رواية غدر الايام
الفصل الثاني2
بقلم نورا عطيه
ﺷﺎﺏ : ﺣﺎﺳﺒﻲ ﻳﺎ ﺍﻧﺴﻪ.ﻋﻠﻴﺎ : ﺗﻨﻈﺮ ﺧﻠﻔﻬﺎ ﻋﻠﻲ ﺍﻟﺸﺎﺏ ﻭﻓﺠﺎﻩ ﺗﺼﺘﺪﻡ ﺑﻬﺎ ﺳﻴﺎﺭﻩ ﻟﺘﻘﻊ ﺗﻨﺰﻑ ﺩﻣﺎ
ويلحق بيها الشاب بسرعه فائقه ويقول تاكسي ويحاول يوقف اي تاكسي.
وفجاه ....... تقف سياره بها رجل كبير في السن ويقوله هاتها وتعالا معايا يا ابني هوديك اقرب مستشفي.
الشاب : ينقلها فورا ويقوله متشكر جدا يا استاذ بجد مش عارف اشكرك ازاي .
الراجل : لا شكر علي واجب انتم زي اولادي ربنا يحفظها يا رب . ويذهب بسيارته مسرعا الي اقرب مستشفي .
وبمجرد وصولهم للمستشفي وونقل عليا الي قسم الطوارئ ويدخل الدكتور ليفحصها .
الشاب : يا رب استرها يا رب خير.
الراجل : هي تقربلك ايه يا ابني واضح انك قلقان عليها اوي .
الشاب : هي ........ مش عارف يرد يقوله انه ميعرفهاش اصلا سكت فجاه .
ويخرج الدكتور ويقول خير يا جماعه شويه كدمات وجرح بسيط في دماغها مفيش حاجه .
الشاب : الحمدلله شكرا يا دكتور علي تعبك معانا .
الدكتور : العفو ده واجبي .
الراجل : الحمدلله انك اطمنت عليها خد بالك منها بقي وده الكارت بتاعي لو احتجت اي حاجه كلمني علي الرقم ده .
الشاب : متشكر لحضرتك انا مش عارف اشكرك ازاي جميلك ده فوق راسي من فوق .
الراجل : لا شكر علي واجب وابقي كلمني طمني .
الشاب : طبعا هكلم حضرتك في اقرب وقت .
ويذهب الرجل بعد ان اطمئن علي عليا .
نعرف الشاب بقي ( احمد 23 سنه خريج حقوق بس بيدور علي شغل ومن محافظه تانيه ونزل القاهره علشان يدور علي شغل يستقل بنفسه بعيدا عن اهله وليه اخوات بنات 2 وهما اسراء 25 سنه وعليا16 سنه )
وبعد ان تفيق عليا تقول انا فين وايه اللي جابني هنا .
الممرضه : حضرتك كانت حادثه وواحد جابك علي هنا وقدر الله ما شاء فعل .
عليا : طيب هو حصل ايه ومين اللي جابني.
الممرضه : ثواني يا انسه .
وتخرج الممرضه لتنادي علي احمد وتقوله يا استاذ الانسه فاقت وعايزه تشوف حضرتك .
احمد : حاضر ويدخل اليها.
عليا : انت مين .
احمد : اولا انا اسف انا مش اعرفك ولا انت تعرفيني انا كنت ماشي بالصدفه لحد ما شوفتك والعربيه بخبطك جبتك علي هنا بسرعه.
عليا : طيب انا مين معلش مش فاكره حاجه .
احمد : نعم ازاي مش فاكره ثواني ويذهب ليحضر الطبيب اليها.
عليا : ايه ده انا بجد مش فاكره اي حاجه طيب انا مين اسمي ايه ساكنه فين .
وياتي الطبيب بسرعه ويدخل ليتكلم مع عليا ويقولها انت متعرفيش اي حاجه عنك.
عليا : لا معرفش .
الدكتور : طيب ارتاحي انت علي ما اجي.
وتذهب عليا في نوم عميق.
احمد : هو فيه ايه يا دكتور.
الدكتور : يا استاذ الانسه باين من الاشاعه انها جت ليها فقدان مؤقت للذاكره .
احمد : يعني ايه يا دكتور.
الدكتور : انت تعرفها منين تعرف ايه عنها.
احمد : بكدب تبقي حبيبتي يا دكتور .
الدكتور : اسمها ايه .
احمد : بكدب اسمها عليا (دون ان يعرف اسمها ملحوظه احمد بيعشق الاسم ده لانه علي اسم اخته الصغيره )
الدكتور : طيب انا هكتبلها علي شويه مقويات ومنشطات للذاكره هو مؤقت وان شاء الله تفتكر كل حاجه وتكون كويسه.
احمد : تمام يا دكتور .
الدكتور : تابع مع الممرضه بقي وخليك جنبها وان شاء الله تكون كويسه.
احمد : ان شاء الله يا رب متشكر يا دكتور.
ويذهب الطبيب اما احمد ذهب الي الغرفه التي بها عليا لكي يبحث علي بطاقه او موبيل يكلم اهلها ويفتكر انه نسي شنطتها في الشارع شالها وساب الشنطه ويقول في سره يااااااه علي غبائي ازاي انسي الشنطه هعرف اهلها انا ازاي دلوقتي طيب اعمل ايه يا رب دبرني انا ماليش مكان في القاهره وهي كمان هعرف اوصل لاهلها منين طيب اعمل ايه انا دلوقتي ويفكر احمد في مكان ويقول لو خرجت من المستشفي واهلها مش اعرفهم ولا هي تعرفهم هتروح فين يا رب صبرني يا رب ويفكر احمد بفكره ويقول انا لازم اجيب شقه مؤقت لحد ما اطمن عليها هي هتقعد فين لازم اتصرف دي مهما كانت بنت وانا عندي اخوات بنات
ويقول للممرضه لو سمحتي ممكن تخلي بالك منها علي ما اجي.
الممرضه : طبعا يا استاذ بس كله بثمنه .
احمد : فاهم فاهم لما ارجع ان شاء الله هروح مشوار هنا وهاجي. علطول .
الممرضه : حاضر يا استاذ.
ويذهب احمد كي يبحث علي شقه مفروشه قريبه من المستشفي ويسئل البواب لو سمحت عندك شقه مفروشه قد اسبوعين كده.
البواب : ايوه انا عندي شقه في العماره يا باشا مفروشه بس ب 2000 جنيه في اليوم .
احمد : لا لا انا عايز شقه في حدود 500 جنيه اسبوعين بس.
البواب : اتكل علي الله مفيش الكلام ده هنا .
احمد : اي حاجه طيب انا هنا معايا اختي وتعبانه شويه واللي معايا علي القد والله.
البواب : عندي اوضه فوق سطوح بنفس السعر ده يا باشا بس سرير واحد .
احمد : ازاي يعني قولتلك معايا اختي.
البواب : يا باشا دي اختك يعني عادي.
احمد : امري لله فين تعالا وريهاني .
البواب : الفلوس الاول .
احمد : اتفضل يا سيدي يلا بقي وريني.
البواب : اتفضل معايا يا باشا ويطلع بيه نفس العماره الدور الاخير خالص ويطلع علي السلم ويدخل الاوضه .
احمد : بس دي مبهدله اوي وقولتلك اختي تعبانه يعني لازم تنظف.
البواب : 100جنيه زياده يا بيه وهتنظف دلوقتي .
احمد : وعلي ايه هات المفتاح .
البواب : اتفضل يا باشا بس زي ما قولتلك اسبوعين وبس.
احمد : ان شاء الله مش هطول عن اسبوعين ممكن بقي تسبني ارتاح.
البواب : براحتك يا باشا ويسيبه ويمشي .
اما احمد يخلع ملابسه كي لا تتسخ ويبدا بتنظيف ومسح الاوضه. وتنفيضها ويجعلها كالمرايه .
ويذهب في النوم بعد تنظيفها دون ان يشعر ويقوم علي رنه موبيله فجاه ويقول يااااااه يالهوي ده انا نسيتها خالص ويلبس ملابسه فورا وينسي امر الموبيل ويذهب بسرعه الي المستشفي.
عليا : بعد ان تفيق انا فين .
الممرضه : حضرتيك كويسه يا انسه الدكتور هيمر يشوف حضرتك فورا.
وياتي احمد ويقول للممرضه انا اسف اني اتاخرت والله غصب عني.
الممرضه : قولتلك كله بتمنه يا استاذ.
احمد : حاضر اتفضلي ويعطي ليها فلوس .
الممرضه : شكرا هي فاقت وهتيقي كويسه واحتمال تخرج دلوقتي.
احمد : الله يبشرك بالخير هي الساعه كام دلوقتي .
الممرضه : الساعه 4 يا استاذ .
احمد : متشكر جدا ويدخل علي عليا ويقولها عامله ايه دلوقتي.
عليا : الحمدلله بخير .
احمد : انت مش فاكره اي حاجه .
عليا : مش فاكره دماغي هتفرقع خالص .
احمد : خلاص خير خير انا مش هسيبك متخافيش.
ويدخل الدكتور كي يفحصها ويقول لا الحمدلله انت بقيتي كويسه.
عليا : الحمدلله يا دكتور يعني ممكن اخرج دلوقتي .
الدكتور : انت فعلا هتخرجي دلوقتي بس تاخدي بالك وانت ماشيه بعد كده والمنشطات دي هتعمل معاكي مفعول حلو وخد بالك عليها يا استاذ
احمد : بس كده حاضر يا دكتور .
الدكتور : تعالا امضي علي اقرار الخروج علشان تاخد بالك منها .
احمد : حاضر يا دكتور.
اما عند عليا في منزل والدها .
الام : يا رب استرها وتبكي بشده وتقول بنتي اتاخرت اوي.
عبدالرحمن : يا ماما اكيد المواصلات وهي بتلف تدور علي شغل الساعه 5 لسه.
الام : لا اختك مش من العاده تتاخر كده يا عبدالرحمن هي قالتلي هاجي بدري انا قلبي واكلني اوي عليها ومقبوض.
عبدالرحمن : يا ماما بابا نزل يشوفها ما موبيلها مقفول وقولتلها مليون مره تخليه في ايديها طول ما هي بره انما بنتك دماغها حجر .
الام : يا رب استرها وطمني عليها يا رب .
عبدالرحمن : خير ان شاء الله يا امي انا هنزل ادور اشوفها عند حد من اصحابها كده .
الام : انزل وابقي طمني بالله عليك.
عبدالرحمن : حاضر يا امي هكلمك.
الام : بقلق يا رب استرها يا رب قلبي مقبوض اوي.
وبعد ان ينهي احمد إجراءات الخروج .
ويدخل لعليا الغرفه ويقولها هتقدري تمشي ولا اجيب كرسي
عليا : لا طبعا هقدر بس انا هروح فين.
احمد : هتروحي معايا .
عليا : معاك فين .
احمد : عندي في البيت.
عليا : نعم .