تاني يوم قامت همس من النوم مبسوطه عشان مراد فك البلوك وطول الليل تكلمه، لبست هدوم المدرسه ووصلت المدرسه،
نروح عند مراد، قرر مراد ان النهارده هيعترف بحبه ل همس
همس كانت قاعده في المدرسه تليفونها رن وهو جوه الشنطه
المستر سكت فجاه وهو بيشرح تليفون مين اللي بيرن ده ردت همس و هي خايفه: انا ي مستر..
مستر زياد بعصبيه : قالها اطلعي بره وبعد كده لما تخشي الحصه اعملي تليفونك صامت
همس: بس..ان انا
مستر زياد: قولت برا طلعت همس من الدرس وهي متعصبه من مراد عشان رن عليها وهي في الدرس همس بغضب طفولي: ماشي ي مراد اما وريتك فتحت همس تليفونها وشافت مراد بعتلها رساله بعنوان في مكان تروح تقابله فيه عرفت همس ان المكان دا
اتقابلوا فيه قبل كدا وصلت همس المكان وشافت مراد واقف مستنيها مشيت همس لحد مراد ووقفت قدامه فضلت تضرب في صدره همس بغضب طفولي كل حاجه بسببك اول مرا في حياتي اطرد من حصة و همس بصاله بغضب بصلها مراد بكل حب. وانا كل حاجه في حياتي بسببك لاول مره وقعت في الحب بجد لاول مره قلبي يميل لحد ..
اتكسفت همس من كلام مراد ماكنتش عارفه تقول اي،
مراد كان باصصلها بكل حب، مد مراد ايده لي همس عشان تمسكه، مسكت همس ايد مراد وهي مكسوفه واتكلم مراد: النهارده انتي بتاعتي وبس متقوليش ولا مدرسه ولا بابا ولا ماما
همس مكنتش مصدقه: بجد ي مراد انت هتفضل معايا
مراد: بجد يعيون مراد،،،
همس حاطه وشها في الارض من الكسوف ومشت مع مراد وهي ماسكه ايده،
مراد: نفسك تروحي فين
همس: اي مكان معاك المهم متسبنيش
بصلها مراد ومسك ايديها جامد واتكلم: مش هسيبك يعمري دلوقتي قوليلي جاي علي بالك تاكلي اي
همس: ايس كريم
مراد: من عيوني
وصل مراد وهمس مكان ياكله فيه ايس كريم، طلب مراد لي همس ايس كريم وادهولها
اخدت همس من مراد الايس كريم،
همس:: شكرا اوي مش هتجبلك واحد
مراد: لا مش عايز كٌلي انتي
بتمد همس ايديها بالايس كريم لي مراد عشان ياخده
مراد:: بالهنا كُلي انتي
وهمس قربت الايس كريم من بوقها وبتاكل منو في نفس الثانية واطي مراد راسها واخده منو من الناحيه التانيه
برقت همس عيونها مكنتش مصدقه اللي مراد عمله،
ملمس مراد علي شعرها زي الاطفال وقالها مردتش ازعلك
وبعد شويه خلصت همس الايس كريم، فضلت مع مراد يوديها من مكان لي مكان وكانت فرحانه انها معاه ومكنتش بتسيب ايده
روح مراد همس لهناء عشان هي لسه قاعده هناك عشان باباها ومامتها مسافرين
وراح مراد الشغل بتاعه
دخلت همس البيت مبسوطه وقبلت هناء
هناء: مبسوطه كدا لي
همس: اوي ي نانا شوفت مراد
هناء: حبيبتي يارب دايما مبسوطه
حضنت هناء همس وقالتلها ادخلي غيري هدومك لما احط الاكل
همس: اوكي ي نانا
دخلت همس الاوضه غيرت وبعد كدا طلعت تاكل واستاذنت تنام شويه
بليل دخلت هناء علي همس الاوضه لاقيتها بتعيط
قاعدت هناء جنبها: وقالت مالك ي حبيبتي بتعيطي لي
همس: شوفتي ي نانا للي حصل
هناء: اي ي حبيبتي للي حصل
همس بدموعه: مراد نسي عيد ميلاده
هناء: ي حبيبتي دا لسه بكره
همس: لا انهارده الساعه 12 المفروض يقولي كل سنه وانا طيبه صح
هناء: ي حبيبتي لسه بدري علي الساعه 12
همس: ي نانا انا لسه مكلماه بقوله مش فاكر حاجه بيقولي لا فاكر قولتله اي قالي عندي شغل وانت عطلتني وهقفل انا سلام .. وقفل
هناء ضحكت: ي حبيبتي متزعليش ان شاءلله يفتكر
وبعدين اي للي هيعرفو
همس: انا قولتله قبل كدا
هناء: متزعليش نفسك وان شاءلله يكون فاكر وبعدين بطلي عياط دماغك توجعك
همس بطفوليه: احاول انا فعلا دماغي وجعاني
هناء: خلاص نامي شويه والساعه 12نشوف هيفتكر ولا لا
همس: اوكي
بليل خبط باب هناء راحت تفتح وكان مراد هو الل علي الباب
هناء: مراد اتفضل يحبيبي تعالي
مراد: اومال همس فين
هناء: نايمه جوه لسه مخلصة عياط من شويه
مراد بلهفه: لي مالها
هناء: زعلانه عشان انت مش فاكر عيد ميلادها
. مراد': اومال انا هنا بعمل اي
هناء: والله ي حبيبي قولتلها المهم ادخل ليها هي في الاوضه جوه
دخل مراد اوضة همس وشافها نايمه، وطي مراد علي همس
وقرب وشه من وشها، وفضل يصحي فيها: همس همس يلا فوقي انا جيت
فتحت همس عيونها براحه ولاقيت مراد قريب منها ابتسمت همس لي مراد ورفعت ايديها حوطت رقبة مراد واتكلمت بكل رقه؛ افتكرتك مش هتيجي
مراد وهو لسه قريب منها: مقدرش اتاخر عليكي
قرب مراد من همس ودفن وشه في رقبتها: امسكي كويس في رقبتي
عملت همس زي ما مراد قالها وفي لحظه كان مراد شايل همس وطلع بيها من الاوضه
قابلت هناء عند الباب،
هناء: رايح فين بالبت كدا
مراد: خاطفها في مانع
هناء: لا طبعا بس خلي بالك منها وانت خطفها
مراد: من عيوني
طلع مراد برا الشقه ونزل همس في العربيه اللي كانت واقفة قدام البيت وركبها جنبه
مراد: عربية صاحبي هنروح بيها مشوار انا وانتي ونرجع
همس: هروح فين وبعدين ازاي اطلع كدا بالبجامه
مراد: مفيش احلي من انك تطلعي بالبجامه
بعد شويه كان مراد واصل قدام عماره كبيرة اوي
نزل همس ومراد من العربيه
همس: اي ده ي مراد احنا جايين هنا لي
مراد: هاتي بس انتي ايدك ودلوقتي تعرفي
مسك مراد ايد همس وراكبها الاسانسير وصل اخر درو علي السطح
وصلت همس السطح لاقت المكان في ورد كتير
والمكان متزين ومكتوب علي السطح بالقلوب كلمه (همس قلبي)
همس مكنتش مصدقة ان كل ده عشانها هي و بصت همس ناحيه مراد بكل حب و في لحظه كانت جوه حضنه،: شكرا اوي ي مراد انا مبسوطه اوي افتكرتك نسيت عيد ميلادي
مراد: مقدرش انا انسي نفسي ومنسكيش
بعد مراد همس عنو براحه ومسك ايديها وقربو من المكان
كان في اكل كتير وحاطط من كل انواع الاكل والحلويات
غير التورته للي كانت موجوده وعليها اسم (همس)
البارت التالت عشر
قعدت همس جنب مراد علي السطح بتاع العماره وكانت فرحانه اوي
مراد: فاضل اقل من خمس دقايق علي الساعه 12 والجو بداء يبقى فيه رياح و السماء غيمت مره واحده و غالبا هتشتي..
همس: مش مصدقه بجد انك عملت كل ده عشاني
مسك مراد ايد همس وباسها، انتي تستاهل اكتر من كده
بص مراد في الساعه بتاعته لقها 12
قرب مراد همس منه وهما قعدين جنب بعض وباسها من خدها : كل سنه وانتي طيبه ي همس قلبي
اتكسفت همس من مراد وبصت في الارض: وانت طيب
شد مراد همس عليه ولسه هيقرب الجوء شتاء
شهقت همس وبعدت بسرعه عن مراد: يالهوي ي مراد التورته
في ثانيه كانت همس قلعت جاكت البجامه وغطت بيه التورته وكانت لبسه تحتيه بادي وكانت درعتها بايبنه كلها ونص بطنها و مع المطر وجو الليل كان شكلها يجنن
انصدم مراد من اللي هي عملته
وبلع ريقه بالعافيه واتكلم : اي اللي عملتيه ده
همس: عملت اي
مراد: انت عبيطه بتقلعي جاكت البجامه لي
همس: التورته هتبوظ
مراد: بطلي هبل والبسي هدومك شد مراد من همس الجاكت عشان يلبسه ليها شدت همس الجاكت منو تاني لا انت مش واخده التورته هتبوظ وهي عجباني
مراد: همس بطلي هبل والبسي هدومك الجوه بيشتي
همس: ٠لا انا مرتاحه كدا وبعدين عايزه ادري التورته من الشتاء
مراد: انتي عبيطه عشان تدري التورته تقلعي هدومك جسم كله يبان و كمان هتتعبي
همس باتلقائيه: مفيش حاجه باينه وبعدين ي مراد انت مش غريب
انصدم مراد من ردها: كدا مفيش حاجه باينه اومال مداريه اي
في لحظه كان مراد قالع الجاكت بتاعو ولبسه ليها
همس: لا ي مراد انا مرتاحه كدا البسه انت
مراد': بس انا مش مرتاح وانتي كدا
لبست همس جاكت مراد
قام مراد من جنب همس ومد ايده ليها
مراد: تسمحلي بالرقصه دي
همس: مش بعرف وبعدين الجوه بيمطر
مراد؛: هعلمك
مسكت همس ايد مراد
قرب مراد همس منو وحاوط وسطها بايده وخلاها تحط رجليها علي رجله وفضل يرقصوا سلو تحت الشتاء
كان شكلهم جميل والشتاء نازل عليهم وفي ورد في المكان
قرب مراد من همس وسند خدها علي خده وفضلوا يرقصه سوا
و بعد لحظتهم الجميله .. بعد مراد عن همس ومسك ايد همس ومشيوا لحد اخر السطح قرب مراد من سور السطح واتكلم بصوت عالي اوي : بحبك ي همس
بصت همس علي مراد بكسوف وعملت زي مراد
همس بكسوف وصوت عالي: بحبك ي مراد، بصلها مراد بحب
في لحظه كان مراد شدها نحيته وواخد شفايفها بين شفايفه وباسها بكل حب ولهفه وشوق وشغف وهمس زي كل مره هتموت من الكسوف وماسكه هدومه جامد
و بعد شويه طللع مراد همس من حضنه بعد لحظتهم الجميله
وسند جبينه علي جبينها: كل سنه وانتي همس قلبي ومعايا
انكسفت همس اوي ومردتش
مسك مراد ايد همس يلا عشان نمشي، اتكلم بضحك: الدنيا شكلها مطولها
بصوا علي الاكل والتورته كل حاجه بايظه
همس بزعل: مراد التورته باظت
مراد: هجبلك واحده تاني
حط مراد ايده علي كتف همس وشدها لحضنه واخدها ونزوا راكبوا في العربيه من وراء ورن مراد علي هناء وطمنها عليهم وقالها ان هينام هنا لصبح عشان شكل الجو مطول
طفئ مراد انوار العربيه وقعد علي الكرسي واخد همس في حضنه
تاني يوم
قام مراد من النوم لقي همس نايمه في حضنه وماسكه فيه جامد
فضل مراد باصص علي همس قرب ايده من وش همس وفضل يملمس بايده علي وشها
صحت همس علي حركه مراد
لقيت مراد قريب منها، ابتسمت همس بخجل: صباح الخير
مراد: صباح النور
باصلها مراد بحب: انا لو كل يوم اصح علي الجمال ده كنت اتمنى كل يوم الجوه يشتي
انكسفت همس منه : انا مبسوطه اوى ي مراد
مراد: دايما ي قلب مراد يلا عشان هناء من انبارح وهي بترن عليا
اخد مراد همس وروحو وبعد كدا روحها مراد بيتها وسلم العربيه لصاحبه
راجع ابو همس ومامتها من السفر
راحو بيت هناء اخدو همس ورواحو البيت
بليل في المصنع دخل واحد علي محمد
الرجل: محمد بيه انا عملت كل للي قالت عليه
محمد: في اي معلومات
الرجل: كل حاجه في الصوره دي
عط الرجل لمحمد الصور وطلع
فتح محمد الصور ونصدم من للي شافه
بلاش باك.
قبل ما محمد يسافر خلي حد يرقب همس بنته عشان كان خايف عليها في الوقت للي هو هيسافر فيه بعد ايام رن الرجل علي محمد وقالها ان همس بنتها ماشيه مع حد طلب منو يصوره ليه
باك ..
شاف محمد صوره همس وهي حضنه مراد في الجنينه وصوره وهما مع بعض في العربيه
طلع محمد من الشركه متعصب ماكنش طايق حد
وصل محمد البيت ونده علي همس
محمد بزعيق': همس همس
نزلت همس من فوق علي صوت باباها
همس: نعم ي بابا
محمد: تعرفي مراد محمود منين
انصدمت همس من السوال اتوترت جامد ماكنتش عارفه تقولي اي: ان انا
محمد: انتي اي انطقي
همس كانت بترتعش افتكرت كلمه مراد لم قالها لو مبعتيش عني هكلم باباكي اقوله
في لحظه كان محمد ماسكها من شعرها وضربها بالقلم
ووقعت همس علي الارض من شدت القلم
فضلت همس تعيط بصوت عالي طلعت هناء من البيت علي عياط همس لقيتها واقعه علي الارض وبتعيط
هناء بغضب':: في اي
محمد بعصبيه: الزفته دي يتاخد منها التلفون وماتكلمش حد
طلعت نجلاء علي صوت محمد
لقيت همس بتعيط علي الارض
نجلاء: في اي
محمد: بنتك المحترمه بتقابل مراد للي شغل عندي في المصنع
انصدم نجلاء: كدا ي همس اسافر انا وباباك القيكي بتعرفي ناس بيئه كدا
هناء استغربت طريقه نجلاء دا حتي ما حولتش تقومها من علي الارض و كل مشكلتها انها تعرف ناس بيئه..
قربت هناء من همس وقومتها من علي الارض
محمد: التلفون يتاخد مفيش طالعه من البيت وانا حسابي من الحيوان التاني
مشي محمد وهو ناوي علي الشر لي لمراد
جريت همس علي محمد ومسكت ايده ونبي ي بابا ماتيجي يامه عشان خاطري وانا هعملك اللي انت عايز
زق محمد ايد همس وطلع وسابها بتعيط علي الارض
نجلاء: لو باباكي متصرفش مع الزفت مراد انا هتصرف بقا دول ناس تكلميهم و دخلت الاوضه وسابتها تعيط
قربت هناء من همس وطبطبت عليها واخدتها الاوضه
نروح المصنع كان محمد متعصب وحكى ل علي اللي حصل
علي ماداش اي رد فعلا
محمد: شايفك ساكت
علي: انت اي للي مزعلك ي بابا ان همس بتكلم حد من ورانا وتقابله ولا زعلان عشان الشخص دا طلع مراد
محمد: انت بتقول اي بدال ماتروح تديلها قلمين علي وشها
علي: اوكي هديها قالمين علي وشها بس برضو رد عليه زعلان عشان الشخص ده مراد طب لو حد تاني وحالته كويسه زي يوسف ابن عمو وليد كنت هتوافق
محمد: علي متعصبنيش الموضوع اساسآ مضايقني
دخلت السكرتيره علي محمد: محمد بيه مراد برا
محمد: داخليه
علي: هتعمل اي
محمد: هتشوف دلوقتي
مراد: حضرتك طلبتني
محمد: اه طلبتك بص ي مراد انا مش هتعصب عليك خالص وهكون هادي تمام
مراد حس بقلق: تمام
محمد: عايز اي من همس بنتي
اتوترت مراد مش عشان خايف لا عشان السوال مفاجأة
مراد: بحبها وعايز اتجوزها
اتعصب محمد بس حاول يهدي نفسه عشان النااس اللي في المصنع: ابعد عن همس ي مراد. همس مش شبهك
مراد: مش شبهي ازاي
محمد: شوف انت فين وهي فين
مراد ببرود: مش شايف ان في اي مسافه بينا يعني غير من هنا المصنع نص ساعه
قام محمد من علي الكرسي ومسك مراد من هدومه ابعد عن بنتي احسنلك .. قرب علي منهم وحاول يفك بينهم
مراد: مش هبعد غير لما هي تقول
محمد: هتبعد غصب عنك متنساش نفسك
مراد: مش ناسي نفسي بس انتو شايفين نفسكم مش عارف علي اي
مسك محمد في مراد وعايز يضربه بس مراد واقف عامل احترام ان هو اكبر منه وكمان ابو همس حبيبته
العمال اتلموا علي الصوت العالي بسرعه بعدهم علي عن بعض
علي: مراد روح شغلك
بص مراد علي على ببرود
علي: مراد ي ريت تمشي من هنا دلوقتي مينفعش كدا العمال اتلموا
طلع مراد من غير اي كلمه
وهو طالع قابل حمدي وابوه
محمود: في اي يبني معصب محمد بيه لي
مراد: انا معصبتش حد هو اللي خلقه ضيق
حمدي: مراد في اي اتكلم
مراد: عرف ان انا وهمس بنحب بعض
محمد: يبني انا قولتلك ابعد البت الصغيره وابوها مش هيوافق
مراد: يوه انا ماشي
طلع مراد من المصنع ورن علي همس مش بترد وبعد كدا رن علي هناء
ردت عليه: الو مراد
مراد: بقولك ي نانا هي همس فين (هناء كبيره في السن كله بيقولها ي نانا)
هناء: ابو همس عرف كل حاجه وضربها واخد منها التلفون وعماله تعيط ومفكره ان انت السبب
مراد: محصلش ممكن تديها التلفون
هناء: ثواني
دخلت هناء اوضت همس لقيتها بتعيط
هناء: همس ي حبيبتي
مراد سمع صوت عياطها وقلبه وجعه عليها
همس بدموعه: نعم ي نانا
خدي مراد عايز يكلمك
قامت همس اتعدالت بسرعه واخدت التلفون من هناء
همس بدموعه: مراد
مراد بحزن علشانها: قلب مراد ممكن تبطلي عياط عشان خاطري
همس: هو انت قولت ل بابا حاجه
مراد: مش انا ي همس انا لو قولتلك الكلام ده قبل كدا بس عمري ما اقولها كده
همس: هو عارف منين
مراد: معرفش اهم حاجه ي حبيبت قلبي ممكن تبطلي عياط وانا هتصرف
همس: حح حاضر
مراد: تمام انا هقفل دلوقتي واتصرف وهاكلمك تاني
همس: اوكي
قفل مراد مع همس
محمد في المصنع ودخل واحد صاحبه: محمد طلبتني
محمد: اقعد ي معتز
معتزه: خير في اي
محمد: انا موافق علي طلبك ان همس تجوز محمد
معتز كان فرحان مش مصدق ان هيكون فيها قربه بينه هو محمد
محمد: اي رايك النهارده قرايه الفاتحه والشبكه
معتز استغرب: النهارده مش بدري
محمد بكدب: عشان احتمال اسافر لو ماعكش فلوس انا معايا
معتز: لا انا تمام النهارده
طلع معتز من عند محمد مبسوط ومحمد عمل كدا عشان يبعد همس عن مرادالبارت الرابع عشر
روح محمد بيته ونده علي نجلاء مراته وقالها اللي حصل
نجلاء كانت هتموت من الفرحه عشان هي عارفه محمد كويس و ان معاهم فلوس وحالتهم كويس وفي المستويات اللي ف خيالها و فلوس والدنيا تمام ودا هيساعدهم في الشغل بعد كدة
دخلت نجلاء اوضة همس لقيتها لسه بتعيط
نجلاء: يلا قومي البسي النهارده قراءية فاتحتك
انصدمت همس من كلام نجلاء
همس بدموع : فاتحة مين ي ماما انا لسه مكمله, 16سنه انبارح
نجلاء: باباكي ادى الناس كلمه وهو موافق و شخص كويس احسن من الصايع اللي اسمه مراد
همس بانهيار: لا ونبي ي ماما عشان خاطري مش عايزة اتجوز عشان خاطري
شدت نجلاء همس من علي السرير: يلا انزلي لحد بليل تكون لبسه والا هتصل ب باباكي يتصرف هو معاكي
طلعت نجلاء من الاوضه ودخلت بنات تجهزء همس ونجلاء عشان الخطوبه
همس كانت جسد بلا روح
مراد حاول يكلم همس كتير علي تلفون هناء بس هناء مقدرتش ترد وتقولها عشان نجلاء هدددت ان لو حد كلم مراد وقاله هتاذي همس نفسها مش حد تاني
بليل في الخطوبه،
كانت عائله محمد معتز بس اللي موجودين
فعلا قراوء الفاتحه،
همس كانت بتعيط وبس مقدرتش تعمل حاجه لان باباها حذارها لو عملت اي حاجه او حكت لي حد حاجه ممكن يقتل مراد
عائله معتز مستغرابين دموع همس
مامت محمد العريس: مالك ي همس بتعيطي لي
سكتت همس
نجلاء: مبسوطه من الفرحه انا تايها عن همس فرحانه بتعيط زعلانه بتعيط
مامت محمد: ي حبيبتي ربنا مايجيب عياط
سهرو مع بعض كلهم ومامت همس ماكنتش راضيه تقعدها مع محمد لواحدهم عشان خايفه تحكي حاجه
بعد ما السهره خلصت روحو
علي كان مضايق من اللي ابوه عمله وحاول كتير معاه بس محمد صمم علي الخطوبه
بعد ايام وهمس مش بتبطل عياط في الاوضه
قامت همس من النوم لقيت مراد رنن عليها بعد ما استلمت التلفون عشان تكلم محمد خطيبها ردت همس علي مراد
همس بوجع : الو مين معايا
مراد: علي اساس مش عارفه مين.
همس بحزن: مراد انا انخطبت لو سمحت مترنش هنا تاني
مراد: انتي بتقولي اي امته الكلام ده حصل
همس: ياريت مترنش تاني سلام
قفلت همس مع مراد وانهارت في العياط اد اي كانت وحشه وكان نفسها تسمع صوته
مراد كان مصدوم مش مصدق اللي حصل حاسس ان العالم كلها واقف مكانه دموعه نزلت غصب عنه و انهار علي الارض
عدت الايام ووجع الاتنين كل يوم بايزيد ومحدش فيهم بيكلم التاني
في يوم كانت همس مع محمد خطيبها في فرح صاحبه و كان شكلها جميل بس خاسه اوي
بتبص علي العريس العروسه انصدمت من اللي شافته كان مراد بيسلم علي العريس
مراد بيلف وشه لقي همس علي قاصده ماكنش مصدق نفسه انها قدامه بس قرار انه يتجاهلها تمام
طول الفرح همس منزلتش عينها من علي مراد ومراد ماباصش نحيتها خالص
الفرح خلص وكل واحد روح بيته
دخلت همس الاوضه انهارات حرفيا فضلت تعيط وطلعت كل الوجع اللي في قلبها في العياط
لحد ما قرارت ترن علي مراد رنت مره والتانيه ومش بيرد ..
قرارت همس ان هي هترن تاني يوم بليل
تاني يوم اليوم عدا بصعوبة
لحد بليل مسكت همس الفون وقلبها بيدق جامد رنت وفتح مراد
همس بوجع: الو
مراد ماكنش مصدق نفسه انها بترن: الو هو انتي رنيتي قبل كدا
همس: ايوة
مراد: معلش التلفون ماكنش معايا ومعرفتش ارن عليكي
همس: مفيش مشكله
مراد بحزن: عايزه حاجه
همس وهي بتشهق من البكاء: هوووو هو انت مابصتش عليا لي كنت متجاهلني لي
مراد بحزن ووجع: وربنا مامستحمل دمعه منك عشان خاطري متعيطيش
همس ببكاء طفولي هستيري: كنت متجاهلني انا قلبي وجعني من تجاهلك لي مابصتش علي لي هو انا ماوحشتكش
مراد دموع نزلت: همس انتي متخايله اللي حصل مابقتيش لي مش من حقي ابص عليكي كنت بابين انك متفرقيش معايا
همس بدموع طفوليه وعياط هستيري: لي كنت بتبين انت وحشتني اوي ي مراد
مراد بدموع وجع: وانتي كمان وحشتيني اوي يروح مراد
محمد كان معدي من جانب اوضته همس وسمع صوت عياطها
دخل محمد الاوضه علي همس الاوضه وشافها بتعيط وبتتكلم في التلفون
همس اتوترت لما شافت محمد،
شد محمد التلفون من همس واتكلم
محمد: اسمع يالا مالكش دعوه ب بنتي انا هعرف اخليك ازاى متكلمهش تاني وقفل السكه في وشه
ضرب محمد همس بالقلم بتكلميه من امته يبت.......
همس كانت بتعيط وبس
محمد : ماشي انا هعرف ازاي اربيكي انتي و هو
اخد محمد تلفون همس وطلع من الاوضه
ورن علي واحد يعرفه
محمد: حازم هبعتلك صوره شخص وعنوان بيته عايزك تخلي هو وعائلته ما يشوفوش الشارع تاني
حازم: اعتبرو حصل ي محمد بيه
قفل محمد مع حازم وقرر يلبس مراد قضيه ميطلعش منها
بعد ايام حصل مشاكل كتير ل مراد وعايلته
ابوه انطرد من الشغل ومامته طالع عليها شويه حريم ضربوها وندي اخته اتهمت بسرقة فلوس من زميلتها و نفسيتها تعبت في مدرستها ومراد اتحبس لما محمد بيه لبسه قضيه .. وسارت الايام
وبعد كام يوم كانت همس قاعده في الاوضه بتعيط لحد ماعلي دخل عليها
وقعد جانبها
علي: همس ي حبيبتي بطلي عياط عشان خاطري هتتعبي نفسك اكتر ممكن يحصلك حاجه وبعدين يلا عشان تاكلي
همس: مش جعانه
علي: ي حبيبتي متعمليش في نفسك كده وبعدين انا اتكلمت مع محامي هو هيتصرف ويطلع مراد
همس بدموع واستغرب: يطالع مراد منين
علي: حبيبتي مش انتي بتعيطي عشان مراد في الحبس
همس دموعها زادت اكتر: مراد اتحبس امته انا معرفش
علي بحزن: ابوكي حبسه عشان يبعد عنك
انهارات همس من العياط وعلي شدها لحضنه وفضل يطبطب عليها: حبيبتي اهدي عشان خاطر انا هطلعه صدقيني
في لحظه سابت همس حضن علي ونزلت تحت وعلى نزل وراها
لقيت باباها بياكل
همس بدموع : بابا هو انت حبست مراد
محمد مردش وكان بياكل بكل برود
همس: بابا رد عليا انت حبست مراد
همس لما مالقيتش محمد بيرد
قربت همس من باباها وقعدت تحت رجله علي ركبتها، واتكلمت بكل وجع: بابا عشان خاطري طالع مراد من الحبس وانا وعد منى مش هكلمه تاني
محمد بصلها ببرود ورجع كمل اكل، نجلاء انصدمت من اللي بنتها عملته حتى على وهناء
قرب علي من همس عشان يقومها مردتش تقوم،
وقربت اكتر من رجل محمد ومسكته بشهقات: عشان خاطري ي بابا
بعد محمد رجله علي همس وقام واقف : موافق بس بشرط
همس بسرعه: شرط اي
محمد: تعملي كل للي هقولك عليها
همس وافقت بسرعه: موافقه
محمد: لما تسمعي الشرط الاول
حكى محمد لي همس هتعمل اي وهمس كانت مصدومه ودموعها بتنزل
بعد ايام طلع مراد من الحبس
وشاف منظر اهله قلبه وجعه اوي وقرار يروح المصنع لي محمد ياخد حق اهلها
دخل مراد المصنع وهو متعصب محولش حتى الامن يمنعه عشان دا اتفاق محمد ورنوا الامن علي محمد قالوله ان مراد طالع فوق
طلع مراد مكتب محمد وكان لسه هيدخل سمع جمله صدمته
محمد فاتح الاسبيكر وبيكلم همس
همس: بطلعه لي ي بابا انا زهقت منو كنت سيبه محبوس
محمد بخبث وهو باصص علي الباب وشايف خيال مراد من الباب القزاز: ي حبيبتي اعمل اي مفيش تهمه تثبت انه عمل كدا فعلا اعتداء عليكي وبعدين انا عملت نفس اللي قولتي عليه بعت ناس ضربت امه وسقط اخته
همس: لا برضو مش مرتاحه كدا ماختش حقي علي العياط اللي عيطه
محمد: شوفي انت عايزة اي وانا معاكي
همس: عايزاه يندم علي كل حاجه.. انتقم منه هو مفكر اني هحب واحد زيه وف مستواه
مراد انصدم ماكنش حاسس برجله حرفيا
حاول يطلع من المصنع بالعافيه
اخد وعد علي نفسه ان هيرد ليهم كل اللي حصل في اهله
وبعد ايام مرت سريعآ
مراد كان في حاله نفسيه مش الطف حاجه ووالده حاول معاه انه يطلع من الحاله دي بس مراد مكنش راحم نفسه لانه حاسس بل متاكد ان هو سبب كل المشاكل ال حصلت ف عيلته و انه هو سبب الظروف الصعبه اللي فيها حاليا بعد والده ما نزل يشتغل سواق على تاكسي بعد ما انطرد من شغله ..
على جانب اخر .. همس حاولت كتير تفهم خطيبها انها مش عايزاها ومش بتحبه مقتنعش و كان عنده تمسك غريب و غير مبرر بالنسبه لها لدرجة انها حاولت تصدقه بس فعلا معرفتش كل كلامه على شغل و فلوس و ماديات حست همس انه خاطبها بس عشان فلوس ابوها و شغله ..
على جانب اخر .. اخو مراد كلمه من برا وقاله انه هيبعت له عقد عمل و مراد كان رافض .. اخوه كلم حمدي و حمدي راح لمراد البيت و اقنع مراد بصعوبه بس قدر يقنعه .. و مراد بدا يجهز نفسه لسفر
على جانب اخر وفي مكالمة هاتفيه .. بين مهندس عماد و محمد بيه ابو همس ..
مهندس عماد : يا محمد بيه كدا ما ينفعش احنا تقريبا بوظنا المعايير تمام
محمد : اعمل ال بقولك عليه محدش هيحس
عماد : ي محمد بيه حضرتك احنا حطينا بس نص كمية الحديد و الاسمنت حطينا النص والخامات كلها اقل حاجه ربنا يسترها لو عماره حصل لها حاجه هنروح ف داهيه و الرقابه فعلا ابتدت تدور ورانا
محمد ب استهزاء : انت خايف من اي انا هظبط لهم كل حاجه الخبير ال هيعاين هظبطه
عماد : اكيد ي محمد بيه انه مش يتكلم
محمد بضحك : متقلقش هشربه شاي بالياسمين
وفعلا طلعت معاينه ومراقبة جوده على اكتر من موقع من المواقع اللي شركة محمد بيه نفذتها و كان عنده برج الفيروز الوحيد بس اللي مطابق لجوده اما باقي الابراج و العماير فيها لعب جامد في الخامات
وطبعا محمد بيه ظبط الخبير و اللجنه كامله و الابراج و العماير اخدت موافقه
و فعلا محمد بيه نزل طرح لشقق ونزل الاعلان باسعار كويسه الى حدآ ما و في ظرف ١٠ ايام كان ناس كتير اشترت واتاجر اول برج فيهم برج الفيروز (١٦ دور الدور فيه ٤ شقق باجمالي ٦٤ شقه ) و بعد شهر كانوا السكان الجدد نقلوا للبرج بعد افتتاح كبير نقلته وسائل الاعلام و طلع محمد بيه مفتخر بمشروعه العظيم ..
و ابتداء ينزل طرح جديد لشقق تانيه في العماير و الابراج التانيه
على جانب اخر .. مراد شاف الحوار ده و كان بيغلي حرفيآ وهو شايف عدوه بيكبر اكبر من الاول بكتير و بيوسع نشاطه اخوه اقنعه يركز في شغله و في مستقبله..
مرت الايام الى اليوم الموعود ..
الساعه ٨ ونصف صباحآ في احياء القاهره اصوات تملئ الشارع وانهيار عماره غير مطابقة لشروط من ضمن العماير الخاصه بمشروع محمد بيه واللي نقل ده وسائل الاعلام و فعلا تاني يوم ..
طلعت لجنه على اعلى مستوى مكلفه من وزير الاسكان و متخصصين هندسين رجعوا كل مشاريع محمد بيه و اللي طلعت غير مناسبه لشروط ومخالفه للمعايير و فعلا طلع لها قرار ازاله فوري و اتزالت جميع الابراج و العماير و اترفع على محمد بيه تعويضات من جميع الجهات و طبعا اتسجن المهندس عماد لانه المسؤال عن الانشاء الهندسي و اتحكم على محمد بيه بتعويضات كبيره جدا و اللي من الصدمه تعب و جاله شلل
على جانب اخر .. علي شاف مستقبله و حلمه كله بيدمر قدامه و السبب جشع ابوه و طمعه و مكنش قدام علي غير انه يبيع كل ممتلكاتهم و يسدد اللي عليهم ..
و بعد مرور سبع سنوات ...
الفصل الرابع عشر من هنالقراءة باقي الفصول من هنا