رواية العوض الجميل
الفصل الثاني والعشرون22
بقلم مناسك موسي
ابتسمت سلمى وعملت اتصال ...ردّ امجد_الووو
سلمى_اهلييين
امجد_الناس الخلاطة
سلمى_العفوو ياخ خلاطة وين
امجد_شايف الرقم مشغول.. ول ما عرفتيني؟
سلمى_ااي صح .. كنت مشغولة شوية .. ورقمك ظهر لي بالاسم عبر النت ..
امجد_ايوااا.. انا قلت امكن الرقم غريب وكده .. ورسلت ليك مسج برضو..
سلمى_اي شفتهاا لكن بس
امجد_خالطه
سلمى_فعلا والله
امجد_يا بختو بيك
سلمى_بخت منو
كنت خالطه متابامجد_متااااب؟؟
سلمى_اااي متاب
امجد سكت مساااافه
سلمى_الووو
امجد_مستغرب فيكم .. ما شاء الله تبارك الله اليوم كلو مع بعض حتى بالليل
سلمى_اصلا .. الله لا فرقنا
امجد_ربي يحفظكم
سلمى_اللهم امييييين يارب .. ويحفظك
اها بقيت كيف من الصداع؟؟امجد_الحمدلله احسن ..
سلمى_الحمدلله ..ان شاء الله قدرت تاكل وتشرب ليك حاجه بس؟
امجد_اي اتعشينا انا وابوي وعمل لي عصير واسي رايق الحمدلله
سلمى_ايواا ..الحمدلله .. الحاج ما يكون شغلا ليك بس
امجد_شديد والله
عجبتيهو عجبسلمى_هههه معقوول ..يعجبو السمح ان شاء الله ..
امجد_قال لي البِنية دي بت حلاااال
سلمى_ههه يديهو ليك العافيه يارب
امجد_قريب ساعة نحن ماسكين سيرتك
سلمى_يا ساتر .. اوع تكون الحجة كمان معاكم ..
امجد_امي ؟
سلمى_ااي
لانو الامهات بركّزو شديدامجد سكت وما اتكلم..
سلمى_الوووو... الووو ... الخط فصل ياربي؟ الووو.. فاتح والله ... الوووو؟؟؟
امجد_معاك يا سلمى ..
سلمى_خوفتني مالك ما بترد ؟
امجد_يا سلمى انا امي متوفيه ربي يرحمها ويغفر ليها..
سلمى_يااااا الله ... معليش.. اللهم اغفر لها وارحمها يارب وادخلها فسيح جناتك ... معليش يا امجد
امجد_لا العفوو ..
سلمى "بصوت منخفض"_لا حولا ولاقوة الا بالله
امجد_الحمدلله رب العالمين .. ارادة ربنا
سلمى_ونعم بالله ...
امجد_اااااخخخ يا سلمى ... اعفي لي ياخ
سلمى_عوافي.. مالك؟؟
امجد_لا مافي حاجه
سلمى_عاوزة اسألك سؤال بس خايفه الاجابة تألمك برضو..
امجد_اسألي ساي .. اصلا الألم موجووود
سلمى_ عندك اخوات؟؟؟
امجد_اخخخخ
ابدا ابببدا ابداا يا س يا س س سلمى انا وحيدسلمى نزلت منها دمعه وما قدرت تتحكم في صوتها
سلمى_والله اسسفه انا .. معليش ما قصدي
امجد_سلمى انتي بتبكي؟؟
سلمى_لأ .. ماف شئ..
امجد_انا بعرف نبرة الصوت كوويس.. عليك الله ما تبكي ..
سلمى_اتوجعت والله.. وحسيت روحي بقيت سبب في وجعتك بي اسئلتي الغبيه
... اتفضل يا دكتور امجد عاوز تقول شنو لمن طلبت رقمي؟؟؟امجد_مااااا..تقولي كده يا سلمى
سلمى_بالجد والله
امجد_صراحه يا سلمى انا لمن طلبت رقمك لو بتتذكري قلت ليك محتاج ليك ضروري
سلمى_ايوه بتذكر ...
امجد_انا ما عارف ليه طلبتو والله بس جات كده
سلمى_ ما مشكله
امجد_سلمى
سلمى_نعم ...
امجد_عاوز اسألك سؤال ..
سلمى_قبل تسألني يا أمجد .. صراحه والله انا ما عندي علاقة بي حاجه اسمها اولاد .. وانت تاني ولد اتكلم معاه بالتلفون .. مع احترامي ليك بس بشم حاجه اسمها اولاد ... ما بحب اتعامل معاهم .. يعني حتى دفعتي في الجامعه تعاملي معاهم في الجامعه فقط ..
امجد_ يا ساتر
... انا احسن اتخارج صحسلمى_لا والله بس حركات ارقام ومكالمات دي ما عندي.. وانت لو ما زول كويس وما شاء الله عليك ما كنت اديتك رقمي
امجد_ياخ والله شكرا على ثقتك فيني.. وعمري ما حا اخون الثقة دي
سلمى_تسلم.. ولو ما كان قلت لي محتاج ليك ضروري ما كان قبلت
امجد_تسلمي والله.. سلمى ممكن سؤال؟؟؟؟
سلمى_اتفضل..
امجد_اول ولد اتكلمتي معاه تلفون منو؟؟
سلمى_سامي طبعا
امجد_وده الكنت عاوز اسألك منو.. سامي حبيب متاب صح
سلمى_شنووو
ههههههه ضحكتني واللهامجد_كيييف؟
سلمى_سامي اخوي؟؟
امجد_هو اخوك يعني؟؟؟
سلمى_اجي .. مش كان كلمتك لمن كان محمود عربيتو اتعطلت؟
امجد_سمعت كلمة سامي بس ما سمعت كلمة انو اخوك
سلمى_معقول؟؟ بس لأنو كان جات عربيه تتذكر؟؟ وامكن الصوت في اللحظه ديك ما كان واضح..
امجد_ايواا .صح صح..
سلمى_المهم يا سيدي .. سامي اخوي الكبير وبما انو اخوي فهو اخو متاب
امجد_جد؟ يعني ماف علاقة بينهم؟
سلمى_لا والله..
امجد_متأكده؟؟
سلمى_
دكتوور امجد .. شككتني في صحبتي واخوي .. انت شفت حاجه يعني؟ انا واثقه منهم الاتنين..امجد_لا بس في موقفين صراحه خلوني اقول كده
سلمى_ال هم؟؟
امجد_ مرة كان لاقيت متاب وقلت ليها اركبي قدام .. قالت لي ما حصل ركبت قدام الا مع سامي.. والتاني يوم جيت بيتهم وسامي قعد جنبها ومسكها من يدها .. فقلت امكن يكون في بينهم حاجه..
سلمى_هههههه كلام لكن .. لا والله ماف بينهم اي شئ .. سامي اخوي اصلا تعاملو كده ..
امجد_ايواا .. غايتوو الوسواس ده مشكلة.. يااا سلمى ما اطول عليك اكتر من كده والدنيا ليل .. نتلاقى مرة تانيه ان شاء الله تمام...
سلمى_خيير
واعفي لي كمان لاني ذكّرتك امجد_لا العفو الواحد كده مبسوط .. وشكراً ليك على الفرصة السعيدة دي...
سلمى_تصبح على خير
امجد_وانتي من اهل الخير
سلمى_سلام
وقفلت الخط .. وبقت تتبسم براهاا .. وتتكلم مع نفسها بسم الله يا سلمى بتتعولقي كده ليييه؟ ودقيقه يختي انتي متيين بتتكلمي مع اولاد وكمان بتضحكي..
سماهر جاتا داخله ..
سماهر_صحي .. انا كنت شاكة في انوثتك
قلت امكن سلمى اختي دي ما بت 
سلمى_وااي سمعتيني؟؟
سماهر_سمعتك والله .. وكمان مندااااحه صوتك العالي ده
لو ما شغّلت المكيف كان جبتي لينا الهواسلمى_ووواي كذااابة
يخسسي عليك يا عولاق ما كان تجي تنبهينيسماهر_نظام لمن تكوني بتتكلمي بالتلفون بتركزي معاي
سلمى_تباً يااخ
سماهر_سلمى دايراك في موضوع انا
سلمى_حاااضر.. اوصل تلفوني الشاحن واجيك ... اللهم خيير
سماهر_خيير... بس انا خايفه ياخ..
سلمى_ارفعي راسك يا بت
انتي اخت سلمى ... ما عاش البنزل راسكسماهر_احححم احمم .. طيب هو الموضوع اصلا بخصووووص