رواية بحبك ياولا
الفصل الخامس5
بقلم محمد منصور
فيمسك تامر قفاة بسرعة ويبص وراء منه بمنتهي السرعه فيخبط في الجرسون اللي كان معدي وراء تامر وشايل شوربة سخنة وقعت في صدر تامر من جوة وبدأ تامر يصرخ بحرقة وسوسو
الحقونا يا ناس الولا اتحرق.
وتقوم وتاخد تامر في حضنها وهو بيبص لها بغل شديد وهي بتقول
حبيب ماما. الشوربة بتلسع يح
فيصرخ تامر من الوجع والبرود
بحبك يا ولا
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة مطار شرم الشيخ يدخل تامر للمطار وهو بيسحب شنطتة وداهن صدرة بمرهم حروق وسايب زراير القميص مفتوح علشان الحرق ومن وراء سوسو اللي عامل تتصور مع الموجودين وتامر مستغرب اللي بيتصورو معها دول بيتصورو علي اساس اية لكنه بص لها وقال
مش يالا يا هانم
سوسو للمعجبين
مين يحب يتصور مع الحريقة
وتبص لتامر فيضغط تامر علي اسنانه بغيظ شديد ويقول
انا حريقة يا بنت
سوسو
زغلول
فيبص تامر وراء منه وهو مرعوب وميلقيش حد فيمسك سوسو من أيدها وهو يقول
دمك خفيف اوي زي اللي خلفك
سوسو
بس بذمتك مش انا عسل
تامر
يالا علشان نلحق الطيارة يا عسل
ويسحبها ويدخل بيها المطار وهي بتقول
في عروسة تتسحب كدة من ايدها في شهر عسلها.
تامر وهو لسة بيسحبها
اة. انتي يا جزمة
سوسو ببرود
قلب الجزمة
فيسحبها تامر اوي وهو متغاظ وراح بيها ناحية الطيارة، ،،،،،،،
وبعدها بكام ساعة ومن جوة قصر حسنس يسمع نادر وحسنس وعطوة صوت جرس باب القصر فيقوم بدير ويفتح الباب فيلاقي تامر وسوسو فيستغرب اوي ويقول
اية اللي جابك يا تامر انتو لحقتوا
فيدخل تامر وهو بيقول
حلو علية لغاية كدة. قبل ما صور قتيل
فيقوم حسنس ومن وراء عطوة ويستقبلو تامر وسوسو وحسنس يبص علي المرهم اللي في صدر تامر ويقول
تامر في اية وداهن صدرك لية كدة
تامر
دي حادثة بسيطة
فيميل عطوة علي سوسو ويقول لها في ودانها
عملتي في اية يا بت
سوسو
علمتة الادب
عطوة
هو كان ناوي علي الشر
سوسو
ايوة يا با كان عايز يقهرني. تخيل داخل علية ليلة دخلتي وفي ايدة واحدة ست
عطوة
ههي. هي حصلت
سوسو
لكن وحياة اللي خلفتة لخلي يقول حقي برقبتي
فيسلم بدير علي سوسو وحسنس يسلم علي سوسو وهو يقول
أية اللي حصل يا سوسو خلاكم تيجوا بسرعة كدة
سوسو بكهن شديد
ما حصلش حاجة وغلاوتك عندي يا با حسنس انا زي ما روحت زي ما رجعت
فيستغرب حسنس ويقول
تقصدي اية
قالت سوسو وهي بتحط عينيها في الارض
انا لسة بنت بنوت زي ماكون سافرت مع اختي
فينفعل تامر ويستعد للهجوم عليها ويقول
يا بنت ال،،،،،،،
عطوة مقاطعة له
اهو انت
تامر
هو انا لسة قولت حاجة
عطوة
برضو من باب الاحتياط كان لازم اشتمك
حسنس وهو بيمسك ذراع تامر وبيبص في عينية قال
سيبك من عطوة وبص لي هنا. سوسو لسة بنت بنوت
تامر
لا. طبعا ابنك راجل
عطوة
قال كنت فين يا غراب قال كنت باكل قشطة قال كان بان علي منقارك
تامر
انا غراب انا
حسنس
ياريت كنت غراب علي الاقل الغراب بيرفع راس اهلة مع الغرابة مراتة
تامر
يا بابا دي كذابة
سوسو
اني كذابة الله يسامحك يا ابن الراجل الطيب.
وتعيط سوسو بحرقة فيقول لها حسنس
بس يا بنتي وحقك علية انا
عطوة
وهانعمل اية باسفك. أقول اية لاهل البلد اللي مستنين اول ولدا لسوسو
سوسو
قول لهم جوزها مغلق للتصليحات
وتعيط سوسو وتطلع جري علي اوضتها وتامر بيبص عليها مش مصدق نفسه ولقي عطوة واقف قدامة وبيقول له
كنت فاكرك روح الروح طلعت حتة لوح
ويطلع عطوة وراء بنتة سوسو وتامر بيبص علية مش مصدق اللي بيحصل وحسنس بيقول
مالك يا تامر دة انا كنت اسمع عنك انك احسن من كدة
تامر
يا بابا انا كويس
حسنس بحسرة
كان بان علي منقارك
ويطلع حسنس لاوضة سوسو وهو بيقول
الواد اللي حلتي باظ. الواد اللي حلتي باظ
فيبص علية تامر وهو طالع لاوضة سوسو ولقي بدير بيقول
معلش يا تامر اللي خد منك الفيل قادر يرجعه تاني يا حبيبي
ويروح بدير ناحية باب القصر فيقول له تامر وهو بيبص ناحية اوضة سوسو
كلهم طلعوا من هنا
بدير
متكلمش معايا تاني لغاية ما تبقي راجل
ويخرج بدير من القصر ويصرخ تامر من سوسو ويقول
يا بنت ال،،،،،
فيسمع صوت عطوة يقول من فوق
اهو انت، ،،،،،،،،،
ومن علي احدي الكفيهات يقعد تامر لوحدة وفي ايدة فنجان قهوة وشرب شوية من القهوة وقال لنفسه
البت دي غريبة اوي. مع انها بتديني علي دماغي وورتني الويل لكن دمها خفيف. وانا بحب القطط اللي بتخربش
هنا يتخيل ان في تامر تاني قاعد قصاد منه ودة الشر اللي جواة وكان تامر التاني بيقول
اية هاتحن ليها يا خرع. دي البت اللي خلت ابوك يقلب عليك
تامر
مش بحن. بس البت فيها حاجة غريبة دي بتقراء افكاري وبتعرف انا بفكر في اية
تامر التاني
ودة معني انك تحبها. البت دي لازم تتعلم الادب ازاي تقولك لا
تامر
ايوة صح. ازاي تقول لي لا
تامر التاني
يبقي خلاص تروح دلوقتي وتوريها العين الحمراء وتكسر لها دماغها ومتنساش اكسر للبت ضلع يطلع لها كام ضلع غيرة
تامر
جدع ياة. انا هاضربها واعلمها الادب. اشرب اي حاجة علي حسابي عقبال ما اروح وارجع لك
ويقف تامر ويستعد للانصراف فيقول تامر التاني
استني يا حمار انا الشيطان اللي جواك وجاي معاك، ،،،،،،،،
ومن جوة اوضة النوم تقعد سوسو قدام سفرة كبيرة عليها كذا صنف من اصناف الاكل اللي بيحبة تامر وشموع مولعة في نص السفرة بشكل رومانسي رهيب. و كانت سوسو لابسة الساري كالعادة ومستنيا تامر يرجع وينفتح باب الاوضة ويدخل تامر وهو في حالة هياج شديد فتقابلة سوسو بابتسامة جميلة زادت من سحرها وجمالها وقالت
حبيب قلبي
فيقف تامر وهو زي المسحور مش قادر يستحمل جمالها فقال
بت. انتي ناوية علي اية.
سوسو بدلع
بحبك يا ولا.
فيقرب منها تامر وهو قلبة بيدق دقات سريعة وكأن الكلمة اصابت قلبة من جوة فقال
واللي يحب حد يفضحة كدة قدام اهله ويقول انه ما بيعرفش. انا ما بعرفش
فتضحك سوسو وتقول
مايبقاش قلبك اسود
تامر يقول لنفسه
جت لغاية عندك اهو خد منها اللي انت عايزة وارميها في الشارع بياعة الفراخ دي
فطبعا سوسو سمعت اللي قاله فانصدمت وقالت لنفسها وهي بتبص في عيونه
شوف انا كنت ناوية اكون طيبة معاك لكن انت اللي جيبتة لنفسك يا ابن بياع اللحمة
وقالت بدلع
ما تيجي جنبي يا ولا
فيقرب منها تامر ويقعد جنبها وتبص له سوسو في عينية وتخرج برشام هلاوس وترمي البرشام في الشوربة اللي قدام تامر من غير ما تامر يحس بحاجة وقالت
بتحبني يا ولا
تامر وهو بيحاول انه يحضنها وهي بتمنعه بدلع وهو بيقول
بحبك اوي
فتضحك سوسو وتقول
طيب كل الاول وبعد كدة انا معاك في اللي انت عايزة
وتحط طبق الشوربة اللي في البرشام قدام منه فيبص تامر للطبق وهو يقول
اكل. ماكلش لية.
ويشرب تامر الشوربة كلها علي مرة واحدة وياكل وياكل وياكل وهو عمال يبص لسوسو وبعد ما شبع قال
اخش اخد دش وعايز اطلع من الحمام ونبدأ المعركة
فتضحك سوسو بمكر وتقول
بس اطلع انت الاول
تامر باستغراب
اية
سوسو
مستنياك علي نار،،،،،،
ومن جوة الحمام يقف تامر قدام الدش وبعد ما قلع ووقف تحت الدش وضحك وبص للمية وقال
يا نطرة رخي رخي علي قرعة بنت اختي.
وبعد كدة راح ناحية هدومة وهو بيلبسها وبيقول
اما اقلع هدومي علشان جسمي ما يتبلش من المية
ولبس هدومة وهو مسطول لان برشام الهلاوس اشتغل ورجع وقف تحت الدش وهو بيضحك وبيقول
اهو كدة المطرة ما تبلش هدومي
وبص للدش تاني وقال
هي ازاي بتنطر كدة واحنا في شهر اربعة
ويقعد في البانيو وهو عمال يقول
ولا احنا في شهر خمسة. لا غلط احنا في شهر كيهك هو كيهك اللي النطرة في بترخ رخ
وقعد يضحك وبعدين تخيل ان في صرصار ماشي علي الحيطة فمسك شبشب الحمام وضرب الحيطة وبعدين شاف صرصار تاني علي هدومة وضرب نفسه بالشبشب وشاف صرصار تاني علي وشة وضرب وشة بالشبشب ،،،،،،،،،،
كل دة بيحصل وسوسو فاتحة الباب حتة صغيرة تسمح لها تشوف بيعمل اية ومعها عطوة ابوها وتقول
جاهز يا روح بابا للمستوي التاني
فبص عطوة لسوسو وقال
ناوية علي اية تاني الواد اتبهدل علي الاخر
سوسو
ناوية اخلي يطلقني وبعد كدة يرجع ويدور علية
عطوة
مش فاهم حاجة
سوسو
هاتفهم قريب
عطوة
ماتبقيش قاسية علية
سوسو
انا عمري ما كنت قاسية علي حد دة انا بنتك وانت عارفني. بس لما احب واحد والواحد دة يتجوزني بس علشان يهني لازم رد فعلي يبقي كدة ويا ما يحبني ياما اروح وانسا واسيبة بس بعد ما كون علمتة درس يخلي منه راجل يعرف ازاي يحترم ست بتحبة
عطوة
شكلك ناوية علي مصيبة
سوسو
هاقرصة قرصة تطلع بالدم
وتبص سوسو لتامر مرة تانية اللي كان بيصطاد صراصير مش موجودة