رواية لحظات الصمت الفصل الثالث عشر13 والرابع عشر14 بقلم مياده يوسف الذغندى
اظن ياحبايبى اللى حصل امبارح مزعل ناس ، بس ماحدش عارف الخير فين ، تعالوا هنا جنبى ومعلش هى الحياة كدة ، لازم فيها شوية حزن شويه قلق ، شوية فقد وألم ، والصبر واذا مش عشنا كل ده وصبرنا، وكانت الدنيا سهله وميسرة ، ليه كان يبقى الصبر احد أبواب الجنه ، تعالوا نكمل الحكايه ، وقبل الكلام صلوا على خير الأنام.......
فى مبنى الشؤن الاجتماعيه.....
ماهر :: اقعد ياحمدى، تعالى هنا ، هه تشرب شاى ولا قهوه ، واحشنا ياعم والله ، السفر حلو على كدة بقى ، هههههه عينى عليك باردة ؟!
حمدى :: هههه ، ياسيدى سيبها على الله ، انا جاى اجدد الاجازة، قعدة فى مصر مش هعرف ، وبعدين المرتبات هنا ماتعملش حاجه ، المسؤليه كبيرة عليا انت عارف ، وغير كدة اخدت على السفر خلاص
ماهر :: قهوتك مظبوط ، لسه فاكر ، صح ؟
حمدى :: صح
ماهر :: واخبار ، مراتك والأولاد ايه ؟
حمدى :: بالله عليك ، اسكت ، ماتجبشى سيرة ، خلينى افك ، وانسى شويه
ماهر :: ليه بس ، لسه بتعمل معك مشاكل برضوا، مش هديت كدة ، وعقلت ؟
حمدى :: دى بقت مفترسه ، وانانيه، أكتر من الأول، سيبك ، الورق دة هيخلص من عندك هنا ، أمضى عليه
ماهر :: شوفت ، ممكن مش أمضى، وأقول العمل به عجز موظفين واقعدك من السفر هههههه
حمدى :: ههههه، نقصاك هى مش كدة ......
ماهر :: لاء خلاص ، ياسيدى ، هات اشرب القهوة اكون خلصت الورق .....
♤♤♤♤♤♤ بعد العصر
حمدى رجع البيت عنده ........
حمدى :: جيهان ، ياست جيهان هانم ( وكان مضايق ، ومتنرفز جدا ) انتى فين ياست ، يانهار ابيض .....
جيهان :: ايه ياحمدى الصريخ ده كله حصل ايه يعنى ؟
حمدى :: شاور بأيدة ، بصى حوليك كويس وانتى تعرفى ياهانم الشقه غرقانة ميه ، ومسربه على السلم نزلت تحت ...
جيهان ::: اه ، تلاقيها من حوض المطبخ ، ادخل اقفلوا ....
حمدى :: اه تلاقيه حوض المطبخ ، ادخل اقفلوا عادى كدة وسعى ، انتى مش نافعه فى حاجه وسعى ، البيت يضرب يقلب ، والمطبخ مش نضيف ، وهدومى ، والاكل ولا، ولا، ولا وسعى
جيهان :: قولتلك نعزل نروح الشقه الجديدة .....
حمدى :: شقة ايه ، البيت الجديد لسه على الطوب ، وعايز سنين كمان علشان يتشطب ، يكون عيالك كبروا وعايزين يتجوزوا ....
جيهان :: اومال فين فلوسك ؟
حمدى :: كان قلع هدومه ، وكان بالملابس الداخليه ، بيشيل السجاد ، وينشف الأرض، فلوسى ، روحى افتحى الدولاب بتاعك وشوفى فلوسى هدوم ومكياج ودهب ، مخلاصهم اول بأول ، وامسكى ايدك ، السفر مش دايم ، وعيالك لسه صغيرين ، حافظى على النعمه ..... روحى جهزى الغدا
جيهان :: غدا ، اطلب اكل من برة ، أو اعملنا انت ماانت بتعرف تطبخ حلو ، اصلى لسه مش خلصت الاكل ، ماعملتش اصلا ......
حمدى :: رمى المساحه من ايدة ، ماعملتيش اصلا ، وهز رأسه، هى اجازة منيله انا عارف ، وجوازه سوده ، امسكى كملى تنشيف الارضيه ، وانا داخل اغير هدومى ، وسعى ورقها من كتفها ......
جيهان :: ببرود ، تمام هات
دخل حمدى غير هدومه ولبس ترنج ...... .
جيهان :: هه هتعمل لنا غدا ايه ياحمدى ؟
حمدى :: بص ، عليها بشمأزاز ، لاحول ولاقوة الابالله، شطبى المطبخ ، ونادى ولادك شوفيهم فين ، وراح فصل فيشه التليفون
جيهان :: بيقولوا المحمول ، ده حلو ، وبقى مالى العالم، انا عايزة محمول ياحمدى
حمدى :: محمول ، اذا كان التليفون الأرضى، ومش فاصله منه ، اومال لو التليفون المحمول نزل مصر وبقى متاح ووقع فى ايدك ، هيحصل لنا ايه ، وفتح الباب وخرج ......
♡♡♡♡♡♡ بعد اسبوع
فى بيت اخو الشيخ سالم
كان فيه قعدة رجاله لطلاق سماح وعزيز .....
الحاج عثمان ::: سالم تعالى عايزك شويه جوه ....
الشيخ سالم:: مامنوش لزوم ياحاج ، انا خلاص مش راجع فى كلامى ، بنتى بتدمر جنبه ، وصبرنا سنتين ، وهو مافيش تغير ، ومعامله مش تليق بسماح ، ومافيش اب يرضى لبنته كدة ، انقطع الرزق خلاص ......
فى ناحيه تانيه من القعدة ... ....
سعد :: ميل ، شد عزيز ، من كمه ، وكلمه بصوت واطى ، ياابنى الله يرضيك ، ارجع عن اللى فى دماغك مرتك مش تتعوض ، وبنت ناس ، وبنت أصول.....
عزيز :: دا زى مايكونوا صدقوا ، بكرة يجوا يتحايلوا عليا ارجعها ، هتشوف ، وهيبعتوا لينا من برة لبرة اصبر
سعد :: انت هتجنينى ، انت مريض ، يبقى ابنى على كتفى، وادور عليه ، ارجع وبطل عند ، الجواز مافيهوش عند ، هزلهن جد ، وجدهن هزل
عزيز:: هز راسه ، لاء ، هما يتحايلوا عليا ....
الحاج عثمان :: ايه ياعزيز ، ياابنى ، خير قول اللى عندك ، انت طردت بنتنا من بيتك ، وبعتت للطلاق ، ليه ، فيه ايه صدر من بنتنا ؟
عزيز :: كان متردد فى كلامه ، ومهزوز ، مش لاقى كلام يقولوا ، الحقيقه يعنى ..... أنا عايز اخلف ، ولنا سنتين ومافيش خلفه
سعد :: بص له ، وكان مصدوم من اخوه
الشيخ سالم:: صوت كله ثقه ، وهو العيب من بنتنا ، كشفت عليها يعنى ؟
عزيز :: من غير مااكشف ، الراجل مش منه عيب
الشيخ سالم:: قول اللى عندك عايز ايه ، بالظبط ؟
عزيز :: كل واحد فى حاله ، واللى انتوا جبتوه خدوه ، واللى انا جبته اخده ....
الشيخ سالم:: يعنى كاره ، وبايع ، وعايز تاكل حقها كمان ، وفين قيمتها ، والمؤخر والدهب وحقوق ربنا اللى قال عليها ؟
عزيز :: الدهب ، اتصرف عليها فى التعليم سنتين بصرف عليها
الشيخ سالم والجميع، انصدموا من كلامه......
#_بقلم_ميادة_يوسف_الذغندى
♤♤♤♤♤ وبعد وقت
من المشادة فى الكلام ، والاختلاف، تم الاتفاق على الطلاق .....
الشيخ سالم:: محمد
محمد :: نعم ياابويا
الشيخ سالم:: روح هات دفتر الطلاق من بيتى ، انا اللى هسجل القسيمة بنفسى ، وأصلح غلطتى فى حق اختك روح .... .
___ اسمع ياعزيز ، انت راجل غير يؤتمن على كلمه ، وانا غلطان من البدايه ، انى وافقت عليك ، وحق بنتى ربنا هيعوضها خير ان شاءالله، وانت الخسران وانا عارف ، انا بقول ايه ، اما الدهب فده حق ربنا ليها وربنا موجود ، قال صرفتوا على تعليمها قال
___ طب لماانت مش قد تعليمها كنت وافقت على طلبى ليه من الأصل، ومن الاصل لما انت مش قد الحواز بتخطى عليه ليه ؟
♤♤♤♤ على منتصف الليل .... الشيخ سالم رجع البيت ، قلع الطاقيه بتعته والجلابيه ، وقعد على الكنبه ، والحزن ماليه ومنزل راسه للأرض، ومشبك إيده فى بعضها ، جات سعاد له وعيونها كلها دموع ....الشيخ سالم اول لما شافها ، قام بسرعه اخدها فى حضنه ، وبقى يطبطب عليها ،
الشيخ سالم:: اوعى تبكى طول ما انا موجود ، انا لسه بالدنيا ، ياست ، إياكى، والله اللى جاى احلى ، هى دى جوازه يتبكى عليها ده فرج ، فين سماح
سعاد :: نايمه ، جوه
الشيخ سالم:: دخل على سماح ، فتح النور ، موحه ، قومى ياحبيبه ابوكى ، نايمه ليه تعالى نقعد مع بعض شويه ....
سماح :: اتعدلت من نومتها ، والدموع نازلة لوحدها
الشيخ سالم:: حقك عليا ، انا اللى غلطت فى حقك ، ووافقت على واحد عديم مسؤليه ، ومالوش كلمه، ده واحد مريض وبكرة ربنا يسعدك ويعوضك خير ان شاءالله
سماح :: وانا مالي ياابويا، يمكن هو عنده حق، يمكن أنا اللى ماعرفتش أفرّحه ولا أريح قلبه. طب انا حاولت معه كتير واصبرت عليه والله ، وماكنتش عايزة طلاق ولاخراب، بس هو افترى جامد وكان واحد .......
الشيخ سالم :: إياكى تقولى كده تانى، اللى زى ده مايعرفش قيمة الست الصالحة، انتِ كنتى زوجة بنت أصول، وعشتِ معاه على الحلوة والمرة، لكن هو اللى ماعرفش يصون.
سماح :: دموعها بتزيد، وأنا كنت بحلم أعيش معاه العمر كله ياابويا، كنت فاكرة إن الصبر هيغيره.
الشيخ سالم :: يا بنتى، الصبر بيبقى على اللى يستاهل، مش على واحد بيهد بيتك وبيكسر قلبك، وبعدين الرزق مش فى إيده، الرزق بيد الله، والحياة مش بتقف على حد.
سماح :: بس كلام الناس ياابويا… أنا خايفة منه.
الشيخ سالم :: كلام الناس ما بيقدمش ولا يأخر، النهاردة هيتكلموا، وبكرة هينسوا، لكن انتى اللى هتعيشى حياتك، مش هم.
سماح :: مسحت دموعها، وحضنت إيده، ربنا يخليك ليا يا ابويا، وجودك بيهون عليا كل حاجة.
الشيخ سالم :: وإنتى حياتى يا سماح، وربنا هيعوضك خير، وهيبعتلك اللى يعرف قيمتك ويصونك، وافتكرى دايمًا… إحنا مش بنخسر غير الوحش، والكويس ربنا بيسيبوا لينا.
سعاد :: دخلت عليهم ، اعمل لكم حاجه تكلوها ؟
الشيخ سالم:: لاء واكل ايه ايه ، انا هدخل انام .....
سعاد :: طب فين حاجات سماح ، الدهب ، والمؤخر ،قيمتها فين ؟
الشيخ سالم:: الدهب ، بيقول صرفوا على علامها ......
سماح :: ايه ، انا سبته فى الدولاب ، وقولت لعمى سعد عليه وكمان أمه
الشيخ سالم::: هز راسه ، وده كفيل ،ان مايتزعلش عليه ، وشد سماح لحضنه وباس راسها ، حقك عليا ياسماح يابنتى .......
♡♡♡♡♡ بعد شهرين
الباب بيخبط عند الشيخ سالم
محمود :: أيوه حاضر ثوانى فتح الباب اتفاجأ باللى على الباب .....إنت؟ ......
الفصل الرابع عشر14
تعالوا ، ياولاد اقعدوا يابنات، انا النهاردة هكمل معاكم باقى الحكايه ، ونشوف الدنيا رايحه بسماح لفين ، وايه آخرة عزيز ، بس قبل مانكمل الكلام صلوا على خير الأنام
محمود :: ايو حاضر ، جاى ياللى على الباب ، وفتح محمود الباب ، اتفاجأ باللى على الباب ....
محمود :: انت. عايز ايه ، وايه جابك هنا تانى
عزيز:: عايز عمى الشيخ سالم
محمود :: في إيه، عايزة ليه ؟
عزيز :: نادى عليه بس ، يامحمود ، ادخل قولوا عزيز عايزك .....
محمود :: اللهم طولك ياروح ، استنى عندك هنا ...
ودخل محمود للشيخ سالم
محمود :: بابا ، عزيز عايزك برة على الباب
الشيخ سالم:: صدق الله العظيم، قفل المصحف ، وقلع نضارته ، ايه عايز ايه ده ، وجاى من غير ميعاد ليه ؟
_____ اقوم اشوفه
خرج الشيخ سالم ، لعزيز .....
الشيخ سالم:: اهلا تعالى ، جاى ليه فيه حاجه ؟
عزيز :: من على الباب كدة ؟
الشيخ سالم:: اتنهد ، اللهم طولك ياروح ، ادخل
محمود ، هات الشاى .....
عزيز :: دخل قعد على الكنبه فى الصاله ، وعنيه ، بتلف المكان كله ....
الشيخ سالم:: مد إيده، وهزه من كتفه ، ركز معى هنا ، جاى عايز ايه ؟
عزيز :: كان متلخبط ، ومش عارف يتكلم ، لحظات صمت....... أنا جاى علشاااااااان ، اه ، عايز اتجوز
الشيخ سالم:: وأنا مالى ، داخلى ايه ؟
عزيز :: ازاى ، بقى ، مش انت مأذون البلد هنا ، والبلاد المجاورة ، ومافيش مأذون هيرضى يجوزنى بعد اللى حصل ؟
الشيخ سالم:: انت روحت لحد وهو رفض يتم جوازك ؟
عزيز :: بتردد ، لاء ، بس يعنى لما اروح ....
الشيخ سالم:: قام مرة واحدة ، ورفعه من كتفه ، ولما هو لاء ، جاى تقلب راسى ليه ؟
قوم فز ، وألغى الشاى يامحمود ، وبص لعزيز ، روح شوف مصلحتك ، ولما يحين الجواز ، تعالى عندى ومالكش دعوة ، انا هتمم جوازك ، الله يوفقك، ويسعدك ويبعدك ، قوم ....
عزيز :: فيه إيه، بس ، ياشيخ سالم ، انت متعصب ليه كدة ؟
وبعد وقت بسيط.......
سعاد :: خير ، ياشيخ سالم، فيه ايه ، بتزعق مع مين ؟
الشيخ سالم:: قعد على الكنبه ، استغفر الله العظيم، ده المخبل ، عزيز ، جاى يهرى بأى كلام ، وربى ان جه هنا تانى لاكون مخلص عليه ...
سعاد :: راحت له، وطبطبت ، على كتفه ، استهدى بالله ، يكون راجع يرد سماح ؟!
الشيخ سالم:: والله ، لو هو آخر راجل فى الدنيا ، لايمكن اعيدها تانى ابدا ، لايمكن......
حلو ان سماح راحت لثريا القاهرة ومش شافت الهم دة هنا .....
■■■■■ فى بيت عزيز
دخل عزيز رمى السلام على امه واخته وسعد ، وطلع على شقته ، متعصب
أم سعد :: مالو ، دة ايه فيه ، ياعزيز ياعزيز باابنى ، اطلع ياسعد شوف اخوك مالو ، متعصب ليه ؟
سعد : والنبى يااما ، دلعك فيه ده ، هو اللى مخليه يعمل كدة ، علشان خاطرك بس ..
وطلع سعد لعزيز لاقى ، نايم فى أرض الصاله ، وبيان عليه الحزن ....
سعد :: عزيز ، ود باعزيز ، مالك نايم كدة ليه ، مالك ، انت ما واقع مع حد فى مشكله ؟
عزيز:: سبنى فى حالى ، وامشى ياسعد
سعد :: وامشى ياسعد ، طب قوم وقولى هببت ايه ، المرة دى ؟
عزيز:: قام وعدل نفسه من نومته ، اللى حصل انى روحت ...........
سعد ::: مش بقول ، وقولت قبل كدة ، هو انت مفكر الرايب يرجع لبن تانى ، ما كانت فى ايدك ، وانت ضيعتها ، كله رزق ونصيب
عزيز :: بقولك روحت للشيخ سالم علشان مافيش مأذون هيرضى يدخل هنا البلد ويجوزنى وووو
سعد :: اتلهى، هو انت كنت روحت لواحدة علشان تتجوز ، ولا مشيت فى مشروع جواز ، بطل حجج ، وكذب ، ولعلمك هى مش هترجع تانى ، وانت عارف ، الراجل ، سند وأمان، وحضن ، وانت ماكنتش كدة ، من اول يوم لها وانت معذبها معك ، مش هترجع ، اللى بتسامح كتير وتتنازل كتير ، لما يجيها فرصه تمشى ماترجعش ، فوق لنفسك ، وابدأ من جديد .....
#_بقلم_ميادة_يوسف_الذغندى
فى البيت عند ثريا ......
ثريا :: الو ، ايوة يامحمود ، بحق ، والله الف مليون مبروك ، ثوانى ونادى عليها ، سماح ، ياسماح تعالى كلمى محمود ....
سماح :: خير فيه ايه ، امسكى السماعه ، واسمعى كدة بيقول ايه .....
محمود :: الف الف مبروك النجاح والتخرج يااستاذة ، والباحثه الاجتماعيه سماح سالم
سماح :: والنبى ، ظهرت ، وكانت الفرحه مش سيعاها ، انا اخيرا اتخرجت ، طب ظهرت امتى ، ومين جابها طمنى
محمود :: ظهرت النهاردة ، وانا بنفسى كنت فى الجامعه ، ولما عرفت ، روحت على طول وشفت اسمك منور ، هتيجى امتى ؟
سماح :: اخر الاسبوع كدة
محمود :: على خير مستنينك، سلام
سماح :: قفلت السماعه ، وقعدت على الكرسى ، بتحمد ربنا وتشكره ، ودموعها بتنزل ، وعندها شعور حزن ممزوج بفرح
ثريا :: قعدت جنبها ، لاء ماهو احنا مش فى وقت الفرح نبكى ، وراحت لولوووووووى
ثريا: (بابتسامة حنونة وهي تمسح دموع سماح) يا ستى مالك كده؟ دى دموع نجاح ولا دموع حزن؟
سماح: (بتحاول تضحك وسط دموعها) الاتنين... فرحانة إنى اتخرجت، بس الحزن... الحزن لسه جوايا.
ثريا: بصى يا سماح، الحياة مش بتقف على حد ولا على وجع... كلنا عدينا بظروف كسرتنا، بس الفرق مين اللى بيقوم يكمل.
سماح: أنا تعبت يا ثريا... كل خطوة بحسها تقيلة، وكأن الماضى ماسكنى مش عايز يسيبنى.
ثريا: الماضى مكانه ورا يا حبيبتى، إحنا اللى بنختار نظل نبص وراه ولا نمشى لقدام. إنتى دلوقتى معاك شهادة، معاك بداية جديدة... ليه ما تديش لنفسك فرصة تعيشى؟
سماح: (بتتنهد) خايفة أبدأ وأتعثر تانى.
ثريا: التعثر مش نهاية، ده بيعلمك تمشى أقوى. إنتى قوية يا سماح، ويمكن مش شايفة ده دلوقتى، لكن أنا شايفاه فيكى من أول يوم عرفتك.
سماح: (بنبرة أهدى) يمكن عندك حق... يمكن لازم أدي نفسى فرصة.
ثريا: مش يمكن... أكيد. ومن النهاردة، كل حاجة هتعمليها هتكون لسماح، مش لأى حد تانى. قومى واغسلى وشك، والدموع دى خليها بس للفرحة.
قومى يالا نجهز كمال ، كان بيقول هيخرجنا نتفسح النهارده ، مااقوم اجهز الولاد ، اقومى يالا اجهزى وفكى كدة ......
◇◇◇◇◇ بعد مرور ثلاث شهور
الشيخ سالم:: دخل البيت ، ياسماح ، يا موحه ، تعالى هنا
سماح :: حاضر يابابا جايه اهو ، بحمر الفراخ ثوانى
__ نعم جيت اهو
الشيخ سالم:: امسكى الفاكهه دى ، وتعالى عايزك فى موضوع لاء اتنين ورايا
سماح :: حاضر ، اغسل الفاكهه وجايه وراك على طول
الشيخ سالم:: دخل اوضته، وبدأ يقلع هدومه
سماح :: بتخبط على الباب ، بابا ادخل ....
الشيخ سالم:: تعالى ياقلبى ، امك هتتاخر عند اختك ولا ايه ، انا جاى جعان واقع من الجوع ...
سماح :: لأ ابدا على وصول
الشيخ سالم:: طب اقعدى هنا واسمعينى حلو وركزي معايا .....
اولا فيه موضوع كدة وعايزك تفكرى كويس قوى
سماح :: خلاص عرفت ، عريس لاء انا مش عايزة اتجوز تانى ، انا نفسى انسدت
الشيخ سالم:: طب اعرفى مين هو ؟
سماح :: لاء ياسيدى الموضوع التانى ايه بقى قول ......
الشيخ سالم:: شغل ، وظيفه ، بس هى بالتعاقد، مش تثبيت فى الحكومه
سماح :: حلو ده ، وانا عايزة ، اخرج واشتغل فين بقى ؟
الشيخ سالم:: فى الشئون الاجتماعيه، ومرتبها يعنى ، فكرى بردوا ....
سماح :: موافقه ، موافقه ، موافقه هههههههههه
سعاد :: دخلت عليهم فرحونى معكم فيه ايه
سماح :: لاء اقوم انا ، اجهز الاكل وبابا يحكى لك كل حاجه
الشيخ سالم:: شد سعاد، من ايدها اقعدى هنا ، ولا انتى خدتى على الجرى ياست ، تعالى جنبى هنا ....
سعاد :: هو انا اقدربردوا انت نور عيونى ، اهو قول بقى طمنى ، هه عريس ولا ايه
الشيخ سالم:: والله الاتنين ، عريس ووظيفه ، وهى اختارت الوظيفه .
سعاد :: ونزلت دمعه من عيونها .
الشيخ سالم:: خدها فى حضنه ، لسه النصيب ، وانا هسيبها هى اللى تختار بنفسها من غير ضغط ....
■■■■■ بعد اسبوع
فى مصلحة الشئون الاجتماعيه.
فى مكتب الاستاذ ماهر ، كان الشيخ سالم وسماح قعدين فى المكتب .......
ماهر :: اتفضل ، ياعم الشيخ سالم ، كدة تم التعاقد معنا ، وبص على سماح ياست سماح ، ومن النهاردة
____ وانا هعرفك الشغل كله
الشيخ سالم:: يعنى امشى انا بقى ، صح
ماهر :: وهى صغيرة يعنى ، ولا كل يوم هتجيبها ؟
الشيخ سالم: ههههه مش هوصيك عليها ، فى رعايه الله ، سلام
ماهر :: بصى ، ياستى ، هاتى الدفتر ده ، بنسجل فيه .........
♤♤♤♤♤ عند حمدى .......
سامعك حلو ، بتقولى ايه ؟
جيهان :: بقولك انااااا ......