رواية لنا موعد اخر الفصل الحادي عشر11 والثاني عشر12 بقلم لولا
واتصدمت بشده لما سمعت صوت سلمى وراها واقفه مصدومه والدموع متحجره في عينيها وتابعت انتي بتقولي ايه يحبيبه !!!
فحبيبه اتخضت ومسحت دموعها بسرعه ولفتلها بتوتر وتابعت سـ سلمى .. ايه يحبيبتي بقول ايه ؟؟ .. ده انا .. انا لاقيت نفسي فاضيه وطنط نامت فكنت بطمن على علي وكده يعني بس . واتوترت اوي وتابعت يلا عن اذنك هروح انا
فسلمى مسكت دراعها وتابعت وهي مغمضه عينيها بوجع: كنتي بتبوسي راس اخويا وبتقوليله ايه يحبيبه ؟؟؟
حبيبه بصتلها بوجع وتابعت بدموع مكنتش بقول حاجه و ورحمه ابوكي وابويا لتسبيني في حالي
ورايحه تمشي فتابعت سلمى بحده ودموع مش همشيكي من هنا غير ما تفهميني ايه اللي انا شوفته دده ؟؟؟!!
حبيبه بعياط وبحده : كفايه بقى حرام عليكي انا مش متهمه ولا عامله جريمه
سلمى بحده ودموع لا متهمه .. لما اكون ليل نهااار بداافع عنك قداام رفيددده واقولها انك عمررك ماتبصي لعلي ولا تكووون دي نيتك وفي الاخر اسمعك بتشعري في حبك لييه رغم انك عارفه انه خاااطب وبيحب خطيبته تبقي متهمه يا حبيبه
حبيبه بصتلها بقهر ودموعها نزلت بصمت وتابعت بوجع للدرجه دي !! للدرجه دي شايفه صاحبتك وحشه كده ؟!! ودموعها زادت وتابعت هو انا بتاعت الكلام ده يا سلمى ولا عمرك شوفتيني بوقع بينهم ؟؟!!
سلمى مسكت ايديها ودخلوا البلكونه وتابعت بحده ودموع مش ناقصين علي يفوق يسمع الكلام الفارغ ده فخلينا هنا وفهميني اما هو انتي مش كده ايه اللي قولتيه ده فهميني ؟؟؟
حبيبه بصتلها بسخريه وتابعت بوجع كلام فارغ !! وطبطبت على كتفها وتابعت لا يحبيبتي اخوكي مش توم كروز ووجعي هعرف اتخطاه ومش هحكي حاجه انا طول عمري مبشكيش لحد والحمدلله زي الفل
ورايحه تخرج فسلمى رجعتها لورا وتابعت بعياط يمتخلفه افهمي انا شيفاها مصيبه ومش عايزه علي يسمع علشانك انتي .. هو كده كده بيحب خطيبته وهيتجوزهااا انما مش عايزااه يعرف بحُبك انتي لييه علشان كراامتك
حبيبه دموعها نزلت بقهر وتابعت بعياط انتوا لسه محسسيني اني روحت بوست على ايديه وقولتله اتجوزني ارجووك انا مبتكلمش ومبعملش حاااجه ودي مشاااعري وزفت غصب عني وقولتلك هعرف اتخطاهاا لوحددي خلاص يسلمى بقى كفاايه تدوسي على وجعي وتحطي عليه ملح بالشكل ددده انا فاهمه كل اللي انتي بتقوليه وعارفاه كويس
سلمى بدموع حقك علياا بس انا عايزه افهم الكلام ده من امتى واازااي ارجوكي
حبيبه بدموع انا مش هقولك علشان احسن صورتي قدامك لااا .. انا هقولك علشان تعرفي ان كلكم ظالمين وبتيجوا علياا وتنهدت وسكتت ثواني بعدين تابعت بدموع انا بحب علي من زمان من وانا في اولى اعدادي تقريبا وكبرت على حبي ليه بس عمري ماكنت اقدر اعمل حاجه ولا اوضحله اولا دينيا مينفعش وانا ولا هو مش بتوع ارتباط ثانيا كريم كان عقبه كبيره اوي بنسبالي فكنت بصلي وبطلبه من ربنا عمري كله وبفرح لو قالي كلمه او بصلي بصه ولا حتى ابتسملي وعايشه على امل في يوم ابقى عروسته ودموعها لمعت بالدموع وابتسمت بوجع وتابعت كنت كل يوم قبل ما انام احلم باليوم اللي هيتجوزني فيه واشيل حته منه وابتسامتها اختفت وتابعت بقهر: وتعدي السنين ويجي يوم واصحى على خبر انه هيتقدم لرفيده ومن يوميها للنهارده انا مش لاقيه حبيبه يا سلمى انما عمري ماكنت هبصله لو خاطب مستحيل انتي فاكراني ايه ؟؟!!!
سلمى حطت ايديها على راسها بذهول والدموع كانت بتنزل منها وتابعت السلسله دي علشان اخويا مش كده ؟؟؟؟
حبيبه هزت راسها بـ اه وهي بتعيط وتابعت بانهيار وعمري مقلعتها وقلعتها لاجل تعبه وكنت همووت من رعبي عليه واتذللت لبتوع المستشفى وكنت بجري بيه زي المجنونه خوفت يحصله حاجه وقولت يااارب .. يااارب يعيش واشوفه مع رفيده بس مشوفوش في الوضع ده همووت وراه ومش هستحمل
فسلمى شدتها لحضنها وعيطت وحبيبه عيطت زيها في حضنها وتابعت بقهر: آه يسملى آه على وجع قلبي واللي حسيت بيه ولسه هحس بييه انا مش قادره اعيش والله مش قادره
سلمي بعياط حقك علياا مش عارفه اقولك ايه والله انا لو علياا انتي اغلى من رفيده 100 مره واختارك بدالها بس البت مش وحشه وبتحبه ومعملتش حاجه وحتى لو علي اخويا فاانتي اختي وانا عايزالك اللي يقدرك ويحبك ويختارك انتي على اي حد .. وكان هيعملها زمان والله بس ارجع واقول النصيب
حبيبه خرجت من حضنها وبصتلها بذهول وتابعت كان هيعمل ايه مش فاهمه ؟؟؟؟
سلمى بدموع وتوتر ما منوش فايده الكلام ده يحبيبتي ده كلام قديم خلاص وعلي كبر واتغير ودلوقتي مع حد تاني فحرام اوجعك اكتر
حبيبه بصدمه ودموع لا فهميني بالله عليكي واتوترت وتابعت بدموع هو .. هو علي كان هيعمل ايه فهميني ؟؟؟
سلمى بدموع وتوتر يعني في سن ثانوي كده قالي انه بيحبك ومعجب بيكي وعايز يتقدملك لما يخلص جامعه وخد رايي ساعتها وانا طبعا وافقته
حبيبه بصدمه ووجع ومتقدمش ليه ؟
سلمى بدموع رجع كريم مش عارفه قال قدامه ايه وانه يعني مكانه في غيابه وانهم زي بعض ويحافظ عليكم معاه لو هو اثر وكده فجيه قالي سلمى بقولك ايه قفلي على الكلام ده حبيبه زي اختي ولو بصتلها كريم هياخد الموضوع بحساسيه كبيره اووي واني بصيت لبنت من بنااته والمفروض اصلا ان انا احافظ عليها معاه وكان ساعتها اصلا صغير 2 ثانوي وكبر ونسي كلامه واقتنع انه اخوكم
حبيبه دموعها نزلت بصدمه وقهر وحست قلبها وجعها اوي وتابعت : علي محبنيش يا سلمى .. انا كنت اصغر منه ولحد دلوقتي مش قادره انسااه وبصت على علي وهو نايم على السرير وتابعت بقهر علي زيه زي اي راجل شاف فيا حاجه حلوه شدته ولما حس انه هيخسر اخوه بسببها سابها بكل بساطه وابتسمت بقهر وتابعت ولما كبر وعقل اعتبر ده كله كان مراهقه وقلبه دق لرفيده ورا خطبهاا
سلمى بعياط حبيبه انا مقولتلكيش علشان توجعي نفسك كده و
حبيبه قاطعتها وهي لسه مثبته عينيها عليه وتابعت وصوتها مليان قهر : لالا بالعكس ده انتي فوقتيني ياسلمى .. انتي عملتي فياا اللي محدش من اهلي ولا صحابي عرف يعملوا السنين دي كلهااا
سلمي بوجع ودموع عملت ايه مش انتي زعلانه انه كان هيبقى ليكي بس محصلش ؟
حبيبه ضحكت بوجع وتابعت يبقى ليا ؟؟ وبصتلها وتابعت بوجع علي عمره ما كان هيبقى ليا يسلمى ومع انه خطب وبقاله سنتين اهو الا اني اول مره اتاكد انه مش هيبقى ليا دلوقتي
سلمى بحزن ازاي مش فاهمه ؟
حبيبه بوجع اقولك انا وبصت على علي وتابعت بقهر طول عمري كنت بقول لنفسي علي مبيرفعش عينيه من الارض وقلبه مقفول عليه ولما كبر وحب بجد حب رفيده والقلوب مش بادينا زي مانتي يابت يحبيبه قلبك مش بايدك فهتلوميه على ايه ؟؟؟ هو ربنا اللي وضع في قلبه حب رفيده مش بمزاجه يعني انما اني اعرف انهارده وبالصدفه انه اعجب بيا وحبني وهو صغير وطلع الفكره من دماغه لمجرد انه ميزعلش كريم يبقى هو اصلا اتخلى من بدري وعمره ما كان هيتجوزني حتى لو مخطبش رفيده ورغم اني جيت في باله عادي وفكر فيا في يوم كزوجه مش ولا على باله زي ما كنت متخيله
سلمى مسكت دراعها وتابعت بوجع ايوه يا حبيبه بس ..
حبيبه رفعت ايديها قاطعتها وتابعت بوجع بس .. ارجوكي بس .. هي كده كده خرباانه فخلاص هتقوليلي ايه ؟؟ فسبيني انا اقنع نفسي بالحقيقه دي وانه فعلا قال انه مش عاوزني واختار يبطل يحبني بكامل ارادته علشان ابطل احبه انا كمان وفكت ايد سلمى من عليها وخرجت وهي قلبها واجعها اوي من غير ماتبصله
وراحت لشمس فتابعت بقلق ايه يحبيبه في ايه مالك علي كويس؟
حبيبه مردتش ودموعها نزلت ودخلت البلكونه
فتابعت شمس بخوف حبيبببه يابنتي في ايه طمنيني ودخلتلها
فتابعت حبيبه بعياط سبيني لوحدي يا شمس الله يخليكي
شمس بحزن طب فهميني طيب حصل ايه
حبيبه بعياط محصلش حاجه سبيني
شمس بحزن محصلش ازاي بس انتي مش شايفه وشك و
حبيبه بعصبيه ودموع يا شمس قولت سبيني لوحدي بــقــــى ... ارجوكييي
شمس بحزن حاضر يحبيبه هسيبك وخرجت وسابتها وحبيبه قعدت وحضنت رجليها وفضلت تعيط بشده وهي بتكتم بوقها
-----
عند سليم واسيا كانوا يادوب لسه واصلين وبيطلعوا سلالم البيت واسيا تعبانه ومجهده اوي وطالعه بتتسند
ففتحت نعمه الباب وتابعت برفعه حاجب كنت فين يا بيه انت والحلوه مراتك؟
سليم بضيق مش وقته الكلام ده ياما نتكلم بعدين
اسيا بتعب انا طالعه يا سليم علشان جايبه اخري ومش عايزه امسك في خناق حد
نعمه شهقت وتابعت بضحك تعملي ايه ياما ؟؟ تمسكي في خنااق حد ؟!! حد مين يابت
اسيا بحده ودموع يا سلييم قول لامك تحل عن دمااغي علشان وربي وما اعبد انا ممكن اقول كلام ازعل الكل مني عاادي
سليم بحده ماخلاص ياما في ايه مالك بينااا احنا كنا فين ولا طالعين ولا نازلين ليكي عندنا ايه مش فااهم
نعمه بدموع ليا عندكم اييه لا يا سليم ماليش عندكم حاجه ده انا كنت قيلالها تيجي تدهنلي المرهم بتاع ضهري وهي نسيتني ونزلت معااك فزعلت منها بس عندك حق الحق علياا انا مفروض متحوجش لحد
سليم غمض عينيه بضيق وتابع ياما اسيا غصب عنها علي في المستشفى انما انتي عارفه هي مش بتحوش نفسهاا عنك
نعمه بحده ودموع تحوش ولا متحوش ربنا مايحوجني لحدد ابداا يارب
اسيا بعصبيه اايوه ربنا مايحوجك لحد واعملي حسابك انا مش نااازله تااني غير في يوومي فكك بقى من جو الصعبنياات ده وتطلعيني انا دايما غلطانه
سليم بعصبيه يا اسيااا ااحترررمي اني واقف
اسيا بعصبيه بلا واقف بلا قااعد بقى ما انت ساامعها بتتكلم ومش راضيه تسكت لحد امتى هستحمل الكلام دده .. انا تعبببت وجبت اخرري وعيطت بانهيار وتابعت اخويااا كان بيموت ودي بتقولك مرهم ضهرهااا .. ما شيري فووق لو ناديتيها مش هتعترض انما انتي لييه دايما حاطه نقرك من نقرري ارحميني بقى
شيري نزلت وهي شايله تولين وتابعت بخوف مالكم يجماعه ايه في ايه صوتكم جايب اخر الدنياا
تولين بخوف مالك يا مامي بتعيطي لييه
اسيا بعياط مفيش يا قلب مامي وشالتها من شيري وباست خدها وحضنتها
فتابعت نعمه بدموع شايف يا سليم شاايف اسلوبها مع امك
سليم بعصبيه انا قسما بالله زهقت منك ومنها وجبت اخري خلااص
اسيا بصتله وتابعت بعصبيه هو انت كمااان شاايفني انا اللي غلطااانه !! يعني علي اضرب بالناار وكان بيموت في المستشفى وعايزيني افكرر في مرهم امك !!! انتوا مجاانين ولا اييه ؟؟!!!
تولين بعياط ايه يعني ايه ماله خالو يا ماما وفضلت تطبطب على وشها وتابعت بانهيار قوليلي ماله
فشيري حطت ايديها على بوقها بذهول وتابعت اخوكي بخير يا اسيااا ؟؟؟
اسيا كانت مغمضه عينيها بضيق ودموعها بتنزل فسليم مسك دراعها وتابع بحده حلووو كده صح ؟؟؟؟
اسيا بعياط سليم انا مقصدش وحياتك عندي مقصدش
سليم بعصبيه تقصدي ولا متقصديش زي ما عيطيتها سكتيهاا علشان انا خلاص جبت اخري ومش نااقص صدداع
اسيا وهي بتطبطب على تولين المنهاره تابعت بعياط ما انت بردو امرك غريب كنت عايزني اعمل ايه يعني اصل اخويا ولا مرهم امك
سليم بعصبيه وانتي مين قاالك اني مع امي اصلااا !!! انا بزعقلك علشان عصبيتك وعلو صووتك في وجوودي وقولتلك الف مره دي مهما عملت اميي انما هي غلطااانه ومن ساعه ما جيت مغلطها اصل انتي بالك في ايه ولا اييه .. انما انتي جااموسه بتفهمي كلامي بمزاجك
اسيا بعياط ماهي بتعصبني وبتقول كلام يضاايق انت تشهد انا مبستخصرش فيهاا وقتي بس زودتها اووي في حقي بجد
سليم بعصبيه منا كنت بررد .. ماهو انتي لو ساكته ومحترمااني انا مش هسكتت اصلااا .. انما انتي عايزاني اعمل ايه اجي انا وانتي عليهااا ؟؟!!!
واتفاجئوا لما لقيوا زياد خرج من الاسانسير ومعاه شنطه سفره وتابع بذهول ايه ده في اييه صوتكم سامعه من تحت ليه كددده
فاسيا مسحت دموعها وطلعت على شقتها وهي شايله تولين وبتطبطب عليها فسليم غمض عينيه بضيق
وشيري اتفاجئت ونزلت من على السلم اللي جنب باب شقه نعمه لانها كانت واقفه عليه وراحت حضنته وتابعت بفرح يحبيبييي واحشتنييي فساب الشنطه وضمها ليه اكتر وباس راسها بعمق وتابع واحشتيني اكتر والله
شيري بضحك لالا انا اكتر والله
نعمه بدموع فرح يقلب امك انت واحشتني الف حمدلله على سلامتك يانورعيني وراحت حضنته
فزياد باس راسها وايديها بعمق وتابع انتي واحشتيني اكتر ياست الكل والله
وبص لسليم وابتسم وتابع بضحك في ايه يكبير قالب وشك ليه السندريلا بتاعتك زعلتك ولا ايه
سليم تنهد بهم وتابع الوضع اللي انا عايش فيه اللي مزعلني والله يا زياد مش اسيا لوحدها وابتسم وتابع سيبك انت وراح حضنه وطبطب على ضهره وتابع واحشتني والله
زياد بحب وانت اكتر يا كبير والله وبصله وتابع بس في ايه صوتك عالي ليه فهمني
نعمه بدموع كل ده علشان مراته كانت المفروض تنزل تدهنلي مرهم ضهري ياابني ومنزلتش وبعتب عليها زعقت فياا
سليم غمض عينيه بضيق وتابع ياما اشحال مش شاايفك بعيني وكنت واقف ياامااا
زياد بضحك اه احكي انت حصل ايه
سليم بضيق يا ابني كلامها صح واسيا كانت هتنزل بس علي اضرب بالنار ولبست اللي جيه قدامها ونزلنااا فايه الكلام الفاضي اللي بتتكلم فيه ده بمقابل الوضع اللي احنا فيه ؟!!!
زياد بتنهيده لاياما مالكيش حق يعني البت اخوها مضروب بالنار وتفتكر مرهمك وضحك وتابع حرام عليكي يا شيخه وحضنها وتابع ياوليه ماتزوديهاش عليها وتعملي فيها حمااه شيري اهي قوليلها هتنزل بدالها وكان الموضوع خلص
نعمه بدموع ولا هي ولا غيرها شكرا مش عايزه حاجه ربنا مايحوجني لحد
سليم بضيق انا طالع يا زياد علشان تعبان وورايا شغل الصبح حمدلله على السلامه يحبيبي
زياد بتنهيده الله يسلمك يغالي
وطلع سليم فتابعت نعمه بعياط شايف يا زياد .. شايف قست قلب اخوك عليااا ازااي يخساره تربيتي فيه والله ماشاف ربايه اصلا
زياد بتنهيده ياما بالله عليكي ده مش وقته كلام هما في وضع مايعلم بيه الا ربنا ومعاهم حق انما اسيا بنت حلال ومتربيه مقستهوش ولا حاجه واذا كان على المرهم انا هخلي شيري تحطلك ياستي
نعمه بدموع لا قولتلك مش عايزه من حد حاجه كفايه عليا شوفتك والله كنت واحشني ياابني
وشيري بصالها بذهول من دموعها وتمثيلها
فابتسم زياد وتابع بحب وانتي والله العظيم واحشتيني اكتر انا حتى المره دي مرضتش اقولكم وقولت اسيبهالكم مفااجاه
نعمه بحب احلى مفاجاه والله
فباس زياد ايديها وبص لشيري وتابع حطيلها المرهم يحبيبي واطلعي ورايا متتاخريش هاا وغمز
فشيري ضحكت وتابعت حاضر يلا يا ماما
نعمه بتنهيده والله يا ابني حتى انت مشوفتش رباايه
زياد فضل يضحك ومسك شنطه سفره وتابع ياوليه بتشوفوني كل فين وفين قدري شويه يخرابي عليكي ياماا يخراابي وابتدا يطلع على السلالم وشيري باصه عليه وبتضحك
فنعمه بصتلها برفعه حاجب وتابعت يلا ياختي تعالي خلصيني علشان تطلعيله مش عايزين ناخرك ولا حاجه
شيري بابتسامه ااه ياريت
نعمه دخلت شقتها وتابعت صحيح اللي اختشوا ماتوا اه والله العظيم
فوق عند اسيا كانت قاعده علي السرير في اوضه تولين وبتطبطب عليهاا ودموعها متحجره في عينيها وزعلانه
وسليم كان مربع ايديه وواقف عند اول الاوضه وباصص عليها وتابع بتنهيده نامت بصعوبه ولا ؟
اسيا انتبهت لصوته وردت من غير ماتبص وهي في نفس الشرود : لا تعبتني شويه وفضلت احلفلها انه كويس وهنشوفه بكره لما الصبح يجي علشان تهدى لحد مانامت
سليم تنهد بضيق وتابع علشان لو نعرف نمسك لسانااا مكنش ده حصلل
اسيا غمضت بضيق وتابعت سلييم انا ورحمه ابويا جايبه اخري فارجوك قفل علشان مش عايزه صوتي يعلى والبنت تصحي ماصدقت ناامت
فسليم بصلها بضيق ومشي دخل اوضته وهي عيطت بصمت وحطت ايديها التانيه على بوقها تكتم عياطها وتابعت في سرها : دي غلطتي من البداايه ياريتني ماوافقت اعيش هناا .. انا اللي استاهل والله العظيم وشدت طرحتها ورمتيها على جنب وقلعت العبايه وبقيت زي ماهي بالبيجامه البيتي فنامت جنب تولين وضمتها لحضنها ودموعها بتنزل بصمت
-------
في بيت كريم الباب كان بيخبط ففتحت ابتسام وتابعت نيره .. تعالي يحبيبتي اتفضلي
نيره دخلت بتوتر وتابعت هو كريم صاحي ولا نايم يخالتي ؟
ابتسام معرفش يابنتي والله روحي شوفيه وانا هروح المطبخ اعملكم حاجه تشربوها
نيره مسكت ايديها وتابعت بتوتر لالا خليكي انا هعملنا قهوه روحي انتي ارتاحي
ابتسام بحب والله يابنتي ولا مرتاحه ولا حاجه انا قاعده في المطبخ بتبل الفراخ بتاعت بكره علشان نشويها تعالي طيب اعملي انتي القهوه
ودخلت المطبخ ونيره دخلت وراها وتابعت بس كريم مبياكلهاش مشويه وضحكت وتابعت انتي مش عامله حسابه ولا ايه
ابتسام بضحك ازاي بقى هو انا اقدر بسلقله اهو وهسيبها تقف على التحمير انتي عارفاه مبيحبش الإفتكاسات في الاكل وبياكلها محمره بس من وهو عيل قد كده
نيره بضحك هو انتي هتقوليلي عليه وبصت للحله وتابعت بس حرام يخالتي تسلقي ده كله هو مش هياكلها غير طقه .. كريم مبياكلش من نفس الحاجه كذا مره في اليوم مانتي عارفه
ابتسام بضحك اسم الله عليكي ياما هياكل كل ده ليه !! ده انتي عارفه كريم مسموم بس انا بسلق فرخه ونص النص ليه ياكل زي ماياكل والفرخه لعلي بكره علشان ياكل براحته مش هيروح معانا لسه ينورعيني عليه هيبات ورانيا بتعمله اكل بردو
نيره بضحك ااه منا بقول بردو وابتدت تعمل القهوه وتابعت بس هتبرد فرخه علي كده يا خالتي كنتي اسلقيها الصبح
ابتسام بتنهيده والله يابنتي ولو الصبح هتبرد في الطريق المستشفى مش قريبه فاهي هي ده احنا خلاص قربنا على الفجر فقولت احضر كله بالمره وهحطها في الشنطه الحراري وربك يسترها بقى كده كده رايحين بدري
نيره بتنهيده يارب والله ودقايق وخلصت القهوه وتابعت بابتسامه داخله لكريم عايزاه في كلمتين بقى عايزه مني حاجه؟
ابتسام بحب لا يحبيبتي سلامتك روحي
وراحت نيره خبطت على اوضه كريم ومسمعتش صوت فتنهدت وفتحت وكانت الاوضه مضلمه فدخلت وحطت الصنيه على الكومود وبتبص لقيته نايم على بطنه ومتغطي بمفرش خفيف وضهره عريان والتكييف عالي فمكست الريموت ووطت التكييف شويه وتنهدت وتابعت انا عارفه انك مش نايم .. علشان عمرك مانمت واحنا زعلانين من بعض
كريم وهو مغمض تابع بضيق رجعي التكييف زي ما كان واطلعي برا يا نيره
نيره بدموع لا مش هطلع غير ما نتكلم
كريم بحده مفيش كلام بيني وبينك اطلعي براا
نيره راحت قعدت جنبه وتابعت بدموع طب علشان خاطري قوم نتكلم و اوعدك هقفل على الموضوع ده ومش هنتكلم تاني
فكريم نفخ بضيق وقعد عدل على السرير ورجع ضهره لورا وتابع بضيق خير عايزة ايه
نيره بدموع حقك عليا متزعلش مني انا اسفه والله ومدت ايديها جابت تيشرته من على الكرسي اللي جنبها وتابعت بدموع وامسك البس ده علشان متتعبش
كريم تنهد وخده منها ولبسه وتابع وبعد انا اسفه وحقك عليا .. حاجه هتتغير؟
نيره بدموع ولهفه ااه حاجه هتتغير صدقني انا هبله ولساني طويل حبتين وممكن بقول كلام معرفش معناه بس لما بقعد مع نفسي بفهم اني غلطت وانا عارفه اني غلطت في حقك وزعلك على عيني والله
كريم بوجع انا مقهرنيش حاجه قد اني عملت كل ده علشان زعلان وقلبي واجعني عليكي وانتي بكل بساطه توجعيني بكلامك وتقوليلي انت مش اخويا ومتدخلش في حياتي
نيره بعياط قطع لساني والله وحضنته وتابعت بعياط قطع لساني ده انت اخويا وصاحبي وابويا وكل حاجه ليا والله واقطم رقبتي لو غلطت في حقك بعد كده .. انا حقيقي اسفه وعيطت بشهقات
فكريم حط واحده من ايديه على ضهرها والتانيه مشاها على شعرها وباس راسها بعمق وتابع خلاص خلاص اهدي متعيطيش يخربيت اهلك عيطتي ربع كيلو لحد دلوقتي
فنيره ضحكت من بين دموعها وبصتله وتابعت متزعلش مني ورحمه ابوك انا حقيقي غلطانه وعارفه
كريم ابتسم ومسح دموعها بايديه وتابع وده المهم انك عرفتي غلطك واعترفتي بيه انما كزعل انا عارف كده كده انه وقت وهنرجع نتكلم علشان انا مقدرش استغنى عن واحده فيكم يابنت الجزمه خصوصا انتي
فنيره ضحكت وتابعت نور عينيها والله وحضنته
فكريم حضنها اكتر وتابع بابتسامه مشوفكيش بتعيطي تااني ها
نيره بحب مش هعيط والله وخرجت من حضنه وبصتله وتابعت بوجع بس يعني ايه متقدرش تستغنى عن واحده فينا هو انا بردو زيي زيهم ؟!!
كريم فضل يضحك وتابع ااه يابنت الكلب انتي وخدها في حضنه وفضل يضحك
فتابعت نيره بضيق لا يكريم انا بتكلم جددد
كريم بضحك يابت هو احنا صحوبيه يوم ولا اتنين ؟؟ ده انتي صاحبه عمري مش بالساهل حد ياخد مكانك يعني وبعدين انا قولت مقدرش استغنى عن واحده فيكم خصوصا انتي ركزي شويه
نيره بابتسامه يعني نيره زي ماهي هاا وقرصت خده وفضلت مسكاه
فكريم ضحك وتابع اه طبعاا هي دي فيها كلام وباس ايديها اللي ماسكاه وتابع بضحك اوعي بقى
فنيره ضحكت وشالت ايديها فتابع كريم بضحك والله تلاقيكي جيتي تصالحيني لاجل خوفتي مرتبتك تنزل زيك زيهم وابطل احكيلك حاجه
فنيره فضلت تضحك بشده فكريم بصلها بتفاجئ وتابع بضحك يابنت الكلاب علشااان كده بجددد ؟؟!
نيره بضحك اكيد طبعا ده سبب من ضمن الاسباب بس مش لوحده اصل نيرو اتعودت انها صاحبتك وبير اسرارك متعرفش تعيش غير كده
كريم بحب بالله ولا انا بعرف احكي لغيرك انتي ونودي
نيره بضحك ااه طبعا دي تمام انما غير كده اقتلك
كريم بضحك لالا مقدرش
فابتسمت نيره وتابعت عملتلك بقى كوبايه قهوه انما اييه هتعجبك
كريم بضحك كماان !! ده يسلاام على الروقان هاتيها بسرعه
نيره بضحك جبتها احتياطي تحسبااا لانك متحنش بسبب دموعي فاصلحك بيها
كريم بحب وانا امتى محنتش لدموعك يا بنت الجزمه ؟؟
نيره بضحك انهارده في المستشفى
كريم بضحك لا انتي مستفزه بتكلميني في المستشفى واعصابي كانت تعبانه انما لو عادي اكيد لا
نيره بحب ربنا ميحرمنيش من حنيتك علياا ابداا ينورعيني وباست راسه
فكريم ابتسم وباس ايديها وتابع بحب ولا يحرمني منك ياارب وتسلم ايديكي على القهوه
ولقي فونه بيرن فاتعدل ومسكه وتابع بابتسامه دي نادين اكيد بتصحيني علشان الفجر وكده وبص وتابع ااه هي
فضحكت نيره وتابعت طب تمام هطلع انا واسيبك انچوي
كريم بتنهيده انچوي ايه بس انا مش هنزل الجامع هصلي هنا انهارده مش متعود انزل من غير علي
نيره بحب لا هتنزل وهتدعيله يقوم بالف خير بسرعه ويرجع يسمعنا صوته اللي يرد الروح ويريح القلب ده
كريم ابتسم بوجع وتابع باذن الله ياارب ادعيله بالله عليكي يا نيره
نيره بحب عيب عليك ده زي اخويا بدعيله من نفسي طبعاا ويلا خلص كلامك مع المزه وقوم اجهز علشان لو منزلتش هقول لعلي وهيزعل منك
كريم بضحك لالا خلاص هنزل والله
نيره بضحك ايوه كده جدع واشرب القهوه هاا
كريم بحب عيوني تسلم ايديكي يارب ورد وحط الفون على ودنه وتابع ايه يحبيبتي
-لا انا صاحي اهو
فنيره بصتله وابتسمت بحب وخدت المج بتاعها وخرجت وقفلت باب الاوضه وسابته
----------
في بيت رفيده
امها خبطت على باب اوضتها ودخلت لقيتها قاعده على سريرها وعينيها منفوخه من كتر العياط
فتابعت سعاد بخضه مالك يابت في ايه علي جراله حاجه ؟؟؟
رفيده صوتها طلع بالعافيه وتابعت لا مجاراش حاجه الف بعيد الشر عنه بس الدور والباقي على ابن اختك اللي مش راضي يطلعني انا وخطيبي من دماغه ..طول ماهو ورانا عمرنا ماهنبقى كويسين
سعاد بحده بقولك ايه يا رفيده احترمي نفسك ومالكيش دعوه بيه الواد قاعد معانا انهارده واخاف يسمعك اللي كان بينكم خطوبه واتفضت من زمان يحبيبتي ودلوقتي انتوا اخوات تلااقي حد كان بيحيي الفرح بمسدسات فرصاص طايش ضرب علي انما انا ابن اختي مش قتال قتله
رفيده قامت وتابعت بعصبيه بقولك الحيوااان ده اعترفلي انه هو اللي عمل كدده في عليي هو انا هتبلى عليييه لييه
سعاد بعصبيه لاا والف لااا عصااام ميعملش كدده ووالله مهما تقولي مش هصدق ده ابني هو انا هتوه عنه
رفيده بصتلها بصدمه وتابعت بوجع ودموع انتي مصدقه ابن اختك وبتكدبي بنتك يا ماما ؟؟
سعاد بحده لاني عارفه بقيتي بتكرهيه قد ايه فممكن شكيتي فيه خصوصا انه رجع مصر في نفس اليوم بس لا يا رفيده عصام ميعملش كدده
رفيده بعياط وعصبيه: لا عمل كده واكتررر من كده بس هقول لمين خليني سااكته احسن وقعدت على سريرها بقهر وتابعت بعياط خليني ساكته احسن وحطت ايديها على بوقها وفضلت تعيط
سعاد بتنهيده انا عارفه بقولك ايه كويس هو ميعملهاش بس سواء هو ولالا محدش فيكم هيعرف ياخد معاه حق ولا باطل فاقصري الشر احسنلك يابنتي وملكيش دعوه بيه ده مهما كان اخوكي بردو
رفيده بعصبيه ودموع وده خطيبي وحق علي هجيبه من حباب عينيه خليكي انتي كده مسحوره بوشه البريئ دده
سعاد بحده طب قصرري قولتلك الواد قااعد برا لو سمعك هيزعل وهتبقى ليله وحقه
رفيده بعصبيه روحي خليه يغورر من هنا هو مش ليه شقه في العماره اللي جنب عماره كريم مايتنيل يقعد فيهااا جاي يقعد معاناا لييه
سعاد بحده بيته ويقعد برااحته هيعمل ايه هنااك هيكلم الحيطاان بقولك ايه اتمسي وقولي ياامسااا و
فدخل عصام وشافته رفيده اترعبت فتابع بابتسامه سبينا لوحدنا شويه يخالتي انا هعرف اقنعها اني معملتش حاجه طلما شكت فيا
سعاد اتصدمت انه سمع وتابعت بخوف لالا يحبيبي قطع لسانها بنت الكلب ده كلام فاضي ولا تشغل بااللك بيه
عصام بابتسامه عارف طبعا بس مش رفيده دي اختي ولا ايه ؟
سعاد بخوف اختك طبعا يعمري هي دي فيها كلام
عصام بابتسامه خلاص سبينا نتصافى وروحي انتي اوضتك واتوضي الصلاه قربت
سعاد بتنهيده حاضر يا ابني
ورفيده خافت ورايحه تتكلم فعصام بصلها بحده فسكتت وبلعت ريقها برعب وعصام فضل باصص على خالتو لحد ما دخلت اوضتها اللي اخر الطرقه في البيت وقفلت باب اوضتها فقفل باب اوضه رفيده وبصلها بحده فعيطت وتابعت بتوتر انا اسفه .. اسفه والله و .. و اوعدك مش .. مش هتقرر
ولقيته ضربها بالقلم ومسك شعرها فعيطت بشده فتابع بهمس حاد بقى يابنت الكلب تروحي تقولي لامك ان انا اللي وراها ده انتي عايزه تتربى اقسم بالله
رفيده بعياط وخوف انا اسفه والله انا اسفه صدقني مش هتتقرر تاني
شد على شعرها اكتر وتابع بهمس حاد هي كده كده مستحيل تتقرر تاني والا اقسم بالله العظيم يا رفيده لهزعلك زعل كبيير اوي
رفيده بصتله بوجع وتابعت بعياط مسمي نفسك كده بتحبني ؟؟ هو ده الحب من وجهه نظرك ؟؟
عصام عينيه اتملت وجع وتابع بحده اه هو ده الحب وهفضل معاكي كده علشان فكرتي تكوني لغيري .. انا كنت نازل ناوي ابقى كويس معااكي بس انتي اللي بنت كلللب زبااله صدمتيني لما لاقيتك اتخطبتي لا وايه كمان بقالك سنتين وعايزه تتجوزييه
رفيده بعصبيه وعياط يا ابني انت مجنون احنا سيبناا بعضض كنت عاايزني اعمل ايه ؟؟ اوقف حيااتي عليك ؟؟
عصام بعصبيه اشمعناا انا اللي حيااتي وقفت عليكي ومعرفتش اشوف غيرك هاا ؟؟ شوفتي انك كنتي قليله اصل ومحبتنيش بجد
رفيده بوجع اعتبر كدده .. اصل انا اللي روحت خونتك
عصام بعصبيه يابنتي قولتلك انا مخونتكيش افهمممي بقى وكفاياكي تعيشي في دور الضحيه دده
رفيده نفضت ايديه عنه بعصبيه وتابعت بحده ودموع امشي غور براا انا مش طيقاك ومش عايزه اشوف وشك .. امشيي
عصام بصلها بغل من فوق لتحت وتابع طالع يا رفيده بس لسه كلامنا مخلصش واياااكي بكره تفكري تفتحي بوقك قدام وكيل النياابه .. ومسك دقنها وتابع انا عن نفسي كده كده مفيش علياا دليل ومحدش يقدر يتهمني بس انتي اللي هتزعلي يا بطتي فهمتي؟
رفيده زقت ايديه بقرف وتابعت بعصبيه ودموع امشي غورر يلا
فعصام ابتسم وخرج وهي قعدت على الارض وفضلت تعيط وسمعت صوت الاذان من حد مختلف غير علي فعيطت اكتر
-----------
تاني يوم الصبح حبيبه وسلمى كانوا قاعدين عند علي والباقي على وصول وعلي وابتدى يفتح عينيه
فتابعت سلمى بلهفه علي .. انت كويس يحبيبي سامعني ؟؟
علي فتح ببطئ وحبيبه قامت بسرعه ووقفت جنبه من الناحيه التانيه ففتح ببطئ وتابع آه انا فين
سلمى بعياط انت في المستشفى يعمري الحمدلله ربنا نجاك
علي بوجع تعبان اوي يا سلمى مش قادر
سلمى بعياط سلامتك من التعب يا نن عين سلمى ومسكت ايديه باستها بعمق وتابعت بعياط كده يعلي كده تخضنا كنا هموت عليك والله
علي بتعب يابت بس متعيطيش حقك عليا
حبيبه بعياط من الفرح ده يا الف حمدلله على سلامتك يغالي وقعت قلوبنا والله
علي ابتسم وتابع بتعب تسلميلي ياست البنات واضح اني قلقت الكل
سلمى بعياط الا قلقتنا ده كنا هنموت والله يعلي وحبيبه كمان جريت تدور على عربيه توصلك بيها هناا وسندتك مع رفيده وجم بيك ومرضيوش يدخلوك الا بفلوس فقلعت دهبها ورهنته ودخلتك ودمك على هدومها بص شايف ازاي لسه هيجيبولها تغير هدومها وهما جايين واخرهم اتبرعتلك بدمها
فعلي اتفاجئ جدا وتابع بتعب ينهاار ابيض انتي عملتي كل ده لوحدك !!!
حبيبه الدموع اتجمعت في عينيها وتابعت انت متعرفش غلاوتك عندي قد ايه ..وقلبها وجعها وتابعت يعلي انت زيك زي كريم بالظبط واعقتد لو سلمى مكاني كانت عملت كده فمش كتير عليك كل اللي حصل ده والله
علي ابتسم وتابع بتعب انا مش عارف اقولك ايه يحبيبه والله بس بجد تعبتك اوي ربنا ميحرمنيش منك ابداا بنت ب 100 راجل والله العظيم ولولاكي الله واعلم كان حصلي ايه
حبيبه بدموع لالا بعيد الشر عنك ومتقولش كده ده واجبي انت اخويا وجاري وعشره عُمر وتستاهل اكتر من اللي حصل يعلي والله
علي ابتسم وتابع بتعب عمري ماسيبت جميل عليا بس والله ما عارف اردلك الجميل ده ازاي حقيقي خليتيني عاجز عن الرد
حبيبه ابتسمت بحب وتابعت بدموع كفاياك كلام طيب علشان خاطري انت صوتك تعبان خالص وبتطلع الكلام بالعافيه
علي بتعب علشان حقيقي تستاهلي ده الواحد مهما يتكلم مش هيوفيكي حقك بجد يحبيبه
حبيبه ابتسمت وتابعت بدموع يسيدي ولا حق ولا حاجه انت بس قوم بالف خير واقف على رجلك من تاني كده وارجع سمعنا صوتك الجميل ده في الاذان وده بنسبالي هيبقى اجمل جميل تردهولي لحسن انا مش مستوعبه يعني ايه شهر كامل مش هسمع صوتك انت
علي باستغراب شهر !! ليه هو انا هفضل قاعد في البيت شهر والله بتهزري مستحيل
سلمى بتوتر ودموع انا عارفه انت بتكرهه قاعده البيت قد ايه بس ااه يعلي هتقعد شهر في السرير ده كلام الدكتور ومش هنتناقش فيه هااا
علي بتعب بتهزري والله ده انا بيتي يخرب شهر ايه يسلمى ربنا يهديكي يابابا
سلمى بضيق علي بجد هزعلك خلاص احنا قررنا اصلا هنبيع الكتب عادي من البيدج بتاعتك اون لاين وكريم قال هيوصلهم ومعترضش يسيدي فمتشيلش هم انت
علي بحده يسلمى شغلي مش كده بس مش هينفع يابابا اقعد شهرر وفضل يكح بتعب
فتابعت حبيبه بخوف خلاص يعلي خلااص علشان خاطري اهدى وبصت لسلمى وتابعت بخوف مش وقته يا سلمى ابوس ايدك ده لسه قايم من عمليه صعبه متتعبيهوش
سلمى بدموع حاضر يحبيبه هسكت وباست جبينه وهو نايم وتابعت هروح اجبلك ادويتك اللي قبل الاكل وجايه خلي بالك بالله عليكي يحبيبه
حبيبه بدموع في عيني والله متقلقيش
فعلي بص للسقف وشرد بوجع وحبيبه لاحظت نظرته وتابعت حقك عليا بس شهر وهيعدي والله
علي بتعب صعب يحبيبه والله صعب
حبيبه بدموع مش احسن ماتخسر صحتك اكتر يعلي ؟؟ ارجوك يابابا فكر في اهلك اللي ملهمش غيرك انت وارد لو مسمعتش كلام الدكتور ونزلت يحصلك مضعافات وتتعب اكتر وساعتها هتقعد اكتر من شهر وانت مجبر فارجوك اسمع كلام الدكتور هو ادرى مننا
علي بوجع : حبيبه انا عطشان
حبيبه بتلقائيه : يعيون حبيبه حاضرر بس كده وراحت حطت مايه في الكوبايه وحطتها جنبه على الكومود وحطت ايديها الاتنين على وسطه من الناحيتين وبقيت تحاول تعدله في قاعدته لانه نايم
فتأوه علي بوجع فتابعت بدموع ولهفه اسفه والله حقك علياا
علي بتعب هتعبك استني لما حد يجي
حبيبه بدموع لالا والله ولا تعب ولا حاجه وبقيت تعدله وهي قريبه منه اوي وقلبها بيدق جامد من قربه فغمضت بتوتر علشان تتجنب النظر في عينيه وعدلته فقعد ورجع ضهره لورا بوجع شديد وحبيبه حطت وراه مخده وعدلتها كويس فرجع بضهره عليها ورجع راسه لورا وغمض بألم شديد
فتابعت حبيبه بخوف علي انت كويس ؟؟
علي بتعب كويس كويس متقلقيش
فمسكت حبيبه الكوبايه وقعدت قدامه وقربت منه وتابعت يلا اشرب اهو
فعلي رفع راسه وقرب يشرب وهي حطت ايديها تحت الكوبايه ولما خلص رجع تاني وتابع بتعب الحمدلله
حبيبه بحزن يستاهل الحمد سلامتك يعلي وربنا يطمنا عليك يارب
علي بابتسامه الله يسلمك يا بيبه
ودخلت سلمى ومعاها العيله ورفيده واهلها
فعلي ابتسم لما شافهم وجريت عليه رفيده فحبيبه قامت ورفيده قعدت جنبه وتابعت بدموع حمدلله على سلامتك ينورعين رفيده وجعت قلبي عليك يحبيبي
علي ابتسم بحب وتابع بتعب سلامه قلبك يغاليه انا كويس متخافيش
رانيا بعياط يقلب امك يا ابني حمدلله على سلامتك ينورعيني وراحت من الناحيه التانيه وحضنته فعلي ضمها ليه اكتر بايديه اليمين السليمه وباس راسها بعمق وتابع بتعب والله ماتعيطي انا كويس وغلاوتك عندي خلاص
رانيا بعياط كنت هموت عليك ياابني والله حسيت روحي بتتسحب مني
علي بتعب عارف والله ومقدر حقك على عيني وباس ايديها
اسراء بعياط ممكن توسعولي كده علشان واحشني اوي
علي ضحك بتعب وتابع حبيبت قلبي دي تعالي
ورفيده قامتلها فعلي خدها في حضنه وباس راسها بعمق وتابع بتعب حقك عليا اهدي متعيطيش وغلاوتي عندك
اسراء بعياط كده يعلي كده توجع قلوبنا عليك بالشكل ده
علي بتعب انا اسف لعياطكم وتعب اعصابكم ده والله
رانيا بعياط الا تعب اعصاب ده احنا كنا بنموت والله يا ابني ولا اسيا اختك واللي عملتوا
علي بتفاجئ هي اسيا عرفت !!
لميا بحزن اه انا قولتلها وكلمتها وهتلبس وجيالك سلامتك يحبيبي بجد والله وقعت قلوبنا
علي ابتسم وتابع بتعب الله يسلمك يا لولو
كريم بضحك خد بالك انت مش جدع علشان اي طالعه بنكون سواا انما المره دي خدت اللقطه لوحدك
فكلهم فضلوا يضحكوا فتابع علي بضحك من بين تعبه الف بعيد الشر عنك يقلب اخوك متمنهاش ليك ابداا ده انا افديك بروحي
فكريم راح باس راسه وتابع بحب عارفك تعملها بس الف بعيد الشر عنك انت كمان انا مقدرش اعيش من غيرك يا ابن الجزمه
فعلي ضحك وتابع حبيبي والله العظيم
كريم بضحك ممكن يا انسه اسراء احضنه بس واسيبهولك تاني
فكلهم فضلوا يضحكوا فتابع علي بضحك ماسكه فيا ولا قافشه حرامي
كريم بضحك انا معرفش مين فهمها انك هتطير
اسراء بدموع اخلص بسرعه وقامت من حضن علي فكلهم فضلوا يضحكوا فعلي حضن كريم وكريم طبطب على ضهره وباس راسه وتابع الف حمدلله على سلامتك يحبيب اخوك
علي بحب الله يسلمك يغالي والله
ابتسام بحب حمدلله على سلامتك يقلب مرات عمك من جوه
علي بحب الله يسلمك يغاليه والله
هناء بدموع والله يعلي عيني ما غفلت فضلت طول الليل ادعيلك ولما الدكتور طمنا روحت منمتش بردو فضلت ادعيلك حقيقي الف حمدلله انك بخير
علي بحب والله انتي قلب علي ربنا يخليكي ليا يا نوئه
هناء بدموع ويخليك لينا يارب يحبيبي ويحميك من كل شر
سعاد بدموع حمدلله على سلامتك يا ابني قلبي وجعني عليك والله لما عرفت من رفيده
علي بحب الله يسلمك يا غاليه
هاله بحزن الف سلامه عليك يحبيبي ربنا يطمنا عليك يارب
علي بحب الله يسلمك يست الكل
نيره بحزن سلامتك يعلي والف حمدلله على سلامتك
علي بحب الله يسلمك يا دكتوره تسلميلي
فتابع عادل بتنهيده حمدلله على سلامتك يا ابني وربنا يقومك منها على خير باذن الله وهستأذن اانا انت عارف ورايا شغل
علي بابتسامه الله يسلمك يعمي وروح طبعا اذنك معااك وبص لهناء ولميا وتابع وانتوا روحوا شوفوا وراكم ايه يلاا انا كويس
لميا بحزن لا مش هروح و
علي بمقاطعه سمعتي انا قولت ايه ؟؟ يلا روحوا شوفوا وراكم ايه انا مش قادر اناهد
لميا بتنهيده حاضر وعقبال ماترجع وتنور بيتك بالسلامه يحبيبي وبصت لهناء وتابعت يلا علشان محاضرتك انتي كمان
فعلي ابتسم وتابع الله يسلمك يحبيبتي يلا خلي بالكم من بعض
هناء بابتسامه حاضر وطلعوا فتابع كريم لحبيبه وانتي وسلمى بقالكم شويه بتغيبوا وبتستعبطوا ليه هاا ولحد امتى ؟؟؟
حبيبه بتوتر انهارده مفيش غير محاضره فمش هروح المشوار ده لعين شمس علشان محاضره يعني
هاله برفعه حاجب قال بتهتم محاضره ولا اتنين اصلا
حبيبه بضيق ماما والله مش وقتك
كريم بحده خلاص مش وقته فعلا هتكلم معاهاا في موضوع الدراسه ده بعدين هي والجزمه اللي هناك دي
سلمى بضحك طب هعمل نفسي من بنها تسمحوا تقومي انتي وبنتك كده علشان اقعد اديه دوااه تسمحواا ؟؟
رانيا بدموع ولفهه اهو اديه يحبيبتي دواه تعالي وباست راسه وقامتلها
اسراء بضيق انا مش هقوم اقعدي مكان امك قولها يعلي
فعلي ضحك وباس راسها وتابع خليها يا لوما واقعدي انتي هنا
فضحكت سلمى وقعدت جنبه وتابعت بحب يخواتي بقعد جنبك كده بحس ان الدار امان
فكلهم فضلوا يضحكوا فتابع علي بضحك قلب علي من جوه انتي والله
سلمى بضحك الله مش بقولك احساسي وفتحت الادويه وجابت الكوبايه وتابعت بحب يلا اهو امسك
فعلي خد الادويه وشرب المايه منها فابتسمت سلمى وتابعت شاطر وباست خده وتابعت يلا علشان اكلك بقى
ابتسام بحب ده انا عملاله فراخ هياكل صوابعه وراها امسكي مقطعاها في الشوربه في الطبق ده اكليه
سلمى بضحك طب والله يامرات عمي برافو عليكم جبتوا اكل لحسن اكل المستشفى ده ميتاكلش مع انها خاصه
علي بضيق لالا سيبكم من الاكل دلوقتي انا مش هاكل بس المستشفى دي عملتوا فيها ايه دي اكيد غاليه جدا علشان حبيبه ترهن دهبها مقابل دخولي بس
كريم بابتسامه طب احترم نفسك طيب
علي بذهول لا يكريم متهزرش بالله عليك
كريم بحده تسمح تسكت وتاكل علشان ادويتك تقيله وفكك من الفلوس والعبط ده ؟؟؟
علي بضيق لا مش هفكني بس اتلم عليك لوحدنا
سلمى بحزن طب يحبيبي يلا ارجوك كُل علشان متتعبش انت خدت الادويه والادويه تقيله
علي بضيق قولت مش عايز
سلمى بضيق يووه بقى يعلي هو انا هحايلك
فرفيده ابتسمت وتابعت اوعي يا لوما انتي انا هاكله
سلمى بضحك ياريت اقنعيه
فخدت رفيده منها الطبق وقعدت جنب علي وتابعت بحب تعدمني لو مكالتش
علي بضيق يووه بقى يا رفيده
رفيده بضحك انا قولت خلاص يلاا ومدت المعلقه
فعلي كل منها بضيق فضحكت وتابعت شاطر ايوه كده
وحبيبه واقفه قلبها واجعها جدا فدخلت غيرت هدومها اللي كانوا جايبينها ليها بعدين دخلت البلكونه وكريم لاحظ وتنهد بعمق
-------------
وفي الاوبر لميا كانت راكبه رايحه مشوار تبع شغلها وبتكلم زين في الفون
لميا بابتسامه اه وبعدين
زين بضحك ولا قبلين هتستعبطي ولا ايه منا عارف انك عرفتي كل حاجه من امبارح
لميا بضحك هو انا عرفت بصراحه بس بردو عايزه اولع فيك انك قعدت معاها
زين بحب وطلع اني بحضرلك حفله علشان عيد ميلادك في نفس الكافيه وهي شاطره جداا في الحاجات دي وزوقها حلو وده شغلها اصلاا يبقى انتي ظالمه ولا مش ظالمه
لميا بضحك مش ظالمه اوي يعني
زين بضحك والله انتي مهزقه ده انا خليتها هي بنفسهاا كلمتك وقالتلك الحقيقه عايزه ايه تاني هاا
لميا بابتسامه هبقى افكر اعاقبك اكتر ازاي بعدين اقولك
زين بضحك يابنت الجزم تعاقبيني على حاجه مرتكبتهاش
لميا بضحك مش مبرر المهم قعدت معاها في كافيه براا
زين بضحك ايوه تصدقي صح وانا قابل ياست البنات طلما ده هيراضيكي
لميا بضحك اتمسكن ياخويا اتمسكن
زين فضل يضحك وتابع لالا دي الحقيقه عيب عليكي
لميا بحب طب يعمري انا بعمل حاجه دلوقتي هخلص واكلمك او اشوفك في الشركه
زين بحب لا خلصي وكلميني انا مش رايح الشركه انهارده
لميا باستغراب ايه ده ليه كده ؟؟؟
زين صاحي مصدع اوفر وجسمي سخن فمش قادر
لميا بقلق لا خلاص خليك فعلا وخلي طنط تعملك كمادات ولا حاجه وخد دوا ونام هتصحى كويس باذن الله
زين بابتسامه حاضر يعمري
لميا بحب يلا بااي وهكلمك ابقى اطمن عليك
زين بحب ماشي ياروحي باي
وقفلت معاه ونزلت من الاوبر وادته الفلوس ومشيت وهي بتتسحب ولقيت ست بتشاورلها فراحتلها وتابعت هاا لاقيتي الملف ؟؟
الست بخوف اه بس خدتلك نسخه منه مقدرتش اخده هو البيه لو عرف هيموتني
لميا بابتسامه متقلقيش محدش هيعرف حاجه خصوصا انه فعلا نسخه ولما يلاقي الملف عنده هيستغرب انا بعرف المعلومات دي منين وطلعت ظرف وتابعت امسكي دي فلوسك
الست خدتهم وتابعت بتوتر تسلميلي ياهانم بس بالله عليكي ماتجيبي سيرتي في حاجه عدلي بيه لو عرف اني انا اللي سربتلك المعلومات دي هيدبحني وانا ليا عيال بجري عليهم
لميا بابتسامه متخافيش يا حوريه هو مستحيل يعرف لانك بتشتغلي في فيلته من زماان وبيثق فيكي وانا عارفه كويس مين عدلي الشامي فمش هورطك معااه في حاااجه
حوريه بدموع عارفه بس بردو اخاف ده انا عيالي حتى لسه مدخلوش مدارس بس بعد اللي عرفته عنه استحرمت اسكت ومساعدكيش بصراحه
لميا بابتسامه وعلشان بتساعديني وبتنقذي ارواح ناس وبتمنعي حاجات غير قانونيه فا ربنا عمره ماهيسيبك
حوريه بتوتر يارب يا استاذه لميا ياارب يلا همشي انا اركب تاكسي واروح الفيلا قبل ما البيه يلاحظ غيابي قولتله هروح الصيدليه وجايه
لميا بابتسامه روحي ولو عوزت اكلمك هنبهك الاول كالعاده
حوريه بتوتر ماشي
ومشيت ولميا رايحه تمشي فلقيت فونها بيرن وكان معاذ فردت وتابعت ايه يغالي ايه الاخبار
معاذ بتنهيده انا كويس بس الاخبار مش كويسه ابداا يا لميا
لميا بتوتر ايه يا معاذ قلقتني في ايه ؟؟
معاذ بتنهيده براقبلك موقعه ومهكر الاكونت بتاعه بقالي كتير وكله لاجلك ومع ان مسكت ضده الف حاجه بس كنتي بتصدقيه وكل مره بيطلع منها المره دي تفتكري حجته ايه بقى ؟؟
لميا بقلق انت تقصد ايه ياابني موضوع سااره ده انا فهمت طلع كل ده علشاان ..
معاذ بمقاطعه علشان يفهمك انه بيحضر حفله لعيد ميلادك مش كده ؟؟ وتنهد وتابع وانتي صدقتيه عادي ؟؟
لميا بذهول اه صدقته مش هصدقه ليه بس انت عرفت منين الكلام ده ؟؟
معاذ بضيق ميتصدقش لانه ببساطه كدب كتيير فـ اقل شئ تبطلي تثقي فيه يا لمياا وعرفت لان البيه قايل لسااره تبعت تقولك كده امبارح ومحفظاها كل حااجه
لميا حست بذهول وصدمه شديده وتابعت نعممم !! وليه كل ده ؟!! زين هيعمل كده ليه ؟؟
معاذ بتنيهده ما ده اللي ساره سالته فقالها انه متمسك بيكي علشان بيستفيد من خبرتك في الشغل وبينجح وبيترقى معاكي وبتاخديه كل شركه اعلى تروحيها انما حته الجواز دي مش في دمااغه
فالميا اتصدمت بشده وقلبها وجعها وتابعت انت بتقول ايه يا معاذ ؟؟؟!!!
معاذ بتنهيده حزينه بقول الحقيقه للاسف وخدي الكبيره بقى تعرفي البيه فين دلوقتي ؟؟
لميا حست انها هتقع ورجليها مبقيتش شيلاها وتابعت فين ؟؟
معاذ بتنهيده هبعتلك
وبالفعل بعتلها العنوان ولميا ركبت اوبر وراحت وعينيها مقوفتش عياط طول الطريق ودخلت العماره وخبطت على باب شقه ساره وهي بتصارع نفسها وجواها حرب
فتابع زين بضحك لساره: يابنتي هوريكي بس اتقلي وفتح الباب اتصدم باللي واقفه قدامه وتابع بصدمه لميا !!!
لميا بصت لشكله قميصه كانت زرايره مفتوحه لحد النص فابتسمت بقهر وتابعت لا واضح انك سخن فعلا سلامتك يحبيبي الف سلامه
----------
وعند هنااء بعد المحاضره كانت ماشيه مع رنا وبيتكلموا
فتابعت رنا بذهول يخرابي تفتكري مين عمل كده في ابن عمك ؟؟؟!!
هناء بتنهيده والله يا رنا ما عارفه المفروض النيابه هتيجي تحقق بس كلمه حق علي طوب الارض بيحبه فمش قادره اتخيل ان ليه اعداء وحد يعمل فيه كده والجو ده
رنا بحزن زعلتيني عليه والله ربنا يشفيه الحمدلله جات لحد كده
هناء بحزن اه والله على رايك كويس قام بالسلامه كل حاجه تتعوض بعد كده وقعدوا في الكافيه فتابعت رنا هعزمك على عصير مانجا بعدين تقومي جري تروحي معادك هاا
هناء بتذكر يالهوي يا رنا تصدقي كنت هنسى فعلا
رنا بضحك عيب عليكي مش ورنا موجوده يلا هجيبلك العصير وجايه
هناء بحب تسلميلي يغاليه
وراحت رنا تطلب وهناء طلعت فونها لقيت رساله بيتاكد عليها فيها تيجي في معادها فعملت رياكت قلب وسكتت وسرحت وافتكرت حاجات هي مش بتحب تفتكرها وكلام كتير اتقال عن شرفها وسمعتها في الفتره اللي بعد ما نادر سابها فالدموع اتجمعت في عينيها بقهر
نادر بحزن طب اديني فرصه امسح الدموع دي لاني واثق اني السبب فيها
فهناء اتصدمت وقامت وقفت وتابعت بحده انت ايه جاابك تااني انت ايه مبتحسش عاايز تتهزق ايه اكتر من كدده قولييي
نادر بوجع هناء ابوس ايديكي متجيش عليااا قسما بالله انا قاطعت ياارا لاجلك وبهدلتهاا بس حقيقي مش هعرف اشوفك مع غيري انا بجد بحبك
هناء بعصبيه ودموع حب ايه يحيوان يا زبااله اللي بتتكلم عنه ؟؟!! ده الحب بريئ منك ومن قررفك صدقت علياا اللي مش فيااا ومفكرتش حتى تلف بالصور لا انت صدقتها علطول من غير ماتعرضها على خبير زي ما صاحب عمرررك عمل وكتبلي عُمر جديد لان كريم مكنش هيسبني عاايشه بسبب الحركه الزباله بتاعتك دي وسيرتي بقيت على كل لساان وجاي بعد كل ده تقولي متجيش علياا يبجاحتك يا شييخ اومال انا حصلي اييه ده انت جبتلي عقددده من كل العلاقاات
فجات رنا على الصوت وتابعت بخوف بس يهناء بس خلاص اهدي حقك علياا وبصت لنادر وتابعت بخوف امشي انت دلوقتي ابوس ايدك يا نادر مش وقته
نادر بوجع عقليها يا رنا وفهميها اني بجد بحبها
هناء بعصبيه شوف بردو هيقول بحبها الحيواان
رنا بخوف خلاص خلاص اهدي وانت يا نادر ارجووك مش وقته سيبها في حالهاا طلما هي قررت تبعد سيبها تعيش حياتها مينفعش تفضل كل شويه تنطلها بالشكل ده افرض بكره وبعده هتتخطب خلاص ؟؟ فحقيقي ميصحش اسلوبك ده انت كده هتجبلها المشاكل
نادر بعصبيه تتخطب لمين ده انا كنت دبحتهااااا
هناء بعصبيه طب هتخطب ووريني هتعملها ازاي يا زباله يا ..
فرنا حطت ايديها على بوقها وتابعت بخوف خلاص يخربيتك كفايه وخدتها ومشيت ونادر فضل باصص عليها لحد ما اختفت من قدام عينيه فمشي
عند هناء شالت ايد رنا وتابعت بعصبيه سكتيني ليه كنتي سبتيني امسخر بكرامه اهله الارض
رنا بحده تصدقي اه فعلا ماليش حق ده الناس بقيت بتستنى الفقره بتاعتكم بفارغ الصبر عشان يكملوا المسلسل
هناء بحده عارفه ان الكل بيتفرج بس انتي مش شايفه الاستفزاز بتاعه
رنا بحده مترديش عليه ولما تشوفيه سيبيه وامشي واخر ماتزهقي قولي لكريم يُقفله بجد لان مينفعش كده
هناء بدموع اكيد هعمل كده انا بجد خلاص اتخنقت ووجوده قدامي مخليني هضعف وانا مش عايزه ده يحصل
رنا طبطبت عليها بحزن وتابعت حقك عليا هتعدي والله
هناء بدموع يارب يا رنا بجد ومسحت دموعها وتابعت يلا انا هروح المعاد بتاعي
رنا بحب استني طيب اشربي العصير
هناء بحزن لا ماليش نفس تتعوض يا رنا تسلميلي يحبيبتي ومشيت
فتابعت رنا يهنااء .. يابنتييي .. طب ابقي طمنيني طيب
هناء بصوت مسموع حاضر وركبت تاكسي ومشيت تروح المركز
وبعد شويه وصلت وطلعت سالت مساء الخير
البنت بابتسامه مساء النور
هناء بابتسامه كان في حجز باسم هناء حاتم الجارحي مع دكتوره صفاء هي جات ولا لسه
البنت بابتسامه لا حضرتك الجدول كله اتغير بسبب ان في دكاتره جديده اتعينت في المركز فالنهارده مش معاد دكتوره صفاء بس اسم حضرتك مكتوب فعلا انهارده فبما انك جيتي ممكن تدخلي تجربي صدقيني كلهم كويسين ومجرد ما الجرس يرن هيبقى دورك بالفعل بعد اللي جوه
هناء بتنهيده هو فعلا المشوار بعيد جداا علياا يلا زي ما تكون اللي جوه وقعدت مكانها
ودقايق والجرس رن فدخلت السكرتاريه دققتين وعرفت الدكتور مين اسم البيشنت اللي هتدخل وطلعت ومعاها البيشنت اللي كان جوه وتابعت انسه هناء اتفضلي
فهناء ابتسمت وخدت نفسها بتوتر وقامت ودخلت وتابعت بابتسامه مساء الخير واتصدمت لما رفعت وشها وشافته
فابتسم وسام بفرح لما اتاكد انها هي فعلا اللي في دماغه ومش مجرد تشابه اسماء وتابع ده يا مسااء النور
-----------
في المستشفى عند علي كانوا كلهم قاعدين حواليه وحبيبه خرجت من البلكونه وهي نظراتها ثابته وكانها مضايقتش ولا اي حاجه
فتابعت رفيده بضحك قومي يا صفراا منك ليهاا عايزه اقعد جنب خطيبي شويه
اسراء بضيق لا مش هقوم واتلمي هاا اديكي بتقولي خطيبي مش جوزك
فكلهم فضلوا يضحكوا فتابعت رفيده بضحك شوف البت مقصوفه الرقبه
فعلي فضل يضحك فتابعت سلمى بضحك وانا عن نفسي مش هقوم ونامت على صدر علي اليمين لانه السليم وتابعت بضحك ده حبيبي ده وتابعت بتمثيل للفيلم: مفيش حاجه تقدر تفرقنا عن بعض ابداا
علي بضحك يااعمري
فكلهم فضلوا يضحكوا فتابعت سلمى بضحك ايوه خليك معايا على الخط كده وتابعت بحب وهي بتغنى وبتغيظ رفيده وبتحرك حواجبها : مين يجي ياخد مكااني؟؟ .. وانت لمين غير عشاني ؟؟ ..ده انا كتير من حنااااني سيبتك تاخد كفايتك ونامت على صدره وكملت انا حب سنين كتييره يحبيبي وانت عاارف وشاورت على نفسها وكملت انا الاولى الاخيره وشاروت على رفيده وتابعت مش معرفه م المعاارف
فرفيده بصتلها بذهول وكلهم فضلوا يضحكوا بشده فتابعت رفيده بضيق يعليي اختكك بتغيظني
فعلي فضل يضحك بشده وتابع سكر والله معلش سامحيها دمها شربات وباس خد سلمى وفضل يضحك
فتابعت سلمى بضحك لا قول الحقيقه بتكلم صح ولالا
علي بضحك صح طبعا يعمري انتوا التلاته اول حب في حياتي هي دي فيها كلاام
فسلمى واسراء حضنوه وباسوا خده فتابعت رفيده بضحك داخله على عقارب برجلي انا والله
ابتسام بضحك ربنا يقويكي يابنتي والله
رفيده بضحك يارب فعلا ادعولي كتير
ودخلت اسيا وسليم وراها وهو شايل تولين وجريت عليه وتابعت بدموع اوعي يابت قومي وقومت سلمى وقعدت مكانها فعلي خدها في حضنه وتابع بس بس اهدي .. حقك عليا اهدي .. ورحمه ابوكي لتبطلي عياط .. يابت انا كويس يخربيت اهلك مموتش يا اسيا اهدي بابا في ايه
اسيا بعياط ولهفه الف بعيد الشر عنك يا نن عين اسيا متقولش كده وباست خده وراسه وتابعت بعياط وجعت قلبي عليك يعلي والله
علي باس راسها بعمق وتابع عارف والله بس اهدي انا كويس وغلاوتك عندي
فتولين عيطت زيها فبصلها علي وتابع ينفع كده يا اسيا عيطتيها زيك اهدي يابابا انا كويس خلاص والله الحمدلله جات على قد كده
اسيا بعياط ده انا وهي طول الليل عياط والله نيمتها بالعافيه
علي بوجع اخص عليكي يا اسيا وتفهميها ايه العيله دي وبص لتولين وتابع: تعالي يابابا انا كويس متعيطيش هاتها يسليم فسليم حطها على رجل اسيا فعلي خدها في حضنه وباس راسها وتابع بوجع لالا يقلب خالو اهدي انا كويس اهو بتعيطي ليه بس
تولين بعياط علشان انت اتعورت جامد وتعبان
علي مسح دموعها بايديه السليمه وتابع بحب لا ينورعيني مش تعبان شوفتك خفيت خلاص
فتولين عيطت وتابعت لالا انت مش بتقول الحقيقه
علي بحب وغلاوتك عندي بقول الحقيقه هي تعويره صغيره وهتخف خلاص انما طلما خالو صحي وبيتكلم يبقى كويس مش كده يا مامي مش انا بقيت كويس ؟
اسيا مسكت دموعها وتابعت بوجع اه يعمري خالو بقى كويس
تولين بعياط لو هو كويس انتي بتعيطي ليه ؟؟
اسيا بوجع بعيط علشان صعبان عليا انه اتعور يا توتي انما هو خلاص هيخف بسرعه صدقيني
تولين بعياط يارب انا هقول لربنا انه يخف بسرعه
فعلي الدموع اتجمعت في عينيه وباس خدها بعمق وحضنها وتابع بنتي دي اقسم بالله
سليم بحب دي روحها فيك والله لو ابوها اللي تعبان ماهتعمل كده سلامتك يغالي
علي بضحك الله يسلمك يحبيبي والف بعيد الشر عنك
تولين بعياط عارف يا خالو انا فضلت اعيط امبارح كتير اوي وقولت لمامي عايزه اشوفك بس هي قالتلي بكره لما الصبح يجي وفضلت اعيط والليل فضل موجود كتير لحد مانمت وصحيت قولتلها وديني لخالو يلا قالتلي يلا
علي حضنها جامد وتابع بتأثر: ينورعين خالك انتي والله ربنا يحميكي ويحافظ عليكي ياروح قلبي انتي
اسيا بدموع سلامتك يحبيبي وباست وخده ونامت في حضنه وتابعت مليون سلامه عليك
علي باس راسها بعمق وتابع الله يسلمك يغاليه
سلمى بضيق قومي ياختي انتي هتنامي وتاخدي رااحتك ولا اييه ده مكااني ولا انتوا متجوش غير علياا علشاان غلبانه واسراء القادره محدش قوومهاا ؟؟!!
فكلهم فضلوا يضحكوا فتابعت اسيا بس يابت اخرسي
وسليم شاور لاسيا انه هيخرج يتكلم في الفون فهزت راسها بماشي وخرج
فتابعت اسراء بضيق انا قولت مش هقووم كفااايه انتي قعدتي معااه امبارح الليل كله وانا مشيت
علي بضحك بدلوا مع بعض شويه وشويه وحبوا بعض متتخانقوش
سلمى بضحك لا شكلي هتخانق علشان الاتنين عايزين يتجابوا من شعرهم
فكلهم فضلوا يضحكوا فعلي بص لاسيا وتابع ايه الريحه دي انتي حاطه برفيوم يا اسيا ؟؟
كريم بضحك هيفوق عليها اهوو
فكلهم فضلوا يضحكوا فاسيا بصتله بتوتر وتابعت لا يحبيبي ده انا ريحتي كده بادي سبلاش وبيثبت فتره طويله انما محطتش حاجه وحياتك
علي بضيق ريحته واضحه اووي و 100 مره انبهك بلاش من الكلام ده طلما هيثبت كده
اسيا بتوتر حاضر يعلي مش هحط منه تاني حقك عليا
رفيده بضحك ياخراابي منك حتى وانت تعبان مش سايبهم في حالهم
علي بحده اصل قعدت في بيتي 18 سنه مشمتهوش انا البادي سبلاش ولا البادي زفت
اسيا بضحك الله يعلي ماقولت مش هحط منه تاني الله وبعدين انا علشان نايمه في حضنك انما هو ريحته مش واضحه
كريم بضحك محصلش اول ما دخلتي ريحته بانت
فعلي بصلها برفعه حاجب فابتسمت بتوتر وتابعت اعتبرها راحت لشيري خلاص
علي بحده ولا شيري ولا غيرهاا متشيليش ذنب بيهاا فتترمي في الزباله علطول
اسيا بصدمه تترمي فيين ؟؟ انت عارف دي بكاام ؟؟؟!!
علي بتنهيده اغلى من الجنه يعني ؟؟؟
اسيا ابتسمت بحرج وتابعت خلاص هشد بلاستر وباست خده وتابعت اعتبرها اترمت في الزباله يحبيبي ونامت على صدره
فتابعت رفيده بضحك هتعجن انا بعد الجواز والله انا حاسه
علي بضحك كده كده يحبيبتي متقلقيش
ولقيوا الباب خبط فتابع علي لاخواته اتعدلوا بسرعه فاسيا واسراء قاموا من حضنه وقعدوا كويس فتابع علي اتفضل
فدخل وكيل النيابه وتابع محمد محمود وكيل نيابه
علي بابتسامه اهلا يا فندم اتفضل
فوكيل النيابه خد كرسي وقعد
وفي نفس الوقت دخل عصام وتابع بابتسامه حمدلله على سلامتك يغالي وراح باس راسه وحط الوورد جنبه اللي كان جايبها
فعلي ابتسم وتابع تعبت نفسك يعصام تسلم يحبيبي الله يسلمك
عصام بابتسامه لا تعبت نفسي ايه بس ده انت اخوياا يجدع
علي بحب تسلم ياقلب اخوك والله وبص لوكيل النيابه وتابع معاك يا فندم اؤمرني
فعصام بص لرفيده اللي شافته اترعبت والدموع اتجمعت في عينيها
فتابع وكيل النيابه بتنهيده جالنا بلاغ انك اتضرب عليك نار وانت بتحضر فرح فمحتاج اعرف منك شويه معلومات شاكك في مين ؟ ومين ليه مصلحه يعمل كده ؟ وهل حد قاصد ولا كانت بالغلط؟
فعلي تنهد وتابع حضرتك انا ماليش عداوه مع اي حد وعايش في حالي والفرح فرح ابن منطقتي وكنت رايح اجامل يعني حتى مش كل الناس هناك اعرفها وكل اللي فاكره اني كنت بشرب سجاير بره القاعه خالص واتنين ملصمين عدوا بموتوسيكل واحد منهم ضربني طلقتين وقعت وغبت عن الوعي مش فاكر اي حاجه تاني
وكيل النيابه امممم بس دي كده مقصوده يعلي
علي بتنهيده ما هي مقصوده يا فندم بس مين صدقني انا معنديش اي علم ولا شاكك في اي حد واحد في الميه
وكيل النيابه بتنهيده متاكد ولا خايف على حد من اسرتك لانك متهدد مثلا ؟؟
علي بتنهيده لا يافندم انا مبخافش من حد ومتاكد من كلامي زي ما انا شايف حضرتك قدامي كده ولو عرفت اي حاجه اكيد هبلغكم لاني انا كمان عايز حقي بس بالقانون لاني محامي وفاهم يعني ايه قانون كويس اوي انما صدقني معنديش اكتر من اللي قولته
وكيل النيابه بتنهيده تمام يا علي وبص حواليه وتابع هل حد كان معاه او قريب منه وشاف الناس دي او حتى ارقام الموتوسيكل
فمحدش رد فتنهد الوكيل وتابع اخر سؤال قبل ما امشي محدش فيكم شاكك في اي حد ويكون علي تاه عن باله الشخص ده ؟؟
فكلهم سكتوا ورفيده بلعت ريقها بتوتر وبصت لعصام اللي كان باصصلها بصه رعبتها
فتابع الوكيل بتنهيده فكروا كويس قبل ما امشي ده هيخليني اقدر اجبله حقه
علي بتنهيده والله يا فندم ما في مشاكل بيني وبين اي حد انا نفسي عارف بقولك ايه
وكيل النيابه بتنهيده تمام يا علي واحنا هنتابع القضيه وهنبلغك بالجديد عن اذنك
علي بابتسامه نورت وشرفت يا فندم
وقام ومشي ورفيده غمضت عينيها بقهر من ضعفها ودموعها نزلت وعصام ابتسم بخبث وتابع هستاذن انا يا علوه علشان عندي ميتنج الف سلامه عليك يحبيبي
علي بابتسامه الله يسلمك يغالي
وعصام بصلها بخبث ومشي فدموعها نزلت وعلي خد باله فتابع بقلق مالك يا رفيده تعالي يابابا في ايه
رفيده بتوتر هاا لا مفيش حاجه يحبيبي كويسه
علي بتنهيده تعالي بس معلش يا اسيا قعديها
اسيا بضحك وماله حتى انت خايف من اسراء
فكلهم فضلوا يضحكوا فتابع علي بضحك اخلصي يا بنت الجزمه هقعدك تاني
وقامت اسيا فقعدت رفيده فعلي مسح دموعها بايديه اليمين اللي هي قاعده ناحيتها وتابع بحزن مالك يا بابا في ايه
رفيده بدموع قلبي واجعني اوي لان انا واثقه ان اكيد حد قاصد فدماغي عماله تودي وتجيب مين عمل كده
رانيا بدموع اه والله يابنتي على رايك الواحد يقلق اصل اللي يجرب يعملها مره يعملها الف
علي بحب يجماعه اهدوا مش هيحصل حاجه غير اللي ربنا عاوزها اقصى حاجه البشر تقدر تعملها انها تنفذ اللي ربنا كاتبه محدش بياخد اكتر من نصيبه خليكم مؤمنين بالله
فكلهم قالوا ونعم بالله
فتابع علي بحب وانتي اخلصي بقى بطلي عياط شكلك بيبقى قمر ومينفعش اعمل حاجه للاسف
فرفيده ضحكت من بين دموعها فعلي مسح دموعها وتابع بحب ايوه كده اضحكي شكلك بيبقى قمر اكتر
وكل ده تحت نظر حبيبه اللي من ساعه ما خرجت من البلكونه وهي واقفه ساكته قلبها بياكلها وحاسه بنار جواها بس منطقتش ولا قالت حرف والدموع اتجمعت في عينيها وهي شيفاه بيكلمها كده وافتكرت كلام سلمى وقلبها وجعها اكتر وجاهدت متنزلش دموعها وتابعت بثبات : بما انكم كلكم متجمعين فعندي ليكم خبر حلو
فكريم بصلها باستغراب وتابع خبر ايه ده ده ؟؟
حبيبه بجمود انا وافقت على عماد
« لنا موعد آخر »
البارت التاني عشر
الكااتبه / Lola
حبيبه بجمود انا وافقت على عماد
فابتسمت هاله بفرح وتابعت اييه بتتكلمي جدد !!
حبيبه بابتسامه مزيفه : اه بتكلم جد ولما لاقيتكم كلكم متجمعين وعلي كمان فاق وقام بالسلامه قولت تبقى الفرحه فرحتين
فنيره زغرطت وحضنتها وتابعت بفرح ايوه كدده يقلب اختك براافو عليكي فرحينا بيكي بقى
فابتسمت ابتسام بفرح وتابعت يا الف نهاار مبرووك يحبيبت خالتك اخيراا يحبيبه اخيراا هتفرحي قلبنا بيكي
حبيبه ابتسمت بانكسار وتابعت الحياه فرص يا خالتو وانا مش هفضل ارفض من برا لبرا اقعد معاه واشوفه يمكن فعلا يكون شخص كويس
رانيا بابتسامه حزينه: ربنا يكتبلك اللي فيه الخير يا نن عيني انتي بنت حلال وتستاهلي
سلمى بتوتر حبيبه انتي متاكده من الخطوه دي ؟؟!!
حبيبه بوجع اه ياسلمى متاكده متخافيش علياا
كريم بتنهيده خدي وقتك في التفكير يحبيبه علشان انا مش هقول للناس تعالوا ونرجع لشغل العيال وتقولي مش عايزااه
سلمى بوجع اه يحبيبه ارجوكي متستعجليش
حبيبه تنهدت بعمق وتابعت لا يكريم متخافش مش هقول كده لاني عمري مارضيت حد يدخل باب بيتنا علطول كنت برفض من برا لبراا بس كفايه كده مفروض اريح ماما واطمنها عليا بقى
هاله بدموع فرح ايوه كدده يابنتي ربنا يكملك بعقلك ويفرحني بيكي ياارب
علي بابتسامه ربنا يعملك اللي فيه الخير يا حبيبه
حبيبه بابتسامه مليانه وجع: انا وانت ياارب وبصت لكريم وتابعت قول لعماد اني موافقه يجي هو واهله يتقدم
كريم بتحذير حبيبه فكري علشان اقسم بالله ...
حبيبه بمقاطعه هقعد معاه يكريم .. وغلاوتك عندي هقعد معاه خلااص حقيقي كفايه
تولين نزلت من على رجل اسيا وراحتلها وتابعت بحزن انتي بتحبيه زي ما مامي بتحب بابي ؟؟
حبيبه متفاجئتش بسؤالها وابتسمت بوجع لانها كانت قايله لتولين انها مش هتوافق غير بحد بتحبه فوطت لمتسواها وتابعت بوجع لا مش بحبه وابتسمت والدموع متجمعه في عينيها وتابعت بس يمكن احبه علشان هو بيحبني ولما بنلاقي حد بيحبنا اوي بنحبه احنا كمان
تولين بحزن انا مش عايزاه ده بارد
اسيا بحده تولين
حبيبه ضحكت من بين دموعها وتابعت بس يا اسيا ماهي عندها حق بردو بس يلا ده حتى المثل بيقول خد اللي يحبك ومتاخدش اللي انت تحبه وبصت لتولين وتابعت بابتسامه هو بيحب حبيبه حبيبتك وهيعمل كل حاجه علشان يخليها تحبه فمفروض تفرحي انك هتشوفيني عروسه ولا ايه
تولين بضيق لا ده وحش
فكلهم فضلوا يضحكوا فتابعت هاله بضحك معلش هنخليكي تحبيه وترضي عنه هو احنا نقدر نجوزها من غير رضاكي يا توتي
علي بتنهيده بغض النظر عن المثل اللي قولتيه يحبيبه لاني مش بتفق خالص معاه بس ربنا يريح قلبك وبالك
حبيبه بوجع ليه هو كان في حل تاني وانا معملتوش؟
علي بتنهيده ايه المانع تستني شويه وتاخدي اللي بتحبيه وراضيه بيه ؟
حبيبه ابتسمت بقهر وتابعت لالا الشخص اللي بتمناه مش هلاقيه ولا هاخده فباذن الله عماد يعوضني
علي بتنهيده متهيالك .. هتفضلي تدوري على الحاجات اللي اتمنيتيها كل وقت سواء في عماد او في غيره وتقارني بينه وبين شخص عايزه تكوني معاه فهتتعبي .. انا فكرتك عايزه عماد انما طلما وافقتي بيه لمجرد انه بيحبك لا كده غلط جداا رايي فكري تاني يحبيبه ومتتسرعيش
هاله بحده تفكر تاني اييه !! ولا تاني ولا تاالت هي كده فكرت وعملت الصح كلكم بتشوفوا نصيبكم محدش يوقفلي حال بنتي انا هروح اكلم ام عماد واعرفها خلاص و
كريم بمقاطعه وبحده ده على اساس ان حبيبه ملهااش رجاله ودي حاجه الحريم اللي تتكلم فيها يعني يخاالتي ؟!!!
هاله بتوتر لا ياابني مش كده بس ..
كريم بمقاطعه وحده ولا بس ولا مبسش انا اصلا مع علي فكل كلامه ومش حكايه نوقف حالها بس حبيبه متهوره ومحتاجه تفكر تاني و
حبيبه بمقاطعه وبحده بسس كلكم قولت انا عاايزاه خلااص بقى
اسيا بتنيهده خلاص يجماعه سيبوها على راحتها مليوون مبروك يحبيبتي
حبيبه بابتسامه مليانه وجع الله يبارك فيكي يا اسيا
رفيده بابتسامه مليون مبرووك مبسوطه ليكي خالص
حبيبه بوجع الله يبارك فيكي عقبال فرحك يحبيبتي عن اذنكم
وطلعت وهي بتعيط بصمت وكريم نفخ بضيق
فتابع علي بتنهيده انا مش مقتنع
هاله اتعصبت ورايحه تتكلم فبصلها كريم بحده فسكتت فتابع بتنهيده ده قرارها يعلي وهي مش صغيره ومسئوله من كل كلمه تخرج من بوقها احنا عملنا اللي علينا وهي بردو مش مقتنعه فخلاص خليها تجرب
نيره بتنهيده يجماعه مفيهاش حاجه هي لسه هتقعد معااه ولسه هتتخطب محدش هيجبرها تتجوز يعني
ابتسام بتنهيده ربنا يعملها اللي فيه الخير يارب يابنتي ويفرحنا بيكم كلكم
نيره بحب يارب يحبيبتي
رانيا بابتسامه حزينه : هياخد ست البنات والله يا زين ما اختار
هاله بابتسامه تسلمي يا ام علي ربنا يخليكي ياختي وعقبال ماتفرحي بيه
علي بابتسامه قريب باذن الله كتب الكتاب هيبقى لما اقوم بالسلامه
فرفيده بصتله بتفاجئ وتابعت بفرح انت بتتكلم جددد ؟!!!
علي بحب اه والله العظيم قولي لعم عاادل اني حددت المعاد خلاص اول جمعه في الشهر الجديد
فاسراء واسيا زغرطوا بفرح بيهم الا سلمى ورانيا حبيبه كانت شاغله بالهم اوي وخايفين تعرف ورفيده دموعها نزلت بفرح وسندت على كتفه وتابعت بدموع فرح ربنا يديمك ليا وميحرمنيش منك ابداا يحبيبي
علي بحب ولا منك يا روح قلبي
كريم تنهد بعمق وابتسم وتابع مليوون مبرووك يقلب اخوك
علي بحب الله يبارك فيك يغالي عقبالك
وهاله ونيره لووه بوقهم وبصوا لبعض بصدمه وخوف من ان حبيبه تعرف فسلمى لاحظت وفهمت ان اكيد يعرفوا فابتسمت بوجع وتابعت مليوون مبروك يحبيبي بس رايي بلاش تعلن ولا تعرف حد دلوقتي انت عارف الناس وعينيها هيقولوا قاعد في مستشفى خاصه ولسه مخرجش منها وملحقش يقوم من تعبه ونزل بوست انه هيكتب كتابه قريب فممكن تتحسد ربنا يحميك ينورعيني فرايي تقول اول الشهر انه هيبقى اول جمعه
علي بحب والله عندك حق حاضر يحبيبتي هعمل كده
فسلمى تنهدت بارتياح وابتسمت بحب وهاله ونيره ارتاحو زيها لفكره ان حبيبه مش هتعرف دلوقتي
فتابعت رانيا بتنهيده على كده عريس حبيبه هتشوفوا امتى ؟
علي بتنهيده استنى ابقى كويس يكريم واحضر القاعده معاكم دي زي اختي بردو علشان بس ميقولش ان البت ملهاش رجاله
كريم بتنهيده فيك الخير يحبيبي حاضر هقوله يجي لما تقوم بالف سلامه باذن الله
علي بحب تمام اتفقنا
فابتسمت اسيا ووطت باست خده وتابعت مباارك ينورعين اسيا والله
علي بضحك حبيبت قلبي بس مبتجيش غير في المصاايب انتي بقالي سنه عايز اتلم عليكي
اسيا فضلت تضحك وتابعت حقك على عيوني ووالله يعلي علشان اعرف اجيلك منزلتش البنك انهارده واتخصملي قد كده
علي بحب حقك عليا والله
اسيا بحزن اخص عليك ده انت مال الدنيا كله تحت رجلك هو انا كنت اقدر مجيش اشوفك ده انا كنت هتجنن عليك والله يعلي
علي بحب حبيبتي والله يابت يا اسياا وابقي فكريني عايز اتكلم معاكي في حاجه
اسيا تنهدت بضيق لانها فاهمه هيقول ايه وهي مش عايزه تتكلم عن علاقتها هي وسليم خالص فابتسمت عكس مشاعرها وتابعت عارفه هتكلمني في ايه ووالله العظيم انا اجزت امبارح بردو وقعدت مع سليم واتعاتبنا فكل حاجه ومفيش اي حاجه دلوقتي متقلقش يعيوني
فعلي ابتسم بفرح وتابع ايوه كده فرحيني وهدي بالي عليكي شويه
اسيا بتنهيده هو بصراحه الشغل بيأثر بس متخافش انا فكرت كتير ولو لاقيته جيه على بيتي وجوزي تاني هسيبه
علي بحب ايوه بالظبط كده ربنا يكملك بعقلك يا اسيا يارب
اسيا بضحك ياارب وبصت حواليها وتابعت بخوف ايه ده هي توليين فين ؟؟؟؟
سلمى بحب راحت لابوها متخافيش لما طلعت بصيت عليها لقيتها مسكت ايديه وهو بيتكلم
اسيا تنهدت بارتياح وتابعت خلاص ماشي
كريم بضحك وانتي يا مهزقه صحيح مانعه البت تاخد مننا اي حاجه؟
اسيا فضلت تضحك وتابعت عارفه والله هتشوفوني مش هتسكتوا على الموضوع ده بس والله يحبيبي مش كده
علي بضحك اه اومال ايه فهمينا بقى علشان وربنا جايبين اخرنا منك
اسيا فضلت تضحك وتابعت كل الحوار ان تولين صغيره مش هتفهم ان خالو اه تمام عمو تمام انما ده لا وده لا فانا بعلمها عاامه متاخدش حاجه غير باذني فكده صح بجد
كريم بتنهيده ماشي هو صح بس متحسسيناش اننا غرب مع البت كده ده احنا اللي مربينك يا حيوانه
اسيا فضلت تضحك وتابعت لالا حقكم علياا والله غرب ايه بس والله ابداا ولو قدامي هقولها تاخد علطول بس الفكره كده بحافظ عليها عامه تطلع مؤدبه متطلبش ولا تاخد بسهوله انما مش القصد انتوا والله
علي بضحك طب خلاص فهمنا بس بردو خفي من عليها شويه بتعمليلها ايه بيرعبها كده انتي هااا
اسيا بضحك انا بعمل حاجه !! ده انا غلبانه ما انت عارف اختك
علي بضحك غلبانه اه وضربها على دماغها وتابع غلبانه اوي
فاسيا فضلت تضحك وتابعت والله ما بعملها حاجه بس بربيها
رانيا بحب سيبك منهم يابت بنتك ادب واخلاق خليكي زي ما انتي كده
اسيا بضحك حبيبتي يا مامي والله واحشاني هاتي حضن علي خد كل الاشتياقات لوحده وراحت حضنتها فرانيا ضمتها اكتر وباست رلسها
علي بضحك معلش مكنتيش هتشوفيني تاني بقى وكده
فسلمى واسراء واسيا ورفيده قالوا في نفس واحد : بعيد الشرر
فكلهم فضلوا يضحكوا فتابع كريم بضحك ما شاء الله 4 بنات بيحبوك ولا السلطان
علي فضل يضحك وتابع 3 منهم مينفعوش للاسف
رفيده بضحك ليه هو انت هتعوز حد معايااا يحبيبي ولا حاجه ؟؟؟
علي بضحك لا ياروحي مقدرش وبص لكريم وتابع وانت شوف هخرج امتى يكريم تعبت
سلمى لا طبعااا مفيش خروج الدكتور قال هتقعد 3 ايام وعدا يوم فاضل اتنين وانا قااعده معااك اهو ومش هخرج غير بيك
علي بضيق مش قااعد انا 3 ساعات كمان في المخرووبه دي خرجني يا كريم
كريم برفعه حاجب مش هيتكتب ليك خرووج اصلاا فاحترم نفسك كدده واتلم انت مش عيل صغير
علي بحده ياابني مش قادر تعبت مبحبش قااعده المستشفياات
كريم بحده قولنا يومين كمان وهتخرج خلااص كفاياك عند دي صحتك
فعلي نفخ بضيق وسكت فتابعت سعاد بحزن معلش يحبيبي يومين وهيعدواا
علي رجع ضهره لورا وتابع ياارب والله يا امي حقيقي تعبت
رانيا بدموع حقك عليا انا يعمري هانت خلاص اهم حاجه انك قومت بالسلامه
كريم بحب خلاص اهدي متعيطيش هو هيقعد اليومين وهيخرج يبقى جنبك واهتمي بيه وهتلاقيه شويه وبقى زي الفل
رانيا بدموع يارب يكريم والله يارب يا ابني
كريم بحب يارب يحبيبتي وبص لسلمى وتابع روحي كليتك الصبح كفايه اهمال هتتنيلي تسقطي ورفيده هتيجي تقعد معاه لحد ماترجعي وتمشي
سلمى بضيق لا مش هسيبه و
كريم بمقاطعه وبحده سمعتي انا قووولت اييه ؟؟؟
سلمى بضيق طيب يكريم حاضر
علي بتنهيده اسمعي كلام كريم يا سلمى هو بيتكلم صح
سلمى بحزن حاضر يحبيبي
فتابع كريم بتنهيده طيب يلا بقى كلكم نمشي ونسيبه يرتاح شويه
فتابع الكل يلا
ورفيده رايحه تقوم من جنبه فعلي مسك ايديها وتابع خليكي عايزك
رفيده بابتسامه حاضر يحبيبي وبصت لامها وتابعت هاجي وراكي يا ماما روحي انتي
فامها هزت راسها بماشي وبالفعل الكل مشي الا رفيده وسلمى سابتهم ودخلت البلكونه تحاول تكلم حبيبه تطمن عليها بس مكانتش بترد فنفخت بضيق
برا عند علي
علي بتنيهده مالك يا رفيده
رفيده بابتسامه مالي يعيون رفيده منا كويسه اهو ومسكت ايديه السليمه حطتها مابين ايديها وباستها بعمق وتابعت كنت قلقاانه عليك بس ودلوقتي بقيت زي الفل اهو
علي برفعه حاجب والله ؟!!
رفيده بتوتر اه والله في ايه يعلي ؟؟
علي بتنهيده في انك بتسرحي وشكلك متوتر وانا مش مرتاح حاسس فيكي حاجه وبتخبي علياا اصل انتي مش جديده عليااا
رفيده بوجع لا يعمري صدقني ولا اي حاجه كل ده من قلقي عليك والله ودلوقتي الحمدلله بقيت زي الفل
علي بشك: متاكده يعني ؟
رفيده بحب وفرح: اه متاكده وتعالى اوريك الديزاين بتاع دريس كتب كتبنا اللي هبتدي فيه من دلوقتي علشان يجهز برااحته بقى
علي ابتسم على فرحتها وتابع بحب وريني
فرفيده قعدت جنبه وفتحت الفون وبقيت توريه
-----------
عند لميا
كانت واقفه مصدومه فابتسمت بقهر وتابعت لا واضح انك سخن فعلا سلامتك يحبيبي الف سلامه
زين بتوتر لمياا .. لمياا صدقيني انتي فاهمه غلط و
لميا ضحكت من بين دموعها وتابعت فااهمه غللط ؟!!! هو للدرجه دي ؟!! طب بتضحك عليااا وبتستعبطني كل الفتره دي وقولنا ماشي انما كمااان بتستعمانييي !! واتعصبت وضربه في صدره وتابعت والمنظررر اللي انا شيفاااك فييه ده ايييه هااا
زين شدها لجوه وقفل الباب وتابع بعصبيه صوتك والناااس علشان مخفيهوش خاالص
لميا بعصبيه ودموع يبجااحتك يا شييخ .. والله يبجاااحتك خااايف الناااس تسمعني وتتفضح انت والزباااله اللي جوه ديي انمااا مش مكسوووف من نفسك ولا في ذره ندددم من اللي عملته فيااا انت حقيقي حقييير ومش طبيعي وانا اللي غطلتت لما فكرت ادي قلبي لواحد رخييص زييك وراهنت عليك قدام الدنيااا كلها وقداام اختيي وقداام نفسي واستحملت وعدييت فيكوون ده جزااتي يا زيينن
ساره خرجت لابسه چيبه جلد قصيره وفوقيها بدي حمالات وتابعت بضحك وحياتك ياختي ما هببنا حاجه ولا جزااتك ولا نيله جيتي في الوقت المنااسب
فلميا بصتلها بقهر ولطريقه لبسها وبصتله وتابعت بوجع لو كنت قولتلي من الاول انك بتحب تشووف المنااظر دي مكنتش ضيعت وقتي معااك لاننا عمرنا ماهنكون شبه بعض
زين بتوتر لميااا ابوس ايديك افهمي دي بت شماال بكلمها ااه اخرج معااها ااه انما وغلاوتك عندي ماكنت هخليهاا تشيل اسميي .. اسمي ده اللي تاخدده لازم تكون ملتزمه وبنت ناس زيك و
قاطعته ساره وتابعت بعصبيه نعممم ياااروح امك !!! بت ايييه ؟!!! ليه هو انا اللي كنت بريل عليك من خمس دقاايق ولا اجبرتك تيجيي هنااا ؟؟؟؟
لميا غمضت عينيها بقهر فتابع زين بعصبيه ما علشان ده اخرك وده اللي بيحصل مع الناس اللي زيك وبص لي لميا ومسك ايديها وتابع بلهفه انما انا ملمستهااش ومكنتش هلمسهاا صدقيني يا لمياا انا اه ضعفت بس وغلاوتك عندي ماحصل حاجه
لميا فتحت عينيها وشدت ايديها منه بعنف وبصتله بقهر ومسحت على بوقها وتابعت شاايف الريااله مسحتهاا اهوو واتعصبت وتابعت هو انت فاكرني ايه ؟؟ هو انا علشان حبيتك ابقى ساذجه للدرجه دي ؟!!!!! بس لالا حقيقي مش هلومك انت ملكش ذنب انت بردو عندك حق منا اللي ياما عرفت بكلامك مع دي ومع دي وعديت وحطيت في بوقي جززمه قديمه وسكتت وانهارت عياط وتابعت بعصبيه وغميت عيني قصد عن كل اغلاااطك علشااان هبله وساااذجه لان ده ممكن يكووون اي حاااجه الا انه حـــب
زين بدموع لميا انا اسف ابوس ايدك سامحيني وانا والله العظيم والمصحف مالمستها ولا كنت هلمسهاا ده ضعف والحمدلله انتي جيتي لحقتيني فسامحيني وانا اقسم بالله هاجي لكريم بكره واتقدملك
لميا ضحكت بوجع من بين دموعها وتابعت للدرجه دي خاايف على نجاحك العملي فماسك فيا ؟!! طب يشيخ خليك رااجل وليك شخصيه مره واحده وعند اهل دمك والطبيعي والمنطقي اتف في وشك وانزل وتبقى مكسوووف ومش عااارف ترد علياا تقول اييه انما حقيقي مشوفتش في بجاحتك وقررفك لسسه ماااسك فيااا علشان الشغلل !! هو انت مش بتتكسف من نفسك بجدد !!
زين بعصبيه انتي بتقولي اييه بطلي تخلف انا بحبك وشااريكي و
لميا بمقاطعه وعصبيه شديده : بقووول الحقييقه بقول القرررف اللي خرج من بوقك للهانم دي علشاان توصل لجسمهااا يا قذر يا زباااله بس خلااص انا اختاارت افتح عيني المرره دي يا زييين وهدوس على قلبي بالجزززم ومش عااايزاااك ولو هموووت من غييرررك كفااايه قرررف بقى كفااايه اني امسك في وااحد استغلل اسمي ومعملش حااااجه غيررر انه يخوني ويأذينييي
زين بوجع ودموع انا يمكن قولت لساره كده وحقيقي الشيطان كان متمكن مني بس اقسم بالله اانا فعلا بحبك ومستعد انزل معاكي لكريم دلوقتي وهسيب الشركه ياستي علشان تعرفي اني مش عايز من نجاحك حاجه
لميا بوجع عارف لو كنت قولت الكلام ده من نص سااعه كنت هنهبر .. هطير .. ويمكن اعيط من فرحتي .. انما دلوقتي .. وفي اللحظه دي تحديداا خلااص انا مبقتش بنبهر ولا بقيت عاايزااك وانت فعلا سهلت علياا قرار البعد زي ما قولتلك .. البعد اللي عمري ماتخيلت انه هيحصل وعيطت وتابعت وحياتي واحلامي اللي بنيتهم معااك وملك وياسين اللي اختارت اسمائهم لعيالنا ودنياا تاانيه بعيده عن كل دده عملناها لينااا بس انت زباله واقذر واقل من اني كنت اقعد واحلم معااك
زين بدموع حقك علياا ابوس ايديكي حقك عليااا طب هسيبك تهدي وخدي وقتك ياستي واعتبريه صمت عقاابي وخليكي زي مانتي اعرفي اخبااري ولما تتاكدي اني بجد ندمت واستحقكك وافقي نرجع
لميا بوجع انا عارفه كل حاجه من زمان يازين وكنت بغفر واختار مشوفش بمزاجي انما دلوقتي خلاص انا افتكرت كل حاجه مع بعض ورصيد غفرانك وحبك خلصوا من جوايا واحلامي هعيشهاا بس مع اللي يستحقهاا وهوريك ده بعينك وهخليك تندم والندم يموتك وبردو مش هرجعلك
زين بدموع لالا يا لميا لينا فرصه تاني ومعااد تاني وهنكمل حكايتنا ابوس ايدك متسبنيش انا حقيقي فوقت
لميا بصتله بوجع وتابعت زمان دموعك دي كانت تدبحني .. دلوقتي مش قادره تهدي 1% من القهر اللي جواايا ونفسي اشوفك بشكل اسوء من كده فانت ندمت او مندمتش فات الاوان بنسبالي يا زين خلاص .... وسابته ونزلت
فدموعه نزلت بوجع فراحت ساره حطت ايديها على كتفه وتابعت بابتسامه لا بس برافو اقنعتني انا شخصياا
زين بصلها بقرف ورمى ايديها وابتدى يقفل ازرار قميصه وتابع بحده ابعدي عني ومالكيش علاقه بيا تاني
ساره بصتله بتفاجئ وتابعت بضحك الله هو انت جاي تتوب عندي هنا ولا ايه
فزين مسك شعرها جامد فصرخت بوجع فتابع بعصبيه اتووب ايه يازباله هو انا عمري لمستك ولا لمست غييررك ونحمد ربنا انها جات فوقتني فابعدي عني احسنلك علشان انا مش طااايقك ولا طاايق نفسي ..بخسر واحده بنت ناااس زيهاا علشان مشيت وراا شويه شهوه وكله بسببك
سااره بعصبيه ودموع بسببي لييه ان شاء الله كنت ضربتك على ايدك يحبيبي ولا خطفتك وجيبتك ؟؟!!
زين بتأنيب ضمير: في دي عندك حق الغلطه غلطتي وانا اللي هصلحها ورماها وقعت على الارض وصرخت بالم ونزل هو وهو حاسس بتوهان وندم غير طبيعي
عند لميا كانت ماشيه في الشارع تايهه اوي وسرحانه والدموع متجمعه في عينيها بوجع
فلااش باااك
هناء بتنهيده يعني كريم لو عرف عادي ؟
لميا بخوف لا طبعاا يعرف ايه يا هناء اخوكي عصبي اوي ومش هيتفاهم وهو بصراحه اتلدع فيكي فمش هيأمن لحد بسهوله بس انا واثقه في زين
هناء : منا بردو كنت واثقه في نادر يا لميا
لميا بحزن بس زين مش نادر وصوابع ايدينا مش زي بعض
بااااك
وابتسمت بقهر وتابعت زين مش نادر فعلا وعيطت وتابعت زين اوسخ منه بمرااحل وقعدت على الرصيف وفضلت تعيط وحاطه ايديها على بوقها بتحاول تكتم عياطها
-------
عند هناء كانت واقفه مصدومه انه هو الدكتور
فتابع وسام بابتسامه ده يا مساء النورر
هناء بصدمه هو انت !!!
وسام بابتسامه ااه انا دي حاجه تضايقك ولا ايه ؟؟
هناء غمضت بضيق وتابعت اسفه بس هشوف المواعيد الجديده وهستنى الدكتوره عن اذنك
ورايحه تمشي وسام وقفها وتابع بضحك ياستي محصلش حاجه لكل ده استني بس للدرجه دي مستخصره فياا رزق وجايلي لحد عندي ؟؟
هناء وقفت ولفت بصتله برفعه حاجب وتابعت اعتقد كونك وسام العااامري اللي لسه رااجع من امريكا مش محتاج تشتغل هنا اصلااا
وسام بتنهيده وانتي فكرك الناس بتشتغل ليه؟ علشان الفلوس ؟
هناء بتنهيده اه اومال هيكون ليه ؟
وسام بابتسامه اقفلي الباب وتعالي هقولك
هناء بصتله بتردد فتابع بابتسامه ياستي اعتبريها دردشه عادي مش حابه تكملي خلاص امشي
فتنهدت بعمق وقفلت الباب ودخلت قعدت قدامه فتابع بابتسامه لو هشتغل علشان الفلوس فاعتقد انا وصلت للي كنت عايز اوصله خلاص زي مانتي قولتي .. بس انا بشتغل لان ده اسلوب حياتي مبحبش قاعده البيت وبحب شغلي وبقدم فيه رساله واعتقد لو مكنتش بحبه مكنتش نجحت فيه وجبت الفلوس ولا ايه؟
هناء ابتسمت من كلامه وتنهدت وتابعت كلام جميل بس مش غريبه شويه الصدفه دي؟
وسام بابتسامه لا مش غريبه انتي لو قريتي عن المركز في السنين اللي فاتت هتلاقي انه مكان شغلي قبل ما اسافر ولما رجعت وطلبوني مردتش ارفضلهم طلب لان المكان ده قدملي كتير ونجحت فيه وبعدين ده من حسن حظي انك اختارتي تيجي هنا علشان سوء التفاهم اللي حصل بيناا ده
هناء بتنيهده بس انا مش جايه اتكلم عن سوء التفاهم ده خالص ومكنتش اعرف ان انت الدكتور ولو كنت اعرف م
وسام بمقاطعه مكنتيش جيتي مش كده؟
هناء بتنهيده بصراحه اه بس مش علشان سوء التفاهم اللي حصل بالعكس .. يعني اعتقد الضغط في الشغل الفتره الجايه هنا هيكون عليك انت لان اسمك معروف وبصت للارض وتابعت بس لانك دكتور الندوه وهتشوفني تاني في الجامعه و ... وسكتت
وسام بابتسامه و ايه كملي سكتي ليه ؟؟؟
هناء بحرج و هتحرج كوني من البيشنت بتوعك ... كمان لو قررت هتعالج معاك هتعرف عني كتير جداا وانا محبش ان ونفخت بضيق وسكتت
وسام بابتسامه فهمتك فهمتك بس اللي انتي متعرفيهوش ان وسام دكتورك مختلف جداا عن وسام اللي هيقدملك الندوه وتنهد وتابع مبدائيا انا هشوفك مره كمان في الجامعه وشكرا على كده مش هنتقابل في الجامعه تاني انما هنا هيبقى لينا كلام كتير مع بعض ثانيا واضح اني بالفعل مبخلطش بين شغلي والجامعه واكبر دليل رحبت بيكي مع ان اخر موقف بينا مكنش لطيف خالص فانتي هنا بيشنت عندي واحطك فوق راسي وبراا ليلتك سودا على فلوس المج اللي اتكسر لـ 100 حته ده
فهناء فضلت تضحك بشده فابتسم على ضحكتها وتابع ايوه كده ضحكتك جميله والله
هناء بضحك ميرسي جدا شكلي هكمل معاك ولا ايه
وسام بابتسامه يافندم ده انا اتشرف ولو مش حابه تحت امرك هرشحلك دكاتره صحابي وزيي واحسن مني وروحي للي يعجبك المهم تبقي بخيرر
هناء بوجع انا هكمل معاك بس انا بخير فعلا يا وسام انا مش مجنونه واتحرجت وتابعت قصدي يا دكتور سوري
وسام بابتسامه بالعكس شيلي الحواجز وخليكي بطبيعتك كده احسن وكل ما هتطمني هتبقى على طبيعتك اكتر فتمام ياستي انا وسام عادي بس مين قال اني لما قولت المهم تبقي بخير معناها انك مجنونه؟
هناء بحرج يعني اصل بيقولوا ان
وسام بمقاطعه انسه هناء انتي متعلمه ومثقفه بيقولوا ايه بس ورايحه تقولي ايه هو انتي دلوقتي لو بطنك واجعتك بتروحي فين؟
هناء بتنهيده عند دكتور باطنه
وسام بابتسامه ولو اسنانك واجعتك؟
هناء ااه عند دكتور اسناان
وسام بابتسامه ولو رجلك واجعتك هتروحي لدكتور عظام الى اخره فكمان لما تتعبي نفسيا وقلبك يوجعك طبيعي دي حاجه محتاجه اهتمام كبير وليها دكتور نفساني وده من رايي المتواضع اهم من كل دول عارفه ليه ؟
هناء بابتسامه ليه ؟
وسام بابتسامه لان الحزن ووجع القلب هو اللي بيجيب المرض ولو تعبانه جسديا وسمعتي خبر فرحك هتقومي تتنططي رغم انك تعبانه عاادي بس حقيقي مشاعرنا هي المسئوله عن اللي بيحصل في جسمنا ولو خرجتيها صح واتعالجتي بتبقي صحيه وكويسه .. ولو كتمتي .. الزعل بيجيب جلطات وسكر وقولون عصبي وحاجات كتير جداا
هناء بابتسامه طب والله عندك حق وكلامك خلاني محسش بندم اني فكرت اخد الخطوه دي وخلتني اتاكد ان مش عيب اكون تعبانه نفسيا
وسام بابتسامه مش عيب طبعاا والا كان هيكون عيب اي مرض تااني .. انتي بس في مجتمع مش متفهم ان نفسيتك طبيعي تتعب وفاكرين ان لازم تفضلي واقفه زي الجبل ومتشتكيش لان هما مشتاكوش مع ان هما ممكن جداا من الكتمان والاحداث اللي اتعرضولها وسكتوا يكونوا المرضى النفسيين الحقيقيين وناس تانيه ضحياهم يعني انا اغلب اللي بيجي عندي العياده بيتعالجوا نفسيا مش هما المرضى الحقيقيين لكنهم بيتعالجوا نيابه عن المرضى الحقيقيين اللي علموا فيهم كده
هناء ابتسمت وتابعت والله عندك حق
وسام بابتسامه ميرسي جداا طب ايه مش هسمعك بقى؟
هناء تنهدت بوجع والدموع اتجمعت في عينيها وتابعت بص يا وسام انا مش عايزه اتكلم فكل حاجه انهارده بس هقولك جزء
وسام بابتسامه انتي اعملي اللي يعجبك وبراحتك خالص وبص للشازلونج وتابع قومي ارتاحي طيب علشان تكوني براحتك
فهناء ابتسمت وهزت راسها بماشي وقامت نامت عليه فعلا وتنهدت بعمق وبصت قدامها بشرود ووسام شد الكرسي وقعد قدامها بس من جنب الشازلونج وهز راسه بالايجاب علشان تتكلم وتابع سامعك
هناء تنهدت بعمق وتابعت اتخذلت من اكتر انسان حبيته في حياتي
وسام غمض عينيه وتنهد بعمق فتابعت هناء بوجع اذاني اوي وجيه علياا وصدق فيا اللي محصلش وبسببه سيرتي بقيت على كل لسان واخويا وسندي الوحيد في الدنيا دي مد ايديه علياا وشك فيا بسببه واللي واجعني اني لسه بحبه وعايزاه رغم اني عارفه ومتاكده انه مبقاش ينفع ورجع وندم بس خلاص بقى تنهدت بوجع وتابعت بعد ايه
وسام بتنهيده انا لسه مش فاهم تفاصيل بس خليني اسالك لما رفضتي ترجعيله رغم انك بتقولي لسه بتحبيبه كنتي بتحمي نفسك ولا بتعاقبيه ؟؟
هناء ابتسمت بقهر وتابعت لا مش بعاقبه ولا حاجه لان انا مستحيل اصدق انه يكون حبني بجد علشان يتعاقب ببعدي عنه بس كنت بحمي نفسي لاني مبقتش حاسه بامان معااه ودموعها نزلت وتابعت وسابني في اكتر وقت محتجااه فيه ويوم كتب كتابي وبفستاني
وسام بذهول للدرجه دي !! ليه حصل ايه يخليه يعمل فيكي كده
هناء بدموع هقولك بس في مره تاني انا حقيقي مش قادره وكل ما اعيد الاحداث دي بتعب
وسام بابتسامه حزينه : طب ممكن اسالك انتي عايزاني اساعدك في ايه؟
هناء بوجع تساعدني ابطل احبه وادرك قيمه نفسي وان اللي عمله فيا مش قليل
وسام ابتسام بحنيه وتابع وانا والله العظيم هساعدك بس علشان اساعدك لازم تساعديني انتي كمان وتحكيلي اكتر بس لما تكوني مستعده متضغطيش على نفسك تمام؟
هناء بوجع تمام حاضر بس انا ممكن اسالك سؤال ؟
وسام بابتسامه اكيد طبعا
هناء بدموع ليه بنقابلهم ونحبهم ونتعلق بيهم طلما مش هيبقوا ليناا في الاخر ؟؟.. ايه وجهه الاستفاده من الوجع ده ؟؟
وسام اتوجع لعياطها ونبره صوتها وابتسم وتابع ده بيحصل من واحنا صغيرين مش من دلوقتي بس .. يعني هقولك على سبيل المثال الانسان في طفولته بيزعل ويعيط على سنانه اللي وقعت وبيفتكرها راحت للابد ومش فاهم ان اللي بيطلع مكانها بيكون اقوى وانسب لجسمه اللي بيكبر .. واللي بيتمرن بيشتكي من وجع العضلات بعد التمرين ومبيبقاش مدرك ان الوجع ده نتيجه تمزقات صغيره والجسم بيصلحها ويرممها عشان يبني عضله اقوى من الاولى .. حتى الجرح لما يلتئم الجلد بيسيب علامه شكلها باين اه بس قوتها بتبقى اضعاف الجلد القديم كأن الجسم بيفكرك كل فتره ان الالم والوجع مش كارثه او ان الخساره والفقدان مش نهايه الدنيا .. ده سنه الحياه لإعاده التكوين .. كذلك الحال مع الندوب النفسيه .. هي كمان بتخوف في الاول .. بتوجع .. بتغير شكلك من جوه .. بس لو اشتغلتي عليها وفهمتي وجعها هتكتشفي انها مش علامه ضعف دي علامه انك اتعلمتي كتير ..ومع الوقت هتلاقي نفسك … اقوى من النسخه اللي كنتي فيها قبل ما تتكسري ..فانتي كل اللي محتاجاه بس ياهناء انك تفهمي وتواجهي وتصبري وهتعرفي ليه مريتي بكل ده وهتشكري ربنا انك مريتي بكده لما الحكايه تكمل لانها عمرها ماهتخلص ولا هتقف عند الوجع
هناء بصتله وابتسمت وتابعت انت من اول جلسه وريحيني حقيقي مش عارفه اقولك ايه
وسام ابتسم بفرح وتابع يسلام متقوليش اي حاجه ده انا تحت امرك بس لازم هنكمل كلامنا قريب
هناء اتعدلت وتابعت بابتسامه هاجي بعد الندوه او بعد يومين
وسام بابتسامه تعالي الوقت اللي يريحك وقام جاب الكرت بتاعه وتابع وابقي ابعتيلي هتيجي انهي يوم علشان اعمل حسابي ولو مش يومي هجيلك انتي بس
هناء بحرج لا والله متتعبش نفسك خلاص هشوف الجدول
وسام بابتسامه اعملي زي مابقولك كده بس وولا تعب ولا اي حاجه واداها الكرت
فهناء ابتسمت وشالته في شنطتها وتابعت بابتسامه تمام هكلمك وقامت وتابعت يلا السلام عليكم
وسام بابتسامه وعليكم السلام ورحمه الله وبركاته نورتيني
هناء بابتسامه ده نورك وطلعت وقفلت الباب وهو قعد على كرسي مكتبه ورجع ضهره لورا بضيق شديد وتابع يعني لسه بتحبه ونفخ بضيق
ولقى الباب بيخبط فتابع ادخل
فدخلت ميرا السكرتاريه وتابعت نسمه جمال برا يا دكتور
وسام بتنهيده اعمليلي كوبايه قهوه اشربها بعدين دخليها
ميرا بابتسامه تمام حاضر
وخرجت وقفلت فوسام حط راسه مابين ايديه ونفخ بضيق شديد
----------
عند زياد وشيري
شيري كانت واقفه بتقطع السلطه ولابسه كاش مايوه حمالات ولقيت زياد بيحاوط وسطها بايديه وبيحضنها من ضهرها فشهقت وتابعت حرام عليك يا زياد خضتني
زياد بضحك سلامتك من الخضه يقلب زياد وباس رقبتها بعمق وتابع تعالي عايزك في كلمتين
شيري لفتله وتابعت بضحك اتلم وسيبني احضر الاكل
زياد شال من ايديها السكينه وتابع بضحك تعالي اتلم ايه بس ده انا ملموم بقالي 4 شهور بحالهم
شيري بضحك اوعا يا زياد كفايه امبارح يحبيبي
زياد بضحك لالا يابت صحتك مبقيتش عجباني اشحال بجيلك اجازه كل كام شهر يعني
شيري بضحك ما انت بتخلص حقك هو انت بتفوت حاجه
زياد بضحك طب تعالي يابت اخلصي كفاياكي رغي ووطى شالها بين ايديه فضحكت وتابعت زياد مبهزرش وحياتك عندي ورايا حاجات كتير
زياد بحب هنعمل الشقه مع بعض ولو على الاكل نطلب من برا انهارده وناكله جنب السلطه القمر اللي عملتيها دي
شيري بضحك هي خلصت السلطه اصلااا ماهي لسه بتتعمل
زياد بضحك وماله نكملها بعد شويه ومشي بيها
شيري بضحك طب ماتسيبك من السلطه خالص وننزل ناكل برااا ؟؟
زياد بحب خلاص اشطا يبقى نعمل الشقه مع بعض وننزل
شيري بضحك طب واوضه النوم؟
زياد دخل اوضتهم وحطها على السرير وتابع مالها دي كماان
شيري بضحك مالها ايه انت مش شايف متكركبه ازااي
زياد بضحك معروفه دي مبتتروقش وانا موجود اصل ماهي هتتكركب تاني كده كده
فشيري فضلت تضحك وتابعت مبهزرش بجد بردو هتعملها معاياا
زياد قرب منها وتابع بهيام يسلام ده انا هعمل كل حاجه انتي اؤمري بس
شيري بصتله وتابعت بضحك مش مرتحالك حاسه نيتك مش تمام وغمضت عينيها
زياد فضل يضحك وتابع لا اتاكدي وبصلها استغرب وتابع انا كل ما افتكر اسالك على حاجه بنسى
شيري فتحت عينيها وبصتله وتابعت حاجه ايه؟
زياد انتي ليه من يوم ما اتجوزتك بتغمضي عينك مش فاهم؟
شيري بتوتر عاادي يا زياد متوتره
زياد باستغراب متوتره !!! انتي متجوزه بقالك 3 سنين ولسه بتتوتري ليه ان شاء الله ؟؟؟!!
شيري بتوتر ما يحبيبي شوف الـ3 سنين دول انت بتيجي كل قد ايه وبشوفك قد ايه في السنه فحقيقي مبلحقش اتعود
زياد بتنهيده خلاص يا شيري حصل خير
شيري بتوتر طب انت عايزني ابصلك طيب ؟؟؟
زياد بتنهيده مش دي الفكره انا بس سالتك علشان بحسك بتكرهي قربي منك فمش عايزه تشوفيني انما طلما بتتوتري خلاص
ورايح يقوم فشيري حطت ايديها حوالين رقبته وتابعت ايه رايح فين ؟؟
زياد بتنهيده هشرب سجاره وجاي
شيري بحب لا خليك متقومش وبعدين مين دي اللي بتكرهه قربك ده انا بفرح لما بتنزل اجازه احنا هنهزر ولا ايه ؟؟.. وصحيح قولي بقى علشان انا كنت هعملهالك مفاجاه قبل ماتنزل بس انت فاجئتني بمعاد نزولك فا ها اصبغ شعري لون ايه ؟؟
زياد بحب قولتلك شعرك كده جميل متعمليش فيه اي حاجه
شيري بحب يا زيزو تغيير يا زيزو انا مش هقصه علشان عارفه انك بتحب طوله انا هصبغه بس ايه رايك في بني ؟
زياد بحب حلو وباسها جنب شفايفها وتابع كل حاجه حلوه فيكي
شيري بضحك خلاص نصبغه بكره علشان اسيا كانت قيلالي اعمله في وجودك لحسن عيلتكم دي مخها تعبان وهيقولوا بتتزوق لمين وجوزها مساافر وانا شعري هيبان علشان مش محجبه وكده
زياد برفعه حاجب اعملي اللي يعجبك في الوقت اللي يعجبك واللي يكلمك قوليلي انااا
شيري بضحك يخواتي سندي ياناس وباست خده وتابعت بضحك بعدين مانت بتاخد حقك تالت ومتلت في الكول بردوو فحتى لو مسافر اديني بتزوقلك بردو
زياد بضحك بعيداا عن اي حاجه اللي يعجبك اعمليه بس اساليني الاول لان مش كل الحاجات دي بحبهاا
شيري بحب ده من عيوني يعيوني وباسته ورايحه تبعد فقربها ليه اكترر وباسها بعمق ......
وبعد شويه كانت شيري نايمه في حضنه وايديه بتعدي على شعرها فتابعت بتنهيده زياد هو انت هتقعد قد ايه ؟؟
زياد بابتسامه يعني اسبوع كده
شيري بضيق طب وبعدين احنا كل اللي بنعمله ده مالوش لازمه لانه مش في ايام التبويض بتاعتي وامك مش سيباني في حالي وانا عايزه حل علشان تعبت بجد
زياد نفخ بضيق وتابع قولتلك 100 مره سيبك من امي الكلام ده بتاع ربنا
شيري بحده وربنا ده عرفوه بالعقل يا زيااد وانت دايما اجازتك مش بتناسبني فمستحيل يحصل حمل
زياد بعصبيه يعني هي دي بتاعتي يعني ياشيرري ؟؟ شركه ابوياا هي علشان اختاار انزل امتى ؟؟!!
شيري بحده يا زياد اصل دي مش عيشه ومش امك بس اللي بتسمعني كلام يسم البدن وانا حقيقي تعبت من موضوع سفرك ده
زياد بحده والله اسلوب حياتي ده انتي عارفاه من زماان مش جديد عليكي
شيري بحده عارفااه اه بس الخطوبه غير الجواز يمكن ساعه الخطوبه كانت بتعدي ومش باخد بالي بس دلوقتي انا محتاجاك ومسكت ايديه وتابعت زياد انا محتاجه وجودك ارجوك افهمني انت مش عاايز تخلف مني وتبقى اب ؟؟؟
زياد بحزن مين قال مش عايز ده انا بتمناها ليل نهار بس بايدي ايه يا شيري ؟؟؟
شيري خلاص يبقى قول للمالك الرسمي للشركه وقدم على طلب اجازه شهر
زياد برفعه حاجب اقول للمالك اييه ؟؟؟ اقوله عايز اجازه شهر علشان اشوف المعاد المناسب لمراتي امتى علشان اخلف ؟!! انتي شكلك اتجننتي رسمي قسما بالله
شيري بحزن خلاص يا سيدي مش شهر انا هحسبها واقولك تنزل امتى ماهي مش هتحصل غير كده يا زياد
زياد بعصبيه يبقى مش هتحصل خاالص يا شيري علشان مينفعش الهري اللي انتي بتهريه ددده .. دييي مش شرركه اهلييي انا مجرد مدير فيهاا انما مش بتاعتي ومش بمزاجي انزل الاجازات امتى ولا انتي مركزي فيها خلااكي تتكلمي بقلب جاامد
شيري بدموع وبحده خلااص يا زياااد خلااص قفل على الموضوع دده ووطت جابت الكاش بتاعها ولبسته ودخلت الحمام وقفلت الباب جامد وهو مسك علبه السجاير ولع واحده ورمى العلبه بعصبيه على الكومود ونفخ دخان السجاره
------------
في المستشفى عند علي
سلمى كانت قاعده جنبه بتاكله
علي بتعب خلاص يا لوما مش قاادر ورجع ضهره لورا بتعب
سلمى بحزن يحبيبي هو انت لحقت تاكل ومدت المعلقه وتابعت امسك بس علشان خاطري
علي بضيق لالا يسلمى مش قادر والله حقيقي خلاص
سلمى بحزن طب دي بس وحياتي ومدت ايديها
فعلي تنهد وخدها منها ورجع ضهره تاني
فسلمى مشت ايديها على شعره وتابعت بابتسامه حقك عليا ايام وهتعدي
علي بتنهيده ماهي هتعدي يسلمى .. بس المشكله هتعدي ازاي
سلمى بحب زي ما ربنا يريد المهم انت متشغلش بالك وسيبها عليه
علي بابتسامه ونعم بالله يحبيبتي
ولقيوا حازم دخل فسلمى بصتله وابتسمت فتابع بابتسامه يا مساء الفل
سلمى بحب مساء النور
علي بحب مساء الخير يحبيبي اعدليني يا لوما
فسلمى عدلته في قاعدته فحازم حضنه وسلم عليه وتابع ايه يغالي طمني عليك دلوقتي اخبارك ايه
علي بحب الحمدلله في نعمه انت ايه الاخبار
حازم بحب زي الفل يحبيبي والله نحمد ربنا وبص لسلمى وابتسم بحب وتابع اخبارك ايه
سلمى بصت للارض بحرج وتابعت الحمدلله كويسه
فعلي ابتسم وتابع قومي يالوما خدي خطيبك واتكلموا شويه في البلكونه
حازم بضحك ده يازين ما قولت والله بس عايز افاتحك في موضوع الاول
علي بحب خير يحبيبي قول
حازم بحب معرفش الوقت مناسب ولالا بس يلا هقولك وامري لله وابتسم وتابع طبعا انت عارف ان فرحي انا ولوما قرب خلاص مش كده
علي بحب اه يحبيبي ربنا يكملكم على خير يارب
حازم بحب يارب .. فالمهم انا حبيت لما تقوم بالسلامه باذن الله نكتب لاننا الفتره الجايه هننزل ونروح ونيجي كتير فعايز نبقى على راحتنا اكتر
علي بتنهيده هو انا ااكيد مش هعترض بس هي مش مراتك بردوو هاا ؟؟
حازم بضحك يباشا متخافش ده انت اختك كده كده حتى بعد الفرح هتغلب امي بكسوفهاا دده فمتخافش انا علشان هنقعد مع بعض فترات طويله والله وهننزل كتير
علي بحب خلاص يغالي اقوم بالسلامه واكتبو بعدي
حازم بتفاجئ اييه ده هو انت كمان هتكتب
علي بضحك ااه شوفت
حازم بضحك ايه الاخبار الحلوه دي خلاص ماشي يغالي اتفقنا ربنا يقومك بالف خير ياارب
علي بحب تسلم يغالي يلا روحوا بقى
حازم بضحك تسلم يقلب اخوك والله وقام دخل البلكونه
فتابع علي بابتسامه قومي لخطيبك يلا
سلمى بحب حاضر
فعلي باس راسها وتابع بحب مليون مبروك يانن عيني
سلمى ابتسمت بفرح وتابعت الله يبارك فيك يحبيبي
علي بحب قلب حبيبك انتي والله يلا روحي علشان سبقك عيب
سلمى بضحك حاضر ولو عوزت حاجه ناديني هاا وباست راسه
علي بحب ماشي يعمري
فدخلت سلمى وابتسمت وبصتله ولما بص عليها وابتسم بصت بعيد
فضحك حازم وتابع وبعدين طيب؟ هتتعودي علياا امتى ده خلاص كلهاا شهر وابقى جوزك
سلمى بتوتر حازم ممكن نتكلم في حاجه تانيه؟
حازم بضحك هموت واعرف ايه بيخوفك لما بجيب سيره الجوااز يحبيبتي ده كتب كتااب بس والله اهدي
سلمى بتنهيده هقولك بس لما نكتب ووحياتي عندك انا مبحبش جو حضن كتب الكتاب والكلام ده
حازم بحب حاضر والله وانا عمري ماهعمل حاجه متعجبكيش
سلمى بحب وانا متاكده من ده
فحازم ابتسم وتابع ابقي استأذني علي بكره وننزل اختار معاكي دريس كتب الكتاب علشان مسافر الصعيد وهقعد هناك شويه وهرجع قبل كتب كتابنا بيومين مثلا
سلمى بتنهيده تااني يا حاازم !! هو انت مش قولتلي هتحاول تنقل كل شغلك هنا بدل مانت كل شويه رايح جااي كدده
حازم بحب بحاول والله يعمري الحق انقل كل شغلي هنا قبل جوازنا بس مؤقتا مضطر اتنقل كتير بس متخافيش انا مش هقصر معاكي في حاجه علشان كده حتى قولتلك تعالي ننزل بكره نجيب دريسك
سلمى بحب خلاص ماشي هقول لعلي وبعد الكليه ننزل
حازم بحب اتفقنا ولقي مسدج من صاحبه: "عرفت الجديد "
فكتبله بقلق "ايه في ايه ؟؟؟ "
صاحبه:" البنت انتحرت انهارده "
فحازم اتصدم بشده وده بان على ملامحه فسلمى استغربت وتابعت ايه في ايه مالك يا حازم ؟؟؟
حازم بتوتر لالا ابدا مفيش ده صاحبي قريبته كانت مريضه سرطان وتوفت فاتصدمت شويه بس
سلمى بحزن لا حول ولا قوه الا بالله ان لله وان اليه راجعون ربنا يرحمها ويسكنها الفردوس الاعلى يارب
حازم كان حاسس بتوهه فتابع بشرود: يارب اللهم امين وبص لسلمى وتابع انا هنزل دلوقتي رايح لصاحبي اعزيه واقف جنبه هتعوزي حاجه يحبيبتي؟ ؟
سلمى بحزن لا يحبيبي سلامتك ايوه روح اكيد اهلها كلهم تعبانين دلوقتي
حازم بخوف منا رايح يلا باي وباس جبينها وسلم على علي ومشي وهي وقفت في البلكونه وحاولت ترن على حبيبه تاني فردت عليها فتابعت بلهفه اخيراا يا حبيبه هانم
حبيبه بوجع خير يا سلمى
سلمى بدموع ابوس ايديكي ارفضي .. بلاش تعملي في نفسك كده محدش يستاهل حتى لو اخوياا .. استني اللي تحبيه علشان نفسك مش علشان حد انما انتي كده هتظلمي نفسك وتظلمي عماد وبعد الجواز هتظلمي عيالكم
حبيبه اتوجعت من الفكره وتابعت طولها زي عرضها انا لو هستنى اللي بحبه يبقى هستنى كتير لازم على الاقل احاول ادي نفسي فرصه انما انا مش هحب تاني يا سلمى خلاص
سلمى بدموع حبيبه انتي اتسرعتي وصدقيني هتندمي الجواز مش خطوه سهله كده
حبيبه بتنهيده مقولناش جواز انا هتخطب بس ومش هتجوز غير وانا مقتنعه وخدت الخطوه دي بعد تعب وتفكير كتير فارجوكي بلاش تخليني اتهز واتردد تاني وباي دلوقتي يالوما علشان امي عايزاني
سلمى بحزن باي
وخرجت لقيت هشام جار رفيده قاعد قدام علي فتابعت بتوتر وهمس لنفسها وده ايه جابه ده كمان استر يارب
علي بضيق لا منا بقيت بخير تسلم يغالي
هشام بابتسامه اقسم بالله يا علوه ماعرفت اطمن من كلام خالتي سعاد قولت ابدا اروح اشوفك بنفسي واطمن عليك
علي بضيق لا فيك الخير
هشام بخبث على كده عصام جيه سأل عليك ولا حاطك في دماغه ؟
علي باستغراب وهو عصام هيحطني في دماغه ليه بيني وبينه الورث؟
هشام بضحك لا بينك وبينه الاكبر من كده وابتسم بخبث وتابع رفيده
علي بحده مال رفيده بالموضوع ماتحترم نفسك وتخليك راجل وطلعها من دمااغك بقى
هشام بخبث لا انا مطلعهاا خالص الموضوع ده اتقفل من زمان بنسبالي بس هو انت متعرفش ان رفيده كانت مخطوبه قبلك ؟؟؟
علي بحده ااه قالتلي انها كانت مخطوبه ايه العيب في كده مش فااهم ومال ده باللي انت بتقوله ؟؟
هشام بخبث ماهو عصام بقى حبيب رفيده الاولاني واللي كان خطيبهاا
سلمى بصت لعلي بذهول وحطت ايديها على بوقها وعلي اتصدم بشده وتابع بعصبيه امشي اخرج برااا
هشام بضحك اهدى بس و
علي بمقاطعه وعصبيه قووولت غووور براااا يلاااا
فهشام قام وسابه وخرج وهو بيبتسم بخبث فتابعت سلمى بدموع اهدى يحبيبي مش كده
علي بعصبيه هي ازاي متقوليش ان اللي كان زفت خطيبها هو عصااام
سلمى بتوتر عادي يحبيبي يمكن فكرت انك هتمنعهم من بعض في عز ماهما دلوقتي اخواات عادي
علي بعصبيه اخوات ااه .. مفيش اتنين حبااايب هيشوفوا بعض اخواات مهما تعدي السنين يا سلمى حتى لو هي شيفاه اخوهاا انما ايش ضمني بنيته هو ؟!!! لالا يسلمى في حاجه غلط وباين على اسلوب رفيده من ساعه ما عصام رجع وحقيقي مش هعديهالها على خير وليها حسااب كبير اوي معايا
--------------
في بيت رفيده كانت قاعده ببيچامه ربع كم وبرموده بيتي وبتتفرج على الشاشه وابوها وامها نايمين شويه فالباب خبط فقامت تفتح لقيت عصام وشكله مكتش طبيعي
فاتخضت وتابعت بخوف ايه ده ماالك في ايه ؟؟؟
عصام بسكر رفيده انا دايخ قعديني بسرعه
رفيده بخوف حرام عليك يا عصام بتهبب ايه في نفسك وسندته ومشيت بيه لاوضته وسمعاه بيقول كلام بهمس مش مفهوم فهزت راسها بيأس ودخلته اوضته قعدته على سريره وتابعت انت عمرك ماهتبطل القرف اللي بتعملوا في نفسك ده ؟؟
عصام رجع ضهره لورا على السرير وتابع بسكر: اعمل فيكي ايه انتي السبب فكل اللي انا فيه ده
رفيده بدموع اممم دلوقتي بقيت انا السبب
ورايحه تخرج فمسك دراعها وشدها ليه فـ بقيت فوقه فحط ايديه على وسطها يقربها منه اكتر
رفيده عيطت بخوف وتابعت اوعاا ياعصام واحترم نفسك
عصام بصلها بهيام وتابع متخافيش انا بقربك مني علشان بحبك
رفيده بعصبيه ودموع بتحبني ااه .. تاني القرررف ده اوعاا يا عصاام وضربته في صدره جامد
عصام بسكر: محتاجك والله العظيم وقام اتعدل فاهي وقعت على السرير فاعتلاها وتابع محتاجك اوي
رفيده اترعبت وتابعت بعياط ابوس ايدك لا علشان خاطري وبصت لنظرته اللي مليانه رغبه ليها وتابعت بعياط هستيري وخوف : متأذنيش كده لو بتحبني بجد متعملش فياا كده
عصام بسكر : بتعيطي ليه يعمري اهدي بس
رفيده بعياط وخوف ياانهاار اسوود ده ولا هيفهمني وشافته بيقرب منها اكتر فاترعبت ووطى باسها بعمق فعيطت وفضلت تحاول تبعده باعتراض وبصت للكومود لقيت عليه كوبايه مايه فمدت ايديها جابتها بالعافيه ودلقتها فوق راسه فقام عنها مخضوض وتابع بعصبيه انتي اتجننتي يابت ايه اللي هببتيه ددده
رفيده قامت وعدلت هدومها وتابعت بعصبيه ودموع انا بردوو اللي اتجننت يا زباله يا حيواان ومسكت الازازه فتحتها ودلقتها في وشه فشهق بخضه وبقى ياخد نفسه بسرعه فعيطت وتابعت بعصبيه فوق لنفسسك بقى وبطل قرررف وابعد عنييي ورايحه تخرج فمسك دراعها وتابع بحده انا فاايق او سكرران مش هتفرق كتير .. الحقيقه الوحيده اللي اعرفها اني عايزك .. ومش هسيبك لعلي ولا لغيره
رفيده شدت ايديها منه وخرجت وهي بتعيط وقفلت الباب فقعد عصام على السرير وحط راسه مابين ايديه وتابع لنفسه : ايه اللي كنت هتهببه ده يعصام .. اه هتاخدها بس ولا وقته ولا مكاانه اهدى ومتوديش نفسك في داهيه ولقى فونه بيرن فتابع بضيق ايه يا ماما
هند بقلق مال صوتك يا عصام في ايه يحبيبي ؟؟
عصام بخنقه مفيش بس رفيده منشفه دماغها اووي
هند بخبث لو وصل بيك الحال تاخدها غصب اعمل كده واكسر عينيها وهتتجوزك غصب عنها بس متبقاش ابني لو علي الجارحي خد منك بنت خالتك
عصام مسك الكوبايه حط فيها مايه وشرب وتابع لاا منا كنت هعمل كده بس مش هو ده الحل انا عايز رفيده تجيلي بمزااجهاا وتبقى رااضيه وداس على الكوبايه بغل وتابع انما ولا ابن الجارحي ولا غيرره هياخدها مني والكوبايه اتكسرت في ايديه من كتر الضغط عليها فبص عليها بضيق ورمى الازاز اللي في ايديه في الباسكت ودخل شغل الحنفيه على ايديه اللي بتجيب دم
فتابعت هند بخبث ايوه كده فرحت قلب امك خليك على موقفك زي ما انت
-------------
في بيت هاله تاني يوم الصبح
نيره كانت قاعده بتذاكر عملي فتابعت بت يحبيبه تعالي اجرب اخدلك المقاس ده كده
حبيبه بضيق لالا بقولك ايه البتاع دده بدخله بوقي بتعب بحس اني عاايزه ارجع حلي عني
هاله بضحك يابت اقعدي اختك تجرب فيكي بلاش دلع بنات
حبيبه بضيق لا جربي انتي ياستي انا مش قادره بيخش بوقي بحس اني هرجع ايه القرف ده
نيره بضحك طب تعالي هعملك الفك العلوي بس دي بتبقي زي عجينه الصلصال كده ومش حاجه سايحه فمش هتقرفك
حبيبه بضيق قولت لا يعني لااا الاتنين مقرفين
نيره شمت العلبه وتابعت اممم طب والله حتى اللي بتبقى سايحه عسل اهي جيبهالك بريحه المنت تعالي بجد جربي والله ماهتندمي
حبيبه بسخريه حبيبتي انا مبحبش اروح لدكاتره اسنان قديمه هخليكي انتي يا حديثه تجربي فيااا
نيره بردح نعم ياعنيااا ومالها الحديثه ؟؟؟؟
حبيبه بضحك لا خالص مملهاش وسبيني بقى علشان بحل كيميا ومش طايقه نفسي
نيره بضيق والله انتي عيله بااارده تعالي انتي يا ماما
هاله بضحك اجي يا ماما فين دده انا عندي ارتجاع يقلب امك مستحملش البتاعه ده وبتنفس من بوقي يعني لو هموت معملهااش
نيره بضحك لا تعالي لان اكيد هيواجعني بيشنت متعبين زيك فالازم اكون عارفه هيرجعوا علياا من انهي ناحيه
فكلهم فضلوا يضحكوا فنزل كريم وتابع بضحك ربنا يديمها نعمه بس ضحكوني معاكم ايه في ايه
هاله بضحك اهو جيه حبيبك امسكيه متنزليهوش الا لما تخلصي
كريم باستغراب تخلص ايه مش فاهم
نيره بضحك انا هفهمك ياروحي تعالى اقعد بس
كريم بضحك نيره متخلنيش اشتمك عايزه ايه اخلصي
نيره بحزن والله يا كيمو ماعايزه حاجه انا عايزه اجرب فيك مقاش الطربوش بس وحبيبه مبتحبش ريحته وخالتك انت عارف بلااويها فالو المقاس اتحط في بوقها هترجع عليا
فكريم فضل يضحك وتابع طب ماوارد ناس كتير زيهاا هتعملي ايه ساعتها
نيره بضيق منا اعملها ايه مش راضيه خاالص
هاله بضيق بس ياختي انتي وهو سبوني في حاالي انا فيا اللي مكفيني وصاحبه مرض فربنا شايل عني عذاب السنان ده ولا هروح لدكتوره ولا هاخد مقاسات فانا مريحه جربي في غيري
نيره بضحك خلاص يا ماما خليكي هجرب في كريم تعالي يا كيمو
كريم بصحك حبيبه كيمو انا هاجي لاجل اني متاكد مصاريف تعليمي ليكي دي مراحتش هدر فاواثق فيكي يابت ينيره
وراح قعد على الكرسي فضحكت نيره وتابعت يعيون نيره انت والله وباست خده وتابعت شايفين النااس اللي بتشجع مش انتواا
حبيبه بضحك بت هشش مش كريم طاقه ايجابيه جالك اهو اشتغلي وانتي ساكته
نيره وهي بتجهز الفك العلوي تابعت بضحك شايف يكريم
كريم بضحك معلش مش هناخد عليها علشان عروسه الفتره دي بس
حبيبه قلبها وجعها وتنهدت وسكتت فبصلها كريم وتابع انا كلمت عماد ولما علي يقوم بالسلامه هيجي يتقدم
حبيبه بضيق ومال علي بالموضوع دده
كريم بتنهيده والله هو اللي طلب يكون حاضر القاعده وانا طبعا مينفعش اقوله لا
حبيبه افتكرت كلام سلمى فتابعت بضيق اممم فيه الخير ماهو اخويا زيك بالظبط ومكانك في غيابك
كريم برفعه حاجب حبيببه
حبيبه بضيق نعم يكريم
كريم بحده في ايه علشان مش فااهمك ايه المشكله لما يقعد معانا ؟؟
حبيبه بضيق لا مفيش مشكله خالص ومسكت كتابها وحاجتها وتابعت عن اذنكم هدخل اذاكر جوه بعيدا عن الوش
ودخلت فتنهدت هاله وسكتت فتابعت نيره بتوتر سيبوها يجماعه ضغط علوم لوحده تاعبها
كريم بتنهيده لا مانا سايبها على الاخر وبص لنيره وتابع يلا
فابتسمت نيره وحطت مقاس الفك العلوي ووقفت ورا كريم وضغط عليه جامد
فكريم بصلها بحده فضحكت وهي بتضغط وتابعت معلش يانوحي معلش وباست راسه
فتابع كريم بطريقه مش واضحه اوي بسبب المقاس اللي في بوقه: ليله ابوكي سوداا هو انتي هتتعاملي مع البيشنت كده ؟؟؟
فنيره وهاله فضلوا يضحكوا فتابعت نيره بضحك لا طبعا يعمري ده انت بس هو انا اقدر وشالت المقاس وتابعت بابتسامه طب اقسم بالله انا مافي مني اتنين يخرابي على شطارتك يابت يا نيرره
كريم حط ايديه على بوقه من الوجع وتابع وريني كده
نيره وريته فابتسم وتابع حلو يلا هقوم انا بقى
ورايح يقوم فتابعت نيره بضحك لااا طبعاا تقووم اييه ده لسه الفك السفلي وده حوار لوحدده احنا هنهزر ولا ايه
كريم بضحك يا نيره هديكي علقه قسما بالله
نيره بضحك يلا يكيمو بقى متبقااش رخم وبصت لامها وتابعت الطباق بتاعتي فين؟
هاله على الرخامه جووه واياكي تاخدي حاجه من بتوع المطبخ
نيره بضيق لا ياختي هاخد الطباق بتوعي بسس
وباالفعل راحت جابتهم وخرجت وخلطت الحاجه اللي هتحطها في المقاس السفلي وحطتها جوه المقاس وتابعت يلا يكرريم بسرعه علشااان ده بينشف
كريم بضيق ايه القرف ده يانييره بس
نيره بخوف يحبيبي اخلص هينشف الله
فكريم فتح بوقه فنيره حطته بسرعه فوشه انكمش بضيق فتابعت نيره بضحك لالاااا ابوس ايديك مترجعش وراا خليك قداام ايوه كده واتنفس من مناخيرك علشان مترجعش
كريم بصلها بضيق فضحكت وتابعت معلش علشان خاطري هانت خالص خليك زي مانت دققتين بس
وقالت كده وهي ضاغطه على الفك بايديها
وفات دققتين وشالته وتابعت بابتسامه الله واكبر خلاص يا كيمو تعبتك ياروحي قوم اغسل وشك ودقنك ومضمض بوقك بقى
كريم بضحك ده انا هطلع عين اهلك على البهدله دي الصبر بس على الله تجيبي امتياز في الاخر
نيره بضحك ماخلاص يكيمو بقى الله
فدخل كريم الحمام فبصتلها امها وتابعت بابتسامه بس كده خلاص خلصوا المقاسات ؟
نيره بحب اه ناقص بس لو مفروض ابعتهم المعمل بقى وكده احط فيهم قطن مبلول يحفظ شكلهم لحد ما المعمل يجي
هاله بابتسامه بسم الله ما شاء الله عليكي يقلب امك ربنا يحفظك
نيره حضنتها وباست خدها وتابعت حبيبه قلبي انتي والله
ولقيوا حبيبه خارجه ولابسه وتابعت فين كريم ؟
كريم خرج وهو بينشف وشه بالفوطه وتابع انا اهو خير في ايه ؟
حبيبه بتنهيده رايحه الكليه وكنزي جات مصر امبارح فهروح معاها لان سلمى هتروح من برا برا
كريم بتنهيده طيب اوصلي وكلميني
حبيبه بتنهيده حاضر
ورايحه تنزل فتابع كريم معااكي فلوس يابت
حبيبه اه يحبيبي متقلقش ونزلت بالفعل وركبت جنب كنزي صاحبتها لانها معاها عربيه
فتابعت كنزي بضحك ايه يخواتي الحلاوه دي كلهاا عروسه عروسه يعني
حبيبه بضيق عروسه في عينك وعين اهلك يا شيخه
كنزي فضلت تضحك وتابعت اصل انا عارفه انك مش هتكملي وهتسيبيه فسبيني اعيش دور اني اخت العروسه شويه وكده
حبيبه فضلت تضحك وتابعت عيشي ياختي وانا هشغل تامر عاشور واعيش مع نفسي بردو
كنزي بضحك تموت في النكد يجدع
حبيبه بتنهيده محدش بيحب النكد بس هو ده بس اسلوب حياتي وحطت السماعات وبقيت تسمع اغاني لتامر حزينه وسانده راسها على الشباك فبصتلها كنزي بحزن وهزت راسها بيأس وركزت في الطريق
وبعد شويه ماشيين حبيبه لاحظت ان في عربيه بنت عدت من جنبها بسرعه وبتحاول تهرب من عربيه تانيه فبصت على صاحب العربيه التانيه وشافته وهو بيضرب عربيه البنت فطلعت فونها بكل تلقائيه وصورت الشخص وعربيته وشالت السماعه وتابعت بخوف كنزيي .. كنزي بصيي
كنزي بخوف اييه يابنتي في اييه صرعتي اهلي
حبيبه بخوف الواد ده بيخبط عربيه البنت وعايزها تعمل حادثه ركزي كددده
كنزي بصت وتابعت بخوف ااه فعلا طب والعمل هنساعدها ازااي
حبيبه بخوف معرفش ممكن تزوقي عربيته بعيد عنها معاها ونبعده ونمشي كلنا
كنزي بعصبيه انتي اتجننتي ولما يتقلب ولا يغور في داهيه ويموت نروح في دااهيه
حبيبه بعصبيه يابنتي نزوقه بس مش لدرجه يتقلب هو مش راكب ريشه يعني
كنزي بصت لقيته بيخبط البنت جامد فتابعت بخوف هشوف وزودت السرعه وبصت على عربيته وتابعت بخوف حبيبه ده ظاابط
حبيبه بخوف نعم عرفتي منين
كنزي بعصبيه النسر اللي على عربيته اتنيلي بصي نسررر ده ولا عصفور كنااارياا
حبيبه بصت وتابعت بخوف هو نسر بس مجهد شويه
كنزي بعصبيه اه استظرفي استظرفي
حبيبه بخوف مش بتنيل اللوجو فعلا بقاله كتير محطوط يعني ده اقل شئ نقيب او رائد
كنزي بخوف انا بقول نمشي بكرامتنا احسن وملناش دعوه بحد
حبيبه بعصبيه لا طبعاا مش هنسيبه يموتها هو علشان ظاابط خلاص هيقتل النااس وفاكر محدش هيحااسبه ؟؟؟!!
ولسه كنزي مردتش لقيوه خبط البنت جامد فعربيتها انجرفت عن الطريق ووقع نص العربيه في حفره ومشي فحبيبه اتصدمت وتابعت يانهاار اسوود حرااام عليكي قولتلك نساعدهااا ونزلت
كنزي بخوف رايحه فين يامجنونه ده البنزين بينزل من العربيه وهتولع في اي لحظه
حبيبه بخوف وهي بتجري على البنت اااه فنسيبهاا مش كدده وراحت بصت عليها لقيت دماغها مفتوحه ومغمى عليها على الدريكسيون واتصدمت بشده لما لقيتها البنت اللي ساعدتها توصل علي المستشفى