وعايز تصدق صدق مش عايز انت حر .
فارس : يستغرب لها بشده وينظر لها ويقول هو فيه ايه هو انت مين ايه ده انا فين ايه الجنان ده ويسبها ويخرج من غرفته مستغربا بشده ما حدث لها ويتصل بالدكتور علي الفور خوفا وقلقا عليها .
عليا : تمسح دموعها وتحاول ان تفيق ما كانت عليه وتقول انا مش هضعف تاني قصاده انا مش هرجع ابص ورايا .
صحيح التفاؤل بيبقي شبه مستحيل في الاوقات الصعبه لكن ده مايمنعش ان احنا برضوا لازم نبذل شويه مجهود ونحاول نتفائل ومنضعفش قصاد اللي بنحبه حتي لو كان حبنا ليه اقوي ما يكون الضعف حاجه كده عامله زي الطفل الفاشل اللي معملش الواجب مثلا انك تضعف مش حل خليك قوي مهما حصلت ليك من ظروف حتي لو الناس كلها ضدك المهم تكون صح وتكون عارف وواثق من نفسك ومن قرارك في الحب .
اما فارس بعد ان يقلق عليها يتصل بالدكتور .
الدكتور : يا استاذ خد المدام تغير جو اللي حصلها ده نتيجه للانفعال ممكن تعكون مش واعيه عن اللي قالته دي حاله نفسيه يا استاذ فارس .
فارس : تمام يا دكتور متشكر جدا لحضرتك .
الدكتور : العفو ده شغلي وان شاء الله تكون بخير .
ويغلق فارس ويقرر ان يأخذ عليا ويسافرون كي تتحسن لانه يخاف عليها خوفا شديدا وبعد ان اتصل بشركه سياحه وحجز له في فندق في العين السخنه 4 ايام لها وله كي تستعيد ما هي فيه وتتحسن .
ويدخل لغرفه امه .
ناديه : افندم عايز ايه تاني يا بيه .
فارس : يا امي انا اسف بس والله غصب عني .
ناديه : خلاص الموضوع خلص عايز ايه تاني .
فارس : انا الدكتور قالي اخد عليا تغير جو 3 ايام وانا حجزت في العين السخنه .
ناديه : يعني مش هطلقها .
فارس : لما تتحسن وتكون كويسه هنتكلم .
ناديه : يعني ايه يا فارس .
فارس : مش عارف يا امي هشوف بس والله انا ما عايز ازعلك انا عايز رضاكي وبس .
ناديه : وانا مش هكون راضيه عنك وانا شايفاك بتظلم بنات الناس معاك يا فارس .
فارس : ومين قالك اني هظلمها يا امي .
ناديه : يعني مش هتسيبها يا فارس .
فارس : هفكر تاني يا امي .
ناديه : ربنا يهديك يا ابني اوعا تخرب بيتك بأيدك عليا بنت حلال وكويسه وبتحبك .
فارس : حاضر يا امي بس متزعليش مني بالله عليكي ويقبلها من رأسها .
ناديه : مش زعل منك يا ابني خوف عليك يا ابني والله انت حته مني يا فارس خايفه من عقاب ربنا ليك اوعا تظلم واحده يا فارس .
فارس : عمري يا امي ما هظلمها متخافيش .
ناديه : ربنا يهديك يا ابني .
فارس : يعني موافقه اخدها تغير جو .
ناديه : خدها يا ابني يمكن ربنا يصلح حالكم هناك .
فارس : ان شاء الله يا امي ويقبلها ويخرج ليدخل الغرفه لعليا ويجدها جالسه علي السرير ويقرب اليها ويقولها انت كويسه يا عليا .
عليا : ايوه الحمدلله خير .
فارس : طيب انا هجهز الشنط وهنسافر .
عليا : هنروح فين .
فارس : هنروح السخنه .
عليا : ليه .
فارس : هنغير جو انا محتاج اغير جو وانت كمان .
عليا : بس انا مش عايزه اروح معاك في حته .
فارس : ده امر ماما علشان اعصابك تهدا وعلشان مش تلاحظ حاجه .
عليا : علشان ماما بس انا هروح .
فارس : طيب قومي نجهز الشنط سوا .
عليا : لا جهزها لوحدك ماليش دعوه بشنطتك .
فارس : ماشي قومي جهزي شنطتك انت كمان .
عليا : ماشي هقوم .
وتقوم عليا من مكانها كي تجهز شنطتها وتبدا في تجهيزاها .
فارس : خدي معاكي لبس تقيل علشان الجو .
عليا : مالكش دعوه بيا .
فارس : طيب ماشي انا جهزت حاجتي هستناكي تحت سفرنا كمان شويه .
عليا : ماشي .
ويخرج فارس من الغرفه ويذهب الي غرفه امه لكي يتحدث معها .
ناديه : تعالا يا فارس خير .
فارس : ماما انا مش فاهم عليا مره واحده اتحولت .
ناديه : يعني ايه اتحولت .
فارس : يعني في لحظه كانت بتعيط وتقولي متسبنيش يا فارس متبعدش عني وبعدها مفيش ثواني قالتلي لا ابعد هو ده الطبيعي للست يا ماما .
ناديه : دي نفسيه يا فارس اعصابها تعبانه خليك جنبها واوعا تسيبها دي بتحبك يا ابني لو كانت مش بتحبك مكنتش تعبت كده لما قولتلها علي الطلاق بلاش تظلمها يا فارس .
فارس : حاضر يا امي هفكر تاني انا هسافر كمان شويه .
ناديه : لحقت تحجز ؟
فارس : ايوه كلمت الشركه تحجزلي الفندق وحجزته .
ناديه : تروحوا وترجعوا بالسلامه يا حبيبي .
فارس : الله يسلمك يا امي .
وعند عبدالرحمن بعد ما انهي شغله وذهب الي منزل والده ووالده .
عفاف : حمدلله علي السلامه يا عبدالرحمن .
عبدالرحمن : الله يسلمك يا امي انت عارفه انه غصب عني .
عفاف : عارفه يا ابني وايه الحل بعد اللي حصل ده .
عبدالرحمن : همسك انا الشركه يا امي طنط زينب صممت انا امسكها .
عفاف : ربنا يوفقك يا حبيبي .
عبدالرحمن : فيه حاجه تانيه عايز ابلغها ليكي يا امي .
عفاف : خير يا ابني .
عبدالرحمن : انا هعيش معاهم علطول .
عفاف : يعني ايه .
عبدالرحمن : يعني هتجوز شاهندا في الفيلا .
عفاف : وشقتك يا ابني .
عبدالرحمن : هتصرف يا امي اهي موجوده مش هتطير .
عفاف : ربنا يكرمك يا ابني .
عبدالرحمن : يا رب يا امي امال فين خالد .
عفاف : في الدرس .
عبدالرحمن : طيب انا هروح الفيلا يا امي بقي هرجعلهم ماينفعش اسيبهم لوحدهم .
عفاف : ماشي يا ابني وابقي عدي اطمن علي اختك .
عبدالرحمن : حاضر يا امي عايزه مني حاجه .
عفاف : عايزه سلامتك يا حبيبي .
عبدالرحمن : في رعايه الله سلام عليكم .
عفاف : وعليكم السلام .
ويذهب عبدالرحمن الي الفيلا كي يطمن علي عليا اولا .
ويقف امامها ويدخل ويرن الجرس لتفتح له ناديه .
ناديه : اتفضل يا ابني تعالا .
عبدالرحمن : السلام عليكم .
ناديه : وعليكم السلام ورحمه الله وبركاته تعالا اتفضل .
عبدالرحمن : ازيك يا طنط عامله ايه .
ناديه : الحمدلله يا ابني انت عامل ايه وعفاف عامله ايه وخالد ومحمد .
عبدالرحمن : الحمدلله كلهم بخير بيسلموا عليكي انا جاي اطمن علي فارس وعليا .
ناديه : هما فوق ثواني انادي علي فارس يا فارس يا فارس .
فارس : ايوه يا امي نازل .
ناديه : تعالا يا فارس عبدالرحمن هنا .
وينزل فارس ويسلم علي عبدالرحمن .
عبدالرحمن : ممكن اطلع اقعد مع عليا شويه .
فارس : ليه تستأذن انت تطلع علطول بدون استأذان .
عبدالرحمن : تسلم يا فارس .
ويصعد عبدالرحمن الي غرفه عليا ويدخل ويقول السلام عليكم .
وبمجرد ان تراه عليا ترتمي في حضنه بشده وتبكي وتقوله عبدالرحمن واحشتني اوي .
عبدالرحمن : وانت كمان عامله ايه يا عليا مالك بتعيطي ليه يا حبيبتي .
عليا : مفيش يا عبدالرحمن بس واحشتني .
عبدالرحمن : متشوفيش وحش علي العموم مش هوحشك تاني لاني هعيش في الفيلا اللي جنبك .
عليا : بفرحه وتحتضنها وتقوله بجد هتعيشوا هنا انت وشاهندا .
عبدالرحمن : ايوه مش هسيب طنط لوحدها طبعا .
عليا : عين العقل والله .
عبدالرحمن : ايه الشنط دي انتوا مسافرين ولا ايه .
عليا : ايوه هنسافر انا وفارس .
عبدالرحمن : ربنا يوفقكم ويسعدكم قد ايه هتسافروا .
عليا : 3 ايام ونرجع علطول .
عبدالرحمن : ترحوا وترجعوا بالسلامه .
عليا : الله يسلمك يا حبيبي .
عبدالرحمن : مش عارف ليه مش مطمن حاسس كده ان فيه حاجه.
عليا : حاجه ايه يا عبدالرحمن .
عبدالرحمن : انت وفارس كويسين مع بعض .
عليا : الحمدلله يا عبدالرحمن .
عبدالرحمن : بعدم تصديق ماشي ربنا يسعدكم يا رب .
عليا : يا رب .
عبدالرحمن : عايزه مني حاجه .
عليا : عايزه سلامتك يا حبيبي سلملي علي شاهندا .
عبدالرحمن : الله يسلمك سلام عليكم .
عليا : وعليكم السلام .
وبعد ان ينصرف عبدالرحمن يصعد فارس اليها .
فارس : قولتيله حاجه .
عليا : حاجه ايه .
فارس : من اللي حصل ما بينا .
عليا : لا اطمن مش بحكي لحد حاجه ومش هحكي يا استاذ فارس علشان دي مشاكل زوجيه مفيش اي حد مهما كان يطلع عليها .
ينظر لها فارس بكل فخر ويقول طيب يا عليا البسي علشان هنروح السخنه دلوقتي .
عليا : طيب اطلع بره اغير هدومي .
فارس : انت هتستهبلي ما انا شوفت وعارف كل حاجه .
عليا : ايه كلامك ده اطلع بره لو سمحت .
فارس : مش طالع انا جوزك .
عليا : تقصد كنت جوزي .
فارس : يعني ايه كنت .
عليا : مش انت ناوي تطلقني .
فارس : لا انا لسه بفكر مش نويت .
عليا : وانا مش هستنا القرار ده منك اتفضل اطلع بره .
فارس : يشتاط غيظا منها ويقول طيب يا عليا اخلصي بقي بسرعه ويخرج من الغرفه لينزل تحت ليجد نادين اخته قد اتت مع زوجها واطفالها
نادين : تعالا يا فارس يا رخم بقي بتهرب مني .
ناديه : بس يا نادين سيبي فارس في حاله فارس مسافر .
نادين : ايه ده مسافر فين .
محمود : من ورايا يا صاحبي .
فارس : ازيك يا حبيبي ويحتضنه .
محمود : الحمدلله علي فين كده يا صاحبي رايح علي فين .
فارس : رايح السخنه .
نادين : وتنظر له من فوق لتحت وتقوله لوحدك .
ناديه : لا مع مراته يا نادين .
نادين : مع عليا .
فارس : ايوه .
محمود : ربنا يسعدك يا صاحبي .
نادين : ايه الجنان ده انت مجنون يا فارس .
ناديه : بس يا نادين مش وقته كلامك ده عليا نازله .
نادين : تفضل الصمت وتقول طيب انا هطلع اطمن علي عليا واشوفها قبل ما تسافر .
فارس : يبقي احلي برضوا .
محمود : ايوه وخدي الواد ده خليه ينام فوق احنا الظاهر هنبات هنا النهارده .
ناديه : تنوروا يا حبيبي .
محمود : بنورك يا ماما .
فارس : اها انا امشي من هنا وانت تستلم من هنا .
محمود : ده انت حبيبي يا فارس .
وبعد ان تصعد نادين الي الغرفه كي تنيم ابنها وتخبط علي الغرفه .
عليا : متدخلش يا فارس .
نادين : ايه يا عليا انا نادين .
عليا : تعالي يا نادين واحشتيني اوي وتحتضنها .
نادين : وانت كمان واحشتيني اوي عامله ايه واخبارك ايه .
عليا : الحمدلله عمر واياد عاملين ايه .
نادين : الحمدلله ايه حكايه السفر دي .
عليا : مفيش طقت في دماغ اخوكي وقالي جهزي الشنط .
نادين : بشك عليا هو فيه حاجه بينك وبين فارس فارس زعلك في حاجه .
عليا : لا طبعا مفيش حاجه احنا الحمدلله كويسين مع بعض .
نادين : علي راحتك لو حابه تتكلمي انا موجوده .
عليا : صدقيني مفيش حاجه خالص .
نادين : علي العموم يا ستي ربنا يسعدكم .
عليا : يا رب .
فارس : من تحت بصوت عالي يلا يا عليا علشان اتأخرنا .
عليا : تنزل معها نادين خلاص جهزت .
ناديه : سوق علي مهلك يا حبيبي .
محمود : تحبوا اوصلكم انا .
فارس : لا لا متتعبش نفسك .
نادين : خدوا بالكم علي نفسكم .
فارس : ماشي يا حبيبتي امال فين الشنط .
نادين : فوق اطلع هاتها انت عايزانا احنا اللي نشيلها .
فارس : بغيظ مكتوم امام اخته يصعد كي يأـي محملا الشنط ويشيل معه محمود الي السياره .
ناديه : لعليا عليا يا حبيبتي عايزاكي .
عليا : نعم يا ماما .
ناديه : تعالي نتكلم في اوضه المكتب .
نادين : اجي معاكم .
ناديه : لا خليكي يا نادين .
نادين : طيب يا ماما .
وتأخذ ناديه عليا الي غرفه المكتب كي تتحدث معها وتقولها عليا متزعليش من فارس يا حبيبتي انا عارفه انه صعب بس واحده واحده ربنا يسهلكم اموركم .
عليا : مش زعلانه يا ماما .
ناديه : ربنا يهدي سركم وترحوا وترجعوا بالسلامه يا رب .
عليا : يا رب .
فارس : يلا يا عليا .
عليا : يلا .
ويرحلون معا فارس وعليا متجهين الي طريق السخنه .
عليا : لو سمحت امشي براحه .
فارس : همشي براحه بس علي شرط .
عليا : شرط ايه .
فارس : عايز بوسه هنا .
عليا : انت اتجننت عادي امشي بسرعه واتقلب بينا .
فارس : يعني مش هتبوسيني من خدي .
عليا : لا انت بتحلم .
فارس : طيب تمام ويجري مسرعا .
عليا : يا مجنون يخربيتك انا ضغطي عالي امشي براحه هتعب منك.
فارس : لما تبوسي .
عليا : طيب بص قدامك .
فارس : البوسه .
عليا : تقرب منه وتقبله من خده ليعطي لها فارس وجهه لكي تقبله من فمه .