سامعه ياماما صوت الزغاريط اللي في شقة سلفتي اه يا ناري مش قادره اقعد اكتر من كدا هاين عليا انزل واكسر فرحتهم بي إيدي.
امها بخضة: اوعا تعملي كدا يا مجنونه محدش فيهم هيرحمك انا بقولك اهو.
روان بغل: اومال عاوزاني اعمل اي .. انا السلفة الكبيرة و بقالي اربع سنين مخلفتش وهي اللي يدوب بقالها شهرين متجوزه وبقيت حامل.
امها بخبث: انا هقولك تعملي اي بس عاوزاكي تنفذي كلامي بالحرف انتي دلوقتي تنزلي وتزغرطي معاهم وتقولي انك حامل انتي كمان.
روان بغيظ: لا والله ودي اعملها ازاي ان شاءلله ياما اني مبخلفش اصلا وعمالة اقنعهم اني باخد علاج و بقول دي ارادة ربنا.
امها بمكر: اعملي اللي انا بقولك عليه ولما تطلعي هقولك الباقي يلا.
روان بغيظ: ماشي اما اشوف اخرتها اي.
.. قفلت مع امها ونزلت شقة سلفتها..
روان بغل مخفي: الف مبروك يا حياة انا لما سمعت الخبر متتخيليش فرحت قد اي.
حياة بابتسامة: الله يبارك فيكي يا روان عقبالك.
روان بخبث: ماهو عقبالي انا كمان النهارده الفرحه فرحتين انا حامل انا كمان.
حماتها بصدمة: حامل ازاي دا انتي بقالك اربع سنين ارض بور.
روان بغيظ: كنت باخد علاج والحمدلله خفيت.
سميرة بابتسامة: مبروك كدا انا مرتات عيالي حوامل الحمدلله بعد صبر سنين.
حياة بابتسامة: فرحانه لك اوي يا روان.
روان بجمود: وانا اكتر يا حبيبتي عن اذنكم بقا هطلع افرح امي واخواتي.
سميرة بهدؤء: ماشي وانتو ارتاحوا النهارده من شغل البيت وانا هعمل ليكم اكل تتغذوا.
.. طلعت روان شقتها بغيظ...
.. بليل...
روان بابتسامة دلع: اي رايك يا حسن في الخبر دا.
حسن بابتسامة: دا احلى خبر سمعته في حياتي.
روان بغيظ: يعني خلاص مش هتكمل في خطوبتك اللي امك راحت وخطبت لك من وريا وانت وافقت عادي.
حسن بتوتر: انتي عرفتي منين.
روان بسخرية: جوزي وحافظك بامارة لما تتسحب من جنبي بليل زي الحراميه وتقوم تقعد تكلمها في التليفون.
حسن بابتسامة خوف: ا لا هي بس كانت بتحتاج تشتكي لي من مرات ابوها.
روان بسخرية: وانت الحضن الحنين بتاعها مش كدا يا حبيبي يلا زي الشاطر انزل و افسخ الخطوبة دي كفي بيتك وجاي لك اطفال اهو بدل ما تزود الحمل اكتر وانت مش قده.
حسن بتوتر: عندك حق هروح افسخ الخطوبة.
روان بخبث: ماشي وانا دقيقه الف الطرحه وانزل معاك اصل مش هسيبك تروح لوحدك.
حسن بتوتر: هتيجي معايا يعني ما بلاش ارتاحي لك شويه.
روان ببرود: لا يحبيبي رجلي علي رجلك .. وبعدين عالاقل تاخدني تفسحني ثواني هلبس واكون جاهزه
دخلت تلبس ببرود..
.. عند حياة...
حياة بابتسامة: اي كل الهدوم دي يا حسام دا لسه منعرفش ولد ولا بنت.
حسام بحنان: ما الحاجات دي تنفع لو ولد او بنت هو فاضل له كام شهر بقا.
حياة بحنان: انا في التاني لسه سبع شهور يا حبيبي.
حسام بحب: علي خير ان شاءلله نفسك في اي حاجه.
حياة بحب: اه نفسي تفضل معايا العمر كله وعينك دي متبصش غير عليا.
حسام بحنان: وانا عمري ما احب ولا اشوف غيرك يا حبيبتي..
.. عند حسن وروان..
روان بتخبط بقرف: افتحوا يا نسايب جوزي.
فتحت بنت ما: اي دا حسن اتفضل ومين دي.
روان بترمي لها الدبلة في وشها: انا مراته خلاص فضنها الحكاية دي يلا يا حبيبي نتفسح بدل السحنه دي ذؤقك بقا وحش اوي يا سحس.
البنت بقرف: عندك حق والله عشان كدا اختارك.
.. روان هترد راحت البنت قفلت في وشها الباب ببرود..
روان بغيظ: تصدقي انك قليلة الذؤق.
حسن بجمود: كفايه يا روان انتي اللي غلطانه هي متكلمتش اكيد مش هتقلي منها و هي هتسكت لك يعني.
روان بغضب: انت كمان بتدافع لي عنها وديني بيت اهلي دلوقتي حالا.
حسن بهدؤء: هوديكي بس اهدي عشان الحمل.
روان بزعيق: حمل دا كل اللي همك انت وامك الحمل و مرمطه البيت.
حسن بص لاقي الناس بتتلم: اسكتي يا روان ويلا اركبي العربية خلينا نمشي عيب اوي كدا الناس عمالة تتفرج.
روان ببرود: توديني بيت اهلي ولا اركب تاكس.
حسن بزعيق: قولت هتنيل اوديكي دقيقه تانيه وهرمي عليكي اليمين.
روان خافت و حست الموضوع بيكبر ركبت بتوتر...
حسن للناس: الفرجة خلصت خلاص.
ركب ومشي بغضب...
.. في بيت ما ..
روان بتمثيل العياط: كان محموق اوي عليها و بيقولي انه انا غلطانه غلطت في اي انا يا ماما.
صابرين بغضب ل حسن: انت مش كفاية روحت خطبت عليها بص يابني انت تسيب لي بنتي يومين اعصابها تهدا.
حسن بهدؤء: المفروض تهدي الموقف مش تزوديه اكتر.
صابرين ببرود: انا بردو بنتي بقالها اربع سنين خدامه ليك و ل امك و ل اخوك الصغير و بتعاملوها اقل من الخدامة عشان محملتش ودا جزتها.
حسن بغيظ: انا معملتش حاجة عاوزة بنتك اهي عندك اشبعي بيها.
صابرين ببرود: تنورني وتكترني يلا يا حبيبي اخرج انت عشان ننام و بنتي حبيبتي اعصابها ترتاح.
حسن قام مشي بغضب..
روان بضحك خبيث: حاسة اننا افورنها اوي يا ماما.
صابرين بخبث: عادي فدنا المهم انك تفضلي هنا عشان الخطة تمشي صح.
روان باستغراب: بردو مقولتليش ناوية علي اي.
صابرين ببرود: ببساطة هناخد بن سلفتك ويكون ابنك.
روان بصدمة: اييي انتي عاوزاني اشتري ابنها منها.
صابرين بغيظ: دا انتي متخلفة اسمها نخطفه ونسرقه اومال انا قولت لك تقولي انك حامل و نلغي موضوع خطوبته لي.
روان بذهول: مش فاهمه حاجه.
صابرين بتضرب كف علي كف: الصبر يا رب بصي عشان محدفكيش ب حاجه في وشك انتي هتفضلي هنا فترة حملك الوهمي اللي هما ال9 شهور وهتولدي في نفس اليوم اللي سلفتك هتولد فيه و نتفق مع دكاترة ينفذوا الخطة وناخد الواد ونحط لهم طفله تكون مولوده متوفيه مكانها و الواد يبقا ابنك و خلصت الحكاية.
روان بذهول: دا انتي دماغك دي شيطانه بس عجبتني وارجع وادوس علي نفس الكل واحد واحد.
صابرين بتفكير: بس وجودك هنا الفتره دي كلها بسبب تافه زي ده هيخلي الكل يشك فينا لازم نعمل سبب اكبر.
روان بخبث: اي رايك استفزه لدرجة انه يضربني بالقلم واغضب ونقول انه عاوز يسقطني عشان يتجوز عليا البت بتاعته.
صابرين بخبث: هي دي تربيتي ....