فوسام ابتسم وتابع يا زيزو احنا عنينا ليك ولطلابك
والطلاب ابتدت تسقف بترحيب فبلعت رنا ريقها بتوتر وتابعت عرفتي ابن مين اللي ماشي في جنينه اهله ياختي
هناء بصدمه عرفت
فمعتز ابتسم وتابع تسلم يغالي واداه المايك
فوسام مسك المايك ورايح يتكلم لفت نظره هناء ورنا اللي واقفين عند الباب فابتسم بخبث وبعد المايك عنه وتابع برسميه حضرتك جايه متاخر ولا دخلتي بالغلط؟
هناء بتوتر مين انا ؟
وسام بضحك اه حضرتك اومال خياالك ؟؟؟
هناء بتوتر لا انا مفروض احضر الندوه هنا مدخلتش بالغلط ولا حاجه بس بردو متاخرتش مانا جايه مظبوطه اهو
وسام اممم ليه هي الندوه الساعه كام؟
هناء بتنهيده 9
وسام بص لساعته وتابع بابتسامه طيب 9 وعشره اهي جايه في معادك ازاي بقى وشاور على الباب وتابع اتفضلي اطلعي برا
فهناء اتصدمت وتابعت اطلع براا ليه دول 10 دقاايق وبعدين انا روحت الحمام اغسل الجيبه من الايس كوفي اظن حضرتك شوفتني و
وسام بمقاطعه انتي هتحكيلي قصه حيااتك؟ انا شخص منضبط في مواعيدي وبحب الانضباط فانتي جيتي متاخر بقول لحضرتك بكل ذوق اتفضلي اطلعي والاسبوع الجاي عوضيها
هناء رايحه تتكلم فرنا مسكت دراعها وتابعت بتوتر يلا واخرسي خالص مسمعش حسك تاني
هناء بحده اصل بجد انسان مست
راحت رنا حطت ايديها على بوقها فقاطعتها وتابعت بهمس خاد يخربيتك اخرسي خالص احنا اسفين يا دكتور خلاص حصل خير ويلااا وبتشدها وطلعوا وهناء متصعبه جدا
فهمس معتز لوسام خليها عليا انا المره دي ودخلهم دول طالبتين شاطرين جدا واكيد عايزين يستفادوا
وسام همس بضحك اخرج انت براها بس علشان انت متعرفش حاجه دي بهدلتني وراح وقف قدام للاب توب بتاعه علشان يجيب البي دي اف
فمعتز وقف جنبه وتابع بهمس لا انا مش فاهم حاجه فعلا فهمني مين دي اللي بهدتلك ؟؟
وسام وهو بيدور وعينيه في اللاب توب تابع ام بينك دي الا صحيح اسمها ايه ؟؟
معتز خد المايك من ايديه وطفاه وحطه على المكتب الصغير اللي قدامه وتابع بذهول لا متهزرش هناء بهدلتك انت !! ازاي يعني !! دي طالبه ادب واخلاق ومتفوقه حرفيا
وسام بضحك لاماهي باين عليها متربيه وملتزمه بس مش سهله ولسانها متبري منها حبتين
معتز بضحك كل ده عرفته في الدققتين دول ؟!!
وسام بضحك يا ابني عيب عليك
معتز بضحك لا بس بجد عملتلك ايه مش فاهم
وسام هقولك لما اخلص بس عرفني كده ايه دنيتها تعرف حاجه عنها؟
معتز بضحك ايه يغالي الصناره غمزت ولا ايه؟
وسام بضحك قول واخلص يا ابن الجزمه مش وقتك
معتز بضحك خلص يومك وعدي عليا نجيب اتنين قهوه في مكتبي ونحكي في كل اللي انت عايزه عشان شكله الموضوع كبير
ورايح يمشي فوسام مسك دراعه وتابع بضحك مطمنتنيش بردو
معتز فضل يضحك وتابع لالا متخافش سنجل
وسام بضحك طب اتكل انت خلاص وابتسامته وسعت وداس على البي دي اف
فمعتز فضل يضحك وتابع شوف وشه نور ازاي يعني قاعد في امريكا كل السنين دي معملتهاش جاي اول ما نزلت مصر تقع كده يا دكتور
وسام بابتسامه مش بالعيون الزرق والله انا كنت عايش في عيشه مش عيشتنا ووسط ناس مش شبهنا والروح بتحن للي يشبها وهي جميله بصراحه وعينيها حلوين
معتز بضحك ربنا يكتبلك اللي في الخير يا صاحبي خلص وتعلالي هاا
وسام بضحك اتفقنا
وخرج معتز وسابه يبدا الندوه
برا في الكافيه كانت هناء قاعده مع رنا ومتعصبه جدا
فتابعت رنا بحده ممكن تهدي ماهو كل ده بسبب طوله لسانك
هناء بعصبيه والله العظيم انسان مستفز حصل ايه يعني لكل ده ماكان يدخلني وخلااص
رنا بحده انتي لسه بتقولي حصل ايه ؟!! هناء متستعبطيش انا وانتي عارفين انك غلطتي في حقه وده مش واحد عادي ده طلع الدكتور اللي جاي من امريكا
هناء برفعه حاجب اعمله ايه انا جاي من امريكا ولا جاي من الصين بقولك ايه فكك من الكلام ده كلنا ولاد تسعه ده انا كنت مورياه مقامه ومفتحش بوقه جاي يفتري علياا لما وقف على المدرج ابن الجززمه
رنا ضحكت غصب عنها وتابعت يابنتي بطلي طوله لساان بقى اهو لساانك ده اللي هيوديكي في داهيه
هناء بضيق بقولك ايه تعالي يلا نروح ناكل ولا نشرب حاجه انا مش هروح بدري امي لو شافتني رجعت بدري وقالت لكريم هيطين عيشه اهلي
رنا بضحك تعالي ياختي تعالي اقول عليكي ايه كان زمنا حضرنا وخلصنا
هناء بضيق انا مش عارفه من امتى الجامعه بتجبر على حضور الندوات كده دي حاجه تقرف بجد
رنا بتنهيده مش عارفه بس باين عليها مهمه والدكتور حفظك وحطك في دماغه فربنا يستر
هناء بضحك مايحطني في دمااغه .. حلوه دي .. انا عايزه افهم بس انتي محسساني ليه انه وكيل نياابه
رنا بضحك يابت اتلمي محتاجينه دلوقتي
هناء قعدت على الكرسي في الكافيه وتابعت بضيق بقولك ايه قفلي وهاتي سيره حاجه عدله انا جعانه انتي ايه؟
رنا بضحك خليكي انتي كل همك على بطنك هروح اجيب ياختي عايزه سوري ولا حاجه غيره
هناء بضحك لا هاتي سوري روحي يلا
رنا بحب حاضر
وسابتها وراحت تجيب اكل وهناء رجعت بذاكرتها لورا
فلاااش باااك
نادر بضحك وادي السوري ياستي
هناء بحماس ها كترت التوميه؟
نادر بضيق لا طبعا ايه القرف ده بس يابت كلي كده كترها وحش انتي عندك القولون وبعدين دي بتعمل ريحه زي الزفت ولا كانك واكله فسيخ وهو عامه مش هطيقك في الحالتين علشان تبقي عارفه بس
فهناء فضلت تضحك وضربته في كتفه وتابعت اخص عليك يا نادر يعني بتعرفني من دلوقتي ان ريحتي مش هتعجبك لما اكلهم طب ايه رايك لما نتجوز هاكلهم ليل نهاار وهاجي الزق في حضنك علشان اربيك
نادر بضحك هو انتي كده هتربيني ؟؟؟ ده كده عز الطلب وهبقى متربتش اصلا
فهناء فضلت تضحك وتابعت ماشي ماشي هوريك انا على قله ادبك دي بس الصبر ومسكت الاكل وقطمت وتابعت باشتهاء: امممم طب والله تحفه
نادر بحب الف هنا يعمري
هناء بضحك ناقصه توميه بس
نادر بضحك انسي بجد مش بطيق ريحتهاا وكمان تتعبك
هناء بضحك وانت الريحه هتضايقك دلوقتي في اييه ماتتلم بقى الله
نادر فضل يضحك وتابع بعودك من دلوقتي كلي على كده يلا واخلصي
هناء بضحك والله انت بارد وكملت تاكل ولقيت نادر بياكلها مخلل فقربت اكلت من ايديه وتابعت ميرسي يخطشيبي
فنادر فضل يضحك وتابع قلب خطشيبك يلا بقى خلصي علشان نروح السينما
هناء بحماس وفرح لا متقولش هنسمع الفيلم اللي قولتلك عليه ؟؟؟
نادر بضحك حصل هنسمع الفيلم اللي قولتيلي عليه
هناء بضحك لا بتهزرر بجددد
نادر بضحك عيب عليكي هنروح بجد بس انجزي يلا
هناء بضحك من عيوني وبقيت تكمل اكلها
باااااك
وفاقت على صوت رنا :يابنتي امسكي بقالي ساعه بقولك خدي الاكل اهو
فهناء مسكته وتابعت بابتسامه مليانه الم : زودتي توميه؟
رنا بحب زودتلك ياستي عيب عليكي
فهناء ابتسمت بألم ومنعت دموعها تنزل وبقيت تاكل
فتابعت رنا بشك: مالك يهناء وشك اتقلب ليه ؟؟؟
هناء بوجع لا ولا اي حاجه انا كويسه
رنا بحزن مش باين عليكي كده ابدا
هناء تنهدت بعمق وتابعت لالا متقلقيش انا فعلا كويسه
رنا بتنهيده حنيتي مش كده؟
هناء ابتسمت بوجع وتابعت يعني بس صدقيني انا كويسه
رنا بحزن انتي مش كويسه ومش هتبقي كويسه غير لما ترجعي انتي ونادر لبعض .. هناء افهميني نادر كان ضحيه اخته المريضه و
هناء بمقاطعه بالله عليكي خلااص ابوس ايدك انا مش هقدر اشوفك بتدافعي عنه لاي سبب
رنا بحزن بس ده حبيبك ولازم تغفريله
هناء الدموع اتجمعت في عينيها وتابعت كان حبيبي انما دلوقتي لا انا بقيت اشوفه اتقهر وبخاف وفقدت احساسي بالامان معاه خلاص
رنا بحزن انا بدعيلك علطول ربنا يختارلك الصالح وهفضل ادعيلك ايا كان معاه او مع غيره
هناء بوجع ودي اجمل حاجه عملتي الصح
بعد ساعتين عند معتز في مكتبه كان قاعد مع وسام بيشربوا القهوه وبيتكملوا
فتابع وسام بابتسامه اه يعني كانت مخطوبه وفكت واخوها مهندس واختها اعلاميه ويتيمه اب في معلومات تاني؟
معتز بابتسامه وساكنه في الحي العاشر والعنوان بالظبط في الملف بتاعها بس رسيني هتعمل ايه
وسام بابتسامه كل خير باذن الله هصلي وربنا اكيد هيرد عليا بس انا والله يا معتز من ساعه ماشوفتها مستبشر خير
معتز بضحك تقوم تطردها !! يااه على الحب يجدع
وسام فضل يضحك وتابع لا بعيدا عن اي حاجه هي كانت تستاهل الطرد فعلا
معتز بضحك انا لسه مش مستوعب ازاي هناء قالتلك كل ده
وسام بضحك قالت ام لسان طويل بس بعون الله هيتقص قريب
معتز بحب عايزها اجي معاك وندخل من الباب بلاش شغل الكلام والسلام ده
وسام بحب عيب عليك انا معايا اخت بنت وبفهم في الاصول الفكره عايزه اتاكد ان قلبها فاضي ولالا
معتز بستغراب طب ودي هتعرفها ازاي
وسام حك دقنه وتابع مش عارف بس الاكيد لازم اعرف ولو لسه متخطتش خطيبها ده مستعد احاول معاها تنساه بس تديني فرصه وكل ده مش هيتعرف بسهوله
معتز بتنهيده انت بتعقدها على نفسك يا صاحبي ما نروح نتقدم ولو البنت رايده هتوافق وانت بالوقت بقى ناسيها لو كانت لسه بتحبه
وسام بضحك رايده ايه يا غالي ده هي مهزقاني وانا طاردها يعني مستحيل تكون قابلاني اصلا وكمان انا مش عايزه اضيعها من ايدي لو اتقدمت مره يا معتز وهي رفضت لاي سبب خلاص مستحيل اتقدم تاني وهقبل برايها ومش هفرض نفسي عليها انما لو فضلت افكر ولعبتها صح واتقدمت وانا واثق انها هتوافق كده احسن
معتز بابتسامه فاهمك والله بس متنساش انت مين ده البنات كلها رايحه جايه عينيها عليك يابني انت دكتور وسام العامري مش اي حد يعني هناء او غيرها مستحيل يرفضوك
وسام بتنهيده من نظرتي كطبيب نفسي البنت دي مش بتحسبها كده واكبر دليل قوتها في الكلام حتى بعد ما عرفت ان اللي اتخانقت معاه هو الدكتور اللي هيقدم الندوه .. فا لا دي واحده خارجه من بيت شبعان ومش هتغريها فلوس ولا مكانه لو قلبها مشغول بحد تاني .. وهي انقى وانضف من انها توافق لمجرد اني مترفضش علشان متضيعنيش من ايديها وتكون بتحب غيري وتظلمني
معتز بضحك انت ازاي عرفت كل ده مش فاهم
وسام بابتسامه لا ده سر المهنه وخدها من اخوك كلمه واتمنى الزمن يثبتهالنا المج اه كان غالي عليها بس هي افورت علشان ممسكش فيها اكتر فبتداري على المصيبه اللي هببتها وده كان واضح في عينيها جدا
معتز فضل يضحك بشده وتابع لا دي تطلع منها اصدق عادي بس انت ايه يا باشا مصاحب جن ولا دكتور نفسي احنا نقلق منك كده
فوسام فضل يضحك وتابع لالا مش للدرجه دي بس ليا نظره والله
معتز بضحك اه يعني ايه نقول مبروك هناء هتبقى حرم وسام العامري ولا ايه؟ شكلها لعبت معاك يا ابن المحظوظه
وسام بضحك قول يارب بس وبطل نبر
معتز بضحك ده بيسموه ايه ده بقى حب من اول نظره
وسام بابتسامه لالا مش حب احنا هنهزر ولا ايه بس تقدر تقول عجبتني وعايز اعرفها اكتر حاسس البنت دي زي واحده عشت ادور عليها في خيالي كتير
معتز بضحك يسيدي يسيدي ده دكتور وسام بقى يشعر ومشفهاش غير مره لو اتجوزتها هتعمل فيناا ايه يغالي
وسام بضحك مش هشوف وشكم تاني
معتز بضحك استنى بس ومتاخدنيش في دوكه وبنت خالتك اللي امك هتموت وتجوزهالك وقاريه فاتحتكم دي
وسام برفعه حاجب تقرا مع نفسها مش عيل صغير انااا علشان تختارلي
معتز بتنهيده لا مبهزرش هتعمل ايه مش عايزك تتسرع وتدخل البت في وسط اهلك وتحس انها مش مرغوب فيها بالشكل ده
وسام بتنهيده معتز انا قولتلك انا مش صغير يغالي وعارف انا عايز ايه كويس اوي وامي والعيله كلها عارفين موقفي من الجوازه دي بس عمالين فيها عبط
معتز بتنهيده منا عارف بس الفكره ان امك مصممه اوي على بنت اختها وزعلانه منك فانت هترضيها وتراضي نفسك ازاي
وسام بضيق انا ارضيها فكل حاجه الا دي علشان دي حياتي وانا من حقي اختار البنت اللي هتجوزها وهتكمل معايا عمري
معتز بابتسامه معاك بصراحه والجواز عن حب حرفيا بيبقى حاجه تانيه وتنهد وتابع بس انت هتعمل ايه مع امك يا وسام اديك رجعت وهتفضل تزن عليك ففكر كويس قبل ما تتسرع وتعشم بنت الناس هي سبق وفكت قبل كده
وسام بتنهيده لا مفيش منه الكلام ده انا مفهمها اللي فيها ولما رجعت من السفر امبارح روحتلها سلمت عليها وقولتلها انا هقعد في شقتي فضلت تتحايل ولا خليك جنبي يابني ومش عارف ايه قولتلها لا انا مرتاح في شقتي لو انتي عايزاني تنوري اي وقت لاني عارف طالما رجعت الحلوه وامها هيجوا كتير وفعلا ورايح انزل لقيتها داخله هي وامها سلمت بلساني من غير ما ابص في وشهم وخدت بعضي ونزلت اصله مش بالعافيه هو
معتز بتنهيده ربنا يخلصك من الموضوع ده على خير بس ارجع واقولك هناء غلبانه اوي متدخلهاش وسط اهلك غير لما تكون واثق انها هيبقى مرغوب فيها 100%
وسام بابتسامه ده كده كده وبعدين السكر المحلي المحطوط على الكريمه ده ميعجبهمش ده يعجب بلد
فمعتز فضل يضحك وتابع يخرب عقلك يا جدع
وسام بضحك ااه بجد سبحان الله قاعد في امريكا مفيش واحده عينيها ثبتتني زي بنت الجزمه دي عينيها مجرمه قسما بالله
فمعتز فضل يضحك بشده وتابع طب اشرب قهوتك يغالي اشرب
وسام بضحك حاضر من عيوني
وبعد شويه كانت هناء خارجه من محاضرتها ورنا جنبها وبيتكلموا فوسام راح وقف قدامها وتابع انسه هناء ممكن ثانيه؟
هناء اتفاجئت بيه وتابعت بضيق نعم خيير جاي تطردنا من الجامعه كمان ولا حااجه
فوسام فضل يضحك وتابع لالا مش للدرجه دي انا مملكش الجامعه علشان اطردك منها
هناء بسخريه لا ياشيخ ؟!! طب نحمد ربنا والله .. الهي ربنا ما يكرمك تحكم على حد علشان هتفتري
فوسام فتح عينيه بتفاجئ وتابع بضحك ليه الأذى ده طيب !! ده انا حتى كنت جايلك وبصلح غلطي في حقك
هناء بستغراب غلط ايه مش فاهمه
فطلع وسام العلبه من ورا ضهره وتابع بابتسامه مج جديد اخو اللي اتكسر علشان حسيته غالي عليكي
فهناء اتفاجئت وابتسمت بس بعدين ابتسامتها اختفت وتابعت برفعه حاجب وبصفتك مين ان شاء الله تجبلي مج جديد ؟؟
فوسام ضحك وتابع طب قلبتي ليه طيب انا كنت رايح افرح انك ابتسمتي مش بصفتي حد يا ستي بس انا لما خضيتك اتكسر فحسيت اني السبب فجبتلك غيره
هناء بضيق لا شكرا مش باخد حاجه من حد معرفهوش ومبقبلش حد يصرف عليا جنيه
وسام بابتسامه كنت متوقع ان ده تفكيرك بصراحه بس صدقيني ده الصح من اتلف شيئا فعليه اصلاحه ولا ايه
هناء بضيق اه طبعا بس لو العوض ده منك انت مش عايزاه يمكن ده هيبقى بدل المج اللي اتكسر بس مش هيبقى نفس الغلاوه لان اللي اتكسر من اخويا الكبير ومش هنسى انك احرجتني قدام الناس كلها علشان 10 دقايق مع انك عارف انا كنت المفروض بعمل ايه وغصب عني فحقيقي شكرا يا دكتور وسام تعبت نفسك بس مش هقدر اقبله
ورايحه تمشي فتابع وسام بتنهيده هناء صدقيني انا مقصدتش احرجك بس الانضباط مالوش علاقه بالكلام ده فمعلش اقبليه
هناء بحده في ايه بيني وبينك يخليك تجبلي حاجه زي كده وعايزني اقبلها انت هتجنني لييه ورفعت حاجبها وتابعت لتكون عاملي فيه عمل ولا حاجه
وسام بذهول هي وصلت لعمل !! واتعصب وتابع يابنتي انا حسيت اني سبب فقولت اعوضك عنه مش اكتر ولا اقل حقيقي انتي انسانه غريبه جدا
هناء بصتله بابتسامه ومسكت منه المج ورمته وراها بلا مبالاه فوقع اتكسر لكذا حته ورنا شهقت بحرج وحطت ايديها على بوقها بذهول
فتابعت هناء بثباات: قولتلك مقبلش حد يصرف علياا جنيه ومتفكرنيش من البنات اياهم سهله وكلمه توديني وكلمه تجبني علشان جمالك وبدلتك اللي ماشي فرحان بيهم فابعد عني واحترم نفسك احسنلك
ومشيت ووسام فضل باصصلها بذهول وبص للمج وضرب كف في كف وتابع يابنت المجانين لالا انا شكلي بودي نفسي للتهلكه برجليا اه والله وراح يركب عربيته وتابع لنفسه مستني ايه من واحده عماله تعاتبني ولا كاني خطيبها ولا جوزها واحرجتها لما طردتها من المدرج مش كاننا لسه عارفين بعض من ساعتين لالا دي مخها تعبان والله
عند هناء ورنا كانوا ماشين فتابعت رنا بضيق يابنتي اصبري بقى
فهناء وقفت وتابعت بحده نعم يا رناا خيير
رنا بحده بتزعقيلي ليه علشان غلطاانه طبعااا فماشيه بمثل خدوهم بالصوت
هناء بحده يابنتي غلطانه في ايه ده متخلف
رنا بحده وانتي قليله ذوق مش اسلوب ابداا تعاملي بيه دكتور في مكانته
هناء برفعه حاجب بقولك ايه عجبك اوي كده روحيله وحلي عني
ورايحه تمشي فرنا مسكتها وتابعت بتنهيده يهبله اسمعيني مش مهم عجب مين لان لو جينا نحسبها بالعقل هتلاقيه عجب المدرج كله ومسكت وشها ووجهته ليها وتابعت المهم هو مين عجبته
هناء ضحكت وتابعت بسخريه انتي اتجننتي صح؟
رنا بحب لا متجننتش بس باين عليه اوي انه اعجب بيكي يا بنتي فكري شويه ياما دكاتره جات هنا واقل منه مكانه وكاريزما ومحدش كان لطيف مع اي طالبه كده بس انتي فعلا عجبتيه
هناء بسخريه يحبيبتي فوقي لنفسك مش معنى انه حس بالذنب وعمل حركه لطيفه وجابلي مج يبقى بيحبني الحب ده كلمه كبيره اوي واظن اني مريت بتجربه قاسيه جدا ورتني رغم كل الافعال الحلوه الا ان مكنش في حب صادق وكافي يعدي اللي حصل وبعدين ده ميعرفنيش ولا اعرفه ومستحيل يبصلي بقولك ايه فوقي من اوهاومك ويلا عايزه اروح المول علشان لسه هشتري فستان لفرح بكره
رنا بضيق انا مقولتش بيحبك يا سخيفه لسه بدري بس بقول معجب وباين جداا وبعدين مالك انتي فيكي ايه مايبصلك طبعا ده انتي ست البنات
هناء بضحك طب معلش بقولك ايه فكك من جو الروايات ده ويلا يا ماما متاخره مش فاضيه انا للهري ده
رنا بضحك طب هتشوفي والاايام هتثبتلك
هناء بضحك نامي واتغطي كويس يحبيبتي احنا هنشوفه الاسبوع اللي جاي مره كمان وشكرا على كده محدش هيشوف وشه تاني
رنا بضحك لو انا كلامي صح هيلاقي طريقه ينط هنا بيها كل شويه فهنشوف بقى وبصت للسما وتابعت بتمني : يارب يكون نصيبها يااارب
هناء اجيب بينك ولا بيبي بلو ؟
رنا فضلت تضحك وتابعت تصدقي يابت انك باارده وربنا وضربتها في كتفها
فهناء فضلت تضحك وتابعت قولي بجد ده الاهم دلوقتي
رنا بضحك بينك
هناء بحب خلاص يلا نروح نختار
ومشيوا بالفعل وهما بيتكلموا
-----
عند نيره في الجامعه كانت حضرت اول محاضره وراحت قعدت في مكان هادي قرب البوابه متعصبه جدا وسهيله بتحاول تهديها ودقايق ولقيت كريم جيه فقامت وقفت وراحتله
فتابع كريم بحده ايه في ايه بقى علشان جيباني بالطرريقه دي
نيره بسخريه لا وانت جيت جرري مش كدده ؟؟؟
كريم بحده يابنتي قولتلك المدير اتصل بياا واضطريت اروح ضروري ونزلتلك تااني اهوو في اييه بقى علشان قسما بالله شكلي همد ايدي عليكي
نيره بعصبيه انت مين سمحلك تضرب مروان وتقلل مني بالشكل دده يكرريم
كريم اتفاجئ وتابع بصدمه نعمم ياروح امك؟ ومسك دراعها جامد وتابع بعصبيه هو انتي جيبااني علشااان تقوليلي كده تصدقي يابت انك معندكيش ريحه الدم
نيره بعصبيه انا مبهزرش يا كريم وشدت ايديها منه وتابعت سبق وقولتلك متعملوش حاجه وتقلل مني وكفاايه لحدد كدده وده اخره معاياا البلوك ومينفعش اعمله مقام اكتر من كدده بس انت عملت اييه ؟؟ انت روحت بهدلته واتعصبت اكتر وتابعت وبينتله ان اللي عمله كسرناا وخليته يتصل بسهيله ويقولها رغم كل اللي حصلي ده انا لسه بحبك انتي وعايزك انتي فاليه يكرريم ليه تعمل فياا كدده
كريم بعصبيه يمتخلفه يا بنت الكلب انا عملت كل ده علشااانك مكنتش عاايزه يفكرك مالكيش ضهرر ويدخل حيااتك يلعب بقلبك ويخرج من غير ما يتربى
نيره بعصبيه التجاهل بالنسبه للاشكال دي هو اكبر رد عمره الصمت ما كان ضعف .. الصمت قمه القوه لما يكون اللي قدامك شخص زباله وقليل الاصل زي مرواان
كريم بعصبيه نيييره بقولك ايه انا مش ناقص هرموناات حرييم على الصبح قسما بالله انتي تحرقي الدم علشان جيباني بالطريقه دي ومخلياني قطعت شغلي علشان تقوليلي الكلام الفااضي ده
نيره بصدمه كلام فاضي !! واتعصبت وتابعت كرريم انت مش مدرك انت قللت مني ازااي ؟؟؟
كريم مسك دراعها وتابع بعصبيه لا مش مدرك حاجه ولو ورحت ضربته فعلشان كلامه معاايا اللي هو مكنش قدده وده برا عنك خاالص
سهيله بحزن انا عارفه انك صح والله يكريم وقولتلها اخوكي عمل كده من حرقته عليكي بس فعلا اللي حصل عكس كل حاجه نيره حاولت تثبتها لانها لما عرفت الحقيقه مبصتش في وشه وعملت بلوك وهو ساعتها استغرب رده الفعل وحاول يوصلها كتير ويراضيها بس لما انت روحت ضربته فهم انها كانت بتمثل وانها اكيد انهارت قدامك علشان كده توصلك للمرحله دي
فكريم تنهد بعمق ومسح بايديه على وشه بضيق فتابعت نيره بعصبيه هاا فهمت وضربته في صدره وتابعت بعصبيه ودموع فرحان بنفسك وبمنظري اللي بهدلته ده ؟!! قوليي
فكريم مسك دراعها بعصبيه قسما بالله ورحمه ابوياا لو صوتك ده عليي تاني لهديكي قلم ينسيكي اسمك
فنيره رايحه تتكلم فتابع كريم بعصبيه اخرسي خاالص مسمعش حسك ده تاااني علشان بيعصبني
نيره بحده يعني ايه متسمعش حسي تبقى غلطان وانت اللي زعلان كماان هو انت ايه فكرت نفسك اخويااا بجددد ولا ايه ؟؟؟؟
فكريم اتصدم وبصلهل وتابع نعم ينيره ؟؟ قولتي ايه ؟؟
نيره بعصبيه قولت اللي انت سمعته انت مش اخوياا يكريم وملكش انك تحكم علياا ولو شوفتني ماشيه مع شاااب كده مالكش انك ..
وقاطعها كريم لما ضربها بالقلم بقوه فصرخت بالم ومسك شعرها فعيطت وسهيله واقفه خايفه عليها وحاولت تسلك بينهم فكريم بعدها وتابع بعصبيه شديده: ماليش ايه ياروح امك سمعيني تاني كدددده ؟؟؟؟
نيره بعياط وعصبيه وهي بتتألم من ماسكه ايديه تابعت ااه مالكش حكم علياا ومش معنى اني عيشت معااك في نفس البيت فا ده يديك الحق انك تتحكم في حيااتي حقيقي دي غلطتي انا من البداايه و
كريم بعصبيه ومقاطعه ده انا ااحكم عليكي وعلى اهلك واربيكي من اول وجديد غصب عنك يابنت الكلب يحيوانه وابقي وريني كدده تقدري تمشي مع شاب ولا تعملي حاجه غلط ازااي وانا اقسم بالله العظيم اكسرك تحت رجلي خالص وماحد هيحوش عنك .. انتي هتستعبطي ولا ايه وضربها قلم تاني وتابع بعصبيه لا فوقي لنفسك بدل ما افوقك كدده
فتابعت سهيله بخوف خلاص يكريم خلاص سييبها حقك عليااا انا وبتشدها منه
فتابع كريم بعصبيه اصل يعني ايه ماليش حكم عليهاا اتجننت دي ولا اييه هو انتوا ليكم غيري يحيواانه يابنت الكلب ؟؟؟ هو مين اللي تعب وقاال صح وغللط ؟؟؟ ..مين اللي كبر وعلم ؟؟؟ ده انا حرمت نفسي لاجل البيلكم احتياجاتكم وفي الاخر يتقاالي هو انت فااكر نفسك اخويااا بجدد ؟؟ لييه هو الاخ اللي بجد بيعمل ايه انا معملتوش ياانيررره ردييي عليااا
نيره بعياط ووجع من ماسكه ايده تابعت مبيعملش ومش عاايزاك تعمل وحقيقي اول مره متفهمش وجهه نظري وتاخد الكلام على صدرك كده وايديك تسبق دماغك حتى معايا
كريم بعصبيه ايدي بتسبق دماغي ايييه هو انا مديت ايدي عليكي غير لما قولتي لو شوفتني ماشيه مع واحد مالكش حكم عليااا ؟!! منا مش هسمعك بتقولي كده واسكتلك وغصب عنك ليا حكم عليكي وعلى اللي يتشددلك واموتك لو فكرتي تعملي حاجه غلط وضربها على ضهرها وهي بتعيط وتابع بعصبيه مش هنربي العمر دده كله وتيجي تبوظي دلوقتييي احفظي نفسك ولسااانك علشان ورحمه ابوياا يانيره انتي بالذات اول مره احس اني عايز اكسرك خالص كده واخليكي متقوميش من مكانك تااني
فسهيله شدتها وقفتها وراها وتابعت بدموع حقك عليا انا والله خلاص حصل خير
كريم افتكر كلامها اضايق اوي وقلبه وجعه وتابع لو كنتي قولتلي انه صعب عليكي علشان لسه بتحبيه كنت بلعتها وقدرت مشاعرك انما انك تلوميني علشان دمي غلي لاجلك ولاجل دموعك وروحت عززتك وجبتلك حقك وقولت ان ليكي ضهر ؟!! دي بلنسبالي صدمتني جدا منك يا نيره وزي مانتي شايفه انا مفهمتكيش انتي كمان اول مره متفهميش تصرفاتي بس وماله اديها حياه وبتعلم وخلصي محاضراتك وعلى البيت
ورايح يمشي فخرجت نيره من ورا سهيله وتابعت من بين دموعها انا كبرت كفاايه اعرف اقرر واتصرف في حياتي يكريم ومن انهارده تحديدا بخلي مسئوليتك مني
فكريم اتصدم بس مبينش وسهيله بصتلها بذهول فكريم لف وشه بصلع وتنهد وتابع مسئوله مني غصب عنك مش بمزاجك انتي واختك وصيه ابويا الله يرحمه بس اللي حصل جديد انهارده انك بقيتي زيك زيهم وعمري ماهعرف اشوفك صاحبتي تاني ومشي
فتابعت سهيله بحزن يكريم استنى بس علشاان خاطري .. يكررريم
كريم وهو ماشي تابع بحده اطلعي منها انتي ياسهيله علشان متزعليش مني وفهميها انها لو كلمت مروان قسما بالله هكسرها خالص وماهتشوف الشارع تاني
نيره بعصبيه وعياط انت اصلا مالكش
فسهيله حطت ايديها على بوقها جامد وتابعت بعصبيه بس بقى اخرسي انتي ولسانك المتبري منك ددده
نيره فضلت تعيط بشده فسهيله خدتها في حضنها وفضلت تطبطب عليها وتابعت بحزن ليه ينيره كده مكنتيش تيجي عليه بالشكل ده دي جزاته بعد تربيته ليكي العمر ده كله
نيره بعياط تعبت يا سهيله تعبت من احساس اني قللت من نفسي لما حبيت مرواان ومقدرتش استحمل اعرف ان كريم هو السبب في حاجه زي دي واسكت
سهيله بحزن يحبيبتي انا زي ماقولتلك ان الحيوان ده قالي كده بردو قولتلك ان كريم راجل ودمه غلي لاجلك فانتي كنتي هتلوميه بادب ماشي انما اللي حصل ده من علو صوتك عليه وكلام وحش في حق نفسك وفي حقه لا مينفعش ابدااا
فنيره عيطت وتابعت خلاص اللي حصل حصل وادينا خسرنا بعض
سهيله بحزن كريم حنين صالحيه ومش هتهوني عليه والله
نيره بعياط وبحده ولا هصالح ولا هنيل
سهيله بحده يانيره انتي غلطاانه بجدد
نيره بحده من بين دموعها ممكن تسبيني في حالي ومشيت من قدامها وسهيله نفخت بضيق
-------
وعند كريم في عربيته كان ماشي سرحان جدا وكلام نيره بيتردد في باله وفاجاه لقى بنت صغيره بتعدي الطريق وبتجري فوقف وداس فراامل بسرعه لدرجه ان العربيه عملت صوت قوي جداا والبنت بصتله وجريت كملت تعدي الطريق فاهو تنهد بعمق وسند راسه على الدريكسيون
وثواني وفونه رن فمسكه ورد وتابع بتنهيده ايه يحبيبتي
نادين ايه يكريم قولتلي هوصل مشوار وارجع اكلمك ونسيتيني خالص
كريم بتنهيده لالا منستش ولا حاجه انشغلت بس هخلص شغلي واكلمك ياروحي والله
نادين بستغراب مالك يكريم صوتك فيه حاجه
كريم بتنهيده مش وقته يا نودي اخلص واحكيلك يابابا
نادين بابتسامه حزينه: طب حقك علياا ايا كان ايه مزعلك والله
كريم بحب انتي ملكيش ذنب يعمري متقوليش كده
نادين بحب ازاي بقى لا طبعا ليا وكل حاجه بتحصلك سواء زعل او فرح لازم نتشاركها سوا ولا ايه
كريم ابتسم وتابع ااه اكيد طبعا
نادين بحب طب فوق كده وروح شغلك واشرب قهوتك وخلص وكلمني ماشي يحبيبي؟
كريم بحب حاضر والله
نادين بحب ماشي وباست الفون وتابعت بضحك جددتلك الطاقه اهو
فكريم فضل يضحك بشده وتابع ده حصل جدا على فكره
نادين بضحك شوفت بقى
كريم بضحك هشتغل بضمير كده
فنادين فضلت تضحك وتابعت ربنا معاك يعمري خلص وكلمني هااا
كريم بحب من عيوني حاضر .. باي
نادين بحب باي
وقفل معاها وشويه ووصل الشركه وبياخد مفاتيح العربيه فعينيه جات على صورته مع اخواته اللي في الميداليه فبص لنيره وتنهد بعمق وحطهم في جيبه ونزل
------
عند لميا في شغلها
كانت قاعده في مكتبها وخلصت المقال وقامت طبعته وخرجت وراحت لزين مكتبه وخبطت فتابع ادخل
فدخلت وتابعت ها يحبيبي خلصت؟
زين بانشغال لا يا لميا لسه روحي انتي وهاجي وراكي
لميا باستغراب احنا مش كان عندنا معاد برا انهارده ؟
زين بتنهيده اه بس انا لغيته مش فاضي خالص ورايا حاجات كتير
لميا بتنهيده ااه قولتلي .. بس على فكره خلي في بالك اني واخده على خاطري اوي منك
زين استغرب وبصلها وتابع ايه ده ليه؟
لميا بتنهيده لا عادي حاجه مش مهمه انا بس متعودتش اني اخبي عليك لما بقفل منك ورايحه تمشي فقام زين ومسك ايديها وتابع استني يا لمياا انا بتكلم معاكي فاقعدي كده وعاتبيني
لميا بدموع للمره الكام ؟ والمره الكام هتبطل تعمل نفس الغلطه
زين بتنهيده المفروض انك مش هتبطلي تسامحيني
لميا بحده ودموع ومين قاالك اني مش مسمحااك بس لاني بحبك بحذرك
زين تحذريني من ايه ؟
لميا بوجع من انك يجي يوم وتخسرني
زين بصدمه اخسرك !!
لميا بدموع ووجع اه يا زين تخسرني كل مره اذتني فيهاا كنت بسامحك بس النقطه السودا اللي جوايا من ناحيتك كانت كل مره بتكبر وخايفه ان النقطه السودا دي تغطي على قلبي كله فيوم ووقتها هتبقى سهلت عليا قرار البُعد
زين مسك دراعها وتابع بحده بُعد ايه انتي اتجننتي ؟؟ حصل ايه لكل دده فهميني
لميا تنهدت بعمق وتابعت بوجع كنت مع ساره في كافيه في الشيخ زاايد بتهبب ايه يا زين ؟؟؟
زين بصدمه انتي بتراقبيني يا لميا ؟؟
لميا بعصبيه اه برااقبك وتعبت منك ومن قرفك مقعدني جنبك وبرفض علشانك عرسان قد كده وايه النتيجه هااا كل شويه قرف وخروج وقله ادب ومسخره
زين بسخريه هتعرفي كنت بعمل معاها ايه وهتعرفي ان كل اللي في دماغك ده هري وكلام فاضي بس تمام حلوه اوي الثقه اللي بيناا دي ورمى دراعها بعنف ومشي وهي عيطت وتابعت ماشي يا زين مااشي ومسحت دموعها وخدت ورقها وراحت لرئيس التحرير
----------
بالليل علي كان قاعد في شغله وبيكمل كالعاده كتابه روايته ولقي رفيده بتبتسم وتابعت ممكن نصدع الكاتب العظيم بتاعنا شويتين ولا ايه
فعلي ابتسم وتابع يحبيبي ده انتي تعملي كل اللي انتي عايزاه ادخلي ياروفي تعالي
فرفيده ابتسمت ودخلت شدت كرسي وقعدت جنبه وتابعت وريني بتكتب ايه
علي قفل اللاب توب وتابع بضحك لالا بلاش حرق لما تخلص وتطبع هديكي اول نسخه انتي وحبيبه
رفيده ابتسامتها اختفت وتابعت برفعه حاجب انا ومين؟
علي بضحك مالك يابت في ايه دي اختي الصغيره ومن اكتر الناس الداعمه ليا
رفيده بتنهيده بس بتساويها بيا عادي كده؟
علي برفعه حاجب وفيها ايه لما اوزع منه النسخ الاولى على الناس اللي انا عارف انها فعلا هتدعمني وتشجعني ايا كان حبيبه او غيرها
رفيده تنهدت بعمق وتابعت اه طيب يعلي
فعلي ابتسم وتابع سيبك قوليلي عملتي ايه في شغلك انهارده
رفيده بضيق والله يعلي حاجه تقرف كان يوم صعب اوي وابتسمت وتابعت بس سيبك من الشغل والقرف ده انا عديت جبت فستان جديد علشان فرح ابراهيم بكره
علي بابتسامه طيب حلو اوي قومي قيسيه في الحمام ووريني
رفيده بضحك لالا خليه بكره
علي طلع سجاره وتابع وهو بيولعها طب قومي قيسيه ووريني علشان مولعش فيكي يا رفيده
رفيده بضحك حاضر وضربته بالشنطه اللي فيها الفستان وقامت تغير فضحك علي وتابع طب اتمسي وقولي يامسا طيب
فرفيده ضحكت ودخلت تغير وهو بص للشارع لقى سلمى معديه مع حبيبه فتابع بصوت مسموع يعلــي
فسلمى بصتله فشاورلها بايديه تدخل فهمست جنب حبيبه واتوتروا ودخلوا مع بعض فتابع علي برفعه حاجب الهانم كانت فين لحد الساعه 5 ؟؟؟
سلمى بتوتر منا كنت بلف مع حبيبه على دريس ليا لفرح ابراهيم وكده
علي بتنهيده ااه وقولتي لمين انك هتتاخري ؟؟
سلمى بتوتر ردي يحبيبه
حبيبه بتوتر ارد اقول ايه ؟
فسلمى بصتلها بحده فتابعت حبيبه بتوتر ااه ااه صح هي فونها فصل فانا حتى بعتلك واتساب قولتلك خلصنا محاضرات وهنلف انا وسلمى نجبلها دريس
علي مسك فونه وفتح الواتساب شاف رساله فعلا من حبيبه فتنهد بعمق وتابع طيب خلاص روحوا بقى كفاياكي كل ده في الشارع
سلمى بتوتر انا والله كنت عايزة استناك تشوف المسدج وقولت لحبيبه زني لحد ما يرد فقالتلي انك اكيد مشغول والمهم اني استأذنتك
علي بتنهيده هو اللي حصل حصل بس بعد كده فعلا صممي ارد عليكي الاول قبل ما تروحي اي حته علشان متضمنيش فوني يفصل ولا الداتا تخلص فمفضلش قلقان عليكي
سلمي بابتسامه حاضر يحبيبي وباست خده وتابعت بحماس هروح انا بقى اوريي ماما الدريس
علي بحب وريني جبتيه لونه ايه
سلمى بحب مينت جرين
علي بضحك اوعاا المينت جرين علشان تعملي ماتشي مع لون عينك وكده
سلمى بضحك اه فكره حبيبه دي وقيسته هناك قالتلي واو ولايق علياا
علي بحب انتي عامه واو
فسلمى ضحكت وتابعت يحبيبي انت بجددد وحضنته فعلي قام وقف وباس راسها بعمق وتابع قلب حبيبك روحي يلا جري على البيت
سلمى رايحه تتكلم فخرجت رفيده لابسه دريس بيبي بلو كم شفاف وصك وليه اكستنشن وتابعت هاا ايه رايك
فعلي بصلها وابتسم وتابع ايه الحلاوه دي جاامد بجد
سلمى باعجاب تحفه عليكي بجد يارفيده
فرفيده فضلت تضحك وتابعت حبايبي بجددد ولفت نظرها حبيبه فتابعت بابتسامه وانتي يا بيبه ايه رايك يعني مقولتيش
حبيبه بابتسامه وهي دي فيها كلام اكيد كل حاجه حلوه عليكي يعني
رفيده بابتسامه ميرسي ياروحي وراحت حطت ايديها حوالين رقبه علي وتابعت بضحك تعالى جرب معايا السلو كده
علي بضحك اتلمي طيب مش وقتك من امتى بنرقص سلو احنا ؟؟؟
رفيده برفعه حاجب هترقص معايا بكره يعلي هاا
فعلي ابتسم وتابع مرضهاش على اخواتي فمش هينفع وحياتك
رفيده بضيق بطل افوره بقى ما كل الكابل بكره هيرقصوا عادي
فحبيبه تنهدت بضيق من ايد رفيد اللي على رقبته وتابعت بخنقه انا همشي يا سلمى امي بعتتلي عايزه طلبات فهروح الحق اجيبها عن اذنكم
سلمى بتنهيده روحي يحبيبتي
ومشيت فتابعت سلمى بتنهيده ما تتلمي يا رفيده يحبيبتي من امتى وعلي بيسمح بالجو ده اصلا
علي بتنهيده ده انا مش عايز اكتب من فراغ والله ونزل ايديها وتابع بابتسامه ربنا يهديكي يحبيبتي روحي غيري يلا
رفيده بضحك هيهديني باذن الله بس انت اتجوزني ودخلت تغير فتابعت سلمى بضحك انا بحبها اوي والله وانت عارف اني مش حربوقه بس اسلوبها ده مش نافع بجد
علي بضحك معلش هرموناتها عاليه حبتين نتجوز والمهالك
فسلمى فضلت تضحك بشده وسندت راسها على صدره وهي مش قادره توقف ضحك
فتابع علي بضحك ماخلاص يابنت الجزمه مالك في ايه هو عيب
سلمى بضحك لا طبعا مش عيب بس انا ملاحظه انك اكتر ثبات من رفيده بجد
علي بتنهيده ان جيتي للحق مفيش راجل مبيتمناش بس بالي مش رايق والله يا سلمى اصل رفيده ايا كان هي مش تحت ضغط قدي بردو ففرحانه وبتفكر في علاقتنا انما عكسي انا بفكر ازاي ده هيحصل اصلااا
سلمى بحزن هو عمو عادل قالك حاجه امبارح ضايقتك يحبيبي صح ؟؟؟ علشان كده كنت قالب وشك
علي نفخ دخان السجاره وتابع قالي اوضع حل وكتب الكتاب يبقى قريب وده مفيهوش اي اوبشن ده اجباري
سلمى بصدمه كتب كتاب ايه اللي قريب ده اكيد بيهزر !!!
فطلعت رفيده وتابعت بابتسامه علوه غاده العروسه اتصلت بيا هروح معاها معلش نجيب حاجه بسرعه خالص والله
علي بتنهيده منين؟
رفيده بحماس من المول
علي بتنهيده لا بعيد روحي واختها تروح معاها
رفيده بضيق يعلي بقى علشان خ
علي بمقاطعه وبحده انتي اتنيلتي سمعتي انا قولت اييه؟
رفيده بضيق حاضر مروحه وخرجت ومشيت بضيق
فتنهدت سلمى بعمق وتابعت هتعمل ايه يعلي ؟
علي قعد وحط راسه مابين ايديه وتابع بهم: مش عارف يا سلمى حقيقي مش عاارف
فسلمى قعدت جنبه وفضلت تمشي ايديها على شعره وبتقرا قران بصوت واطي هما بس سامعينه وعلي الدموع بتتجمع في عينيه بتأثر من صوتها وخصوصا قالت ايات لمسته وطمنته ودقايق وخلصت وتابعت بابتسامه صدق الله العظيم .. ربنا يريح قلبك وبالك يا نن عيني
فعلي ابتسم ورفع راسه وخدها في حضنه وباس راسها بعمق وتابع بابتسامه اللهم امين يا رب العالمين جزاكي الله كل خير يا قلب اخوكي ودايما حافظه لكتابه كده حقيقي فخور بيكي اوي
سلمي بحب ربنا ميحرمنيش منك ابداا بس يعلي بردو لازم نلاقي حل انا ممكن ابيع السلسله بتاعتي اللي انت جبتهالي ساعه الخطوبه كده كده دي حاجتك خدها مش عايزاها
فعلي تنهد بوجع وتابع هو انا بتكلم معاكي يا سلمى علشان تقوليلي ابيعك حاجه انا جبتهالك ؟؟
سلمى بحزن يحبيبي متحسبهاش كده انت دلوقتي في زنقه ودي حاجتك اصلا وبعدين يا علي انت ياما عملت معانا وعلشانا فلازم بردو نحس ونحط ايدينا في ايد بعض ونقومك لما تقع وبعدين انا مش بتفضل عليك في حاجه دي فلوسك كده كده
علي بابتسامه مفيش حاجه اسمها فلوسي انا واجبي اجيبلك انتي واخواتك كل الدنيا بس بتكلم معاكي انتي من غلبي ومين غيرك بيفهمني ويسمعني رغم انك كلك على بعضك 20 سنه وصغيره بس حقيقي ياسلمى عمري ماندمت اني اتكلمت معاكي وعلطول بتديني امل اعيش فمتخلنيش اندم دلوقتي وتحسسيني اني مش قادر اتصرف لدرجه هبيعلك سلسلتك وباس جبينها بحب وطبطب على ضهرها
سلمى بدموع يتقطع لساني يحبيبي لو حسستك بكده انا بس مش عايزاك تدور وتتعب دماغك كتير اختك موجوده اهو ودي حاجتك والله
علي بحب اسمها حاجتك انتي مش حاجتي وقولتلك مش هعمل كده بلاش عبط الحاجه من دول لو اتباعت متعرفيش هيتجاب زيها تاني ازاي فاسكتي ومتفتحيش معايا الموضوع ده تاني
سلمى بدموع طب هسكت علشان مش عايزاك تضايق بس اوعدني يا علي لو ملقيتش حل انك هتيجي تاخد السلسله من نفسك
علي بابتسامه لا مش هوعدك وباذن الله هلاقي حل انتي بس همتك معايا في الصلاه كده واللي بدا معايا هيكمل خلي املك في ربك كبير
سلمى بدموع ونعم بالله يقلبي
علي بضحك سيبك من النكد ده بس اضحكك شويه عارفه مين كان هنا
سلمى باستغراب مين
علي بضحك الواد إياد اللي كان معايا في الدفعه
سلمى ااه ماله
علي بضحك جاي قال ايه يطلبك قولتله دي قربت تتجوز خلاص يباشا انت بتقول ايه الواد حرفياا اتخض
فسلمى فضلت تضحك وتابعت بتتكلم جد ؟!!
علي بضحك اه وربناا قولت اهي سلمى دي هيفضل يجيلها عرسان حتى بعد ما تتجوز ده التالت ده من ساعه ما اتخطبتي
سلمى بضحك مش عارفه والله كميه العرسان دي محسسني اني جورجينا
علي بحب قطع لسانك متقارنيش نفسك بواحده زي دي هو انتي في منك ولا في ادبك واخلاقك وجمالك يعني مؤدبه وزي القمر وعينيكي خضر وحلوين ومختمره وعارفه ربنا كل حاجه فيكي تضربها ب 100 جزمه مين دي علشان نقيس بيها الجمال لما نيجي نتكلم عن لوما
سلمى الدموع اتجمعت في عينيها وحضنته وتابعت قلب وعيون لومااا والله وباست خده وتابعت ربنا ميحرمنيش منك ابدا يحبيبي
علي باس خدها وتابع بحب ولا منك ينورعيني قسما بالله يابت يا سلمى مجرد مابتخيل انك اتجوزتي ومشيتي خلاص بكتئب مش فاهم اشمعنا انتي اللي متعلق بيكي كده رغم ان انتوا التلاته حته من قلبي بس حرفياا لو شوفت فيكي خدش بتعب يمكن علشان انتي مصاحباني اكتر واحده فربنا يحميكي يقلب وعيون علي ويحفظك من كل شر ويفرحني بيكي انتي واختك قريب يارب
سلمى بحب يارب يا نورعيوني انت ويديمك لينا وميحرمناش منك ابدا ومن طلتك علينا يا غالي
ولقيت كريم دخل وتابع بتنهيده مساء الخير
علي بحب مساء الفل يا قلب اخوك
سلمى بحب مساء النور يا كيمو وباست خد علي وتابعت طب هقوم انا اروح واسيبكم شويه مع بعض
علي بحب روحي يعمري وخلي بالك من نفسك
سلمى بحب من عيني ومشيت
فقعد كريم وتنهد بعمق فتاابع علي بتنهيده اممم شكلك متنكد اعملك كوبايه قهوه تظبط دماغك وتقولي فيك ايه وقام يعمل
كريم بتنهيده اعمل اه علشان مصدع ودماغي هتنفجر بس انا عادي مفيش حاجه
علي وهو بيعمل القهوه تابع على اخوك الكلام ده يغالي؟
كريم بتنهيده يابني فعلا مفيش حاجه انا شديت مع البنات بس شويه عصبوني علشان موضوع الفساتين والفرح والجو ده
علي بتنهيده طبعا حبيبه ونيره
كريم تنهد وتابع اه هو في غيرهم
علي وطى النار على القهوه وبص لكريم وتابع بتنهيده نفس غلبي مع اسراء والله بس كبر دماغك انت كده كده كلامك هيمشي
كريم برفعه حاجب ده غصب عن اللي جابوهم مش بمزاجهم
علي بتنهيده مع اني حاسس ان الموضوع فيه حاجه تاني بس وماله اسيبك على راحتك لحد ما تحس انك عايز تتكلم بمزاجك .. ها ايه الاخبار مع نادين
كريم بابتسامه زي الفل والله
علي بحب طب ايه مش هنفرح بيك قريب بقى
كريم بتنهيده كله على الله ربك يقدم اللي فيه الخير
علي بحب يارب يغالي ودقايق وصب المجين بتوع القهوه وراح قعد قدامه فتابع كريم بابتسامه تسلم يا علوه قول بقى مالك معاك ايه
علي بتنهيده والله ما عارف اقولك اي يكريم مبدائيا انا بعتلك الفلوس اللي خدتها منك ساعه لما نزلت مع رفيده
كريم بتنهيده لاحظت واتضايقت منك جدا انا امتى طالبتك بفلوس ؟ مافلوسنا واحد يا متخلف
على بتنهيده انت عارف انا مبعرفش اخلي عليا جنيه المهم مش في الفلوس دي دلوقتي خالص اللي جاي اتقل واصعب
كريم بقلق في ايه يعلي قلقتني
علي بتنهيده حمايا مصمم احدد كتب كتابي قريب علشان ابقى خدت اي خطوه مع رفيده واتجوز بعد سلمى علطول
كريم اتصدم وتابع نعم فاجاه كده ؟؟؟
علي بتنهيده هو فاجئني زيك بالظبط وكان داخل فيا داخله وحشه اوي فوافقته وقولتله سبني بس يومين وهرد عليك اقولك كتب الكتاب يوم كذا
كريم بحده ياابني ماهو يعرف ظروفك ايه شغل لوي الدراع دده بجد
علي بتنهيده كريم ابوس ايدك افهم انا رابط البت جنبي بقالي سنتين وهو اب خايف عليها وعايز يطمن انها خلاص بقيت في عصمه راجل اصل انت عايز تفهمني ان انا مش ممكن دلوقتي حالا اقول لرفيده كل شيء قسمه ونصيب
كريم بتنهيده فاهم والله الخطوبه غير كتب الكتاب خالص بس ما انت ممكن تطلقها فاهو دماغه فيهاا ايه
علي ضحك بسخريه وتابع يا غالي ده هيكتب قايمه مش هينه خالص وهيضمن حق بنته انت متعرفش عم عادل بيفكر ازاي بجد
كريم بضيق انسان مادي حقير والله
علي بتنهيده معلش هو بردو عنده حق انا اللي طلعت من بوقي بعد سنتين هتجوز
كريم بتنهيده على العموم يا علي متشيلش هم شوف الليله دي هتكلف كام واخوك في ضهرك
علي بتنهيده والله يكريم ماعارف اقولك ايه
كريم بحب متقولش حاجه يعبيط علشان انت اخوياا وصاحبي الوحيد وفلوسنا واحده .. ياض ده انا لما بتزنق وبكون محتاج فلوس ضروري والقبض لسه منزلش بطلع اوضتك افتح المحفظه واخد منها وانزل احنا هنهزر ولا ايه
فعلي ضحك وتابع ااه وربنا بعرف ان انت علطول محدش بيتجرا يعملها في البيت دي
كريم بضحك شوفت عيب عليك تقول كده بقى فاشرب قهوتك وبطل تحسبها كتير انا شايل مبلغ كويس متقلقش
علي بحب هردهوملك بس لما اقبض الجمعيه باذن الله
كريم بحب يعلي اشرب يعلي علشان مقومش اديك علقه اخليك تدخل اخرى مش دنياا
فعلي فضل يضحك وتابع حاضر هشرب اهو
----------
وبعد شويه كريم كان روح البيت وطالع على السلم فخرجت حبيبه وتابعت بقلق كيمو
كريم بتنهيده ايه يحبيبتي
حبيبه بقلق نيره لسه مجاتش متعرفش هي فين وبرن عليها بيدي جرس ومش بترد
هاله بتوتر اه والنبي يابني شوفهالنا
كريم بحده ازاي مرجعتش لحد دلوقتي يعني ؟!! ومسك فونه يرن عليها
حبيبه بدموع منا بقولك برن مش بترد والله
كريم بحده متردش اه عليكم انما متقدرش تعملها معايا وبالفعل ثواني وردت عليه وتابعت الو
فتابع كريم بعصبيه انتي فين يا هااانم
نيره بضيق جايه خلاص في الشارع قدام البيت اهو
كريم بعصبيه وكنتي فين كللل دده
نيره بدموع عند سهيله
كريم بعصبيه وقولتي لمين انك غايره لسهيله مش فاهم ؟؟؟؟
فتابعت نيره بدموع خلاص يكريم انا طالعه اهو بجد باي
وقفلت معاه فشال فونه في جيبه وبص عليها لقاها طالعه ومتوتره فتابع بحده تعاليلي وشاورلها بايديه
فحبيبه مسكت ايديه وتابعت بتوتر خلاص يكريم حقك عليا انا علشان خاطري
كريم بعصبيه تسمحي تخرسيي انتي علشان ممدش ايديي عليكي ؟؟؟
فتابعت هاله بحده بس انتي يحبيبه سيبيه يربيها
ودخلت الشقه هي وحبيبه وكريم مسك نيره من دراعها فعيطت ودخلها وتابع بعصبيه قولتي لمين بقى انك هتتنيلي تغووري لسهيله ؟؟؟ لا وكمان بيرنوااا يطمنوا عليكي مترديش حد عرف يربيكي انتييي ؟؟ ردي عليااا ؟؟!
نيره بعياط كنت مخنوقه ومش عايزه اكلم حد
كريم بعصبيه يعني ايه مش فاهم ؟؟؟ هل ده مبرر انك تسيبهم قالبهم واكلهم عليكي كده انتي اتجننتي ولا جراا لمخك حاااجه ؟؟؟
نيره بدموع وبحده ااه ياسيدي اتجننت وابعدوا عني بقى
هاله بعصبيه وطي صوتك واخوكي بيكلمك يقليله الرباايه انتي وبعدين ايه دده مين عمل في وشك كدده يابت انتي
حبيبه بصدمه اه ينيره وشك محمر كده ليه كانك مضروبه
كريم بعصبيه انا اللي ضربتهاا واقسم بالله العظيم كلمه كمااان هكسرهاا خالص .. نيره ملهااش طلوع من البيت من غير اذني وتعرفني هتروح فين وهترجع امتى والساعه كام بالظبط وزقها وتابع بعصبيه جتك الارف تحرقي الدم ويبقى حد يرن عليكي وتعملي كده تاني يا نيره وشوفي هعمل فيكي ايه وخرج وقفل الباب بعصبيه
فتابعت هاله بصدمه عملتي ايه يابت يخليه يعمل فيكي كده هاا انطقيي ؟؟؟
نيره بعصبيه وعياط معملتش و اوعوا كده سبوني في حاالي
حبيبه بصدمه كريم مش هيمد ايديه عليكي انتي بالذات غير لو عملتيله حاجه فعلا عصبته فاخلصي وقولي حصل ايه لكل ده
نيره بعياط قولت محصلش ده ايه القرررف ده واتعصبت وتابعت وبعدين ده مش اخويااا ولا حتى ابن عمي يعني ميتحسبش من اهلي فمالوش حكم عليااا ولو جيه اتكلم معاياا تاني انا هوقفه عند حده هي خلصت خلاص
حبيبه اتصدمت من كلامها وتابعت بذهول انتي بتقولي ايه كريم مين اللي مالوش حق ؟؟!!!
نيره بعصبيه بقول اللي سمعتيه ايه اطرشتي
هاله بعصبيه طرش يطرشك انتي واهلك يحيواانه كريم مين اللي مش اخوكي ؟؟ ده اخوكي وغصب عنك انتي واهلك وبعدين ابن عم مين واهل مين اللي بتتكلمي عليهم يا حيوانه يا مقطوعه من شجره انتي ؟؟!! هو انتي ليكي اهل اصلا يااابت ؟؟!!
نيره بصتلها بوجع وتابعت حد قالك نسيب بلدنا ونيجي نقعد هناا مانتي السبب
هاله بعصبيه اناا السبب ااه شوف رغم كل اللي عملته بردو مبيطمرش في البني ادمين وتقولي انا السبب
حبيبه بدموع ماما اهدي علشان خاطري صحتك مش كده نيره بتتكلم وهي متعصبه انما اكيد هتراضي كريم وهتعرف انها غلطانه
نيره بعصبيه ولا هراضي ولا هنيل هي امك اللي عملت فينا كل ده لما خليته يمشي كلامه عليناا
هاله بعصبيه وهتسمعي كلامه غصب عن عينك مبقاش الا انتي اللي تتنططي يا نيره عشان يااااما دلعك وميزك عنهم فــ ده جزاااته
حبيبه بعصبيه ودموع ويمتخلفه مين راجل في حياتنا غييره مالازم طبعاا نحترمه ونعمل لكلامه حسااب
نيره بعصبيه احترمي واعملي مع نفسك ودخلت اوضتها ورزعت الباب وهاله اتخنقت ودخلت اوضتها وفضلت تعيط وحبيبه تنهدت بعمق وسكتت
-----------
وتاني يوم الساعه 5 المغرب كان الكل بيجهز علشان رايحين فرح جارهم ابراهيم وكريم كان مشغول في شغله جداا وقال هيجي من الشغل على الفرح علطول فعلي كان مستني الكل يجهزوا علشان يمشوا
في اوضه علي كان واقف قدام المرايا لابس بنطلون كلاسيك اسود وقميص اسود وسرح شعره ودقنه المتحدده اللي مدياه شكل اكتر جاذبيه ورش البرفيوم المفضل عنده كالعاده وبقي يشمر اكمام القميص لنص دراعه والباب خبط فتابع ادخل
فدخلت سلمى بعد ماجهزت وتابعت باعجاب ايه ياناس الحلاوه والجماال ده لالا ننزل بيك كده ازاي والله تتحسد المبخره يابت يا اسرااء
اسراء دخلت وراها وتابعت بضحك جيباها اهي ووقفت فوق السرير وتابعت بضحك تعلالي ياعلوه قرب
فعلي فضل يضحك وتابع متخافيش مش هتحسد
اسراء بضحك تعالى بس هاتيه يا سلمى
فسلمى ضحكت وقربته فاسراء فضلت تبخره وتلف المبخره فوق راسه وتابعت بحب اللهم صلى وسلم وبارك على نبينا محمد ايه يخواتي الحلويااات دي ربنا يحميك ويحفظك يقلب اختك
فعلي فضل يضحك وتابع قلب اخوكي انتي والله وباس خدهاا وشالها على دراعه من على السرير ونزلها على الارض وتابع بضحك اه يقصيره انتيي
اسراء بضحك قلب القصيره بس والله يا علوه انت اي حد بنسبالك هيبقى قصير انت قربت على مترين
سلمى بضحك يخرب بيت اهلك طب قولي الله اكبر
فعلي فضل يضحك بشده فتابعت اسراء بضحك الله واكبر طبعا هو انا اقدر احسده ده عمري ده ها ايه رايك في الاوت فيت بتاعي ياعلولي
فعلي ابتسم من بين ضحكه وبصلها باعجاب كانت لابسه دريس ربع كم ماسك من عند الصدر وواسع لتحت ولونه احمر وطوله واصل لحد بعد الركبه بحته وفارده شعرها وحاطه ميكاب خفيف فتابع بحب زي القمر كلمه قليله بجد جدعه انك محرقتيش دمي
اسراء بضحك حبيب قلبي والله دي عيونك ووقفت على اطراف صوابعها وباسته وخرجت فعلي ضحك وراح يلبس الساعه وبص لسلمى في المرايه وتابع بحب حقيقي قمرات
سلمى باعجاب مفيش قمر بعدك والله وراحت تعدله لياقه قميصه
علي بضحك يحبيبت عيوني انتي وباس جبينها بحب وتابع حازم جاي ولا ايه ؟
سلمى بحب هيجلنا على هناك وابتدت تقفل زراير قميصه وتابعت بغييره سايب زراارين ليه يابيه هاا ؟؟؟
علي بضحك اقفلي واحد بس الاخير سيبيه مش رايح مدرسه انا علشان اقفله لحد اللياقه
فسلمى فضلت تضحك وتابعت ماشي اهو يبقى واحد مش اتنين بغير اناا
فعلي فضل يضحك وتابع ماشي ياستي يلا بينا بقى ولا ايه
سلمى بحب ناقص حبيبه ونيره انما خالتي هاله نزلت واقفه تحت مع امك اهي ومعاهم مرات عمك وبنات عمك
علي بحب طب يلا نشوفهم علشان ميقفوش في الشارع لوحدهم بالمنظر ده هلبس الجزمه بس
وراح قعد على السرير وسلمى جابتها ووطت فعلي قام وقف وقومها وتابع لالالا 100 مره اقولك متعمليش كده
سلمى بحب وانا 100 مره اقولك انت ابويا مش اخويا ومش عيب ابدا اساعدك وفيها ايه ده انت ياما عملتهالي وفي الشارع قدام الناس كلهااا
علي بحب وانا قولتلك انا اعملهالك عادي انتي لا اياكي توطي تاني لاي سبب وقعدها جنبه وباس راسها بعمق ولبس جزمته السودا وقام وقف وحط ايديه على كتفها وتابع بحب يلا بينا
سلمى بحب يلا ونزلوا وكان الكل متجمع وهناء ولميا لابسين نفس الدريس ولونه بينك وطرحه نفس اللون وواقفين قدام الباب فعلي ابتسم وتابع مساء الخير
رانيا بحب مساء الفل ينورعيني
اسراء علولي اتصل برفيده شوفها فين علشان منتاخرش ونقف عليها
علي بتنهيده حاضر واتصل بيها وقدم شويه لقدام وتابع بصوت واطي ايه يا رفيده فينك
رفيده بحب خلاص يحبيبي بحط الروج ونازله
علي تنهد وتابع طب لون خفيف علشان قسما بالله ارجعك تغيريه عاادي جداا ومش هيهمني اننا متاخرين
رفيده بضحك حاضر والله متخافيش اقفل بقى هخلص وانزلكم علطول
علي بتنهيده خليكي يا رفيده اما العربيه تعدي تحت بيتك هقولك انزلي متتمشيش بالفستان والميكاب في الشارع
رفيده بحب ماشي يحبيبي باي
علي بتنهيده باي وقفل وراحلهم تاني وتابع هاا هما هيفضلوا ساعه ولا ايه
هاله بتنهيده اديهم حس وزعقلهم يعلي
علي بحده ده شكله ده اللي هيحصل والله مش معقول وقفتنا دي ودخل الحوش بتاع حبيبه وتابع بصوت مسموع يا عــلــي ( علشان ابوهم )
فحبيبه فتحت الباب وتابعت ايوه ياعلي حااضر
علي بحده اخلصي يحبيبه انتي واختك مش رايحين فرح اللي جابوناا علشان تجهزوا كل ده
حبيبه بتوتر حاضر والله نازلين اهو
ودخلت وتابعت بتوتر نيره يلااا علشان علي زعقلي
نيره بتنهيده حاضر هرش برفيوم وخلاص
فحبيبه مسكت منها البرفيوم وتابعت بحده مش هتسكتي انتي غير لما كريم يكسرك خالص من امتى بننزل بيه ؟؟؟
نيره برفعه حاجب من امتى بننزل بيه ولا علشان الشيخ علي اللي هيوصلنا عايزه نبان عيله ملتزمه جدا ؟؟؟
حبيبه بحده نيره احترمي نفسك ومتلونيش في الكلام بصي لـ لبسي يحبيبتي انا مش عامله لحد اعتبار ولا حد بيهمني بس فعلا كريم مانع البرفيوم
نيره بضيق طب تمام وبصت للمرايا وسرحت شعرها حلو وبصت لفستانها كان نبيتي صك واوف شولدر وطويل وتابعت انا خلصت البسي الهيلز بتاعتك وتعالي ورايا ونزلت
فحبيبه وقفت قدام المرايا كانت لابسه فستان اوف شولدر بينك غامق وقصير لقبل ركبتها وسايبه شعرها معدي ضهرها وحاطه ميكاب بينك هادي وشكلها مبهر جدا ولبست الهيلز وتنهدت وجهزت علشان تنزل
تحت البيت
هاله بتنهيده الهانم فاضلها كتير ؟
نيره بتنهيده لا بتلبس الهيلز وخلاص
فتابعت هناء بابتسامه علولي مقولتليش صح ايه رايك ولفت حوالين نفسها
فعلي ابتسم وتابع بسم الله ما شاء الله ست البنات والله
هناء بحب والله انت حبيبي
علي بحب وانتي قلبي وباس راسها وتابع عقبال ماربنا يفرحني بيكي يارب يا نوئه
هناء بتنهيده يارب اللهم امين
فعلي بص على لميا المتقدمه قدام شويه وبتتكلم في الفون وتابع بتكلم مين دي ؟؟
هناء بتوتر مش عارفه تلاقي صاحبتها
فعلي بصلها وشاورلها بايديه فاتوترت وقفلت وراحتله وتابعت ايه يحبيبي
علي بتنهيده كنتي بتكلمي مين ؟
لميا حاولت متتوترش وتابعت ده رئيس التحرير كان بيسألني على حاجه في الشغل
علي بتنهيده اممم طب مش وقته شغل
ولقيوا حبيبه نازله وتابعت بتنهيده ها يلا يجماعه معلش على التاخير
فعلي بصلها بذهول وصدمه من لبسها وتابع الله يخربيت اهلك
حبيبه اتخضت وتابعت بتوتر اييه في اييه
علي بحده ايه ده يخاالتي
هاله بتوتر والله ياابني مشوفتش حاجه مرضيتش توريني بنت الكلاب
علي بعصبيه توريكي ايه هو ده منظر وبص حواليه شاف الناس مش باصين فحمد ربنا في سره وراح مسك دراعها ودخلها الحوش تحت خوف حبيبه فتابعت بخوف: اييه اييه في اييه ورحمه ابوك اهدى طيب عملت اييه اناا
علي بعصبيه عملك اسود ومنيل عليكي وعلى دماغ اهلك .. ايه ده يحبيبه ؟!!! ده منظررر دده !!!
حبيبه بدموع في ايه يعلي منا مش محجبه
علي بعصبيه ومش رقاااصه
حبيبه بصتله بحده وتابعت علي لو سمحت خد بالك من كلامك قبل ما تتكلم و
علي بعصبيه ومقاطعه هو انتي يابت اللي هتعلميني اقول ايه ومقولش ايه ؟؟؟ انا فاهم بقول ايه وواخد بالي من كلامي كويس وانا الوحيد اللي بحسب كلامي 100 مره قبل ما انقطه وعقلي سابقني بخطوه بس فعلا مفيش كلام يتقال ولبسك ده ميتقالش عنه غير انه مسخره وقله ادب واخوكي موصيني عليكي فواجبي لما يغيب اسد مكااانه واللي انتي بتعمليه دده غلط ومش هتروحي الفرح كده ولو مش هتغيري غوري اطلعي فوق يلاا ومفيش مرواح خالص
حبيبه عيطت وتابعت اللي معايا فوق مش جديد وكم بس مبين كتف واحد من كتاافي
علي بعصبيه اي خراا بس يداري عن دده روحي غيري يلاا
فحبيبه عيطت ورايحه تطلع كان حد نازل فعلي شدها بسرعه خباها ورا ضهره ومشي بيها لاخر الحوش وهي بتعيط فتابع بحده هششش اخرسي مش عايز اسمع صوتك
وفعلا شاب من الساكنين في العماره نزل وخرج وعلي كان شايفه من ضهره ولما خرج تابع بعصبيه يلا بسرعه جري على فوق واياكي حد يشوفك
فحبيبه عيطت وطلعت وعلي اتخنق وولع سجاره ونفخ بضيق وتابع بصوت مسموع واخلصي علشان العربيه اللي هتوصلنا وصلت
وبالفعل حبيبه راحت غيرت ولبست دريس اسود صك وبكم بس كم واحد من الاتنين واقع اوف شولدر ومبين كتفها وفردت شعرها وظبطت الميكاب ونزلت ولقيتهم كلهم ركبوا العربيه فطلعت وعلي بصلها من فوق لتحت وتنهد وسكت وقعدت في اخر العربيه جنب الشباك وجنبها امها وعلى الشباك التاني نيره
فتابع علي بتنهيده اطلع ياعم صبحي
وبالفعل مشيوا ودقايق وصلوا لبيت رفيده فتابع علي بس هنا
يا ريس ثواني واتصل برفيده وتابع ايه يحبيبي خلصتي؟
رفيده بحب اه خلاص نازله اهو ونزلت وشاورتله
فابتسم وقفل الفون وفتح باب العربيه فركبت وقفل العربيه تاني والسواق اتحرك فتابعت رفيده للكل مساء الخير فالكل رد عليها فقعدت جنب علي وتنهدت وتابعت هي البت حبيبه لابسه اسود في اسود كده ليه قاصده تعمل ماتشي معاك ؟
علي بتنهيده وهي حبيبه هتعمل معايا ماتشي ليه؟ ولا اصلا تعرف منين لبسي اللي هلبسه؟
رفيده بضيق معرفش يعلي بس حسيت اني غيرانه قولتلك البس بيبي بلو زيي
علي نفخ دخان السجاره في الشباك وتابع وانا قولتلك مش بحب الفواتح خلاص بقى يا رفيده خلصنا اهو يوم ويعدي
رفيده بتنهيده تمام ماشي
فعلي ابتسم وتابع بس ايه الحلاوه دي
رفيده ابتسمت وتابعت حلوه بجد؟
علي بحب زي القمر والله
فضحكت وتابعت بموت فيك بجد وانت كمان حقيقي يخربيت القمر والكاريزما
وحبيبه كانت سامعه ضحكتها فغمضت عينيها بالم وسندت راسها على الشباك وسرحت وبقيت شايفه كل حاجه قدام عينيها الا الطريق
وبعد شويه وصلوا الفرح وكلهم نزلوا وكان الوقت المناسب لان بمجرد دخولهم كان العريس والعروسه وصلوا وبيدخلوا على اغنيه طلي بلابيض
فقاموا وقفوا وبقيوا يسقفولهم بفرح شديد فتابعت رفيده بحماس ايه دده غاده طالعه قمر بجد
سلمى بضحك ده حقيقي يخربيت العسل ابهرتني بجد
هاله بحب عقبالكم يابنات
فتابع الجميع اللهم امين يارب عكس حبيبه سكتت بضيق شديد
ودقايق وابتداو العريس والعروسه يرقصوا اول رقصه سلو فحبيبه بصتلهم وابتسمت بحب والدموع اتجمعت في عينيها وهمست ياريت اقدر اجرب الشعور ده في يوم من الايام اني اكون مع شخص بيحبني وبحبه بجد وفرحان بيا كده كاني اعظم انتصاراته
فبصت رفيده لعلي وتابعت بحب عقبالنا يا ولا
فعلي ضحك وتابع ولا في عينك وعين اهلك اتلمي يابت
فرفيده فضلت تضحك وتابعت اسفه والله خلاص
على بضحك ايوه كده اتربي
فاسراء بصتله وتابعت علولي انا هروح اسقف هناك معاهم والنبي بليز بليز متقولش لا
علي بحب روحي يحبيبتي
اسراء بحماس والله انت حبيبي وقامت بسرعه
رفيده بضحك وغمز وانا هقوم ارقص شويه كده
علي بابتسامه علشان تكون اخر رقصه في حياتك باذن الله وتدفني بعدها
رانيا بضيق ياختي بلا مرار طافح على اساس بتعرفي ترقصي اوي ده لما كنا بنهيص قبل خطوبه سلمى شوفنا بلاي سودا
رفيده فضلت تضحك وتابعت لا يا ماما مش قدامه يا ماما بسس بتقووولي اييه
علي بضحك بتكدبي عليا يا رفيده وتقوليلي بعرف ارقص اخص مكنش العشم
سلمى بضحك كلمه حق هي مبتعرفش بس قالت هتتعلم
علي تتعلم اممم قولتيلي
فرفيده فضلت تضحك وتابعت مش مهم الرقص مين قال مهم يعني
علي بضحك مثلا صح
فعماد جيه وتابع بابتسامه اهلا والله العظيم نورتوا الدنيا كلها مش الفرح بس
علي بابتسامه تسلم يا غالي عقبالك باذن الله
عماد بحب يارب انا اتمنى انول الرضا بس وعينيه راحت على حبيبه ورجعها تاني
فحبيبه نفخت بضيق وفضلت تهوي على وشها وتابعت علي انا هقوم اشم نفسي شويه
وعلي فهم تفكيرها فتابع تمام روحي
فقامت حبيبه ووقفت على جنب شويه فابتسم عماد وتابع عن اذنكم انا طبعا الفرح فرحكم
هاله بحب اذنك معاك يا ابني
وراح عماد في اتجاه حبيبه فعلي رفع حاجبه وتابع هو شايفني ايه لمؤاخذه يعني علشان رايح يقف معاها كده ؟؟؟
رفيده بحده وانت مالك ؟؟
علي بعصبيه تسمحي تخرسي خالص ؟؟؟؟ وبص لهاله وتابع رسيني علشان مقومش امد ايدي عليه
هاله بتنهيده سيبه يا علي يمكن يلين دماغها
علي برفعه حاجب وكريم عارف الكلام ده ؟؟؟
هاله بتنهيده عارف انها هتشوفه فمش هتفرق من الكلام سيبه يمكن ربنا يهديها
علي بضيق طالما حضرتك شايفه كده تمام انا عملت اللي عليا بس المفروض لا ده وقته ولا مكانه الشارع كله هنا ووقفته معاها غلط
عند حبيبه
كانت واقفه مش طايقه نفسها وتابعت خير يا عماد
عماد بابتسامه حقيقي شكلك جميل اوي النهارده وعلطول على فكره
فحبيبه ابتسمت بمجامله وتابعت ميرسي جدا والله
فتابع عماد باعجاب الا قوليلي بقى عامله ايه في الدراسه
حبيبه بتنهيده الحمد لله كويسه
عماد بابتسامه اتخصصتي على كده صح ؟
حبيبه بتنهيده اه كيمياء حيويه
عماد بابتسامه فخر : حلو جدا ده من احلى واعلى الاقسام وشبه صيدله جدا على فكره احنا على كده بقينا زُماله بقى
فابتسمت حبيبه وتابعت شكرا جدا لدعمك
عماد بابتسامه صدقيني انا عايز ادعمك علطول وافضل جنبك طول الوقت بس تديني فرصه
حبيبه بابتسامه ممكن تسيبها لوقتها وبلاش نتكلم عن الموضوع ده النهارده
عماد بحب زي ما تحبي طبعا ومدلها ايديه وتابع ممكن تسمحيلي
فحبيبه استغربت جدا طلبه وعلي جه حط ايديه بدلها وسلم عليه وتابع بابتسامه عقبال فرحك كده يحبيبي باذن الله بس مش كفايه رغي ولا ايه ؟؟ ووطى نبره صوته وتابع ده حتى عيب في حق القرطاس اللي قاعد بذمتك ترضاها عليا ؟؟؟
فحبيبه ابتسمت بسعاده وعماد ابتسم بحرج وتابع انا معملتش حاجه غلط على فكره يا علي اظن انت فاهم نيتي
علي غمض عينيه وتابع يسيدي فاهمك فاهمك طبعا وفتح وبصله بحده وتابع بس تقريبا انت مكتبتش الكتاب عشان تمد ايديك وتطلب ترقص معاها مش كده ؟؟؟ وده اللي بيقولوا الدين والاصول ولا انت بقى بتعبد الشمس ؟؟؟
عماد بحرج لا طبعا استغفر الله العظيم
علي بابتسامه مليانه ضيق : تمام يا غالي طلما هو استغفر الله العظيم يبقى نحترم نفسنا علشان اللي انت كنت عايزه ده استغفر الله العظيم والرغي ده مش وقته ومش مكانه والناس كلها عماله تبص عليكم ودي من شرف ابن عمي واللي هو اخويا وانا متعودتش اشوف غلط اهل بيتي واسكت عليه ومؤقتا انا مكان كريم لحد ما يجي وزي ما انا فاهم نيتك فانت بردو حافظ عنوان بيت حبيبه بنيجي نخبط على الباب .. مش بنقف نتكلم في الافراح
فعماد اتحرج ومشي فحبيبه بصت لعلي بحب والدموع متجمعه في عينيها فبصلها وتابع برفعه حاجب: على مكانك يلا
فابتسمت من بين دموعها وتابعت حاضر ومشيت
وعلي حس بخنقه فوقف برا القاعه يشرب سجاير وبص للقاعه وتابع بابتسامه : حلوه فكره انها جنينه احسن من القاعات المقفوله بكتير
وعند رفيده الفون كان عمال يرن برقم غريب وهي بتكنسل بس اخر مازهقت قامت وقفت على جنب وردت وتابعت بضيق ايوه مين
فرد شخص وتابع حبيبي اللي واحشاني
فرفيده اتصدمت لما سمعت الصوت لانها تعرفه كويس اوي وتابعت عصام !!
فعصام ابتسم وتابع قلب عصام كده تتخطبي ومتعرفنيش اخص عليكي يغاليه والله
رفيده بلعت ريقها بتوتر وتابعت انت عايز ايه وايه فكرك بيا تااني هاا ؟؟؟
عصام بابتسامه لا يغاليه ده انا نزلت مصر انهارده صدفه وبمناسبه خطوبتك اللي اتفاجئت بيها بقالها سنتين دي بعتلك هديه حلوه هتعجبك اوي زمانها وصلت
وسمعت صوت رصاصه عاليه جدا فاتخضت وقفلت الفون والفرح كله اتخض والناس بقيت تجري بفزع
وبرا القاعه كان الكل بيجري بفزع يشوف ايه مصدر الصوت ومن ضمنهم حبيبه اللي مكانتش شايفه حواليها اي حد تعرفه والناس بتجري بفزع في كل حته وبيخبطوا فيهم وفجاه
وقفت حبيبه متسمره مكانها وحست نبض قلبها قل لما شافت ان الرصاصه جات في " علي " والناس حواليه بتحاول تقومه
« لنا موعد آخر »
البارت العاشر
الكاتبه / Lola
وقفت حبيبه متسمره مكانها وحست نبض قلبها قل لما شافت ان الرصاصه جات في " علي " والناس حواليه بتحاول تقومه وبتلقائيه شديده منها عقلها اتلغى في اللحظه دي وراحت جري عليه وتابعت بعياط هستيري وعصبيه: اوعووو اوعوووو يعلييي علييي وبعدت النااس عنه ونزلت جنبه على الارض وخدته في حضنها وتابعت بعياط هستييري: لالالا يعلي لا ابوس ايدددك وتابعت بصرااخ وعياط هستيري حد يجييييب الاسعاااف ابوس ايييديكم حد يجيييب الاسعاااف وبصتله وفضلت تخبط على وشه وتابعت بعياط هستيري لالا يحبيبي لا يعمرري رد عليااا ورحمه ابوك رد عليااا يعلي وحضنته وفضلت تصرخ بعياط وتابعت ياعلييي رد علياااا ياعلي متوجعش قلبي عليييك ومسكت ايديه باستها كذا مره وتابعت بعياط قوم يعمري قووم وانا والله ماهقول كده تاااني انا السبب ولطمت على وشها وتابعت بعياط هستيري انا السببب انا االلي قولت زمان ياارب احضر عزاه اهون من فرحه على غيرري كاان لساااني يتقطع ولا اقول عنك كدده وحضنته جامد وتابعت بعياط ابوس ايدك متكسرنيش ياعلييي قوم علشااان خاطرري وعيطت بلهفه وتابعت طب سيبك من علشان خاطري قوم علشان خاطر رفيده ارجووك واتجوزها انا والله مش هزعل بس متعملش فيا كده وعيطت بانهيار وتابعت لالا متعملش فياا كده ارجووك
فتابع واحد من الواقفين بخوف انا اتصلت بلاسعاااف اهدي يابنتي خيير هيقوم باذن الله
حبيبه بعيااط هستيري ليييه يعملوا فييه كده لييه ده ينورعيني عمرره ما اذى حدد وشافت الدم بيخرج من قميصه اتصدمت وبقيت تفتح ازرار قميصه بسرعه لقيت انه مضروب رصاصه في صدره والتانيه في دراعه فلطمت وتابعت بعياط هستيري يانهااار اسووود يانهاار اسود دي في صدرره .. دي في صدررره وابتدت تعيط بهستريه وهي بتاخده في حضنهااا وتابعت ابوس ايديك والنبي ماتوجع قلبي انا والله مش مستحمله والله ياعلي هموت ورااك وحياتك عندي ماهقدر اعيش وبصت لفوق وتابعت بعياط هستيرريي كتيير عليااا ده يااارب والله كتييير علياا وتابعت بلهفه طب انا مواافقه مواافقه يتجوز ويخلف بس ميموتش وعيطت بهستريه وتابعت ميموتش علشام انا اللي همووووت بلحيااا وهتمنى روحي تطلع ومش هتطللع
ست عجوزه بدموع اهدي يابنتي اهدي يحبيبتي خير ان شاء الله هيقوم منها
فرد واحد وتابع بقلق بصراحه في صدره لو لمست الرئه ولا اعضاء داخليه هتبقى صعب يعدي منها فرايي متستنيش الاسعاف قومي اجري بيه
فحبيبه اتصدمت بشده وحست ان نفسها بيقل وقلبها هيقف من الخوف وبصتله النزيف بيزيد فتابعت بعياط هستيري لالا ياعلي هقوم بيك والله بس اجمد يحبيبي اجمدد والله انت قدها وحطت ايديها على صدره تكتم الدم وبتحاول تقوم بيه وهي منهاره عياط وبتضمه ليها فتابع الشاب بحزن استني اساعدك
وبالفعل بيقوموا معاها فسمعت صوت رفيده جايه تجري فحبيبه بصت لعلي بقهر وسابت ايديه بعد ماكنت شيلاه بتسنده وبعدت وهي بتحاول تخبي مشاعرها باقصي جهدها فرفيده جات وتابعت بعياط هستيري علييي .. علييي مالك يحبيبي وجريت عليه وشافت منظر حبيبه وايديها وهدومها الغرقانين دم بس مهتمتش وتابعت بعياط هستيري ايييه ده اييه اللي حصله يحبيبه
حبيبه بعصبيه ودموع معرفش يارفيده ومش وقته محن خااالص لازم نجري بيه بسرعه حالته مش مستحمله
فرفيده حضنته وتابعت بعياط مين فيه عمل فيه كدده وعيطت بشده وفضلت تخبط على وشه بس مفيش اي رد
فتابع الشاب بضيق يا انسه ابوس ايدك الدنيا وش والناس رايحه جايه تجري والفرح شبه خرب فايلا نلحق نتحرك بيه دلوقتي احسن ماهتزحم خااالص
حبيبه بعياط خده وسيبك منهاا ويلاا انا هوقف تاكسي وابوس ايديك بسرعه قبل ما امه واخواته يجوا هتبقي ليله
الشاب بخوف طب يلا بسرعه
وبالفعل طلعت حبيبه وهي بتعيط بانهيار وتابعت ارجوك يااارب ارجوك متعاقبنيش بذله لساان قولتها من حبي لييه انا مقصدش كده بالمعنى الحرفيي علشان لما اتحطيت في كلام لسااني مقدرتش استحمل وياريته اتجوز اهونلي فاارجوك يارب احفظه ومتورنيش فيه شر وبقيت تشاور للعربيات وتابعت تاكسي .. تاكسي بس محدش كان بيقف فعيطت بهستريه وتابعت بعياط هستيري وعصبيه والله مش وقتكككم والله العظييم وفضلت تحاول توقف تاكسي بردو مفيش فاايده وفضلت تعيط بانهيار وتابعت يارب ارجوك ارجووك سااعدني
وكان في بنت معديه بعربيه باين عليها غاليه اوي وهي بنت غنيه اسمها إلين عمرها 22 سنه فتابعت بقلق مالك يحبيبتي في ايه
حبيبه بعياط هستيري : حبيبي واتوترت وتابعت بعياط قصدي اخويا يعني وصاحب عمري اتضرب بالنار ومفيش تاكسي راضي يقف وحالته خطر اووي هموت عليه
إلين بحزن يحبيبتي هاتيه فورااا انا هوصلكم بعربيتي
حبيبه بفرح ودموع والنبي بجدد ؟؟؟
إلين بحزن اه يعمري روحي هااتيه ويلا
حبيبه بعياط وفرح يارب يخليكي ياارب ويحققلك كل ماتتمني حاضر حالا اهو وجريت وتابعت بخوف رفييده يلااا بسرععهه وقفت عربيه
رفيده بعياط حااضر وسندت علي مع الشاب
وبالفعل مشيوا بيه وركبوا ورا ورفيده جنبه وحبيبه جنبها فتابع الشاب بتنهيده ربنا يطمنكم عليه
حبيبه بعياط تسلم ربنا يخليك يارب وبصت لإلين وتابعت اطلعي خلاص
فهزت راسها بماشي ومشيت فتابعت رفيده بعياط سلمى بترن اعمل ايه
حبيبه بعياط ابوس ايديكي مترديش على حد خاالص دلوقتي احنا مش نااقصين
رفيده بعياط حاضر مش هرد خلاص وفضلت تضم علي ليها وهي بتعيط بهستريه
فتابعت إلين بحزن مين عمل فيه كده؟
حبيبه بعياط منعرفش والله انا لقيته فاجاه واقع والناس حواليه كتير كده والفرح خرب
إلين بحزن ربنا يطمنكم عليه يارب
رفيده بعياط يااارب ارجوك ياارب متورنيش فيه حاجه وحشه
فحبيبه قلبها وجعها انها مش قادره تتكلم ومضطره تسكت فبصت للشباك وغمضت عينيها وتابعت في سرها ودموعها بتنزل : ارجوك يارب احميه وميحصلوش حاجه
وبالفعل شويه ووصلوا المستشفى ونزلوا بيه فتابعت حبيبه بدموع ولهفه: شكرا جداا والله العظيم ماعارفه اقولك ايه وهفضل مدينه ليكي باللي عملتيه العمر كله انتي عملتيلي معروف كبيير اوي ويارب يجعلني اردهولك
إلين بابتسامه ياروحي انا معملتش حاجه دي انسانيه ربنا يطمنكم عليه
حبيبه بلهفه ودموع ربنا يخليكي يا رب تسلمي
ورفيده راحت بسرعه ندهت الممرضين وبالفعل جم وخدوا علي بسرعه فدخلت هي وحبيبه معاه وتابعت حبيبه بعياط يا دكتور ابوس ايديك شوفه اتضرب عليه رصاص
الدكتور بتنهيده متأسف بس لازم تروحي تدفعي فلوس المستشفى الاول لان ده اوريدي هيعوز عمليه وده النظام هنا
حبيبه بعصبيه شديده وعياط : فلوس ايه وزفت اييه على دمااغكم بقولكم هيموووت بالله عليكم دخلوه وانا هتصرف حالا وهدفع مش هناخده ونجررري يعني
الدكتور بتنهيده متأسف يا فندم ان عامل فقط ده نظام المستشفى
رفيده بعياط حضرتك لو اتأخرنا عن كده هو هيموت والله العظيم فلوس ايه اللي بتتكلموا عليهاا دي الانسااانيه اللي اتعلمتوها في كليه الطب ؟؟!!!!
حبيبه بعصبيه وعياط بس قطع لساانك متقوليش يموت هو هيبقى بخير والله بس ابوس ايدك دخله بسرعه
الدكتور بتنهيده صدقيني انا مش بايدي اي حاجه من القرارات دي متأسف ومشي
فحبيبه لطمت وتابعت بعياط هستيري يالهووي يالهووي هنعمل ايه يا رفيددده اكيد مش هنستنى كريم يجي علي كده هيتصفى وضغطت على صدره بتحاول تكتم الدم وهي منهاره
فتابعت رفيده بعياط مش عارفه وبابا كمان بعيد هيطول لحد مايجي
حبيبه بعياط ولهفه استني خليكي انا هحاول الاقي حل وراحت بسرعه على الاوضه اللي مفروض تدفع فيها وتابعت بلهفه ودموع لو سمحت ارجوك انا جيت بحاله مضروبه بالرصاص ولو مدخلش العمليات دلوقتي والله هيموت ارجوك قولهم يدخلوا وانا هدفع الفلوس
الشاب بتنهيده صدقيني كان نفسي اساعدك بس مش هقدر دي تعليمات
حبيبه بعصبيه وعياط ياادي التعلمياات والزفت طب هتتنيلوا تعوزوا كاام هو مضروب الرصاص في صدره ودراعه ومش بينطق خاالص
الشاب بتنهيده يعني حوالي 46000 جنيه
حبيبه شهقت وتابعت بصدمه نعممم !!! كااام !!! لييه 46 الف هو انتوا هتدوه جسم جديييد !!!
الشاب يافندم حضرتك واقفه في مستشفى خاصه وقريب حضرتك هيتعالج على اعلى مستوى و
حبيبه بمقاطعه وعياط بس بس خلاااص كفاايااك رغي مش وقته خاالص ودموعها نزلت بقهر ورجعت ايديها ورا رقبتها وابتدت تفك سلسلتها اللي باسم" علي " وهي كانت واعده نفسها عمرها ماهتشيلها من رقبتها بس مضطره فغمضت بقهر وفكتها وتابعت بعياط دي سلسله دهب وفي وقتنا ده غاليه جداا والله انا جبتها من زمان بس حاليا تعملها حوالي 25 الف اديك شايفها كبيره مش صغيره وخلعت خاتم دهب كان كريم جايبهولها وتابعت وده بردو غالي ممكن يعمل 5 يعني كده راهنه عندك 30 ابوس ايديك خليهم يدخلوا وانا والله هجيب اخويا يدفعلك اللي انت عاايزه وانهارت عياط وتابعت بس يدخل
الشاب بتنهيده مش عارف ينفع ولالا محصلش قبل كده حاجه زي دي بصرااحه استني اسأل المدير
حبيبه بعصبيه ودموع اقسسم بالله العظيييم انت لو مدخلتش علي دلوقتي لهرفع عليكم قضيه يا مستشفى عررره ده محااامي ويألف ميين من صحاابه هيتمنوا يخدمووه ويجيبوااا حقه القانون بينص انك تاخد فلوس قبل دخول الشخص للمستشفى بس ده في حاله لو حالته مش خطر واتعصبت جداا وتابعت انما انااا بقوللك ده بيموووت .... ايييه مفيش احساس ده انا خلعتلك دهبي وعمري ماكنت بقلعه عااايز ايييه تاااني
فتابع الراجل اللي جنبه بتوتر خليه يدخل ياعم مادهبها معانا اهوو مش هتاخده لو مجابتش الفلوس ولا هنخرجه
الشاب بتوتر يا ابني ده مش فلوس اكتبها ازاي و
الراجل بمقاطعه اكتب اللي تكتبه واخلص مش وقته ده دهب يعمل 30 الف جنيه مش هين بردو
فتابع الشاب بتنهيده تمام وشال االدهب في الدرج وطلع الاستماره وتابع امليها واتفضلي خليهم يدخلوا
فحبيبه مسكتها بلهفه وملت كل المطلوب وخرجت وهي معاها حد يأذنله بالدخول وفونها عمال يرن قد كده في شنطتها بس مش قادره تتكلم وراحت جري مع الراجل ورفيده كانت ماسكه ايد علي وبتعيط فتابعت حبيبه بلهفه سيبه هيدخل خلاص وفكت ايديها من ايد علي وبصتله بقهر وهي بتتمني ربنا ميحصلوش حاجه ومشيوا بيه ورفيده فضلت تعيط فحبيبه دموعها نزلت بقهر وراحت وراهم ودخلوا اوضه العمليات فقعدت على الارض جنبها وسندت راسها على الحيطه اللي جنب الباب علطول وعيطت بقهر وحطت ايديها على بوقها ورفيده جات قعدت على الكرسي قدامها وهي مستغربه اسلوبها وغيرانه منها اوي وفون حبيبه رن تاني كتير فردت وتابعت بعياط ايه يكريم
كريم بعصبيه فيك ياهاانم بقاالنا ساعه بندور عليكي انتي وعلي بيه ورفيده
حبيبه بانهيار : علي اللي اتضرب بالنار يكريم وعيطت اكتر وتابعت اتضرب بالنار ودخلناه اوضه العمليات بالعافيه واتأخرنا ونزف كتير
فكريم اتصدم وتابع بعصبيه نعم انتي بتقولي ايييه حصل ازااي ددده !!!
حبيبه بعياط معرفش معرفش والله
كريم بلهفه ودموع ابعتيلي اللوكيشن حااالا هنجيلكم
حبيبه بعياط حاضر وقفلت معاه وبعتته
فعند كريم كان الكل متوتر فتابعت سلمى بعياط وخوف: ايه يكريم في ايه
كريم بوجع خير خير يلا اركبوا هفهمكم لما نوصل
اسراء بعياط لا فهمنا دلوقتي في اييه ؟؟ ايه اللي حصلل
كريم مسح على وشه بتوتر وتابع بدموع وخوف الرصاص اللي اتضرب جيه في علي وهما دلوقتي في المستشفى
فكلهم شهقوا برعب وعيطوا فتابعت رانيا بعياط يمصيبتي يمصيبتي ولطمت وتابعت بعياط هستيري جيه في مييين جييه في ميين يحبيبي يا ابني يحبيبي
سلمي بعياط هستيري يانهار اسود يانهاار اسوود علي ازااي يعنييي علي ازاااي لااا انت بتقول ايه يكريم بتقول ايييه لالالا اكيد بيخرفوااا اكيد اختلط عليهم الامر اخويااا كويس لااا بيأذي مين دده علشااان يتأذي واتعصبت بعياط وتابعت اكيد لاااا اكيد لااا
واسراء عيطت بهستريه وتابعت ودونييي ليييه ودووني لاخويااا يانهار اسود ومنيل اتضرب ازاااي يعنيي وحااالته ايييه واتعصبت وتابعت انتوا موقفينااا هنااا ليييه يلا نروح لاخوياا
وفضلوا كلهم بيعيطوا بهستريه ومرعوبين فتابع كريم بحده : يجماااعه مش هينفع كددده انا مكنتش هقولكم بسبب اسلوبكم دده ادينااا رايحين اهوو وهنطمن علييه اهدواا مش كده
رانياا بعياط هستيري هو انا ليااا غيره يكررريم هو انا لياا غيره ده نورعيييني اللي بشوف بيهااا وسندي في الدنيااا
كريم بدموع عارف والله بس مينفعش كده سكرك يعلي وتتعبي ابوس ايديكي اهدي علي هيبقى كويس
سلمي بعياط هستيري انا عاايزه اروح لعلييي واتعصبت وتابعت بعياط يلااا ابوس ايديكم هموووت من وقفتي
حازم بخوف اهدي يحبيبتي اهدي هيبقي بخير والله
كريم سند اسراء اللي هيغمى عليها من كتر العياط وتابع بخوف ودموع حاضر رايحين والله حاازم خد سلمى وامي وخالتي هاله ونيره وانا هجيب الباقي وجاي
حازم بخوف حاضر يلا يلا
ابتسام بعياط اهدي ياختي ربنا يطمنك عليه وميحرمكيش منه ابداا يااارب
هاله بعياط هيبقى كويس والله يحبيبتي
رانيا بعياط هستيري يااارب يااارب متقهرنيش عليه يااارب ماليش الا هوو نن عيني
كريم بدموع يلا يا لميا انتي واختك يلااا بسرعه
لميا بدموع حاضر والكل ركب واتجهوا يروحوا المستشفى
---
في المستشفى
حبيبه دخلت الحمام ولما جات وقفت قدام المرايا وفتحت الحنفيه بصت لنفسها بقهر ايديها مليانه دم ووشها مليان دم من ايديها وهدومها متبهدله ففضلت تعيط بهستريه لما شافت دمه عليها بالمنظر ده وحطت ايديها تحت الحنفيه تغسل الدم وبقى ينزل في الحوض وهي شيفاه وبتعيط وغسلت وشها وخرجت فالقيت رفيده في وشها عينيها حمرا من كتر العياط وتابعت حبيبه هغسل وشي وجيالك خليكي جنب الاوضه بدالي علشان لو حد طلع
حبيبه خدت نفسها بالعافيه وتابعت متقلقيش كنت هروح ادخلي يحبيبتي
وبالفعل دي خرجت ودي دخلت وحبيبه راحت قعدت مكانها زي ماهي على الارض جنب الاوضه وهي مش حاسه بحاجه غير ان قلبها واجعها ومنظر علي بيتقرر قدام عينيها فغمضت عينيها بقهر وتابعت بعياط هستيري ووجع ليه يارب يحصلي كده ليه ؟؟!! متعودتش اعترض بس انا قاعده بموت علشان حاجه مش بتاعتي وخايفه حد يشوفني كاني قاعده بسرق غلطت في ايه لما حبيت يا رب ؟؟! طب حطيت حبه جوايا ليه طالما هو مش نصيبي ؟؟! وعيطت ولقيت الممرضه طلعت وتابعت حضرتك تبع علي الجارحي ؟
فحبيبه قامت وقفت بلهفه وتابعت اه اه تبعه طمنيني
الممرضه بتنهيده لسه ربنا يطمنك عليه بس المستلزمات الشخصيه بتاعته كنت عايزه اديها لحد من معارفه
فحبيبه ابتسمت بوجع وخدت منها الكيس وتابعت شكرا تسلمي وعيطت وتابعت بس امانه عليكي لو عرفتي حاجه اطلعي قوليلي حتى لو وحشه مش مهم انا قاعده بموت
الممرضه بحزن حاضر يا حبيبتي والله هقولك ... انتي مراته ؟
حبيبه بلعت غصه في ريقها بوجع وتابعت بقهر لالا مش مراته .. مراته في الحمام وجايه .. انا .. اكتر من اخته ومتربيين سوا
الممرضه ابتسمت وتابعت ربنا يطمنكم عليه عن اذنك ومشيت
فقعدت حبيبه زي ماهي وفتحت الكيس ولقيت فيه محفظته والبطاقه والساعه فعيطت بقهر وبصت لفوق وتابعت يارب ارجوك هون عليا الرعب اللي حاسه بيه ده معدتي بتتعصر من الألم
ولقيت كريم وكلهم جم فقامت وقفت فتابعت سلمي بانهيار علي مااله يا حبيبه ابوس ايدك فهميني
حبيبه بعياط معرفش والله معرفش انا لقيته واقع والناس حواليه وكان اتضرب خلاص انما امتى وازاي ومين دول والله ما اعرف حاجه
حازم بحده كده كده هيتفح محضر دي مقصوده وباينه وحق اخوكي لازم يجي
اسراء بعياط طب اييه فهميني حد طلع قالك حاجه ولا لسه
حبيبه بعياط لسه والله مفيش اي جديد
رانيا قعدت بتعب وتابعت بعياط ااه ينورعيني يا ابني يقلب امك ياريتني انا يعلي وانت لا يحبيبي والله ياريتني انا وانهارت عياط
فتابعت سلمي بعياط لا يماما لا ولا انتي ولا هو الف بعيد الشر عنكم ان شاء الله هيفوق وهيبقى بخير مش هيسبنا لا
فرفيده جات بتتسند وقعدت على الكرسي وسندت راسها للحيطه بتوهان فتابعت اسراء بعياط حصل اييه يارفيده علي جراله كده ازاي ؟؟
رفيده بقهر مكنتش معاه وعيطت وتابعت والله العظيم ماكنت معااه ولا اعرف حااجه
كريم بحده ممكن تهدوا وكفاياكم كلكم صويت وعيااط ايه النواااح دده ادعوله بدل الكلام ده
سلمى بعياط هستيري همووت وراه لو حصله حاجه يكريم والله همووت وراه منقدرش نعيش من غيره ده النفس اللي بنتنفس بيه لا يارب احنا مش قد التجربه دي يااارب وفضلت تعيط
فكريم سندها وتابع بدموع عارف والله بس هو دلوقتي محتاج كلنا ندعيله مش نضيع وقت في العياط
هناء بعياط اعملوا كده ادعوا وربنا والله هيسمعنا مش هيحصله حاجه لااا
فاابعت اسراء بعياط ماما بنتك شغاله ترن انا تعبت واتخنقت مش قادره ارد على حد وكمان مينفعش تعرف هتقلق اوي دلوقتي اعمل ايه
سلمي بعياط مترديش محدش قادر ينطق
اسراء بدموع ها يا ماما ؟
رانيا بعصبيه وعياط سيبي امك في حاالها امك لو ربنا خدها اهونلها من القااعده دي وعيطت بهستريا وضربت بايديها على رجلها وتابعت محلتيش غييره ياارب والله ما ليااا غيرره
هناء بدموع اهدي يامرات عمي مش كده استهدي بالله
لميا بدموع هاتيها يا اسراء انا هرد عليها مينفعش ده اخوها بردو
اسراء بعياط امسكي
واديتها الفون فردت لميا وتابعت بدموع ايه يا اسيا
اسيا كانت بتقلب الاكل بايد وماسكه الفون بالايد التانيه فلما سمعت الصوت استغربت وتابعت ايه ده يابت يالميا مالك في ايه ؟؟ وبعدين مالهم دول برن عليهم كلهم محدش بيرد ليه ؟؟
لميا بعياط علي اتضرب بالنار في الفرح يا اسياا واحنا في المستشفى وحالته صعبه
اسيا المعلقه وقعت منها وقلبها وجعها وتابعت بصدمه وهي بتنطق بالعافيه علي مين يا بت ؟؟!! وعيطت وتابعت يانهاار اسود علي اخويااا !!!
لميا بعياط ابوس ايديكي اهدي وادعيله احسن هو مكنش حد هيرد عليكي بس عيب عليا مقولكيش
اسيا اتصدمت اكتر وتابعت بعياط هستيري ميقولوش لمييين ده انا هخرب الدنيا فوق دماغ اللي خلفووهم بتخبواا عليااا ايه ؟؟!! وحطت ايديها على راسها بذهول وتابعه بعياط هستيري يا نهار اسود ومنيل بتخبوا عليا ايه ؟!! بتخبوا عليا ايه ؟!! ده ابويا واخويا هو انا ليااا غيرره !! اقفلي اقفلي يا لميااا انا هلبس وجاايه حاالا
لميا بدموع ماشي يحبيبتي على مهلك هبعتلك اللوكيشن
قفلت اسيا ودخلت الاوضه بسرعه وبقيت تلبس العبايه فوق هدومها وتابعت بعياط هستيري سليييم قوم بسرعه وديني المستشفى
سليم كان قاعد شغال على اللاب استغرب دخلتها الاوضه وتابع بخوف ايه في ايه ؟؟
اسيا بعياط هستيري : علي البت لميااا بتقولي اتضرب بالنار في الفرح
سليم قام وقف وتابع بصدمه نعم ازاااي يعني !!!
اسيا بعياط معرفش معرفش ابوس ايديك وديني لاخوياا همووت من قهري
سليم حضنها وتابع بخوف اهدي اهدي يلا هننزل اهوو بسرعه متخافيش هيبقى كويس وسيبي بنتك عند ستها مش هنخبط ولا هنعرف حد
اسيا بعياط ايووه اومال اخدهاا معايا يعني تولين لو فهمت تموت عليه ومحدش هيعرف يسكتهاا
سليم بخوف ايوه منا على كده يلا احنا بسرعه
اسيا لفت الطرحه باهمال وتابعت بعياط يلاا كويس انت مغيرتش هدومك الحمدلله وطلعت من الاوضه وسليم خد مفاتيحه وراح وراها ونزلوا
----
في المستشفى كلهم قاعدين قلقانين وبيعيطوا وبيدعوا
رفيده بدموع ياربي بقى هما ناويين يطلعوا يطمنوا اللي خلفونا امتى
كريم بتنهيده اهدي يحبيبتي خير باذن الله
ودقايق وخرج الدكتور فكلهم قاموا بلهفه فتابع كريم بخووف هاا يادكتور طمني
الدكتور بقلق خير باذن الله متخافوش بس هو محتاج نقل دم فقد كتير واحنا حطينا من بنك الدم بس مكفاش
رفيده بلهفه ودموع طب ايه نوع دمه ايه مش فاهمه
حبيبه بعياط ولهفه ااه قول واللي يقدر يساعده مش هيتأخر
الدكتور بتنهيده B ايجابي
فكلهم اتحسروا بصمت وعيطوا فتابعت سلمى بعياط ياربي على الحظ
فتابعت حبيبه بدموع ولهفه اهدوا متخافوش انا O سالب وهتبرعله باللي هو عاايزه يلا يا دكتور ابوس ايدك
فابتسم الدكتور بفرح وتابع ايووه انتي فصيله دمك مناسبه لانها معطي عاام تعالي بسرعه
ورايحه تمشي فكريم مسك دراعها وتابع بدموع يبابا مش هتستحملي انتي اتهديتي انهارده اهدي هتهبطي .. استنوا دققتين صاحبي ساكن جنب المستشفى اجيبه يتبرع مش هيتأخر ومش هيقولي لا
حبيبه هزت راسها بالنفي وتابعت بدموع ولا ثانيه كمان يكريم وهستحمل مش هموت ولا هتحط في حاله اخطر من حاله علي متخافش وفكت ايديه من عليها وتابعت بلهفه يلا يا دكتور انا جاهزه
الدكتور للممرضات: اعملولها الفحوص اللازمه ولو تمام ابدئوا بالنقل
الممرضه تمام يلا يا انسه تعالي
ودخلوا الاوضه اللي هتتبرع فيها فراحت هاله وقفت قدام كريم وتابعت بدموع وهمس شايف اختك
كريم بوجع وهمس دي حاله انسانيه ولو حد بداله كانت اتبرعت عادي لانه في خطر انا مش معترض على تبرعها لعلي ده اخويا وافديه بروحي انا معترض لان صحتها مش قد كده دلوقتي وبعدين هي مش هتدوس على زرار تنساه ولما اتكلمت معاها بالمتغطي خدت قرار انها هتفكر في موضوع عماد بس ملحقتش وربنا اختبرها اختبار صعب اوي واي واحده مكانها لو شافت حبيبها كده هترجع 100 خطوه لورا يا خالتي فمعلش نعذر
هاله تنهدت بعمق وتابعت بدموع ماشي يكريم اللي تشوفه
وجوه الاوضه حبيبه كانت عملت الفحوصات واتاكد انها عادي تتبرع لعلي فكانت نايمه على السرير والممرضه بتسحب منها الدم وعلى الرغم من خوفها الشديد في العادي الى ان المره دي ساكته وهاديه وبصه للسقف وسرحانه وكل اللي شاغل بالها علي لو جراله حاجه هيحصلها ايه ؟؟!! وهتحس بايه ؟؟ كانت مرعوبه وبتتخيل سناريوهات صعبه لما الدكتور يخرج ويبلغهم بحالته
وبعد ربع ساعه فاقت على الصوت الممرضه : قومي سلامتك خلاص
فحبيبه ابتسمت وتابعت تسلميلي وجات تقوم داخت ولقيت كريم دخل بسرعه ولهفه بيسندها فغمضت عينيها بقهر ودفنت وشها في صدره وكان نفسها تنهار عياط وتحكيله قد ايه هي خايفه ومرعوبه بس سكتت وكتمت كل ده جواها وعينيها قالت اللي هي مش عايزه تقولوا
فكريم فهم نظرتها وفهم انهم من ساعه ما جم وهي مش عارفه تخرج اللي جواها كويس علشان الناس فتابع بوجع امسكي العصير ده وانزلي اشربيه تحت شمي نفسك شويه
فحبيبه مسكت العصير وتابعت بلهفه وعياط ياريت يا كريم ياريت انا فعلا مخنوقه واعصابي تعبانه لان انا شوفت علي في منظر وحش اوي انت فاهم علشان كده مش قادره
فكريم بصلها بصه هي مفهمتهاش وتابع فاهم يا نن عين كريم .. فاهم علشان كده بقولك انزلي شمي نفسك الضغط اللي اتعرضتيله صعب كمان هدومك مليانه دم فواضح ان منا ماجبتوه هنا تعبتي
حبيبه بعياط اه والله ده حقيقي
كريم سندها وتابع نطمن امك عليكي وانزلي وخدها ومشي بيها لعند اوضه علي وكانت اسيا جت وقاعده بتعيط وسليم بيطبطب عليها
فتابعت رانيا بعياط خلاص يا اسيا خلاااص يابت اخوكي مجارالوش حااجه للعياط ده
اسيا بعياط وعصبيه: ويهون عليكوا تخبوا عليا ده انا روحي فيه هو انا ليا غيره للقسوه بتاعتكم دي ؟؟!!! يعني يبقي اخويا بيموت وسايبيني انا في البيت نايمه في العسل هو ده كلااام !!!
سلمى بعياط ووجع يحبيبتي والله قولنا هتقلقي نطمن ونعرفك كل حاجه
اسيا بعياط لالا مش مبرر ومش هعديهالكم بس اطمن على اخويا الاول وعيطت بهستريه
فتابعت حبيبه بدموع اهدي يحبيبتي ربنا مش هيوجعكم فيه والله
اسيا بعياط يارب يحبيبه يااارب والله مش قادره هموت
كريم بتنهيده سكت مراتك ياسليم علشان انا مصبرهم بالعافيه
اسيا بعصبيه وعياط انت عاايزني اعمل ايه لما ااعررف ان اخوياا حصله كل ده من ورايا و
فسليم حط ايديه على بوقها وتابع بعصبيه تسمحي تخرسي وتحترمي الحيوان اللي قاعد وتوطي صووتك
فاتحركت اسيا باعتراض فسليم شال ايديه فتابعت بعياط وعصبيه اصل محسسني مجنونه بتتكلم منا غصب عني من قهري
سليم بعصبيه طب خلاص يا اسياا قسما بالله لو سمعت صوتك عالي تاني هزعلك
فاسيا عيطت بصمت وسكتت
فتابعت حبيبه بدوخه ماما انا كويسه هنزل تحت اشم نفسي شويه وجايه
هاله بقلق متاكده انك بخير
حبيبه بوجع اه متقلقيش
فتابعت نيره بوجع سيبيها ياماما هي حبيبه اصلا بتتخنق وتتوتر من جو المستشفى ده علشان كده عيطت بالاسلوب ده
كريم بتنهيده كمان هي ورفيده اللي شافوا علي في وضع صعب وحبيبه اصلا بتترعب من الدم فاعصابهم تعبانه
فتابعت هاله بوجع اممم مانا عارفه ياابني واضح على هدومها المتبهدله دم وسكتت بصدمه وتابعت سلسلتك اللي باسم ابوكي فين يا بت ؟؟؟
فحبيبه اتصدمت بشده ورفيده كمان استغربت فتابعت حبيبه بتوتر ودموع ماهو .. ماهو
كريم بحده ماهو ايه انطقي
حبيبه بعياط مكناش لاقيين مواصلات فقابلت بنت باين عليها بنت ناس اوي يعني فاهي اللي جابتني هنا ومشيت والمستشفى دي خاصه وليها قوانين ومكانوش راضيين يدخلوا علي خالص واتحايلت عليهم انا ورفيده حتى اسالوها والله
رفيده بعياط ووجع اه حصل منهم لله
فتابعت حبيبه بعياط ولهفه بس فانا روحت سالت على المصاريف قالوا 46 الف فانا اتخضيت هعمل ايه ومش هستنى انتوا تيجوا فقلعت السلسله بتاعتي والخاتم اللي كريم جابه في عيد ميلادي واديتهولهم رهن لحد ما الفلوس تدفع علشان يعملوا 30 الف جنيه ما هو بصراحه مكنش ينفع استنى دقيقه كمان انتوا فاهمني صح ؟؟ ومسكت نفسها انها تنهار بالعافيه
فكلهم بصولها باستغراب لاهتمامها ورانيا بصتلها بوجع لانها شايفه كميه التضحيه اللي عملتها حبيبه علشان ابنها والحب والعشق اللي واضح في عينيها وصعب عليها قلبها اللي اتكسر اوي بس قالت في سرها نصيب يارب وحكمتك محدش بيفهمها وعيطت وتابعت فيكي الخير يابنتي طمر فيكي العشره والله مش عارفه اقولك
حبيبه ابتسمت بقهر وتابعت لا ياخالتو متقوليش حاجه ده .. وقطعت في الكلام وتابعت دده اخوياا الكبير وزيه زي كريم بالظبط
فتابعت نيره بوجع وهي بتمنع دموعها روحي انزلي يحبيبه
حبيبه بوجع اه هروح فعلا دايخه والجو هنا كاتمه اوي
فمسك كريم ايديها قبل ما تنزل وبصلها وتنهد بوجع وتابع هروح ادفع الفلوس واجبلك دهبك استني
فحبيبه هزت راسها ماشي ووقفت فجيه عصام وتابع بتنهيده هاا خير يجماعه طمنوني ايه الاخبار انا لسه راجع من سفر بس مستحملتش اعرف من رفيده ان علي في المستشفى ومجيش
فكلهم بصولوا ورفيده اتصدمت بشده انه جيه وحست رجليها مش شيلاها
رانيا بدموع فيك الخير يحبيبي بس لسه منعرفش حاجه والله ادعيله يعصام ياابني بالله عليك
عصام بتمثيل الطيبه : بدعيله يخالتي بدعيله انتي مش عارفه علي ده غالي علياا قد ايه
وبص لرفيده اللي كانت حرفيا مرعوبه من نظرته وتابعت تعالى يا عصام عايزاك ومسكت ايديه ومشيت
فتابعت اسراء بضيق هي خطيبه ابنك دي مش هتتلم ابدااا
سلمى بتنهيده خلاص يا اسراء مش هنجيب سيره زمان في النهايه ده ابن خالتها بردو
وجيه كريم وتابع بابتسامه اهو لفي يحبيبتي
فحبيبه ابتسمت بفرح ولفت ورفعت شعرها فكريم لبسها السلسله تاني ورانيا بصالها ومبتسمه ومسك ايديها وحط الخاتم وباس ايديها وخدها في حضنه تنهد بعمق وتابع فخور بيكي انك عرفتي تتصرفي
تحت في جنينه المستشفى مكنش في حد غير رفيده وعصام فمسكت ايديه ومشيت بيه وسابتها بعصبيه وتابعت انا عمري في حياتي ماشوفت بني ادم بجح ووسخ اكتر منك
عصام بضحك تؤ تؤ مش كده يابنت خالتي ليطقلك عرق ولا حاجه ورايح يحط ايديه على خدها فبعدت ايديها عنه بعصبيه وتابعت بعياط وعصبيه ايااك يحيوان يا زباااله تفكر تلمسني انت فاااهم
عصام ابتسم بخبث وتابع مابلاش انا يا روفي علشان انتي عارفاني وشد وسطها ليه وتابع بابتسامه بعشق التحديات
فتابعت رفيده بعياط وعصبيه اوعاا مش طيقاااك اوعااا وفضلت تضربه في صدره جامد بس قوتها الجسديه متتقارنش بيه طول بعرض ومحافظ على لياقته فتابع بابتسامه اضربي للصبح والله زي العسل على قلبي بردو
رفيده بعياط وعصبيه يا عصاام سبني في حاالي حل عن حياااتي بقى انا بحب علي وهتجوزه
فعصام ضربها بلقلم ومسكها من شعرها وتابع بعصبيه بتحبي مين يا بنت الكلب يا زباااله انتي سمعيني ؟؟
رفيده بعياط من ماسكه ايديه تابعت اااه بحب علي وهفضل احب علي واتعصبت وتابعت اقسم بالله يا عصاام علي لو جرااله حااجه ماهيكفيني موتك انت ورجااالتك الزباله اللي عملت فيه كدده علشان انا واثقه ان انت السبب بسبب مكالمتك لياا وكمان انا مقولتش ليك حاجه وجيت المستشفى لوحدك
عصام ضحك بسخريه وساب شعرها وسقف وتابع براافو يا روفي ايه الذكاء ده !! معقول عرفتيها لوحدك ولا حد قاالك ؟؟!! ومسك دقنها وتابع بابتسامه لا بس انا حبيبتي ذكيه فـ ارشح انك عرفتيها لوحدك بس هتعملي ايه فيا انا ورجالتي بقى علشان انا مرعوب وركبي بتخبط في بعض دلوقتي ؟!!
فـ رمت ايديه بعصبيه وتابعت بعياط وعصبيه ايااك تفكر تلمسني تااني علشان والله العظيم هوريك هعمل ايه علشان كله الا علي يعصااام
فعصام ضربها بالقلم بقوه فعيطت وصرخت بوجع فنسك شعرها وتابع انا مضربتكيش علشان هددتيني تؤ تؤ لان انا عارف اخرك يابنت خالتي ولا تقدري تعملي حااجه وانا وانتي عاارفين الكلام دده .. واتعصب وتابع انا ضربتك علشان سيره الزباااله ده اللي عماله تجيبيها على لسانك عمال على بطااال
رفيده بعياط وعصبيه مهما تعمل بردو مش هسيبه علشانك ولا عمري هتخلى عنه وهفضل وراك لحد ما اجيبله حقه
فعصام ضحك بشده وتابع يا هبله انا لو كنت عايز اموته كنت موته .. بس انا قرصت ودنك وعلي بتاعك ده بنسبالي اقل من ان راجل من رجالتي يوسخ ايديه بدمه .. وقولتلهم هاتوا الرصاصتين في دراعه بس هو اتحرك وجات كده انما اوعي تفكري ان انا قاعد اعيط علشان لو عاش ويخسااره والجو ده .. لااا يا رفيده وضحك وتابع ده انا عايزو يعيش عشان اوريكي انتي وهو ايام سودا تخليكي تيجي تبوسي ايدي عشان اتجوزك وتسيبيه
رفيده ضحكت بسخريه وتابعت بدموع متهيالك .. الكلام ده في احلااامك ومستحيل يحصل فرايي فوق من الوهم .. حتى علشان نفسك مش علشان حد تاني .. وبصتله بكرهه وتابعت: لان انت بنسبالي خلااص قصه وانتهت من زمااان وشطبنااا على كده
عصام شد شعرها بقوه فعيطت وصرخت بوجع فتابع بعصبيه انتهت بنسبالك بس انتي بنسبالي لسه خطيبتي زي مانتي وهتبقي مرااتي غصب عنك
رفيده بعياط وعصبيه بعينك يا كلب يا حيواان بعينك تطول حتى شعره مني طول منا عاايشه
عصام بصلها من فوق لتحت بسخريه وتابع بضحك انتي هتعمليهم علياا ولا ايه وبص لرجالته اللي واقفين وراه على بعد معين وشاورلهم يمشوا ففعلا اتحركوا فبصلها وهي بتعيط تحت ايده وتابع بابتسامه مشيتهم لاجل ان عيب اتكلم عن شرف حرمي قدام رجالتي عيب ومقبلهاش على نفسي
رفيده بعصبيه ودموع اخرس يحيوان يا زبااله انا بشرفي زي منا وعمرك ماقدرت تطول مني حاجه
عصام شد وسطها ليه جامد وقربها منه اوي لدرجه مبقاش يفصل بينهم حاجه ورفيده بتحاول تفلت ومش عارفه فتابع عصام بضحك لا انا طولت كل حاجه الا شرفك حافظت عليه لان في النهايه انتي بنت خالتي بردو ولا ايه
رفيده بعياط وخوف سبني يعصام وبطل تأذيني بالشكل ده
عصام برفعه حاجب يبقى متقوليش مقدرش دي
رفيده بعياط وعصبيه لا انا مش رخيصه علشان تكلمني بلاسلوب دده وتحسسني اني واحده زباله ده انت اللي حيوان وكنت بتتحرش بيا وبتلمسني بطريقه زباله لما كنا مخطوبين انما عمرك ماشوفت في جسمي اكتر من اللي بيظهر للناس عادي ولا عمري اديتك ريئ ولا جيت جنب شرفي فمش انا اللي يتقاالي الكلام ده وضربته في صدره وتابعت فووق لنفسسك ده انا رفيييده
عصام بحب معلشان انتي رفيده فانا هموت عليكي وعارف ان كلامك ده صح بس انا والله ياروفي اللي عمري ماقدرت مقربش منك وحط ايديه على وسطها شدها وتابع بحبك يابت ورايح يبوسها فزقته جامد وتابعت بعصبيه قولتلك لو لمستني تاااني هوريك هعمل ايه واما فضحتك يا عصااام مبقاااش انا وايااك تفكر تهوب ناحيه عليي تاااني علشان اقسم بالله هبقى زباااله انت فااكرني ايه زي زمااان هفضل اعيط واخاف منك
عصام ابتسم وتابع لا كبرنا وبقينا قطط حلوين وبنخربش كمان يا روفي الله يرحم ماكنتي تخافي وتعيطي .. بس مهما تعملي هفضل بعرف اقرا عينيكي وبردو لسه بتخافي وقرب منها وهي بترجع لورا برعب
وتابعت بخوف ودموع لا مبخافش من حد وابعد عني وكفاايه القرف اللي عيشتني فيه كنت بحبك بس كسرتني وفهمتني انك بتحضني وبتقرب علشان بتحبني اوي ومش عايز تخوني ومع ذلك كنت بمنعك تقربلي لاني بنت ناس وعارفه الصح من الغلط فتقوم تخوني بجد لاني منعتك عاارف ليه ؟؟ علشان الاصل غلااب والزباله هيفضل زباله مهما عملل تقدر تقولي كام بنت عرفتهااا عليااا
ورجعت ورا لحد ماضهرها خبط في الشجره فعصام حاوطها بين ايديه وهي مرعوبه وقرب منها وتابع وعهد الله ما لمست في حياتي ولا هلمس ست غيرك انا كنت بخرج وبسهر ااه انما عمري ما عملت كده
رفيده بعياط وعصبيه عملت ولا معملتش انا مستحيل ابصلك تاااني وضربته في صدره جامد وتابعت بعصبيه وابعد عني وعن علي ومش هخااف اقف قدامك علشان ادافع عن حبي المره دي ومش هتعرف تطول مني نظره ولا كلمه
عصام بصلها من فوق لتحت وتابع انا مش هطول كلمه ولا نظره انا هطولك كلك على بعضك ومش عايز منك كلام ولا نظرات مش مهمين قد الحاجات التانيه ومشي ايديه عليها بوقاحه وهو قريب منها
فعيطت وفضلت تزقه بعصبيه وتابعت قولتلك متلمسنيش بقى انت ايييه مبتفهمش
عصام بابتسامه عايزه تفهميني انك هتقفي قدامي وبطلتي تخافي مني ؟
رفيده بعصبيه ودموع اه بطلت ابعد عني وسبني بقى
عصام قرب منها اكتر وتابع بابتسامه بالله يصعب عليا اختبرك اكتر من كده سبق وقولتلك حافظ نظرات عينيكي وانتي اكتر واحده عارفه اني ممكن اعمل اللي انا عايزه فيكي ودلوقتي حالا ومش هتعرفي تمنعيني اقدر ولا مقدرش ؟
فرفيده بصتله بخوف وتابعت بدموع وبحده ابعد عني وخليك عندك دم ولا مبدأ لمره واحده في حياااتك
عصام مشى ايديه عليها وتابع بابتسامه انا دلوقتي بسأل سؤال اقدر ولا مقدرش؟
فرفيده سكتت وبصتله بضيق فابتسم عصام وتابع تمام حلو اوي ورايح يقطع البلوزه بتاعتها فمسكت ايديه وتابعت بعياط ولفهه: تقدررر وعارفه انك تقدرر بس انت مش هتعمل فياا كدده
وحبيبه نزلت الجنينه وهي بتعيط ومخنوقه وشافتهم فرجعت خطوه لورا وبقيت تبص عليهم وهي مستغربه قربه منها وايديه اللي بتعدي عليها كده وسكوت رفيده كان بنسبالها علامه استفهام كبيره لانها مش سامعه كلامهم بسبب بعد المسافه
فعصام ابتسم وتابع افكر على حسب هتعملي ايه
رفيده بمهاوده امشي انت دلوقتي نكمل كلامنا بعدين انا لازم اطلع اطمن على خطيبي
عصام بضيق همشي بس الاكيد كلامنا لسه مخلصش
فرفيده زقته بضيق وطلعت تجري وهي بتعيط وعصام مشي ورجالته فتحتله العربيه وركب علشان يتحرك وكل ده تحت نظر حبيبه فلما رفيده وصلت وشافتها واقفه اتخضت اوي ومسحت دموعها بتوتر
فحبيبه مسكت دراعها وتابعت بصدمه ابن الكلب ده كان بيعملك ايه يا رفيددده ؟؟؟
رفيده اتصدمت انها شافته فعيطت وتابعت لالا مبيعملش وابوس ايديكي اوعي اوعي تجيبي سيره لاي حد ارجوكي
حبيبه بدموع اهدي اهدي والله مش هقول بس فهميني ده كان بيلمسك بطريقه زباله قوليلي لو بيتحرش بيكي نقدم فيه بلاغ ووالله مش هقول لعلي
رفيده لطمت وتابعت بعياط هستيري لالا بلااغ اييه اسكتي انتي متعرفيش عصاام ده اتولد في امريكا ومعاه الجنسيه الامريكيه انتي فااهمه ده هناا مكانته عاامله ازااي ؟؟؟ طب شايفه كميه الجارد اللي معاه وعربيته ؟؟؟ حبيبتي ده خطير ومحدش هيقدر يقف قصااده وليه شركات ادويه دوليا وعالميا لانه دكتور خريج علوم
حبيبه بذهول يا نهار ازرق هو ابن خالتك ازاي معاه كل دده
رفيده بعياط مامته ياستي خالتي هند أمنت مستقبله فسافرت بيه بس مش دي المشكله المشكله انا مش هقدر افتح بوقي معااه بربع كلمه ومش عارفه اعمل ايه
حبيبه بعصبيه متسكتيش قولي لاهلك هو فاكرها اييه ساايبه ولو الحكومه مش هتعرف تربيه الاستاذ الامريكاني قولي لخالتك وامك يربوووه انما مينفعش يلمسك بالشكل دده
رفيده بعياط هحاول اتصرف لانه معجب بيا وعايزني باي شكل بس امانه عليكي يا حبيبه استري عليا ومتجبيش سيره لحد باللي شوفتيه ابوس ايدك
حبيبه بحزن متخافيش يا رفيده انتي زي اختي
رفيده بابتسامه ودموع تسلمي يارب وطلعت وحبيبه بصت لطيفها بحزن وكملت تنزل وبصت لفوق وتابعت بوجع اكيد مش هحسدها على ابتلائها بعصام بس دايما بلاحظ ان الحب كله بيروح لرفيده وهي بتختار بمزاجها وانا يوم ما حبيت دموعها نزلت وتابعت حبيت واحد بيقدر كل حاجه في الدنيا كلها الا انا وسمعت صوت صاحبتها شمس بتنادي عليها معاها في الكليه وقريبه منها هي وسلمى جدا فمسحت دموعها وقامت لفت وتابعت بتفاجئ شمس ايه جابك هنا
شمس بتفاجئ يابنتي ماما محجوزه هناا مش قيلالك قامت تعبانه من العمليه واتحجزت
حبيبه بتذكر اااه ااه الف سلامه عليهاا انا فاكره طبعاا بس معرفش انها في المسشتفى دي
شمس بابتسامه لا المستشفى دي انتي بقى بتعملي ايه هنا ومالك بتعيطي ليه
حبيبه بعياط ووجع علي
شمس بخوف ماله علي !!!
حبيبه بعياط هقولك
------
فوق قدام الاوضه كانوا كلهم قاعدين زي ماهما والممرضه قالت ان الدكتور قرب يطلع وهيطمنهم
وكريم قاعد على كرسي بعيد نسبيا وحاطط راسه مابين ايديه وشايل الهم اوي وقلبه وجعه وبيفتكر
فلااش باااك زمان كانوا راجعين من خروجه ايام الثانوي
علي بضحك طب وربنا عجنتهم
كريم فضل يضحك بشده وتابع صاادق يقلب اخووك صاادق حتى باين على وشك
فعلي فضل يضحك وتابع ماهو انا ضربتهم بوشي
فكريم فضل يضحك بشده فتابع علي بضحك يكريم ههزقك وربنا مالك في ايه طب احلف كده اني مضربتهمش
كريم بضحك لا مانت ضربتهم منا عارف بس اضربت بردوو فصعبان عليا شكلك كده امك هتشوفك هتفتحلنا مرشح علشان كده قولتلك متدخلش لان الخناقه معايا انا
علي بابتسامه سيبك من الكلام ده هو انا امتى يا ابن الجزمه سيبتك في حاجه لوحدك علشان اشوفهم بيضربوا اخويا واقف ساكت اومال انا بنزل جيم ليه الله
فكريم فضل يضحك بشده وتابع والله العظيم انت قلب اخوك ومش عارف اقولك ايه لاجل وشك المورم بسببي وحضنه وفضل يضحك
فعلي فضل يضحك زيه وتابع محسسني ان وشك انت اللي منور مانت معمول على وشك خراايط ولا منهج جغرافيا تالته اعداادي
فكريم فضل يضحك بشده وتابع منا عارف وربنا بس انا مكنتش بشوف نفسي وانا بتضرب كنت بشوفك انت
فعلي فضل يضحك وتابع المهم ساوينا بوشهم الاسفلت
كريم بضحك واتساوى بوشنا معاهم بردو
فعلي فضل يضحك وتابع لالا بس العبره في النهايه مين كسب الجوله؟
كريم بحب احنا علشان انا معايا اخويا راجل في ضهري
علي بضحك اقسم بالله قلب اخوك وحط ايديه على كتفه وتابع وهما ماشين بضحك بالك انت لو حد فكر يهوب منك تااني انا هعمل ايه ؟
كريم بضحك اه هتعمل ايه ؟
علي بضحك هسيبك واجري بصراحه ابوها دي قرابه وصحوبيه مش جاي من وراها غير المرمطه
فكريم فضل يضحك بشده وتابع واطي جدا يعني بس اقولك حاجه
علي بضحك قول يغالي
كريم بحب متعملهاش
علي بحب ده كده كده اقسم بالله لو رصاصه طايشه جايه لاخدها بدالك هنهزر ولا ايه
فكريم فضل يضحك وتابع لالا شيلت عني كتير سيب الرصاصه علياا انا
علي بحب بس يحيوان قطع لساانك ربنا يحميك ويحفظك يارب اللهم امين
كريم بحب حبيبي يعلوه ربنا يديمك ليا وميحرمنيش منك ابدا يقلب اخوك
علي بحب ويديمك ليااا يغالي
باااااك
فالدموع اتجمعت في عينيه ونزلت بصمت وهو حاطط راسه مابين ايديه وقلبه وجعه وهمسه يدعيله يقوم بالسلامه وميحصلوش حاجه وتابع ياريتها جات فيا انا يعلي
ولقى نيره قعدت جنبه وحطت ايديها على كتفه
فرفع راسه وتنهد بعمق شديد ونزل ايديها من على كتفه
فدموعها نزلت بصمت وتابعت انت علطول بتزعل مني لما بغلط وحقك بس الاكيد اني عمري ماهونت عليك
كريم تنهد وقام يقف فنيره مسكت ايديه وتابعت بدموع ورحمه ابوك يكريم ماتكسفني واسمعني
فكريم نزل ايديها وتابع بضيق عايزه ايه ؟؟ في كتب عايزاها ؟؟ او هدوم عجباكي ؟؟ او مصاريف كليه ؟؟
نيره بدموع لا بس ..
كريم بمقاطعه مبسش طالما مفيش اي حاجه من دول يبقى مفيش مجال كلام بينا خلصت يانيره خلااص وخدنا عازاهاا وانا احترمت رايك وكوني فعلا مش اخوكي بس لاجل وصيه ابويا فانا هفضل مسئول عنك لحد ماتروحي بيت جوزك انما مفيش بينا اي حاجه تاني اعتبريني الفيزا بتاعتك كده عارفه الفيزاا ؟؟ بناخد منها فلوس وبس
نيره بدموع وانت عمرك ماكنت كده انت صاحبي واخويا وحبيبي وابويا وابن خالتي وعملت معاياا حاجات كتير اوي تخليني اعتذرلك وابوس على راسك واقولك حقك علياا كمان انا عارفه اني غلطت وعارفه ان لساااني طويل ومتبري مني بس والله ياكريم مقصدش كده ابدا وعيطت بلهفه وتابعت انت عارف اختك عبيطه وبتقول كلام وخلاص وعصبيه وعنيده حبتين انما ..
كريم بحده ومقاطعه عصبيه وعنيده على نفسك مش عليا انا الكلام ده ميخصنيش
نيره هزت راسها بلايجاب وتابعت بعياط اه طبعا مش عليك وانا غلطت والله بس وغلاوتي عندك لو لسه ليا غلاوه ولا 1% متزعلش مني كده والله العظيم مقدرش
كريم تنهد بوجع وتابع نيره ابوس ايديكي مش وقته انا اخويا في اوضه العمليات بين الحياه والموت ومعرفش عنه حاجه وانتي انا مقفول منك قافله سودا وقولتلك عمرك ما هترجعي زي الاول ولا هتبقي صاحبتي تاني وهتبقي زيك زيهم فحقيقي اعصااابي تعبت منك ومن اللي حصل لعلي ومش قادر لاي نقاش
نيره بعياط ابوس ايديك متقولش كده لا انا وانت هنفضل زي ماحنا ومفيش مشاكل هتغيرنا وبعدين منا جيت ليه؟ جيت علشان اقف جنبك واهديك لاني عارفه علي بالنسبالك ايه
كريم بصلها وتابع بتنهيده لا انتي متعرفيش حاجه عامه يا نيره انتي لو عارفه كريم صح وبتفهميه مكنتيش عملتي وقولتي كل ده
ومشي وسابها وتقدم لقدام وقف معاهم وهي عيطت بألم
ولقيوا حبيبه وشمس جايين عليهم وفي نفس اللحظه خرج الدكتور وكلهم راحوا ناحيته بلهفه فتابع كريم بخوف هاا يا دكتورر كل ده خير طمنااا
الدكتور بابتسامه الحمدلله العمليه كانت صعبه جدا بس عدت لان الرصاصه مش عميقه ومصابتش الاعضاء الداخليه وحالته بقيت مستقره وباذن الله هيفوق بكره الصبح وهيقعد في المستشفى 3 ايام للملاحظه وهيقعد في السرير راحه تامه لمده شهر وعلاجه هقوله لحد هيقعد معاه يجي ورايا علشان يحفظ
فكلهم تنهدوا براحه وحمدوا ربنا وحبيبه دموعها نزلت بفرح وغمضت عينيها تشكر ربنا
فتباعت سلمى بلهفه انا يادكتور بحفظ كويس هاجي معاك حاضر
رانيا بدموع فرح الحمدلله اشكرك واحمد فضلك ياارب
اسيا بدموع يعني هو حضرتك مش هنعرف نشوفه انهارده خالص؟
الدكتور بتنهيده احنا هننقله اوضه عاديه بس النهارده صعب لان كده كده مش هيفوق فالبنوته اللي هتحفظ الادويه هتقعد معاه انهارده
سلمى بلهفه ماشي حاضر عيني اقعد معاه
اسراء بلهفه طب ينفع انا كمان اقعد معاااه
الدكتور لالا واحده بس مش هينفع اكتر من كده
فتابع كريم بتنهيده خلاص يا اسرااء مش مهم هنجيله بكره
اسراء بدموع تمام ونزلت وهي زعلانه جداا
فتابعت رانيا بدموع نقصاكي يابنتي والله
كريم بحزن سيبيها انا هكلمها لما نروح هي بتموت فيه فعايزة تفضل جنبه المهم علي بخير وتنهد بارتياح شديد وتابع يلا الوقت اتاخر ده يوم ما يعلم بيه الا ربنا والله ولا العرسان اللي فرحهم خرب ده
حازم باستغراب انا هموت واعرف مين عمل كده
سليم بتنهيده اكيد النيابه هتيجي بكره وهتحقق
كريم بتنهيده ده طبعاا المهم يلا كلنا نروح تعبنا اوي النهارده
حازم بتنهيده طب عن اذنك يا كريم انا هشوف سلمى لو هتعوز اي احتياجات اجيبهالها قبل ما امشي
كريم بابتسامه يا غالي انا هجيب كل حاجه متشيلش هم
حازم بحب واحد والله العظيم
كريم بحب مع علشان واحد بقولك انا هجيب نشيلك للتقيله يحبيبي
فبصت حبيبه لشمس بحده فتباعت شمس بتوتر كريم ممكن اطلب منك طلب
كريم بابتسامه طبعا تحت امرك واستغرب وتابع بس انتي جيتي ازاي حبيبه كلمتك ولا ايه
شمس بتوتر لالا حبيبه كلمتني ايه ده انا بقالي 3 ايام امي تعبانه ومحجوزه هنا فكنت عايزه اطلب منك معلش علشان خاطر ربنا اسيب حبيبه مكاني مع ماما واروح انهارده ارتاح شويه واعمل لقمه لاخواتي وبابا لحسن البيت مفيهوش اكل خالص وانت عارف انا البنت الوحيده وكده ومينفعش اخواتي الشباب يباتوا معاها علشان الهدوم ودخول الحمام وكده ده لو مش هتضايق يعني واوضتها هنا والله نفس الطرقه
فهاله بصت لحبيبه بحده وتابعت لا مفيش بيات برا البيت يلا يابت و
كريم بمقاطعه هو انا مش واقف يخالتي؟
هاله بحده ماهو يكريم ..
كريم بمقاطعه شمس صاحبه عُمر حبيبه وسلمى يخالتي وانا متابع حاله مامتها وفعلا تعبانه اوي انا بس مكنتش اعرف انها في المستشفى هناا فمفيهاش حاجه ابدا ان حبيبه تشيلها يوم روحي بيتك يشمس وحبيبه هتفضل
شمس بفرح الهي ربنا يخليك يارب تسلم تعالي يحبيبه اقولك تعملي ايه قبل ما امشي ومشيوا سوا
فتابعت حبيبه بهمس ودموع فرح : ربنا يخليكي ليا يارب انا مكنتش هعرف ابداا اروح من غير ما اطمن على علي
شمس بتوتر يارب يستر ومنتكشفش يخربيت اهلك
حبيبه بحب ودموع هيستر
ودخلوا قعدوا مع مامتها مؤقتا والكل مشي الا سلمى فضلت جنب علي ونامت على الكنبه وهي قاعده وحبيبه اتسحبت لقيتها نايمه فدخلت بصت على علي وصعب عليها اوي وعيطت بصمت وبصت لجهاز النبض وحمدت ربنا وراحت وباست جبينه ودموعها نزلت على خده وهمست الف حمد وشكر انك بخير ينورعين حبيبه من جوه ودموعها زادت وتابعت مستغربين اني جريت بيك ودمك بهدل هدومي وجسمي وسبت دهبي لاجل ادخلك اوضه العمليات وروحت اتبرعت بدمي فازاي عملت علشانك كل ده وشوفت اتهام في عينيهم وعيطت اكتر وتابعت ميعرفوش انك لو عوزت قلبي مش هيغلى عليك يعلي
واتصدمت بشده لما سمعت صوت سلمى وراها واقفه مصدومه والدموع متحجره في عينيها وتابعت انتي بتقولي ايه يحبيبه !!!