رواية غدر الايام
الفصل السادس والخمسون56
بقلم نورا عطيه
عليا : حاضر شكرا لحضرتك .الدكتوره : العفو .
وتنصرف عليا من الصيدليه ذاهبه الي المنزل مره اخري .
وتصل عليا الي البيت وتدخل الحمام فور وصولها لكي تتأكد من خبر حملها وتضع الاختبار لتنظر له بصدمه وتجده ايجابي وتقول انا حامل انا حامل من فارس وتخرج من التوليت فرحه بما هو قادم لها وتقول مش لازم حد يعرف مدام كده كده هو هيطلقني انا هعيش اربي ابني او بنتي منه وخلاص ومش لازم حد يكون عارف كانت تحدث نفسها وهي ذاهبه الي غرفتها .
وفي الفيلا عند فارس ونادين كانت اسماء معهم .
نادين : امال فين عليا يا فارس .
فارس : راحت مع عبدالرحمن .
اسماء : راحت فين بس .
فارس : راحت تشوف طنط عفاف وهترجع علطول .
نادين : كده من غير ما تقول .
فارس : قالتلي يا نادين .
نادين : ماشي علي راحتكم .
اسماء : انا لازم امشي بقي اتأخرت .
فارس : طيب استني انا هاجي اوصلك .
اسماء : طيب يلا يا فارس علشان متأخره .
نادين : ماشي بس خدي بالك علي نفسك والمره الجايه تجيبي العيال ماما تشوفوهم .
اسماء : طبعا ان شاء الله .
فارس : طيب يلا يا اسماء .
اسماء : يلا اشوفك علي خير يا ماما يا رب وان شاء الله هاجي المره الجايه اقعد معاكي اكتر من كده .
نادين : ان شاء الله هتوحشيني يا اسماء .
اسماء : وانت كمان يا نادين يلا سلام عليكم .
نادين : وعليكم السلام .
وتذهب اسماء ومعها فارس .
وفي الطريق كان فارس يتحدث مع اسماء .
فارس : تفتكري يا اسماء اللي حكيته ليكي ده كله ولسه المفروض مش ازعل منها .
اسماء : يا فارس اي كان الست بس عليا باين عليها بتحبك اوي صدقني انا افهم الست من نظره عنيها وباين عليها الغيره جدا مني.
فارس : طيب انت كست زيك زيها عارفه ان تصرفها ده غلط .
اسماء : ايوه غلط بس هي مش اجرمت علشان تفهمها كده .
فارس : هتدافعي عنها علشان ست زيك .
اسماء : لا مش هدافع يا فارس هقولك قريت كتاب زمان وعجبني اوي كان اسمه النساء متشابهات برغم ان قصص الستات اللي فيه كلها كانت مختلفه عن بعض بس في الاخر فعلا كل الستات شبه بعض في حاجه واحده بس كل ست بتدور علي الامان الامان في الاسره الامان مع حبيبها الامان في شغلها حتي الامان مع الفلوس كلنا واحد يا فارس .
سهل جدا تبسطنا بس برضوا سهل تجرحنا احنا ممكن نختلف في شكلنا في تربيتنا وشويه حاجات تانيه بس كلنا بندور بين السطور علي الامان اصل النساء متشابهات .
فارس : وانا عمري ما اديتها الامان .
اسماء : ايوه يا فارس الست لما تحس بالامان عمرها ما تبعد ولا تهرب منه بس انت حسستها بعدم الامان علشان كده عملت كده .
فارس : يعني الغلط عليا .
اسماء : عليك وعليها الغلط عليكم انتوا الاثنين .
فارس : يطب وقتك خلص معايا خلاص وصلتي .
اسماء : ماشي يا رخم تعالا اطلع بقي معايا تسلم علي عاصم وتشوف العيال .
فارس : لا مره تانيه ان شاء الله وهستناكي تجبيهم وتيجي .
اسماء : ماشي يا فارس ابقي سلم علي البت اللي جننتها مراتك .
فارس : هههه حاضر يلا سلام .
اسماء : سلام .
وفي المنزل عند والد ووالده عليا .
عفاف : عليا مالك .
عليا : مفيش يا ماما مصدعه بس شويه .
عفاف : فيه حاجه بينك وبين فارس .
عليا : بكدب لا يا ماما مفيش حاجه .
عفاف : بجد يا بنتي احكيلي لو فيه حاجه .
عليا : لا يا ماما زي ما عبدالرحمن قالك بالظيط .
عفاف : طيب جبتي حاجه من الصيدليه للصداع ده .
عليا : ايوه يا ماما واخدتها وهدخل انام .
عفاف : علي راحتك يا بنتي تصبحي علي خير .
عليا : وانت من اهل الجنه يا رب يا امي .
وتدخل عليا غرفتها بفرحه مؤقته بما تحمله في احشائها.
( وبالرغم من كل شئ كلنا بنحاول نلاقي حاجات نفرح بيها وتخفف عننا مهما كانت بسيطه فينا المحظوظ ولقي حاجه وفينا اللي الحظ معانده ولو مؤقتا )
ودخلت عليا غرفتها وجلست تفكر في فارس قد ايه واحشها اوي وشغلت الراديوا لتسمع .
في قلبي مكان مكانش بيوصله انسان
لإنه أمان، مكانش بيدي حد أمان
فتحته انا ليك، دخلته انت وقفلت عليك
بقى ملكك، ولا قبلك ولا بعديك
في قلبي مكان مكانش بيوصله انسان
لإنه أمان، مكانش بيدي حد أمان
فتحته انا ليك، دخلته انت وقفلت عليك
بقى ملكك، ولا قبلك ولا بعديك
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد ماجربته خلاص، مقدرش أعيش غير بيه
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد ماجربته خلاص، مقدرش أعيش غير بيه
بحس معاك حاجات مش حلوة الا معاك
بطعم هواك، جميلة وطالعة من جواك
ترد الروح، تنسي قلبي أي جروح
انا ملكك وآديني قلتها بوضوح
بحس معاك حاجات مش حلوة الا معاك
بطعم هواك، جميلة وطالعة من جواك
ترد الروح، تنسي قلبي أي جروح
انا ملكك وآديني قلتها بوضوح
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد ماجربته خلاص، مقدرش أعيش غير بيه
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد ماجربته خلاص، مقدرش أعيش غير بيه
عليا تبكي وتتحسس علي بطنها وتفكر تتصل بفارس وتقول انا هتصل بيه وهو ناوي يسبني اصلا يا رب شيل الحب ده من جوايا يا رب ازاي وبقي جواكي حته منه ازاي ايه اللي انا فيه ده هو فيه حب كده طيب هو واحشني اوي نفسي اخده في حضني ليه بيحصلي كده انا غلطانه بس كلنا بنغلط بس غلطي كبير انا مش هسأل عن احمد ده خالص خلاص انا هعيش لابني وبس وتحاول ان تنام .
( حبيب قلبي اهدهالي )
اما عند فارس بعد ان رجع مره اخري الي الفيلا .
نادين : حمدلله علي السلامه .
فارس : الله يسلمك .
نادين : تعالا عايزك بره ونسيب ماما نايمه شويه .
فارس : نعم .
نادين : تعالا بس ورايا .
فارس : خير يا نادين انا تعبان وعايز انام شويه .
نادين : عليا فين يا فارس .
فارس : بكدب قاعده عند امها علشان تعبت شويه .
نادين : بقلق الف سلامه طنط عفاف مالها .
فارس : تعبت شويه بس عليا هتيجي بكرا عادي تشوف ماما وترجع لامها .
نادين : يا حبيبتي الله يعينها يا رب .
فارس : يا رب عايزه حاجه تانيه .
نادين : لا روح استريح يا حبيبي .
فارس : ماشي .
ويدخل فارس الغرفه ويحس بأشتياق شديد لزوجته عليا ويقول يا رب هو انا لسه هستحمل مش قادر علي بعدها والنهارده لسه اول يوم ويقوم فارس يبحث عن اي ملابس لها كي يستشنق رحيقها ويذهب في النوم هو الاخر .
وفي الفيلا عند شاهندا عندما عاد عبدالرحمن .
شاهندا : كل ده تأخير يا عبدالرحمن .
عبدالرحمن : انا اسف جدا يا حبيبتي كنت بوصل عليا عند ماما .
شاهندا : بقلق ليه فيه حاجه .
عبدالرحمن : لا ماما عندها برد وقولت لعليا تروح تقعد معاها .
شاهندا : الف سلامه عليها انا لازم اروح اشوفها بكرا .
عبدالرحمن : لا متتعبيش نفسك دول شويه برد وخلاص .
شاهندا : لا تعب ولا حاجه .
عبدالرحمن : علي راحتك يا حبيبتي .
شاهندا : طيب اتعشيت .
عبدالرحمن : وانا اقدر برضوا لا لسه .
شاهندا : طيب انا هجهز العشا ونتعشا سوا .
عبدالرحمن : ماشي امال فين طنط زينب .
شاهندا : ماما نامت يا عبدالرحمن .
عبدالرحمن : ايه ده يعني هنتعشا لوحدنا .
شاهندا : ايوه .
عبدالرحمن : والشيطان ثالثا .
شاهندا : هي فيها شيطان يا شيخ انا هطلع انام انا .
عبدالرحمن : يحاوطها من خسرها ويقولها تعالي هنا راحه فين .
شاهندا : بس يا عبدالرحمن .
عبدالرحمن : هو ايه اللي بس انت مش مراتي ولا ايه .
شاهندا : طيب ممكن تسبني بقي .
عبدالرحمن : ده انا ما صدقت انك بقيتي تحت ايدي ويحتضنها بشده.
شاهندا : تستسلم لاحضانه مره اخري وتقوله يااااه قد ايه يا عبدالرحمن بحس بالامان وانا معاك .
عبدالرحمن : ايوه بقي الله علي الكلام الحلو ده .
شاهندا : انا بتكلم بجد يا عبدالرحمن الامان الحقيقي في راجل بجد وانا بحمد ربنا اني لقيت راجل بجد .
عبدالرحمن : ايه الكلام الحلو ده يا شاهندا .
شاهندا : واكتر من كده والله .
عبدالرحمن : طيب قولي يا ستي .
شاهندا : انا هروح احضر الاكل احسن .
عبدالرحمن : لا لا تعالي هنا انا هشبع منك انت مش عايز اكل انا عايز افضل كده جنبك .
شاهندا : طول العمر .
عبدالرحمن : ايوه طول العمر .
شاهندا : مش هتزهق مني .
عبدالرحمن : عمري ما هزهق منك يا شاهندا .
شاهندا : بتحبني .
عبدالرحمن : يااااااه كلمه بحبك دي قليله اوي عن اللي جوايا بس كفايه انك بألاربع زوجات يا شاهندا .
شاهندا : تقصد ايه .
عبدالرحمن : اقصد لو طلبوا مني اتجوز تاني هطلب ايديكي انت تاني ولو طلبوا ثالث هطلبك انت كمان ثالث ورابع .
شاهندا : بأبتسامه ساحره ربنا يخليك ليا .
عبدالرحمن : ويخليكي ليا يا ام يونس .
شاهندا : نعم ام يونس .
عبدالرحمن : ايوه اول نونو هيبقي اسمه يونس .
شاهندا : وافرض جت بنت .
عبدالرحمن : هتبقي احلي بنت علشان هتبقي منك انت وشبهك هتبقي خديجه وهتبقي احلي ام في العالم .
شاهندا : بنفس الابتسامه طيب انا هروح احضر الاكل .
عبدالرحمن : روحي بدل ما اتهور ونعمل الدخله الليله .
شاهندا : تجري من امامه وتقول والله مجنون .
عبدالرحمن : بيكي يا حبيبتي .
وعند يارا بعد ان غيرت نفسها للاحسن وعلمت بوفاه يوسف قررت الذهاب لاحمد المستشفي لكي تفهم منه جميع ما حدث .
وفي المستشفي كان احمد قد فاق وبدا يستعيد وعيه ويقول هاتوا عليا عايز اشوف عليا .
الممرضه : حمدلله علي السلامه يا استاذ .
احمد : الله يسلمك .
الممرضه : حضرتك انكتب ليك عمر جديد يا استاذ .
احمد : انا فين .
الممرضه : حضرتك في المستشفي يا استاذ .
احمد : انا تعبان .
الممرضه : معلش يا استاذ شويه وهتكون كويس .
يارا : من علي الباب اقدر ادخل .
الممرضه : اتفضلي يا انسه .
يارا : احمد عامل ايه دلوقتي .
احمد : الحمدلله .
الممرضه : طيب انا همر شويه مع الدكتور وارجعلك .
يارا : اتفضلي طبعا .
وبعد ان تخرج الممرضه .
يارا : احمد انت فاكرني .
احمد : ايوه .
يارا : عارف يوسف مات يا احمد .
احمد : مات ازاي .
يارا : في حتدثه بعد ما ضربك ونزل ده اللي عرفته .
احمد : عليا عامله ايه .
يارا : عليا مين تقصد شاهندا .
احمد : شاهندا مين .
يارا : مرات عبدالرحمن صاحب يوسف وتبقي صاحبتي هي كانت المقصوده .
احمد : مين دول .
يارا : واضح انك متعرفش حاجه خالص .
احمد : انا عايز اخلي عليا تسامحني .
يارا : عليا مين .
احمد : مرات فارس وحبيبتي .
يارا : تبقي اخت عبدالرحمن صح .
احمد : ايوه .
يارا : انت تعرف عبدالرحمن .
احمد : ايوه يبقي اخوه عليا .
يارا : ايه اللي وصل عليا لجوه .
احمد : يوسف اللي خلي واحد يخطفها ويجبها ليا .
يارا : حد حصله حاجه .
احمد : لا مش لمس ولا واحده منهم .
يارا : بأرتياح الحمدلله طمنتني .
احمد : انا عايز اشوف عليا .
يارا : وانا هبلغها عن طريق شاهندا .
احمد : شكرا ليكي يا يارا .
يارا : العفو انا كنت جايه اطمن عليك .
احمد : خليكي جنبي يا يارا انا ماليش حد هنا .
يارا : انا موجوده لو احتاجت اي حاجه .
احمد : ربنا يخليكي .
وفي تلك الاثناء كانت الممرضه تتحدث الي شخصا ما في الفون وكان الشخص عبدالرحمن كانت تحدثه عن حاله احمد
عبدالرحمن : تمام وحلاوتك لما اجيله .
الممرضه : حضرتك جاي امتي .
عبدالرحمن : بكرا الظهر هكون عندك .
الممرضه : تمام يا استاذ سلام .
عبدالرحمن : سلام .
وتاتي شاهندا وتقولهه كنت بتتكلم مع مين .
عبدالرحمن : دي الممرضه بتقولي احمد فاق .
شاهندا : خد بالك منه يا عبدالرحمن ده انا سمعته بيتفق علي خطف عليا.
عبدالرحمن : متخافيش انا هروح عايز افهم واعرف ليه عمل كده ده انا شغلته ليه يعمل كده في اختي .
شاهندا : الله المستعان يلا الاكل جهز .
صباح يوم جديد علي جميع ابطالنا .
فارس يستيقظ ويدخل غرفه امه كي يطمئن عليها .
ونادين هي الاخري هكذا وحضرت اليهم الممرضه في الصباح .
وعبدالرحمن يستيقظ ويفطر معهم ويذهب الي الشركه مباشره .
اما عليا تستيقظ وتفطر وتقرر الذهاب الي الفيلا كي تطمئن علي ناديه والده فارس وتري فارس ولو للحظه .
عفاف : لابسه كده وراحه فين .
عليا : هروح الفيلا يا ماما .
عفاف : نعم رايحه ليه .
عليا : هطمن علي ماما وارجع .
عفاف : مع اني حاسه ان فيه حاجه بس استني هاجي معاكي .
عليا : لا لا خليكي انا هروح واجي علطول .
عفاف : علي راحتك علشان انا فاض بيا منك .
عليا : معلش يا امي هرجع علطول .
عفاف : طيب خدي بالك من نفسك .
عليا : ماشي سلام يا امي .
عفاف : سلام يا مغلباني .
اما عليا تقول لنفسها انا لازم الاول اروح الاول اعمل تحليل واتأكد من الحمل ممكن يكون الاختبار مش حلو وتذهب الي اقرب مشفي لها وتبدا بعمل تحاليل حمل .
الدكتوره : بعد ان تأخذ منها العينه استني نص ساعه والنتيجه تطلع.
عليا : تمام حاضر .
وتنتظر عليا في المستشفي نتيجه التحاليل قبل ان تذهب الي الفيلا.
اما عبدالرحمن بعد ان ذهب الشركه خرج منها ذاهبا الي المستشفي لكي يفهم ويعرف لغز احمد وبعد ان وصل عبدالرحمن الي المستشفي .
الممرضه : اهلا يا استاذ اتفضل مع ان حضرتك جاي بدري عن معادك .
عبدالرحمن : خلصت شغل بدري ممكن ادخله .
الممرضه : اتفضل طبعا .
ويدخل عبدالرحمن الغرفه لاحمد وهو يرقد علي السرير .
عبدالرحمن : ازيك يا احمد .
احمد : يدر وشه عنه .
عبدالرحمن : انا جاي افهم منك واعرف انا مش عايز اصدق الكلام اللي سمعته عليك .
احمد : انا اسف يا عبدالرحمن ارجوك سامحني وخلي عليا تسامحني انا ربنا عاقبني بما فيه الكفايه .
عبدالرحمن : فهمني حصل ايه .
احمد : انا هفهمك كل حاجه انا من اول ما شوفت عليا حسيتها قريبه مني اوي حبيتها اكتر من اي حد اكتر مما تتخيل زي ما يكون كنت بدور عليها من زمان حافظت عليها وقولت اول ما اشتغل هكلمك واتقدم ليها بس عرفت لما اشتغلت اني بشتغل عند جوزها اتوجعت اوي من جوايا حسيتها خاينه مع انها عمرها ما وعدتني بحاجه روحت وشربت واتعرفت علي يوسف ده وحكيت ليه وانا سكران كل حاجه وطلع يعرفك بعد كده قالي تعالا اقعد معايا وانا قاعد لوحدي وانا هجيلك عليا دي هخليها تركع تحت رجلك .
عبدالرحمن : كمل وبعدين .
احمد : كانت معاه واحده تقريبا قالي روحت هات شنطتك وغيب بتاع 4 ساعات كده روحت وفعلا غبت رجعت لقيته بيقولي انها عندها ظروف وكان بيقولي انه خطط يخطف عليا وخلي شيطاني يلعب بيا ووافقته واستخبيت لحد ما واحد جاب عليا وجه كان مغما عليها بعد ما حاسب الراجل انا جالي تليفون من اختي الصغيره بتقولي ماما تعبانه اوي حسيت ساعتها اني مشلول قولت لا لازم ارجع عن اللي انا فيه اي حاجه غلط هعملها هتحصل في اخواتي وفعلا رجعت وقتلت شيطاني اللي جوايا بس خرجت لقيت الكلب يوسف ده كان بيحسس علي عليا انا مش استحملت كنت عايز اخدها واهرب بس هو ضربني روحت انا ضاربه بالسكينه في جنبه.
عبدالرحمن : كمل وبعدين .
احمد : عليا قالتلي مش همشي الا وشاهندا معايا قولتلها خلاص تعالي هناخدها ونمشي وانا جاي افتح الباب يوسف قام وضربني بالمسدس اللي معاه انا فقدت الوعي خالص .
عبدالرحمن : يوسف لمس حد من البنات .
احمد : لا ولا كان هيعمل كده لاني كنت فوقت مكنتش هسمح ليه يعمل كده .
عبدالرحمن : انت غلط يا احمد وعلشان غلطك ده هتقوم بالسلامه ان شاء الله والقضيه هتتقفل وبالنسبه لتهمه الخطف هما هيتنازلوا عنها وترجع لاهلك افضل انت مالكش مكان هنا وبكده انا اكون رديت كل اللي عملته لاختي وزياده مع انك غلط .
احمد : انا عارف انا اسف والله شيطاني .
عبدالرحمن : خلاص حصل خير هيجي محضر ياخد اقوالك قول انك متعرفش حاجه خالص وبكده القضيه كلها ضد يوسف الله يرحمه.
احمد : انا متشكر جدا ليك وانا اسف علي كل حاجه انا فعلا هنسحب خالص من هنا وهسافر بس اول ما اقوم .
عبدالرحمن : ربنا يقومك بالسلامه وياريت مالكش دعوه بأختي خالص هي دلوقتي متجوزه وبتحب جوزها .
احمد : حاضر يا عبدالرحمن حاجه تانيه .
عبدالرحمن : لا لا والف سلامه عليك .
احمد : الله يسلمك
ويخرج عبدالرحمن وينصرف من المستشفي.
وعند عليا في المستشفي هي الاخري تنتظر نتيجه التحاليل .
الدكتوره : مدام عليا محمد .
عليا : افندم يا دكتوره .
الدكتوره : مبروك يا مدام حضرتك حامل .
عليا : بفرحه الله يبارك فيكي يا دكتوره يا ما انت كريم يا رب احمدك واشكر فضلك يا رب .
الدكتوره : بس ياريت تاخدي بالك علي نفسك اول 3 شهور دول .
عليا : حاضر يا دكتوره وشكرا لحضرتك سلام .
الدكتوره : العفو يا مدام سلام .
وبعد ان خرجت عليا فرحه من المستشفي قرررت الذهاب الي الفيلا فورا .
وبعد ان وصلت الي الفيلا .
نادين : حمدلله علي السلامه يا عليا .
عليا : الله يسلمك ماما عامله ايه .
نادين : الحمدلله ادخلي شوفيها علي ما اشوف الاولاد ونهي تحت بتحضر الاكل ليها .
عليا : حاضر .
وتدخل عليا الغرفه الي ناديه .
عليا : الجميل بتاعي عامل ايه واحشتيني اوي يا ماما فاكره الوعيد اللي وعدتك بيه فاكره يا ماما انا نفذته ليكي انت اول واحده تعرف بيه حتي فارس ميعرفش لسه انا لسه جايه من المستشفي انا حامل يا ماما انا حامل في النونو اللي نفسك فيه .
(شي سخيف انك تبقي شايف سبب سعادتك قدامك ومش قادر تمد ايدك وتاخده )