في واحد من شوارع القاهره وتحديدا منطقه الحي العاشر وفي احدى البيوت الساعه 10 الصبح كانت الاغاني شغاله بصوت مرتفع نسبيا في اوضه بطلتنا حبيبه عمرها 20 سنه وفي سنه تانيه كليه علوم وتتميز بجسدها مناسب وممشوق وطولها 155 سم وشعرها بني داكن زي لون عينيها وطوله لاخر ضهرها وفيه تمويجه بتزيده جمال وبتميزه وبشرتها قمحاويه وملامحها جذابه كانت بتتمايل برقه ونعومه قدام المرايا وقافله الباب وحاطه ايديها على وسطها وبتتمايل بمهاره مع ايقاع الاغنيه فخطبت الام هاله ودخلت وتابعت بحده انتي يابت يا مقصوفه الرقبه هو كل يوم المرار اللي انتي بتعمليه دده افصلي يابت الناس نايمه تكونيش رايحه تقدمي في مسابقه افضل رقااصه من وراناا ولا ايه
حبيبه نفخت بضيق وراحت قفلت السماعه وتابعت ايه يا ماما في ايه هو انتي كل ماتشوفيني بفرغ طاقه وبعمل حاجه انا بحبها تسمي بدني بالكلمتين دول !! وبعدين ناس ايه اللي نايمه لحد دلوقتي انتي عارفه الساعه كام
هاله بذهول اه الساعه كام يقلب امك عرفيني يمكن انا معرفش
حبيبه بابتسامه 10 الصبح وكله صحي خلاص
هاله بحده كله صحي ااه والله انتي ماهترتاحي الا لما تترني علقه ووطت تجيب شبشبها فحبيبه طلعت تجري في الشقه وهي بتضحك وتابعت بصوتها كله وهي بتنادي على اختهاا يا نيرره ياا نييرره
نيره خرجت من الحمام بعد ماغسلت وشها وتابعت بخوف ايه في ايه على الصبح
حبيبه استخبت وراها وتابعت بضحك قولي لامك تسبني وملهاش دعوه بياا انتي الكبيره
نيره بضحك يماما مالك بيها على الصبح سيبيها دي مجنونه وهو من امتى حد بياخد على حبيبه يعني
هاله بحده يعني ينفع يا نيره واقفه تترقصلي قدام المرايا ومعليه الاغااني ومش عامله احترام ان الناس ناايمه؟
نيره فضلت تضحك وتابعت ايه الجديد بتاع حبيبه ما دي فقره كل يوم هي ديتها بس يكون كريم سمع الاغاني هينزل يفلقها نصين
هاله بحده منا هعرفه هخليه يشوفلها حل لقله ادبها دي
حبيبه شهقت وتابعت بضحك لالا كريم لااا بلاش كرريم خلينا حلوين مع بعض كده ومندخلش حد
نيره بضحك خلاص اتلمي واوعي سبيني ادخل البس عايزه اروح لنهال المستشفى تعبانه
هاله بتنهيده روحي يابنتي وطمنيني عليها والله بتصعب عليا البت دي متغربه علشان الدراسه وتتعب تلاقي نفسها بطولها كده في المستشفى
نيره بحزن ربنا يهدي اهلها المهم هدخل البس انا لحد ماتحضري الفطار
هاله بحب روحي يابنتي
فدخلت نيره الاوضه فتابعت حبيبه برفعه حاجب اممم هي بنتك وانا بنت الجيراان طب تصدقي بالله انا هطلع لخالتي ابتسام وهقعدلك عندهاا علطول علشان تحسي بقيمتي
هاله فضلت تضحك وتابعت وهي داخله المطبخ روحي اطلعي ماهي اختي مش حد غريب ومربياكي معاياا
حبيبه بضحك ماشي يا ماما ماشي بس انا بقى مش همشي واسيب بيتي مهما يحصل وهدخل اشغل الاغاني وارقص براحتي ويبقى حد يعتتررض هاا
هاله بضحك شغلي براحتك يخش كريم يسمعك ينزل يكسر نفوخك ونرتاح قادر يكريم
حبيبه بضحك متدخليش بيني وبين اخويا لو سمحتي وخليكي براهاا منا عارفه اني مش بنتك ومتبنياني على الاسلوب ده اصلا
هااله بضحك اه انا متبنياكي واديني براها اهو ابقي سدي قصاده انتي بقى يارب يسمعك يارب
ودخلت حبيبه شغلت الاغاني وقفلت باب اوضتها وامها فضلت بتحضر الفطار ونيره ابتدت تجهز علشان تنزل لصاحبتها و"" بالمناسبه نيره في كليه طب اسنان سنه خمسه وهي كمان مش محجبه شعرها مفرود بس اقصر من حبيبه بكتير واصل لنص ضهرها وملامحها متتخيرش عن اختها وعمرها 22 سنه ""
وابوهم "" علي المحمدي "" متوفي علشان كده كريم متحمل كل مسئوليتهم بعد ما امهم جات بيهم من الصعيد لما جوزها توفى وقعدت في شقه تحت اختها وجوز اختها اللي هو حاتم ابو كريم اللي كان مديهالها
----
في الشقه اللي فوقيهم شقه كريم الجارحي مهندس وشغال في شركه ومعاه مامته واخواته البنات لميا وهناء
ملحوظه (( كريم هو اكبر افراد العيله عمره 26 سنه وابوه حاتم الجارحي متوفي ومسئول عن اخواته ومامته وخالتو هاله وبناتها نيره وحبيبه وبيعتبرو اخوهم الكبير بس كل اسراره وبلاويه مع نيره هي البيست فريند بتاعته ))
(( وهناء في تانيه اداب علم نفس وعمرها 19 سنه ومحجبه بشرتها بيضه وملامحها جميله وعينيها عسلي ولميا خريجه اعلام عمرها 21 سنه وشغله في جريده ومحجبه وجمالها مميز وميقلش عن جمال اختها ))
ابتسام كانت واقفه في المطبخ بتحضر الفطار وتابعت بصوت مرتفع نسبيا: يا لمياا انتي يابت يخربيتك لتكوني نمتي تااني
لميا دخلت المطبخ وتابعت وهي بتتاوب لا يماما صاحيه والله ايه في ايه
ابتسام بحب روحي صحي اختك واخوكي علشان الفطار ينورعيني
لميا بتنهيده هناء صاحيه بس مش راضيه تفطر وقالبه وشها كالعاده
ابتسام بحده هي هتفضل عامله في نفسها كده لحد امتى ده ايه الغُلب ده يااربي .. روحي يابنتي روحي صحي اخوكي ويلا علشان هطق خلااص لحسن صلاه الجمعه تفوته
لميا بتنهيده حاضر هروح بس بالله عليكي واحده واحده عليها اللي مرت بيه مش قليل بردو
ابتسام تنهدت بعمق وسابت اللي في ايديها وبصت لبنتها والدموع اتجمعت في عينيها وتابعت ولحد امتى يا لمياا ؟؟!!! لحد امتى هتفضل قاهره قلبي عليهاا كده ردي علياا انتي
لميا بحزن والله يا ماما انا ماعارفه بس بدعيلها اصل غصب عنها بردو
ابتسام بوجع ربنا يريح قلبها وبالها ويفرحني بيكم كلكم يابنتي
لميا بابتسامه حزينه اللهم امين يارب وخرجت من المطبخ
ودخلت اوضه كريم لقيته نايم على بطنه فقربت منه وطبطبت عليه وتابعت بابتسامه كيموو .. يحبيبي .. وهزته وتابعت قوم يحبيبي يلا الصلاه هتفوتك
كريم فتح عينيه ببطئ وتابع بنوم ايه لميا في ايه على الصبح
لميا بحب قوم افطر يعيون لميا الساعه 10 علشان تلحق صلاه الجمعه
كريم اتعدل وتابع وهو بيتاوب طب روحي انتي وانا هغسل وشي وجاي
لميا بحب ماشي ورايحه تخرج فوقفها صوت كريم وتابع باستغراب ايه الصوت ده على الصبح مين مشغل الاغاني دي ؟؟
لميا بتوتر هاا لا معرفش يلا انت بس اغسل وشك وتعالى علشان تفطر وطلعت بسرعه وقفلت الباب
فقام كريم ومسح بايديه على وشه بضيق من صوت الاغاني واتاوب ودخل الحمام غسل وشه وسنانه وطلع نشف وشه بالفوطه ورماها على الكرسي وخرج وتابع بابتسامه صباح الخير ياست الكل وباس راسها
ابتسام بحب صباح الفل يا نن عين امك اقعد افطر يلا
كريم قعد وتابع قومي يا لميا نادي هناء من جوه واقعدوا علشان تفطروا يلا
ابتسام بتنهيده مش راضيه يكريم ومش بتكلم حد ولا بترد على حد شوفها انت ياابني بالله عليك
كريم حط راسه مابين ايديه وتنهد بعمق فطبطبت ابتسام على كتفه بحزن وتابعت حقك عليا يابني انا عارفه والله ان انت شايل همها زيي بالظبط بس ادينا والله بنحاول نخرجها من اللي هي فيها
كريم بتنهيده يا ماما هناء دي بنتي انا اللي مربيها فطبيعي الوضع اللي هي فيه تاعبني حتى لو انتوا مدخلتونيش في الموضوع وخبيتوا عليا ان نفسيتها تعبانه بردو مش هصدق مانا عارفها وحافظها وقام وتابع كلوا انتوا لحد ما اجي انا هروح احاول اجيبها
لميا بتنهيده ياريت والله تيجي معاك
وراح خبط على اوضتها فتابعت بخنقه قولت سبوني لوحدي بقى يووه
كريم فتح الباب وتابع ده انا .. ايه هتطرديني انا كمان؟
هناء بصوت مليان خنقه : لا طبعا يكريم ادخل
كريم دخل وتابع بتنهيده وهو بيقفل الباب اول مره متدلعنيش ولا تقولي يا كيمو او يحبيبي بقيت كريم كده عادي يعني يهناء خير ؟!!
هناء غمضت عينيها بضيق وتابعت بدموع كريم بالله عليك ورحمه ابوك انا مش قادره لاي نقااش علشان خاطري
كريم راح قعد جنبها وتابع بتنهيده لسه زعلانه مني علشان مديت ايدي عليكي ؟
هناء بعياط لا انت معملتش حاجه غلط علشان ازعل منك انا مقهوره على نفسي وعلى حياتي
كريم فتح ايديه ليها وتابع بوجع تعالي طيب
هناء بصتله واترددت بخوف .. فتنهد كريم بوجع وتابع طول عمرك لما بتعيطي بتيجي هنا وانا من صغرك بدال ابوكي فحتى لو زعلانه من كريم اخوكي اكيد مش هتزعلي من ابوكي مش كده ولا ايه ؟؟
هناء عيطت ودخلت في حضنه وفضلت تعيط وتابعت انا مقدرش ازعل منك عامهً انا ماليش غيرك دلوقتي خلاص
كريم تنهد بوجع وتابع حقك عليا انا ينورعيني علشان خاطري اهدي وانسي كل حاجه
هناء بعياط مش بسهوله ابدا يكريم والله مش بسهوله
كريم بوجع عارف والله بس انا جنبك وهتقدري وهنعدي كل ده سوا وباس جبينها ومسح دموعها بايديه الاتنين وتابع بابتسامه الملامح القمر دي ميلقش عليها العياط والله
هناء ابتسمت من بين دموعها وتابعت ربنا ميحرمنيش منك ابداا يارب
كريم بحب ولا منك يا نوئه واتحمس وتابع المهم هاا امك عامله حبه فطاار تحفه تلاقيكي شامه ريحه الاكل من مكانك يلا تعالي شجعيني وناكل سوا
هناء ابتسمت بوجع وتابعت وغلاوتك عندي ماليش نفس بس اوعدك شويه وهاكل
كريم بتنهيده علشان خاطري يهناء يعني اجيلك لحد اوضتك وتكسفيني؟
هناء بوجع خاطرك غالي عندي والله بس علشان خاطري انت متجبرنيش وانا والله العظيم هاكل بس شويه كده
فتنهد كريم بعمق وتابع طيب خلاص يحبيبتي وباس راسها بعمق وتابع قومي اتوضي وصلي الضهر وادعي ربك يصبر قلبك على ابتلاءك وانا هدعيلك وانا بصلي الجمعه والله
هناء ابتسمت بوجع وتابعت اكيد هعمل كده وربنا ميحرمنيش منك ابدا بجد ينورعيني
كريم بحب ولا منك يا نوءه قلـبي وقام بالفعل وخرج وقفل الباب وهي نامت وبصت للسقف وسرحت بألم شديد ودموعها بتنزل بصمت
في الصالون برا طلع وتابع بتنهيده دماغها ناشفه وعنيديه اووي شويه ودخليلها الاكل تاني ياما معلش
ابتسام بتنهيده حاضر ياابني اقعد انت كل بس يلا قبل الاكل مايبرد
فقعد كريم وسمى وبدا ياكل وتابع بضيق هو مين الرايق اللي على الصبح اللي مشغل الزفت ده
ابتسام بضحك مين يعني هتلاقيها حبيبه بنت خالتك
كريم بذهول حبيبه !!
لميا بضيق يا مااااماا ياااربي منك قولتي لييه
كريم بحده على اساس ايه اطرش انا مثلا ؟؟ ده انا هنزل اكسره على دماغها دلوقتي 100 مره اقولها اسمعي علي قد اهلك متسمعيش مصر كلهاا
ابتسام بضحك واحده واحده عليها يكريم
لميا بضيق بعد ايه واحده واحده مانتي عرفتيه خلاص
فابتسام فضلت تضحك فتابع كريم بحده ده انا هطلع عين اهلك انتي وهي علشان تداري عليها كويس الصبر بس
-------------
في نفس الشارع العماره اللي في وش عماره كريم ساكن في الدور التالت قصاد بلكونه حبيبه ونيره « علي » ابن عم كريم وصاحبه المقرب وزي الاخوات واكتر خريج حقوق وكان الاول خلال الاربع سنين بس مش بيحب يشتغل بيها وفاتح مكتبه كبيره مليانه كتب سواء من تأليفه او لكُتاب مختلفين وبيحب الشعر والتأليف طالع راجل مسئول وربي اخواته البنات التلاته بعد وفاه ابوه في صغره مع ابو كريم في حادثه وجوز اخته اسيا اكبر اخواته البنات
طوله 190 سم جسده رياضي وحواجبه كثيفه وعينيه بني ورموشه طويله وكثيفه ودقنه متحدده وهو اكبر اخواته عمره 25 سنه خاطب رفيده عمرها 22 سنه خريجه طب بيطري شعرها قصير كاريه لحد اخر رقبتها وعينيها خضرا وطولها 165 سم وجارتهم ساكنه في اخر شارعهم
واخواته البنات الاولى اسيا 23 سنه بيضه وجسمها مظبوط وعينيها لبني فاتح خريجه بيزنس وشغاله في بنك ومتجوزه سليم حبيبها من ايام الجامعه ومعاهم تولين 4 سنين نسخه منهاا في العيون والملامح
والتانيه سلمى 20 سنه عينيها خضرا وملامحها جميله اوي مخطوبه لحازم عرفته بالصدفه في الكليه لانه كان جاي لدكتورهم علشان قريبه وهي كانت داخله تستفسر عن حاجه ومع حبيبه في الكليه لانها متاخره سنه زيها فهما الاتنين في تانيه علوم.
والتالته اسراء عينيها بني ونسخه من علي في الشكل طالعين لباباهم اما البنات جم ملونين لمامتهم رانيا اللي عينيها لبني فاتح فآسيا طلعت زيها بالظبط وسلمي جات خضرا .. فاسراء اولى بيزنس عندها 18 سنه ومش محجبه شعرها طوله وسط وملامحها رقيقه واشقى بنوته في البيت
في اوضه علي كان نايم صحي على صوت فونه ففتح عينيه ببطئ ومسك فونه كان مكتوب
« Rofy ♡ »
ففتح وحط الفون على ودنه وتابع بنوم: ايه يحبيبي
رفيده بضحك والله كنت عارفه ان البيه لسه نايم ايه يعلي كل ده نوم يحبيبي
علي ابتسم وتابع امي اللي كانت مسهراني رغي لحد الفجر علشان تحكيلي مشاكلها هي وسهيله صاحبتها مش كده ؟؟
رفيده فضلت تضحك وتابعت كده يعلي اخص عليك بجد اوماال هحكي لمين يعني ها
علي بحب يا روفي انتي تحكي العمر كله احنا هنهزر ولا ايه
رفيده بحب ثبتني بس يلا مش وقته كنت قايلي اصحيك علشان صلاه الجمعه متفوتكش قوم اغسل وشك وافطر وانزل يلا
علي وهو بيتاوب : لا بالله خليكي شويه لحد ما افوق وقام فتح البلكونه ودخل قعد على الكرسي فابتسمت رفيده وتابعت بس كده ده من عيوني بما اننا بنتكلم بقى فكنت عايزه اتكلم معاك في حاجه ضروري؟
علي اتعدل في قاعدته وتابع معاكي يابابا ايه في ايه ؟؟
رفيده بتوتر كنت عايزه اسافر مؤتمر السعوديه اللي تبع شغلي كمان كام يوم
علي تنهد بعمق وتابع بصي علشان مننتخانقش على الصبح بس ونهري كتيير وتبقى الناس بتقول صباح الخير وانا بقول صباح النكد فخلاصه الكلام انا قولت ايه على الموضوع ده يا رفيده؟
رفيده بحزن يحبيبي ما انت بترفض وخلاص انا عايزاك تناقشني علشان خاطري يا علي المؤتمر ده مهم و ....
علي بحده ومقاطعه: ولا خاطرك ولا زفت انا قولت لا يبقى لا الموضوع خلاص منتهي فانتي بتهري في اييه بقى ؟!! ولا انتي عاجبك انك تساافري معاه وانا اولع ولا اغور في دااهيه مش مهم ؟؟!
رفيده دموعها نزلت وتابعت بحده 100 مره اقولك طلع هشام من دماغك ده جاري ومتربين سواا ومش معنى اننا نفس الوظيفه وهيسافر نفس المؤتمر يبقى ده يديك حق تتهمني الاتهام دده
علي بعصبيه صوووتك ميعلااش علشان مجيش اكسر نفووخك مين ابن الكلاب ده علشان احطه في دمااغي اصلاا !!! وبعدين انا مبتهمش حدد انتي اللي تصرفااتك تعصب الواحد منا كنت متنيل هاادي بس لا ازاي متخلنيش اخرج عن شعوري وتعصبيني وتبقي عارفه انه بيحبك وطلبك للجواز مره واتنين وعايزاني اسفرك معااه 3 ايام حااضر يا رفيده هركب قرون حااضر
رفيده غمضت بضيق وتابعت هو انت بجد مش بتثق فيااا ولا في نفسك خاالص ؟!!! يابني انا خطيبتك انت وبحبك انت وهبقى مراتك انت
علي بعصبيه مبثقش في حد خاالص يا رفيده ارتااحتي ؟؟!! وقفل الخط ورمى الفون جنبه على الكنبه فتابعت رفيده بتفاجئ: علي .. علي وبصت للفون ونفخت بضيق فدخلت مامتها وتابعت بحده قولتلك اتلمي ومتقوليش حاجه مرضتيش تستاهلي
رفيده بدموع نفسي بجد يبطل يقف قدام اهداافي ويفهمني ولو لمره
سعاد امها: بيغير وحقه هشام فعلا نظراته ليكي بتبقى كلها حب وخطيبك راجل ميعجبوش تتجمعي بيه في مكان واحد ولوت بوقها وتابعت اذا كان قالي قبل كده اكتر حاجه هتفرحه يوم فرحكم انه هياخدك معاه وهشام مش هيشوفك في الطالعه والنازله تاني تقومي تروحي تقوليله عايزه اسافر معاه 3 ايام !! ده انتي مجنونه رسمي يا بنتي والله
رفيده بخنقه ودموع خلاص يا ماما لو سمحتي سبيني لوحدي دلوقتي
سعاد بتنهيده اهدي بس واغسلي وشك وانزلي صالحي خطيبك مش كل شويه مشاكل يا رفيده
رفيده بدموع طب سبيني لوحدي علشان خاطري دلوقتي ارجوكي
سعاد تنهدت بعمق وتابعت ربنا يهدي سركم يابنتي وخرجت ورفيده نفخت بعصبيه وتابعت بدموع مااشي يا علي ما لو انا اللي قفلت السكه كان زمانك تحت بيتنا دلوقتي وطلعت قتلتني
----------------
عند هاله في الشقه
كانت نيره قاعده بتربط الكوتش في الصالون وباب الشقه مفتوح فنزل كريم وتابع صباح الخير يخالتي
هاله بحب صباح الفل يا نن عين خالتك
كريم برفعه حاجب هي بنت الكلاب بنتك اللي مشغله القرف ده مش كدده !!!
هاله بضحك اه هي بص ادخل موتها وريحني بلا مرار
كريم بحده ده انا هطلع عين اهلها ومشي في اتجاه اوضتها
في اوضه حبيبه كانت بترقص على اغنيه شعبي بتاعت محمود الليثي وتابعت معاهااا اوكييه اوكييه .. ياصوفي مصر منوره ميرسي ميرسي .. تتكلم عربي مكسر يخواتي والنبي سكرر ولقيت كريم زق الباب برجله فاتخضت بشده فتابع بحده عربي مكسر ااه ده انا اللي هكسر اللي خلفوكي انهارده
حبيبه بخوف ايه يحبيبي في ايه عملت ايه انااا وبقيت ترجع لورا برعب
كريم راح شد الفيشه وتابع بعصبيه هو انا مش قايل لاهلك 100 مره يا يابنت الجزم انتي الخراا ده تشغليه على قدككك ولا هو لااازم الشاارع كله يعرف ان عندنااا رقااصه هناا
حبيبه بخوف اهدي بس واللي انت عايزه هيحصل عايز ايه دلوقتي ؟؟؟!!
كريم مسك دراعها فغمضت بخوف وتابعت بخوف والنبي خلاص والنبي اسفه هي الوليه امي دي اللي قالتلك انا واثقه
كريم بعصبيه امك مقالتش حاجه ده انا سامع من فوق وقسما بالله يحبيبه البتاع الخرااا ده لو سمعت صوته عالي كدده تاني هنزل اكسره على دماغك
حبيبه بخوف حاضر والله عيني مش هيتنيل تاني يا كبير وغلاوتك عندي
كريم بعصبيه والله العظيم معصباني بطريقه محدش يتخيلها عايز اكسرك خالص واقعدك في السرير علشان ارتاح
نيره دخلت وفضلت تضحك وتابعت حقك عليا انا يا كيمو خلاص هي مش هتعليه تاني صافينار العيله مش كده ولا ايه يا صافي ؟؟؟
حبيبه بضحك كده يا عيون صافي بس ابعديه عني والنبي
كريم بذهول صاافي !!! واتعصب وتابع يا بنتي متخلينيش اقل ادبي عليكي انا ورحمه ابويا لحد دلوقتي ماسك نفسي عنك
نيره بضحك لالا خلاص حقك عليا انا يا كريم سيبها
فكريم ساب دراعها وتابع بحده انا سبتك لاجل خاطر نيره بس انما والله العظيم يا حبيبه لو ما اتلميتي هوريكي هعمل فيكي ايه
حبيبه حركت كتافها بدلال وتابعت بتقليد للفيلم بضحك : مش هتلم هتبعتر
نيره اتفاجئت وفضلت تضحك بشده وكريم اتعصب وتابع يابنت الكلب يا جزمه ورايح يمسكها فدخلت البلكونه بتاعت اوضتها بسرعه وقفلت وراها فتابع كريم بعصبيه وهو بيخبط افتحي يا حبيبه بدل ما اكسرها على نفوخك افتحي ياابت
حبيبه بخوف لا والله مش هفتح مشيه يا نيره
نيره فضلت تضحك وتابعت من بين ضحكها مانتي متربتيش سكته كان لازم تعصبيه تاني يعني
كريم بعصبيه افتحي بدل ما انتي عارفااني وربناا
حبيبه بخوف والله لا مش هفتح
علي كان واقف في البلكونه اللي قدامها بيشرب سجاير فرماها وداس عليها برجله وتابع بضحك يخربيت اهلك خارجه بالبيجامه كده ازااي خشي جوه يابت كريم لو شافك هيعلقك
حبيبه بخوف لا ماهو كريم عايز يعلقني لوحده اصلا انت مش ساامع ؟؟
كريم بعصبيه ياحبيبه والله العظيم لو مفتحتيش وانا اللي فتحت هتزعلي مني وبالجامد
علي اتفاجئ وفضل يضحك وتابع ايه ده في ايه عملتيله ايه يا مصيبه ؟
حبيبه بخوف ورحمه ابوك يا علي كلم ابن عمك ونزله هو كده كده مفروض رايح صلاه الجمعه معااك يلاا بسرعه والنبي
علي بضحك طب فهميني الاول هببتيله اييه ؟؟
حبيبه بحرج لاالا مهببتش كلمه بس بالله عليك وغلاوه اخواتك
علي بضحك حاضر اهدي ومسك فونه واتصل بكريم
فكريم وقف خبط على البلكونه وطلع فونه ورد تابع ايوه يا علي معاك
علي بضحك في ايه يا ابني انت وبنت خالتك على الصبح مالك بيهاا
كريم بعصبيه دي بت بنت كلب وليها روقه معاايا بس افضالها
علي فضل يضحك بشده وتابع ربيها بعدين طيب يلا الصلاه هتبداا انزل ورحمه ابوك وسيبها وخلاص
كريم بحده معصباني ياعلي تعبت والله اربع بنات مخليني بص هتجنن منهم خلاص
علي فضل يضحك وتابع حاسس بيك والله وانا 3 كمان مش 4 فالله يكون في العون بجد
نيره بضحك الله وانا مااالي انا انت كل ما هيعصبوك هتتعصب علياا
كريم بصلها بتفحص وتابع لا شكله دورك جااي يا نيره
نيره بخوف ليه عملت ايه انا
كريم بحده انتي اتهببتي لبستي ورايحه فين ؟
نيره بلهفه : لنهال المستشفى وقولتلك والله العظيم
كريم برفعه حاجب وكنتي هتروحي مع مين يا نيره اما انا نازل اصلي
نيره بضحك كنت هستناك لما تخلص صلاه توصلني انت صاحي تقول شكل للبيع انا عارفه
علي فضل يضحك وتابع هي ولميا عاقلين مش بيتعبوك انزل بقى وسيب حبيبه دي لبعدين
كريم تنهد بعمق وتابع حاضر يا علي نازل انا كده كده كنت جاهز اخلص انت بس
علي خمس دقايق بالظبط وهتلاقيني تحت يلا باي
كريم باي وقفل فونه وحطه في جيبه وتابع بحده انا نازل بس حسابك معايا بعدين
حبيبه بضحك ماشي روح بس يلا وهاتلي لب وانت جااي
كريم بص للبلكونه بذهول وضرب كف في كف وتابع ولا عمره هيجيلها السكر من برودهاا وانا اللي هيتقصف عمري بدري بدري بسببها حبيبه
حبيبه ونيره فضلوا يضحكوا فتابعت حبيبه بضحك بعد الشر عليك يا نووحي متقولش كدده
كريم بحده ده انا لما اجيلك بس وخرج وتابع لهاله: انا نازل اصلي الجمعه يا خالتي عايزه حاجه وانا جاي
هاله بحب سلامتك يا قلب خالتك وها عملت ايه مع البت دي ؟؟
كريم بحده ده انا هربيها بس الصبر ونزل فهاله فضلت تضحك ونيره خرجت قعدت جنبها مستنيه كريم يخلص صلاه
-----------------------
في بيت علي
كانت رانيا امه قاعده بتفصص في البسله وبتتفرج على الشاشه على مسلسل قديم واخته سلمى قاعده بتتشاب مع حازم خطيبها فخرج علي وتابع بابتسامه صباح الفل ياست الكل
رانيا بحب صباح الفل يا نن عيني اقعد احطلك تفطر
علي راح باس راس سلمى وتابع صباح الفل يا سلومتي وقعد ومسك السجاره ولعها وتابع لالا متقوميش انا يادوب اخلص السجاره دي والبس وانزل لكريم بسرعه علشان نلحق صلاه الجمعه
سلمى بحب صباح الخير ينورعين سلومتك
رانيا بتنهيده يعني بتهري في قلبك زفت سجاير على الصبح ليه لتكون الشملوله مضاايقاك ولا حاجه
علي غمض عينيه بضيق وخد نفسه بعمق وسكت
فتابعت سلمى بحزن يا ماما مش كل ما تلاقيه مخنوق تعملي كده ما يتخانقوا وفيها ايه منا وحازم كل شويه خنااق بس المهم اننا مش بنهون على بعض وبنتصالح عاادي
رانيا بحده بقولك ايه يا سلمى اقعدي ساكته انتي لما اكون بتكلم مسمعش حسك خالص
سلمى بضيق يا ماما انتي اللي
علي رفع ايديه بمقاطعه وتابع سلمى خلااص سيبيها ايه الجديد يعني انا مبقتش بعلق على الكلام ده علشان شبعت منه اصل انا خاطب بقالي سنتين مش امباارح فحتى رفيده اتعودت
رانيا بذهول بقيت انا الغلطانه دلوقتي يا علي وانت والهانم بتسمعوا كلامي ومش بتعلقوا مش كده !!
علي تنهد بعمق وتابع ياما ..ياما حرام عليكي انا عمري ما جيت في صفها عليكي ابداا مع انك بتغلطي في حقها كتيير فارجوكي مش كده دي هتبقى مرات ابنك
رانيا بتنهيده قصدك هتاخد مني ابني
علي بضحك قسما بالله انا عارف ان كل ده سببه الغيره والله العظيم وطفى السجاره وراح باس ايديها وراسها وتابع بحب ولا رفيده ولا حد في الدنيا كلها هيقدر ياخدني منك هو انا ليا غيركم ياست الكل ؟
رانيا بتنهيده روح يا علي عشان متفوتش الصلاه
علي فضل يضحك وتابع حاضر يا غاليه هروح بس عايزك تكوني متاكده والله العظيم ان انتوا اهم حاجه في حياتي وباس راسها وراح دخل الحمام ودقايق وفتحت اسراء باب اوضتها وتابعت بهمس سلمى .. بت يا سلمى
سلمى بصتلها باستغراب وتابعت ايه يا بت في ايه
اسراء بهمس علي فين ؟
رانيا بتنهيده في الحمام ياختي اطلعي اطلعي مش هتسكتي انتي غير لما يكسرلك رجلك خالص
اسراء بضحك يا ست الكل بقى فكي وخرجت كانت لابسه تيشرت نص كم ابيض مربوط من تحت وبنطلون جينز سماوي سكيني ضيق وفارده شعرها وحاطه ميكاب رقيق وتابعت باستعجال يلا هنزل انا اوعي يا سلمى من وشي اوعي بسررعه
رانيا بحده غاايره فين انتي التانيه
اسراء بخوف هشش وطي صوتك مش عايزااه يسمع
سلمى بذهول ليه هو انتي مش قايله لعلي انك نازله ؟
اسراء بهمس لا طبعا قولتله بس ميعرفش اني لابسه كده انا رايحه النادي هنقعد انا وصحابي مع بعض شويه علشان انهارده اجازه من الجامعه المهم يلا باي بسرعه بالله عليكم قبل ما يطلع مش ناقصه نكد ونزلت بسرعه
فضربت سلمى كف في كف وتابعت بذهول بنتك دي ولا عمرها هتتربى
رانيا بتنهيده والله تعبت معاها يا سلمى ولو سبت علي يشد عليها مش هتشوف الشارع خالص
سلمى بتنهيده وانتي فكرك لما ترجع مش هيبهدلها على الهدوم دي !! فخليها منها لعلي واخرجي انتي براها يا ماما بالله عليكي ياما دارينا
رانيا وهي بتاخد طبق البسله وبتقوم تابعت بتنهيده يلا انا كده كده غلبت معاها وتعبت من اني اداري على رايك والله يابنتي
سلمى بضحك والله كان على عيني انادي عليه يبهدل بكرامه اهلها الارض بس صعبت عليا علشان متشيكه ومتظبطه قولت حرام الميكاب ده يسيح من العياط وخروجتها تبوظ
رانيا فضلت تضحك وتابعت انتي مشكله والله يا سلمى ودخلت المطبخ وتابعت بصوت مرتفع نسبيا ابقي فكريني اتصل بآسيا اختك اطمن عليها مش باينه بقالها يومين
سلمى بحب من عيني حاضر وحازم رن عليها فقامت ترد عليه وتتكلم في البلكونه
---------------
تحت العماره كريم كان واقف وجاهز وعمال يرن على علي
فعلي نزل وتابع ايه يا ابني شغل رن رن نازل اهو مش هطير يعني في اييه
كريم بحده قسما بالله انت انسان بارد علشان بقالي ساعه واقف مستنيك
علي بضحك حبيبي المهم يلا اخلص هنتاخر
كريم بحده لا لسه فاكر بصراحه
علي بضحك خلاص يااالا بطل رت الله
كريم بحده طب يلا يا بيه اخلص فعلي ضحك ورايحين يمشوا وقفهم صوت حبيبه وهي بتقول متنساش تجيب اللب وحيااتي يا كريم
فعلي فضل يضحك بشده وتابع مشوفتش في بجاحتها
كريم بحده والله ولا هتشوف هي للاسف نسخه واحده ودوناً عن كل الناس ربنا ابتلاني انا بيها وشاورلها على جوه وتابع بحده قسما بالله يحبيبه لو ما دخلتي لاطلع اكسرك
فحبيبه جريت على جوه وقفلت البلكونه فعلي فضل يضحك عليها وتابع لا مسيطر
كريم نفخ بضيق وتابع اخرها معايا علقه بجد
علي بضحك معلش حقك عليا انا طول بالك عندي اسراء كده بردو بس كله بالهادواه هيتحل
كريم تنهد بعمق وتابع لا ده ربنا يهديهم بجد
علي بضحك اللهم امين يارب
وراحو يصلوا الجمعه ودخلوا الجامع فا الامام مكنش لسه بدء الخطبه فـ راح علي قعد هو وكريم في صف من الصفوف وقال يرفع قلبه لربه قبل الصلاه شويه فرفع ايديه وتابع بصوت منخفض جدا: اللهم ارحم ابي واغفرله واسكنه الفردوس الاعلى اللهم احفظ لي أمي وبارك لي في عمرها وصحتها اجعلني سندًا لها كما كانت سندًا لي اللهم ارزق أخواتي البنات السعادة والستر في الدنيا والآخرة ووفقهن لما تحب وترضى واجعلني لهن ظهرًا لا ينكسر وقلبًا لا يخيب اللهم اجعل خَطِيِبَتِي من نصيبي الحلال وسهّل لنا الطريق وارزقنا الود والرحمة والسكن واجعلني لها زوجًا صالحًا وسندًا في كل خطوة .. فـ يا رب كما رزقتني بهم لا تحرمني منهم واجعلني على قدر المسؤولية الذي حملتني إياها اللهم امين
وبعد شويه بدات الخطبه
-------------------
في بيت آسيا اخت على
فتحت عينيها ببطئ كانت نايمه على صدر سليم وهو واخدها في حضنه فاتعدلت براحه وبصت للساعه اتصدمت وتابعت يخراابي 1 الضهر !!!! ورايحه تقوم فسليم حس بيها وشد وسطها ليه وتابع بنوم رايحه فين ؟؟
آسيا بتوتر سليم بالله عليك اوعاا مش وقتك نهاائي امك كانت طالبه مني انزل اروقلها الشقه انهارده علشان مرات اخوك تعبانه وانا اتاخرت دي هتبهدلني
سليم اتعدل في قعدته وتابع وهو بيتاوب : ليه هي الساعه كام
آسيا بتوتر : 1الضهر
سليم رجع ضهره لورا وشدها لحضنه وفضل يمشي ايديه على كتفها طالع نازل وتابع وايه يعني فكك ومتنزليش انهارده
آسيا بذهول سليم انت بتهزر صح !! ده يعني امك تفضحني في عيلتكم كلهاا
سليم بحده ورفعه حاجب طول ما جوزك هناا متنزليش انا امتى نزلتك يوم جمعه يعني ؟!!!
آسيا بتوتر معلش مش هتيجي على انهارده علشان شيري تعبانه حقك عليا والله مش هطول تحت وهطلع بسرعه
سليم بحده ماقولنا لا ولو على امي انا هقولهاا اصل يعني ايه جوزك يكون قااعد وتنزلي مش فااهم ؟ هتخرب لو استنيتي لبكره يعني ؟!!
آسيا بتوتر طب قولها الاول
سليم بضحك يا بنتي هي بتعضكم تحت علشان افهم بس ؟!!
اسيا بتوتر مش كده بس برده مينفعش ازعلها
سليم بتنهيده لا مش هتزعل ولا حاجه انا هكلمها بس المهم تعالي عايزك في كلمتين وغمز
اسيا فضلت تضحك وتابعت لا مش وقته انت كلامك مبيخلصش وبنتك خلاص اكيد قربت تصحى فاوعي كده يلا عايزة اقوم
سليم بضحك يا بت خليكي بس بقولك عايزك في كلمتين خلي عندك دم
اسيا بضحك لا مش عايزه اعرفهم وسيبني اقوم اخد شاور واحضر الفطار علشان بجد جعانه
سليم بهيام طب ما انا كمان جعان وهموت واكلك
اسيا فضلت تضحك وتابعت يسليم بجد احترم نفسك تولين ممكن اي لحظه تلاقيها ورا الباب
سليم بضحك وانا اعملها ايه تولين عليها وعلى اللي جابها هو انا هخلفها تقعد تكتم على نفسي ولا ايه ؟؟
اسيا فضلت تضحك وتابعت معلش بقى نصيبنا كده اوعى بقى بجد وسيبني اقوم
سليم بضحك طب هاتي بوسه طيب
اسيا فضلت تضحك وتابعت هو انت يا حبيبي ماشي بمبدا اي حاجه وخلاص ؟؟ وبعدين هو امبارح ده مكفاش ؟؟!!
سليم فضل يضحك وتابع ولا العمر كله يخليني اشبع منك يا ام توتي
اسيا بضحك قلب ام توتي وباست شفايفه برقه ورايحه تبعد فشدها عليه اكتر وباسها بعمق وفاجاه الباب خبط فاتنفضوا بعيد عن بعض وتابعت تولين: مااامي
اسيا فضلت تضحك وتابعت شوفت قولتلك اوعى بقى علشان الحق اقوم
سليم شال ايديه وتابع بضحك قومي ياختي قومي عليكي وعلى بنتك
فضحكت اسيا ووطت جابت الروب ولبسته وفتحت الباب ووطت لمستواها وتابعت بحب ايه يعيون ماامي
تولين بحب ايم هان جري ( انا جعانه)
اسيا بضحك ياروحي ياناس بنوتي انا جعاانه وانا قااعده كده وبصت لسليم وتابعت بضحك قوم يابابي اعمل لتوتي توست جبنه مثلثات لحد ما اخد شاور ونحضر الفطار
سليم بحب يسلاام ده انا عيوني لتوتي وام توتي ووطى جاب تيشرته وكمل لبسه واسيا دخلت الحمام وسليم قام شالها وباس خدها وتابع بحب صباح الخير ينورعيون بابي
تولين بحب صباح النور يا نورعيون توتي
سليم فضل يضحك وتابع والله انتي حبيبه قلبي عارفه بموت فيكي ليه يابت يا تولين ؟
تولين بابتسامه علشان انا نفس شكل وعيون ماما ازرق
فسليم فضل يضحك وتابع اسمه ازرق بردو؟
تولين بحماس لا بلو
سليم ضحك اكتر وتابع بلو اه صح بس فاتح اوي مش غامق فنسميه ايه؟
تولين حطت ايديها على دماغها كأنها بتفكر وثواتي وتابعت بحماس: ااه بيبي بلو
سليم بتشجيع صح براافو يلا ندخل المطبخ واسقفلك وحطها على الرخامه وفضل يسقف وتابع برافو بنتي اشطر الشاطرين يانااس
تولين ضحكت وتابعت اي لاڤ يو
سليم بحب اي لاڤ يو تووو
وبدا يسخن التوست فتابعت تولين لو في نوتيلا خليها بدل جبنه بلييز يا بابي
سليم بحب في نوتيلا ده انا عيوني ليكي يقلب بابي بليز ليه بس
تولين بهمس علشان مامي منعاني منها بسبب سناني بتوجعني بص وفتحت بوقها كان في ضرس قرب يسوس
فضحك سليم وتابع يابنت الجزمه وعايزه تلبسيني في الحيط مع امك لالا خلاص مفيش نوتيلا السكريات فيها عاليه فعلاا وهي خايفه عليكي
تولين بحزن يابابي بليييز بقى
سليم بحب بليز انتي علشان خااطري نسمع كلام ماما هي خايفه عليناا وعملها الجبنه المثلثات واداهالها وشالها وخرج فا الباب خبط فراح قعد تولين على الكنبه وفتح الباب كانت امه فتابع صباح الخير يا غاليه
نعمه برفعه حاجب هيجي منين الخير يقلب امك يعني
سليم مسح بايديه على وشه بضيق وتابع ايه ياما في ايه على الصبح
نعمه بضيق الست هاانم الحلوه بتاعتك هو انا مش قيلالهااا تنزل تروقلي انهاارده ولا هو كل واحده بطنها توجعها هتقعدلي في السرير
سليم بحده ياما وانتي مين قالك بطنها بتوجعهاا اسيا منزلتش علشان انا طلبت منهاا متنزلش طول ماجوزها مرزوع مجتش على انهارده يعني
نعمه بحده ماشي يا سليم طلما انت شايف كده خلاص يابا ولا يعملولي ولا يسوا ده انا اموت قبل ما اتحوج ليها هي واللي فوق دي
سليم بحده ياما ايه لازمته الكلام ده يعني ماهي ياما شالتك احنا مقولناش لا بس مش معقول حتى يوم اجازتي هتنزلي مراتي تتدعك في الشقه عندك وتطلعلي مهدوده وتنام ومنقعدش مع بعض يعني
نعمه اه يا نن عين امك ازاي صح ميصحش
وخرجت اسيا لابسه كاش مايوه وشعرها مفرود ومبلول وتابعت ايه يا ماما في ايه
نعمه بصتلها من فوق لتحت وتابعت اممم حقك متنزليش ياما هبقى انا وابني عليكي مش معقوله يعني
اسيا اتحرجت انها طلعت شعرها مبلول فرجعته ورا ودنها بحرج وتابعت لاالا سيبك من اي حاجه انتي لو زعلانه فزعلك غالي عندي هستأذن سليم وانزلك
نعمه بتنهيده لا ياختي خليكي جنبه لحسن يقولك امي خدتهاا مني يوم الاجاازه معايزاكيش يوم جمعه خاالص هشوف المدعوقه اللي فوق اهي جوزها مسافر ومش موجود
اسيا بلفهه اه بس شيري تعبانه فعلشان خاطري سبيها وعدي الشويه دول وانا بالليل في الفجر لما سليم ينام هنزل اروقهالك قبل شغلي الصبح
نعمه بتنهيده طيب يا اسيا مستنياكي يلا سلام ونزلت وقفلت الباب فبصلها سليم بحده وتابع انا مش عااارف انتي بتشيلي كل ده لوحدك ازاي يعني يستي سبيني مره اريحك
اسيا بتنهيده معلش ياسليم شيري فعلا تعبانه مجتش على اليوم اللي هشيله مكانها
سليم بحده ياريتها بترسي على يوم بجد دي حاجه تقرف والله وانا هكلم زياد واقوله اظبط حال مراتك علشان كده كتير بصراحه
اسيا بضحك يا ابني متعملش مشااكل بينهم خلاص بقى قولت البت تعبانه
سليم بحده متنيله مالهاا يعني اتشلت ؟؟؟
اسيا ضحكت وراحت همست في ودنه ففتح عينيه بتفهم وتابع بحرج اه طب ماكنتي تقولي كده خلاص خليهاا بس المهم انتي مش هتنزلي دلوقتي
اسيا بضحك اه بالظبط كده
تولين يمامي انا جعاانه
اسيا بضحك حاضر يعيون ماامي رايحه اهو وبصت لسليم وتابعت اقعد جنب بنتك لحد ما اخلص الفطار يلا ورايحه تدخل فحط ايديه على وسطها ورجعها وباس خدها فضحكت وباست خده ودخلت المطبخ
---------------
في بيت رفيده كانت واقفه بتسرح شعرها ولبست بنطلون بوي فريند واسع تلجي وتيشرت نص كم ابيض وشميز ابيض ولبست الكوتش وتابعت بصوت مرتفع نسبيا ماما اناا رايحه لعلي
سعاد دخلت وتابعت بابتسامه ايوه جدعه روحي صالحيه وربنا يهدي سركم يارب يابنتي
رفيده بضحك يارب ميتقلش علياا بس .. المهم بابا فين
سعاد بحب نزل لعمك عايزه في مشوار
رفيده بحب تمام ماشي ورشت برفيوم وفردت شعرها لفوق فنزل بطوله القصير لاخر رقبتها بشكل جذاب
وراحت فتحت باب شقتها كان هشام فتح الباب ونازل بردو فابتسم تلقائي لما شافها وتابع مساء الخير
رفيده بتهرب مساء النور عن اذنك ونزلت
هشام بتنهيده رفيده استني معلش
رفيده وقفت وغمضت بضيق ولفتله وتابعت خير ؟؟
هشام بابتسامه هتيجي المؤتمر بتاع السعوديه ولا ايه ؟؟
رفيده بتنهيده والله يهشام انا اتمنى بس مستنيه علي يوافق لو وافق اكيد هروح
هشام برفعه حاجب وهو منطقي انه يرفض حاجه هتخليكي ناجحه وتزود معرفتك وخبرتك وتوسع دايرتك العمليه ؟
رفيده بابتسامه بيخاف علياا اسافر لوحدي وكده علشاان ...
هشام بمقاطعه لالا يا رفيده ده مش خوف عليكي ده خوف منك
رفيده باستغراب قصدك ايه يهشام؟
هشام بتنهيده متزعليش مني بس علي مش ناجح في مجاله كمحامي زي ما انتي ناجحه كطبيبه بيطريه فاكيد مفيش راجل هيحب مراته تنجح اكتر منه يعني
رفيده بتنهيده علي مش كده
هشام بتنهيده اتمنى بس هو لو مش كده فعلا هيوافق على سفريه السعوديه الناس كلها رايحه مش هتروحي تتخطفي يعني عن اذنك ونزل قدامها
فزعلت رفيده من كلامه جداا ونزلت علشان تروح لعلي
-----------------
في بيت هاله
كانوا قاعدين بيتفرجوا على الشاشه ونيره كل شويه تبص للساعه مستينه كريم يجي علشان يوصلها المستشفى ولقيوه داخل عليهم فقامت حبيبه علشان تجري على اوضتها فكريم مسك دراعها وتابع بضحك خدي بس رايحه فين مش ههزقك متخافيش
حبيبه بخوف قول والله
كريم بضحك والله بس انا عايزها تتقرر تاني وضربها بخفه بالقلم وتابع هاا عايزهاا ايه ؟؟
حبيبه بضحك لالا متقلقش مش هتقرر تاني
هاله بضحك هيموتوك بنات علي الاتنين انا عارفه
كريم فضل يضحك وتابع ربنا يخليهمي يارب بس لا والله نيره جدعه زي لميا مش بيتعبوني
نيره بضحك حبيبي يناس منحرمش منك المهم صح عملت ايه مع....
ولقيت كريم فتح عينيه جامد وتابع يلا يحبيبتي يلا مش هتروحي لنهاال ؟
نيره سكتت بتوتر وتابعت بضحك اه اه رايحه يلاا
فكريم مسكها من قفاها وتابع بضحك يلا ده انتي ليلتك سودا معاايا
حبيبه بضحك هو في ايه هاااا عايزه اعرف يا سوسه منك ليه
كريم بضحك مفيش حاجه يعمري امسكي اللب اهو اللي طلبتيه وروحي اتسلي في اي ركن وحدفهولها في الهوا فمسكته حبيبه وتابعت بضحك يحبيب قلبي والله قولت مش هتجيب
كريم بضحك عيب عليكي قولتيلي وحياتي هات يخش يطمر يلا رايح انا اوصل اختك ونزل وهو ماسك ايد نيره وتابع بهمس حاد ليلتك مش هتعدي انهاارده
نيره بضحك ايه هو انت مش قايلهم انك نازل ديت علشان لو البنت عجبتك تخطبها؟ ؟
كريم بحده لا طبعاا هقول لمين افرض متفقناش وشويه وقابلت غيرها هفضل اقول كل شويه نازل اقابل واحده ولا ايه ؟؟؟
نيره فضلت تضحك وتابعت حقك عليا معرفش والله طب ايه هتقابلها امتى ؟
كريم نزل وتابع اركبي بس وهفهمك في الطريق يلا
نيره بحب ماشي
----------------
في شقه علي وتحديدا اوضه هناء خبطت لميا عليها
فتابعت هناء بتنهيده ادخل
فدخلت وتابعت بابتسامه ممكن اقعد معاكي شويه ؟
هناء اتعدلت في قعدتها وتابعت اكيد يا لميا ادخلي
لميا قعدت قدامها على السرير وتابعت بحزن نتيجه الميدترم ظهرت
هناء بلا مبالاه : اه خير سقطت؟
لميا تنهدت بعمق وتابعت لا الحمدلله بس درجاتك مش قد كده ودكتور منير مستغرب جدا وكلمني قالي اشوف مالك وايه سر التغير المفاجئ في مستواكي ده انتي في سنه اولى طلعتي الاولى على دفعتك
هناء تنهدت بعمق وتابعت مش نجحت خلاص الحمدلله سبيني معلش واطلعي يا لميا
لميا بحده يابنتي افهمي احنا خايفين عليكي خلاص ارضي بقضاء ربنا بطلي اللي انتي بتعمليه ده اعترااض وشوفي مستقبلك بدل ما تخسريه هو كمان
هناء بعصبيه ودموع مش اعترااض بس انتي مفهمتنيش ولا عمررك هتفهمنييني انا اتكسررت واتوجعت ووقفت واقعه صعبه اووي ولو واحده فيكم بس حطت نفسهاا مكاني كانت موتت نفسها ولا مورتش حد وشهااا تااني
لمياا بحده وهو انتي بتوري حد وشك غير للجامعه وبالعاافيه ؟!! ماقعدتك في البيت دي بتثبت كل اللي اتقاال و ....
هناء بماقطعه وعصبيه يا لميااا ابوس ايديكي اطلعي وسبيني في حاالي ارجووكي
لميا بصتلها بحزن وتابعت خليكي يا هناء محدش بيخسر نفسه وصحته غيرك ربنا يعينك على اللي انتي فيه محدش فعلا فاهمك ولا حاسس بيكي وقهرنا عليكي ده تمثيل وخرجت وقفلت الباب
وهناء فضلت تعيط بشده وكتمت عياطها وهي بتفتكر حاجات كتير اوي وعياطها يزيد بعدين بصت للمرايه صعبت عليها نفسها وشكلها وملامحها الدبلانه فمسحت دموعها بقهر واتنسدت وقامت وراحت عند مكتبها وقعدت بتحاول تذاكر شويه علشان مستواها بقى وحش اوي وفتحت الدرج وابتدت تخرج الكتب وفاجاه لقيت صوره وقعت على الارض من الكتاب فلما شافتها قلبها وجعها بشده
« لنا موعد آخر »
البارت التاني
الكاتبه / Lola
وهناء ابتدت تخرج الكتب وفاجاه صوره وقعت من الكتاب فلما شافتها قلبها وجعها بشده وفضلت تعيط وحطت ايديها على بوقها بوجع وقهر وهي بتعيط
وافتكرت فلااش باااك
في عربيه نادر خطيبها كان واقف تحت البيت مستنيها وكل شويه يبص لساعته وثواني ولقاها بتفتح باب العربيه وبتدخل وقعدت جنبه وتابعت بضحك والله لو اتكلمت ولا اتعصبت عليا هطلع ومش عايزه نتفرج على حاجه
نادر بحده انتي بجد بني ادمه مستفزة وبارده حقيقي مشوفتش في برودك
هناء بضحك ولا هتشوف ودور العربيه واطلع احسنلك يلا
نادر بحده ياهناء متعصبنيش انا بقالي ساعه ونص واقف تحت البيت ومدي معاد للراجل يرضي مين ده ؟!!!
هناء بابتسامه انت عارف ان في علم النفس بيقولوا اللي بيزعق كتير بيبقى عنده طاقه مكبوته ؟ طب ماتروح الجيم بدل ماتزعقلي؟
نادر اندهش من برودها وضرب كف في كف وتابع بضحك بت انتي طبيعيه ؟! لا بتكلم جد اصل مش معقوله اكون بتخانق معاكي وفجاه كده تدخليلي معلومه علميه
هناء فضلت تضحك وتابعت الله مش بفكك بدل ما الموضوع يكبر ونتخانق وبعدين ماتعمل كده بجد بطلع ضغطك عليا ليه الله
نادر بضحك يا مستفزه يا بارده انا بتعصب علشان انتي اخارتينا على الراجل انما انا فعلا مضغوط بسبب تحضيرات الجواز وبعدين انا هلومك ليه دي اخره اللي ياخد واحده علم نفس
هناء بضحك والله العظيم غصب عني يا نادر انا قولتلك فعلا تعالى وكنت باخد شاور بس الميه قطعت فتاخرت شويه وبعدين مالهم بتوع علم نفس ها
نادر بضحك اجمل ناس طبعا هي دي فيها كلام ومسك ايديها ورفعها باسها بحب وتابع بضحك وبعد كده يعمري لما نتجوز مش هنتخانق تاني على تأخيراتك دي
هناء بضحك وده اشمعنا بقى
نادر بخبث وغمز علشان هناخد الشاور مع بعض فمين هيستعجلك يعني
هناء شهقت وتابعت بضحك ياقليل الادب ياللي متربتش انت اتجننت يا نادر يخربيتك بتقول ايه وضربته في كتفه كذا مره تحت ضحكه المتواصل فتابع بضحك خلاص خلاص يخربيت اهلك في ايه كفاايه
هناء بضحك لا انت متربتش بجد ده انا هقول لكريم ينفخك
نادر بضحك لالا كريم ايه بس متدخليش حد بينا احنا قريب باذن الله خلاص هنبقى متجوزين
هناء بضحك حتى بعد ما نتجوز احترم نفسك
نادر بضحك اما انا عايز اتجوز عشان مبقاش محترم بتهزري ولا ايه
هناء شهقت وضربته في كتفه جامد وتابعت بضحك عدي يومك انهارده بقى واتلم الله
نادر فضل يضحك وتابع حاضر والله خلاص المهم نزلتي جبتي ايه انتي ويارا امبارح ؟
هناء بحرج ليه ده على اساس ان اختك مقالتلكش ؟؟
نادر بضحك لا قالت بصراحه بس انا عايز اتاكد منك
هناء ضحكت بحرج وتابعت نادر اتلم بجد علشان خاطري
ففضل يضحك وتابع خلاص اديني خرست اهو
هناء بضحك عارف يا نادر احيانا بفكر لو مكنتش انت في كليه اعلام مع لميا اختي ومكنتش انا روحتلها مره وشوفتني وشوفتك كان زمانك مع مين دلوقتي وانا مع مين بالله كل ما افكر فيها بس بحس اني غيرانه
نادر ابتسم بحب ومسك ايديها باسها وتابع مكنتيش هتبقي لحد غيري ولا انا هبقى لحد غيرك .. وبردو كنت هشوفك لما نيجي نتخرج انا ولميا او اي وقت عامه لان كلياتنا اعلام واداب جنب بعض بس المهم ان انتي نصيبي ولينا يوم هنتقابل فيه وضحك وتابع زي ما قال وائل جسار كده الدنيا بترتب صدف وكل قلبي واحساسه فجاه الطريق بينا بيقف والحب بيجمع ناس وانا لما شوفتك حسيت الجمله دي فعلا في لحظتها
هناء الدموع اتجمعت في عينيها بحب وتابعت ربنا ما يحرمنيش منك ابدا يارب
نادر بحب ولا منك يا روح قلبـي عايزك تتفرجي على الشقه لما نوصل براحتك لو في حاجه مش عاجباكي نغيرها لو مش عايزه الشقه كلها عامه تمام نشوف غيرها انهارده بردو ونخلص علشان حاسس ان كريم هيقتلني لو مجبتش الشقه الايام دي بقالنا سنه مخطوبين اهو
هناء فضلت تضحك وتابعت لالا متقلقش كريم حنين وفاهم ظروف الدنيا الفتره دي فاحنا معاك
نادر بحب عارف والله ان انتوا ناس اصيله بس خلاص ماصدقت جمعت فلوسها ويارا عايزه تبقى تيجي تشوفها فهتفوت علينا بعد ما تعتذر من شغلها دلوقتي
هناء بحب خلاص ماشي مفيش مشكله
نادر بحب بحبك
هناء ضحكت بكسوف وبصت للشباك جنبها فتابع نادر بضحك عارف ان وانتي كمان والله متحلفيش خلاص
فـ هناء فضلت تضحك اكتر لانه رد على نفسه وهي متكلمتش وهو فضل يضحك على ضحكها
باااااك
فدموعها نزلت بقهر وهي باصه لصورتهم اللي كانت في خطوبتهم ومبسوطين جدا فيها وقطعتها نصين وهي بتعيط بشده وتابعت ليه كده يا ناادر وعيطت اكتر وتابعت ليه تقهر قلبي كده حرام عليك ااه يارب بجد .. ااه هون عني يارب ارجوك ورمت نص الصوره اللي هو فيها في الزباله وهي بتعيط وتابعت بقهر: في ثانيه حلمي اتحول كابوس .. ياريتني ماعرفتك ولا حبيتك يا نادر .. ياريتني ما حبيته يارب وبصت لفوق وعيطت اكتر وتابعت ارجوك طلعه من قلبـي ياارب ارجوك
--------------
برا في الصالون كانت ابتسام بتلف الطرحه وتابعت انا هنزل اقعد مع خالتك شويه علشان عايزاها في موضوع هتيجي ولا هتقعدي هنا ؟؟
لميا بستغراب موضوع ايه ده؟
ابتسام بضحكه حبيبه ياختي جايلها عريس .. هاني ابن طنط ناهد عايزها
لميا بتذكر: ااه مش الواد ده المهندس اللي في دفعه كريم ؟
ابتسام بضحك ايوه هوو ادعي بقى البت حبيبه توافق علشان نرتاح من واحده ونخلص
لميا بضحك يارب اللهم امين مع ان دي مجنونه والله ومش هترضى وهتشوفي
ابتسام بتنهيده طب بذمتك ده عريس يترفض يا لميا ؟
لميا بضحك لا ماهو دي المشكله متعرفيش هي بتطلع القطط الفطسانه فكل الناس اللي بتتقدملها ليه
ابتسام بتنهيده ربنا يهديها يابنتي يلا هنزل انا زهقتي ولا حاجه هاتي البومه اللي جوه دي وانزلوا شويه
لميا بضحك خلاص ماشي
ونزلت ابتسام لاختها وقفلت باب الشقه ولميا مسكت الريموت وفضلت تتفرج على الشاشه ولقيت مسلسل تركي بتحبه فسابته وكان الحب لا يفهم الكلام وتحديدا الحلقه لما مراد قال لحياه انه بيحبها على البحر وكان محضرلها ديكور حلو جدا فابتسمت تلقائي وتابعت ايه يخواتي الرجاله الحلوه دي مبيصدروش منهم لمصر ليه بدل الاشكال اللي بنعيش معاها دي ولقيت فونها رن بأسم
« ﺰِين حًيِّاتـيِ ♥️ » فغمضت بضيق وحطت الفون على ودنها وردت وتابعت الو
زين وهو بيتاوب تابع بحب ايه يحبيبي صباح الخير
لميا بتنهيده صباح النور
زين باستغراب مالك يا لميا في ايه ؟
لميا بتنهيده لا ابدا مفيش مستغربه بس انك لسه فاكر اني في بني ادمه في حياتك بالاسم ده اصلا
زين نفخ بضيق وتابع انتي عايزه تنكدي يعني ولا ايه يا لمياا علشان ابقى مستعد بس
لميا بحده لا مش عايزة انكد ولا بحب النكد ولا فياا حاجه من اللي انت بتخترعها كل خناقه دي .. بس انا نفسي افهم مالك في ايه متغير لييه
زين بحده انا ولا متغير ولا متنيل انتي بتكلميني امبارح وانا مطبق في الشغل واظن انتي سيباني قاعد على المكتب قبل ماتمشي وكنت بتنيل بشتغل ومروحتش غير على 3 الفجر علشان كان ورايا ضغط فانا اخر واحد حرفياا ماشي من الشغل ولما صحيت وداريت بنفسي كلمتك اهو ليه الحوارت بقى ؟؟
لميا تنهدت وتابعت خلاص يا زين محصلش حاجه
زين بضحك لميا بجد بطلي نكد
لميا بحده انا والله مش بنكد انت بس مش فااهمني فخلاص
زين بحده طب وطي صوتك علشان مهزقكيش مش كل ما نتخانق تعلي صوتك علياا انتي اتجننتي ولا ايه
لميا غمضت بضيق وتنهدت بعمق وتابعت خلاص يا زين حصل خير
زين بتنهيده ياستي حقك علياا
لميا سكتت ومردتش
فتنهد زين بعمق وتابع خلاص بقى فكي كده قولتلك حقك عليا
لميا تنهدت وتابعت خلاص فعلا والله محصلش حاجه
زين بحب طب بحبك
لميا ابتسمت ومبينتش وتابعت ماشي
زين بضحك ماشي ايه انتي عبيطه ولا ايه ؟؟؟
لميا بضحك ماقولنا ماشي وخلاص الله
زين بضحك لا لميا متعصبنيش بجد ردي عليا
لميا بحب انت عارف اني بموت فيك
زين ابتسم وتابع عارف بس بحبها اسمعها .. بقولك ايه ماتنزلي نتغدا برا بما اننا اجازه انهارده
لميا بتوتر مش هينفع وانت عارف ان قاعدتنا سوا بتبقى جوه الشغل انما غير كده مش هعرف
زين بتنهيده مالك يا لميا في ايه هو انا هخطفك ؟ ده مكان عام عادي يعني وبعدين ماحنا كنا بننزل كلنا جروب ايه الجديد مش فااهم ؟
لميا بتنهيده عارفه والله يحبيبي بس ده كان قبل ما تقولي انك بتحبني وتعرف اني بحبك فكنا زمايل عادي انما دلوقتي علاقتنا شكلها اختلف ومبقتش مجرد زميل شغل فاهمني ؟؟
زين بضيق تمام خلاص اللي تحبيه انا بس كنت حابب اصالحك وش لوش بس بما انك اتصالحتي خلاص مالوش لزوم
لميا بحزن زين انا مش عايزاك تضايق
زين بحده لا هو انتي اللي اوفر ومحسساني اننا عيال مراهقين فيها ايه نازله تتغدي مع زميل ليكي عازمك ياستي قوليلهم في البيت انا معنديش مانع
لميا بخوف اقول لمين كريم لو عرف اني بكلمك يقطع خبري
زين نفخ بضيق وتابع وانا لو بايدي اخطبك دلوقتي هخطبك بس اديكي شايفه الدنيا عامله ازاي على الاقل مستني استلم الشقه بتاعتي علشان اتكلم بقلب جامد
لميا بحب انا عارفه انك بتعمل اللي عليك وزياده ولما تبقى جاهز هتيجي بس انا مش حابه اكون بعمل حاجه من ورا كريم
زين بحب طب ننزل مره ومش هتقرر تاني ولو انتي قلقانه مني يا ستي علشان هفضل اغازل فيكي ومش عارف ايه فا والله لا انا هبقى زميلك عادي
لميا تنهدت بعمق وتابعع طب اقفل يا زين وشويه كده اشوف الدنيا وكريم فينه انهارده لانها اجازته وهقولك
زين بحب ماشي يحبيبتي باي
لميا بحب باي وقفلت ونفخت بتوتر وتابعت انا هموت واخرج معاك اكتر منك والله بس مش عارفه اعمل ايه
-----------------
في بيت علي
الباب خبط فتابعت رانيا بتنهيده قومي يابت يا سلمى افتحي شوفي مين
سلمى بتركيز في الفون تابعت خلي علي انا مش قادره اقوم
رانيا بحده قومي يابت قامت قيامتك قال علي قال هنجيب اخوكي من اوضته يفتح ؟!!
سلمى بضحك لا ازاي ميصحش تقوم سلمى المهزقه تفتح وقامت وراحت فتحت وابتسمت لما شافت رفيده وتابعت حبيبتي واحشااني
رفيده حضنتها وتابعت بحب وانتي واحشاني اكتر والله يا سلومتي
سلمى بحب ادخلي ادخلي نورتي
رفيده دخلت وتابعت بحب مساء الخير يا ماما
رانيا بتنهيده اهلا وسهلا
سلمى بصت لامها جامد علشان تحسن اسلوبها مع رفيده
فرفيده ابتسمت ودخلت قعدت جنبها وتابعت بحب بالله واحشاني ايه اخبارك ياست الكل
رانيا بتنهيده كويسه يابنتي نحمد ربنا
رفيده بضحك مالك بس ياقمر انت يا ابو عيون لبني مين مزعلك
سلمى بضحك بتعاكسك عيني عينك اهو
فضحكت رانيا فتابعت رفيده بضحك طبعا يابنتي انتي مش شايفه مزه ازاي اتاري عمو قاسم الله يرحمه خلف منها اربعه بسم الله ما شاء الله
رانيا بضحك ايه يابت هتحسديني ولا ايه
رفيده بضحك لا طبعا احسدك ايه ده انتي حبيبتي خلفتيلي الوحيد اللي بيعرف يحرق دمي ربنا يحميهولي يارب
رانيا بضحك ربنا يحميه ويحفظه نن عين امه ويعيش ويحرق دمك يارب
كلهم فضلوا يضحكوا فتابعت رفيده بضحك ياستي انا راضيه ... بس اخص عليكي بجد يا حماتي يعني تجيبي اسيا وسلمى ملونين وتجبيلي جوزي حبيبي بني عادي
رانيا شهقت وتابعت نعم ياختي ليه ماله ابني اسم الله عليه ربنا يحميه ويحفظه وسامته مخليه الكل هيموت عليه بس نعملوا ايه الحب وسنينه هو عايزك انتي يا مدعوقه
فكلهم فضلوا يضحكوا فتابعت رفيده بضحك زي القمر طبعا ده عنده رموش مش عندي شخصياا اقسم بالله وكله بيرفكت بس عينيه اللي ناقصه يحجه فلتت منك دي
رانيا بضحك لا هو كده زي الفل وقمر وعينيه حلوه وبعدين انتي خضراا فبلاش ملون مع ملون يعمل قفله
فكلهم فضلوا يضحكوا فتابعت سلمى بضحك هو علي سبحان الله نسخه من بابا فعلا مخدش مننا ولا عنينا اي حاجه
رفيده بضحك واسراء القرشانه بردو شبه علي
رانيا بحب اه علشان كده بموت فعلي فوق الحب حُبين بتعجبني البصه في وشه بيفكرني بقاسم الله يرحمه وبيعوضني عن غيابه بحس اني شيفاه تاني قدامي بكل حاجه فيه واسراء النسخه البنوته منهم .. ووشها كشر وتابعت انما سلمى واسيا جايين شبهي انا بلا مرار
كلهم فضلوا يضحكوا فتابعت رفيده بضحك الله وانتي تزعلي ان عياالك شبهك طب والله ده انتي قمر وهما نفس جمالك
رانيا بضيق لا انا كنت عايزة عيالي كلهم يبقوا شبه قاسم علشان اشوفه فكل عيل من عياله وتنهدت بوجع وتابعت اصل اديه مشي بدري وسابني وملحقتش اشبع منه فمش كانوا كلهم يفكروني بيه احسن؟
سلمى بصت لامها بتأثر وتابعت بوجع الله يرحمه يحبيبتي وقامت قعدت جنبها وحضنتها وباست خدها
فابتسمت رفيده بحزن وتابعت الله يرحمه يارب بس غريبه يا ماما انك متجوزتيش بعده رغم اتعرض عليكي كتير وانتي كنتي صغيره
رانيا بتنهيده مليانه وجع :انا كنت صغيره اه بس مقدرش اعمل حاجه زي كده القلب لما بيحب بجد مبيعرفش يشوف حد تاني وانا كان يكفيني اعيش ارمله لقاسم واربي عياله العمر كله لحد ماروحله ولا اني اشارك فرشتي مع راجل غيره
فسلمى باست خدها وتابعت القدوه بنسبالي دي اجمل ماما اصلاا
رانيا بحب قلب امك انتي وباست خدها وخدتها في حضنها
رفيده بابتسامه والله اصليه ربنا يفرحك بيهم كلهم يارب
رانيا بابتسامه تسلمي يابنتي
سلمى بحب استني صح اقوم اناديلك علي
رفيده بحب لا انا هروحله خليكي وقامت تدخل اوضته ورانيا بصت لطيفها بذهول فضحكت سلمى على ريأكشن امها وتابعت ايه مالك في ايه
رانيا بذهول مستغربه البجاحه ياختي هي وصلت تدخل للواد اوضته !!
سلمى بضحك ياماما رفيده متربيه قدامنا وواخده علينا اوي فعادي يعني ماحنا قاعدين هنا معاهم اهو
رانيا بذهول لالا مش قده انا محن البنات ده والله الا عمره ابوكي ما مسك حتى ايدي قبل كتب الكتاب
فسلمى فضلت تضحك بشده
وراحت رفيده وخبطت على الباب وعلي كان قالع تيشرته وبيلعب ضغط على الارض فتابع وهو بيطلع وينزل ادخل
ففتحت رفيده ودخلت وقفلت واتفاجئت بشكله وتابعت بحرج الله يخربيتك يا علي ولفت وشها
فعلي اتفاجئ من صوتها ووقف لعب ضغط وبص وراه شافها فتابع بتفاجئ الله يخربيت اهلك انتي يا رفيدده وقام وقف وراح فتح الدولاب يجيب تيشرت بسرعه
رفيده بحرج وانا ايش عرفني انك قالع هدومك وبتلعب ريااضه يعني هاا مانتا قولت ادخل
علي وهو بيلبس التيشرت تابع بحده قولت ادخل فاكر امي او سلمى يا هانم فـ حد من اهلي تمام هتعدي انما مش انتي اكيد يعني
رفيده رفعت حاجبها وتابعت بغيره: نعم يا غالي !!
علي بضحك زي ماسمعتي كده ولبس وتابع وهو بيشد كرسي مكتبه وبيقعد هاا خير الدكتوره نورتني ليه ؟
رفيده بتوتر الف ؟
علي بتنهيده اه لفي خلاص ومسك علبه السجاير وطلع واحده وولعها ورفيده لفتله وراحت قعدت فوق المكتب قدامه فبصلها وتابع بتنهيده خير ؟
رفيده بحب مبدائيا عارفه انك مفطرتش فكفياك شرب سجاير علشان خاطري وشالت السجاره من بوقه وطفتها في الطفايه جنبها على المكتب فعلي بص للطفايه ورجع بصلها بحده لانها خدتها بالشكل ده منه
فرفيده اتوترت اوي وتابعت ايه في ايه خلاص انا اسفه ولا تزعل يا عم الناس ومسكت علبه السجاير بتاعته وفتحتها بتوتر وخدت واحده وحطتها في بوقه ومسكت الولعه ولعتله وتابعت بتوتر اهو ولا تزعل نفسك يحبيبي الله ما عاش ولا كان اللي يعكنن عليك
فعلي مسك السجاره بايديه ونفخ بعيد عنها وتابع بهدوء: بصي انا مش هعلي صوتي علشان امي وسلمى برا ومش عايز فضاايح بس قسما بالله لو فكرتي تقرريها وايديكي اتمدت وخدتيها مني ورميتيها تاني بالشكل ده هزعلك
رفيده بتوتر لالا والله ماليا دعوه مش هدخل متقلقش
علي بضيق تمام .. عايزه ايه بقى يا رفيده خيير علشان مش طاايق نفسي
رفيده بحزن حقك عليا والله
علي بتنهيده اقعدي عدل بس علشان هتقعي
رفيده طلعت على المكتب وقعدت حلو وحست بحر فقلعت الشميز بتاعها وحطته جنبها وفضلت بالنص كم وفضلت تهوي لنفسها بايديها وتابعت بحزن اهو بس بليز رد علياا
علي بص للارض وخد نفسه بعمق وتابع الله يخربيت اهلك يا شيخه بتعملي ايه ؟!!! البسي هدومك يا رفيده ربنا يهديكي
رفيده باستغراب ليه مالي ده نص كم هو انا اول مره البسه قدامك ؟؟؟
علي غمض بضيق وتابع مش اول مره بس قدري اننا لوحدنا فمينفعش طبعا
رفيده فهمت قصده وضحكت وتابعت انت بتضعف يا علولي ولا ايه
علي فضل مغمض وتابع بضحك يارفيده اتلمي على المساا مش عايز اهزقك
رفيده فضلت تضحك وتابعت لالا انا هلبسه احسن احنا ناقصين توصل لتحرش كمان ولبست الشميز وتابعت بضحك لبسته خلاص بص
علي بصلها وتابع بضحك ياريتها ترسي على تحرش بس بالله
فرفيده فضلت تضحك وتابعت طب ايه مش ناوي نكتب علشان ترسي براحتهاا زي ماتحب ؟
علي تنهد بعمق وتابع انتي عارفه اني غصب عني فمتتحسسنيش اني عاجبني الوضع ده
رفيده بتنهيده طب فكك من موضوع جوازنا هنتكلم فيه بعدين دلوقتي انا جايه اصالحك حقك عليا يا قلب روفي وعيونهاا
علي بتنهيده هو انا قولتلك ايه على موضوع المؤتمر ده يا رفيده ؟؟؟ ونفخ دخان السجاره بعيد عنهاا
رفيده بتوتر اه رفضت وانا مش جايه اتخانق بس انت مش شايف ان منعي من حاجه هتطور من شغلي زي دي لمجرد سفر هشام نفس المكان ظلم ليا ؟؟
علي بحده لا في الحالات اللي زي دي مش بشوف خالص ومش ظلم ليكي ولا حاجه ويكون في علمك اذا كنت سايبك تشتغلي دلوقتي فا ده علشان انتي في بيت ابوكي وبنته الوحيده وكتير عليه يجهزك لوحده فبقول انك بتجيبي اللي تعوزيه لنفسك في جهازك وتساعديه انما بعد كده انسي انا مش هشغلك
رفيده برفعه حاجب ده اللي هو ازاي يعني ما اسيا اختك بتشتغل اهوو فيهاا ايه يعني
علي بحده انا ماليش دعوه بحد انا بتكلم على مراتي اناا مش اسياا .. اسيا ليهاا جوزهاا وهو موافق عاادي انما لما كانت في بيتي مشغلتهااش ومسمعكيش بتقارني نفسك باخواتي تاني في اي حاجه علشان مقلبش عليكي
رفيده بحزن تمام يا علي لما نتجوز مش هشتغل ممكن بقى تسبني اسافر علشان ازود معرفتي وشغلي الفتره الجايه دي بس ؟؟؟
علي نفخ دخان السجاره وتابع برفعه حاجب انتي بتهري كتير ومصممه تعصبيني لييه ؟؟!!! قولنا سفر لا وهتكتري كماان هقولك يانا يا السفر واختاري يابنت الناس
رفيده اتصدمت وتابعت علي انت ازاي تقارن بينك وبين شغلي انت بتهزر بجد
علي بعصبيه علشان انا جبت اخري خلاص بقالي سنه برفض باحترام وبقولك مش عايز اتعصب بس انتي مبتفهميش ومصممه تعصبيني وانا مستحيل اقبلها على نفسي انك تروحي مع هشام حته لو على موتي
رفيده خافت من صوته وتابعت بدموع طب ممكن خلاص وطي صوتك اهلك برا
علي بعصبيه مانتي قسما بالله انسااانه بارده وقاال جايه تصالحيني قال .. حاجه تقرررف وسابها ودخل البلكونه
فخبطت سلمى ودخلت وتابعت بخوف ايه يا رفيده مالكم في ايه ؟؟؟
رفيده بدموع مفيش حاجه يا سلمى خلاف بسيط وهيتحل متقلقيش
سلمى بتوتر يابنتي طب فهميني في ايه يمكن احل بينكم
رفيده بدموع لالا متقلقيش انا هكلمه روحي انتي والنبي خلاص وقامت دخلتله البلكونه وسلمى تنهدت بعمق وطلعت
وعلي كان واقف بيشرب باقي السجاره ومش باصصلها فلفت ايديها حوالين دراعه وسندت راسها على كتفه وتابعت بحزن ودموع خلاص انا اسفه حقك عليا
علي نفخ الدخان عكسها وتابع بضيق 100 مره اقولك متلمسنيش وابعدي
رفيده بصتله بحزن وتابعت بدموع على فكره انا متربيه ومش قصدي
علي بصلها وتابع عارف والله واعتقد لو مكنتش واثق في اخلاقك مكنتش خدتك بس الكلام ده علشانك قبل مايكون علشاني كمان انتي واقفه في البلكونه فأي حد هيشوفنا وميعرفكيش كويس هيقول عنك كلام انا محبش اسمعه
رفيده تنهدت بحزن وتابعت طب متزعلش مني علشان خاطري وانا يسيدي هسمع كلامك ومش هكلمك في موضوع السفر ده تاني خلاص انا معنديش اغلى منك
علي تنهد بعمق وابتسم وتابع تمام يا رفيده محصلش حاجه
رفيده بضحك ياعلي بطل بواخه بقى بجد وضربته في كتفه
علي بضحك خلاص بجد مش زعلان يا رفيده
رفيده بضحك كدااب .. عارف ليه؟
علي بضحك اممم ليه
رفيده بابتسامه علشان قولت يا رفيده
علي فضل يضحك وتابع خلاص مش زعلان يا روفي حلو كده
رفيده سقفت بحماس بضحك زي الفل كده تمام
علي فضل يضحك وتابع بس يخربيت اهلك الناس تقول ايه ادخلي جوة يلا
رفيده بحب النهارده الجمعه ما تيجي عندنا شويه يا علي بقالك جمعتين مش بتيجي
علي بتنهيده لا بلاش عندكم الكام يوم دول هفهمك ليه بعدين
رفيده بحب طب خلاص ننزل نخرج شويه
علي بحب ماشي هننزل روحي بس اطلعي اغير واجيلك
رفيده بحماس ماشي مستنياك ورايحه تخرج فتابع علي استني صح يا رفيده
رفيده بصتله وتابعت ايه يحبيبي
علي تنهد بعمق وتابع هو انا قولت ايه في موضوع البرفيوم ده ؟؟؟
رفيده اتوترت وتابعت والله نسيت حقك عليا
علي دخل من البلكونه وتابع وهو بيفتح الدولاب لا مفيهاش حقك عليا دي فيها ذنوب لا انا ولا انتي قدهاا فبيتك مش بعيد روحي غيري هدومك لحد ما البس
رفيده بذهول علي انت بتهزر هو انا لسه هروح اغير !!
علي وهو بيطلع هدومه تابع بتنهيده عارف يحبيبتي انك كنتي هتغيري من نفسك بمجرد ماخدتي بالك عارف ... يلا بسرعه بقى عشان منتاخرش
رفيده فتحت عينيها بذهول لانها مقالتش كده وتابعت بضيق يا علييي بقى علشان خاط ..
علي بمقاطعه وبحده انتي اتنيلتي سمعتي انا قولت ايه ؟
رفيده بحزن حاضر يا علي هروح خلاص
علي بحده انتي كده كده كنتي هتروحي علشان لو انتي تقبلي على نفسك اللي بيتقال عن اللي بتعمل كده انا مقبلهااش على اللي تخصني وابقى اشم ريحتك فيها برفيوم تاني يا رفيده وانا اكسرلك الازازه خالص
رفيده بضيق غايره خلااص يبااي منك وطلعت وقفلت وراها فتنهد علي بعمق وتابع تعبتيني يا رفيده والله العظيم وطلع هدومه وقعد وتنهد بعمق وبعت لكريم رساله ( كيمو انا نازل مع رفيده وعايز يبقى معايا فلوس بزياده فابعت فودافون كاش وهجبهملك كمان يومين)
وقام يلبس ودقايق وكريم رد فعلي مسك الفون وقرا ( يغالي فلوسي هي فلوسك بطل عبط يا علي عيني حاضر ) فابتسم بحب وكمل يلبس
--------------------------
عند كريم كان قاعد في عربيته تحت المستشفى مستني نيره ودقايق وجات فتحت الباب وقعدت جنبه فتابع بتنهيده اخيراا ده يخربيت برودك انتي وهي والله
نيره بضحك الله الكلام خدنا يكريم في ايه ماقولتلك اطلع اقعد معانا هي سهيله جديده عليك مثلا
كريم لا طبعاا اتحرج انتي عبيطه ولا ايه المهم طمنيني اخبارها ايه دلوقتي
نيره بحب الحمدلله احسن كتير
كريم بحب الحمدلله ربنا يكمل شفاها على خير يارب
نيره بحب يارب .. المهم مكملتش لحد ما كلمتها وقولتلها انكم تتقابلوا علشان لو في قبول تخطبها قالت ايه ؟
كريم بتنهيده بس ياستي فمعترضتش وقالتلي ماشي بس هعرف ماما قولتلها عرفيها بس انا مش حابب اعرف اهلي علشان محدش يرغي كتير ولسه مفيش حاجه رسميه فوافقت ولسه هحدد بكره ولا بعده هشوفها
نيره بفرح وحماس بالله مش قادره اصدق نفسي اخوياا وصاحب عمري هيبقى عريس اخيراا يانااس
كريم بضحك قولي يارب يا نيره علشان مش متفائل والله وانتي محسساني انها انها واول واحده وكل مره نفس الحماس
نيره بضحك اخرس انت هي ان شاء الله هتيجي المره دي
كريم بضحك يارب يا نيرو بجد لان الواحد جاب اخره خلاص عايز يدخل دنيا
نيره فضلت تضحك بشده وتابعت يخربيتك يكريم انت طلعت منهم !!! والله العظيم انت متربتش
كريم فضل يضحك وتابع كلنا يقلبي مفيش راجل محترم في المسائل دي
نيره فضلت تضحك وتابعت لالا انت بقيت حالتك حاله يارب نادين تعجبك ونخلص ياارب
كريم بضحك ياارب اللهم امين من كل قلبـــي
فنيره فضلت تضحك
فتابع كريم بحب الا صحيح سيبك مني شويه بقى عامله ايه انتي ومروان
نيره بتنهيده لا خلاص دي حكايه واتقفلت كبر دمااغك
كريم بصدمه نعم !!! امتى ده ومقولتليش ازااي يعني ؟؟!!
نيره بتنهيده عادي مجتش فرصه وكمان انت كنت مشغول اوي في موضوع هناء الفتره اللي فااتت
كريم بصدمه: لا سيبك من هناء هو مش انتي زيك زيها ولا ايه ؟!! فازاي يحصل حاجه زي كده ومتعرفنيش مش فااهم انتي اتجننتي ؟!!
نيره الدموع اتجمعت في عينيها وتابعت اهو اللي حصل بقى المهم سيبك انا جعانه ماتعزمني على بيتزا يا كريم
كريم برفعه حاجب انا هعزمك بس مش هسيبك وهتتكلمي فمتفكريش كده بتتهريي مني وهتقوليلي ليه سبتوا بعض بردو
نيره هزت راسها بماشي بحزن وبصت للشباك والهوا كان بيعدي على وشها فغمضت عينيها وخدت نفسها بعمق ومنعت دموعها تنزل باعجوبه
وشويه وبالفعل كريم خدها وراحوا مطعم على النيل هي بتحبه جدا وقعد وتابع بيتزا ولا غيرتي رايك؟
نيره بحب لا بيتزا
كريم بحب تمام وطلب بالفعل ونيره بصت جنبها على النيل وسرحت
فتنهد كريم وتابع ها يا ست نيره اديني جبتك ناكل بيتزا احكي بقى
نيره بصتله وضحكت وعينيها مليانه الم وتابعت عادي يكريم كبر دماغك بالله علشان انا ماصدقت كبرت دماغي مش عايزه افتح في الموضوع ده تاني
كريم تنهد بحزن وتابع حقك علياا انا عارف اني قصرت في حقك الفتره اللي فاتت وبقاالنا كتير مقعدناش واتكلمنا بس والله غصب عني وموضوع هناء شغل دماغي فتره كبيره فمكنتش عارف اتعامل مع حد طبيعي
نيره ابتسمت بوجع وحطت ايديها على ايديه وتابعت حبيبي متحملش نفسك فوق طاقتها هو انت اخويا لوحدي ولا ايه هما بردو ليهم حق عليك وبعدين انا عارفه انك مميزني ومصاحبني وسرك معايا انا الوحيده فمش هاجي ازعل علشان انشغلت بهناء وحقيقي كان حقك الله يكون في عونها وعونك
كريم مسك ايديها باسها وحطها بين ايديه الاتنين وطبطب فوقيها وتابع حقك عليا اديني معاكي اهو قوليلي بقى حصل ايه مع مروان
نيره دموعها نزلت وبصت للنيل وثواني وبصت لكريم وتنهدت بعمق وتابعت البيه خاني وكلم سهيله وقالها انه بيحبها وانه اتقرب مني علشان يوصلها
كريم اتصدم اكتر وتابع بحده نعم !!!
نيره ضحكت من بين دموعها وتابعت اه والله زي مابقولك كده
كريم بحده انتي بتتهببي بتقولي ايه ده انا هطلع عين اهله فيهاا دي لييه ملكيش اهل ولا اييه ؟!!!!
نيره بدموع كريم انا مكنتش هقولك علشان متزعلش بس انت عارف انا مش بعرف اخبي عليك حاجه فارجوك خلاص هننسى الموضوع ده ومش هنفتحه تااني ارجووك
كريم بعصبيه انسى ايه انتي عبيطه ولا اتهطلتي !!!! ده انتي اللي تنسي اني انسى واعديهااله بالسااهل ده انا هطلع عينه ابن الكلااب الحيوواان
نيره بدموع كريم علشان خاطـــري
كريم بعصبيه تسمحي تسكتيي علشان قسما بالله دمي بيغلي ليه شاايفك ملكيش حد يقفلك ولا ايه ابن الكلب علشان يعشمك بالجواز وهو نيته صااحبتك وكلامه معااياا ده ايه هو شغل عياال !!!!!
نيره بدموع : عصبيتك دي هتخليه يفكر انه حرق دمنا وليه قيمه عندنا وانا بينتله انه مش فاارق معايا اصلا فارجوك خلاص الموضوع هيتقفل
كريم بعصبيه هو فعلا مش فاارق يغور في ستين دااهيه بس قلبك مش لعبه علشان يستغله بالشكل دده وانا مش عيل علشان يقولي هرتب نفسي واجي اقعد معاكم ويطلع بيضحك علينااا لا يا نيره مينفعش تعدي دي
نيره بدموع طب علشان خاطري خلاص اهدى حقك عليا الناس بتبص علينا وافرض وشك مش عايزة لما نروح حد يشك ويقولك في ايه حصل ضايقك انت عارف ان محدش يعرف اني كنت بحب مروان غيرنا انا وانت وسهيله
كريم كتم عصبيته وتابع بصوت هادي بس مليان غضب: وسهيله هانم عملت ايه ؟؟ كانت اصيله ولا بكره هنلاقيها في قاعه اللؤلؤه ؟؟!!
نيره بوجع لا متقلقش سهيله بنت اصول ومستحيل تفكر فيه ولما جات تعرفني قالتلي قدامه علشان تربيه فاهو اتصدم واتوتر انها قالت الكلام اللي دار بينهم ومعرفش يقولي ايه وانا هزقته ومشيت وحاول يكلمني رفضت وعملتله بلوك وهي قالتله انت لو اخر واحد في العالم انا مستحيل اتجوزك
كريم بهدوء مخيف : تمام
نيره بتوتر كريم
كريم اممم
نيره حطت ايديها على ايديه وتابعت بتوتر : وغلاوتي انا واخواتك عندك متتصلش بمروان ولا تقول حاجه
كريم طبطب على ايديها وتابع متقلقيش وغلاوتكم عندي مش هتصل ولا هنيل الواد ده اقل من اني اديله قيمه واكلمه اصلا
نيره بحب ايوه كده اختك غاليه وعزيزه وكلامك ليه هيحسسه انه فارق معانا ولا حاجه
كريم ابتسم وتابع عندك حق وانا بناتي كلهم الف مين يتمناهم
نيره ابتسمت بدموع وتابعت ربنا يديمك لينا يارب يحبيبي
كريم بحب ويديمك ليا يعمري
والراجل جيه وحط الاكل فتابع كريم بحب يلا كلي بالك انتي حبيبه لو هنا كانت قالتلك ودوني اكلوني جمبري
نيره فضلت تضحك وتابعت اه ده حقيقي مش هقولها اننا اتغدينا براا علشان متتقمصش
كريم بيضحك اه ياريت والنبي مش ناقص قلبه بوز
نيره بضحك لالا متقلقش عيب عليك مش ده رد الجميل يعني ومسكت شريحه البيتزا وبدات تاكل وتابعت تعيش وتعزمني ياكيمو
كريم بضحك على اساس اول ولا اخر مره تغرموا كيمو !!! مانتوا خربتوا بيت ابويا والواحد سااكت
نيره فضلت تضحك وتابعت اخص عليك بجد يكريم ايه العفانه دي
كريم بضحك بهزر يعمري عيب عليكي ماانتي عارفاني تعيشي ياغاليه الف هنا
نيره بحب ربنا يسعدك ويفرح قلبك زي ماانت علطول واقف جنبنا وبتفرحنا ويديم وجودك وسطنا يا غالي
كريم بضحك يخرابي ايه الكلام الحلو ده طب والله هعزمك على حاجه ساقعه واحنا مروحين بس يلا كلي بسرعه
نيره بضحك من عيوني بس كده
وبالفعل كملوا اكل وكريم كان سرحان بيفتكر كلام ابوه وتوصيته على حبيبه ونيره وحاسس باللي حصل من مروان انه مكنش حريص على قلب واحده من اخواته فكور ايديه بغضب شديد من تحت الترابيزه وهو بيفتكر كلام نيره ودموعها
فنيره لاحظت انه سرحان فحركت ايديها قدامه وتابعت بضحك ايه روحت فين وصلت للكوشه ولا لسه
كريم ابتسم وتابع نادين قمر بصراحه بس لسه موضوع الكوشه ده شويه
نيره بضحك طب وربي حاسه هترجع تقولي والنبي يا نيره قوليلي افاتح اهلها ازاي اني عايز اكتب علطول
كريم بضحك لالا مش للدرجه دي خطوبه بسرعه اه كتب كتاب لا دي خطوه كبيره اوي
نيره بحب ربنا يعجلك كل خير يقلب اختك
كريم بحب يارب يحبيبتي وتنهد بوجع وتابع نيره انتي كويسه؟
نيره سابت الاكل وابتسمت وتابعت اه ليه بتقول كده ؟
كريم بتنهيده على كريم؟
نيره ودت وشها للبحر وتابعت بوجع اكيد مش كويسه بس صدقني كده احسن ... اصل الحب لوحده مش كفايه يعني انا حبيته اه بس ده مكنش كافي لاننا نفضل سوا .. وساعات بنسيب حاجات واحنا روحنا فيها بس علشان لازم تتساب وده قمه النضج انك تعمل حاجات عكس رغبتك لمجرد انك عارف انها الصح فجحيم الوعي احسن من نعيم الجهل بكتيير وانا فعلا اختارت غلط فكوني اعرف بدري احسن جدا من اننا نوصل لمرحله يضطر يتجوزني فيها علشان مفيش سبب يسبني علشانه وانام جنبه على مخده واحده وهو باله مع صاحبتي دي كانت هتقهرني اكتر بجد يكريم
كريم اتوجع من كلامها ووجه وشها ليه وتابع بس انتي حلوه .. وتتحبي .. وكفايه لاي حد .. ومفكيش حاجه وحشه بس احيانا ربنا بيعمي عيون ناس عن مميزاتنا علشان هما مش هينفعونا وبيكون شايلنا الاحلى منهم بمرااحل
نيره ابتسمت من بين دموعها وتابعت عرفت منين اني قولت لنفسي كده قدام المرايه قولت سهيله فيها ايه زياده عني وانا فيا ايه معجبهوش ؟!!!
كريم ابتسم بوجع وتابع علشان انتوا الاربعه متربيين قدامي يا هبله وعارف بتفكروا في ايه من قبل ما تقولوا بس والله العظيم يا نيره ربنا بيحبك علشان كده بعده عنك
نيره بدموع عارفه والله بس صعبه اوي ... اصل دي صاحبتي انت فاهم ؟؟!! وفضلت تعيط بانهيار
فكريم قام وقف على جنب قدام السور المطل على النيل وشدها خدها في حضنه وفضل يطبطب عليها وهي بتعيط بوجع ففضل يمشي ايديه على شعرها وتابع بوجع حقك على عيني انا اسف لقهرك وعياطك ده والله انا السبب ياريتني ما سبتك تديه فرصه من الاول
نيره بعياط لا متقولش كده انت ملكش ذنب انت كنت عاوزني مبسوطه محدش عارف الوجع وبيختاره يعني
كريم تنهد بعمق وفضل يطبطب على ضهرها وتابع حقك عليا والله اهدي علشان خاطري ومسح دموعها بايدي الاتنين
فنيره سكتت وغمضت عينيها وهو فضل يطبطب عليها ومن جواه متعصب جدا
فهمست بارهاق من العياط : كريم
كريم بانتباه ايه يحبيبتي ؟
نيره بارهاق انا عايزه اروح تعبت
كلام بحب طيب كملي اكلك ويلا
نيره بضيق لا لا مش قادره خلاص الحمد لله شبعت
كريم بتنهيده طب مبدائيا الاكل لو مخلصش مش هتروحي وراح قاعد مكانه على الكرسي وشاور على كرسيها وتابع يلا
نيره ضحكت من بين دموعها وتابعت يخرابي بجد عليك يا كريم
كريم بضحك اه دافعين فلوس احنا اومال ايه اقعدي كلي يا بت يلا
فنيره ضحكت وراحت قعدت قدامه كملت اكلها وشويه وقاموا ركبوا العربيه وجابلها عصير بالفعل ومشيوا في اتجاه البيت وشويه وكريم وصلها وتابع يلا انزلي وانا رايح لماجد صاحبي عايزني في مشوار وجاي علطول
نيره بحب طيب تمام متتاخرش وخلي بالك من نفسك
كريم بحب من عيوني يا غاليه يلا بقى انتي على فوق
فنيره ابتسمت وطلعت وهو فضل واقف لحد ما اختفت من قدامه ودور عربيته ومشي
--------------------
في شقه هاله
ابتسام اختها كانت قعدت معاها شويه وطلعت وحبيبه كانت بتصلي المغرب وخلصت وقامت تشيل السجاده وهاله فتحت الباب شافتها وتابعت بابتسامه بسم الله ما شاء الله تقبل الله يا قلب امك
حبيبه بابتسامه منا ومنكم يارب
هاله بضحك تعجبني انا لقطه التحول من صافينار لحنان ترك دي
حبيبه فضلت تضحك وتابعت الرقص ده هوايه انما مالوش علاقه بعلاقتي بربنا اكيد وقلعت الاسدال وفضلت بالبيجامه وقعدت على سريرها
فهاله ابتسمت بحب وتابعت ايوه يابنتي صح ربنا يهديكي وقعدت على السرير قدامها وتابعت عايزاكي في كلمتين
حبيبه بتوتر خير يا ماما
هاله بحب كل خير يقلب امك
ونيره فتحت بالمفتاح باب شقتهم وتابعت بصوت مرتفع نسبيا مااما انتوا فين ؟؟؟
هاله بصوت مرتفع نسبيا في اوضه اختك يا نيره تعالي
نيره دخلتلهم وتابعت بحب هعمل طقم شاي وهجيلكم نقعد سوا بما انكم قاعدين بس اخد شاور علشان راجعه حرانه اوي
حبيبه بضيق انتي كل ده بتعملي ايه براا هاا ؟؟
نيره بضحك بزور سهيله مانتي عارفه مالك في ايه
حبيبه بضيق بتزوري سهيله كل دده اه وماله
نيره فضلت تضحك وتابعت حتى زياره المريض ياربي هيحاسبونا عليها بت انتي بطلي وش انا مش نقصاكي حرانه وجايبه اخري هروح اخد شااور وجياالكم
هاله بضحك روحي يابنتي وسيبك منها ده هي هتموت وهتطق وتقولي كريم اكيد خرج نيره علشان بقالها فتره وشها مقلوب ومعرفش مالها واقولها لا تلاقيهم جايين
نيره بضحك اما صفراا بصحيح ناس حقوده والله
حبيبه بضيق بالله لو خرجك هزعله علشان انتي فيكي حاجه واكيد قولتيله
نيره بضحك متنيلناااش ومفيش حاجه ده ضغط خمسه اسنان مش مخلي فياا حيل اخرسي بقى
هاله بضحك يابنتي سيبك منها وروحي انتي خدي شاورك
نيره بضحك منا رايحه طز فيها اصلا وخرجت
فتابعت حبيبه بضيق طب والله خرجها
هاله فضلت تضحك وتابعت خلاص حقك عليا هخليه ينزلك المهم
حبيبه بتنهيده اه قولي
هاله بحب منفسكيش كده تبقي ام
حبيبه غمضت بضيق وتابعت لا منفسيش ابقى ام
هاله بابتسامه ولا يكون ليكي ..
حبيبه بمقاطعه ولا يكون لياا بيت وشريك حيااه ولا خروجات وفسح ولا حد يحبني ويدعمني مش عاايزة حاجه خاالص وحفظت البوقين بتوع كل عريس دول
هاله بضيق يعني ايه يعني يحبيبه الواد ميعبهوش حاجه ده مهندس دفعه كريم و
حبيبه بمقاطعه وبحده ماما ميخصنيش مميزاته وعيوبه لنفسسه انا فياا اللي مكفيني ومعنديش طاقه ادخل حد حياتي اصلااا كفايه علياا علوم وقرفهاا
هاله بحده اه دلوقتي كفايه عليكي علوم وقرفها ولو البيه اللي اتقدم كان زمانك وافقتي وطيرتي طير وقولتي فرحي ودخلتي بكره
حبيبه عينيها اتجمعت فيها الدموع بوجع وتابعت ومسألتيش نفسك مره واحده اشمعنا؟
هاله بعصبيه منا عاارفه ياختي عارفه انك متنيله وبتحبيه وحبك ليه ده مش هيجبلك غير الهم ووجع القلب
حبيبه غمضت بوجع وتابعت بعياط ابوس ايديكي ارحميني انا مش بايدي
هاله بعصبيه لا بايدك لما واحد كان بايديه يختارك مره والف وقرر انه ميختاركيش يبقى مينفعش تفضلي تحبيه وترفضي عرسان زي الورد علشانه
حبيبه بعصبيه ودموع هو انتي ايييه ؟!! قاسيه عليااا كده لييه ؟!! ليه محسساني اني عاجبني وجع القلب !! وبعدين انا برفض علشااني انا .. علشااان مش هقدر اتجوز راجل واخليه يلمسني وانا مش شاايفه حد غييره اب لعيااالي انا مش كدده ولا عمري هبقى كددده
هاله بصدمه انا يحبيبه !! انا قاسيه عليكي ؟!! والدموع اتجمعت في عينيها وتابعت يابنتي .. يابنتي انا عايزه افرح بيكم
حبيبه بعياط وعصبيه تفرحي بيااا لو بتزف لرااجل بحبه مش رااجل انتي عايزه تجبريني علييه علشان ساعتها عمري ماهكون فرحانه بس هتكلم اقول ايه عمرك ماهتفهميني وكل اللي همك تجوزينا وخللاااص وتخلصي من همنا وقامت وبدات تلبس دريس فوق بيجامتها
هاله بتوتر رايحه فين يابت انتي
حبيبه بحده ودموع غايره اتمشى شويه جاايبه اخري
هاله بعصبيه لا طبعا الساعه 8 تنزلي فين دلوقتي
حبيبه بعصبيه مش رايحه اتخطف يعني
ولبست الدريس وسرحت شعرها وسابته مفرود بطوله لاخر ضهرها وراها وخرجت من الاوضه وامها وراها وتابعت بعصبيه انتي يا زفته اقفي كلميني زي ما بكلمك
حبيبه مردتش عليها ونزلت وهي بتعيط وقلبها واجعها اوي وهاله فضلت تنادي عليها بس كانت نزلت فنفخت بضيق وتابعت بتوتر ماشي يحبيبه اما سلطت عليكي كريم يربيكي مبقاش انا
-------------------
في بيت اسيا كانت واقفه بتغسل المواعين والباب خبط فتابعت افتحي يا توتي الباب
تولين حاضر يا مامي وراحت بالفعل فتحت كانت شيري
فابتسمت وشالتها وباست خدها وتابعت قلبي يناس بنفسك كده
فاسيا سمعت صوتها وتابعت بحب تعالي يا شيري
شيري قفلت الباب ودخلتلها وهي شايله تولين وتابعت ايه يا بت جوزك فين نام ولا ايه
اسيا بضحك لا ياختي منامش بس حماه رافت صاحبه ماتت فنزل يعزيه
شيري فضلت تضحك وتابعت تقوليش حد باصصله في يوم اجازته
اسيا بضحك كلنا عارفين مين اللي بص بس مينفعش نروح نقول
شيري بضحك نعمه العقربه طبعاا
اسيا فضلت تضحك بشده وتابعت يابت بس اتلمي قد امك
شيري بضحك والنبي انا ما عارفه انتي بتستحمليها ازاي ده انا وهي كل شويه خناق وناقر ونقير في بعض
اسيا وهي بتكمل غسيل المواعين تابعت بضحك والله كله لاجل سليم واللي على دراعك دي وبصتلها وتابعت مش عايزه يجي عليا يوم بنتي تشوفني بتخانق مع ستها ولا احس ان سليم مضغوط ما بيني وما بين امه اصل في النهايه دي ست كبيره فباخدها على قد عقلها
شيري بتنهيده يمكن مش فاهماكي علشان لسه مبقتش ام وزياد مسافر اغلبيه الوقت فانا حاسه ان انا متجوزه اخدمها هي بس بصراحه
اسيا ابتسمت بحزن وتابعت حقك عليا انا فاهمه ان موقفك فعلا ارخم مني لان زياد بيسافر كتير اوي فانتي طول الوقت قاعده لوحدك او قاعده معاها في اليوم بتاعك تحت فملل فعلا وبعدين ياستي بكره تخلفي ويملى عليكي وقتك قولي يارب بس
شيري بتنهيده يارب والله يا اسيا اديني بقالي سنه اهو ولسه ربنا مارادش والدكاتره كلها شايفه اني كويسه ومفيش موانع
اسيا ابتسمت وتابعت هتخلفي والله بس كله بوقته كله للخير فلعل المانع خير
شيري بحب يارب وحقك عليا نزلتك بدالي انهارده
اسيا بضحك انا عايزه اقولك سليم مرضيش خالص علشان هسيبه وهي طلعت عايزاني انزل وبالعافيه قولتلها هنزلك في الفجر قبل ما اروح البنك الصبح وراضيت الطرفين بس استغليت لما نزل لرافت ونزلت خلصتلها اللي هي عايزاه كله فاالحمدلله هنام بقى لمعاد الشغل ومش هنزل ساعه الفجر
شيري طبطبت على كتفها وتابعت يحبيبتي حقك عليا بجد وربنل يقويكي يارب
اسيا بضحك بس يعبيطه احنا واحد الله روحي اقعدي انتي تعبانه وانا هغسل اخر طبق واعملنا اتنين قهوه واجيلك نرغي شويه
شيري بحب ماشي مستنياكي وخرجت واسيا كملت اللي بتعملوا
في بيت مروان الباب كان بيخبط فتابع ايوه ايوه حااضر جااي ايه فاكرينا واقفين وراا الباب ولا اييه
وفتح اتفاجئ من اللي بيخبط وتابع كريم !!كريم بابتسامه شوف انا مكنتش هجيلك بس نيره قالتلي وغلاوتي عندك انا واخواتك يكريم متتصلش بيه فمتصلتش .. بس الصراحه وكلمه الحق مقالتش متضربوش فقولت مبدهاش بقى هلجئ للحل ده
يتبع
الفصل الثالث من هنا
لقراءة باقي الفصول من هنا