رواية العوض الجميل
الفصل الخامس والثلاثون35الاخير
بقلم مناسك موسي
تاني يوم الصباح اتصل منيب على ابو متاب واتفقو يتلاقو في مكان اول بعديها يصل البيت .. ابو متاب وهو طالع على الشغل اتلاقى مع ابو سلمى وسامي طالعين .. ركب مع ابو سلمى وسامي اتحرك براه.. في الطريق ابو متاب كلّم ابو سلمى بالحصل وابو سلمى قال ليهو عديلة تب
وربي يتمم ليهم على خير المساء ابو سلمى جا راجع واتفق مع منيب على اليوم ... وفعلاً منيب جاب اهلو وجا طلب يد متاب بصورة رسمية في وسط فرحة اهل العريس والعروس .. بعديها بيوم تمت خطوبة سلمى على امجد
والمفاجأة انو حددو يوم الزواج مع بعض في نفس اليوم منيب حدد اول وامجد قال لأبو سلمى عاوزين نفرحهم مع بعض 
واتفقو على كل التفاصيل ...
مرّت الايام وامتحانات وائل وسماهر على الابواب
وطبعا ما كانو بمشو المدرسة كتير بحُكم انهم عايدين وعندهم ايام معينة بمشوها ..في الشهور الاخيرة عملو ليهم معسكرات في المدرسة ومتاب وسلمى كانو ضاغطنهم في البيت ..
وعصاير داخله وعصاير مارقه
عدّت الامتحانات على خير وفي انتظار النتيجة
سلمى ومتاب كانو محبوسات في بيت ناس سلمى
وبدت مرحلة التجهيزات النهائية ..في بيت ناس سلمى....
سماهر_يا متاب .. شنو ياخ يعني عرسكم ده اسي ح يكون كيف من غير حفلة وهجيج
متاب_عليك الله ياا سماهر حفلة شنو وهجيج شنو ..
سماهر_ياخ على الاقل اعملو لينا في صالة...
سلمى_الصالة عشان الناس صح؟
سماهر_لا بس نظام عرس عز وكده
متاب_حا تشوفي العز بعدين
سلمى_والله يا سماهر انا في الاول كان عندي نفس الفهم لكن متاب اقنعتني واتفقت مع امجد ووافقني
سماهر_اها اقنعتك بشنو يعني؟؟
سلمى_شووفي يا سماهر .. كل شئ بالبركة بهون .. وزواج البساطه ماف اجمل منه
وبدَل الهرج والمرج ال حا يحصل في الحفلة احسن يكون بسيط ويرضي ربنا دي اهم حاجهسماهر_والله ياخ كلامك صح..
متاب_انتي عارفة يا سماهر في النهاية كل الحكاية ساعات وحا تخلص .. وبدل ضياع القروش في الفارغة احسن نستفيد منها ..يعني انا ومنيب اول ما نتزوج بعد اسبوعين حا نسافر السعودية ان شاء الله
سماهر_ما شاء الله تبارك الله
سلمى_وانا لمن متاب كلمتني طوالي كلمت امجد ووافق وانبسط شديد
واتفق مع منيب على ترتيبات السفرسماهر_ربي يسعدكم ياخي
متاب وسلمى_سماهر مالك
سماهر_انا نفسسي يكون عندي صحبة كده
حتى كل شئ يكون بينا بالنية الطيبة دي
ما شاء الله ما شاء الله ربي يحفظظظكم علاقتكم مع بعض حلوووة شديد وعشان نيتكم صافية ربنا دايماً جامعكم مع بعض من الاساس والثانوي والجامعه وحتى الشغل قريبين من بعض وخطوبتكم ورا بعض وزواجكم في يوم واحد وحا تسافرو سوا كمان وما معروف لقدام البحصل شنو .. وان شاء الله يحصل كل خير اللهم لا حسد اللهم لا حسد ربي يحفظكم وما يحرمكم من بعض بس حا تفرقو معاي انا اقول يا منووو تاني واتخنقت سماهر من البكا
سلمى حضنت سماهر من اتجاه ومتاب من الاتجاه التاني وبقو يبكو معاها
جاات ام متاب داخلة وشايلة مديده للعروسات لقتهم متحاضنين التلاته وببكو..
ام متاب_اجي اجي يا الكده... يا بنات مالكن
ام سلمى جات وراها ...
ام سلمى_مالن يا حنان ؟؟
ام متاب_بري .. سلمى .. متاب .. سماهر في شنوو؟؟
سلمى_ولا شئ يا امي بس سماهر قطّعت قلبنا بكلامها
ام سلمى_حييي يا قلبي والله حا تقطعن لي راسها
وبقت ام سلمى تبكي ...
ام متاب_يا جماعة استهدو شوية .. سماهر ما تبكي خلاص يا بت انتي عويرة حا يمشو ويجو ان شاء الله
وانتي ذاتك ان شاء الله ربي يسعدكسماهر_انا تاني اتونس مع منو
ااااا انتو ما قادرين تحسو بيورقدت في المخدة وبقت تبكي
بي جملتها دي الكل كان ببكي حتى ام متاب الجات تقويهم
وائل دق الباب ودخل .. وبقى يسلم من بعييد .. لحدي ما وصل غرفة سماهر وسلمى .. وهو بنادي وبسلم عليهم بس ماف زول برد عليهو
دخل الغرفة واتفاجئ بالناس بتبكي...
وائل_بسم الله يا جماعه .. المات منو
ام متاب_ماف حاجه يا وائل اقعد...
وائل_عان عيونكم دي ورمانة كيف ؟؟؟ في شنوو؟؟
متاب_لحظات وادع بس يا وائل
ام متاب_سماهر اتجرست .. من وداع اخواتها
وائل_لالا ياخ افرحو ليهم يا اخوانا
فترة وحا يجونا تاني..وعقبالك يا سماهروائل حاول يلطّف الجو بالضحك واكل معاهم المديده وبقى يشاغل فيهم انو هو زاتو داير يتحبس معاهم عشان طالع من جو امتحانات
والكل بقى يضحك
قبل العرس بي تلاته يوم امجد اتصل على ابو متاب وقال ليهو انا جاييكم في البيت
ابو متاب اتفاجئ من اتصال امجد بس قال خير نشوفو عاوز شنو ؟!وصل امجد بالمساء بيت ناس متاب سلّم على ابو متاب وقال ليهو انا جاييكم مستعجل لانو شباب الحلة عاملين لي حنة
ابو متاب_يا زول تشرب معانا شاي المسا
امجد_لا والله ما عندي طريقة زي ما قلت ليك يا عمي بس اعفيني ..
ابو متاب_يازول خير ..
امجد_نادي لي حمودي يا عمي
ابو متاب_حمودي؟؟؟طيب ..
ومشى نادى حمودي ..
حمودي جا جاري وسلّم على امجد..
امجد غمض ليهو عيونو وساقو العربية برة
حمودي_ما هذا؟؟ اتريد ان تخطفني يا هذا؟؟؟؟
امجد_لا يا صغيري .. الان يمكنك ان تقوم بفتح عينيك الجميليتين
حمودي_كوووبرااا
ابو متاب_عجلة؟؟ ده شنو يا امجد يا ولدي؟؟ بالغت والله
امجد_حمودي ده اخوي الصغير ياخ وانا وعدته
حمودي_شكرااا ياادكتور
امجد_انا من الليله اخوك الكبير واضح
وائل جا داخل وسمع الكلام ..
وائل_يا الله ترزقني اخو كبير يجيب لي موتر GN
امجد_ابشرر والله
دي اعتبرا هدية النجاح منتهيابو متاب_يا ولد وائل عيييب
بتبالغ ياخ .. قلنا حمودي صغير انت مع شنو ؟امجد_يا عمي انت عارف انا ما عندي اخوان واتمنيت يكون عندي اخوان عشان البي ليهم طلباتهم
والحمدلله ربي رزقني بيهم
ابو متاب_والله يا ولدي غلبني الرد ..
امجد_ولااا كلمة والله بس اسمح لي اعيش اللحظة دي
ابو متاب_الله يديك العافيه يا ولدي..
امجد_يلا يا بطل مبروووك
يلا يا وائل منتظركم انت وسامي للحنة ظابط؟؟وائل_اسي انا جيت من سامي لقيتو جاهز .. اجهز بس ونجي عليك
امجد_حلوو
يلا يا عمي ..ابو متاب_مبرووووك مقدماً يا عريس
امجد_الله يبارك فيك
وطلع منهم .. حمودي دخّل العجلة وكان اسعد طفل في اليوم داك
وائل وسامي مشو حضرو حنة امجد وتاني يوم مشو حضرو حنة منيبوجاا يوم العرس
العروسات مشو كوفير واحد
والعرسان مشو صالون واحد وكانو اسعد عرسان على وجه الارض في الكوفيير_
سلمى_متااااب
الف مبروووووك لينا عقدوووو ضربت لي سماهر متاب بقت تبكي وكل العروسات الكانو معاهم في الكوفير بكو معاهم لمن شافو منظر متاب وسلمى وهم مبسوطين
سلمى لبست زفاف محجب
ومتاب لبست محجب + نقاب ابيضالعرسان جهزو ومشو على عروساتهم
في بيت العرس ال هو كان عباره عن صالة متحركة في الشارع والرجال مفصولين عن النسوان ..
ام متاب وام سلمى كانو لابسين تياب سوا
مع انعكاس في الالوان سماهر ووائل وسامي كانو لابسين الوان مع بعض
وده كلو في وسط اهالي الجميع
لحظة وصول العرسان :
منيب نزل وشايل مصحف في يده ..ونزّل متاب الكانت مغطية تماماً.. واهداها المصحف
ودخلت متاب مكان النسوان ال هو كان بيت ناس سلمى لأنو اوسع وسط افرااح وزغاريد الاهلامجد وسلمى نزلو مع بعض وجو كمية من الناس باركو ليهم
وبعديها سلمى دخلت ورا متابوكانت لحظات سعااادة لاتوصف
واكتر انسان كان مبسوط ابو امجد بالرغم من انو كان فاقد زوجتو المرحومة بس كان فرحان لولدو
خلصت المراسم
وفي نهاية اليومالعرسان الاربعه كانو قاعدين مع بعض ومنتظرين باقي الترتيبات عشان يطلعو على الشقة
سامي وابو سلمى وابو متاب وابو امجد وابو منيب وام منيب واخواتو اتنين واخوهو واحد صغير .... جو دخلو وباركو ليهم وائل كان واقف بعيييد وعيونو بقت شرار .. حمودي كان ببكي وقاعد في النص بين متاب وبين سلمى ..
حبوبتهم جابوها باركت ليهم وملتهم دعوات
ورجعوها البيتسماهر كانت قاعده جنب متاب بالطرف وبتحاول تمسح دموعها وتكون عاديه
ام سلمى وام متاب وام منيب واخواتو
رتبو للعروسات حاجاتهم وجابو الشنط ..وودعوهم وطلعو على الشقة وكانت لحظات الوداع للعرسان والدموع ملت خدود الكل وفي نفس الوقت كانت السعادة غامراهم بعد العرس بي اسبوعين سافرو السعودية مع بعض وكانت اجمل ايامهم في اجمل بقاع الارض
مكة المكرمة
والمدينة المنورةصلوات دعوات استغفارات وتوبة
رجعو السودان بعدها .. ب
سلمى ومتاب لأول مرة يتفارقو لأنو اي واحده سكنت في مكان
بس ما انقطعو من بعض ابدا بعد فترة ظهرت نتايج سماهر ووائل..
سماهر عملت 93.8
ووائل عمل 85.1
سماهر شالوها طب اسنان الخرطوم
ووائل شالوه محاسبة الخرطوم
قبل ينزلو الجامعه وفي يوم كانو عازمين العرسان بالمساء عشاء .. بعد العشاء قعدو كلهم في الحوش وبتونسو وبتذكرو في ايام العرس
وائل مشى غرفتو وجا راجع ..
واول ما وصل وقف قصاد سماهر
وقعد ليها في الارض وطلع خاتم فضة من جيبو وقال ليها بتوافقي بي كخطيب محترم؟؟
الكل اتفاجئ عدا سامي لأنو وائل كلمو من قبل الامتحانات
سامي_انا حا ارد ليك بدلها يا وائل اختي بتخجل
انا موافقهوالكل بقى يضحك ..
وباركو ليهم والفرحة اكتملت بخطوبة بسيطه بين الاسرتين
متاب_كويس يا وائل انا اختك ما بتكلمني
سلمى_لا والعجب انا كويس كويس
وائل_والله انتو الاتنين اول ناس كنت عاوز اكلمكم بس لو بتتذكرو قدر ما احاول اقول لواحده فيكن دايرك في موضوع بتحصل حاجه .. وسماهر ما كانت عارفة والله الا ...
سامي_الا انا الكلمتها وقلت نعمل ليكم الموضوع مفاجأة
وائل_صراحة انا عملت الخطوة دي عشان ما يخطفوها مني
سلمى_شفتي يا سماهر طلع في زول مفكر فيك
متاب_وربنا عوضك بي اخوي الماف منو اتنين
سلمى ومتاب بصوت واحد
ده
العووووض الجميييييل
سماهر_خششبة
سلمى_ انتي مع شنو
والكل بقى يضحك
وكانت اجمل مفاجأة بالنسبة للكل
والكل بارك ليهم بكل حب وفرح
تمت بحمد الله