بس انا مقبلش ادخل علي ضرة ولا يبقا لي ابني مرات اب.
سميرة بقسوة: طلق حياة يا حسام.
حياة بصت ليهم بصدمة وروان فرحت..
حسام بجمود: مش هطلقها حتي لو حصل اي حياة مراتي وبحبها .
سميرة مسكت حياة بغضب: وانا مش هقبل بيها يلا برا.
حسام شد حياة لحضنه: ماشي بس خاليكي فاكرة كويس اوي انك انتي اللي اختارتي حياة خشي لمي هدومنا احنا هنمشي من هنا.
سميرة بصدمة: عاوز تسيبني زي اخوك.
حسام بجمود: انا مش بسيبك انا بصون الامانه اللي في رقبتي.
حياة بحزن: حسام مينفعش تق...
حسام بغضب مقاطعا: قسما بالله لو ما نفذتي كلامي لهسيبك وامشي انا فيا اللي مكفيني.
حياة اتخضت ودخلت بسرعه تلم هدومهم..
روان بغل: يعني اي الكلام دا هتتخلى عننا واحنا ملناش ضهر.
حسام بهدؤء: الوقت اللي تحتاجوني فيه هتلاقوني لكن مراتي خط احمر.
صابرين نازلة بغل: انت من ضمن الرجالة بتوع شورة مرتاتهم اها ماهي ساحرة لك هتسيب امك اللي ولدتك عشان حتة بت يا خسارة الرجاله.
حسام بجمود: لولا انك ست ايدي دي كانت علمت علي وشك وكسرتك بس انتي للاسف حربايه لابسه ست وتاني حاجه دي مشاكل عائلية واللي زيك ميدخلش فيها.
روان بغضب: لم لسانك وأحترم نفسك كله الا امي
حسام دخل ورزع في وشهم الباب..
بصوا لبعض بصدمة..
سميرة بدموع: معقوله هو دا ابني اللي ربيته وكبرته يقفل في وشي الباب وعاوز يمشي عشان مراته.
صابرين بغضب: البت دي طول عمري مش برتاح ليها اهي خدته وهتهرب بيه لبعيد واحدة غيرها كانت تحمد ربنا انك مخليها عندك في البيت.
روان بخبث: خلاص يا ماما احنا ملناش دعوة هاتي ريان يا حماتي.
سميرة بحزن ادتها ابنها ونزلت..
صابرين بهمس: الزن علي الودان امر من الف سحر وحماتك دلوقتي بطولها و شالت من ابنها و مراته دورنا بقا نحط البنزين علي النار.
روان بمكر: عندك حق خليها تولع كدا..
... بعد شويه..
نزل حسام وهو ماسك ايد حياة..
سميرة بصت ليهم بجمود حسام بهدؤء: انا ماشي يا ماما وكل يوم هاجي اطمن عليكي.
سميرة بجمود: لا والله كتر خيرك يابن بطني.
حياة بحزن: ماما انا والله ما ليا يد في حاجه.
سميرة بجمود: الباب يفوت جمل انتي وهو
دخلت شقتها بحزن...
حسام خد حياة ومشيوا...
نزلت روان جري: ماما افتحي انا جيت اطمن عليكي يا حبيبتي.
سميرة فتحت بحزن: تعالي يا بنتي.
روان دخلت بخبث: شوفتي بنفسك اللي كنتي بتعتبريها بنتك عملت اي بعدت ابنك حبيبك عنك دي حرباية و بتعمل ضعيفه بس هي جبروت اساليني انا اومال انا بخاف أنها ترضع ابني لي عشان ميتعلمش منها حاجه.
سميرة بهدؤء: ملهوش لازمة الكلام دا يا روان اطلعي شقتك.
روان بخبث: لا لا اسمعي مني وفوقي للي حولين منك عيالك الاتنين راحوا مبقاش ليكي غيري وانا هشيلك في عيني.
سميرة بدموع: قلبي موجوع اوي علي حسن و انا عارفه انه حسام اكيد هيرجع.
روان بخبث: طول ما معاه العقربه مراته دي مش هيرجع ابدا.
سميرة بشرود: تفتكري ميرجعش ههون عليه.
روان بمكر: مانتي هونتي عليه وسابك عشانها يبقا فاضل اي تاني.
سميرة عيطت بحزن وروان حضنتها بخبث...
.. عند حياة وحسام وصلوا بيت في جنينه وورد..
حياة بابتسامة: الله انا بحب الورد اوي امتي جبت البيت دا.
حسام بابتسامة: من سنة ونص وخليتهم يوضبوا ويتفرش لاي ظرف وادينا اهو احتجناه.
حياة بابتسامة: احنا مش هنفضل هنا فتره طويلة لازم نرجع ل مامتك يا حسام.
حسام بابتسامة: هنرجع بس لما الكل اعصابه تهدا تعالي يلا افرجك علي البيت.
.. دخلوا وهو مبسوطه وحاسه انها مرتاحة...
بعد مرور شهرين.. عند حسام..
حياة بفرحه: انا حامل يا حسام في اول اسبوع انا مبسوطه اوي.
حسام بفرحه: دا من كرم ربنا علينا يا حبيبتي ماما هتفرح اوي هرن اكلمها افرحها.
حياة بابتسامة: انا شايفه اننا نرجع بقا كفاية غربه لحد كدا عنها.
حسام بحنان: ماشي بس لما الحمل يثبت عشان اكون مطمن عليكي.
حياة باستغراب: تتطمن عليا من اي.
حسام بحب: من اي حاجه.
فجاءة الباب خبط راح فتح.
روان بابتسامة صفراء وشايله ريان: ازيك يا حسام عامل اي انا جيت اطمن عليكم.
حياة بابتسامة ولهفة جريت تاخد ريان حسام مسكها: كويسين طول مانتي مش في حياتنا.
روان بتمثيل الزعل: كدا بردو يا سلفي انا معرفش انت مش طايقني لي لسه قلبك شايل مني.
حسام بقرف: جو التمثيل دا انا مبحبوش ومش بيدخل عليا بجنيه.
حياة بطيبة: خلاص بقا يا حسام هي جت لحد هنا اهي.
روان ادتها ريان: خدي الواد صحته في النازل من لما سبتينا حقكم عليا انا كنت في حالة ما يعلم بيها الا ربنا.
حياة باستغراب: سبحان الله ريان شبه حسام اوي وهو صغير كل لما يكبر ياخد من ملامحه.
روان بتوتر: مش عمه حقه ياخد منه.
حسام بهدؤء: روان خدي ابنك وغوري من هنا وامك اللي برا دي متعبتبش هنا تاني.
روان بغيظ: بقا كدا انا غلطانه اني جيت اصلا وعامله ب الاصول هاتي يا حياة دا انتي جوزك صعب اوي والله مش كفاية سايب امه لا و مش همه حد.
حياة بهدؤء: هنرجع باذن الله وعشان ابشرها بخبر حملي.
روان بصدمة: هو انتي حامل يا حياة.
حياة بابتسامة: اه يا روان الحمدلله ربنا جبر بخاطري.
روان بغل واضح: طب خافي احسن ينزل ميت تاني.
سابتهم ومشيت وهم بيبصوا لبعض باستغراب...
.. خرجت روان وقعدت تدوس علي الورد بغل وامها استغربت..
صابرين باستغراب: مالك يا اختي بتحطي غلك في الزرع لي.
روان بغل: حامل الهانم حامل بعد كل دا وتحمل تاني.
صابرين بصدمة: هي لحقت بنت العفاريت.
روان بغيظ: ورحمة ابويا لهخطفها واخليهم يعملوا عملية ليها ويشلوا ليها الرحم خالص ويسقطوها.
صابرين بخبث: هنروح لنفس الدكتور اللي قال انه حسن مات ونتفق معاه
روان بحقد: حسن كان لازم يموت عشان عرف الحقيقه انا فكت له فرامل العربيه و طلع منها عايش كان لازم ابعت له الدكتور اللي تبعنا يخلص عليه.
صابرين بخبث: شكل الدكتور دا هينفعنا كتير اوي في الفتره اللي جايه
.... روان مشيت بغضب هي وامها...
كان في كاميرا البيت بتسجل كل كلمه هما بيقولوها..