يوم جديد في الشركه
دخلت السكرتيره مكتب مراد: حضرتك طلبتني
مراد: خدي الملفات ده خلي السكرتيره الجديده ترجعه كويس عشان هتتكلم هي عنها في الاجتماع
السكرتيره: تمام ي مراد بيه
طلعت السكرتيره من المكتب وراحت تشرح لي همس هتعمل اي
بعد وقت ما طويل كان كلهم في الاجتماع
الباب خبط
مراد: ادخل
دخلت همس المكتب:اسفه علي التاخير ، في نفس الحظه كان يوسف بيبص لمصدر الصوت
استغرب يوسف لما لقه همس
يوسف: همس
همس: يوسف ازيك
يوسف: بتعملي اي هنا
همس: انا بشتغل هنا
قام يوسف من علي المكتب وسلم علي همس،: وحشتيني مكنتيش بتيجي عندنا لي
ابتسمت همس بخجل: ما كنتش فاضيه الايام للي فاتت
يوسف: عمو محمد عامل اي
همس: الحمدلله بخير
بص يوسف نحيت علي: مقولتش يعني ان همس شغاله هنا
علي: النهارده تاني يوم ليها
مراد كان وقف مولع بصلهم بغضب عايز يخنق يوسف بس اتكلم عادي
مراد: انتو تعرفها بعض
يوسف: طبعا همس كانت معايا في المدرسه
افتكره مراد لحظه وقال في سره يعني ده يوسف اللي كنت مانعها توقف معاه دلوقتي معاها في نفس الشركه: كملت
مراد: هنقضيها تعارف ولا هنشوف الشغل
يوسف: يامراد زهقنا من الشغل ما تسيبنا نريح شويه
مراد: يوسف ياريت نركز مش جاين نلعب
رفع يوسف ايده لي مراد: تحت امرك ي كوتش
وقفت همس علي اول المكتب ولسه هتشرح لقيت يوسف غمزلها بعينه، ابتسمت همس بخجل وبصت في الارض،
شاف مراد المنظر و كان علي اخره
لسه همس هتتكلم، مراد سبقها: سوري الاجتماع اتلغى
اسر: لي خليها تكمل
مراد: مش فاضي وهي جات متاخر
حمدي: مراد اجل كل حاجه دلوقتي احضر الاجتماع الاول
مراد ببرود: سوري مش هينفع
بص مراد علي همس وكانت متوتره ، لمي كل الملفات وهاتيها المكتب
طلع مراد ووقفت همس مكانه كانت زعلانه لان قعدت كتير تحفظ المكتوب في الملفات وتجهز نفسها
طلعت همس وراء مراد
وراحت المكتب بتاعه خبطت همس علي الباب
مراد: ادخل
دخلت همس المكتب كان مراد قاعد علي الكرسي
همس: الملفات ي مراد بيه
مراد: شكلك اخدتي علي الجو بسرعه
همس ماكنتش فاهمه قصده
همس: مش فاهمه
مراد: يعني اتعرفتي علي اسر وطلعت عارفه يوسف
همس بعفويه: اه انا عارفه يوسف من زمان ابن عمو وليد صاحب بابا كان علي طول بيجي عندنا وهو اللي جايب الشغل ل علي
مراد بنرفزه: ومالك فرحانه كدا
همس: اصلا مشوفتش يوسف من زمان يعني شهرين بس اتفاجات بيه هنا
مراد بعصبيه: بقولك فرحانه تقولي اتفاجات بيه هنا انتي عبيطه
همس : اي العبط في كده هو انا قولت اي
مراد: بقولك فرحانه تقولي مشوفتهش من زمان
همس: اومال اقول اي
مراد: ولا اي حاجه اطلعي برا
زعلت همس من طريقى كلامه معاها، وطلعت
في البريك كانو قعدين كلهم في مكتب الاجتماع مستنين الاكل (علي وهمس ومراد ومنه ويوسف واسر وحمدي وفاطمه)
علي مكتب واحد
يوسف: هطلب اكل عايزين اي
كل واحد طلب هو عايزه اي بس همس لا
يوسف: همس اجبلك اي
طلعت همس الشاندوتشت للي معاها: لا مش عايزه معاياا اكل
علي: همس حبيبتي اطلبي وانا هدفع
همس: مش عايزة ما اهو معايا شاندوتشات وبعدين يدوب المرتب علي القده هروح اجيب شندوشات بنص المرتب
ضحك يوسف علي كلامها وقال من ساعات ماخرجتي من المصنع وانت ماسكه في كلمه المرتب
همس: انتو المرتب بتاعكم عالي انا يدوب مرتبي يكفي
علي: حبيبتي انا هدفع
همس: لا انا شبعت وانتو لسه بتتكلمه
اسر: دوقني كدا
مده همس السندوتش قدام اسر واخد قطمه والسندوتش في ايد همس عملت كدا بعفويه منها، مراد اتعصب اوي من الحركه دي وحاول مايبينش
اسر: واو طعمه رهيب
همس: بجد طب خد واحد انا معايا تلاتة
عطت همس سندوتش لي اسر ويوسف كمان حب يدوق
يوسف: همس وانا
برق مراد عيونه واتنرفز اوي
مراد بزعيق وكل للي قعدين اخده بالهم: اي هنقعد نشكر في سندوتش الست همس وننسى الاكل ولا اي وقت البريك هيخلص واحنا لسه بنشكر ف سندوتش
علي: احم سوري ي مراد بيه انا هقوم اجيب الاكل انا واختي
قام علي:تعالي معايا يلا ي همس نجيب الاكل
اسر: روح انت وسيبها
يوسف: سيبها تكمل اكلها
علي: تاكل وهي ماشيه
همس: انا خلصت يلا ي علي
يوسف: خليكي اروح انا
همس: لا انا عايزه اروح
مشت همس مع علي وراحو جابوه الاكل اللي هما طلبينه
فاطمه: جدعه همس طول عمرها وهي معاها فلوس وهي مش معاها برضو مش بتحب تصرف فلوس علي الفاضي
اسر: عجبني اوي دماغها
يوسف: ولسه هتعجبك اكتر همس معايا من واحنا عيال لسه ذكيه وشطره اوي بس الظروف اللي حاطتها هنا
حمدي كان ملاحظ نظرت مراد فاحب يغير الاحوار: يوسف ماتشوفهم اتاخرو لي
يوسف: اوكي
رن يوسف علي علئ، ردت عليها همس
همس: الو
يوسف: اومال علي فين
همس: بيشتري الاكل
يوسف: طب يلا اتاخرتو كدا لي
همس: هو طلب الاكل بس لسه شويه
همس: يوسف ثواني هرد علي ماما بترن علي على
يوسف: اوكي
مراد كان مضايق من يوسف اوي لانه ملاحظ تقرب همس منه
رجعت همس كلمت يوسف تاني
همس: ايوه ي يوسف معاك
يوسف: في حاجه ولا اي عمو كويس
همس: اه كويس الحمدلله بس ماما مسافره هي وبابا عند الدكتور فابترن تقول ل علي خلي بالك من اختك اللي هي انا اصلا انا وكاني عيله صغيره
يوسف: بضحك: انتي فعلا عيله صغيره
همس برقه وبراءه: انا ي يوسف الله يسامحك
يوسف: يستي بهزر وبعدين انتو تيجو عندنا انهارده
همس: مش عارفه بقا
وصل علي بالاكل وهمس ادتله التلفون
علي: اي ي زفت
يوسف: يعم احترم اللي جابوني
علي: انجز في اي
يوسف: مفيش هما قالولي ارن استعجل بالاكل
علي: خمس دقايق وهنكون عندكم
يوسف: اوكي
قفل يوسف مع علي وكان مراد جاب اخره منهم كل شويه ينفخ
شويه ووصل علي وهمس بالاكل
عطاها اسر سندوتش لي همس
اسر: خدي ده عشان اخدت واحد منك
همس: مش جعانه شكرا
اسر: لا خدي هزعل منك
همس: مش جعانه والله
علي: اسر انا حاولت معاها عند المطعم كتير بس هي رافضه
قعدو كلهم ياكله ماعد همس اللي ماسكه التلفون وبتلعب فيه
مراد: لو انتي فاضيه وبتعلبي كده في التلفون روحي حضري الورق اللي قولتلك عليه
همس: حاضر
قامت همس ودخلت المكتب تحضر الورق كان فيه ملف فوق في المكتبه مكنتش عارفه تجيبه
طلعت همس علي الكرسي بعجل وهي بتجيب الملف الكرسي لف بيها وكانت لسه هتقع لوراء بظهرها لقت حد حط ايده علي ظهرها لحقها
في الوقت ده كان داخل مراد
يوسف: مش تاخدي بالك
نزل يوسف همس براحه
اتخضت همس من الموقف: يالهووي كنت هقع
مراد عيونه كانت بطلع نار من غيرته عليها، دخل مراد عليهم
مراد: جابتلي اللي قولتلك عليه
همس: اه
يوسف: مراد الشغل خلص كدا نروح
مراد: اه
يوسف: يلا عشان باباكي رن علي وليد واستاذن تنامو عندنا
همس: علي معايا في البيت
يوسف: لا ما هو علي جاي هو كمان
مراد بنرفزه: ماتسيبها براحتها
يوسف: اهلها مسافرين عشان الكشف هي وعلي هيجو عندنا يلا
دخلت منه المكتب:يوسف يلا
يوسف: بعد اذنك ي مراد
طلعت همس مع يوسف ومنه من المكتبه
مراد داس علي اسنانه الاتنين بغضب
طلب يوسف من منه تنادي علي علشان لسه في المكتب
دخلت منه علئ علي المكتب
منه: يلا عشان نروح
علي: لسه ورايا شغل
منه بتريقه: اومال عمو محمد رن علي بابي عشانك يعيني خايف علي الاستاذ علي ينام لواحده اصله لسه نونه
اتنرفز علي من منه
علي بعصبيه: انا لو عليا مش هروح معاكي بس عمو وليد نفسه كلمني وقال لو مجتش هيزعل مني مع انه مسافر مع بابا بس طلب مني اروح اقعد معاكم في الفيلا
منه: طب يلا ي اللي مش نونه
علي: منه اطلعي برا
في الوقت ده دخلت ندي
ندي: علي بقولك هو الورق اللي ادتهولك انبارح فين .. منه ازيك
علي: ثواني هجبهولك
منه اتعصبت لان علي ماكنش معبرها
منه: يلا
علي مردش عليها، ندي حست ان علي كسف منه فاتكلمت هي،
ندي: رايحين فين كدا
علي: رايحين عندهم تيجي معانا.
منه كانت هتعيط بسبب الكسفه للي اتحطت فيها
اخدت ندي من علي الورق ومشت
فضلت منه واقفه وباصع ل علي وزعلانه
علي: يلا انا خلصت
منه برضو واقفه
علي: منه روحتي فين
ماحولتش منه تبين حاجه
منه: يلا
طلعوا كلهم في عربيه يوسف وشويه ووصلوا البيت
اول ما العربيه وقفت نزلت منه منها وماتكلمتش مع حد
همس: مالها منه هي زعلانه عشان انا جايه
يوسف: لا ابدا ممكن تكون حاجه مزعلها
علي حس ان هو زعلها منه لان عارف ان منه وهمس مش بيبطلوا هزار معاه هو و يوسف
دخلوا الفيلا وسلموا علي ساره واخد يوسف علي وطلعوا في اوضته يوسف
يوسف: يلا غير عشان ناكل انا هموت من الجوع
علي: تمام
عندي همس ومنه
دخلت همس تقعد جنب منه علي السرير
همس : منه هو انتي زعلانه عشان انا عندكم
منه: هو انا امته زعلت وانتي هنا
ابتسمت همس اومال مالك
سكتت منه وبعدها اتكلمت
منه: ماليش .. همس مش ملاحظه علاقه علي وندي
همس: مالها
منه: عادي بسالك
همس: انا شوفتهم مرا واقفين مع بعض بيضحكوا (ياريتك ماتكلمتي😂)
زعلت منه بس بينت عادي : تمام انا هطلع اشرب وانتي نامي هدومي في الدولاب اختاري اللي يريحك
همس: اوكي
منه: اه صح مش هتاكلي
همس': مش جعانه دلوقتي
منه: همس انتي مسكوفه
همس: لا ابدا بجد مش جعانه كان معايا سندوتش
منه: ماشي
طلعت منه من الاوضه وراحت المطبخ وهي داخله لقيت علي هناك بيشرب ميه
دخلت منه فتحت التلاجه ومتكلمتش معاه وهي طالعه
علي: منه استني عايزك
مردتش منه عليه
علي: بقولك عايزك اي مش سامعه
واقفت منه قدامه: لا مش سامعه زي ما انت ماكنتش سامع غير ندي كدا
علي: انتي زعلانه سوري ماكنش قصدي بس انتي نرفزتني
منه: لا بجد سوري علي النرفزه
علي بعصبيه: منه انظبطي
منه: لو منظبطش هتعمل اي يعني ها ولا ست ندي اهم مني
ضحك علي علئ طريقتها لانه عرف ان هي غيرانه
قرب علي منها وحاوط وسطها بايده وقربها منه : انتي شايفه كدا
اتوترت منه من قربه ماكنتش عارفه ترد
علي: ردي ساكته لي انتي شايفه ان ندي اهم منك
منه كانت متوتره من قربه و هتموت من الكسوف
منه: معرفش اسال نفسك
علي: ازي ماتعرفيش مش انتي اللي بتقولي
منه: ايوة وابعدددد وبعدين انت اصلا ماتشغلنيش
علي: واضح ان انا مش شغلك
مع كل كلمه علي كان بيقولها كان بيقرب اكتر
منه: لو سمحت ابعد
قرب علي عليها اكتر
علي: ابعد ازاي
منه: ابعد زي الناس خلي في فراغ بينا
قرب علي عليها تاني
منه: بقولك ابعد مش تقرب
لمس علي خدها بخده
علي: لو مابعدتش هتعملي اي
منه اتوترت جامد ماكنتش عارفه ترد بس استجمعت نفسها وزقته بعيد عنها
منه: تبعد كدا
مشت منه وسابت علي واقف مكانه
علي لنفسه: لحد دلوقتي لسه بموت فيكي ويمكن اكتر من الاول
دخلت منه الاوضه وهي متوتره ونامت جنب همس علي السرير
صحت همس علي حركه منه
ابتسمت همس بخبث وسالتها كل ده ي منه بتشربي
منه بتوتر: انااا انا اكلت كنت جعانه
همس كانت عارفه ان منه بتكدب لان هي راحت تشوفها اتاخرت لي لقيتها واقفه مع علي في المطبخ
همس: ماشي ممكن اسالك سؤال
منه: اه اسالي
همس: هو انت وعلي سبتو بعض لي
منه بحزن: بتسالي لي
همس: عادي لو مش عايزه تقولي خلاص
منه بحزن: يعني انتي مش عارفه ي همس عمري ما انسى بعد ما ارتبطنا سنتين رن عليها وقالي انه مش عارف يحبني
زعلت همس اوي على منه وطبطبت عليها
منه: همس انا عايزة انام ممكن
همس: ماشي ي حبيبتي
كل واحده نامت مكانها وهي بتفكر في الشخص اللي حبته اكتر من نفسها ودلوقتي بيتعاملوا علي اساس واحده غريبه عنه
الفصل التاسع عشر19
تاني يوم في الشركه كانت فاطمه صاحبة همس قاعده معاها في المكتب بتاع السكرتيره لان السكرتيره كانت تعبانه وماجتش
فاطمه: مش قادره ي همس انا وقعت خلاص
همس: بس يبت اتلمي في اي وبعدين ياخد باله
فاطمه: ياريت ياخد باله
ضحكت همس علي طريقة كلام فاطمه
فاطمه: اسكتي ي همس يالهووي لما يقولي ي فاطمه بحس انا قلبي بيدور حوليا مش بيدق بس فاطمه منه
تدوب
همس بضحك: هبله بجد
فاطمه: هبله ماشي يست همس وبعدين انتي لو صاحبه جدعه كنتي اجوزتي مراد وظبطي لصاحبتك اخوه
ابتسمت همس بحزن: علي اساس مراد هيموت عليا وانا رافضه يعني
فاطمه حست ان همس زعلت من كلامها : همس انا اسفه مش قصدي
همس: حبيبتي وانتي مالكيش ذنب
دخل اسر عليهم وهما بيتكلموا
اسر: ازيك ي همس
همس: الحمدلله
اسر: فاطمه تعالي عايزك في المكتب
فاطمه: حاضر
بعد مامشي اسر، اتكلمت فاطمه وهي سرحانه: شوفتي بيقول فاطمه ازاي
همس بضحك: طب روحي شوفي عايز اي احسن تنامي مكانك
فاطمه:اه صح باي
همس: باي
في مكتب ندى جالسة خلف مكتبها منهمكة في مراجعة أوراق، بينما يدخل حمدي بحماس وهو يحمل ملفاً
حمدي: ندى، كنت محتاج أراجع معاك المشروع الجديد. معايا النسخة النهائية.
ندى: ترفع عينيها من الأوراق: أكيد، سيبه هنا وأنا هبص عليه بعد ما أخلص اللي في إيدي.
حمدي: يجلس على الكرسي أمام مكتبها: بصراحة، كنت محتاج رأيك دلوقتي لو ممكن. الاجتماع قرب وأنا مش عايز نعدي حاجة.
ندى: (تتنهد) طيب، وريني.
حمدي يفتح الملف ويبدأ بالشرح، بينما تتابعه ندى باهتمام.
ندى: تشير على الورقة: هنا النقطة دي محتاجة توضيح أكتر. العميل ممكن يسأل عنها.
حمدي: معاك حق، هنضيف شوية تفاصيل. غير كده؟
ندى: العرض كويس، بس حاول تتكلم بثقة أكتر في الاجتماع. التفاصيل مش كفاية لو ما كانش عندك حضور.
حمدي:يبتسم: تمام
صمت قصير، ثم يقترب حمدي من المكتب بشكل غير رسمي.
حمدي: على فكرة، لو الاجتماع نجح، القهوة عليا النهارده.
ندى: تبتسم: لو الاجتماع نجح، هطلب عشا كمان مش قهوة بس.
حمدي: ضاحكًا: اتفقنا.
يخرج حمدي بابتسامة، بينما تعود ندى للعمل بابتسامة خفيفة على وجهها
كان علي قاعد في المكتب ودخلت عليه منه
منه: احم علي
بص علي الباب لقي منه واقفه
علي: ادخلي واقفه عندك لي خايفه
دخلت منه المكتب اخاف من اي معايا ورق المشروع الجديد
عايزك تبص عليهم عشان مراد مش هنا
علي: وانا مالي مش ده شغل اسر بيه ومراد بيه احنا بناخد أوامر بس
منه: اسر ميعرفش لسه بالمشروع ولا هو ولا يوسف وبعدين المشروعين كل مجموعه ماسكه مشروع واللي ينجح هو اللي هيتم احنا الاتنين ومعانا همس ومراد ويوسف وفاطمه واسر وحمدي وندي مع بعض
يوسف في الكليه لسه..
علي: تمام هاتيه
قربت منه الكرسي بتاعها جنب كرسي علي وقعدت عليه، فضل علي يبص علي الملفات وفجاه رافع علي راسه بيبص نحيت منه لقها قريبه منه اوي كانو قريبين من بعض قوي وعيونهم في عيون بعض نزلت عيون علي علئ شفايف منه غصب عنو قرب علي منها قوي لدرجه انفاسهم. اختلطت ببعض، منه كانت سرحانه مش حاسه بحاجه كانت زي المسحوره وهي باصه في عيونه،
فجاه دخلت همس عليهم
همس: عل
مكملتش همس الكلمه لما شافت الموقف
بعدو عن بعض بسرعه ومنه كانت هتموت من الكسوفه
ام همس كانت مكسوفه من الوقف واتمنت ان لو ماجتش كان زمانهم متصالحين
همس: احم انا اسفه
منه كانت متوتره اوي ماكنتش عارفه ترد تقول اي
علي: تعالي ي همس محتاجه حاجه
همس: لا مراد مش هنا قولت اجي اقعد معاك
علي: تعال ي حبيبتي اقعدي
منه: ان انا همشي عشان عندي شغل
علي: تمام
همس: خليكي معانا شويه
منه: لا معلش عندي شغل
مشت منه وقعدت همس مع علي
همس: ولم انت بتحبها كدا بتبعده عنك لي
علي: انت فهمتي غلط علي فكره
همس: ماهو واضح ان فهمتي غلط
علي؛: همس انتي عايزه توصلي لي اي
همس: سابتها لي حرام عليك جرحتها
علي: يعني مش عارفه ي همس انا مش معايا حتي ايجار شقه شوفي منه قاعده فين واانا فين
همس؛ وبتوعدها بحاجه لي طالما مش معاك
علي: لم اخطبت منه كان عندي شقه بس بعتها عشان عملية ابوكي والرجل اللي كان هيسافرنا اخد الفلوس وهرب
همس: عمو وليد قال انه هساعدك
علي: انتي عبيطه عايزني اخد فلوس من واحد بنته هتكون مراتي
همس: عادي
علي: لا مش عادي ويلا روحي شوفي شغلك
همس: حاضر هروح بس انك تقول واحده معرفتش احبك صعب اوي عليها حط نفسك مكانها
مشت همس من مكنب علي وفضل علي طول اليوم يفكر ان ممكن منه تحب حد غيره
علي لنفسه: عادي مش فارقه انا اصلا عايزها تحب
مجرد الفكره عبطت علي من التفكير،
همس كانت قاعده قدام المكتب وحاطه الكمبيوتر عليه وظهرها للباب
همس: يوووه علي اساس معايا كورس في تشغيل الكمبيوتر دا حتي انا معرفش بينفتح ازاي يالهههوي انا زهقت اشتغل بقا
فجاه حد حاوط همس من ظهرها ونزل لمستوه ظهره وحط ايده علي ايديه اللي علي الماوس بتاعت الكمبيوتر
مراد: بيشتغل كدا
همس كانت متوتر اوي من قرب مراد ومكسوفه
فضل مراد يعلمها بيشتغل ازاي
بص مراد بوشه نحيت همس فهمتي
بصت همس نحيت مراد في نفس اللحظه عيونهم جات في عيون بعض.. مراد بسرعه لما حس نفسه ان ممكن يضعف قدامها
مراد: احم خلصي شغلك وتعالي ورايا علي الاجتماع
همس: حاضر
بعد ما مشي مراد اخدت همس نفسها حست ان بقالها كتير متنفستش
في مكتب الاجتماع
كانو كلهم قاعدين حتي يوسف كمان وصل
مراد: بكره جاي ضيف جديد
حمدي باستغراب': ضفيف مين
مراد: خليها مفاجأة وبعدين هو هيكون في مجموعه اسر
اسر: لي يعني انا مش محتاج حد معايا
مراد: احنا محتاجين حد معاانا احنا لسه منعرفش اي رجال اعمال في مصر لان شغلنا كله برا عشان كدا هنحتاجه معانا
الجميع: تمام
همس: ممكن اروح بدري انهارده
مراد بفضول: لي
همس: عايزه اروح بقالي كتير بشتغل
يوسف: همس حبيبتي انتي كويسه
همس بعفويه: اه كويسه بس عايزة اروح
علي: لي في حاجه ماما وبابا كويسين
همس: اه بس عايزه اروح
مراد اتعصب بسبب كلمه يوسف واتكلم بزعيق: هو اي عايزه اروح انتي عبيطه انتي هنا في مكان شغل مش طالعه مع صحابك رحله ودماغك صدعت بسببهم عايزه تريحي
علي يريت تفهم اختك ان ده مكان شغل مش لعب عيال
طلع مراد من المكتب وقفل الباب بعصبيه جامد قوي لدجه ان اللي في المكتب اتخضه
زعلت همس من طريقت مراد وكانت هتعيط بس، اتكلم اسر بسرعه لم حس ان دموعها هتنزل: متزعليش من مراد هو اكيد مايقصدش حاجه اكيد في حاجه معصباه
علي: حصل خير هو عندو حق هي همس بس عشان مكنتش بتطلع تشتغل او تعرف حاجه اتعلمت بعفويه شويه
همس بزعل: انا اسفه
اسر: محصلش حاجه عشان تتاسفي
همس: عن اذنكم انا طالعه
طلعت همس من المكتب وراحت مكتب مراد، دخلت همس مكتب مراد من غير ما تخبط وهي متعصبه
همس: انا اخدت قرار
بص مراد عليها وبعدين راجع بص في الورق اللي قدامه تاني ..مراد ببرود من غير ما يبصلها : كويس بتاخدي قرارت و هو اي بقا قرارك ي استاذه همس
همس: قرارت اسيب المجموعه بتاعتك
بصلها مراد وقام من علي الكرسي ومشي وو قف قدمها : اها عيدي كدا اللي قولتيه
همس: اانا قرارت اسيب المجموع بتاعتك يعني هشتغل مع اسر في المشروع بتاعه هو وباقي الفريق
ضحك مراد بسخريه: لا اكيد بتهزري بتقولي كدا عشان تعصبيني صح
همس ببراء: لا طبعا بتكلم بجد هو ده في هزار انا مش طالعه مع اصحابي اتفسح عشان اهزر ده شغل
اتعصب مراد ومسكها من درعه جامد: عيدي تاني كدا
همس: كل شويه اعيد علي اساس ماسمعتش يعني
داس مراد علي درع همس اكتر: همس متعصبنيش
درع همس وجعها بسبب مسكت مراد ليها همس بوجع: مراد سيب درعي مراد درعي بيوجعني سيبه
مراد: تمام سبت درعك اهو قوليلي بقا الكلام ده بجد
همس: اه بجد وبعدين بكون عايزه ارتاح وانت مش بتخليني ارتاح خالص لكنن فاطمه بتقولي ان اسر بيسبها براحتها
مراد بعصبيه وزعيق بس مش عالي اوي: طب بصي بقا ي همس انا خلقي ضيق ويمكن اضيق من الحلق اللي انتي لبساه تمام فانتعامل مع بعض بالحب كدا بدل ما اطربق الشركه علي اللي خلفكم
همس كانت خايفه من طريقة مراد بس اتكلمت بشجاعه: هو عشان يعني انت المدير تعمل اللي انت عايزه
مراد ببرود: لا مش عشان المدير عشان الشركه مش شركت اهليكم تعملوا اللي انتو عايزينه لا الشركه شركت اهلي انا
يلا من غير كلام علي شغلك
مراد بزعيق: يلا واقفه ليه
طلعت همس من المكتب وهي متعصبه
ضحك مراد بسخريه: قال تشتغلي مع اسر قال لم نشوف اخرت اللي بتعمليه ده اي ي همس
خلص اليوم وكل واحد روح بيته
بليل كان قاعد مراد واسر مع اهلهم بياكل
اسر: علي فكره اللي عملته النهارده ده غلط كان ممكن ترفض براحه البت خافت منك
محمود باستغرب: هو عمل اي
مراد: ياريت تعرف ابنك ميدخلش في حاجه متخصهش
ندي: بس ي مراد اسر عندو حق علي فكره كانت هتعيط
محمود بزعيق: في اي هو انا مش مالي عنيكم عمالين تتعرقوا قدامي وتردو علي بعض
ندي: اسفين ي بابا بس موقف مراد مزعلني مش اكتر
محمود: موقف اي
اسر: النهارده همس اخت علي تعبت و طلبت ان هي تروح فضل يزعق معاها
محمود: وفي اي لم تروح مادام تعبانه
مراد: هي مش تعبانه هي قالت انا زهقت وبعدين حتي لو تعبانه الشغل شغل مش بنلعب احنا
محمود: مش كنت بتتريق عليهم اي بقيت زيهم
مراد: انا مش زي حد ولا عمري هكون زيهم
محمود؛ لا زيهم واسوء منهم كمان انك تكلم واحده عشان تلعب بيها تبقى حيوان انك تخلي واحده تشتغل عندك عشان تعرف هي خسرت اي تبقا حيوان برضو
اسر: انا اتكلمت معاه كتير ي بابا بس هو مصمم
مراد بعصبيه والدموع في عينه: يووووه محدش ليه دعوه بيه اعمل اللي انا عايزه لو انا حيوان هما اسوء من الشياطين نفسهم لما دخلت السجن ظلم ولما انت انطردت من الشغل ولما شويه ستات ضربوا ماما ولم ندي سقطت في الامتحان دلوقتي عشان باخد حقي ابق حيوان ها
محمود: خلين احنا احسن منهم يبني شوف انت فين دلوقتي وهما فين ربنا اخدلك حقكك
مراد: ونعم بالله بس انا حقي مارجعش ي بابا كل اللي انا فيه دلوقتي مجاش في يوم و ليله انا طلع عيني خمس سنين شغل ليل نهار وانا بعيد عنكم عشان اوصل اللي انا فيه جات علينا كلنا ايام ماكناش بناكل
مياده: حبيبي بابا عايز مصلحتك
مراد: سبوني اتصرف زي ما انا عايز انا مش صغيره وعارف انا بعمل اي
قام مراد من علي الاكل
مياده: حبيبي انت ماكلتش حاجه كمل اكل
مراد: الحمدلله شبعت عن اذنكم
دخل مراد اوضه وقفل الباب بعصبيه
مراد: ماشي ي علي اما ورايتك مايبقش اسمي مراد انت والاستاذه همس اللي عايزه تشتغل مع اسر
الفصل العشرون من هنالقراءة باقي الفصول من هنا