رفيده وقفت وهي مدياه ضهرها وفكرت في النجاح اللي هتوصله لما تروح وفي ان علي مش عايز يحاول ينجح زيها وافتكرت كلام هشام لما قال ان علي خايف تنجح اكتر منه فغمضت عينيها بوجع وفضلت تفكر اكتر وهي خايفه تاخد قرار تندم عليه وخلاص بعد تفكير حسمت قرارها ولفت وقالتله هو انت فاكرني ممكن اتأثر بالهبل اللي بتقولوا ده واكسر كلمه علي ؟
هشام بصلها بتفاجئ وتابع يابنتي انتي ايه ؟ متخللفهه ؟ مجنوونه ؟ ازااي عايزة تضيعي حاجه زي دي علشان
رفيده بحده قاطعته وتابعت علشان ده حبيبي وخطيبي وبكره وبعده هيبقى جوزي وربنا امرني بطااعته ونزلت وقفت قدامه بالظبط وتابعت فابعد عن حياتنا احسنلك وكفاياك قررف انا مفيش راجل يملي عيني غير علي ولو خيروني بين نجاحي وبين علي هختار علي يا هشام
هشام ابتسم بسخريه وتابع مطبقه على تيمور وشفيقه مش كده؟
رفيده بثقه لا مطبقه على القرآن الحمدلله عقبالك وهو المرجع الرئيسي لينا وهو بردو اللي امرني بكده بيتي وجوزي اولا ولا ايه يا دكتور
هشام بحده بس الدين مقالش تقتلي طموحك ولا تاخدي شخص بيهدمك انتي الحب عااميكي يا رفيده
رفيده بعصبيه يا سيدي انت مالك هو كاان حد اشتكالك ولا قالك هتعيش مكااني؟ انا راضيه بيه وعايزاه زي ماهو
هشام اتغاظ جدا بس عارف رفيده شاطره وبتحب شغلها فقال يلعب على العامل ده فتابع يارفيده فكرري المؤتمر ده هيضيف ليكي كتيير وهتتعرفي في الوطن العربي وهتشوفي اطباء من مختلف الجنسياات متبقيش عبيطه
رفيده بضحك وبعد كل ده هيحصل ايه ؟ منا هتجوز وهقعد في بيتي فايه لازمته كل ده ؟
هشام بصدمه نعمم ! انتي يا رفيده اللي بتقولي كده ؟!
رفيده بحده ااه انا اللي بقول كده علي مش هيشغلني وعايزني اميرة في بيتي وانا بحب شغلي بس الفطره اللي ربنا خلقنا عليها تغلب اكيد ورضا جوزي اهم من اي حاجه
هشام اضايق جدا وتابع بحده حقيقي متخلفه خليكي وراا سي علي بتااعك ده
ومشي فتابعت رفيده بحده وصوت مسموع خليني انا في علي وخليك انت في حالك ايه رايك حلوه مش كددده؟
بس هشام سمعها وكان مشي فنفخ بضيق ومردش عليها وهي طلعت شقتها وفتحت الباب وتابعت بتنهيده مساء الخير
سعاد بابتسامه مساء النور يحبيبتي احطلك تاكلي؟
رفيده بضيق لا ماليش نفس خالص بابا فين
سعاد وهي بتقشر البطاطس تابعت نزل على القهوه يسمع الماتش وجاي
رفيده بتنهيده طيب هروح انا اخد شاور علشان تعبانه اوي
وقامت فتابعت سعاد بتنهيده اقنعتي علي بالمؤتمر ولالا الواد هشام كان هنا وفضل يحكي قدامي انا وابوكي عن كميه الحاجات اللي هتحصل فيه
رفيده بضيق لا مرضيش وخلي زفتت ده يطلع براا حياتي علشان هو نفسه ومنى عينيه اروح وعلي يجي يفلقني نصين ويعمل بينا مشكله قد كده مش هتنتهي ليوم القيامه
سعاد بخوف لا ياما وعلى ايه اسمعي كلام خطيبك بلا هشام بلا نيله كلنا عارفين نيته ايه
رفيده بضيق ااه بالظبط وانتي عارفه علي سمه وموته الكدب يسامح في اي حاجه الا اني اكدب عليه وده مش هيبقى كدب بس ده كمان كسر لكلمته وانا بصراحه مقدرش اعملها
سعاد بضحك بس خلينا متفقين هتترني فيها علقه وهيختصرك بس ميقدرش يسيبك لغيره
رفيده ضحكت وتابعت ده كده كده طبعاا مهما خاصمني برااضيه وعارفه لو روحت فيها مشكله كبيره ومش هينساها بس بردو هيسامحني بالوقت بس خلاص يا ماما انا فعلا مش عايزه اعاند قصاده ده هيبقى جوزي
سعاد بضحك ربنا يكملك بعقلك يابنتي يارب بس مالك راجعه قالبه وشك ليه
رفيده بتنهيده شاده انا وعلي شويه بس ده العادي متقلقيش
وسعاد رايحه تتكلم لقيتها دخلت اوضتها فتابعت يا بت خدي هنا تعالي قوليلي في ايه
رفيده بصوت مسموع معلش يا ماما عايزه اخد شاور وارتاح شويه
فتنهدت سعاد وتابعت على راحتك يابنتي ربنا يهديكم يارب
وشويه ولقيت الباب بيخبط فقامت فتحت كان علي فابتسمت وتابعت علي اهلا يا ابني اتفضل
علي بابتسامه يزيد فضلك يا امي ودخل وتابع ممكن معلش تناديلي رفيده عايزها في كلمتين
سعاد بفرح طبعا يحبيبي طبعا اتفضل اقعد ارتاح هجبهالك
علي بحب طب هستناها في البلكونه
سعاد بحب ماشي يا ابني بيتك ومطرحك خد راحتك عن اذنك انا هناديهالك
علي بحب اذنك معاكي طبعا اتفضلي
ودخل البلكونه وسعاد دخلت لرفيده لقيتها بتعيط وكاتمه وشها في المخده فتابعت بصدمه يخربيت ابوكي ايه حصل اييه
رفيده اتحرجت ان امها شافتها وتابعت وهي بتمسح دموعها على قد ماتقدر: لالا مفيش حاجه مخنوقه شويه عاادي
سعاد بضحك طب قومي يا بومه قومي اللي مخنوقه بسببه برا عايزك في البلكونه
رفيده بتفاجئ علي برا !
سعاد بضحك الله مش كان مفيش حاجه؟
رفيده بضحك ياماما مبهزرش علي بجد برا ؟
سعاد بضحك اه اخلصي روحيله يلا
فرفيده طلعت بسرعه وكانت سايبه شعرها ومبلول شويه لانها لسه خارجه من الشاور ولابسه بيجامه بيتي نص كم وبرموده وراحتله البلكونه فلما شافها ابتسم بس ابتسامته اختفت بسرعه وبص حواليه وبصلها بحده وشاور براسه على الصالون وتابع بهمس حاد على جوا
رفيده بستغراب ايه في ايه مش فاهمه؟
علي بحده بقولك على جوا انتي لسه هتنحي ومسك دراعها ودخلها الصالون وتابع ايه الخرا اللي بتطلعي بيه ده روحي هاتي اسداال وتعالي
رفيده عيطت وتابعت طب تصدق بقى انا رايحه اوضتي ومش عايزه اشوف وشك هاا
وجريت على اوضتها فسعاد فضلت تضحك على رياكشن علي المصدوم فتابع هي البت دي بتستعبط ولا هي مخها تعباان بججدد علشان افهم بس؟
سعاد بضحك انت جاي تسال دلوقتي بعد سنتين
علي بضحك واكتر والله ولسه مش عارف احدد عن اذنك يا امي هشوفها
سعاد بابتسامه روح يحبيبي ربنا يهديكم
علي بضحك يارب والله وراح وراها كانت فاتحه باب اوضتها فدخل لقاها بتعيط فلما شافته سكتت فتابع بضحك شوفتك بردو
رفيده بحده ودموع اطلع برا يعلي
علي بضحك مش طالع في حته انا في اوضه مراتي
رفيده بضيق مراتك في عينك انا مش مرات حد اتجوزك ليه علشان تتعصب علياا في الرايحه والجايه ؟
علي بهمس حاد واكسرك خالص لو في بيتي دخلتي البلكونه بالمنظر ده
رفيده بحده نعم يحبيبي؟
علي بعصبيه زي ماسمعتي .. ايييه قالولك مركب قرون وانا مش عاارف ؟
رفيده اتخضت وتابعت بتوتر خلاص والنبي اهدى انا اسفه
علي بحده انتي قسما بالله تعصبي مفيش مره اشوفك غير وتتهزقي فيهاا بقى كيف عندك
رفيده بضحك طب اتلم واحترم نفسك
علي برفعه حاجب اعمل ايه؟
رفيده بضيق مبنطقش اقولك حاجه انا اروح اعمل عمليه اشيل لسااني واعيش خاارسه كدده هيعجبك صححح
علي بابتسامه بالله ياريت ينفع ده لو في عمليه كده بجد ياااه ده انا هدفع اخر جنيه في جيبي واعملهالك وساعتها حياتنا كلها هتبقى سلام هنعيش على لغه الاشاره وهتجوزك من غير اي مشاكل
فرفيده بصتله بصدمه ففضل يضحك على رياكشنهاا فتابعت بصدمه اطلع براا يعلي علشان وربي هتعصب ومينفعش اتعصب عليييك
علي بضحك لا مؤدبه يحبيبت علي عارفه لولاش حرام كنت قومت خدتك حته حضن نساكي الهري اللي عماله تهريه ده ونتصالح بدل منا قاعد جنب باب الاوضه وانتي اخرهاا كدده
فرفيده حطت ايديها على وشها وفضلت تضحك بشده فعلي ضحك على ضحكها وتابع عاارف تموت في قله الادب
رفيده فضلت تضحك بعدين ابتسمت وتابعت لا والله بس الفكره ان الحضن ده لغه الحب بنسبالي انا بحتاج كده فكل وقت سواء بزعل او بفرح
علي بحب يبقى نصلي وندعي ربنا يعجل بكتب الكتاب مش نروح نشتغل بالحرام علشان نتجوز صدقيني ربنا عمره مايبارك حياتنا لو عملنا كده
رفيده بابتسامه عارفه وانت عندك حق ولو كنت زعلت وعيطت فعلشان فكرتك شوفتني وحشه
علي بحب عمري ماشوفتك وحشه والا مكنتش هوافق بيكي ام لعيالي ولو انتي صح تفكيرك كده مكنتش جيت حطيت ايدي في ايد ابوكي وطلبتك انتي عارفاني انا دوغري وميعجبنيش الحال المايل اللي يغضب ربنا وحتى شعرك من اول يوم خطوبه قولتلك ده مش هوافق بيه بعد كدده
رفيده بحب عارفه والله وحقك علياا
علي بحب لا يحبيبي محصلش حاجه خلاص انتي بس كفاياكي عياط وباس باطن ايديه ونفخه ناحيتها وتابع بضحك وامسكي دي حلال لحد ما نكتب
فرفيده فضلت تضحك وتابعت وماله زي العسل
فعلي ضحك وتابع يلا هروح انا حازم على وصول خلاص وخرج من الاوضه ورفيده خرجت معاه وهي مبتمسه
فتابعت سعاد ايوه كده ربنا يهديكم يارب
علي بضحك يارب يا امي والله يلا همشي انا بقى علشان حازم جاي
سعاد بحب بس مستنياك قريب بقى
علي بحب اكيد والله عيني
ورايح يمشي لقى عادل حماه بيفتح الباب ويدخل فرفيده لوت بوقها يمين وشمال وبصت لعلي
فعلي تنهد بعمق وبصلها انها تطمن فعادل شافه اتفاجئ وتابع اهلا اومال محدش قالي انك جيت ليه كنت سبت الماتش من بدري وجيتلك
علي بتنهيده الحقيقه ياعمي انا لاقيت رفيده مروحه وكنت بقفل المكتبه ومروح انا كمان علشان حازم جاي زي ما قولتك فقولت اروحها واسلم على خالتي سعاد وانزل
عادل بتنهيده طب عايزك خمس دقايق بس مش هأخرك متقلقش
علي بتنهيده احنا ممكن ناجل الكلام بكره زي ما اتفقت مع حضرتك وتتكلم براحتك
عادل بتنهيده لالا تعالى ومتعطلش نفسك من شغلك بكره كفايه النهارده قفلت بدري
علي تنهد بعمق وتابع تمام تحت امرك وقعد على الكنبه فتابعت سعاد بتوتر القهوه لخطيبك وابوكي يا رفيده
رفيده بتوتر حاضر
علي بتنهيده متعمليش حاجه يحبيبي انا مش واكل
سعاد ليه كده يا ابني طب اشرب حتى عصير
علي بتنهيده ولا اي حاجه اعملي لعمي بس انا مش غريب
رفيده بتنهيده حاضر ودخلت وهي متوتره جدا
فتابع عادل بتنهيده طبعا سعاد فاهمه ان رفيده كده كده كان لازم تدخل علشان مش عايز اتكلم قدامها
علي بتنهيده اه منا فاهم طبعا اتفضل تحت امرك
عادل بتنهيده بص يا ابني انت جيتلي من سنتين وطلبت ايد بنتي وانا لاجل اخلاقك وقربك لربنا واهلك اللي سمعتهم زي الجنيه الدهب وافقت واديتك بنتي حصل ولا محصلش ؟
علي بتنهيده حصل ياعم عادل
عادل وانت كلامك معاايا بحضور اخواتي عمام رفيده قولت سنتين بالكتير شقتي هتخلص وهنتجوز حصل ولالا
علي بتنهيده حصل
عادل بس فانا جايبك بس اشهدك على نفسك مش اكتر البت يعلي الف مين يتمناهاا وبيجيلها عرسان جاهزين من مجاميعه بس هي ماسكه فيك لاجل الحب والكلام الفاضي ده وانا قولتلها الحب ولا بياكل ولا بيشرب بس هي مصممه فانا سبتها على راحتها قولت رايي وفي النهايه ده اختيارها وهي تشيل مسؤوليته بعد كده انما سنتين داخلين طالعين مع بعض وممكن في ثانيه متبقاش ليك علاقه بيها وتسيبوا بعض ده مينفعش
سعاد بتوتر اهدي يا عادل على الواد مش كده
علي بتنهيده لا عادي يا امي هو اب وبيتكلم صح وعايز لبنته احسن جوازه في الدنيا بس الحب والكلام الفاضي اللي هو رفيده اختارتني علشانه هو نفس الكلام الفاضي اللي بيخليني اتعب واشتغل علشان عاوز اكون معاها وانا مش هنكر اني قولتلك سنتين بالكتير ونتجوز لا حصل مني لاني راجل وعارف انا قولت ايه بس اللي مكنش على البال ولا الخاطر ان سلمى تتخطب بعدي ونصيبها يجي فاصبح اني بدل ما بجهز شقتي بجيب جهاز اختي اللي هي مسؤوله مني ومالهاش غيري بعد ربنا
عادل بحده ايوه يا ابني بس انا بنتي ملهاش دعوه بالكلام ده انت قولتلي كلمه تبقى قدها افرض دلوقتي اسراء التانيه اتخطبت ايه هتتجوزها يوم القياامه ؟
سعاد بتوتر يا عاادل م
عادل بمقاطعه وبحده اسكتي انتي دلوقتي علشان افهم بس هترسي على ايه
علي اتضايق من كلامه جدا بس هدا نفسه لاجل رفيده وانه راجل قد ابوه وتابع بتنهيده لا يا عمي طبعا بعد سلمى انا هتجوز وحتى لو اسراء نصيبها جيه هركز عليها بعد ما اتجوز مش هقعد رفيده معايا اكتر من كده انا بردو راجل وافهم في الاصول
عادل بحده بص يا علي انا هاخد منك انت الكلمه من راجل لراجل وانت عارف اني صبرت كتير ومفيش واحده من اخواتك قعدت سنتين مخطوبه اصلا والخروج والدخول كان بحساب وبعلمك انما اانا سايبكم براحتكم لاجل اني عارف بنتي واثق في تربيتها وتربيتك وعارف ابوك رباك ازاي فمش بدقق على الموضوع ده بس النهارده ودلوقتي اقل شيء تحددلي معاد كتب الكتاب عشان الخروج والدخول يبقى مباح
رفيده جات وحطت القهوه لابوها وتابعت بصدمه يا بابا انت بتقول ايه طب سيبه يجوز سلمى الاول
عادل بحده ممكن تسكتي انتي ؟
رفيده بدموع ايوه يا بابا بس
فعلي رفع ايديه يقاطعها وتابع بتنهيده استني انتي يا رفيده وبص لعادل وتابع يعني حضرتك عايزني دلوقتي احددلك معاد كتب الكتاب طب وبعدها ؟ انا هتجوز امتى دي حقيقي معرفهاش ومش هعرفها غير لما اختي تتجوز هل ده تمام ؟
عادل اه تماام احس انك عملت خطوه والخروج والدخول ده يبقى حلال ولما اختك تتجوز انا عارف ان فرحها كمان كام شهر فكام شهر بعديهم كمان تتجوز انت بقى
علي بتنهيده طب انا حقيقي مش هقدر اقولك حالا امتى بس اوعدك انه ان شاء الله قريب سيبني كام يوم وهرد عليك اقولك يوم كذا وانت عارفني مبقولش كلمه وارجع فيها بس حقيقي موضوع الجواز بعد سنتين ده كان غصب عني بسبب سلمى وحضرتك عارف موقفي دول بناتي وملزومين مني
عادل بتنهيده زي بعضه بس مستني منك رد يعلي
علي بتنهيده اكيد حاضر بس اظبط اموري لانه الكلام ده عايز فلوس مش قليله بردو
عادل بتنهيده تمام
فعلي قام وقف وتابع عن اذنكم انا بقى
رفيده بدموع عايزاك ثواني يعلي
علي بتنهيده طب عن اذنكم
سعاد بتنهيده حزينه اذنك معاك يا ابني
فمسكت رفيده ايديه وراحت على اوضتها ووقفت قدام الباب وتابعت بدموع حقك عليا
علي بابتسامه ممكن بلاش هبل هو لو حد جاي يتقدم لبنتي انا مش هخاف عليها واعمل زيه ولا ايه ؟
رفيده بدموع تخاف لو هو مشكوك ان نيته مش خير وبيلعب ببنتنا انما انت مشوفناش منك غير كل خير وبقالك سنتين معايا ومطلعش منك اي حاجه وحشه وغصب عنك التاخير فليه الاسلوب ده
علي بتنهيده معلش يا رفيده ماضاقت الا وفرجت هو الشيطان دايما بيحب يضيقها علينا ويصعب الحلال بس خير اللي معاه ربنا كسبان
رفيده بدموع وانت هتجيب منين قريب فلوس للماذون وتجهيزات كتب الكتاب بتاعتنا والجاتوه والبيبس اللي هيتوزع للناس لما تيجي تبارك وكل الجو ده
علي بتنهيده سيبيها على ربك هتدبر باذن الله بس نعرف نحدد الاول يارفيده
رفيده بدموع خد وقتك وانا هصبره بس حاول على قد ما تقدر تستحمل بابا ومتخسرنيش يا علي
علي بابتسامه بطلي عبط انا لو عايز اخسرك كنت سبتك من زمان فهحاول حاضر بس انتي اللي اياكي تملي قولتهالك مره والف يا رفيده لو عايزه تمشي ومتكمليش وزهقتي حقك بس متجيش تسيبي ايدي بعد كده لما وثقت في وجودك واكون انا بحارب وانتي تيجي من ضهري تطعنيني وتقولي كفايه
رفيده بدموع عمره ما هيحصل
علي بحب واثق من كده يلا هسيبك بقى علشان حازم زمان وصل
رفيده بحب ماشي روح
فعلي ابتسم وتابع متعيطيش هاا هتدبر
رفيده بحب حاضر والله راحت معاه توصلوا عند الباب فتابع بابتسامه يلا السلام عليكم عايزين حاجه
سعاد بتنهيده سلامتك يا ابني
---
عند اسيا كانت واقفه في المطبخ هي وشيري بيعملوا الاكل
شيري بتنهيده انا والله سبتها تهري مع نفسها اصل انا جايبه اخري
اسيا بضيق جدعه انك عملتي كده انا والله في العادي بسكتلها بس حاسه انهارده هطلع فيها كتمه الشهور اللي فاتت كلها
شيري بضحك اهدي بس علشان هتقلب مسكينه قدام سليم دلوقتي
اسيا بضحك حفظنا والله الجو ده
شيري بضحك انجزي انجزي لحسن هنلاقيها فوق راسنا دلوقتي
اسيا بضحك قربت اهو
ودخلت نعمه وتابعت برفعه حاجب مالك ياختي انتي وهي فشتكم عاايمه ليه في ايه بيزغزع في مطبخي عمالين تضحكوا عليه كده
اسيا بضحك هو الضحك حرام يا ماما ولا ايه
نعمه برفعه حاجب لا ازاي بس شاركوني يمكن اضحك معاكم
شيري بتنهيده بقولك ايه يا اسياا انا رايحه اكلم زياد لحسن من الصبح بيقولي فضي نفسك عايزك وانا مدعوكه في الشقه من صباحيه ربنا فهروح اكلمه ومعلش رصي الاكل انتي
اسيا بحب روحي يحبيبتي حقك طبعا ربنا يقويكي
شيري بابتسامه حبيبتي ورايحه تخرج فتابعت نعمه بحده استني عندك يابت انتي هو انا مش بتكلم ؟؟؟
شيري بحده خير
نعمه بحده هو انتي كمان هتعلي صوتك علياا
اسيا بس بس في ايه يا ماما هتمسكي في خناقهاا لييه
نعمه بحده استني انتي دوررك جااي بس هو من الادب والذوق اكون بتكلم معاكي يا شيري تمشي وتسبيني كدده
شيري نفخت بضيق وتابعت يا ماما عايزه ايه انا طبخت وروقت وساعدت اسياا خلاص جبت اخري اطلع اخد شاور واكلم جوزي بقى
نعمه بلويه بوز بدل ماتكلميه في التليفون ياختي وشغل المرقعه بتاع البنات اللي مبياكلش عيش ده هاتيه وقعديه جنبك شويه وخلفي حتت عيل يشيل اسم الواد
اسيا بصتلها بصدمه فتابعت شيري بوجع والله مش بمزاجي ابنك اللي بيسافر بالشهور وده اسلوب حيااته
نعمه بحده مالازم يساافر لما يرجع يلاقي التكشيره ديي طبيعي هيحب السفر اومال هيحب القاعده جنبك جتك نيله عليكي وعليهاا
اسيا بحده الله وانا مالي انا هو انتي اصلا بتسيبيني انا و جوزي ناخد راحتنا علشان تتكلمي
نعمه بردح قال يعني يااختيي لو سبتك خدتي رااحتك هتجيبي الوااد مانتي حملتيلي في تولين واللي بعدها حملتي في تؤام بردو بنات وماتوا في بطنك نحمد ربنا عايزاني اسيبه يخلف تاني يجبلنا بناات هي نااقصه وسبق وقولتهاله وهفضل اقولها لو مجبتش الواد اتجوز اللي تجيبه كفايانا بناات
اسيا اتصدمت بشده وتابعت هو انتي بقى بتكتمي على نفسي انا وجوزي علشان تفكيرك المريض ده ؟
نعمه اتعصبت رايحه تتكلم فسليم كان وصل هنا فتابع بحده انتي ايه اللي بتقوليه ده يا اسياا انتي ااتجننتي ؟!
اسيا بعصبيه وعيااط لا متجننتش تعالى شووف امك بتقول ايه يا بيه
سليم راح مسك دراعها جامد وتابع بعصبيه ايا كان تقوليلها تفكيرك مريض يا بنت الكلب يا حيواانه
اسيا بصتله بصدمه وتابعت بدموع للدرجه دي يا سليم ؟! للدرجه دي بهون عليك تهزقني قدام النااس وحتى من غير ماتسمع مني ؟!
نعمه بحده ليه ياختي قولت اييه غلط مانا اللي بقولوا ليكي قولتوا لسليم الف مرره ااه انتي مبتجبيش ولاد فيتجوز اللي تجيب فين الغلط في كلااامي
فسليم غمض عينيه بضيق شديد وتابع بحده انتي ياما مش هتبطلي هرري في المووضوع ده علشان افهم بس ؟
نعمه بصدمه هري ! امك بتهري يا سلييم ؟! بتهزقني علشان مرااتك
سليم بعصبيه انا مش بهزقك علشان مرااتي مقدرش اعملها مهما يحصل انتي جزمتك فوق راسي بس انا بسببك اول ماجيت وسمعت كلام مرااتي هزقتها علشانك بس اللي بيحصل ده كتيير وميتسكتش علييه اسيا بتشيلك كتير ومستحمله اللي محدش يستحمله فمش بعد كل ده تقوليلها الكلام اللي يسم البدن دده والف مره اقولك اسيا جابت بناات ولا ولاد انا المسئول الوحيد مش هيييي الست ملهاااش علاقه بالموضووع دده نهاائي
نعمه بعصبيه والله انا مش مقتنعه بالكلام ده ياماا رجاله تخلف من ستات بنات تتجوز غيرهاا تجيب ولد علطول
سليم ضرب كف في كف بعصبيه وتابع لا حول ولا قوه الا بالله العلي العظيم ياماا انا مستعيب اتعصب وغلاوه بنتيي فابوس ايديكي قفلي على الموضوع ده اقسم بالله العظيم مالهاااش علااقه واي عيل بشخه معدي لو في شنطته كتااب احيااء هياكدلك كلاامي
نعمه بدموع طب علشان خاطر امك جرب اتجوز بنت عمك و
اسيا اتصدمت وتابعت بعصبيه انتي ايه ياست انتي عاايزه تخربي بيتي ليييه انا عملتلك اييه شوفتي مني اييه ده انا بفضلك على اهلي وبديكي من وقتي
نعمه بعياط شايف يا سليم شاايف مش محترماك ولا مالي عينيها بتتعصب على امك قداامك
سليم مسك دراع اسيا وتابع بعصبيه تسمحي تخررسيي خاالص ومسمعش حسك علشان مدكيش قلم الزقك في الحييط
اسيا بعياط وعصبيه يسليم انت مش سااامع بتقول اييه دي عاايزاك تتجوز عليااا
سليم بعصبيه فوقي يا اسياا انا مش عيل امي هتمشيني بلاش جنااان بس مينفعش تردي عليهاا في غيابي او وجودي احترمي انها امي على الاقل خصوصا انا مش ساااكت
اسيا بعيااط عامه يا سليم انا مش واكله لقمه هناا تاني وامك ملهاش عندي غير الاياام بتاعتييي انزل اروقلها واطبخلها وانا هعمل كده عشان انا متربيه وطالعه من بيت محترم انما انسى اننا نقعد ناكل هناا زي كل يوم خلاااص
نعمه بعياط اهو بتقوي الواد اللي اتفضلي عليااا ومش عايزااه يشاركني اللقمه
سليم مسح على وشه بضيق وتابع مش وقته يا اسيا الكلام ده
اسيا بعصبيه لا وقته والا اقسم بالله انزل اروح بيت ابوياا ومش هرجع الا لما تجبلي شقه برا البيت الزباله ددده انا خلاص جبت اخرري
نعمه بعياط عايزه تغوري انتي غوري انما ابني لا ميبعدش عن حضني ابداا
اسيا بعصبيه غاره تاخد اللي يكرهني قاادر يكريم
سليم مسك دراعها جامد وتابع بعصبيه شديده انتي بتقولي ايييه يابنتي فوووقي لنفسك انا قسما بالله مش عاايز امد ايدي علييكيي
اسيا بعياط ياسليم انت مش سامع بتقول ع
سليم بمقاطعه وعصبيه اطلعي فوق يا اسياا يلااا
اسيا بعياط يا ابني هي اللي
سليم بمقاطعه وعصبيه قوولت اطلعيييي
فاسيا عيطت وطلعت وشيري طلعت زيها وهي بتتنفخ ومش طايقه نفسها
فتابع سليم بعصبيه بصي بقى ياما انا طلعت مرااتي لاجل حاجتين الاولى مرضاااش ابداا اجي عليكي قداامها لانك مهما كان امي واللي مالوش خير في اهله مالوش خير في حد وانا دافعت قدام اسيا بما يكفي والتانيه علشان مرااتي متغلطش في حقك وانا مش عايز اوصل لاني امد ايدي عليهاا لاي سبب فارجوكي فضلا وليس امراا لو عايزاني افضل في البيت اختصري اسيااا تماماا ومالكيش دعوه بيهاا
نعمه بدموع انت بتهددني يا سليم ؟
سليم بعصبيه احسبيها زي ماتحسبيهاا بس خلاص انا جبت اخري كفاايه تيجي على مرااتي وهي عمرهاا ماقصرت معاكي في اي حاجه وبتبديكي عن حقوقي الشرعيه نفسهاا تقولي اركن كده يسليم انا ورايا ماما عايزه اعملها واعملها وانا قااري انك كارهه قربي من اسيا بسبب معتقداتك الغلللط وسكت تقومي انتي تقوليها علني اصلك بتجيبي بناات وبعدين جواز ايه وزفت اييه انا مش هتجوز على مرااتي فابوس ايديكي ياما هقولهالك تااني متوصلنيش لاني فعللا اسيب البيت وامشي
نعمه بدموع وانت يرضيك يا سليم انها مش عايزه ناكل هنا تاني مع بعض حتى اللقمه اللي بتجمعنا هتحرمني منها يا ابني
سليم بتنهيده هي مقالتش كده من فراغ ومعلش ياما انا مش هخرب بيتي بردو الاختصار احيانا بيبقى هو الحل الانسب فانا معاكي واطلعي اي وقت وهنزلك اي وقت انما بلاش حته التجمع في الاكل دي هي بردو حقها تطبخ في بيتها وتاكل في بيتها مش فرض يعني علينا ان الاكل كله يتعمل عندك ويتاكل عندك انا حقيقي عايز اريح اسيا هي تعبت كتير
نعمه اتصدمت بشده وتابعت للدرجه دي يا سليم ! ودموعها نزلت وتابعت اخص عليك يا ابني
سليم بحده والله ياما انتي اللي عملتي كل ده ما هي كانت ساكته بس لكل انسان طاقه فمعلش هي هتفضل معاكي زي ما هي هتعملك اكلك وشربك وتروقلك وكده كتر خيرها اصل ايه العيب واحده عايزه تحس انها مستقله في بيتها وده ابسط حقوقها وانا وافقتها ورضيت علشان اسيا لو سابت البيت ياما وعلي اخوها عرف كل اللي بيحصل هنا ده مش هيرجعهالي بسهوله وانا مش هقدر اقوله حاجه لانه هيبقى عنده حق بعد كل اللي هيسمعوا فمش عايز بيتي يخرب
نعمه بدموع روح يا سليم روح شوف مراتك هم عملوا الاكل خلاص انا هتعشى وانام
سليم بتنهيده طب هاكل معاكي واطلع
نعمه بحده لا روح مش عايزه اكل مع حد
فسليم تنهد بعمق من تصرفات امه وخرج من الشقه وهي اتغاظت جدا وقفلت الباب فنفخ بضيق وطلع شقته وفتح بالمفتاح سمع صوت عياط اسيا المكتوم من اوضتهم فزعل جدا علشان عيطها كده وقفل الباب ودخلها لقاها دافنه وشها في المخده وبتعيط فمسك دراعها وقومها وخدها في حضنه وفضل يطبطب عليها وباس راسها بعمق وتابع حقك علياا اهدي
اسيا بعياط وبحده اوعاا يا سلييم ابعد عني بتنصر امك عليااا وتيجي علياا علشاانهاا ! طب ليه شوفتوا مني ايه انت ولا هي علشان اتبهدل كده
سليم بتنهيده يحبيبتي والله ما اقدر انصرها عليكي بس دي امي افهميني يا اسيا انا والله دافعت عنك على قد ما اقدر واديكي شوفتي ولما طلعتي زودت كلام عليها والله بس مقدرش اقول لامي كده قدامك مقدرش اكسرها قدامك هي مش هتنساها من ابنها
اسيا بعياط وعصبيه بس تقدر تهين مراتك وتبهدلها قدامها مش كده ؟
سليم بتنهيده لا عاش ولا كان اللي يهينك والله مهما حصل من امي يا اسيا انتي عارفه انك مينفعش تيجي عليها بالشكل ده على الاقل تحترمي جوزك وتعمليلي خاطر زي ما علطول بتعملي وانا مبسيبش حقك وانتي عارفه كده كويس
اسيا بعياط بص بقى يا سليم انا جبت اخري من امك وحواراتها ومش هستحمل تاني بعد كده حد يهين كرامتي ويجي عليا ووالنبي خلوها تشوفها كام دكتور يقنعها ان سواء ولد ولا بنت فهو من ابنها وانا ماليش علاقه علشان انا تعبت من اني اعيش فى حرقه دم ولمستك ليا بحساب بسببها مبتسيبناش نتهنى على يوم اجازه
سليم تنهد بعمق وانا رديت قدامك ورديت اكتر من وراكي قولت مش هتجوز ومش عايز حد غير مراتي واني مش هسكت تاني لحاجه زي كده
اسيا بعياط ومش هنزل اكل علطول عند امك انا عايزه افضل في بيتي اكلي وطبخي وحياتي في بيتي
سليم باس جبينها بعمق ومسح بايديه الاتنين دموعها وتابع بابتسامه والله العظيم قولت كده وقولت اقل وابسط حقوقها انها تعيش مستقله في بيتها ومش هناكل تحت تاني يا ستي بس اهدي كده ومتخليش الشيطان يعمل مشاكل بينا
اسيا صعبت عليها نفسها اوي ففضلت تعيط وتابعت امك اللي بتعمل مشاكل بينا يا سليم انا مش مجنونه ولا بحب النكد
سلم تنهد بعمق وتابع اسيا علشان خاطري سيبك منها بقى احنا كنا متخانقين اصلا من الصبح وادينا دلوقتي سمنه على العسل علشان جيت عايز اراضيكي من اللي هي عملته فمتزعلنيش منك بقى ده انتي حب سنين كتيره يابنت الجزمه
اسيا ضحكت من بين دموعها وقفت على اطراف صوابعها وحضنته وتابعت بدموع بحبك بجد
سليم حضنها اكتر وتابع وانا اكتر بجدد وباس رقبتها بعمق وهمس ماتسيبك من امي وحرقه الدم دي وتعالي عايزك في كلمتين
اسيا بضحك سليم اتلم تولين ممكن . وسكتت فاجاه تستوعب انها مشافتهاش معااه فتابعت بخضه يانهااار اسوود توليين فين يا سلييم انت نسيتهاا
سليم فضل يضحك وتابع انا بردو اللي نسيتها يا بنت الجزمه
اسيا بصدمه لا سليم متهزرش البنت فين فعلا ؟
سليم بضحك هتكون فين مسكت في علي ومصممه تبات معاه طب يا توتي الحضانه قالي انا هصحى بدري واوديها
اسيا بضيق يوووه يا سليم مكنتش تسيب تولين علي بكره هيجيبلها الاكل وكل حاجه وانت عارف الظروف عندهم مش قد كده
سليم بتنهيده انا بعد ما مشيت افتكرت الموقف ده وكلمته فعلا وكنت هبعتله فلوس بس رفض جامد وزعل مني وقالي دي بنت اختي انت كده بتصغرني هو انا مش هعرف اجيب لعيله طلباتها
اسيا بحزن ما لازم طبعا هيقول كده انت عارف علي واسلوبه بس انا علشان مقدره بحاول مجيش عليه كفايه اللي هو شايله بجد
سليم بحب متشيليش هم ده يوم والمناسبات جايه كتير وهردهالو
اسيا بحزن طب انا بنتي وحشاني دلوقتي اعمل ايه بقى مش متعوده على البيت من غيرها
سليم شد وسطها ليه وغمز لها وتابع بضحك وابو بنتك مبيوحشكيش خالص
اسيا بضحك يا سليم اتلم بقى بجد
سليم بضحك انا اتلميت كتير والله كفايه كده وقربها منه وباس رقبتها بعمق وهمس بنتك مش هنا الحاجات دي مش بتتقرر كتير
اسيا غمضت عينيها وتابعت بابتسامه اممم وانت مبتفوتش الفرصه ابداا
سليم بدا يفك رزاير قميصه وتابع بضحك طبعاا اومال ايه
فاسيا فتحت وتابعت بابتسامه طب احطلك تتعشا الاول؟
سليم رمي قميصه وبقى عاري الصدر وتابع بهيام ولا اي حاجه انا مش عايز حاجه غيرك
فاسيا فضلت تضحك وحطت ايديها حوالين رقبته وتابعت مصمم يعني
سليم حط ايديه على وسطها وتابع بضحك جدا
فاسيا ابتسمت وتابعت وماله ده انا عيوني لابو تولين
سليم بضحك قلب ابو تولين وقربها باسها بعمق وهي ايديها حوالين رقبته وبتقربه منها اكتر
---
في بيت علي
كانوا قاعدين كلهم بيتعشوا وحازم معاهم
فدقايق حازم قام وتابع بابتسامه يجعله عامر يا علوه
علي بحب حبيبي تسلم يا رب
رانيا بتفاجئ اقعد كمل اكلك يا واد انت لحقت
حازم بضحك لا والله يا امي مش قادر الف هنا انتوا انا كالت اهو
اسراء بضحك طب ده حتى سلمى هي اللي طابخه كل الكلام ده ايه رايك بقى
حازم بتفاجئ وضحك ده بجد !!
سلمى ابتسمت بكسوف وتابعت اه والله انا اللي عاملاه
حازم بضحك يا اخواتي على الحلاوه والشطاره تسلم ايديكي يا نن عيني
فسلمى بصت لعلي بتوتر فعلي ساب المعلقه وابتسم وبص لحازم وتابع مش ناوي تحترم نفسك ولا ايه ؟
حازم فضل يضحك وتابع انا هدخل البلكونه يا عم اشرب السجاره ومش هقول حاجه قدامك هي تخلص اكل وتدخلي ولا تضايق نفسك
علي بضحك ولا من ورايا يا ابن الجزمه اتلم دي مش مراتك
حازم فضل يضحك وتابع وماله يا عم حقك يلا هدخل انا البلكونه ودخل بالفعل
فتابعت رانيا قومي يا سلمى حطيله بيبس لحد ما نخلص اكل ونعمله قهوه
سلمى بحب حاضر يا ماما وقامت بالفعل فعلي ابتسم وتابع الوحيده اللي عرفت اربيها اقسم بالله شايفه حاطه عينيها في الارض ازاي
فرانيا فضلت تضحك بشده على رياكشنات اسراء فعلي بص لاسراء وتابع بضحك هرضى عنك لما تتحجبي
اسراء بضحك ماشي يا علي ضربته في كتفه وتابعت ماشي
فعلي حط ايديه على كتفها وخدها في حضنه وتابع بضحك حبيبه وقلب علي والله ده انتي نور عيني اخر العنقود
اسراء بضحك بعد ايه بقى
علي بضحك لا لا انتي عارفه غلاوتك عندي قد ايه متمثليش
عند سلمى في البلكونه كانت حاطه على الصينيه طبق حلويات والبيبس ودخلت بيهم وحطتهم على الترابيزه الصغيره وكان حازم بيعمل ريكورد بيقول " يا بنتي 100 مره اقولك ابعدي عن حياتي انا راجل هتجوز خلاص و... ولما سمع الصينيه بعته علطول وسكت
فتابعت سلمى بتنهيده كنت بتكلم مين يا حازم ؟؟
حازم بضيق دي واحده كده بارده بتطاردني بقالها فتره وكل ما اعملها بلوك تطلعلي من رقم جديد
سلمى بتنهيده ورفعه حاجب وتعرفها منين ان شاء الله؟
حازم نفخ دخان السجاره وتابع بتنهيده زميلتي في الشغل يا سلمى ولو بعمل حاجه غلط مكنتش قولتلك
سلمى بضيق وانت مين قال انك بتعمل حاجه غلط بس الفكره الجو ده مش عاجبني
حازم بابتسامه حقك تغيري طبعا بس كفايه انا وانتي عارفين مين هتكون مراتي
سلمى بتنهيده اقعد وارتاح يا حازم هروح اشيل الاكل مع ماما تكون شربت البيبسي واعملك القهوه واجي عشان نتكلم
حازم بابتسامه ماشي يا عمري
وخرجت سلمى فحازم اتعصب جدا وعمل ريكورد وتابع بعصبيه " سلمى سمعتني بكلمك وكنتي هتخربي حياتي فبالذوق ابعدي عني علشان وربي وما اعبد رده فعلي هتكون زباله اوي وانتي عارفه هعمل ايه كويس "وبعته ونفخ بضيق
وشويه بالفعل وجات سلمى وهي عامله القهوه وحطيتها قدامه وقعدت على الكرسي هو قاعد على الكرسي اللي قدامها والترابيزه في النص وتابعت اتفضل
فحازم ابتسم ومسك ايديها باسها وتابع تسلم ايديكي ينور عيني
فسلمى شدت ايديها بتوتر وتابعت بحب حبيبي الف هنا بس علشان خاطري بلاش كده
حازم بضحك ماشي يا ستي ولا يهمك بس انا عايز ابقى براحتي فشوفي علي في موضوع كتب الكتاب بقى
سلمى بتنهيده كده كده فرحنا قرب نعمل كتب الكتاب يوم الفرح
حازم بتنهيده سلمى افهميني الفتره اللي جايه هنروح ونيجي كتير اوي علشان تجهيزات الشقه اللي فاضله واحيانا من كتر اللف هنرجع بالليل واخوكي كان شارط عليا ان الكلام ده مينفعش يحصل غير وانا جوزك وانا ساعتها وافقت وانتي كنتي راضيه ايه اللي حصل بقى
سلمى بتوتر مش عارفه يا حازم بس كل ما الفرح يقرب بخاف اوي وحاسه اني مش مستعده
فحازم ابتسم بحب وتابع متخافيش يا سلمى كل اللي في دماغك مش هيحصل غير بالتدريج وبعد كتب الكتاب مش هعمل حاجه تضايقك بردو انا لسه هبقى خطيبك فمتحطيش في بالك ان علشان هكتب عليكي هفضل اضايقك في الرايحه والجايه لا يا هبله انا بحفظك وبصونك عشان قاعدتك معايا
سلمى بصت للارض بحرج وتابعت انت عارف اني مش بتقبل فكره الكلام ده اوي وطول عمري عايشه مقفول عليا زياده ومتعاملتش مع اي راجل غير علي وكريم ابن عمي فمش هعرف فعلا بسهوله اعمل الكلام ده صدقني
حازم بابتسامه ودي حاجه تسعدني جدا انك مش متفتحه ومقفوله عليكي وخجوله فسيبك من كل ده الجواز حاجات اكتر من دي بكتير متحطيهاش في دماغك وتخافي من الفكره وخليكي فرحانه لكوني هكون جوزك زي ما انا فرحان لكونك هتكوني مراتي
سلمى بتوتر انا بحبك والله يا حازم وانت عارف بس الفكره مش هعرف وعندي عقده كبيره اوي فعلشان خاطر ربنا حتى لو علي وافق ان كتب الكتاب يبقى قبل الفرح بلاش فعلا يحصل اي حاجه جديده في علاقتنا خلينا زي ما احنا يعني متقوليش انتي بقيتي مراتي هاتي حضن والجو ده
حازم فضل يضحك وتابع هو حتى حضن كتب الكتاب حرام يا سلمى ؟؟؟
سلمى بتوتر معلش بس مش هعرف اعمل كده صدقني وحتى لما نتجوز ونبقى في بيت واحد مش بسهوله هخليك تلمسني انا الموضوع ده صعب شويتين بالنسبالي نفسيا يعني
حازم ابتسم بحنان وتابع طب ممكن تحكيلي ليه بتفكري في الموضوع كده
سلمى بحرج اكيد مش هعرف اتكلم في حاجه زي دي بس هو عامه لما نتجوز اكيد هنحكي
حازم بيضحك طبعا قصدك لما نتجوز نتجوز مش نتجوز اللي هي كتب الكتاب صح؟
سلمى بضحك اه طبعا كتب الكتاب دي ممكن في ثانيه نطلق وانا لسه بنت في بيت اهلي
حازم بضحك بسس اخرسي يخربيت اهلك فال الله ولا فالك بتقولي ايه؟
سلمى بضحك بصراحه يا حازم عندي عقده من الموضوع ده اوي بردو وصاحبتي اتطلقت قبل دخلتها
حازم بابتسامه يا حبيبتي الناس كلها مش زي بعض وهقولك جمله واحده وركزي فيها (بطلي تقيسي حياتك على تجارب الناس عيشي تجاربك لانها اكيد مختلفه وهتعلمك)
سلمى تنهدت بعمق وتابعت انت اكيد عندك حق لاني ممكن اعيش خايفه من حاجه مش هتحصل اصلا لمجرد اني شوفتها حصلت مع واحده قدامي بس حقيقي كلنا مش زي بعض وتجاربنا مختلفه وابتسمت وتابعت وحقيقي ربنا يخليك ليا يا حازم علطول بترد على اسئله دماغي وبتطمني وبجد وحشتني اوي طول فتره غيابك في الصعيد وخلتني متاكده اني مغلطتش لما اختارتك سند ليا بعد ربنا وعلي
حازم بضحك يا خرابي طب ده انا يبختي اني في المرتبه دي .. ووالله انتي وحشتيني اكتر يا ست البنات انا لما نزلت القاهره جيت عليكي انتي اول حاجه اهو
فسلمى فضلت تضحك فحازم ابتسم وتابع بس سيبك انتي انا فعلا مبسوط علشان لما بتقعي في مشكله وبتتصلي بيا اجي الحقك دي بتخليني حاسس اني طاير وقد ايه انا حد مهم في حياتك زي علي
سلمى فضلت تضحك وتابعت لاني بشوف فيك علي التاني بجد يا حازم يمكن مش زيه في بعض الحاجات بس الاكيد انك الوحيد اللي قابلته فيه من علي وانا معنديش راجل اغلى منه ده حبيبي الاولاني
فعلي كان داخل البلكونه يحطلهم فاكهه وسمعها فابتسم بحب والدموع كانت متجمعه في عينيه ومسح دموعه ودخل باس راسها بعمق وتابع حياه علي كلها والله
فسلمى اتفاجئت انه موجود وضحكت وتابعت يا نور عيني انت واقف
علي حط الطبق وتابع بحب لسه جاي وربنا اراد اسمع كلامك في الوقت ده بالذات يطبطب عليا وينسيني هموم الدنيا كلها
فسلمى ابتسمت وقامت حضنته ومسكت ايديه باستها بحب وتابعت ربنا يديمك لينا يا حبيبي ويريح بالك وقلبك ياارب بس مالك في ايه معاك دلوقتي مضايقك علشان كده فرحت بكلامي في الوقت ده بالذات
فعلي خدها في حضنه وباس راسها بعمق وبصلها وابتسم وتابع نبقى نتكلم اي وقت اقعدي دلوقتي مع خطيبك وباس خدها وبص لحازم وتابه عن اذنك يا غالي عايز حاجه؟
حازم بحب سلامتك ياعلوه تسلم يحبيبي
علي بحب يلا اقعدوا اتكلموا وقعدها على الكرسي تاني وخرج كانت اسراء واقفه فتابعت بتوتر علوشي عايز اقولك على حاجه
على بضحك علوشك ! يبقى مصيبه خير يارب
اسراء بضحك لا مش اوي بس كنت عايزه اعرف هنزل الجامعه امتى؟
علي بتنهيده انزلي بكره يا اسراء بس عايز تغيير علشان اقسم بالله لو ما اتلميتي همنعك منها خالص
اسراء فرحت ووقفت على اطراف صوابعها وباست خدوا وتابعت بفرح يحبيبييي انت ربنا ميحرمني منك ابدا يارب وحاضر والله العظيم هتشوف تغيير
على بضحك اما نشوف
اسراء بتوتر بس هو انا هحتاج مصاريف عشان في حاجات عايز اشتريها للجامعه وتابعت بسرعه بس والله لو مش معاك دلوقتي عادي خلاص
فعلي ابتسم وتابع بس يابت متبقيش عبيطه هتعوزي كام ؟
اسراء بتوتر يعني كله على بعض وبالمواصلات بتاعتي بالفطار سكه 500 جنيه كده
رانيا شهقت وتابعت نعمم 500 جنيه ليييه يخش 500 عفريت ينططك يابعيده
اسراء بحزن خلاص مش عايزه حاجه ورايحه تدخل فعلي مسك دراعها وتابع بحده اتلمي انتي كلامك معايا انا فمتدخليش وتسيبيني كده وبص لامه وتابع بتنهيده ماما اسراء مبقتش صغيره وطبيعي بتصرف مع زمايلها والمواصلات مش رخيصه وبتقول عايزه تشتري حاجات ف ده يادوبك وطلع محفظته وخرج الفلوس وابتسم وتابع امسكي ينورعيني
فاسراء ابتسمت بفرح وباست خده وخدتهم وتابعت بفرح ربنا يديمك لينا يعمري يارب
علي بحب ويديمكم ليا يا ست البنات يلا روحي نامي عشان جامعتك الصبح بقى
اسراء بضحك طياره تصبح على خير يحبيبي
علي بحب وانتي من اهله يحبيبتي
ودخلت بالفعل على اوضتها وقفلت الباب
فتنهدت رانيا بعمق وتابعت كنت ناقص انت مصاريف اسراء الكتير دي ؟
علي بابتسامه متشيليش هم ياما انا معايا فلوس اصل هيطلبوا من مين يعني وبص حواليه وتابع تولين فين هي لسه مجتش ؟
رانيا بتنهيده اه عند حبيبه
علي لا كده كفايه بقى وراها حضانه انا اروح اتكلم في البلكونه واخلي حبيبه تبعتها
رانيا اه يا ابني اعمل كده ولو البت متعشتش تلحق تتعشا
علي اكيد ياما مش هقولهم اكلتوها ولا لا يعني لما تيجي شوفيها وطلع مفاتيحه ومحفظته وفونه ودخل اوضته حط كل حاجه على الكومود الا الفون كان في ايديه ودخل بيه البلكونه فدخلت رانيا وراه وتاكدت انه في البلكونه ومش شايفها وفتحت المحفظه بتاعته لقيت اللي فاضل فيها 100 جنيه فتنهدت بعمق وتابعت بحزن ربنا يقويك ويسندك ياابني على قد طيبتك وحنيتك علينا دي اخر فلوس في جيبك وتديها لاختك كنت واثقه والله العظيم بس مرضتش احسس اسراء بكده علشان انت بتضايق وبتقولي انا كده قدامهم مش قد المسؤوليه ومش عارف اغطي احتياجاتهم وتنهدت بعمق وبصت لفوق وتابعت يارب اقف مع ابني يارب ووقف في طريقه ولاد الحلال وارزقه من حيث لا يحتسب
وخرجت
في البلكونه عند علي كان واقف بيتصل على حبيبه
فرديت عليه وتابعت ايوه يعلي معاك
علي بابتسامه ايه يحبيبه عامله ايه
حبيبه بحب الحمد لله كويسه انت ايه الاخبار
علي بتنهيده الحمد لله نشكر ربنا قولي لتوتي تنزل يلا خالو هيزعق وانا واقفلها
حبيبه بضحك حاضر من عيني هقولها
علي بسرعه بالله عليكي يحبيبه علشان عندها حضانه الصبح
حبيبه بتنهيده حاضر والله
علي بحب ماشي تعبتك يلا باي
حبيبه بتنهيده تعبك راحه يعلي باي
وقفلت معاه وخرجت الصالون وتابعت بابتسامه توتي يلا روحي لخالو علشان عاوزك
تولين بابتسامه حاضر هروح وباست خد كريم ونزلت من على رجله وتابعت بابتسامه جود نايت يا خالو
كريم بضحك جود نايت ياقلب خالو وباس خدها
فتولين ابتسمت وشاورتلهم باي
فتابعت نيره بضحك باي يعمري
فحبيبه وطت وباست خدها وحضنتها وتابعت هتوحشيني اوي ياصاحبتي ابقي تعالي
تولين بابتسامه هجيلك تاني وعد
كريم بحب لو عايزه تفضلي مع حبيبه وتنامي هنا قوليلي واقول لعلي
تولين بضحك لا عاوزه انام في حضن خالو النهارده
كلهم فضلوا يضحكوا بشده فتابعت هاله بضحك باعتك علشان حضن علي اهو
حبيبه بضحك لا طبعا حقها هنا محدش يقدر يعترض وهمست بضحك يبختك يا بنت المحظوظه
فتولين ضحكت وحطت ايديها على بوقها بخجل
فكلهم فضلوا يضحكوا عليها فتابعت حبيبه بضحك يلا امشي خالو واقف في البلكونه مستنيكي
تولين حطت ايديها على بوقها وتابعت بصدمه يخرابي انا هروح قبل ما يزعقلي
كريم بضحك استني يعمري انا هوصلك
تولين بضحك لالا يا خالو خليك انا شاطره وهعرف اروح لوحدي البيت اصلا قدام ده
فكريم فضل يضحك وتابع طب اقفي بصي عليها يحبيبه
حبيبه بضحك حاضر كنت هعمل كده فعلا
فابتسمت تولين وتابعت يلا باي كلكم
فكلهم ضحكوا وتابعوا باي ونزلت بالفعل وحبيبه خرجت البلكونه تبص عليها فعلي شافها وتابع ها نزلت؟
حبيبه بابتسامه ااه نزلت هتخرج اهي
علي بحب تمام ادخلي انتي متقلقيش انا واقفلها
حبيبه بتوتر ماعلشان اطمن انها نزلت
علي بتنهيده طب ادخلي يحبيبه اسمعي الكلام الناس نايمه مش عايز اعلي صوتي
فحبيبه فهمت انه لنفس السبب علشان بتطلع ببچايم فدخلت وعلي تنهد بعمق وتابع الواحد يلاقيها من اللي معايا ولا من اللي مع كريم
ولقى تولين خرجت من الحوش بتاع حبيبه وبصتله وشاورت بفرح وتابعت خالوو
علي بضحك حبيبت خالو اطلعي يلاا
فتولين دخلت الحوش بتاع بيت علي وطلعت وعلي دخل ووقف في الصاله وفتح ايديه ليها فجريت على حضنه فشالها وتابع بفرح حبيبتي حبيبتي يانااس وباس خدها وتابع حبيبه قلب خالو وحشتيني
تولين بضحك وانت كمان وحشتني خالص
بضحك لا ما هو واضح يا بكاشه
تولين بضحك والله خالو كريم قالي اقعدي مع حبيبه قولت لا عايزه انام في حضن خالو
علي فضل يضحك وتابع يا حبيبه قلب وعيون خالو انتي ده انا يبختي والله
رانيا بضحك كالتي يا ام لسانين ولا احطلك تاكلي
تولين بحب اكلت مع حبيبه
رانيا بحب طب يعمري الف هنا
ولقيوا حازم خارج مع سلمى من البلكونه وتابع بابتسامه يلا همشي انا السلام عليكم عايزين حاجه
رانيا بحب ما تقعد يا ابني لسه بدري ده احنا بقالنا زمن مقعدناش معاك
حازم بحب تتعوض يا ست الكل يلا باي يا علوه
علي بحب ياابني خليك شويه بقالك كتير مجتش هنا
حازم بحب حقك عليا والله الوقت جري مننا فتتعوض باذن الله قصه سلمى وابتسم وتابع باي يحبيبتي هبقى اكلمك
سلمي بصت لعلي بتوتر وبصت للارض وتابعت باي
فحازم ضحك وتايع يلا تصبحوا على خير
على بضحك وانت من اهله يا غالي وفتحله الباب فحازم نزل وعلي قفل الباب وهو شايل تولين بايديه التانيه وتابع انا هدخل انام انا وتوتي علشان عندها حضانه الصبح وصحوني على صلاه الفجر
رانيا بحب روح يا ابني
سلمى بحب بس اعمل حسابك عايزين نقعد مع بعض
علي بحب حاضر يا عمري هنبقى نقعد يلا تصبحوا على خير
رانيا بحب وانت من اهله يحبيبي
تولين شاورتلهم باي وتابعت بضحك جود نايت
فكلهم ضحكوا وتابعت سلمى بضحك جود نايت يعمري
فعلي ضحك ودخل اوضته بيها وقفل الباب وقعدها على السرير وتابع بحب هروح اخد شاور سريع وجاي علشان ننام
تولين بحماس ماشي مستنياك هات فونك شويه لحد ماتطلع اقعد على تيك توك
فعلي بصلها بتفاجئ وتابع تيك توك ايه اللي بتقعدي عليه لا انا معنديش الكلام ده للاسف
تولين بتفاجئ بتهزر مش عندك تيك توك
على بضحك اه مش عندي تيك توك ايه هيحفلوا عليا في الشارع ويقولوا اللي مش عنده تيك توك اهو
تقولين بضحك لا مش كده بس انا بحب اتفرج عليه
علي اممم قولتيلي ده امك دي حسابها تقل اوي
تولين بضحك ايه ده ليه
علي بضحك هقولك بعدين وفتح فونه وتابع المهم امسكي في فيسبوك ويوتيوب هاتي كرتون لو عايزه لحد ما اخرج
تولين بحماس ماشي اتفقنا وخدت الفون وتابعت بغيره انت حاطط انت وخالتو رفيده على الفون وهو مقفول وهو مفتوح؟
علي بضحك اه في منع ولا ايه؟
تولين بضيق وفين تولين حبيبتك
فعلي فضل يضحك بشده وتابع بتغيري من رفيده ولا ايه
تولين ربعت ايديها بضيق وتابعت اه بغيير
فعلي فضل يضحك بشده وتابع لا يعمري وتغيري ليه هحطك حاضر ومسك فونه حط صورته هو وتولين اللي اتصوروها في خطوبه سلمى على الشاشه الرئيسيه وساب صورته هو رفيده على القفل وتابع بابتسامه ولا تزعلي نفسك ده انتي بنتي
فاتولين فرحت اوي لما شافتها وقامت حضنته وتابعت انا بحبك اوي اوي بجد
فعلي ابتسم بحب وحضنها اكتر وتابع وانا بموت فيكي والله العظيم امسكي الفون بقى لحد ما اخد شاور
تولين بحماس ماشي ومسكت الفون وفضلت تتفرج على اليوتيوب وعلي دخل ياخد شاور
وشويه وخرج لابس بنطلون وعاري الصدر وبينشف شعره بفوطه فتولين لما شافته حطت ايديها على عينيها بخجل وتابعت بضحك يخراابي انت طالع كده ازااي
فعلي فضل يضحك بشده على رده فعلها وتابع ليه يا بنت الجزمه مش لما كنا بنسافر المصيف كنتي بتشوفيني كده؟
تولين بضحك وهي مغمضه ايوه بس ازاي بتقعد كده من غير مصيف عيب
فعلي فضل يضحك بشده وتابع عيب صح مع اني مش بنام بتشيرت بس يلا الكتكوته بتاعتنا بتتكسف وراح لبس تيشرت نص كم وتابع بضحك فتحي كده
فتولين فتحت وشافته ففتحت عينيها بانبهار وتابعت الله تحفه اوي بص العضلات التيشرت ماسك عليها ازاي
فعلي فضل يضحك وتابع شكلي حلو يعني؟
تولين بضحك جداا بجد انت قوي اوي عايزة ايدي تبقى زيك يا خالو
فعلي طفى نور الاوضه وراح نام جنبها واخدها في حضنه وتابع بضحك مينفعش انتي بنوته فلازم تفضلي رقيقه كده
تولين بصتله وهي نايمه في حضنه وتابعت وافرض حد ضايقني مش هعرف اضربه وانا مش قويه
علي فضل يضحك وتابع اللي يكلمك قوليلي انا اقطعهولك
تولين بضحك اتفقنا وباست خده وتابعت بابتسامه جود نايت يحبيبي
فعلي فضل يضحك بشده وتابع حببتني في خلفه البنات والله وباس خدها كتير وتابع جود نايت يحياه حبيبك
فابتسمت تولين وغمضت عينيها تنام وبالفعل 10 دقايق وكانت نامت وعلي بص على ملامحها البريئه وهي نايمه وابتسم بحب شديد وباس خدها برقه وتابع ربنا يحميكي ويحفظك يا قلب خالك من جوه انتي
--
عند لميا وهناء في اوضه هناء كانت قاعده بتتكلم في الفون مع رنا ولميا بتتكلم في بلكونه اوضه اختها مع زين
هناء بتوتر معرفش يا رنا انا روحت لقيته جاب رقم جديد وباعتلي منه رسايل قد كده بيعتذر وبيقولي هجبلك شقه في محافظه تانيه خالص ونبعد عن اهلي ومحدش هيضايقك ومش هسمح ليارا تجيب سيرتك اصلا
رنا بتنهيده طب انتي رايك ايه؟
هناء بحده يابنتي رايي في ايه انتي بتهزري عملتله بلوك طبعاا مينفعش يا رنا مينفعش بقولك كريم يقتنلي فيهاا
رنا بتنهيده نادر كان وحش بس بصراحه هو كمان ضحيه اخته ضحكت عليه فمش قادره احط اللوم كله عليه
هناء بتفاجئ انتي اللي بتقولي الكلام ده يا رنا ده انتي الصبح كنتي معايا في رايي
رنا بحزن يا بنتي والله انا معاكي بس صعبان عليا ان انتوا الاتنين بتحبوا بعض وتخسروا بعض بسبب يارا كده هي اه بصراحه اكتر واحده غلطانه ونادر ضحيه زيه زيك ده شرف وطبيعي مكنش اي راجل هيسامح فيه
هناء بدموع يجي يقولي مش يبعت الصور لاخويا يخليه يجي يمد ايديه عليا وعلي اللي يحوش عني
رنا بحزن فكري تاني يا هناء اخوكي صدق رغم انك تربيته لان الصور باينه واقعيه اوي فمتجيش على نادر ده اتصدم في حبيبته وصاحبه مع بعض
هناء بحده ودموع ايا كان يجي يقولي يواجهني يتهمني انما انتي بتقولي ايه ده فضحني ده الشارع كله قال تلاقيه شاف عليها حاجه علشان يسيبها يوم كتب كتابها كده وتبقى عبره
رنا بحزن بس لو رجعتوا لبعض كلام الناس كله هينتهي
هناء بحده وانا مبقتش احس معاه بامان خلاص اول حاجه قولتها لكريم هاتلي نادر يلحقني مستحيل يصدق فكريم قالي ان نادر نفسه هو اللي باعني وبعد كل ده اتصلت بيه استنجد بيه لما فوقت من الاغماء وكنت لسه بفستان كتب كتابي زي منا بس هو بكل برود وجحود وجعني واتكلم على شرفي بالوحش وجه عليا وعملي بلوك فمتقارنيش بينه وبين كريم نهائي اه الاتنين شكوا بس كريم جيه واجهني وضربني وانا دافعت عن نفسي فتاني يوم كان كريم عرف الحقيقه لما امير جيه انما ده مفكرش يسمعني ولا يسمع صاحبه فميستاهلنيش واخاف اتجوزه اخته تجيبلي واحد البيت يجي يطلقني بفضيحه ولا يقتلني المره دي بقى عشان شرفه
رنا بحزن مش عارفه اقولك حاجه لان كل كلامك صح بس انتوا الاتنين حقيقي صعبانين علياا اوي
هناء بقهر ودموع عمري ماهنسى اللي عملوا معايا ابداا والعقده السودا اللي سببهالي نادر ميستاهلنيش وبكره ربنا يعوضني بسيد سيده
رنا بحزن يارب بجد يحبيبتي انا والله كل اللي بتمناه اشوفك مبسوطه
هناء بابتسامه حزينه عارفه والله يارنا ربنا يخليكي ليا ولو دخل كلمك امانه عليكي اعمليله بلوك وعززي صاحبتك بقى كفايه كده
رنا بحزن حاضر يحبيبتي والله وهتيجي بكره الجامعه ولا ايه
هناء بتنهيده اه جايه وكنت عايزة اتكلم معاكي في حاجه بخصوص دكتور منير
رنا بستغراب ايه ماله احكي
هناء بضحك هقولك
وبعد شويه زين قفل مع لميا ودخلت لقيت هناء قاعده بتذاكر فتابعت بحب ايوه كده ايه الشطاره دي
هناء بحب حبيبتي والله تسلميلي
ولقيوا الباب بيخبط ودخلت ابتسام وتابعت نيره تعبانه تعالي يا بت منك ليها ننزل نقعد معاها نفرفشها شويه
هناء بتفاجئ اييه ده تعبانه مالها؟
ابتسام جسمها مولع واخده دور صعب المهم يلا ياختي انتي وهي انزلي ومحدش تحت غير اخوكم
لميا بضحك خلاص زي ماحنا بالبيجامات
ابتسام بضحك اه ياختي يلا
فهناء قامت وقفلت الكتب وتابعت بقلق طب يلا يلا ننزلها
وبالفعل الكل نزل كانوا كلهم قاعدين في الصالون مع بعض ايه الا نيره كانت في اوضتها بتاخد شاور فدخلت ابتسام وتابعت بضحك متجمعين عند النبي باذن الله
هاله ضحك اللهم امين يحبيبتي تعالي
لميا بضحك فينها العيانه اللي نازلين علشانها
حبيبه بابتسامه بتاخد شاور وجاايه
كريم بص لهناء ولميا برفعه حاجب وتابع بحده هو انتي يحيوانه منك ليها ازاي تنزلوا بالبيجامات وشعركم على السلم كده افرض حد من الجيران اللي مسكنينهم كان طالع ولا ناازل
هناء بتوتر انا رايحه استنى نيره عندها ودخلت جري
فكلهم فضلوا يضحكوا عليها الا كريم تابع بعصبيه ماشي يا هناء ليله ابوكي سودا معايا
وبص لـ لميا برفعه حاجب فاتوترت ووقفت ورا ابتسام فابتسام فضلت تضحك وتابعت خلاص يحبيبي الساعه 12 بالليل ولا حد طالع ولا حد نازل حقك عليا انا المره دي
كريم بحده ده الواحد هيجيله السكر والله منكم
حبيبه بضحك بعيد الشر عنك يغالي
كريم بضحك انا مربتش الا حبيبه بردو قلب اخوهاا دي تعالي يابت
فحبيبه فرحت وراحت قعدت في حضنه وفضلت تضحك وتابعت قلب حبيبه انت والله
فكريم باس راسها وتابع بحب ربنا يحميكي يارب بتسمعي الكلام وغمز لـ لميا اللي بصاله متفاجئه
فكلهم فضلوا يضحكوا بشده فتابعت ابتسام بضحك اممم انت هتقولي على حبيبه وسمعانها للكلام بس ياريت متشدش في شعرك منها يوم فرح ابراهيم
حبيبه بحماس ده انا محضره حته فستان
كريم بصلها برفعه حاجب وتابع وريني
حبيبه بتوتر لالا مش وقته هوريك يوميها
كريم بضحك يحبيبه مش عايز انكد عليكي يوميها واحلف ماتنزلي قسما بالله
حبيبه بتوتر لالا خير هيعجبك باذن الله
كريم بضحك اما نشووف
في اوضه نيره هناء شغلت الاب توب بتاع نيره وفضلت تتفرج على فيلم مستنيه نيره تطلع ودقايق ونيره طلعت سايبه شعرها ولافه فوطه بس على جسمها فلما شافت هناء اتخضت وتابعت بضحك يخربيت ابووكي قطعتي خلفي
هناء فضلت تضحك وتابعت ايه يابت مالك ايه الخضه دي يخربيتك اومال لما تتجوزي والحلويات دي تطلع قدام راجل هتعملي ايه
نيره بضحك اتلمي يحيوانه
هناء بضحك عارفه يابت ينيره لولاش عارفه انتي وكريم مينفعش ابدا تشوفوا بعض بالنظره دي كنت قولتلك مسبكيش ابدا بطايه بلدي وربنا
فنيره فضلت تضحك وتابعت يلا يحيوانه يابنت الجزمه كريم ايه الله يخربيتك ده اخوياا فاهمه يعني ايه انا واخويااا مع بعض وسكتت ثواني وتابعت يععع يععع الله يخربيت اهلك ازااي تيجي في باالك ده حرام الكلام ده وفضلت تضحك بشده
هناء برفعه حاجب ليه يعني تكونيش راضعه عليه ولا ايه؟
نيره بصتلها بتفاجئ وتابعت بضيق هنااء فوقي ياماا ده كريم فاهمه يعني ايه كرريم
هناء بابتسامه عارفه طبعا بس الفكره ان مش حرام يعني
نيره فتحت الدولاب وتابعت هو مش حراام طبعا بس مستحيل وابتسمت وتابعت فاهمه لما تكوني شايفه حد من يوم ماوعيتي اخوكي والبيست فريند بتاعك؟
هناء بابتسامه عارفه علاقتكم عامله ازاي طبعا هو انتي لسه هتقوليلي
نيره بحب بس فاهو انا شيفاه اخ وصاحب جداا وبحكيله عن الناس اللي بعجب بيها او بحبهاا بكل اريحيه فكريم كل حاجه في حياتي الا ان يكوون حبيب وحقيقي كل امنيتي اني اشوفه اجمل عريس مع اللي يختارها واشيل عياله
هناء بحب يارب اللهم امين انا عارفه ده طبعا يهبله ده احنا الاربعه بنقعد بـ البچايم قدامه ولما تتحجبي مش هتتخبي منه بردو لاننا اتربينا وسط بعض اننا اخوات واللي هيطلبك هيطلبك منه هو بس انا من كتر ما بحبك عايزاكي جنبي علطول
نيره خدت كاش نص كم ولبعد الركبه وتابعت بضحك متقلقيش انا شارطه اني مش هبعد عنكم وهسكن جنبكم كده كده وباست خدها
فهناء بصتلها بحب وحضنتها وتابعت بوجع نيره
نيره حست انها زعلانه فرفعت وشها ليها وتابعت بشك مالك يابت في ايه
هناء بوجع البسي وبعدين نتكلم علشان متتعبيش زياده
نيره بقلق حاضر جيالك ودخلت الحمام لبست الكاش مايوه وخرجت وهي سايبه شعرها مبلول وتابعت بقلق ها مالك في ايه
هناء بدموع انا شوفت نادر انهارده
نيره بصدمه نعم شوفتيه فين دده ؟!
هناء بدموع جالي الكافيه اللي متعوده اروح فيه وطلع كان بقاله كتير بيجي وبيستنى انزل
نيره بحده وليه كل ده مش ربنا مأرادش بيرجع يقلب في الماضي لييه
هناء بدموع بيقولي انه عرف ان يارا كداابه وبعتلي المسدج دي من خط جديد
فنيره مسكت الفون قريتها وخبطت بايديها على بوقها وتابعت يمصيبتي ده شكله هيعند وناوي يلزقلك لحد ماتوافقي وكريم لو شم خبر ليدفنك انتي وهو
هناء بدموع وخوف انا عملتله بلوك والله وهزقته وضربته بالقلم كمان قوليلي اعمل ايه ينيره انا خايفه
نيره برفعه حاجب الاول يقلب اختك انتي عايزه الواد ده؟
هناء بوجع نعم؟
نيره مسكت دراعها وتابعت بحده بقولك عايزه الواد ده ماتخلصي
هناء بوجع يمكن قلبي لسه مقتنعش انه مش لياا بس عقلي متاكد انه مينفعنيش وانا ماشيه ورا عقلي يا نيره متقلقيش
نيره تنهدت بارتياح وتابعت ايوه كده صاحب العقل مريح ياختي مينفعش الواد ابن الكلب ده يطول نظره منك تاني اصلا خلاص خلصنا على كده كفايه سيرتك اللي بقيت على كل لسان بسببه
هناء بدموع ووجع طب والعمل؟
نيره بتنهيده لو كلمك تاني مترديش ولما ترجعي اتصلي بيه قدامي وانا هتصرف ولو قابلك في حته رني علياا هجيلك انا كده كده هنزل الجامعه بكره
هناء بدموع تمام ماشي ربنا يديمك ليا ينيره بجد
نيره بحب بس يهبله بقى متقوليش كده وخدتها في حضنها وفضلت تطبطب عليها وهناء فضلت تعيط فتابعت نيره بوجع وهي بتطبطب عليها هتنسي والله هتنسي وهتقولي نيره قالت وربنا هيعوضك عوض كبير اوي عوض عمرك ماكنتي تحلمي بيه
هناء بدموع انا راضيه والله وعارفه ربنا هيراضيني
نيره ابتسمت بوجع وتابعت وعلشان راضيه هيراضيكي باكتر ما تتمني
ولقيوا الباب بيخبط ولميا دخلت وتابعت بقلق ايه ده في ايه بتعيطي ليه يهناء
هناء بتوتر لا ولا حاجه انا اتخانقت مع رنا وحكيت لنيره ونيره غلطتتي فصعب عليا نفسي اني زعلتها بس
لميا بحب ياروحي ابقى صالحيها بكره رنا كويسه وبتحبك
هناء بابتسامه اه اكيد هعمل كده
نيره بحب طب اغسلي وشك حلو بقى ويلا نطلع علشان المفتش كرمبو لو شاف عينيكي وخدودك حُمر كده هيبهدلنا كلنا
فهناء ضحكت من بين دموعها وتابعت حاضر
نيره بحب يلا تعالي ورانا يعمري وبصت لـ لميا وتابعت بضحك جايه تاخدينا صح
لميا بضحك اه انتوا باردين اوي بجد
فنيره ضحكت وخرجوا كانوا مشغلين مسلسل ومركزين فيه وكريم بيدخن فلما شافتها ابتسام تابعت بضحك صلاه النبي احسن المزه دي هي اللي تعبانه ده انا اللي تعبانه
فنيره فضلت تضحك وتابعت طب والله العظيم يخالتي تعبانه بس خدت الحقنه كريم الله يباركله بصراحه اجبرني وخدت شاور فحاسه اني فوقت شويه
كريم بحب ايوه جدعه كده فوقي لنفسك علشان مذاكرتك
نيره بحب حاضر والله
وخرجت هناء وقعدوا كلهم فتابعت ابتسام بضحك هو احنا ياختي هنخلص منهم امتى هيفضلوا قاعدين اربعه على قلبنا كده
لميا بضحك الله واشمعنا محسبتيش كريم
هاله بضحك كريم ده اخف واحد على القلب فيكم وكمان مش هيمشي ويسيب البيت شقته موجوده انتوا اللي هتغوروا
كلهم فضلوا يضحكوا فتابع كريم بضحك والله انتوا حبايب قلبي من جوه
نيره بضحك اخلع يا كريم اسمع من اختك بلاش جو بيت العيله ده ده انت هيتفشكلك 100 جوازه بسبب ان البنات مبتحبش الجو ده دلوقتي
حبيبه بضحك مين قالك كده على فكره ينيرو لو الواحده بتحب واحد وعايزاه فعلا مش هيفرق معاها الكلام ده
كريم نفخ دخان السجاره وبص لحبيبه وتابع وانتي بقى عرفتي منين ان اللي بتحب مستعده تضحي التضحيه دي يحبيبت قلب اخوكي جربتي؟
حبيبه اتوترت اوي من نظراته وتابعت لا مش كده طبعاا بس انت عارف اني بقرا روايات وبتثقف وبعدين ما انا فاهمه يعني ايه حب مش لازم اكون جربته يعني
كريم اممم قولتيلي وودى وشه الناحيه التانيه ونفخ دخان السجاره
هااله بتنهيده هي راضيه تفرح قلبي بيها طب ده والله العظيم الواد عماد ابن اخت طنط سناء هيموت عليها
فحبيبه نفخت بضيق فاكملت هاله والوليه بقالها شهر تكلمني وانا بطفشها علشان عارفه قله الذوق بتاعه بنتي فمش عايزه ازعل الوليه علشان كويسه معايا وده ابن اختها بردو وهتزعل لزعله فجات النهارده لما عزمتني على فرح ابراهيم ابنها قالتلي شوري حبيبه وهو هيبقى موجود في الفرح يمكن قلبها يحن وخير البر عاجله نيجي علطول
ابتسام بفرح طب حلو ده عماد دكتور صيدلي قد الدنيا
حبيبه قامت وقفت وتابعت بحده ييوه بقى هو انتي مش هتبطلي كلام في الموضوع ده يستي لو لقمتي في البيت مضايقاكي فعايزة تخلصي مني اشوفلي شغلانه ولا اسيبلك البيت خالص
فكريم بصلها بحده وهو ساكت فحبيبه اتوترت من نظرته وبلعت ريقها وتابعت بتوتر كريم انا اسفه مقصدش اعلى صوتي وانت قاعد يحبيبي و
كريم بمقاطعه وبحده ليه هو انتي اصلاا عملتي احترام ان كريم قااعد؟
حبيبه بدموع ما يكريم انت مش ساامع كلامها طيب
هاله بعصبيه ليه قولت ايه يبنت الجزمه يحيوانه كل ده علشان عايزه افرح بيكي واشوفك عروسه تقوليلي ان لقمتك مضايقاني ده كلام؟! ثم ان اللي فاتح البيت ده ربنا يديه الصحه ويطول في عمره ويحفظه ويحميه اخوكي مش انا .. انا مبدفعش جنيه فمالوش لازمه الكلام الزباله ده ولا تشتغلي ولا متشتغليش ياختي
حبيبه بعياط شايف يا كريم علشان اقولك ان
كريم بمقاطعه وعصبيه تقولي ايه؟ تقولي اييه هاا؟ ما امك كل كلامها صح واحده عايزه تفرح ببنتها وتشوفها عروسه ايه غلطها ليه تهبي فيها الهبه دي وتقولي كلامك الزباله ده ولقمه ايه وقرف ايه اللي بتتكلمي فيه هو انا عاوزك حاجه ولا نقصتك حاجه علشان كلامك دده
حبيبه بعياط يحبيبي والله مش عليك بس انت قولتلي انها مش هتفتح موضوع العريس ده تاني فاليه طيب الكلام اللي يحرق الدم ده
كريم بعصبيه انا فاهم امك بتفتح الموضوع ليه ومش شايفها غلطانه خالص وانا قولتلك مش هتفتح فعلا معاكي الكلام ده بس على هااني لانك رفضتيه وبردو مش هتاخدي حد مش عايزاه مهما حصل وغصب عن اي حد كلامي انا اللي هيمشي مع احترامي ليكي يخالتي
هاله بتنهيده لا ياابني كلامك صح الشوره شورتك بردو هي ليها حد غيرك
كريم بحده بس اهو اديكي سمعتي فمالوش لازمه العبط اللي بتقوليه ده احنا مقولناش هنكتب كتابك بالعافيه فالموضوع كله عرض وطلب قالت عماد عايزك وانا شايفه شاب كويس ودكتور بس لو مش عايزاه يغور في دااهيه انا عمري ماهجبرك ومفيش حد اتخلق يقدر يجبرك على حاجه
حبيبه بدموع تمام مش عايزه عماد
كريم رفع ايديه بهدوء وبدا يعد عليها وتابع مش عايزه هاني ومش عايزه عماد ومش عايزه مدحت ومش عايزة رؤوف وعصام واسر وباسم ومحمود وجاسر وحسن فاتعصب وتابع 10 عديتهم على ايدي وكل واحد فيهم مفيهوش حااجه تعيييبه قوليلي انتي بترفضي من مجررد الاسم ازااي؟ ومن غير ماتشوفيهم؟ ماهو كده مالهاش حل غير ان في حد شااغلك وبتحبيه
حبيبه بخوف وعياط لا مفيش حد طبعاا بس انا رافضه الجواز عامه دلوقتي ومش فاهمه ماما مصممه تجوزني انا ونيره وكل ما يجي عريس تزن علينا ليه
كريم بعصبيه علشان مالكوش غيرها عايزه تطمن عليكم ونفسي تريحوهاا بقى مش كدده
حبيبه بعياط وانا قولت مش عايزه يكريم ومش رايحه افرااح هاا ودخلت اوضتها وقفلت الباب فكريم نفخ بعصبيه وداس بالسجاره في الطافيه طفاهاا بعصبيه
فتابعت نيره بتوتر حقك علياا اهدى حبيبه صغيره ومش فاهمه ان ماما خايفه علينا
كريم بحده حبيبه اكتر واحده تعبتني ينيره حقيقي مش شايل هم حد قدها
فقامت هاله وتابعت بتنهيده تعالى يكريم عايزاك في كلمتين
كريم بتنهيده خير يخالتي
هاله بتنهيده تعالى في البلكونه فكريم تنهد بعمق وقام دخل ورا هاله وتابع بتنهيده سامعك
هاله بوجع ودموع انا خبيت كتير بس حبيبه زودتها اوي
كريم اتخض وتابع بخوف ايه في ايه مالها حبيبه خبيتي ايه مش فاهم ؟ حد عملها حاجه ولا ايه؟ ردي عليا ابوس ايديك
هاله بعياط لا يحبيبي متقلقش دي تربيه ايدك وكبرت قدام عينيك وانت عارف ان مفيش راجل يقدر ياخد منها كلمه مش يقربلها بس الموضوع مش كده خالص
كريم تنهد بارتياح وتابع يخالتي وقعتي قلبي حرام عليكي طب ايه في ايه
هاله اترددت وخافت بس تابعت بعياط حبيبه بتحب ابن عمك من صغرها يكريم ومش شايفه راجل غيره وموقفه حياتها بسببه
كريم حس انه مش مستوعب فبصلها بذهول وتابع ابن عمي ميين ؟!انتي بتقولي ايه؟! واتوتر وتابع خالتي الله يرضى عنك وضحي كلامك واتكلمي دوغري علشان خاطر اللي في دماغي ده لو صح دي تبقى مصيبه ابن عمي مين بالظبط؟ عمي اللي في المانيا وابنه سراج؟
هاله بعياط لا يكريم ابن عمك اللي بنتي لابسه اسمه على صدرها في الرايحه والجايه وبتحجج اكمنه اسم ابوها
كريم اتصدم بشده وتابع بحده نعمم !حبيبه بتحب علييي !
الفصل الثامن
هاله بعياط لا يكريم ابن عمك اللي بنتي لابسه اسمه على صدرها في الرايحه والجايه وبتحجج اكمنه اسم ابوها
كريم اتصدم بشده وتابع بحده نعمم !!! حبيبه بتحب علييي !!!
هاله بعياط ايوه يكريم وانا سكت كتيير ياابني علشان مش عارفه اقولك ايه بس خلاص تعبت وجبت اخري والبت معلقه نفسها بحبال داايبه
كريم اتصدم وقلبه وجعه اوي على حبيبه وتابع وازااي معرفش حاجه زي كدده ازاي محدش يقوليي السنين دي كلهاا مش فااهم
هاله بعياط يحبيبي كنا هنقولك ايه قولنا عيله ومراهقه ومسيرها تنسى بس هي اتعلقت بيه بجد ولما كبروا هو شاف نصيبه وهي بتموت كل يوم بالحيااا وصعبانه علياا يقلب امهاا
كريم بذهول علي عمرره ماكان هيبص لحبيبه علشان تخصنيي ده بيشوفها في الشارع بيحط عينيه في الااارض وبيعتبر اخواتي اخواته ازااي ده يحصل مش فااهم ومشي ايديه في شعره بذهول وتابع بصدمه اقسم بالله ما فااهم حاجه .. حبيبه وعلي !! طب ازاااي وضرب ايديه على سور البلكونه وتابع بحده ازااي همووت وافهمم وانتي يخاالتي جااايه تقوليلي دلوقتي بعد ماخطب بسنتين وسايبه البت دايبه فيه وقلبها بيتقهر سنتين بحاالهم
هاله بعياط والله يكريم اديتها كلام زي السم ومش بنسكت انا ونيره علطول بنقولها انها غلط بس هي مش قادره تنساه
كريم بعصبيه طريقتكم غللط انتي بتقولي حبيته عمرهاا كله هتيجوا انتوا بالقسوه تخلوهاا تنساااه !!! مش منطقي نهاائي وحط ايديه على جبينه بذهول وتابع سبيني لوحدي يخالتي الله يرضى عنك
هاله بعياط حقك عليا يحبيبي بس محبتش اعرفك خوفت من رده فعلك لتمسكها تبهدلهااا وتقفلها على الواحده ماهي بنتي ويصعب علياا نعذب قلبها بردو
كريم الدموع اتجمعت في عينيه وتنهد بعمق وبص للشارع بشرود وتابع وانا من امتى قسيت عليهم علشان اقسى دلوقتي ؟!! هو انتي فكرك لما بزعق وبمسك دي من شعرها وبضرب دي قلم ببقى قاسي عليهم ؟!! ده انا بحميهم من دماغهم وبخاف عليهم اكتر من نفسي بس مش في موقف حبيبه ابداا حبيبه عايزه حضن عمرها القسوه ما هتساعدها تنسااه
هاله بدموع ووجع وانا علشان كده قولتلك اديك عرفت كل حاجه وسبب رفضها للعرسان ايه اتصرف انت يكريم وبسرعه لانك اكتر واحد عاارف انا خايفه من ايه
كريم تنهد بوجع وتابع عاارف ومتقلقيش وطبطب على كتفها وتابع انا هتصرف متشيليش همها بس متعرفيهاش اني عرفت
هاله بدموع واستغراب ليه مش هتدخل تعقلها يكريم وتفهمها انها غلط؟
كريم تنهد بعمق وتابع لا مش هعمل كدده وبص لهاله وتابع حبيبه عاايشه خايفه اعرف حبها لعلي وشكي فيها بيوترها وبيخليها مش قادره تقف على رجليها وانا مقتنع فعلا ان اللي هي فيه دلوقتي ده مش عايز قسوه فالو قولتلها اني عرفت خلاص وشافتني حنين عليها وعديت الموضوع ومحصلش زي ماهي متخيله هتتمادى في حبهاا لعلي من غير خوف مني علشان االلي خايفه منه خلاص محصلش .. فا لا خليهاا زي ماهي خايفه اني اعرف وانا بطريقتي هخليها تبطل تحبه وتبعد عنه علشان هتخاف اعرف حاجه
هاله ابتسمت بدموع وتابعت انت صح يا ابني واديني عرفتك وانت اخوها الكبير واتصرف
كريم بوجع حاضر سبيني لوحدي شويه بس وانا خمسه وهدخلها
هاله طبطبت على كتفه وتابعت بدموع ماشي يحبيبي وخرجت
فكريم ولع سجاره ونفخ دخانها وهو سرحان وتابع بوجع في سره: حتى انتي معرفتش احافظ على قلبك .. حرمتك من ايه يا نن عيني شوفتيه فعلي وحبيتيه .. هقول لابويا ايه لما اقف قدامه .. نيره حبت كلب استغلها علشان صاحبتها بعلم مني وحبيبه حبت سيد الرجال واخويا وسندي بس قلبه مع غيرها !! هي دي الامانه اللي ابوك سبهالك يكريم .. معرفتش تحتويهم زياده وتشبعهم حب ؟؟ يمكن مكنوش حبوا خالص واستنوا ابن الحلال اللي يصونهم وبص للسما وهمس مين غلطان يااارب .. انا اللي قصرت ولا ده حال الدنيا والدموع اتجمعت في عينيه وتابع نار جوايا وانا متخيل الالم اللي عيشتي فيه يا نن عيني .. من يوم ولادتك وانتي حظك قليل في الدنيا يحبيبه بس متوقعتش تعيشي القهر ده كله وتسكتي كده .. حقك على قلبي ياريتني اقدر اقولك انك تستاهلي احسن من علي كمان وحد ميشوفش بنات في الدنيا غيرك بس معلش هسكت لاجل مصلحتك وبردو هفضل جنبك ورمي السجاره على الارض وداس عليها وخرج كانت نيره بس اللي في الصالون واخواته وامه طلعوا فبص عليها لقاها نايمه ورجليها اغلابها باين من الكاش فتنهد وبص للارض وراح شالها بين ايديه ومشي بيها في الطرقه وزق باب اوضتها برجله ودخل حطها في سريرها وحط ايديه على جبينها لقاها دافيه بسيط فابتسم وهمس سلامتك يعمري ومسك المفرش غطاها علشان تعرق اكتر وباس جبينها بعمق وطلع وقفل الباب ومرر ايديه في شعره ونفخ بضيق وراح اوضه حبيبه وخبط فتابعت حبيبه بعياط مش عاايزه اكلم حد
كريم بتنهيده ده انا يا بيبه
فحبيبه مسحت دموعها على قد ماتقدر وسكتت فكريم فتح الباب وبصلها مش بنظره شفقه لا بنظره اب مجروح لبنته وصعبت عليه اوي واتمنى لو يقدر ياخد وجعها منها ويعيش هو متألم بدالها في سنها الصغير ده ومتعذبه كده
وقطع تفكيره المهلك للنفس صوت حبيبه فتابعت بدموع نعم خير في ايه
فدخل وقفل الباب وتنهد بعمق وتابع ده اسلوب تكلمي بيه اخوكي الكبير؟
حبيبه بدموع تمام انا اسفه ممكن تسبني لوحدي شويه يكريم ورحمه ابوك وابوياا ابوس ايديك انا مش طايقه نفسي وفضلت تعيط
فتابع كريم بوجع هسالك سؤال بس علشان حقيقي هفضل تعبان وبالي مش هيرتاح لو مجاوبتنيش
حبيبه بتوتر ودموع اسال طبعا
كريم تنهد بعمق وتابع بوجع انا عمري نقصتك حاجه يحبيبه ؟؟ سواء كلمه حلوه ولا اهتمام ولا حب ولا حنيه ؟؟
حبيبه بعياط لا والمصحف ماحصل وطول عمرك مشبعنا اهتمام وحنيه هو انا ليا غيرك يكريم
فكريم الدموع اتجمعت في عينيه وفتح ايديه وتابع طب تعالي
حبيبه بصتله بتردد وخوف ودموعها بتنزل
فابتسم كريم وتابع تعالي يابنت الجزمه في حضن اخوكي والله ما هعملك حاجه
فحبيبه ماصدقت وحضنته ودفنت وشها في صدره وفضلت تفتكر كم الالم اللي عاشته ومرت بيه وعياطها وشهقاتها تزيد وهو بيضمها لحضنه اكتر وبيطبطب عليها وتابع حقك على عيني والله وباس راسها بعمق وهي بتعيط بشده وفضل يمشي ايديه على ضهرها طالع نازل بسرعه
فتابعت حبيبه بعياط وشهقات: لو ما ما مش مست حمله وجو دي اباات عندكم بس انا وعيطت اكتر وتابعت انا تعبت اوي يكريم بجد
كريم بوجع ينورعين كريم اهدي يحبيبتي اهدي وهنتكلم سوا وهفهمك والله ومسح دموعها وباس جبينها بعمق وابتسم وتابع سبتك تعيطي شويه بس والله العظيم قلبي واجعني عليكي فاهدي كده واغسلي وشك وروحي البسي الاسدال وتعاالي نقعد في بلكونه اوضتك عايزك شويه
حبيبه بدموع ووجع حاضر
فكريم ابتسم وتابع يخرابي عليكي وانتي بتقولي حاضر سكر وربنا وانا هروح اعملنا اتنين شاي وليكي انتي بلبن ابسطي ياستي
حبيبه ضحكت من بين دموعها وتابعت ربنا يديمك لينا يارب ينورعيني
فكريم حط ايديه ورا راسها وقربها منه وباس جبينها وتابع ويديمك ليا يقلب اخوكي يلا دقيقه وجايلك اغسلي وشك بس
حبيبه ابتسمت وتابعت حاضر ودخلت بالفعل غسلت وشها وبصت لنفسها في المرايه وعينيها الحمرا ووشها البهتان حزنت على نفسها اوي وخرجت من الحمام ونشفت وشها كويس ولبست الاسدال ودخلت البلكونه اوضتها وقبل اخرها بشويه كان في كرسيين وترابيزه صغيره فراحت شدت واحد وقعدت فيه واستنت كريم ومسكت الفون شويه وفتحت فيسبوك لقيت رفيده منزله صوره ليها هي وعلي وكاتبه عليها (( منذُ أن التقينا نبَّهني قلبي ليس لهذه الملامح أن تكون عابرة♥️ )) فابتسمت بوجع وتنهدت وهي حاسه بمراره في زورها وتابعت بصوت مسموع نسبيا : عندك حق والله يبختك بيه وبملامحه ربنا يسعدكم وقلبها وجعها من الكلمه وتابعت بدموع عمري ماهكون وحشه واتمنى يسيبك وانتي بنت زيي الفكره انه اه مش بايدي وبتالم بس اني اتعود على انه مش من حقي اسهل بكتير من اني اتمنى بنت تانيه تتكسر علشان انا اتجوزه .. لا انا مش وحشه كده وعملتلهم لاف على صورتهم وفضلت بصالها بقهر وهي شايفه ايد رفيده في ايديه وباصين لبعض وبيضحكوا ودخلت على الكومنتات وشافت تعليقات كتير جداا وكلها بتقول ربنا يخليكم لبعض .. وعقبال صوره فرحكم وحاجات كتير يمكن كانت بتقهرها بس فضلت تقرا علشان تقنع نفسها ان ده واقع ولقيت كريم دخل بالصنيه فقفلت الفون واتعدلت في قاعدته وهو لاحظ توترها بس مرضيش يسالها وقعد وحط الصنيه وتابع بابتسامه ها اتاخرت عليكي ؟
حبيبه بحب لا خالص وتسلم ايديك يحبيبي تعبتك
كريم بحب يسلام ده انتي تعبك راحه يا حبوبتي
حبيبه بضحك عيونها والله ومسكت الكوبايه وشربت منها وتابعت اممم تحفه بجد
كريم بحب الف هنا وتنهد وتابع المهم
حبيبه بتنهيده سمعاك يكريم
كريم بتنهيده انا مقعدك دلوقتي علشان حاجه واحده بس عايزك تفهميها لانك زودتيها كتير في الموضوع ده بجد
حبيبه بتنهيده لو على ماما فمش وقته الكلام ده
كريم لا وقته اومال هنتكلم امتى مثلااا؟؟ وهتفضلي لحد امتى حاطه في دماغك انها مش بتحبك وعايزه تمشيكي من البيت
حبيبه بدموع مش يمكن لان ده اللي بيحصل
كريم لا يحبيبه مفيش ام في الدنيا كلهاا هتكره بنتها ولا وجودها في البيت بس يحبيبتي افهميني امك بتكبر وهي عارفه ومتاكده ان اهل ابوكي الله يرحمه ناس زباله وقاعدين في قناا محدش فكر يشوفكم كل السنيين دي فاصبح مالكوش غيري وخالك لما بيجي زيارات هي بعد الشر عنها ربنا يديها عمر طويل بس خايفه يحصلها حاجه قبل ما تفرح بيكم خصوصا انتي رفضتي كتير جدا ومن غير سبب واضح
حبيبه بوجع بس بردو الجواز مش بالعافيه ده قبول
كريم بتنهيده وانتي عرفتي منين ان مفيش قبول من قبل ماتقعدي معاهم يحبيبه؟
حبيبه تنهدت بوجع وتابعت كريم سيبك من جو ماما خايفه يحصلها حاجه ده انا عارفه هي بتعمل كده ليه
كريم بتنهيده ليه طيب؟
حبيبه تنهدت بوجع والدموع اتجمعت في عينيها وتابعت هقولك بس جاوبني بصراحه ورحمه ابوك
كريم بحب اكيد هجاوبك بصراحه انتي عارفاني مش بتاع مجاملات اصلا
حبيبه دموعها نزلت بحزن وتابعت هو انا حلوه ؟ يعني شكلي حلو؟ ملامحي تجذب؟
كريم فهم سؤالها واتوجع جدا لتفكيرها وتابع وانتي مين قالك غير كده؟
حبيبه بوجع محدش قال بس بيبان
كريم برفعه حاجب بيبان نيابه عن ايه اما انتي كلك على بعضك 20 سنه واتقدملك 10 عرسان ايه كل دول مخلوكيش تحسي انك فعلا جميله؟
حبيبه بدموع كريم مش مهم العرسان ولا عددها المهم مين الناس اللي بتتقدم دي
كريم بتنهيده فاهمك بس بردو دي ناس رتب انتي اللي مش مديه نفسك فرصه وعلى العموم تعالي هجاوبك وهخليكي تردي على نفسك ومسك ايديها ودخلو اوضتها وقفها قدام المرايا وتابع شايفه ايه؟
حبيبه بوجع مش شايفه حاجه والله العظيم ما شايفه حاجه
كريم ابتسم وتابع طب انا كشاب هقولك شايف ايه بس متفهميش غلط نيتي سالكه والله
حبيبه ابتسمت من بين دموعها وحطت واحده من ايديه على خده وتابعت يا كيمو انا اتغطى فيك لو اتعريت مش انت اللي تبص علياا قول وانا عارفه نيتك طبعاا احنا الاخوه اللي بينا عدت رابط الدم بكتير
فكريم ابتسم بحب ومسك ايديها باسها بعمق وتابع بصي بقي ولفها وقفت قدام المرايه وهو وراها وتابع بحب مبدائيا بنسبالنا احنا كشباب جسمك مناسب ولا انتي رفيعه زي عود القصب ولا تخينه انتي عودك مظبوط الله واكبر
فحبيبه فضلت تضحك ووشها احمر وتابعت اه عارفه دي طنط رانيا قالتلي كده كتير بردو بتقولي انتي بطايه ودي سلمى وهناء لدكتورك لو بتابعي مع حد معين قولتلها لا مش بتابع
كريم بضحك احنا بالصلاه على النبي ربااني ياباشااا
حبيبه ضحكت وتابعت اممم وبعدين
كريم بحب عيونك بسم الله ما شاء الله الله واكبر حلوين حلاوه ومرسومين رسمه ولا عيون الغزاله وضحك وتابع وشفايفك كمان مكتنزه كده فيلر طبيعي يناس
فحبيبه فضلت تضحك بشده فتابع كريم بحب وملامحك قمر وبريئه وشعرك طويل اوي ودي بنسبالنا التووب بقى فاقسم بالله العظيم يابت يحبيبه مفكيش غلطه سبحان الخاالق
فحبيبه دموعها نزلت بحب ولفت حضنته وعيطت بصمت وهو ضمها لحضنه اكتر وباس راسها بعمق وتابع بس يعمري اهدي
فحبيبه بصتله بحب وتابعت بدموع بعشقك بجد
كريم بضحك وانا بموت فيكي والله تعالي بقى اشربي الشاي وقوليلي حسيتي كده ليه
فحبيبه دخلت معاه البلكونه تاني وقعدوا وتنهدت بوجع وشربت الشاي وتابعت هقولك بس اوعدني انك متجبش سيره لحد ولا حتى امي
كريم شرب من الشاي وتابع عيب عليكي الكلام ده سرك في بير انتي عارفاني ماليش في لت في الحريم دده
حبيبه تنهدت بوجع وتابعت عارفه علشان كده هقولك واتوترت وقلبها دق بسرعه وتابعت بص يا كريم انا هقولك على حاجه عشان تفهم ماما ليه بتعمل معايا كده لان زي ما قولتلك مش عمرها هو السبب بس مش عايزاك تضغط عليا اني اقول اي تفاصيل
كريم بتنهيده حاضر يا حبيبه قولي
حبيبه سابت الكوبايه على الترابيزه وفضلت تلعب في ايديها بتوتر وتابعت انا اه بحب واحد
كريم بتنهيده بتحبي واحد اه يعني كلامي صح
حبيبه بسرعه وتوتر لا لا والله اقسم بالله وغلاوتك عندي عمري ما كلمته يعني مش ارتباط ولا حتى يعرف اني بحبه
كريم بتنهيده اممم كملي يا حبيبه
فحبيبه بلعت ريقها بتوتر وتابعت كان معيد عندي في الجامعه يعني وانا حبيته لما دخلت الجامعه وكده ولسه قريب اتجوز فماما خلاص بقيت متاكده ان مفيش امل وبصت على بلكونه علي وسرحت وتابعت بدموع وان مستحيل يجمع بينا نصيب .. يعني بشوفه علطول بيبقى قدام عيني .. وقريبين اوي زي مثلا شهر ديسمبر ويناير في القرب ... بس بينا سنه بحالها ... والسنه دي هي البعد اللي بينا .. فبقى خلاص الموضوع مستحيل .. فهي نفسها ومنى عينيها انساه واحب تاني واتجوز وصعبانه عليها اوي اني قاعده مموته نفسي علشان واحد مش حاسس بيا وبصت لكريم وتابعت بعياط بس انا مش بايدي يكريم
فكريم تنهد بوجع ومسك ايديها حطها بين ايديه الاتنين وطبطب عليها ووطى باسها بعمق وبصلها وتابع انا مش هتعصب عليكي ولا هديكي علقه لانك صونتي تربيتي ليكي ومعملتيش حاجه غلط من ورايا والحب عمره ما كان جريمه وفعلا مش بايدينا لو بايدينا مش هنتعب بس دلوقتي تحديدا فهمت مشاعر امك يا حبيبه لانك بنتي وتربيتي واختي ويصعب عليا قهره قلبك دي على واحد ميستاهلش ربع حبك ليه
فحبيبه عيطت بوجع فتابع كريم بوجع عارف مش بايدك ومش سهله خالص وصعبه اوي بس حرام تفضلي تهري في قلبك ونفسك وبتضحي كل يوم بجزء من روحك وبتمشي مشاوير بمشاعرك علشان حد كسل يعديلك الشارع وراح اتجوز فانتي مش هلومك ولا هلومه هو كمان لان الحب مش بايدينا بس اقدر اقولك حاجه تريحك لو ليكي خير في حاجه كان ربنا ادهالك يا حبيبه ولو بينك وبينه السماء والارض وكان مكتوب ليكي كنتي هتاخديه غصب عن اي حد انما حبك ليه ما هو الا ابتلاء وربنا قاصد بيه حاجه هنعرفها بعدين ومش شرط ابدا يا حبيبه اللي نحبهم يكونوا لينا بس الاكيد ان اللي هنتجوزهم هما الاصلح والاختيار اللي من ايد ربنا فسلمي امرك لربك وقوليله اختارلي ولا تخيرني وربك عمره ما يستخسر فيكي حاجه بس احيانا بيستخسرك انتي في الحاجه ومش شرط يكون هو وحش بس ممكن يكون مناسب لمراته انما مش مناسب معاكي وده مش معناه انك وحشه ولا معناه ان مراته احلى منك لان انتي ممكن تشوفي رجاله كتير احلى منه فحاجات كتير بس انتي حبيتيه هو فهي مش بتتقاس كده بس انا عايزك تعرفي حاجه واحده النهارده وبالتدريج هتنسيه
فحبيبه عيطت وتابعت بوجع ايه هي
كريم ابتسم بحب وتابع انك غاليه اوي وكتير على اي حد وحلوه وتعجبي الباشا واذا كان هو راح اتجوز ومخدش باله منك ومن حلاوتك فده ربنا اللي غمض عينيه عنك مش انتي اللي وحشه فاياكي اسمعك تقولي كده تاني ولا ثقتك تتهز في نفسك وفعلا يا حبيبه هتتغيري لما تدركي قيمتك وانك فعلا كتير وتستحقي تتحبي وخدي وقتك وبراحتك في النسيان بس لو هتمشي براي كريم فوافقي شوفي عماد
حبيبه بدموع ووجع صدقني مش هقدر يمكن حاضر بالوقت هحاول اعمل ده لان مينفعش حياتي تقف بس مش عايزه دلوقتي
كريم قرب منها بالكرسي بتاعه واخدها في حضنه ومسح دموعها وتابع احيانا يا حبيبه لما بنشوف حد بيحبنا اوي وبيقدم علشانا كتير بنحبه غصب عننا واه طول الوقت هتقارني بينه وبين حبيبك ده بس لما تلاقي ان عماد بيقدم كتير علشانك وبيحبك وبيحاول يفرحك هتحبيه بالعافيه كده اصل التاني مقدمش حاجه خالص
حبيبه تنهدت بوجع شديد وتابعت هشوف يا كريم بس ده مش اساسي
كريم بحب وماله يا قلب كريم حاولي وانا معاكي
حبيبه بحب ودموع ربنا ميحرمنيش منك ابدا يا رب
ولقيوا علي خرج واقف في البلكونه وهو بيتكلم في الفون فلما شافهم ابتسم وشاور لهم
فكريم ابتسم وشاورله وتنهد بعمق وبص على حبيبه لقيها بتبصله بنظره مليانه خذلان ووجع كانها بتقول « مكنتش عايزه غيرك » فكريم قاطع سرحانها وتابع بحب يلا مش هتقومي تنامي علشان جامعتك (( وكان عايز يخليها تدخل علشان متضايقش اكتر لان علي بيكلم رفيده وده واضح من ابتسامته وصوته الواطي وان الوقت كمان 2:00 بالليل ))
فحبيبه بصت على علي بخذلان وابتسمت بوجع وتابعت لما نروح الفرح لو عماد كان كويس واستطلتفته هقولك تخليه يجي يتقدم يا كريم واللي فيه الخير يقدمه ربنا
كريم فاهم انها قالت كده لان طلوع علي وضحكته مع رفيده وجعت كبريائها فقررت تاخد خطوه في حياتها علشان تحس انها مرغوب فيها عادي فتابع بتنهيده مش عايزك تتسرعي يا قلب كريم هنشوفه يوم الفرح وبراحتك خالص
فحبيبه هزت راسها بوجع ودخلت اوضتها وكريم تنهد بوجع ومسك علبه السجاير حط واحده في بقه وولعها ونفخ بضيق شديد
ودقيقه وعلي خلص المكالمه وتابع احدف يالا عشان علبتي خلصت
فكريم فتح علبه السجاير بتاعته لقاها فيها اتنين فحدفها على بلكونه علي اللي قدامه وتابع ما تبطلوا شحاته بقى وتشتروا
علي وطى جابها وفتحها لقى فيها اتنين وتابع بضحك هجيب واحده وانا طالع من صلاه الفجر يا حيوان وهديك الاتنين بتوعك
كريم بضحك لا كفي نفسك يا معفن ونفخ دخان السيجاره وتابع الا انت ايه مصحيك دلوقتي حازم نزل متاخر ولا ايه
علي ولع السجاره وتابع لا نزل من بدري انا كنت نايم رفيده صحتني والله
كريم بحب امممم ربنا يسعدكم يا غالي
علي بحب حبيبي وابقى فكرني بكره عايزه اتكلم معاك في حاجه
علي بحب من عيني متنامش بقى لا تروح عليك نومه الفجر قرب
علي بضحك لا ظابط المنبه وقولت لرفيده تصحيني مش قادر يلا باي
كريم شاورله باي وتنهد بعمق ولقي فونه بيرن فنفخ دخان السجاره ورد وتابع ايه يا نادين معاكي يحبيبتي .. طب انا عند حبيبه يا نادين هطلع الاوضه بتاعتي واكلمك باي وقفل الفون ودخل من البلكونه لقى حبيبه نايمه ودموعها على خدها فتنهد بحزن ووجع وراح مسح دموعها و غمض عينيه وباس راسها بعمق وتابع ربنا يطبطب على قلبك يفرحني بيكي يا نور عيني
وطفى الانوار وقفل البلكونه وخرج وقفل الباب عليها
-----
عند لميا في اوضتها كانت قاعده على السرير بتكلم زين
لميا بضحك لا ياراجل انا كده اتثبت يعني؟
زين بضحك طب اقسم بالله بتكلم معاكي بجد
لميا برفعه حاجب اممم وبالنسبه لدعاء اللي كنت عمال تهزر معاها الصبح دي
زين بضحك يبنتي يحبيبتي انا شغال في الجريده دي وطبيعي بتعامل مع ناس كتير سواء بنات او رجاله انما مش معنى كده كل بنت بقف معاها معجب بيها يعني
لميا : لالا هو مش اعجاب بس فراغه عين
زين بضحك يبنتي انا مش عايزه انكد عليكي اقسم بالله
لميا لا ده اللي ناقص والله نكد عليا
زين بضحك هي قربت عامه
لميا بتنهيده زين انا بحبك بجد ارجوك غير من نفسك
زين بتنهيده وانا والله بحبك وكل اللي في دماغك ده كلام فاضي
لميا غمضت عينيها بوجع وتابعت ياريت والله يكون كده علشان انا مش حمل وجع
زين بتنهيده ممكن تبطلي تشغلي مخك كتير؟
لميا بوجع كان نفسي مشغلش مخي خالص بس للاسف انت مش مساعدني وعلشان ضامن اني بحبك بتيجي عليا
زين بحده لميااا ليه محسساني انك ماسكه عليا سيديهاات بجدد؟
لميا تنهدت بوجع وتابعت لا مش ماسكه حاجه متقلقش بس بعرفك اللي جوايا وخلاص
زين تنهد بعمق وتابع ربنا يهديكي يابنتي
لميا هاديني على فكره انا بس بخاف اخسرك
زين بابتسامه ومش هتخسريني متقلقيش قاعد على قلبك
لميا بابتسامه تمام اما نشووف
زين بحب هتشوفي باذن الله و
ورايح يتكلم فتابع طب يا لولو بقولك هقفل معاكي واكلمك قبل ماتنامي تاني علشان نازل مع صحابي شويه على القهوه وبعدين هنصلي الفجر وشغالين رن علياا غعايز ارد عليهم
لميا بابتسامه تمام روح باي
زين بحب باي يقلبي
وقفلت معاه وتنهدت بعمق وهي بتفتكر كلام معاذ ومسكت فونها وبعتتله معاذ صاحي ؟
فدققتين ومعاذ رد عليها وبعت: اه يا لميا معاكي
فبعتت: انهارده في اي حاجه ولا ايه ؟
معاذ بعت: لالا اخر حاجه قولتلك عليها
لميا بعتت تمام تعبتك
معاذ بعت ولا تعب ولا حاجه انتي اختي بطلي هبل
فلميا تفاعلت برياكت وقفلت الفون ورمته جنبها ونامت وبصت للسقف ونفخت بضيق شديد
في اوضه هناء
كانت نايمه وشافت كابوس ان يارا بتبصلها بغل وكره وبتحاول تخنقها وبتعايرها كانها كانت عامله مصيبه وكل الناس كانت بترمي عليها اتهامات باطله فصحيت مخضوضه جداا وشهقت وحطت ايديها على صدرها اللي بيعلو ويهبط بسرعه وتابعت اعوذ بالله من الشيطان الرجيم وخدت نفسها بسرعه وتابعت ايه ده في اييه ليه احلم بالزفته دي وعيطت وتابعت انا تعبت بقى والله تعبت وكرهت نظرات الناس ليا ومش عارفه اعيش حياتي حسبي يالله ونعم الوكيل فيكي يا يارا انتي واخوكي ربنا يوريني فيكم يوم وقامت دخلت الحمام غسلت وشها وخرجت وهي بتاخد نفسها ونشفت وشها وقعدت ومسكت الفون شويه ولقيت اول بوست على فيسبوك من جروب لعلم النفس
"" الشفاء النفسي يستغرق وقتاً وطلب المساعده خطوه شجاعه "" لماريسكا هارجيتاي
فتنهدت بعمق وتابعت شكلي هلجئ لكده والله انا حقيقي تعبت ومش عارفه اتخطى الاذي اللي اتعرضتله ولا اعيش طبيعي ودخلت على بيدج مركز للعلاج النفسي وخدت الرقم وبعتت لما لقيت ان في خدمه اسئله 24 ساعه
هناء: مساء الخير كنت عايزه احجز كشف يوم التلات بعد يومين هل متاح ؟
فدقيقه ورد عليها اه يا فندم متاح بالكشف ب 350 جنيه
فهناء بعتت : تمام احجزلي باسم هناء حاتم الجارحي
فالمركز بعت تمام هتنورينا يفندم
فهناء تفاعلت وسكتت وتابعت يارب ارجوك ساعدني اعرف اعيش حياتي بقى
وسمعت صوت علي المميز جدا فكل الاركان بيأذن للفجر: الله واكبرر .. الله واكبر
فالدموع اتجمعت في عينيها وهمست الله اكبر وقامت تتوضا علشان تصلي
فجات ابتسام وخبطت عليها فتابعت هناء بصوت مسموع بتوضى وجايه يا ماما
فتابعت ابتسام ماشي يا حبيبتي
------
وفي اوضه حبيبه كانت صحيت واتوضت وبتصلي
ورفعت ايديها وتابعت بدموع يارب ارجوك طبطب على قلبي وطلعني من التجربه دي على خير يارب انا مش وحشه ولا بتمنى لحد الشر .. ارجوك داوي قلبي وحدك عالم بنيتي ووحدك اللي حطيت حبه في قلبي فامسح حبه من قلبي وعوضني باللي يستاهلني ومتخلنيش احن مهما اشوفه ابداا يارب ارجوك وعيطت بانهيار وقلبها واجعها
-----
تاني يوم الصبح في بيت علي
الكل كان قاعد بيجهز علشان الفطار فتابعت رانيا: قومي يا اسراء صحي اخوكي يلا
اسراء بحب حاضر وقامت دخلت الاوضه لقيت تولين صاحيه وماسكه فون علي وبتتفرج على فيديوز وتابعت بصدمه يخربيتك مش تيته قالتلك خلي خالتو سلمى تلبسك يا تولين كل ده متحركتيش
تولين بصدمه نسيت والله حاضر هقوم دلوقتي
فاسراء هزت راسها بيأس ومشت ايديها على شعر علي وباست جبينه وتابعت بحب علووه حبيبي وهزته وتاابعت يعليي
علي فتح ببطئ وتابع ايه يا اسرااء في ايه
اسراء بحب قوم يقلب اسراء الاكل جهز
علي دعك في عينيه وتابع بتنهيده حاضر قايم هغسل وشي وجاي وبص لتولين اللي قاعده جنبه وباس خدها وتابع صباح الفل ينورعيني
تولين بحماس صباح الفل يا خالو
فعلي ضحك وتابع قلب خالو وبص لـ لبسها كويس وتابع باستغراب هو انتي مش صحيتيني من ساعه علشان افتحلك الفون وقولتلك البسي
فاسراء بصتلها فتابعت تولين بتوتر حاضر انا نسيت
فعلي باس راسها وتابع بحب طب قومي انجزي يلا وخد الفوطه وقام دخل الحمام
فتابعت تولين بتوتر هو ينفع اغيب انهارده يخالتو
اسراء شهقت وتابعت لا طبعا تغيبي ايه انتي عايزه خالو يضربنا
تولين بضيق يووه بقى ونزلت بالفون وراحت المطبخ كانت سلمى بتحضرلها اللانش بوكس فتابعت تولين : خالتو لوماا
سلمى بصت لتحت وتابعت بضحك عيون خالتو لوماا ايه يقلبي
تولين انتي عملتيلي سندوتشات ايه؟
سلمى بحب مربى ورومي وقطعتلك فاكهه زي ما مامي بتعملك
تولين بتوتر لوما ممكن اطلب منك طلب ؟
سلمى بضحك يسلاام ده عيون لوما تحت امرك
ووطت قدامها وتابعت قولي يعمري
تولين بتوتر ينفع تقولي لخالو مروحش الحضانه انهارده ؟
سلمى باستغراب ومش عايزة تروحي ليه
تولين بحزن كده علشان همشي وانا عايزه اقعد مع حبيبه شويه كمان
سلمى باست جبينها وتابعت بحب بصي يعمري حبيبه اي وقت موجوده ابقي تعالي اقعدي معاها انما مش هينفع نغيب من الحضانه مامي وبابي يخربوا الدنيا وكمان حبيبه رايحه معايا الجامعه دلوقتي
فتولين نفخت بضيق وطلعت للصالون وسلمى تنهدت وقامت تكمل تحضير اللانش بوكس
في الصالون كانوا كلهم قاعدين بيفطروا فتابع علي بذهول: ايه ده يا تولين هو انا مش قولتلك البسي !!
تولين بضيق انا مش عايزه اروح
علي ساب الاكل وبصلها وتابع برفعه حاجب نعم قولتي ايه؟
تولين بتوتر مش عايزة اروح انهارده خليني قاعده معاكم بليز
علي بحده طب روحي البسي يا تولين انا مش هقرر كلامي
تولين بحزن يخالو ارجوك انا مش عايزة اروح و
علي بمقاطعه وبحده انتي سمعتي انا قولت ايه ؟؟!! على جووه يلاا
فتولين عيطت ودخلت جري فطلعت سلمى وتابعت بحزن ليه كده يحبيبي حرام دي عيله
علي بحده تسمحي تسكتي خالص علشان امها مش بتغيبها يوم جايه تدلع هنااا فروحي لبسيها ومتدخليش
سلمى بتنيهده حاضر يحبيبي ودخلت تلبسها
اسراء مدت ايديها تجيب المايه وتابعت بضحك هي من الصبح حاطه في دماغها تغيب علشان كده مقالتش لسلمى تلبسها
علي اممم لا ماتولين انا هوديها متشغليش بالك بيها ايه بقى القرف اللي انتي حطاه في ايدك ده في عذر ولا حاجه؟
اسراء كانت هتشرق وهي بتشرب فنزلت الكوبايه وبصتله بتوتر وتابعت بحرج لا مفيش عذر ولا حاجه وبعدين قرف ايه يعلولي ده مناكير اسلامي وربنا
علي بحده اه يعني ايه مناكير اسلامي مش فاهم الازازه لابسه حجاب يعني ولا ايه
فرانيا فضلت تضحك فتابعت اسراء بتوتر لا طبعا بس اقصد انه بيتشاال في ثانيه فاهمني؟
علي بهدوء مخيف : اممم طب يلا شيليه في ثانيه علشان ثانيتين لو مكنش اتشال هشيل راسك من على جسمك استبينا ؟
اسراء بتوتر حاضر والله وبدات تشده وبتشيله فعلا بسرعه بعدين وريته ايديها وتابعت اهو بص مفيش حاجه خلاص
علي بصلها وتابع ميتحطش تاني يا اسراء وغمض عينيه بضيق وتابع علشان قسما بالله لو شوفته في ايدك تاني هدخل اكسرهوملك خالص
اسراء بتوتر وحياتك يحبيبي انا مش هطول انهارده في محاضراتي فكنت حطاه ولما اخلص كنت هشيله من نفسي انا حطيته علشان لايق على الهدوم وكده بس والله مش اكتر
علي بتنهيده انا قولت اللي عندي وخلاص عندك ايام معينه اتنيلي حطي براحتك يخش طول اليوم غير كده لو شوفت القرف ده في ايد واحده فيكم هزعلها
اسراء بتوتر حاضر والله خلاص
رانيا بضحك وهو ولا بيطيقه ولا بيطيق ريحته
علي بضحك اه وربنا انا اصلا شميته فعلشان كده بصيت على ايديها حقيقي مفيش بيني انا والقرف ده عماار
اسراء ليه وهي رفيده مش هتحط في البيت لما تتجوز ؟
علي ساب المعلقه وبصلها وتابع بردو بتقارني نفسك بيها وقولتلك ده ميحصلش علشان مزعلكيش بس هو عامه لا يا اسراء مش هيتحط وجوزها نفسه بيكره ريحته فهتحطه لمين ؟ فاتلمي وعدي اليوم ده على خير
رانيا بتوتر اتلكي واسكتي وكلي يابت
اسراء بتوتر حاضر وكملت تاكل
وثواني وخرجت سلمى وشايله تولين وتابعت بحب يلا اقعدي افطري علشان خالو يلحق يوديكي
تولين لا مش جعانه هاكل اللانش بوكس بتاعي في الحضانه
علي بتنهيده عملتيلها اللي قولتلك عليه؟
سلمى بحب اه يحبيبي متقلقش
علي بحب طب اظبطي خمارك علشان شعرك طالع ويلا علشان تاكلي وتلحقي محاضراتك
سلمى بحب حاضر يحبيبي
فعلي بص لتولين وتابع تعالي على رجلي وسيبي خالتو تاكل
سلمى بحب سيبها يحبيبي عادي
علي بحب لالا هاتيها انا يعتبر كلت خلاص وهنزل بيها كلي انتي
فتولين نزلت قعدت على رجل علي وهي مضايقه جداا وعلي واخد باله وكمل ياكل وهمس انا زعلان منك جدا على فكره
تولين بصتله بحزن وتابعت ليه
علي بهمس هقولك لما ننزل ودقيقتين وقام وتابع بحب يلا هاتي شنطتك هغسل ايدي وجايلك
سلمى بحب خد بالك مش عارفه اتلم عليك قولتلك عايزه اقعد معااك ها
علي بضحك يعمري بالليل لما ارجع تحت امرك
رانيا بستغراب ليه مش رايح لابو الغندوره انهارده ولا ايه
علي ملامحه اتغيرت للضيق وتابع لا منا كلمته امبارح بسرعه وشوفت عايز ايه
رانيا بتنهيده وكان عايز ايه ؟
علي بتنهيده بعدين ياما بعدين البت هتتاخر وراح يغسل ايديه فتنهدت رانيا بعمق وسكتت
وعلي خرج وراح شال تولين وتابع يلا عايزين حاجه
فرد الكل سلامتك يحبيبي فنزل وقفل الباب وهو شايل تولين بدراع وماسك شنطتها بالتاني فتابعت تولين بحزن زعلان مني ليه بقى
علي وهو نازل تابع بتنهيده علشان انا متعود انك شاطره الاقيكي انهارده تقولي مش عايزه اروح وتخليني ازعقلك طب من امتى واحنا بنغيب يعني ياتولين
تولين بتوتر بصراحه يا خالو
علي خرج من البيت ودخل السوبر ماركت وتابع بحب اه قولي الصراحه
تولين بتوتر لا انت هتزعقلي
علي بحب لا والله مش هزعقلك بس يلا بسرعه اختاري الحاجات الحلوه اللي هتاخديها
تولين بتوتر لالا مش عايزه خالص
علي بتنهيده تولين متزعلنيش منك يلا شوفي عايزه ايه انا مستأذن بابا
تولين بحرج لا مش عايزه حاجه صدقني
علي تنهد وتابع عنيده زيك زي امك يا تولين انا هجبلك خليكي هنا ونزلها وقفها في المحل وجبلها حاجات حلوه ودفع للراجل وحطهم في شنطتها
فتولين شهقت وتابعت يخرابي دول كتير
علي بحب لا والله ولا كتير ولا حاجه ده انتي نورعيني وباس خدهاا
فتابعت تولين بتوتر بس قول لماما علشان خاطري يا خالو علشان هتقولي مين جابلك لما اروح البيت
علي بحب متشغليش بالك باسيا انا بقولك قولت لسليم خلاص بطلي عبط بقى ووطى شالها وتابع قوليلي بقى في ايه كنتي عايزه تقوليه
تولين بتوتر بصراحه يخالو انا وحبيبه كتبنا كل الهوم وورك بس سبنا الماث لبعد شويه ونسينا خالص نكتبه وانا افتكرت لما صحيت
علي غمض عينيه وتنهد بعمق وتابع وعلشان كده قولتي مش عايزة تروحي خوفتي المس تزعقلك مش كده
تولين بدموع اه
علي بتنهيده طب وهو ينفع الكلام ده يا تولين يعني امنعك من حبيبه خالص علشان بتنسي نفسك ودراستك عندها ؟
تولين بسرعه وتوتر: لاالا خلاص انا اسفه والله مش هتقرر
علي تنهد ومسح على وشه بايديه وتابع طب والعمل ايه الحل دلوقتي ؟
تولين بحزن مش عارفه .. انا اسفه يخالو
علي مشي بيها لحد ماوصل لعربيه راكنه وقعدها عليها وتابع بتنهيده خلاص يحبيبتي محلصش حاجه وفتح شنطتها وتابع فين الهووم ورك بتاع الماث
تولين ثواني اجيبه ومسكت الكتاب وفضلت تقلب وجابت الصفح وتابعت بحزن اهو
علي بحب طب كويس اربعه بس مش كتير هنحلهم بسرعه متخافيش وباس راسها وتابع يلا هسالك وجاوبي
تولين حاضر ومسكت القلم وابتدت تكتب وعلي معاها
فـ عماد جارهم في الحي عدا فتابع بضحك اللي جابلك يخليلك يا عم علوه بس انا سمعت انك خاطب بس
فعلي بصله وتابع بضحك دي بنت اختي يحيوان انا لسه متنيلتش
فعماد فضل يضحك وتابع سكر والله وسلم عليه وتابع ايه اخبارك يغالي
علي سلم عليه وتابع الحمدلله يحبيبي وانت
عماد بابتسامه فل الفل مستنيك انت والجماعه بكره في فرح ابراهيم اعتقد الدعوه وصلتلكم
علي بحب وصلت وهنيجي طبعا يغالي متقلقش وعقبالك يارب
عماد ابتسم وتابع بالله يارب من كل قلبي
علي بص على تولين لقاها بتحل فبص تاني لعماد وتابع بضحك للدرجه دي ده انت واقع بقى
عماد بضحك هو انا مش عارف والله يا علوه ده حب ولا اعجاب جامد جدا بيها بس الاكيد اني بسعى لفرصه ويارب انولها
علي بابتسامه ربنا يجمعك بيها على خير يغالي
عماد بحب اللهم امين يارب انت تعرفها على فكره بنت خاله كريم ابن عمك
علي بتفاجئ لا يجددع وضحك وتابع وعلى كده عينك على مين فيهم؟
عماد بضحك الصغيره
علي بتفاجئ حبيبه !!
عماد بحب اه ايه رايك بالذمه
علي بحب ست البنات والله يا زين ما اختارت
تولين بحب مالها حبيبه
علي فضل يضحك وتابع دي صاحبتها وكده فلقطت الاسم وبتسال وبص لتولين وتابع بضحك ده عريس عايز خالتو حبيبه يا توتي
تولين بضيق يوووه بقى لا حبيبه مش هتوافق هي بتعيط لما ....
فعلي حط ايديه على بوق تولين بسرعه وضحك بتوتر وتابع يابنت الجزمه مش بنقول كده بردو عمو يزعل وبعدين ده مش هياخدها بعيد يا توتي بيت عماد قريب من هنا اخرسي يقلب خالك اخرسي
فعماد استغرب وتابع هي كانت عايزه تقول ايه مش فاهم
علي بحرج لا ولا حاجه بس هي حبيبه لما بيجي عريس ابن ناس وهيقعدها بعيد عن اهلها وكده بتعيط وترفض علشان عايزة تفضل جنب امها فاهي تولين فكرت كل عريس بالوضع ده وضحك وتابع انت عارف شروط البنات ودلعهم بقى يا عماد
عماد بضحك اه طبعا فاهم لا خير باذن الله مفيش قلق من الحته دي
علي بحب ربنا يختارلكم الصالح يحبيبي
عماد بحب يارب يغالي يلا باي هستناك
علي بحب باي وبص لتولين برفعه حاجب وتابع ينفعع كدده
تولين بضيق ماهو مش حلو ده لحبوبه وانا مش عايزاها كل شويه تعيط بقى
فعلي فضل يضحك بشده وتابع ايه مش عاجبك فيه علشان افهم بس ماله الراجل
تولين بضيق مش عاجبني وخلاص وهقولها تقول لا
علي بضحك اه منك انتي يسوسه عايزه تسخنيها وتنهد لما افتكر كلام حبيبه عن حبها لشخص متجوز وتابع على اساس هي ناقصها تسخين ربنا يريح بالها وانتي يلا نخلص بسرعه اتاخرنا
ولقي اسيا بترن عليه فكنسل وتابع اخلصي امك بترن ولو عرفت اللي احنا بنعمله دلوقتي ده هتموتك فمش هرد عليها غير لما اوصلك واقولها اني دخلتك يلا
تولين بخوف اه يلا بسرعه ورجعت تكتب الواجب وعلي بيساعدها وخلصوا وشال الحاجه بسرعه وبقى يمد جدا فانه يوصلها
وبالفعل بعد شويه كان وصلها في معادها ونزلها ووطى لمستواها وباس خدها وتابع باي يا نور عين خالو هتوحشيني اوي والله ابقي تعالي ها
فتولين حضنته وتابعت بحب وانت كمان هتوحشني خالص والله
فعلي باس خدها وتابع بحب يلا ادخلي علشان متتاخريش بقى
تولين بضحك باي وشكرا على الحاجات الحلوه
علي بضحك العفو يا نور عيني من غير شكر اصلا
تولين بضحك صح يخالو انا همشي ماما هتيجي تاخدني النهارده وهروح البيت متشيلش صورتي من التليفون عشان انا مشيت بقى ها
فعلي فضل يضحك بشده وتابع وغلاوتك عندي ابداا مقدرش اعمل كده عيب عليكي هتفضل موجوده والله
فتولين ضحكت وبعتتله بوسه في الهوا فعلي ضحك بشده وباسها في الهوا فضحكت ودخلت وهو ضحك على ضحكها وتابع مش معقوله بجد عيله مشكله ومشي وكلم اسيا طمنها عليها
-----
بعد شويه عند اسيا خرجت من الشاور وهي لابسه البورنص وبصت على سليم كان ناايم على بطنه وضهره متعري فسرحت شعرها وسابته مفروض وراها ولبست كاش مايوه ضيق حمالات قصير واسود وفيه قلوب حمرا وحطت ميكاب خفيف وراحت نامت جنبه وطبطبت على ضهره وتابعت سليم وابتسمت وتابعت يا سوولي
سليم بنوم اممم
فاسيا باست خده وتابعت قوم واخلص ياروحي خد شاورك لحد ما احضرلك الفطار
فسليم فتح عينيه ببطئ واتعدل قعد على السرير ورجع ضهره لورا ومسح بايديه على وشه وفتح وتابع بابتسامه طب بالله الواحد يجيله قلب ينزل الشغل ازاي بعد ما شاف القمر ده
فاسيا فضلت تضحك وتابعت صباح الخير يحبيبي
فسليم قرب باسها بحب وتابع صباح النور يقلب حبيبك ايه ملبستيش يعني انهارده
اسيا بحب لا منا قررت اني مش رايحه الشغل انهارده واتصلت اعتذرت من الصبح وقولت اعملك فطار بايدي اظبط الشقه لانها محتاجه تتروق وتيجي بالليل اكون فايقه بردو ومنامش زي كل يوم
فسليم ابتسم وتابع طب والله العظيم خير ما عملتي انتي روقي الشقه وصاحب الشقه وكده يبقى زي الفل وغمز بضحك
فاسيا فضلت تضحك وتابعت انا نفسي اربي صاحب الشقه مش اروقه
سليم بضحك لا مفيش منه الكلام ده
اسيا بضحك طب روح خد شاور لحد ما انا احضر الفطار علشان متتاخرش وبعدين نبقى نشوف الكلام ده
سليم بضحك وماله وقام وتابع توتي راحت الحضانه ؟
اسيا بحب اه علي وداها لسه قافله معاه من شويه
سليم بضحك والله علي ده جدع جمايله كترت كده
اسيا بضحك نبقى نردهالو بقى
سليم بضحك ده كده كده
ودخل ياخد شاور واسيا حضرت الفطار ورصته على السفره وخرج سليم بعد ما لبس قميص وبنطلون وتابع باعجاب يسلام على الروايح الحلوه على الصبح
اسيا بضحك الف هنا ياروحي
فسليم حط ايديه على وسطها وشدها ليه وباس رقبتها بحب وتابع بالله مش الاكل بس اللي ريحته حلوه وخطير
اسيا بضحك ااه طبعا ما انا عارفه بس مش وقته دلع
سليم بضحك على رايك والله
وقعد يفطر واسيا قعدت معاه فتابع تسلم ايديكي ينورعيني
اسيا بحب الف هنا على قلبك يحبيبي
فسليم بصلها وهو بياكل وتابع اسيا بالله عليكي اختصري امي علشان خاطري
اسيا تنهدت بعمق وتابعت تمام ماشي
سليم بحب وفكري في موضوع البيبي التاني
اسيا نفخت بضيق وتابعت هو انا قولتلك ايه في الموضوع ده يسليم ؟
سليم بحده يا بنتي مش بامرك ولا بقولك بالعافيه انا بقولك فكري
اسيا بحده انت عايزني احمل علشان تسد بوق امك بالواد يا سليم ؟؟؟ وافرض متنيلش جيه واد هترموني مثلا ؟؟؟
سليم بحده هو انتي اخترعتي سناريو وبتصدقيه ؟؟!! على اساس ان عمرنا ما هنخلف تاني يعني ؟؟!!
اسيا بحده لا طبعا هنخلف بس مش دلوقتي وانا قولتلك ليه
سليم بصلها بحده وتابع وانا مش هقرر كلامي تاني يا اسيا فوطي صوتك وفكري في الموضوع
فاسيا نفخت بضيق وسكتت فتابع سليم بحده كلي
اسيا بضيق هتنيل
------
في بيت هاله كان باب الشقه مفتوح وهي واقفه في المطبخ بتغسل المواعين بتاعت الفطار
فنزل كريم ودخل عندهم وتابع صباح الخير
فهاله سمعت صوته وتابعت من جوه: صباح النور يا نن عين خالتك تعالى
فكريم دخلها وبص حواليه وتابع بضحك ايه ده ياست الكل بتعمليهم بنفسك
هاله بتنهيده يعني مين هيعملي يا ابني هما فاضيين
كريم بضحك زي الجزم كل واحده تغسل كام طبق هيخلصوا هو انتي قادره تقفي
هاله بضحك ابقى حكم عليهم انت بقى بعد كده
كريم بضحك بس كده من عيوني
فجات نيره من وراه وتابعت بضحك مين اللي جزم يغالي بس علشان وانا معديه كده سمعت جمله معجبتنيش
فكريم لفلها كانت جهزت ولبست بنطلون جينز وبلوزه حمرا وسايبه شعرها وحاطه ميكاب خفيف بس الروج واضح فمسكها من قفاها وتابع بضحك انتي يابنت الجزمه هو انا هخاف منك ولا ايه
نيره بضحك لا طبعا يكبير محدش يقدر يتكلم
هاله بضحك تشكر يا ابن الجزمه
كريم فضل يضحك وتابع بنتك اللي بتعصبني ياخالتي الله
نيره بضحك خلاص سماح المره دي سبني بقى علشان الحق البس الكوتش وننزل هتاخر
فكريم سابها وتابع بهدوء : روحي بس غيري لون الروج المقرف ده وبعدين البسي الكوتش
نيره باستغراب ليه ماله مش فاهمه؟
كريم بصلها وتابع بحده انتي لسه هترغي ؟؟
نيره بتوتر لا رايحه خلاص ودخلت اوضتها وهي بتنفخ بضيق
فضحكت هاله وتابعت والله تستاهل ربيها قولتلها بلاش اللون ده قالتلي اسكتي انتي ومتسخنيهوش
كريم بحده اصل اعمى انا مبشوفش وبص حواليه وتابع فينها التاانيه راحت فين
هاله بضحك واقفه تحت البيت مستنيه سلمى تنزلها
كريم بضيق طب رايح اجهز العربيه لحد ما الهانم تنزل ورايا
هاله بضحك ماشي يحبيبي
ونزل كريم فنيره كانت مستنياه ينزل وطلعت وتابعت بضيق انتي اللي قولتيله صححح
هاله بضحك ورحمه امي ماقولت حاجه غوري في داهيه انا مالي بيكي
نيره بضيق ماشي يماما ماشي
هاله اتلمي وروحي امسحيه والبسي الكوتش وانزليله علشان ميطلعش يهزقك
فنيره نفخت بضيق ودخلت اوضتها تاني
في الشارع كان كريم نزل لقى سلمى وملقاش حبيبه واقفه فاستغرب وتابع حبيبه فين يا سلمى ؟
سلمى بتنهيده مش عارفه والله يا كيمو برن عليها مش بترد هي مش فوق ؟
كريم بتنهيده لا مش فوق وانتي متقفيش كده اتنيلي خشي جوه في البيت لحد ما اشوفها واجي
سلمى حاضر ودخلت بالفعل وكريم مشي وتابع بضيق هي بترسم على علقه وربنا
عند علي في المكتبه كان قاعد وحبيبه واقفه قدام بتدور على كتاب معين محتاجاه
فتابع علي بحب طب اقعدي انتي هقوم انا ادورلك
حبيبه بحب لالا خليك متتعبش نفسك انا كنت شوفته هنا هلاقيه باذن الله
علي والله يابنتي فعلا كان لسه قدام عيني وكنت فاكر اشيلهولك لما سالتيني عليه بس نسيت خالص حقك عليا
حبيبه بتنهيده لا عادي يعلي ولا يهمك انت دماغك هتشيل ايه ولا ايه ولقيته وابتسمت بحماس وتابعت لقيته خلاص
علي بتفاجئ بجددد ؟
حبيبه بفرح ااه والله اهو الحمدلله
فعلي قام وقف وتابع بضحك وريني كده
فحبيبه رايحه تروحله كعب جزمتها اتكسر خالص وخبطت في الترابيزه الخشب الصغيره اللي جنبها وقعتها وكان عليها الشاي بتاع علي لسه معمول فالكوبايه وقعت اتكسرت فشهقت بخضه وكانت هتقع فعلي اتخض عليها وبتلقائيه شدها عليه بسرعه وتابع بخوف الله يخربيت اهلك انتي كويسه ؟ الشااي جييه عليكيي ؟؟؟
حبيبه اتوترت بشده وقلبها دق بعنف من قربها منه بالشكل ده ويكاد يكون مسموع وبصت لعينيه بتوتر شديد وحست انها من صدمه الموقف لسانها اتربط وعلي ايديه كانت محاوطاها وايديها هي واحده سانده على صدره والتانيه على رقبته وتابعت بتوتر شديد كويسه كويسه متقلقش حصل خير
وبعدت عنه بتوتر شديد وعينيها في الارض فعلي بص حواليه بحرج ونفخ بتوتر وتابع حقك عليا انا اسف جدا جدا اني قربت منك بالشكل ده بس والله العظيم خوفت عليكي كنتي هتقعي على الازاز والشاي والحركه تلقائيه جدا مني
حبيبه بتوتر لا عادي يعلي ولا يهمك انا عارفه نيتك طبعا
ولقيت كريم دخل وتابع برفعه حاجب اممم هي الحلوه هنااا
حبيبه شافت كريم اتوترت اكتر وتابعت اه كنت .. كنت بجيب حاجه وهروح الجامعه اهو والله
كريم بصلها وتابع ومالكم متوترين كده ليه ولا اللي عاملين عامله مش فاهم
علي بتوتر ياعم ولا متوترين ولا حاجه في ايه يكريم على الصبح مالك
كريم بهدوء مخيف لا مفيش خالص وبص لحبيبه وتابع كنتي بتجيبي ايه بقى
حبيبه بتوتر كتاب محتاجاه والله وكنت قايله لعلي عليه من بدري بس بنسى اخده
كريم اممم ومقولتليش انا اجبهولك ليه؟
فحبيبه اتوترت اكتر وتابعت عادي يكريم نزلت قبل سلمى ولقيت نفسي واقفه قولت اما امشي رجلي اجيبه محصلش حاجه لكل ده يعني
علي باستغراب مالك يكريم في ايه ده مكانها على فكره محصلش حاجه لكل ده
كريم بتنهيده اه منا عاارف طبعا وبص لحبيبه وتابع على جامعتك يلا
حبيبه بتوتر حاضر والله
علي يابنتي هتروحي ازاي كده بالكعب المكسور دده
حبيبه افتكرت وتابعت بتوتر اه يكريم صح كعبي اتكسر هروح ابدله وهنزل علطول
كريم بصلها وتابع طب تعالي اسندك علشان تعرفي تمشي
حبيبه بتوتر حاضر
فكريم بص لعلي وتابع راجعلك قولتلي انك عايزني امبارح
علي بحب لا علشان متتاخرش فخلص شغلك براحتك ونبقى ننزل على القهوه انهارده نسمع الماتش ونتكلم
كريم بحب تمام يغالي ومسك ايد حبيبه وحطها في ايديه وسندهاا تروح تغير الكعب
وبالفعل وصلها وطلعت ونيره نزلت وركبت جنبه وتابعت بحب يلا اطلع
كريم بضيق يلا يلا ياللي هتشليني انتي واختك انهارده
نيره بضحك ليه بس عملناا اييه يكريم
كريم بضيق نيره اخرسي خالص علشان كريم هيخش بيكي في شجره دلوقتي
فنيره فضلت تضحك وتابعت لا والنبي انا لسه قايمه من تعب مش قادره
كريم بضحك الفضل يرجعلي بعد ربنا يخش يطمر ايدي اتكسرت من الكمادات وشيلك وحطك وانتي زي الجاموسه
فنيره فضلت تضحك وضربته في كتفه جامد وتابعت ماشي يا كرريم مااشي هوريك بس مش وقتك
كريم بضحك ولا تقدري تعملي حاجه
نيره بضحك ده حقيقي اكدب المهم نوئه مجتش معاك ليه مش رايحه ولا ايه
كريم وهو مركز في الطريق تابع لا طبعا راحت بس انا صحيت ملقتهاش نزلت بدري انهارده
نيره بحب ربنا معاها يارب
كريم بحب ومعاكم كلكم بقى وعقبال ما كل واحده تبقى معاها راجل وارتاح
نيره بضحك اخص عليك بجد زهقت مننا يكريم
كريم بضحك هو انا اقدر يقلب كريم
نيره بضحك ايوه كده
ودقايق ووصلها وتابع بحب يلا روحي ربنا معاكي
نيره بحب ومعاك يحبيبي وفونه رن فلمحت الاسم فكريم حط ايديه على الفون وتابع بضحك اتلمي وانزلي
نيره فضلت تضحك وتابعت منا عرفت هي مين خلاص ايوه ياعم محدش قدك وغمزت
فكريم فضل يضحك وتابع طب روحي يلا يابت مش فاضيلك عايز ارد عليها
نيره بضحك وماله هيص يباشا ونزلت وقفلت الباب فكريم ضحك وتابع يلا باي عايزه حاجه
نيره بحب سلامتك يحبيبي وشاورتله ودخلت وكريم مشي بعربيته ورد على نادين
في الجامعه
دخلت نيره وسهيله كانت قاعده في الكافيه فلما شافت نيره شاورتلها وتابعت نيررره انتي يابت
ف نيره ابتسمت بفرح لما شافتها وراحت حضنتها وتابعت سهيله وحشتيني يكلبه
سهيله بفرح وانتي كمان والله العظيم اقعدي اقعدي بقالنا كثير مقعدناش مع بعض
نيره قعدت وتابعت بحب الدكتور جيه ولا لسه ؟
سهيله بحب قال هيتاخر نص ساعه
نيره بابتسامه طب حلو اوي ورايحه تتكلم مروان عدى من قدامهم فقلبها وجعها اوي وافتكرت كل ايامهم سوا بس استغربت انه لافف على راسه شاش ومغطي عينيه
سهيله يا بنتي ايه روحتيي فين
نيره بانتباه ها معاكي اهو
سهيله استغربت تحولها بصت وراها قلبها وجعها على صاحبتها وبصت لنيره فتابعت حقك عليا
نيره الدموع اتجمعت في عينيها بس منعت نزولها وتابعت لالا عادي متقوليش كده انتي ملكيش ذنب ربنا اكيد بيعمل للخير
سهيله بحزن ده اكيد والله العظيم انتي تستاهلي سيد سيده وحقيقي اللي كريم عملوا فيه قليل عليه ده المفروض يتولع فيه بجاز وسخ
نيره اتصدمت وتابعت بحده نعمم !!! كريم مين وعمل في مين انا مش فاهمه حاجه
سهيله بتفاجئ ليه هو انتي متعرفيش ان اللي مبهدل مروان كده كريم بسبب اللي حصل معاكي
فنيره شهقت بصدمه وافتكرت لما قالت لكريم ان مروان عملها بلوك هو قالها لازم كان يعمل كده بعد العلقه اللي خدها وهي ساعتها نسيت تساله وتستفسر فتابعت بصدمه لا معرفش وانتي عرفتي منين
سهيله بحزن وتوتر: بصراحه الحيوان ده كلمني من رقم جديد وقالي اللي حصل كله وانه هيبعد عنك خالص زي ما كريم قاله وعاوز مني فرصه وانه بعد كل الضرب ده يعني لسه عايزني وكده بس انا هزقته وقفلت في وشه السكه وعملت بلوك
فنيره قلبها وجعها جدا واتصدمت بشده وتابعت طبعا ضرب كريم ليه خلاه يفكر اننا زعلنا عليه مش كده
سهيله بحزن بصي هو انا كان رايي كلب زي ده ملوش لازمه حله التجاهل انما كريم ده مقامه عالي اوي انه يروح ينزل نفسه لمستوى الكلب ده ويضربه مع ان الضرب والله العظيم قليل عليه وكريم مغلطش ابدا ويمكن دي رده فعل طبيعيه عن اللي حس بيه لما انتي قولتيله بس الفكره ان الحيوان ده فاكر فعلا كده
نيره بعصبيه ودموع كريم ازااي يعمل كدده اازااي يروح يضربه ويوريه اننا اتأثرنا باللي عمله فينا ااوي كده !! ده كان مقامه البلوك واعديه وادوس كانه مكنش في حياتي اصلا انما اللي كريم عمله ده معناه انه فرق معانا وحرق دمنا فمن كتر الغل راح ضربه
سهيله قامت طبطبت عليها وتابعت بحزن اهدي طيب علشان خاطري
نيره بعياط اهدى ايه بس يا سهيله اهدى ايه قولتله بلاش تعمل حاجه هو ازااي متهور كدده ازاي واتعصبت وقامت مسكت الفون ورنت عليه
فتابعت سهيله بتوتر متبقيش مجنونه كريم اتحمق لاخته ودمه غلي ومستحملش ان الكلب ده يضحك عليكي فانا اه معاكي هو اقل من اننا نعمله حساب ونرد عليه بس بردو هو مستحملش يشوفك موجوعه كده ويسكت
نيره بعصبيه تسمحي تسكتي انتي ولقيت كريم رد فتابعت بحده الو انت فين يكريم
كريم استغرب اسلوبها جداا وتابع في الطريق لسه موصلتش ليه
نيره بحده طب اتفضل ارجع عاايزاك ضروري
كريم بعصبيه مالك يابت بتعلي صوتك ليه في ايه اتجننتي ولا ايه
نيره بحده ودموع قولت تعالى وهنتكلم لما تيجي باااي وقفلت الفون ورمته علي الترابيزه بعصبيه
-----
عند هناء كانت بتتمشى بره الجامعه هي و رنا في الوقت الفاضي بين المحاضرات وقبل الندوه تحديدا
فتابعت رنا بضحك يا بنتي حرام عليكي تعبت من التصوير
هناء بضحك معلش خليها عليكي يلا وصوريني هنا كمان
رنا بضحك هتتصوري بكل مج الايس كوفي اللي ماسكاه في ايددك ده
هناء بضحك يحبيبتي ده حضر معايا ليالي الثانويه الصعبه والجامعه لحد سنه تانيه اهو فيشاركني كل الصور والاوقات طبعا الله
رنا بضحك والله العظيم مجنونه اشربي فيه يوم خطوبتك وفرحك يا هناء
هناء بضحك بس كده من عيوني صوري وانتي ساكته يلا
وفعلا رنا فضلت تصورها صور حلوه جدا فتابعت هناء بحماس وااو بجد تحفههه
رنا بضحك يلا يخش يطمر
هناء بضحك هيطمر يا واطيه متقلقيش وتنهدت بحزن وتابعت كنت عايزه اقولك على حاجه
رنا بقلق ايه يهناء في ايه ؟؟
هناء تنهدت بعمق وتابعت انا لسه بشوف كوابيس ومش عارفه اتخطى حاجه من الاذى اللي اتعرضتله فبعت للمركز اللي قولتيلي عليه وحجزت يوم التلات
رنا حضنتها بفرح وتابعت بفرح بجد برافو عليكي انا فخوره بيكي جدا
فهناء ابتسمت وتابعت حقيقي يا رنا لولاكي مكنتش هفكر ابدا في خطوه العلاج النفسي دي
رنا بفرح يا عبيطه متقوليش كده احنا اخوات ده واجبي اصلا وانا جنبك والله ومعاكي وهتشوفي حياتك هتتغير ازاي بس انتي ابدئي وكملي
هناء بتنهيده خير باذن الله وان شاء الله استفيد من الندوه بردو
رنا بحب الدكتور اللي جاي لينا صاحب عُمر دكتور معتز وبيشكرلنا فيه اوي
هناء بضحك اه ما انا عرفت بيني وبينك لما عرفت انه صاحب دكتور معتز قولت هيبقى شخص كاريزما زيه وهنشوف ناس قيمه تعلمنا حاجه فعلا في الندوات دي اخيرا
فرنا فضلت تضحك وتابعت اه والله عندك حق خصوصا انه كان قاعد سنين في امريكا
فهناء ابتسمت وتابعت طب سيبك من الندوه ومن الدكاتره ومن القرف ده شايفه العربيه اللي هناك دي تحفه اوي تعالي صوريني عندها
رنا بضحك اما نشوف اخرتها معاكي يلاا
وبالفعل هناء راحت عند العربيه من الجنب واتصورت عندها صور حلوه جدا وتابعت بضحك وااو بجد تحفه الصور دي
وجوه العربيه كان قاعد « وسام العامري » صاحب العربيه وكان مستغرب كلامها وبيضحك وهي مش شايفاه لان العربيه متفيمه
فتابعت هناء بضحك ياختي ايه الناس اللي بتركب العربيات دي عايشين ازاي .. والله احنا مش عايشين شايفه العربيه تحفه ازاي ما بالك بصاحبها
فرنا فضلت تضحك بشده لحد ما عينيها دمعت وتابعت يا بت خلاص كفاياكي قر على الناس
هناء بضحك لا يااختي انا عيني مش وحشه عيني عسلي زي القمر اهي بس بقول اللي شايفاه الله بقولك يا بت يا رنا
رنا من بين ضحكها قولي ياختي قولي
هناء بضحك هقعد على العربيه دي من فوق كده وصوريني انتي من قدام اتصورت عندها من الجنب خلاص
رنا فضلت تضحك وتابعت هي عربيه اللي جابوكي
هناء بضحك ياستي اخلصي بقى قبل ماحد يجي الله
وراحت بالفعل بتحاول ترفع نفسها تقعد على العربيه من قدام فقعدت جامد فوسام نزل من العربيه وتابع بضحك لا كده كتير الصراحه
فهناء ورنا اتخضوا ومج الايس كوفي وقع اتكسر من ايديها بهدل الجيبه والعربيه
هناء بصت بصدمه للمج والجيبه والعربيه ووسام وسكتت بذهول
فغمض وسام عينيه بضيق وتابع الله يخرب بيت اهلك ايه اللي هببتيه ده !!!
هناء اتوترت وتابعت الله يخرب بيت اهلك انت انت بتشتمني ليه انت اتجننت وبعدين ينفع حد يصرع حد كده
فوسام رايح يتكلم راحت رنا مسكت ايد هناء وتابعت بتوتر احنا اسفين يا فندم احنا الغلطانين حصل خير
هناء بعصبيه حصل خير ايه المج بتاعي اتكسر بسببه
وسام بضحك لا والله على اساس ان العربيه بتاعتي متبهدلتش بسبب حضرتك
هناء بسخريه ليه وانت ماشي بيها في جنينه اهلك النضيفه ؟!! ماوارد تتوسخ انما انا كنت بتصور باحترامي عملت ايه يعني ؟؟!!
فرنا اتصدمت وتابعت بخوف يا بت بس الله يخرب بيت اهلك وبصت لوسام وتابعت حقك عليا والله متاخدش عليها
فوسام بصلها بذهول وتابع بحده دي مجنونه صح اصل مستحيل تكوني طبيعيه اول حاجه اتصورتي جنب عربيتي وانا ضحكت وقولت دمها خفيف وعديتهاا وجايه بعد كده تقعدي عليها ولما بتكلم اتخضيتي فالمج وقع منك بقيت انا السبب !! انتي عبييطه ولا بتستعبطي علشان افهم بس ؟؟!!
هناء بحده ودموع بقوولك اييه اقسم بالله انا ما فيقاالك كفاايه مجي اللي اتكسر دده العربيه فعلا متفيمه بس الازاز من قدام لا مش عارفه مخدتش بالي منك ازاي وقعدت ياريتني ما جيت جنب حاجتك يا سيدي ولا مجي اتكسر
وسام بذهول لا حقيقي شكلك مجنونه انا مسمعتش ولا جمله اعتذار واحده منك لحد دلوقتي ولا حتى الايس كوفي بتاعك اتمسح من على عربيتي وانتي بتعيطي علشان المج اتكسر بس وضرب كف بكف وتابع بضيق ادي مصر والمعاتيه اللي الواحد بياقبلهم فيهاا ومشي من قدامهم
هناء بحده ودموع والله بني ادم معندكش مشاعر
فرنا بصتلها بذهول وتابعت بت انتي اكيد بتمثلي قدامه مش بجحه كده صح ؟
هناء ضحكت ومسحت دموعها متابعه انا بصراحه قلبي وجعني على المج اوي ومش عارفه اقول لكريم ايه لانه جبهولي من وانا في اولى ثانوي بس كنت لازم اعمل كده عشان خاطر المصيبه اللي هببتها دي
فرنا فضلت تضحك بشده وتابعت يخربيت اهلك مش قااادره منا بقول البجاحه مش للدرجه دي بردوو
هناء بضحك عيب عليكي بس عرفت اتصرف وحرقتلك دمه وهو بصراحه مستفززز بردوو فحاسه اني صح لما مسكتلوش
رنا بضحك ياباارده ياللي مابتفهمي ده واحد يتزعقله ده يقول للقمر قوم وانا اقعد مكاانك ده كفايه عربيته
هناء بضيق بس بس اتنيلي ماشيه تحبي على نفسك جتك الهم يلا ياختي نشوف اللي ورانا
فرنا فضلت تضحك بشده وتابعت يلا
ولقيوا حد جاي يمسح العربيه وهما ماشيين بصوا وراهم شافوه فتابعت هناء بذهول ابن مين ده ياختي علشان بعت العامل مخصوص لحد هنا
رنا بستغراب مش عارفه ما انا استغربت بردو بس هو بصراحه باين عليه النضافه اوي شكله حد مبسوط
هناء بضحك شكله !! ده انتي والله على الله يلا ياختي يلااا الندوه هتفوتنا
فرنا ضحكت وراحت هناء مسحت الجيبه بتاعتها ونضفتها كويس واتجهوا للمدرج و قبل ما يدخلوا باب المدرج اتصدموا واتسمروا مكانهم لما سمعوا دكتور معتز بيقول بابتسامه رحبوا معايا بدكتور وسام العامري صاحب عمري اللي قولتلكم عليه ولما نزل مصر وطلبته الصراحه متأخرش عنكم ابدا
فوسام ابتسم وتابع يا زيزو احنا عنينا ليك ولطلابك
والطلاب ابتدت تسقف بترحيب فبلعت رنا ريقها بتوتر وتابعت عرفتي ابن مين اللي ماشي في جنينه اهله ياختي
هناء بصدمه عرفت