كريم بابتسامه شوف انا مكنتش هجيلك بس نيره قالتلي وغلاوتي عندك انا واخواتك يكريم متتصلش بيه فمتصلتش .. بس الصراحه وكلمه الحق مقالتش متضربوش فقولت مبدهاش بقى هلجئ للحل ده وضربه بالراس جامد وقعه على الاارض فاتفاجئ وصرخ بوجع فدخل كريم ومسكه قومه من لياقه قميصه وتابع بعصبيه بقى بنت خالتي انا ياابن الكلاب يحيوان اللي تاخدها كوبري علشان توصل لصاحبتهااا يا وسخ يا قليل الاصل
مروان بخوف وألم: ااه ... والله يكريم انت فااهم غلط صدقني الموضوع مش كده اقسم بالله
كريم بعصبيه انت ايه جنس ملتك ياالا ؟!! لسه بتكدب وتحلف انت ازااي وسخ كدده !! خلاص نييره قالتلي كل حااجه انا مش جاي اسمع منك انا جاي اربيك واعلمك ان بنات النااس مش لعبه وفضل يضربه بلبوكس بقوه لحد ما مناخيره نزفت تحت صراخه فخرجت امه وتابعت بخوف وصريخ: مروااان ااوعاا سيب ابني مااالك بيه
كريم بعصبيه ما ابنك ده انتي لو عرفتي تربيه مكنش اتهاان واتهزق دلوقتي قداامك ورفع رجله ضربه في بطنه بقوه فصرخ بالم ووقع على الارض
ام مروان بخوف ودموع حقك علياا انا يا ابني ابوس ايديك سيبه علشان خاطري عملك اييه بس
كريم بعصبيه خاطرك غالي يا حجه بس انا ليا حساب مع ابنك ولازم اصفيه وضربه بالرجل في بطنه كذا مره تحت صراخ مروان وامه وقوم مروان من لياقه قميصه وهو حاسس بنهجان وتعب من كتر الضرب اللي اضربه
فتابع كريم بعصبيه قسما بالله العظيم نيرره لو فتحت بوقك معاهاا بكلمه واحده المره الجايه مش هسيبك غير لما اطلع روحك في ايدي يعني ولا تكلمها ولا تحااول ترضيهاا وتعمل لرقمها بلووك وتمسحه سمعت ؟؟؟
مروان بخوف سمعت حاضر والله ماليش دعوه بيها والله العظيم تلاته ما هكلمها تاني
امه بخوف ودموع مين نييره دي يا بيه وعملتلها ايه مخلي الرااجل شاايط عليك كده ياللي منك لله
كريم ضربه بالبوكس وقعه وتابع بعصبيه عمل اللي مفيش راجل اتخلق يقدر يعمله قرب من واحده من اخوات كريم الجارحي وعشمها بالجواز وهو عايز يوصل لصاحبتهاا وكسر قلبهااا ومااعاااش ولا كااان اللي يعمل كده في اختي وانا عاايش
امه شهقت وضربت على صدرها وتابعت بحده ودموع انت ازاي تعمل كده يا حيواان هاا رد عليااا دي تصرفاات دكتور محترم !! ده انت عندك اخواات بناات يا مرواان يرضيك حد يعمل في اختك كدده !!
مروان بحرج والله محسبتهاش كل ده هيحصل انا قولت هصاحبها علشان سهيله بس هي حبتني ومعرفتش اخلع
امه اتصدمت اكتر وكريم اتعصب جداا ومسكه من لياقه قميصه وضربه بالراس بقوه وتابع بعصبيه اه يا حيوان يا ابن الكلب يا زباله ليه وهي نيره اللي قالتلك تكلمني تطلبها مني وتقولي بس عاوز ادي لعلاقتنا فرصه الاول ؟؟!!! قد ايه انك حيوان وزباله وقليل الاصل وميطمرش فيك وهتعيش وتموت وانت كده ومردودالك على فكره انت عندك اخوات بنات وسهيله هتعيش وتموت ومش هتبصلك وداين تداان والايام هتوريك يا مرواان وضربه بلرجل بقوه تاني فصرخ بألم اكتر
فتابعت امه بعياط وخوف ابوس ايدك يا ابني خلاص علشان خاطر ربنا سيبه انا اسفه ليك ولاختك والله العظيم ولو عاوزني اجي انا وهو نبوس على راسها هنيجي ولو عايزه يتقدملها غصب عنه هيتقدملها بس علشان خاطري خلاص سيبه
كريم زقه جامد فوقع على الترابيز الصغيره كسرها بضهره فتالم وصرخ بوجع شديد وامه شهقت بخوف فتابع كريم بعصبيه قسما بالله انا سبتك لاجل امك انما غير كده كنت حالف هموتك اكتر واكتر وبص لامه تابع وبالنسبه للي انتي قولتيه فانا جبت حق اختي خلاااص مش محتاج حد يبوس على راسها علشان يراضيهاا وهي ست البنات واللي هياخدها يكون شاريها وبيحبها ويتاقلها بالدهب مش يكون مغصوب عليها وبص لمروان وتابع وانت ابقى اسمع اسمك هوب ناحيتها هي ولا سهيله في يوم من الايام وانا البس امك اسود
ونزل فعيطت امه وتابعت اقول ايه روح يا ابني منك لله تستاهل كل اللي جراالك والله العظيم كسفتنا قداام النااس
------------------
عند علي ورفيده كانوا اتغدوا برا وخدها وراحو السينما وبيتفرجوا على فيلم اجنبي ورفيده رجعت ضهرها لورا هي بتاكل فشار
علي بهمس رفيده
رفيده بحب اممم
علي بحب انتي نمتي؟
رفيده بهمس لا صاحيه وابتسمت وتابعت الفيلم حلو اوي
علي ابتسم وتابع اممم ده حقيقي
فرفيده عدلت نفسها ونامت على كتفه فعلي نفخ بتوتر وبصلها وتابع حبيبتي
رفيده بصلته وهمست اممم في ايه يا علي
علي همس جنب ودنها اتعدلي علشان خاطري
رفيده بتنهيده انت مش عايزني انام على كتفك مش كده؟
علي بحب والله مش حكايه كده نا لو عليا اخدك في حضني وانتي عارفه بس حاسس ان ربنا مبيرضاش علينا بالحركات دي
رفيده ابتسمت وتابعت حاضر يحبيبي واتعدلت ورجعت ضهرها للكرسي وبصت للفيلم
فعلي بص لملامحها علشان يتاكد انها مزعلتش فهي خدت بالها وضحكت وتابعت مزعلتش وحياتك عندي ركز في الفيلم بقى بدل ما انت مركز عليا
علي بضحك هيبقى اجمل من كده معقوله ؟
رفيده بضحك شوف وحدد بنفسك بقى ومسكت الفشار قربته منه ففتح بوقه وكل منها وابتسم بحب ورايح يبوس ايديها فشدتها وتابعت بضحك تؤ تؤ حراام اتلم
علي فضل يضحك وتابع ياستي وماله فل
رفيده ضحكت ومدتله ايديها بفشار تاني فكل منها وتابع بحب تسلميلي يا ام يامن
رفيده بحب قلب ام يامن والله الا قولي حضرت لروايتك الجديده ولا لسه ؟؟
على بحب هحكيلك في الطريق علشان محدش يقولنا بتتكلموا ليه في السينما واه حضرت الحمدلله
رفيده بحماس طب ايه اسمها ايه على الاقل ؟
علي ابتسم وتابع « ما كنتِ سوى البدايه »
رفيده بضحك ايه ده بقى؟
علي بضحك ايه ؟
رفيده بضحك ما الاسم غامض ويشمل معنايين اما هي كانت البدايه لحياتك لان حياتك مكانتش حلوه من غيرهاا .. اما كانت بدايه لحاجه تانيه هتوصلها انما هي لا فافيها غموض من اول اسمها كده
علي فضل يضحك وتابع لا ذكيه هي فعلا غامضه لما تتكتب بقى هتعرفي
رفيده بحب طب والبطله اسمها ايه ؟
علي بحب ملك ممكن كفايه حرق ؟
رفيده فضلت تضحك وتابعت خلاص ماشي هسكت يسيدي
ودقايق وكان الفيلم خلص وكل الناس خرجت وعلي ورفيده اتمشوا شويه فتابعت رفيده بحماس : علي بليز صورني هنا
علي بحب طب اقفي يلا وفتح فونه فرفيده فعلا وقفت وضحكت وعلي صورها وتابع بحب قمر
رفيده بضحك قلبها والله تعالى بقى صوره معايا خلي حد يصورنا
علي بحب ماشي وبص لواحد ماشي وتابع بعد اذنك يا كابتن صوره بس معلش
الراجل بابتسامه اكيد طبعا اتفضل ومسك منه الفون فعلي وقف جنب رفيده فحطت ايديها على صدره وقربت منه شويه والصوره اتلقطت وكانت جميله جدا فتابع الراجل بابتسامه اهو اتفضل
علي مسك الفون وشافوها فتابعت رفيده باعجاب تحفهه بجد
علي بحب تسلم يا اخويا والله تعبتك
الراجل بحب ولا تعب ولا حاجه يغالي ومشي فتابع علي بضحك ها نروح بقى ولا لسه الاميره رفيده عندها احلام تاني انهارده
رفيده بضحك لا نروح كفايه روحنا سيتي ستارز الصبح
علي بضحك يخش يطمر بس
رفيده بضحك هيطمر متقلقش ومسكت ايديه وخرجوا طلبوا اوبر علشان يروحوا
وبعد شويه كانوا داخلو شارعهم ونزلوا من العربيه قدام بيت علي وعلي حاسب السواق ومشي وبص لرفيده وتابع بحب يلا تعالي اوصلك البيت
رفيده بحب خلاص يحبيبي ده هو اخر الشارع مش مشكله
علي بحب لا معلش مفرقتش علشان اكون مطمن ان محدش يضايقك يلا
ولقي هاله بتنادي عليه من فوق وتابعت بدموع يا علي معلش يا ابني
علي بصلها وتابع بخوف ايه ياخالتي في ايه مالك
هاله بعياط حبيبه يا ابني نزلت علشان شادين انا وهي قصاد بعض شويه وبقالها ساعه ونص اهو مجتش وهموت من خوفي عليها وخايفه يجرالها حاجه ومردتش اتصل بكريم لحسن انا عارفاه ايديه سابقه دماغه
علي بخوف طب اهدي انتي بس وادخلي حقك علياا متعيطيش وانا هقللبك الدنيا وهجبهالك والله
هاله بعياط تسلم يحبيبي ربنا يخليك
وعلي بص لرفيده ومسك ايديها وتابع وهو بيمشي بسرعه: يلا علشان اوصلك واروح اشوف حبيبه
رفيده بغيره : واشمعنا انت اللي تروح يعني ما تتصل باخوهاا اللي مربيهاا انت ماالك بيها مش فااهمه
علي وهو ماشي بيها تابع بعصبيه : يا رفيده ابوس ايدك مش وقته غيره حبيبه زيها زي اخواتي بالظبط وكبرت قدام عيني و100 مره اقولك انا علاقتي بحدود مع الكل مش انتي اللي هتعلميني الصح من الغلط فمفيش سبب تغيري علشاانه اصلاا
رفيده بحده مانت بتغير من هشاام رغم اني بردو عارفه حدودي بس الغيره ملهاش سبب محدد
علي بعصبيه هشاام بيحبك وطلبك للجواز متخلطيش الامور لو سمحتي وتعصبيني على المسااا انا ما صدقت هديت
رفيده بتنهيده تمام يا علي انا اسفه
ووصلوا عند بيتها فعلي تنهد بعمق وتابع حبيبتي انا مش عايز اطلعك مضايقه بس بفهمك وجهه نظري
رفيده الدموع اتجمعت في عينيها وتابعت تمام والله خلاص
علي بحب حقك عليا والله اانا عارف انك بتغيري عليا من اي حد وحقك بس الست قصدتني اشوف بنتها واستنجدت بياا مينفعش اقول لا وفي الاول والاخر دي اصول وشهامه وحبيبه دي قريبتي فميصحش
رفيده ضربته في صدره جامد فتاوه بوجع وتابعت رفيده بضحك وانت يا واد اييه متفوتكش الاصول والشهامه
علي بضحك اه طبعا ما انتي عارفاني هو انا جديد عليكي يا روفي
رفيده ابتسمت بحب وتابعت روفي عايزة تولع فيك انت وحبيبه بس يلا مش هنكد على اخر اليوم
علي بضحك برافو شاطره انا حبيتك علشان انتي مش نكديه زي البنات التانيه
رفيده بضحك لا يجدع ؟
علي فضل يضحك وتابع اه طبعا يلا اطلعي بقى وانا هجيبها واتصل بيكي اكلمك لما اروح
رفيده بحب ماشي يحبيبي وطلعت وعلي وقف لحد ما اختفت من قدامه وبص للشوارع وتنهد بعمق وتابع الاقيكي فين بس يحبيبه وفضل يمشي لحد ما طلع من شارعهم خالص وبدا يدور عليها في الاماكن والكافيهات اللي جنبهم ومسك فونه اتصل بيها فرن في الشقه وردت هاله وتابعت بخوف ودموع ايه يا ابني لقيتهاا ؟!
علي بتوتر لالا يا خالتي ملقتهاش لسه اول ما الاقيها هكلمك انا فاكر الفون معاها والله
هاله بعياط لا يا ابني سابته ونزلت والله
علي نفخ بتوتر وتابع تمام يا خالتي سلام وانا لما اوصلها هتصل واكلمك
هاله بعياط ماشي يا ابني
وقفل علي وكمل انه يدور عليها كتير اوي لحد ما بالصدفه لمحها من ضهرها قاعده على سور عالي في الشارع وباصه للزرع اللي قدامها اللي بعد السور ده فتنهد بعمق وراح للسوبر ماركت واشترى اتنين عصير مانجا وبص على الطريق شمال ويمين وعدا راح ناحيتها ونط قعد جنبها وساب فرق شويه بينهم فشهقت حبيبه وبصتله بذهول وتابعت علي !!
علي بضحك لا اخوه التؤام
حبيبه مسحت دموعها بسرعه وتابعت بذهول علي مبهزرش انت جيت ازاي وعرفت مكاني منين
علي فتح العصير وتابع بابتسامه لا انا الحقيقه معرفتش مكانك انا رجلي دابت وانا بدور وامك اللي قالتلي ان الهانم نزلت وسابت البيت ومدلها العصير
حبيبه تنهدت بوجع وتابعت بدموع مش عايزه حاجه شكرا
علي بتنهيده اعتقد انا استخدمت معاكي اسلوبي الاول في المعامله وهو اني حطيتك في رتبه تولين فمش ده رد ترديه يعني ولا ايه ؟!!
حبيبه ضحكت من بين دموعها وتابعت رتبه تولين !! ليه هو انا صغيره اوي كده
علي بتنهيده لما تنزلي من بيتك في وقت زي ده لاي سببا كان وتسيبي فونك وتقلقي قلب اهلك عليكي تبقي ايه غير طفله 4 سنين ؟!! وانا لما تولين بتغلط بقعدها جنبي واجبلها حاجات حلوه واقولها عملتي كده ليه وبشوف اسبابها قبل اي رد فامسكي يلا
حبيبه خدت منه العصير وبصت قدامها وتنهدت بوجع وتابعت محدش بيفهمني في البيت فنزلت اقعد مع نفسي شويه وبصتله وتابعت هل ده سبب كافي؟
علي بتنهيده كافي جدا طبعا بس الطريقه هي اللي غلط
حبيبه باستغراب بمعنى؟
علي بتنهيده يعني كونك انسحبتي من مكان محدش يعرف يفهمك فيه فا ده صح جدا بس مينفعش ننزل الشارع وفي وقت زي ده وبشكل زي ده
حبيبه بستغراب ليه ماله شكلي انا لابسه دريس واسع يا علي
علي بس سايبه شعرك وضحك وتابع حبيبه انا عرفتك بسببه لما لقيته طويل كده انما انتي مدياني ضهرك هعرفك منين
حبيبه ضحكت وتابعت هنبقى نلمه حاضر وجابت شعرها جنبها وبصت قدامها بشرود
فابتسم علي وتابع ايه مش هتشربي العصير ولا ماما قيلالك متاخديش حاجه من حد
حبيبه ضحكت وتابعت لا يا بايخ مقالتش بس ماليش نفس
علي بتمثيل صدمه: ايه مالكيش نفس !! يخساره فلوسك يا علي اومال ايه جبته على الفاضي !!
حبيبه بضحك يا اوفر
علي بضحك لا مش اوفر ولعلمك لو مشربتيهاش مالكيش كانز في فرحي هتبقى خدتي حقك بدري خلاص
حبيبه ابتسمت وتابعت وانت مين قالك هاخد كانز في فرحك هو انا غريبه ولا ايه ؟؟
علي بحب لا طبعا انا عارف بس بنكشك وشرب من العصير وتابع مالك بقى في ايه قوليلي في الطريق ويلا علشان امك قلقانه عليكي اوي
حبيبه بتنهيده علي انا مش عايزة اروح دلوقتي ارجوك
علي تنهد وتابع طب ثواني هطمنهم وخليكي شويه ومسك فونه بعت رساله لنيره وقفله تاني وحطه جنبهم على السور فبصت على صورته مع رفيده اللي على الشاشه وابتسمت وتابعت بتحب رفيده ؟
علي بحب اكيد طبعا هو انا لو مش بحبها هخطبها ليه ؟؟؟
حبيبه بوجع وهي دي المشكله امي عايزه تخليني اتخطب لناس انا معرفهاش ومبحبهاش وبتسلب مني الحق في اني اختار الراجل اللي هتجوزه مع ان ده اقل حقوقي
علي بستغراب اهدي بس وفهميني يعني امك بتجبرك على الخطوبه ؟؟
حبيبه بدموع اممم بتجبرني خالتي جابتلي عريس النهارده وامي حالفه اني اقعد معاه بالعافيه
علي بصدمه ايه الكلام ده !! ازاي خالتي تعمل حاجه زي كده هو الجواز بلاجبار ؟!!
حبيبه بوجع قول انت بقى وشغاله تقطم فيا وتلقيح وكل شويه تتكلم على سلمى اختك وتقولي ما سلمى اهي معاكي في نفس الكليه وقدك في السن ومخطوبه ومفرحه اهلها اشمعنا انا بناتي اللي عاملين فيا كده ومصممه نتجوز اوي يا علي لدرجه والله العظيم شكيت ان ممكن يكون عندها مرض بعيد الشر فخايفه تسبنا وعايزة تطمن علينا بسرعه بس لا روحت معاها وكشفنا على كذا حاجه لما كانت تعبانه ومعندهاش اي حاجه غير السكر فانا مش فاهمه ماما مصممه اجوزنا كاننا بنعنس ليه
علي تنهد بعمق وتابع بصي يا حبيبه انا مش فاهم خالتي ليه بتعمل كده بس هاخدها بعين الاعتبار انها ام وعايزه تلحق تفرح ببناتها قبل ما بعيد الشر يحصلها حاجه بعيدا عن الامراض ربنا يحفظها لان هي ملهاش غيركم وانتوا مالكوش غيرها انما بصراحه طريقتها غلط لانك ممكن توافقي على اي حد بسبب الضغط وترجعي بعد كده حياتك متدمره وتطلقي فعلى ايه من الاول ؟؟!! فانا رايي صدري كريم في الموضوع وخليه يقنعها انك مش عايزه دلوقتي بس عشان خاطري متنزليش من البيت في الوقت ده تاني
حبيبه دموعها نزلت وتابعت بوجع حاضر يا علي اكيد والله هعمل كده انا فعلا مش قدامي اي حل غير كريم
علي رايح يتكلم فا فونه رن فكانت رفيده
فرد وتابع ايه يحبيبتي
-حاضر هعدي اجبهوملك
-لما اوصل هديكي رنه نزلي السَبَت خديهم
-ماشي يعمري
-فضحك وتابع وانا اكتر والله بس اتلمي مفيش منه الكلام ده
-بحده لا يارفيده ولا علشان خاطرك ولا نيله مينفعش الدكتور مانعك من القرف ده
-فتنهد وتابع ماشي يحبيبتي باي
وقفل معاها وبص لحبيبه وتابع حقك علياا بس هي عارفه اني روحت اجيبك فطلبت مني حاجات من السوبر ماركت
حبيبه بحب لا عادي ولا يهمك ربنا يخليكم لبعض يغالي
علي بحب ويخليكي يا جميله المهم ها مش هتروحي ولا ايه ؟؟
حبيبه بوجع لا انا مش طايقه اروح تعبت صدقني دي مش اول مره تجبرني على حاجه زي دي يارب اموت واريح منهاا بقى يارب وعيطت
علي بخوف بس بس اهدي مالك في ايه حقك عليا والله
حبيبه بعياط تعبت بجد يا علي والله تعبت نفسي ربنا ياخدني وارتاح
علي بحده بس يحبيبه انتي اتجننتي بعد الشر عنك متقوليش الهبل ده تاني حرام ايا كان ايه المشكله هتتحل بس طريقتك دي متنفعش
حبيبه بعياط مفيش حاجه بتتحل كل حاجه بتتعقد اكتر واكتر لحد ما خلاص قلبي وجعني من كتر الالم
علي بتنهيده طب انا ممكن اسالك سؤال وتردي عليا بصراحه ؟
حبيبه بدموع اكيد طبعا
علي بتنهيده مبدائيا امسحي دموعك واهدي علشان انا مش هينفع امسحهالك
حبيبه تنهدت بوجع ومسحت دموعها فتابع علي بتنهيده انتي ليه متفكريش ترتبطي فعلا ؟؟ المواضيع دي حقيقي بتحسن النفسيه جدا فممكن لو لقيتي حد مناسب تجربي تقعدي معااه وتشوفي مش هتخسري حاجه ولا انتي بقى في حد معين مستنياه ؟؟؟
حبيبه بصتله بخوف وتابعت حد مين لا طبعا بس انا مش عايزه اخد الخطوه دي دلوقتي خالص
علي بابتسامه حبيبه انا مش كريم ومش هتعصب عليكي اعتقد لو اسراء اختي هاخد الموضوع بعصبيه شويه لانها اختي فهحس انها مغفلاني انما لو كلمت كريم كابن عمها هيفهمها والعكس صحيح فانتي قوليلي وهفهمك اصل هتصعب ليه ؟ انا مدرك ان الحب مش بايدينا واللي ليه حق يتعصب ويغير عليكي كريم زي منا بعمل مع اخواتي فاهمه؟
حبيبه بوجع بس انت وكريم اخوات واكتر
علي بتنهيده اه بس ده مالوش علاقه بان واحده قالتلي سر فاروح اقوله مش للدرجه دي يعني
حبيبه شربت من العصير وتابعت بتنهيده اكيد طبعا انا عارفه انك مش هتقول حاجه بس بتكلم على درجه القرب بينكم فممكن تتحمق علشانه
علي بحب لا والله ابدا قولي اللي انتي عايزاه ومتخافيش
حبيبه تنهدت بوجع وبصت قدامها وتابعت بوجع هو كان في حد ااه
علي وراح فين الشخص ده ؟
حبيبه قلبها وجعها ودموعها نزلت وتابعت مبقاش موجود وبصت لعلي وتابعت بقهر: اتجوز
علي اتصدم جدا واتوجع علشانها اوي وتابع : اتجوز !! ازاي هو مكنش بيحبك ؟!!
حبيبه بوجع اه مكنش بيحبني لان اللي بيحب حد مش هيسيبه لغيره ولا هيروح لغيره بس انا اللي استاهل
علي بوجع متقوليش كده انتي ملكيش ذنب محدش بيختار يحب مين
حبيبه بعياط ياريتني ماحبيته والله العظيم ياريتني ماحبيته بدل منا بتعاير من امي في الرايحه والجايه انه مختارنيش وتوجعني كانه بمزاجي
علي بوجع بس بس اهدي حقك عليا والله العظيم انا اسف لوجعك ده بجد ياريتني اقدر اريحك
حبيبه بصتله بوجع وتابعت بدموع ادعيلي يا علي .. انا عارفه انك مبتفوتش فرض وبتأذن في الجامع اللي في شارعنا ساعه صلاه الفجر وقريب لربنا فادعيلي لعله يستجيب
علي بوجع اكيد والله هعمل كده ومش هنساكي بس علشان خاطري متكتميش جواكي بالشكل ده سبحان الله مع ان من شقاوتك وهزارك ميبانش عليكي انك شايله القهر ده كله
حبيبه ابتسمت من بين دموعها وتابعت مش كل اللي ظاهر بيبقى حقيقي بجد
علي بوجع اكتشفت ده وحقيقي ربنا يهون عنك ويراضيكي بإبن الحلال اللي يرعاكي ويصونك ويحبك
حبيبه قلبها وجعها جدا لفكره انها مش هتكون مع حبيبها هي لسه مش قادره تستوعب فكره انه خلاص مش نصيبها بس ده الواقع اللي لازم تتقبله فتابعت بدموع وقهر : يارب اللهم امين بجد
علي بابتسامه يلا نروح بقى ولا ايه ؟؟
حبيبه بوجع والله ما طايقه اروح البيت والله العظيم
علي بحب خلاص تعالي اقعدي مع سلمى وانزلوا الصبح للكليه وانا هسيب الشقه واطلع انام في شقتي
حبيبه بذهول لا طبعا خليك في بيتك وانا هطلع لخالتي انت بتقول ايه بس
علي بضحك اذا كان مرات عمي هي اللي جايبالك العريس تطلعي تعملي ايه عندها دي هتقوم الدنيا عليكي تاني يا بنتي تعالي وانا والله هطلع انام في شقتي في فوق مراتب وحاجات كتير متخافيش
حبيبه بحرج لالا طبعا مقدرش اعمل كده خليك في بيتك يا علي
علي بحب والله واللي فوق بيتي بردو ومترتب مش خراابه يعني متخافيش والله هفرد المرتبه وانام عليها بس يلا متكسفنيش انا اول مره اطلب منك طلب
حبيبه بتنهيده طب قول لكريم وشوفوا لو وافق ماشي
علي بحب انا هقول لكريم متشغليش بالك يلا بقى ونزل من على السور وحبيبه لفت وبتنزل سلسلتها وقعت فشهقت وتابعت السلسله ..علي ابوس ايدك شوفهالي ارجوك
علي بستغراب استني بس اهدي سلسله ايه ؟؟
حبيبه بعياط سلسله دهب باسم بابا لبساها علطول في رقبتي مش بقلعها شوفها يانهار اسود لو ضااعت
علي بتذكر ااه .. ايوه بشوفك دايما لابسه سلسله باسم عم علي الله يرحمه اهدي طيب اهدي متعيطيش هنلاقيها
حبيبه بعياط اه الله يخليك دورلي عليها ياعلي ارجوك
علي اهدي طيب هنلاقيها والله هي كبيره مش صغيره فماتخافيش هنشوفها وشغل نور الكشاف بتاع الفون وبدء يدور عليها وحبيبه متوتره جدا وخايفه تكون ضاعت وبتدور معااه وتابعت بتوتر ها يا علي لقيتها ؟
علي بتركيز لا اهدي بدور هنلاقيها باذن الله
وفضل شويه بيدور وحبيبه بتدور معاه وثواني وشافها على الارض فتنهد بارتياح وتابع بس اهي امسكي وجابها من الارض
فحبيبه فرحت اوي ومسكتها منه بلهفه وتابعت بدموع فرح الف حد وشكر ليك ياارب .. حقيقي مش عارفه اقولك ايه يا علي شكراا بجد ربنا يخليك
علي بضحك يابت يعبيطه انا معملتش حاجه خلاص ابقى اكدي بس على القفل علشان متقعش تاني
حبيبه بدموع فرح : حاضر والله من عيني هعمل كده ولبستها وضيقتها بحيث تبقى على اول صدرها واتكدت انها مقفوله كويس وتابعت بفرح يلا بقى نمشي
علي بضحك يلا يا مجنونه الحمدلله لقيناها والله ومشيوا
فتابع علي ثواني هجيب طلبات لرفيده بس
حبيبه بابتسامه ماشي
وعلي دخل السوبر ماركت وحبيبه وقفت برا واديته ضهرها وسرحت وافتكرت حاجات كتير واجعها واسلوب مامتها فاتخنقت اوي ودموعها نزلت بصمت
وعلي جاب الحاجات وخرج وتابع ها يلا
حبيبه هزت راسها بماشي ومشيت معاه بصمت وشويه ووصل عند بيت رفيده فاتصل بيها وثواني وردت فتابع بحب
-ايه يابابا انا تحت البيت نزلي السَبَت
-اه يلا وقفل
وبالفعل رفيده خرجت بصت من البلكونه شافته مع حبيبه اتعصبت جداا بس حاولت متبينش ونزلت السبت وتابعت بصوت مرتفع نسبيا : علي ابقى كلمني عاايزاك
علي حط الحاجه في السبت وبصلها بحده فرفيده اتوترت من نظراته فعلي خبط على شفايفه كذا مره بمعنى متتكلمش بصوت عالي كده لانهم في الدور الرابع فرفيده فهمت وهزت راسها بماشي وسحبت السبت ودخلت فبص علي لحبيبه وتابع بابتسامه يلا
حبيبه بتنهيده اتمنى مكونش جبتلك مشاكل معاها
علي بضحك لالا ولا اي حاجه بيكي من غيرك احنا مجانين علطول وهي عارفه اني معاكي وروحت اجيبك زي ماقولتلك
حبيبه بابتسامه ربنا يهدي سركم يارب
علي بحب اللهم امين يارب ومشيوا وحبيبه كانت في حته تانيه بتعيط بصمت وتعبانه اوي وعلي كان كلم اهلها وكريم وقالهم انها هتقعد مع سلمى ووافقوا
وبالفعل طلع وفتح الباب وسلمى وامه كانوا قاعدين فتابع السلام عليكم
رانيا بحب وعليكم السلام يحبيبي
سلمى بحب وعليكم السلام يعمري
رانيا بصت لحبيبه اللي وراه بخضه وتابعت مالك يابت بتعيطي ليه فيكي ايه
حبيبه عيطت كانها مستنيه حد يسألها فرانيا اتخضت اكتر وتابعت مالك يحبيبه في ايه يابنتي تعالي وفتحتلها حضنها
فحبيبه راحت قعدت في حضنها وعيطت ورانيا فضلت تطبطب عليها وتابعت بخوف بس يابنتي بس حقك عليا هي امك اكيد كعادتها جابلتك عريس وعايزاكي تتجوزي وضغطت عليكيي
علي بصلها بذهول وشد كرسي وقعد وتابع الله ده انتي طلعتي عارفه الحوار شكلها مش اول مره تضغط عليها نفسيا كده بقى
رانيا بضيق هي هاله عادتها ولا هتشتريها خنقت بناتها الاتنين من الموضوع ده وحبيبه بالذات
علي بص لامه بحده وتابع بهدوء : مش هنسخن البت على امها ياما هما ملهمش غيرها فعايزه تفرح بيهم قبل مابعد الشر يحصلها حاجه وتطمن ان كل واحده فيهم في عصمه راجل فمش عيب ولا حراام ده حقهاا بردو
رانيا بحده بردو هو مش بالعافيه يا ابني ده المثل بيقولك كله بالخناق الا الجواز بالاتفاق هو انت عمرك شوفتني اجبرت واحده من بنااتي ؟!!
علي بتنهيده ولو ... مش كل الامهات زي بعض وبناتك ليهم ناس كتير هنا انما احنا عارفين ان حبيبه ونيره من الصعيد وفي مشاكل قديمه مع اهلهم
رانيا بحده بس خالهم من هنا وبيسافر ويرجع كل شويه خلاص تسكت وتسيب البت تختار ده جواز يا ناس مش احسن ما ترجعلها مطلقه ؟؟؟!! ده حتى لو في قبول هنقول ماشي وهحاول اقنعها تقعد معااه انما انت مش شايف منظر البت عامل ازااي !!!
وحبيبه كانت بتعيط في حضنها بهستريه وهي بتطبطب عليها فتابع علي بحزن: حقك علياا والله انا هكلم كريم في الموضوع ده وهقولوا ميخليش حد يجبرك ولا يكلمك في الموضوع ده تاني وخير باذن الله
سلمى بحزن بس يحبيبتي حقك عليا علي هيكلم كريم وخير هتتحل والله وطبطبت على ضهرها
فتابع علي بتنهيده انا هطلع انام في شقتي وخلي حبيبه معاكي يا سلمى مش هتروح انهارده
سلمى بحب وماله ده الاوضه هتنور والله
حبيبه من بين دموعها بس متقعديش ترغيلي مع حازم لوش الصبح انا عايزه انام
فكلهم فضلوا يضحكوا بشده فتابعت سلمى بضحك تصدقي يابت انك واطيه وانا غلطانه اني اتعاطفت معاكي
كلهم فضلوا يضحكوا اكتر فتابعت حبيبه بضحك من بين دموعها لا يحبيبتي متتعاطفيش معايا هو مهزق زي مهزقين كتير وهيترفض زيهم انا عارفاه وحافظاه الموسم بتاع كل سنه دده
علي بضحك تاخدي نوبل في رفض العرسان والله
سلمى بضحك ومن غير ماتقعد معاهم والله
كلهم فضلوا يضحكوا فتابعت حبيبه بضحك اه الكلام ده بيتحس كده مش لازم نقعد
علي بضحك يسلام على الاحساس ام كلثوم بتتكلم
رانيا ضحكت وتابعت سكر والله ومشت ايديها على شعرها وتابعت يجيكي حِزن تتحسدي وانتي نازله بيه كده يابت
كلهم فضلوا يضحكوا فتابع علي بضحك اهي جابتلك حِزن اهي
فحبيبه فضلت تضحك وتابعت هبقى المه والله بعد كده حاضر
رانيا بحب ربنا يحفظك يابنتي ويفرحني بيكم كلكم يارب
علي بحب يارب اللهم امين وبص حواليه وتابع فينها اسراء اوعو تقولوا مجتش لحد دلوقتي !!
سلمي بتوتر لا جات من بدري بس قاعده فوق السطح بتتكلم مع صحابها كول
علي بحده وايه منيلها فوق السطح للساعه 10 وقام فتح الباب وتابع بصوت مرتفع نسبيا يا علي
وسلمى جوه الشقه تابعت بخوف يالهوي يالهوي شايفه بنتك علشان اقولها تعالي بدري هيموتنا كلنا دلوقتي
حبيبه بصدمه انتي بتكدبي عليه؟!!
سلمى بخوف اومال اقوله مجتش يعني يموتها
حبيبه بضحك طب جدعه ياروح امك هيموتك معاها بقى
فعلي نفخ بضيق وتابع بنت الكلاب دي مبتردش انا طالعلها
رانيا بتوتر استنى صح ياعلي يا ابني انا افتكرت اصل انا بعتها تجبلي حاجه من تحت
علي رفع حاجبه وتابع بشك حاجه ايه ومقولتليش ليه ما انا كنت تحت
رانيا بتوتر منا نسيت اقولك و
علي بعصبيه اماا بلاش حوارات اسرااء لسه مجتش صح ؟!!
رانيا بخوف حقك عليا هي مستأذنه مني
علي بعصبيه مستأذنه من مين ده انا هطلع عين اهلها انهارده ورايح يرن عليها شافها بتفتح الباب وبصتله مرعوبه وتابعت ايه في ايه
فحط الفون في جيبه وراح مسك دراعها وتابع بعصبيه انتي بتعملي ايه كل ده برا يابنت الكلب انتي هاااا
اسراء بخوف وعياط هقولك اقسم بالله هقولك
علي بعصبيه قولي اااه وضربها على ضهرها جامد وتابع بعصبيه قولي ما انتي لو حد عرف يربيكي مكنتيش قعدتي لبراا كل ده
رانيا بخوف خلاص ياعلي حقك عليا انا يا ابني ابوس ابديك سيبها
حبيبه راحت تسلك بينهم وتابعت بخوف علي اعملي خاطر ابوس ايديك وسيبها عيله وغلطت
علي بعصبيه اوعي انتي ياحبيبه علشان متزعليش مني عيله وغلطت يبقى تتربى ومسك شعرها جامد فعيطت بشده فتابع بعصبيه اخلصي كنتي فين كل دده
اسراء بعياط ساره تعبت فوديناها البيت وطنط عزمت علينا نقعد نشرب شاي ونمشي فا ده اللي اخرني والله
علي بعصبيه وتليفونك ايييه ولع ؟؟؟ مفيش فون تقولي انا زفت هتاخر بسبب كذا كذاا ؟!! انما حلو تقعديني فاكرك جيتي من بدري كدده وعمال ادي دروس اخلاق لحبيبه انها نزلت بالليل وانا اختي ملقتش حد يربيهاا
سلمى بعياط وخوف طب علشان خاطري انا يا علي سيبها خلاص ارجوك
علي بعصبيه هشش مسمعش صوت حد وبص لاسراء بتفحص من فوق لتحت وتابع بعصبيه اكبر :بعدين ايه القررف اللي انتي لابسااه ده ياحيوانه يا مهززقه هو انت مش قولت لاهلك البناطيل دي متتلبسش ؟!!
اسراء فضلت تعيط بخوف فتابع علي بعصبيه ردي عللياا قولت ولا مقولتش ؟؟؟!!
اسراء بعياط قولت والله انا اسفه وحياتك عندي مش هتقرر
علي بعصبيه ده عند امك الكلام ده وشد على شعرها وبيمشي بيها فتابعت حبيبه بخوف يا علي خلاااص ورحمه ابووك كفااايه
علي بعصبيه قولت محدش يتنيل يددخل وزقها جوه اوضتها وهي بتعيط ومرعوبه وتابع بعصبيه شديده غيري يلاا والبنطلون ده اقلعيه وهاتيه يلااااااا
اسراء هزت راسها بحاضر كذا مره واستنته يمشي من قدام الاوضه وقفلت الباب ووقفت وراه وفضلت تعيط بانهيار
في الصاله برا
عيطت رانيا وتابعت يا ابني واحده واحده على اختك دي يتيمه وملهاش غيررك
علي بعصبيه هي يتيمه وانا ابوياا وامي عاايشين مش كدده ؟؟؟!!!!
رانيا بعياط لا يحبيبي مش كده بس انت ابوها متقساش عليهاا ياعلي ده اسرااء روحها فيك
علي بعصبيه انا مبقساش عليهاا هو انا لو بقسى عليهااا كان زمان ده حالهااا ؟؟!!! انما انا علشان دلعت حصلي كدده ولسه مطلعتش من البيضه وكلها 18 سنه وورتني اللي اخواتها الكباار مورهونيش اومال بعد كده هتعمل فيا ايه ؟؟!! دي من دلوقتي طالعه متسيبه علشان انا سيبتها براحتهاا فكل حاجه فاالمفروض دلوقتي اصلح نتيجه دلعي
حبيبه بدموع ووجع انت صح فكل كلمه والله بس متخوفهاش منك .. متوصلهاش انها تخاف من الحته اللي مفروض تحس فيها بامان
علي بحده لا يحبيبه دلوقتي لازم تخااف انا احن عليهم من نفسهم ويشهدوا كلهم بكده انما اسراء خدت حنيتي عليهاا الضعف علشان الصغيره ومخوفتهاش كانت ايه النتيجه ؟؟؟ بتلبس وتنزل وترجع متأخر ولا اكن في حد يحكمها واتعصب وتابع انا من صغري بشتغل وبتمرمط وبتعب علشان منقصهمش هماا اي حاااجه وربيت وتعبت وجوزت اختهااا وفاتحه بيت دلوقتي فمتجيش عيله لسه بنت يومين تهدلي كل تعبي بتربيتها الو-سخه عليها وعلى اللي جابوهااا حتى المهم تتربى
حبيبه بحزن طب اهدى طيب حقك عليا والله
وسلمى خافت تتكلم علشان تهدي الدنيا فيفتكر انها دارت على اسراء ويتعصب عليها هي كمان فسكتت خالص وخرجت اسراء وهي بتعيط وخايفه واديته البنطلون فعلي بصلها بحده وشد البنطلون منها ومد ايديه مسك المقص من على السفره وبدء يقطع البنطلون لكذا حته وكلهم اتصدموا فعيطت اسراء ورايحه تتكلم فتابع علي بعصبيه هششش مسمعش صوتك خاالص علشان ممدش ايدي عليكي انتي فااهمه ؟؟؟
اسراء بحده ودموع بوظتلي البنطلون ولو الحلوه بتاعتك اللي لبسته هتقولها الله يحبيبتي زي القمررر عامل فيها ملتزم علينا وخاطب واحده بشعرهاا وبتلبس زي الزفت عاادي بس ازاي متحللش وتحرم بمزاجك يعني ؟؟؟!
كلهم اتصدموا جدا من كلامها فعلي ضربها بالقلم بقوه وكلهم شهقوا بخضه وتابع بهدوء مخيف : على اوضتك
اسراء حطت ايديها على خدها بألم وعيطت ورايحه تتكلم فتابع علي بعصبيه : هششش ولا كلمه قولت على اووضتك وشاور على اوضتها
فدخلت اسراء وهي بتعيط بشد فتابع علي بعصبيه واعملي حساابك مفيش نزول ليكي من البيت خاالص
اسراء بعياط وعصبيه انا عندي بكره شيت لازم يتسلم و
علي بعصبيه ومقاطعه شالله ماعنه اتسلم وصوتك ده ميعلاااش علشان قسما بالله كلمه كمان هاجي اكسرك خاالص
فاسراء عيطت بخنقه وقفلت الباب فتابعت رانيا بدموع طب يا علي ماهو مش هينفع يا ابني و
علي بمقاطعه وبحده ماااماا بعد اذنك خلااص لما تتعلم تحترم اخوها الكبيير انا من نفسي هنزلهاا انما انا كل كلمه قولتها صح دي متربتش بتقاارن نفسها برفيده اللي كل لبسهاا واسع وبالسنبه للحجاب فانا مخنوق من الوضع ده بس سايبها لانها قالتلي انا مش مستعده دلوقتي بس مجرد ما ادخل بيتك هلبس الحجاب علطول بس عايزة تاخد القرار وهي واثقه مش هترجع فيه وبدعيلها بالهداايه ولما حطت برفيوم رجعتهاا تغير خاالص فاهي بتقاارن ايه باايه مش فااهم ؟؟؟ يعني قسما بالله لو رفيده لبست هدوم زي دي اسيبهااا ورحمه ابويااا اسيبهاا في ساعتهاااا علشان احنا مش جدااد على بعض وهي عارفه طبعي وانا عمري ما اوافق البس اللي تخصني حاجه تحدد جسمها كده بالمنظر الزباله ده وافرج الناااس عليهااا معنديش قروون للاسف
سلمى بحزن حقك عليا انا والله خلاص اهدى
علي نفخ بضيق ورمى البنطلون عى الارض وتابع بحده ماشي يا اسرااء ماشي يابنت الكلب انا هوريكي عامل فيها ملتزم عليكم وبحلل وبحرم ازاي بس الصبر وتبقى توريني هتلبس القررف ده تاني ازاي وانا اموتها خاالص انا طالع اتخمد وخرج ورزع الباب وراه وطلع شقته فتنهدت رانيا وتابعت بدموع اقول ايه هي اسراء اللي جايه تتعبني على كبر والله
حبيبه بحزن معلش هي غلطت بس عيله بردو وبتلقد الجيل اللي طالع المهم نقعد معاها ونعرفها غلطها
سلمى بحزن ماكلنا كنا عيال يحبيبه بس اسراء بجد زوتها وهي عارفه اخوها مش بيحب الاسلوب وده وياما دارينا عليهاا وبعدين عيب اوي تبجح وترد قصاده وتتكلم عن رفيده بالشكل ده
رانيا بحده ماعلشان فعلا مشاافتش رباايه والله العظيم
حبيبه بحزن اهدوا وهي من نفسها هتصالحه والله دي بتعشق علي
رانيا بتنهيده حزينه ربنا يهدي يابنتي وانتي يسلمى تعالي ساعديني نحضر العشا واطلعي ودي لاخوكي
سلمى بتنهيده حاضر يلا
حبيبه بحب هعمل معاكم
رانيا بحب لا يعمري خليكي واحنا هنجيب ونيجي ناكل مع بعض وبصت لسلمى وتابعت بحب واديها بيجامه من عندك يا سلمى ترتاح فيهاا
سلمى بحب تعالي ورايا يا حبيبه
حبيبه بحب ماشي هغير وجايالك مفيش مفر انا مش غريبه للحركات دي والا هحس اني غريبه وهعيطلكم تاني
رانيا بضحك ماشي يا ام لسانين ساعدينا محدش يقدر يقول غريبه طبعاا يلا
حبيبه بحماس هواا ودخلت تغير
---------------
عند هاله وابتسام كان الكل متجمع عند ابتسام وبيتعشوا سوا
فتابعت نيره هي هناء كالت قبل ماتنام ولا ايه ؟؟
ابتسام بحب اه كالت يحبيبتي كلي انتي بس اهم حاجه
كريم بتنهيده هي حبيبه راحت لسلمى علشان موضوع العريس ده ولا حاجه تاني ؟
هاله بتوتر لا يحبيبي مفيش حاجه هي شدت قصادي شويه راحت قالتلي انا هروح اريح اعصابي عند سلمى ونزلت من البيت ده دخلت البيت ده وخلت علي كلمك يستاذن تفضل انهارده بس كده
كريم بتنهيده حلو اسلوبك ده انتي وامي يعني يا خالتي ؟؟؟ هتوصلوها لايه تاني عشان افهم بس ؟؟!
هاله بتنهيده حزينه : يا كريم عايزه افرح بيها انا غلطت في ايه بس
كريم بحده فاهمك والله بس اسلوبكم غلط انا قولتلكم حبيبه محدش يجبرها على حاجه انا لما الاقي حد مناسب هقولها تقعد معاه دلوقتي سبوها ايه دي كلهاا 20 سنه هي راايحه تبوور
ابتسام بتنهيده خلاص يحبيبي محدش هيجبرها والله اهدى بس وكمل اكلك
فنفخ كريم بعمق وتابع استغفر الله العظيم يارب ربنا يهديكم بجد
نيره بضحك ويهدي الجميع يغالي اهدى طيب متعصبش نفسك
كريم بحده عالم مستفزه بجد جابوا للبت عقده نفسيه وبدل ما الواحده تفرح لما يجيلها عريس دي بتحس انها ملك الموت جيه يقبض روحها
هاله بتنهيده ما انت متعرفش حاجه يا كريم فخلينا ساكتين. احسن
نيره بصت لامها جاامد فتابع كريم برفعه حاجب : نعم !! ليه في ايه معرفوش مش فااهم
نيره بتوتر مفيش يحبيبي قصد ماما ان حبيبه مش عايزه تتجوز اصلا فكل شويه ترفض مش احنا اللي جايبينلها عقده ولا حاجه وبتقولك انت متعرفش حاجه اللي هو مش من ضغطنا فكرهت السيره لا دي هي كده كده متعقده
كريم بتنهيده ااه .. لا منا عارف ان حبيبه بترفض كتير بس جايز حاطه شروط معينه وحقها تدور عليها انا معنديش طلاق وخراب بيوت فتاخد وقتها براحتهااا وتختار
نيره بتوتر اه اكيد طبعا وبصت لامها بحده اللي تنهدت وعملت نفسها مش واخده بالها وكملت اكلها
فبص كريم لي لميا وتابع بتنهيده وانتي كمان كنتي فين انهارده يا هانم ؟
لميا بتوتر كنت مع صحاب الشغل نزلنا اتغدينا برا وكده
كريم اممم طب ومش مفروض تعرفيني انك نازله ؟
لميا بتوتر بعتلك والله بس انت مشوفتش لحد دلوقتي
كريم بتنهيده تمام يا لميا تمام كملي اكلك وقام
فتابعت ابتسام ياابني اقعد كمل اكلك طبقك مخلصش
كريم بتنهيده لا مش قاادر الف هنا انتوا كوبايه قهوه لما تخلصي يا نيرو معلش
نيره بحب حاضر يحبيبي وبصت لامها بتعاب انها كانت هتقول ان حبيبه رافضه بسبب انها بتحب فامها تنهدت بحزن وسكتت وكلموا اكلهم بعدين نيره قامت شالت الاكل مع خالتها وبدات تعمل القهوه وتابعت خالتي اعمليلي شاي بلنعناع عبال مانا ادخل لابنك القهوه دي واخد الشاي وانزل اشربه وانام
ابتسام بحب ماشي يحبيبتي روحي انتي وهعملهولك من عيني
وراحت نيره لكريم البلكونه كان بيضحك في الفون فبصتله وابتسمت بخبث وهمست مين ها
كريم بصلها وخد منها القهوه وتابع بضحك دي نادين
نيره بضحك اه قولتلي مرات اخوياا هاتها اسلم عليها
كريم بضحك هششش بس يابت يخربيت اهلك وطي صووتك ده واطلعي برا يلا
نيره بضحك طب ايه رايك مش هطلع وهقعد على قلوبكم
كريم قعد على الكرسي وتابع بضحك خليكي يغاليه تنوري وانتبه للمكالمه وتابع ايه .. اه دي نيره اختي اللي قولتلك عليها
فضحك اكتر وتابع لالا متخافيش انا مسيطر وبعدين دي بير اسراري دي مش هتروح تفتن لا
نيره بضحك لا متخافيش يابت ده حبيبي ده همووت واخلص منه فهداري معاه على شمعته لحد ماتقيد باذن الله
كريم ونادين فضلوا يضحكوا فتابع كريم بضحك والله انتي حبيبت قلبي ومسك ايديها باسها بحب وتابع تعبتك يابابا
نيره بحب على ايه ؟!! على القهوه !! وايه الجديد هو انت تقدر تشربها من حد غيري
كريم بضحك كلمه حق لا محدش بيعرف يظبطهالي غيرك مانحرمش منك ابداا ياست البنات
نيره بضحك حبيبي
فانتبه كريم لكلام نادين وتابع بضحك بس يابت اخرسي
نيره بضحك ايه بتقولك ايه
كريم بضحك بتقولك انتي ايدي في ايدك ونخليه يبطل سجاير
نيره بضحك اسكت انت متفهمش حاجه دي بت صح الصح حاضر يانادين عينيا ليكي
كريم بضحك طز فيكي وفيها والله العظيم
فنيره فضلت تضحك وشويه وكريم قفل مع نادين وخلص كوبايه القهوه وحطها قدامه ونيره كانت متوتره جدا وبتلعب في صوابعها فتابعت بتوتر : كريم
كريم خد باله من ايديها ومسك علبه السجاير بتاعته من على الترابيزه وخد واحده ورماها تاني وتابع وهو بيولعها طلما كريم وبتعصري في ايديك كده تبقى مصيبه خير
نيره الدموع اتجمعت في عينيها وتابعت انا وتنهدت بعمق وبصت للارض وتابعت انا فكيت البلوك لمروان
كريم خد نفسه بهدوء ونفخ دخان السجاره بعيد عنها وتابع وبعدين ؟
نيره دموعها نزلت بصمت غصب عنها وتابعت اتفاجئت انه عملي بلوك
كريم بتنهيده انا بقى متفاجئتش شئ متوقع انه يعملك بلوك ويشوفك يبص في الارض بعد العلقه اللي خدها
نيره اتصدمت وتابعت علقه !! علقه ايه ؟؟؟
كريم بتنهيده سيبك من موضوع العلقه هقولك بعدين المهم دلوقتي انتي فكيتي البلوك ليه ؟؟ وهل انتي عارفه اني مستحيل وافق بيه حتى لو ندم ؟؟
نيره تنهدت بحزن وتابعت وهي بتحط خصله من شعرها ورا ودنها : عارفه انك مستحيل توافق بس مش عارفه فكيته ليه يمكن كنت عايزاه يمسك فيا اكتر مع اني عارفه انه مبيحبنيش ... يمكن كنت عايزه احس ان كل اللي سمعته من كلام حلو ده مكانش كدب بس الايام غيرت المشاعر عادي انما مش قادره استوعب اني اضحك عليا كده وكنت بسمع منه الكلام احس اني في سابع ... يمكن كنت عايزه احس انه ندم ويعتذرلي شويه علشان اراضي كبريائي واني فعلا كتير عليه انما الحقيقه يا كريم اني هونت ومفرقتش اصلا علشان هو عمره ما حبني قد حبي ليه والدموع اتجمعت في عينيها
فكريم طفى السجاره في الطافيه وقام وقف وفتحلها دراعه وتابع بحزن تعالي
نيره حضنته وسندت راسها على صدره وفضلت تعيط بوجع وهي بتحاول تكتم صوتها فكريم ضمها ومشى ايديه على شعرها وباس راسها بعمق وتابع حقك على قلبي وعيني .. والله يا نيره فاهم كل كلمه قولتيها ومش هلومك انك فكيتي البلوك لانك حقك متستوعبيش اللي حصل فعلا بس حقيقي ربنا بيحبك اوي انه بعد عنك الانسان ده ووراكي حقيقته
نيره بعياط عارفه بس قلبي واجعني اوي بجد يكريم
كريم تنهد بوجع وتابع سلامه قلبك يقلب كريم حقك عليا اهدي ومسك ايديها رفعها باسها بعمق وتابع نيره احنا اقوى من كده ارجوكي متوجعيش قلبي عليكي علشان خاطري
نيره بصتله بوجع وتابعت بدموع تفتكر هنسااه ؟
كريم ابتسم وتابع يااه ده انتي ياماا هتحبي وتتحبي وتسيبي وتتسابي صدقيني الحياه مش وردي زي المسلسلات والافلام احنا في دنيا يعني دار شقاء وهتشوفي فيها كتير بس نصيبك متشال وهتقابليه في الوقت المناسب والله ومسيره هيعوضك
نيره ابتسمت بحزن من بين دموعها وتابعت يارب بجد اللهم امين ياارب
كريم حط ايديه الاتنين على خدها ومسح دموعها وباس جبينها بعمق وتابع هيستجيب والله وهتشوفي بس لكل شئ وقت
نيره ابتسمت بحب وتابعت نادين شكلها كويسه
كريم فضل يضحك وتابع اعتمد يعني ؟؟
نيره بضحك ااه ان شاء الله
كريم بضحك تمام هنشوف يلا نامي بقي علشان وراكي كليه الصبح
نيره بحب هاخد الشاي زمان خالتي عملته وهنزل انام اهو تصبح على خير يحبيبي
كريم بحب وانتي من اهله يا غاليه
ونزلت ونسيت تسال كريم يقصد ايه بكلامه عن ضرب مروان وهو تنهد بعمق وبص للسما وتابع يارب ارجوك خليني قد المسؤوليه اللي انت حطيتني فيها وساعدني
---------------
عند اسياا كانت واخده تولين في حضنها اللي نامت وبتتكلم مع شيري في الصالون
اسيا بحب ايوه منا بحط من ده بعد الشاور بصي حكاايه بجد بس عيبه ريحته بتدوم بطريقه رهيبه فمش بحط منه غير في الاجازات علشان مبنزلش الشارع
شيري بضحك اه لاحظت فعلا وبقولك صح عايزة اخد رايك في حاجه
اسيا بحب قولي يعمري
شيري بحب اقص شعري واغير لونه ولا اخليه اسود وطويل زي ماهو
اسيا بحب لا انتي غيري لونه بس متقصيش الرجاله بتحب الشعر الطويل
شيري بضحك ما زياد قالي كده بس قولت تغيير بقى
اسيا بضحك لالا خليه بس اهدي على نفسك متصبغيش دلوقتي لحسن انتي مش محجبه وحماتك وعيله جوزك عامه هيشوفوا كده هيقولولك متزوقه لمين دي وجوزها مسافر
شيري بذهول بتهزري وربنا هو لسه في ناس بتفكر كده ؟؟!!
اسيا بضحك وابو كده اسكتي اسكتي انتي لسه متعرفيش حاجه خالص فاستني زياد يكون قرب ينزل واصبغيه وصح كل ما افتكر اسالك انسى على كده زياد مش بيكلمك كول خالص وغمزت وتابعت واي رغي من اي نوع
شيري فضلت تضحك وتابعت لا بيكلمني طبعا وبرقصله كمان ده واخد حقه نااشف ده
اسيا فضلت تضحك وتابعت عيال محمود الاتنين وحياتك ياختي انا سالتك لاني كنت واثقه والله انه مش هيفوت او هيقعد كل ده القعده ناشفه هناك
شيري بضحك ادينا بنطاريهاا اهو لحد ما يبقى عنده دم وينزل شويه انما الاتنين كده كده مش بيفوتوا ده نظري وده عملي بس تصدقي يا بت يا اسيا تفرق بردو ده انتي منور اهو انما انا شغل شوق ولا تدوق
اسيا فضلت تضحك وتابعت متربتيش والله بس بكره ينزلك ياختي وتكرهي نفسك استني بس ده بيبقى يوم اسود لما بيقعدلي اجازه عايز يحس انه متجوز رقاصه ساعتها ومش رقص بس لاا رقاصه بالمعنى الحرفي
شيري فضلت تضحك وتابعت اديه نزلك انهارده والساعه 1 ولسه مرجعش اهو
اسيا بضحك مرات صاحبه تعبت بسبب موت مامتها فاهو معاه خليه ياما انا شويه وهنام
شيري بضحك عايزه نعمه تظبطك انتي هناديلك عليهاا اقولها بتمنع ابنك من حقوقه
اسيا بضحك لا والنبي اصل ابنها ده يعيني مكسور الجناح ياختي والنبي اتنيلي
فشيري فضلت تضحك وشويه وطلعت وكانت اسيا نيمت تولين في اوضتها ودخلت اوضتهم وغيرت هدومها لشورت وحماله ونامت وشغلت التكييف وبعد ساعتين كمان سليم كان جيه فرمي مفاتيح الشقه على السفره ودخل اوضته لقى اسيا نايمه وشكلها يخطف القلب فابتسم بحب وفك زراير قميصه ورماه على جنب وراح نام جنبها وحضنها من ضهرها وباس رقبتها بحب وهمس اسيا
اسيا بنوم اممم في ايه
سليم بحب ماتقومي تقعدي معايا شويه
اسيا بنوم مش قادره والله يسليم وورايا شغل حقك عليا ولفت باست خده ونامت في حضنه
فتنهد بعمق وتابع مش قادره لايه يعني هضربك بالنار انا مثلا يا اسيا ؟
اسيا بنوم يحبيبي مش كده والله بس لو صحيت مش هعرف انام بسهوله وعندي شغل
فسليم تنهد بعمق وسكت ولما نامت نزلها براحه من حضنه وقام لبس تيشرت ودخل البلكونه وولع سجاير وبقى ينفخها بضيق بيفرغ طاقته
------------------
في اوضه هناء كانت بتكلم صاحبتها رنا
هناء بدموع يابنتي والله العظيم ماليا نفس
رنا بحزن معلش علشان خاطري هتفضلي لحد امتى متنزليش الجامعه يعني وبعدين ده في ندوه هتتعمل بعد كام يوم وجاي يكلمنا فيها دكتور ناجح جدا وكان في امريكا لسه راجع مصر بقاله يومين بس
هناء تنهدت بعمق وتابعت هشوف يا رنا صدقيني الفتره دي كارفه لكل حاجه
رنا بحب شوفي وفكري ومش هتندمي والله
هناء بتنهيده تمام يلا باي
رنا بحب باي مستنياكي بكره
فقفلت هناء ورمت الفون جنبها ورجعت ضهرها لورا وتنهدت بعمق وافتكرت
فلاااش باااك
بعد وصلت مع نادر شقتهم طلعوا فتابع الراجل اهي يا استاذ الشقه اتفضلوا شوفوها ولو عجبت الجماعه نتفق
نادر بابتسامه خلاص تمام ماشي
وخرج الراجل ودخل نادر مع هناء وبدات تبص لكل ركن باعجاب شديد وتابعت تحفهه اوي لالا بقولك ايه قولوا تمام
نادر بضحك طب استني تشوفيها كلها حتى
هناء بضحك لا طبعا الجواب بيبان من عنواانه انت مش شايف وفضلت تلف فيها باعجاب وفرح شديد
ونادر بيبص عليها ومبتسم فسمعوا صوت خبط على باب الشقه وهو مفتوح فكان امير صاحب عُمر نادر اللي ساكن في الشقه اللي قدامه وهو اللي رشحله الشقه دي فابتسم نادر وتابع بضحك حبيب قلبي الغالي تعالى ادخل
امير دخل وتابع بضحك هاا نقول مبرووك ولا ايه
هناء بضحك مبرووك طبعا دي تحفهه ولا ايه رايك يا نادر
نادر بحب مفيش راي بعد رايك خلاص
امير بحب كنا صحاب وبقينا جيران العمر كله كمان مبرووك يحبيبي والله وحضنه وطبطب على ضهره فنادر ضحك وتابع تسلملي يا غاليي والله
امير بحب يلا هسيبكم انا كملوا فرجه على الشقه وربنا يجعلها بدايه خير ياذن الله
نادر وهناء في نفس واحد اللهم امين يارب
امير بحب يلا باي ومشي امير ودخل شقته اللي مشتريها لنفسه وقاعد فيها قدام شقه نادر
وعند هناء كانت بتبص لكل ركن باعجاب وماشيه فيها بفرح مش قادره تصدق ان دي هتبقى شقتها هي وحبيبها وشهقت فاجاه لما لقيت نادر حضنها من ضهرها وساند راسه على كتفها فتابعت بتوتر نادر بليز اوعا انت بتعمل ايه ؟؟؟
نادر بحب متخافيش والله ماهعملك حاجه بس انا بحبك ومبعرفش افضل بعيد عنك
هناء لفتله وتابعت بتوتر بتحبني يبقى تحافظ عليا لحد ما لمستك ليا تبقى حلال انما دلوقتي لا ارجوك
نادر بصلها بهيام وتابع طب هاتي بوسه واقسم بالله هسيبك ومش هعمل حاجه تاني
هناء شهقت وتابعت نعم !! انت اتجننت ؟؟! يعني بقولك ابعد عني تقولي هاتي بوسه لا طبعا مستحيل اوعاا يا نادر سبني وبتحاول تفك ايديه فضحك وتابع بطلي تبقى غشيمه وواخده كل حاجه قفش مفيهاش حاجه يعني
هناء بحده لا بنسبالي فيها حاجات اوعاا يا نادر سبني
نادر بضحك طب ياستي اهدي متتعصبيش مش معنى اني مبعرفش اسيطر على نفسي معاكي وبحبك تحسسيني اني وحش كده وبعد عنها
هناء بدموع نادر انت خوفتني منك والله العظيم
نادر بلهفه وضحك لالا حقك علياا والله وغلاوتك مقصدش وباس جبينها بعمق وتابع انا اسف يحبيبتي والله خلاص ومسح دموعها
هناء ابتسمت بحزن وتابعت متقررهاش تاني ورحمه ابوك
فنادر فضل يضحك وتابع عيني حاضر مش هقررها والله
ولقيوا يارا داخله وبصتلهم وتابعت بابتسامه يخوااتي بتمسحلها دموعهاا ليه بقى اهو انت كده تعيطها بعدين تمسح دموعها
نادر بضحك لالا محصلش حاجه دي هي بس عيطت من الفرح لما شافت الشقه
يارا بضحك يجدع صدقتك وبصت حواليها وتابعت باعجاب والله حلوه فعلا تعالي فرجيني يا نوئه وشدتها بعيد عن نادر
هناء بحب تعالي يحبيبتي
وراحوا يتفرجوا
باااك
وفاقت هناء على صوت لميا بتخبط وقاطعت تفكيرها
فمسحت دموعها وتابعت ادخل
فدخلت لميا وتابعت بتوتر ممكن اتكلم معاكي؟
هناء بحب اه اكيد
لميا دخلت قعدت قدامها على السرير وتابعت بتوتر انا خرجت اتغديت مع زين لوحدنا انهارده
هناء بصدمه نعم ؟!! ازاي تعملي كده مش فااهمه !!
لميا بتوتر فضل يزن وفعلا كالنا ومشيت وركبني اوبر وفضل معايا على الخط قالي علشان لو هتتحرجي او تتوتري اني اوصلك وطول القاعده معاكسنيش ولا اتعدى حدوده وقال كلام يحرجني فحبيبت اليوم اوي بصراحه
هناء بتنهيده يعني كريم لو عرف عادي ؟
لميا بخوف لا طبعاا يعرف ايه يا هناء اخوكي عصبي اوي ومش هيتفاهم وهو بصراحه اتلدع فيكي فمش هيأمن لحد بسهوله بس انا واثقه في زين
هناء كلام اختها وجعها بس مبينتش وتنهدت بالم شديد وتابعت والدموع متحجره في عينها وبتجاهد متنزلهاش : منا بردو كنت واثقه في نادر يا لميا
لميا بحزن بس زين مش نادر وصوابع ايدينا مش زي بعض
هناء بوجع اتفق هما مختلفين بس الحرص واجب بردو
لميا بحزن اه منا اكيد حريصه بس طول الوقت حاسه اني بسرق فاهمه؟
هناء تنهدت بعمق وتابعت فاهمه وارجوكي تخليه يعجل مفيش احسن من النور
لميا بتنهيده يارب والله بجد انا بقوله والله وعارفه لما يبقى مستعد هيجي ويارب يعوضك ويفرحني بيكي قريب بقى قادر يكريم
هناء ابتسمت بوجع وتابعت يارب اللهم امين
لميا بحب هنام جنبك انهارده هاا
هناء بحب نامي طبعا يسلام
وبالفعل لميا نامت جنب هناء وزين رن عليها وردت وفضلت تتكلم معاه بصوت واطي وهناء قامت اتسندت ودخلت الحمام وشغلت الحنفيه بصوت عالي وفضلت تعيط وحطت ايديها تكتم بوقها من العياط بس كانت منهاره وقلبها واجعها اوي
-----------
عند علي كان بيتكلم مع رفيده فيديو كول
علي بضحك يابنتي والله محصلش حاجه بطلي دماغك دي
رفيده برفعه حاجب علي تسمح تسكت وتبطل ضحك لاني وربي جبت اخرري خلاص
علي فضل يضحك وتابع : حاضر حاضر هسكت خالص اهو
رفيده بضيق شووف بردو بيضحك المستفززز
علي بضحك بتبقي سكر وانتي غيرانه والله
رفيده برفعه حاجب متهربش من الموضوع .. بردو هتقولي حصل ايه مع حبيبه وانت ليه قاعد في شقتنا
علي بحب رفيده وغلاوتك عندي محصلش حاجه فعلا انا بس فهمت منها ليه نزلت ورجعتها وانتي عارفه اني اولا عارف حدودي ثانيا بصون غيابك قبل وجودك فمقدرش ابص لغيرك عامهً
رفيده ابتسمت غصب عنها وتابعت بحب طب وطلعت شقتنا ليه ؟؟
علي بضحك هقولك الصراحه ومش عايز جنان هاا
رفيده بضحك قول
علي بتنهيده حبيبه متخانقه مع اهلها فجات تقعد مع سلمى فانا سبت الشقه علشان تكون براحتها وطلعت انا فوق
رفيده بغيره يالهوي ياناس محترم يحبيبي محترم جداا
علي بضحك رفيده احترمي نفسك واتكلمي عدل مانا محترم صح
رفيده بحده محترم ااه وهي معندهااش غيركم انتوا لييه ماتقعد عند كررريم ماهو اخوهاا
علي بحده مينفعش عند كريم لسبب ماا وتقعد في الحته اللي تعجبها دي بنت خاله ابن عمي يعني قريبتي من بعيد وجيران ومتربيه قدامي وزيها زي سلمى واسيا واسراء فالو سمحتي بطلي الغيره على الفاضيه والمليان دي واتكلمي عن الناس عدل المهم انا متنيل عايز مين وخاطب مين
رفيده بضيق ماشي يا علي خلاص
علي تنهد بعمق وتابع رفيده وغلاوتك عندي مقصدش ازعلك بس بفهمك قصدي علشان متبصيلهاش بنظرات ملهاش اي اساس
رفيده بغيره : انا بغير عليك عامهً ميخصنيش هي ومواضيعها ايه
علي بضحك منا عارف يا مجنونه والمهم صح صوتك ده ميعلاش في الشارع تاني عاايزه تتنيلي تقولي حاجه قوليها في الفوون علشان مزعلكيش بعد كده
رفيده بضحك حاضر والله عماله اقول يارب ينسى انت ايه مش بيفوتك حاجه خالص
علي بضحك اه شوفتي بقى وبص للساعه وتابع الفجر قرب انا هنزل اأذن خليكي صاحيه متناميش ولما تسمعيني قومي صلي زي كل يوم
رفيده بحب حاضر يحبيبي
علي بحب يحضرلك كل خير ينورعيني وحقك عليا يا رفيده لو احيانا بتعصب عليكي في مشاكلنا بس والله بيبقى غصب عني انتي عارفه انا بحبك قد ايه
رفيده بهمس وانا مبزعلش منك وبعشقك وباست باطن ايديها ونفخت برقه ناحيه
فعلي فضل يضحك وتابع الله يخربيت اهلك قومي قومي اتوضي واجهزي علشان صلاه الفجر الواحد لو قعد معاكي وطاوعك هتفوته الصلاه
فرفيده فضلت تضحك وتابعت هقفل الكول واروح اجهز والبس علطول ماشي ؟
علي بضحك اه اقفلي وروحي باي يعمري
رفيده بحب باي
وقفلت معاه وهي مبسوطه جدا وعلي قام علشان يجهز
وعندهم في شقتهم تحت كلهم ناموا محدش لسه صحي لصلاه الفجر بس حبيبه مكانتش عارفه تنام فقامت اتسحبت وخرجت من اوضه سلمى وقفلت الباب براحه ودخلت اوضه علي فطبيعي كانت فاضيه وفضلت تبص لكل ركن فيها وعينيها جات على صوره على مع رفيده المحطوطه على الكومود ومتجمع فيها كذا صوره ليهم في مختلف المناسبات واكبر صوره في النص بتاعت خطوبتهم فمسكتها وفضلت تبصلها وقلبها اتعصر من الالم ومجرد ماتخيلتهم سوا حست بخنجر بيطعن قلبها ببطئ والم شديد ونار جواها وتنهدت بوجع وغمضت عينيها مش قادره تبص عليهم سوا ودموعها نزلت بصمت وقهر
رانيا بحزن من وراها : هتفضلي لحد امتى موقفه حياتك بسبب علي يا حبيبه ؟؟!!
فحبيبه شهقت بخضه ولفت فالصوره وقعت منها على الارض
الفصل الرابع
رانيا بحزن من وراها : هتفضلي لحد امتى موقفه حياتك بسبب علي يا حبيبه ؟؟!!
فحبيبه شهقت بخضه ولفت فالصوره وقعت منها على الارض وبصت لرانيا وبلعت ريقها بتوتر
رانيا بحزن بتبصيلي كده ليه فكراني معرفش ؟؟
حبيبه الدموع اتجمعت في عينيها وتابعت متعرفيش ايه ؟؟! هو مفيش حاجه اصلا واتوترت وتابعت ده انا جيت هنا علشان خاطر .. علشاان خاطر معرفتش انام جنب سلمى وو
رانيا بمقاطعه ودموع يابنتي متكدبيش عينيكي فضحاكي يحبيبه .. نظراتك لابني اللي من وانتي عيله صغيره بضافير مكانتش صدفه انتي حبيتيه
حبيبه بصت للارض ودموعها نزلت تابعت يمكن كنت .. بس دلوقتي لا صدقيني
رانيا راحت وقفت قدامها ورفعت وشها ليها وتابعت بدموع عيني في عينك كده
حبيبه بصتلها بوجع ودموعها نزلت وسكتت ثواني وتابعت ااه انا كدابه وعيطت وتابعت ااه بحبه .. ولحد دلوقتي بس انا كده طول عمري بختي قليل ...ومن سااعه ماتولدت وانا مشوفتش حنيه من الدنياا وحرمتني من ابوياا وانا لسه عيله شهرين مخدتش منه غير اسمه وعيطت وحطت ايديها على صدرها وتابعت بانهيار اسمه اللي كان كفاايه بنسبالي علشان البس اسم الراجل الوحيد اللي حبيته واحطه على صدري قداام الكل بس بردوو الدنيا استخصرته هو كماان فياا وكنت قدامه ليل نهااار وقلبه لما جيه يدق دق لرفييده
رانيا عيطت وخدتها في حضنها وتابعت حقك عليا يابنتي حقك عليا ينورعيني وباست خدها كتير وحضنتها وحبيبه فضلت تعيط في حضنها وتابعت بانهيار: نااار يا خاالتي ..نااار جواايااا وانا شيفااه بيلبسهااا دبله عشت احلم بيهااا وراايح جااي معاها قلبي اتكوى من كتر ما استحمل عاايشه مرعوووبه وبصتلها وتابعت بانهيار عايشه مرعوبه من اليوم اللي هيلمسهااا فيه ..من اليوم اللي هكون انا كلعااده في اوضتيي بعيط وهي بتتهنى في حضن الراجل الوحيد اللي اتمنيته وعيطت اكتر وتابعت قوليلي ياخالتي ابوس ايديكي صارحيني انا فيااا ايه معجبهوش علشان عيني مش ملونه مثلا ؟؟
رانيا بعياط عينك مش ملونه ايه يعبيطه هو انتي في فجمالك ولا حلاوتك يحبيبه حقك على عيني يابنتي ربنا يعلم انا بحبك وبعزك ازااي واني لو عليااا كنت اجوزك انتي لعلي ورغم اني عارفه ورا كل عريس بترفضيه تمسك قلبك بعلي الا اني عمري مافكرت اعرض عليه يخطبك ولا يتجوزك قبل مايخطب رفيده
حبيبه بعياط طب وليه عملتي كدده لييه يا خاالتي ماا يمكن كان خد بااله ما يمكن كااان حس
رانيا حطت كف ايديها على خدها وتابعت بعياط علشان انتي زيك زي بناااتي وعايزالك اللي ميشوفش غيرك يا حبيبه ... عمري ما كنت هفرح لو واحده اقترحت بنت من بناتي على شاب وهو وافق بيهاا والسلام علشان حلوه وبنت نااس لا ده انتي يتعب علشاانك ويشقى ويشتغل ليل نهاار علشان ينول رضااكي انتي مش اقل من رفيده في حاجه فعلشان كده سكت ولما جيه قالي عايز رفيده كنت عارفه يابنتي ان قلبك هيتكسر بس مكنش قدامي غير اني اوافق خصوصا البت بنت ناس ومحترمه وبتحبه
حبيبه قلبها وجعها اوي وتابعت بدموع بس انا مش وحشه كده .. اقسم بالله والمصحف انا مش وحششه كده ..مش وحشه علشان حبيته وهو خااطب انا بحب علي من زمااان اوي انا فتحت عيني علييه وحاولت .. والله العظيم حاولت انسااه الف مره بعد ماخطب رفيده بس مش قاادره وعمري ما هتمناله غير الخيير بس قلبي ده وعيطت اكتر وتابعت وهي بتشاور علي قلبها وجعي ده وقهرري ده اعمل فيه ايه قوليلي يا خاالتي ده مش بمزااجي يااارب مش بمزااجي وعيطت بانهيار
فرانيا حضنتها وتابعت بدموع بس يابنتي بس اهدي بسم الله على قلبك حتي يهدأ ينورعيني حقك عليا والله بكره يجيلك سيد سيده اللي يعوضك وينسيكي
حبيبه بعياط انا انسى حبيبه ومنساش علي .. انسى اني اتيتمت واتقهرت ومنساهوش .. وعندي استعداد انسى ان امي جات علياا بسببه كتير وسمعتني كل اللي يوجع ويقهر وحطت قدامي الواقع بكل اشكااله وتقولي زي مابتشيلي بنت اسيا بكره تشيلي بنته وعيطت اكتر وتابعت وبردو مش هعرف انساااه كأن اتحكم على قلبي يموت بحُبه
رانيا بدموع والله يابنتي ماهيحصل ربنا حنين وهتنسيه وهيعوضك وبكره هفكرك ان كل كلامي صح وحصل
حبيبه بوجع : فرح علي امتي يا خاالتي
رانيا بحزن يابنتي بتفكري في كده ليه من دلوقتي بس
حبيبه بصوت مليان وجع: لازم افكر في كده علشان انا هصاارع نفسي اني انساه قبل اليوم ده عارفه ليه ؟
رانيا بوجع ليه يحبيبه ؟
حبيبه بصوت مليان قهر: علشان ولا كلامك ولا كلام نيره ولا طبطبه الدنياا كلهااا هتطبطب على قلبي اليوم ده وهو في حضن رفيده
رانيا بدموع الف بعيد الشر عنك من ده احساس يقلب رانيا بس وغلاوتك عندي ماهيحصل وربك هيعوضك بس اصبري ده ابتلاء اخرجي منه صابره وهتشوفي عوضك قد ايه
حبيبه بوجع ودموع ما دي المشكله
رانيا بدموع هي ايه يحبيبتي؟
حبيبه بصت لصوره علي المتعلقه على الحيط وتابعت بدموع ووجع : ان الراجل الوحيد اللي شوفته عوض عن كل قسوه مريت بيها .. وعن كل حضن اتحرمت منه .. وعن كل كلمه اتمنيتها ومسمعتهاش .. وعن كل امنيه متحققتش طلع هو كمان ابتلاء زيهم
رانيا بدموع شوفي وعلى قد وجعك ده والله هيكون عوضك وجبرك والله العظيم يابنتي
حبيبه بدموع يارب اللهم امين يااارب وغمضت عينيها بوجع ودموعها نزلت فرانيا حضنتها وفضلت تطبطب عليها وحبيبه عيطت في حضنها ففضلت رانيا تطبطب عليها وتمشي ايديها على شعرها وتابعت ربنا يهدي وجع قلبك يا بنتي ويشيل منك كل حزن وهم ويفرحني بيكي واشوفك اجمل عروسه مع اللي قلبك يستاهله
حبيبه بصيتلها والدموع مليانه في عينيها وتابعت مع اني كنت عايشه عمري كله بتمنى تبقي حماتي بس والله العظيم انتي اديتيني الحنيه اللي امي من خوفها عليا اني افضل متعلقه بعلي حرمتني منها وفضلت تقسى وابتسمت بدموع وتابعت فيمكن انتي مش حماتي يا رنوش بس والله العظيم انتي زي امي واكتر
رانيا بدموع يا روح قلب امك انتي وحضنتها وتابعت والله ده انتي خساره فيه ابن الجزمه دده
حبيبه ضحكت من بين دموعها وتابعت خسران كده كده ده انا بعرف ارقص رقص لدرجه صافينار قبل الشهره كانت بتيجي تاخد عندي كورس
رانيا فضلت تضحك بشده وتابعت عارفه يا بت يا حبيبه اهو انا بيعجبني فيكي خفه دمك دي رغم الزعل والعياط
حبيبه ضحكت من بين دموعها وتابعت اصل يارنوش الواحد هيعيش مره واحده فمش هيقضيها نكد يعني
رانيا بضحك جدعه يا قلب رنوش وانا عارفه انه خسر كتير ابن الجزمه مانا ياما شوفت المواهب وفضلت تضحك
حبيبه ضحكت من بين دموعها وتابعت الله ما تحرجنيش بقى
فرانيا ضحكت وتابعت ماشي انا هسكت خالص اهو وهروح اجيبلك اسدال علشان الصلاه قربت تبدأ خلاص
حبيبه ابتسمت وتابعت ماشي يلا
وخرجت رانيا وحبيبه تنهدت بوجع وشالت صوره علي ورفيده من الارض وحطتها مكانها ودموعها نزلت وغمضت عينيها وهسمت يارب ارجوك شيل حبه من جوايا وريحني
وجات رانيا وتابعت امسكي يا بيبه اهو يعمري
حبيبه ابتسمت وخدته منها ورانيا طلعت وحبيبه لبسته ولفت الحجاب وسمعت الباب بيخبط فخرجت فتحت كان علي فابتسم وتابع ايه يا حبيبه عامله ايه
حبيبه حاولت متبصلوش وتابعت الحمدلله ياعلي
علي بابتسامه ايه هما لسه مصحيوش ولا ايه ودخل وتابع ماما يا سلمى .. لومااا انتي يااابت
رانيا طلعت وابتسمت وتابعت ايه يحبيبي صاحيين متخافش وصحيت سلمى واسراء وبيتوضوا جوه
علي بابتسامه خلاص ماشي ياست الكل هنزل انا عايزه حاجه ؟؟
رانيا بحب سلامتك ينورعيني
علي باس راسها ورايح يمشي استغرب شكل حبيبه وتابع ايه ده في ايه انتي عيطتي تاني ولا ايه ؟؟
حبيبه بتوتر ايه لا معيطتش هعيط ليه مفيش حاجه
علي باستغراب مش عارف بس عينيكي منفوخه وبص لرانيا وتابع هو حد زعلها ولا ايه ياما
رانيا بتوتر لا يحبيبي ولا حاجه ده هي بس مخنوقه حبتين مانت فاهم مفيش حاجه حصلت تاني لا
علي ابتسم وتابع صلي الفجر وادعي ربك يريح قلبك وبالك وهجبلك حاجه حلوه وانا طالع بس متعيطيش
حبيبه ابتسمت والدموع متجمعه في عينيها وتابعت لسه معتبرني في رتبه تولين فبتغريني وكده
علي بضحك اه ده حقيقي انتي عامله زيها والله او هي من لزقتها فيكي لما بتيجي هناا بقيت زيك
حبيبه ضحكت من بين دموعها وتابعت دي حبيبتي دي والله بموت فيهاا بجدد
فعلي ضحك وتابع اه يبقى انتي اللي عديتيها هنزل انا بقى علشان متأخرش
رانيا بحب روح يحبيبي
فنزل علي وحبيبه راحت بصت عليه من البلكونه شافت كريم نزل معااه ففرحت لانها مشافتهوش من الصبح فندهت عليه بصوت واطي وهمس : كيموو يا كرريم
فكريم رفع عينيه ليها وابتسم لما شافها وتابع بابتسامه نورعيون كريم انزليلي اشوفك بسرعه
حبيبه بحماس من عيوني
علي بص حواليه وتابع مش وقته يا عم كريم الدنيا ليل
كريم بضحك ياعم واحشاني ياعم مش متعود مشوفهاش قبل ما اطلع حاسس بفراغ بجد
ودخلوا تاني الحوش
وحبيبه نزلت بحماس وتابعت يحبيبي واحشتني وراحت حضنته فكريم ضمها ليه اكتر وباس راسهاا بعمق وتابع وانتي واحشتيني اكتر يقلب وعيون حبيبك وبصلها وحط واحده من ايديه على خدها وتابع كده يحبيبه كده هونت عليكي ارجع من براا ملاقكيش وزعلانه وسايبه البيت
حبيبه بوجع كريم انا غصب عني انما انت فاهم غلاوتك عندي قد ايه علشان كده بصيت والله العظيم ودموعها نزلت
فكريم مسح دموعها وتابع لالا اوعي تعيطي والموضوع ده انا قفلته خلاص طلما مش عايزه هاني مش هتقعدي معاه الموضوع منتهي وخالتي مش هتكلمك فيه تاني
حبيبه بدموع فرح يحبيبييي ربنا ميحرمني منك ابداا وحضنته وعيطت في حضنه وهو فضل يطبطب عليها بحنان
علي ابتسم وتابع طب والله انت جدع كنت هكلمك في الموضوع ده دلوقتي واحنا ماشيين
كريم بحب دي امانه في قلبي وعيني دي مقدرش اديها لحد هي مش عايزاه وهفضل جنبها لحد ماتاخد اللي قلبها يختاره
حبيبه ابتسمت بدموع فرح وتابعت والله العظيم انت سندي وضهري في الدنيا دي فعلا
كريم بضحك طب ما طبعا ده غصب عنك كده كده ومين غيري يسندك يابنت الجزمه عليكي وعليه اللي هيجي ياخدك مني ده بعد كده حتى لما تتجوزي مفيش غيري سندك ها
حبيبه بضحك يا كيمو طبعاا عيب عليك ده انت في كفه وحته بعيدده غير التانيين
كريم رفع ايديها باسها بحب وتابع وانتي بنتي مش اختي فلما يحصل حاجه تاني تضايقك تتصلي تقوليلي مش تسيبي البيت انا هسيبك المره دي علشان اعمل خاطر لعلي لانه اتصل بيا بس متقررش ها
علي بحب تسلم يغالي والله
حبيبه بحب حاضر والله من عيني
كريم بحب يلا اطلعي علشان تصلي اجري
حبيبه بحماس وضحك هواا
وطلعت وعلي مشي مع كريم
فتابع علي بابتسامه ربنا يخليك ليهم وتفرح بيهم وتفضل سندهم العمر كله يارب
كريم بحب ويخليك ليا يقلب اخوك
وبالفعل راحو يصلوا وعلي وقف وبدا يأذن بصوته المميز والرائع اللي اتردد في ارجاء المكان والشوارع وبدات الناس تستعد للصلاه
عند حبيبه كانت واقفه مع سلمى واسراء ورانيا ولما سمعت صوته كالعاده غمضت عينيها ودموعها بتنزل بصمت بتستمتع بصوت الاذان منه وبتحس براحه نفسيه لما بتسمعه بصوته وبدات تصلي معاهم وبعد ما خلصوا فضلت في السجود شويه بتدعي ودموعها بتنزل زي الشلالات على خدهاا بس من غير صوت وبتطلب من ربنا يرحم قلبها وضعفها ويشيل حب علي منه ويعوضهاا فحزنت رانيا على شهقاتها اللي بتطلع غصب عنها وداعيتلها ربنا يريحها ويفرح قلبها فقامت حبيبه وشالت السجاده فتابعت رانيا بابتسامه تقبل الله يا بنتي
حبيبه بابتسامه منا ومنكم يا غاليه
فسلمى اتاوبت وتابعت هسبقك انا ها مش قادره
حبيبه بحب روحي يحبيبتي جايه وراكي
فدخلت سلمى فتابعت حبيبه بابتسامه اسراء ممكن ثواني
اسراء وهي بتفك الطرحه بتاعت الاسدال تابعت بتنهيده ايه يحبيبه
حبيبه بحب تعالي عايزاكي في كلمتين في البلكونه ومسكت ايديها وتابعت عن اذنك يخالتي
رانيا بحب اذنك معاكي يابنتي انا هدخل انا انام خلصوا واقفلوا البلكونه وراكم
حبيبه بحب ماشي ودخلو البلكونه اللي في الصاله مش اللي في اوضه علي فوقفت اسراء وتنهدت بعمق وتابعت سمعاكي
حبيبه بتنهيده انا مش جيباكي اعدل عليكي ولا اتكلم في حاجه تضايقك بس هقولك رايي وبراحتك
اسراء بتنهيده سمعاكي يحبيبه
حبيبه بابتسامه انتي بتحبي علي قد ايه ومع اني عارفه الاجابه بس ضروري جدا اسمع منك الرد ده دلوقتي
اسراء الدموع اتجمعت في عينيها وتنهدت بعمق وتابعت علي بالنسبالي هو الايد اللي بمسك فيها علشان اعدي الشارع والحضن اللي دايما مفتوحلي في وسط الم وتوهه وصعوبات كتير وبيت هادي في وسط صحراء وغابه .. علي ابويا يا حبيبه انا مش بعمل لكلامه حساب ولا بهابه عشان هو اخويا الكبير لا ده اه سبب طبعا بس هو بالنسبالي اكتر من كده هو فعلا بابا انا لما ابويا توفى كنت عندي 8 سنين ساعتها مكنتش فاهمه يعني ايه مش هشوفه تاني وعلطول بس علي قدر وفي سن صغير انه يتولى مسؤوليتنا ويعوض الجزء ده ففاهمه الطفله لما تغلط بتخاف من باباها ازاي هو علي بالنسبالي كده فاهو حبيبي الاولاني ودنيتي كلهاا
حبيبه اتاثرت جدا بكلامها والدموع اتجمعت في عينيها وابتسمت بحزن وتابعت : ربنا يديمه ليكم سند وضهر واب يحبيبتي بجد وتنهدت وتابعت طب ايه بقى يا اسراء مش شايفه انك غلطتي في حقه علشان خايف عليكي وبيغير وجبتي سيره خطيبته بالوحش ؟؟؟
اسراء دموعها نزلت وتابعت بضيق يا حبيبه مش قصدي بس الصراحه
حبيبه بمقاطعه لا متقلقيش ماهو طالما بنتكلم هنتكلم بصراحه واخوكي راجل ولو هو فعلا بيضغط على اهل بيته بس سايب خطيبته متحرره يبقى عكس الكلمه دي .. هي مش محجبه زي ما انا مش محجبه وانتي مش محجبه وماجبركيش على الحجاب بس ده فرض ومعروف انه لازم يحصل واحنا مستنين نلبسه عن اقتناع وربنا يهدينا جميعا انما مش معناه ان يسيب اخته تلبس لبس ضيق وعريان من فوق زي ما انتي كنتي لابسه اصل ده اسلوبه اللي متربي عليه ولا انتي بقى كنتي متوقعه رده فعل غير كده وهو افترى عليكي لما قطع البنطلون ؟؟؟
اسراء بدموع لا انا كنت واثقه ان علي لو شافني هيخرب الدنيا
حبيبه اهو اديكي قولتي يبقى اصبح انك غلطتي في حق ابوكي زي ما انتي بتعتبريه مش هقولك اخوكي الكبير ولازم تعتذري منه اصل انتي مالكيش غيره يا هبله
اسراء بدموع حاضر والله
ولقيوا علي بيتكلم من الشارع وتابع بهمس حاد انتي يا هانم انتي وهي
حبيبه بصتله فتابع علي بهمس حاد اتنيلوا خشوا جووه
اسراء بتوتر اديني ملحقتش اصالحه وهيقلب عليا تاني
حبيبه بتوتر اتنيلي مش وقته وزقيتها لجوه ودخلوا وقفلوا البلكونه ولقيوا الباب بيخبط فراحت حبيبه فتحت وهي بتبصله بتوتر
فتابع علي بحده : هو انتوا ايه موفقكم في الخرا في الوقت ده هاا
حبيبه بتوتر كنا بنتكلم كلمتين مبقلناش حتى دققتين على بعض وادينا دخلنا والله
علي بحده بعد كده قبل ما تقفوا ابقوا بصوا حواليكم عشان نبيل الحيوان واقف قدامكم
اسراء بتوتر شوفته بس كان بيتشات في الفون ومش مركز معانا والله
علي بعصبيه مركز مش مركز متتنيليش تقفي وفي حد في وشك واقف ده واد بصباص ابن كلب
حبيبه بتوتر حاضر والله حاضر خلاص
علي بحده عالم مستفزه وحط الشنطه في ايد حبيبه وتابع بحده اتنيلي امسكي جبتلكم ايس كريم علشان الهانم كانت معيطه بس حقيقي خساره فيكم
حبيبه ابتسمت بحب وتابعت حقيقي تعبتك شكرا بجد ياعلي
علي بتنهيده لا ولا شكر ولا حاجه ورايح يطلع فحبيبه مسكت ايديه بتلقائيه وتابعت ممكن ثواني
فعلي اتفاجئ وبص على ايديها فاتوترت وسابته وتابعت بحرج اسفه مقصدش بس
علي بابتسامه لا عادي محصلش حاجه قولي خير
فحبيبه كانت هتموت من الاحراج بسبب الموقف ومش عارفه تكمل كلامها طبيعي فبصت لاسراء
فاسراء فهمت وتنهدت بحزن وتابعت علي انا اسفه حقك عليا يحبيبي
علي مبصلهاش وتابع بتنهيده خير يحبيبه ايه اللي عايزاني فيه ؟
حبيبه بتوتر علشان خاطري اسمعها
علي مردش وخرج وقفل الباب وطلع فعيطت اسراء وتابعت شوفتي انا غلطانه اني جربت اصالحه
حبيبه بحزن اهدي اهدي هو ده طبعه ولا هيشتريه مانتي عارفه علي زعله وحش ومش بيتصالح بسرعه ايه الجديد
اسراء بعياط براحته بقى ودخلت اوضتها ورزعت الباب فتابعت حبيبه : يا اسرااء يابنتي .. يخربيتك يا شيخه وتنهدت بعمق وبصت للكيس وفتحته لقيت فيه ايس كريم من النوع اللي هي بتحبه فابتسمت بحماس وخدت واحد وشالت الباقي في التلاجه وراحت اوضه علي وقلعت الاسداال وفضلت بالبيجامه بتاعت سلمى وشعرها اتفرد على ضهرها وقعدت على سريره بحماس وكالت الايس كريم وهي فرحانه جدا لكونها بتاكل حاجه علي جايبها ليها بفلوسه وبعد شويه كانت عايزه تنام جدا وعينيها جت على صوره علي ورفيده اللي جنب السرير فالدموع اتجمعت في عينيها باختناق وقامت خدت نفسها بعمق ودخلت الحمام وغسلت وشها كويس وخرجت وراحت فتحت الدولاب بتاع علي وخدت تيشرت من التيشرتات بتاعته وقربته منها وشمت ريحته فيه وغمضت عينيها باستمتاع وراحت نامت على سريره وهي حاسه بريحته في كل ركن وعلى المخده وده محسسها بلامان فضمت التيشرت لحضنها وباسته وغمضت عينيها وهي مستمتعه بريحته عن قرب وتابعت وهي مغمضه بوجع : حتى لو لازم انساك على الاقل ابقى حققت حاجه واحده اتمنيتها واني انام مره وانا حاسه بامان وريحتك حواليا في كل حته يعلي ودموعها نزلت وهي مغمضه وراحت في نوم عميق
---------------------------
عند علي في شقته فوق
كان ساند الفون ورفيده بتكلمه كول
فتابع هو بيولع سجاره : ايوه وبعدين كملي يا رفيده كفاياكي مقدمات
رفيده بتوتر بابا
علي نفخ دخان السجاره وتابع باستغراب ماله باباكي ؟
رفيده بتنهيده : عايز يقعد معاك بكره بعد شغلك فقالي دلوقتي بعد ما خلصنا صلاه اقولك تيجي نتغدا سوا
علي نفخ بضيق وتابع : هو انا مش قولتلك خلعيني من الموضوع ده الفتره دي يا رفيده
رفيده بحزن يحبيبي طب اعمل ايه منا غصب عني بردو هو اللي قالي عايز اتكلم شويه مع علي وحااولت والله وبقالك كتير مش بتيجي بس هو مصمم المره دي اوي
علي تنهد بعمق وتابع : الفكره انا عارف هيتكلم في ايه وحقه بس مش بايدي حاجه دلوقتي
رفيده بتنهيده هو احنا هنفضل كده لحد امتي يا علي ؟؟؟
علي نفخ دخان السجاره وتابع بحده هو احنا اللي هنعيده هنزيدده منا قولتلك اطمن على سلمى وهكتب عليكي وخلاص هي شويه وهتتجوز
رفيده غمضت بضيق وتابعت بص يا علي انا والله العظيم ما حربايه ولا غيرانه ولا الجو ده بس انا بحبك من قبل اسياا ماتتجوز حتى وقولتلي اجوز اختي واخطبك وخطبتني بعد جوازها ب 3 سنين واديناا بقالنا سنتين مخطوبين وانا حججي خلصت قولي مفروض اقول لاهلي نستنى ايه تاني ؟؟
علي تنهد بهم وتابع : يارفيده يحبيبتي هو انتي فكرك اني مش عايز اتجوزك انهارده قبل بكره ؟؟!! ليه محسساني انك انتي بس اللي عايزه تتجوزيني ؟؟ فصدقيني انا غصب عني مش هقدر اصرف في جوازي واسيب سلمى اللي جهازها مخلصش مش هينفع حقيقي
رفيده نفخت بضيق وتابعت ااه وبعد ماتجوز سلمى هتقولي لما اسراء تتخطب وهتبدء تجهزها هي كمااان ومش هنخلص طب واحنا يعلي
علي رمى السجاره بعصبيه وتابع : علي تعب .. تعب وقررف وجااب اخرره وقولتلك لو عليااا هتجوزك انهارده قبل بكره بس مش بايدي انتي عارفه الظرووف ودول اخواتي ومالهمش غيرري وانا ابوهم والراجل الوحيد ليهمم فعايزاني اصرف اللي ورايا واللي قدامي ونتجوز واسيبهم هماا لمين مش فااهم ؟؟؟؟
رفيده دموعها نزلت بحزن وتابعت خلاص يا علي انا اسفه سلام
علي غمض عينيه بضيق وتابع رفييده انا غصب عني نفسي تفهمينيي مرره
رفيده بدموع فهماك والله بس انت اللي مش قادر تفهم اني عايشه بتمنى اليوم اللي هكون مراتك فيه وتعبت من كلام اهلي وقرايبي عن اننا طولنا اوي في الخطوبه فنفسي اسد بوقهم ونتجوز واريح بالي بقى
علي ابتسم بحزن وتابع يحبيبتي والله العظيم بتمناه زيك واكتر فِكرك كل السنين دي وانتي متحرمه علياا بتعدي عليا بسهوله ده انا نفسي يجي اليوم اللي اخدك في حضني قدام الكل ومعملش حساب لحد بس ايه بايدي يا رفيده
رفيده بدموع ربنا يسهل يحبيبي روح انت دلوقتي نام علشان تقدر تصحى تفتح المكتبه بكره الصبح
علي تنهد بوجع وتابع مش جايلي نوم والله
رفيده بابتسامه حزينه : حقك على عيني يحبيبي والله انا عارفه انه غصب عنك ومش قصدي انكد عليك بس فعلا بابا مصمم جدا يقعد معاك
علي بوجع حاضر يا رفيده هاجيلكم بكره باذن الله
رفيده ابتسمت وتابعت طب فك والنبي وغلاوه رفيده عندك
علي ابتسم وتابع كويس متقلقيش روحي نامي يلا كفياكي سهر وراكي شغل
رفيده ابتسمت وتابعت مش قبل ما تقولي ايه الحلاوه اللي انت كتبتها على صورتنا النهارده دي في البوست
فعلي ضحك فابتسمت رفيده وهي بتردد : " حين تنظر الي بعينيها الخُضر اشعر وكأن الطبيعه كلها تعقد معي هدنه من ضجيجها " وضحكت وتابعت ايه الحلاوه دي كلهااا يا عم الشاعر
علي بضحك علشان تعرفي بس انا عمري ما اخد كابشن نسخ كل كلمه بكتبها سواء في البيدج بتاعتي او الاكونت البرايفت بتبقى خارجه من جوايا
رفيده ابتسمت بحب وتابعت عارفه اني واخده موهبه شامله والله شاعر وبتكتب روايات وصوتك جميل وتعرف ربنا يخواتي على حظي يا ناس
علي بضحك علشان تعرفي النعمه اللي انتي فيها بس
رفيده بضحك وغمز عارفاها طبعا بس مش الناس بتبوس النعمه ؟؟
فعلي اتفاجئ وفضل يضحك بشده وتابع اتلمي يا بنت الجزمه واخزي الشيطان على المسا
رفيده فضلت تضحك وتابعت اعمل ايه ما انت مخللني جنبك بقالي خمس سنين
علي بضحك هيطلع عليكي كل ده بس الصبر
رفيده بضحك يا سيدي موافقه بس نتنيل نتجوز
على بضحك قولي يارب يا ام يامن
رفيده رفعت ايديها وتابعت بضحك يارب يا نورعين ام يامن
فعلي فضل يضحك
---------------------------------
تاني يوم الساعه 7:00 الصبح في بيت سليم واسيا
المنبه رن فاسيا صحيت وهي بتفتح عينيها ببطئ وقفلت المنبه وقعدت حلو على السرير ورجعت شعرها لورا وهي بتتاوب وبصت على سليم اللي نايم جنبها فابتسمت وباست خده ورايحه تقوم فحط ايديه على وسطها ورجعها اعتلاها فشهقت بخضه وفضلت تضحك وتابعت يا سليم حرام عليك خضتني والله العظيم
سليم بحب سلامتك من الخضه يعيون سليم وباس رقبتها بحب
فابتسمت اسيا وتابعت وغلاوتك عندي ما وقتك خاالص انا يادوبك اقوم احضر اللانش بوكس لبنتك علشان الحضانه والبسها والبس انا كمان
سليم بابتسامه متخافيش مش هنتاخر
اسيا بضحك لا هنتاخر هو انا مش عارفاك فاوعى كده عايزه اقوم يلا
سليم بهيام بالله واحشاني يابت يا اسيا فاهدي كده وخشي معايا في المود وبطلي فصلان
اسيا بضحك يحبيبي والله غصب عني انا مضطره اقوم دلوقتي بجد وباست خده وتابعت هعوضهالك الجمعه الجايه
سليم قام من عليها وخد علبه السجاير من على الكومود وتابع وهو بياخد سجاره وبيولعها : قومي يا اسيا قومي الجمعه جاايه اه هي بقيت من الجمعه للجمعه وياريت بنتهنى واليوم بيكمل عددل ونفخ دخان السجاير بعيد عنها
اسيا اتعدلت وتابعت بتنهيده وهو بمزاجي ؟؟!! مش امك اللي بتفضل تتلكك وتعملنا مشااكل كل جمعه ؟؟!
سليم بحده احترمي نفسك ومتدخليش امي في الحوار انا امبارح قولتلها مش هنزل مراتي وانتي طلعتي اتحمقتي اوي ولا لو زعلانه ياماما هنزلك فمتجيش بعد ما انا اتدخلت وانتي خربتيها تقوليلي امك
اسيا بحده انا مش بتكلم على امبارح انا بتكلم عامه هي بيركبها عفريت لما تعرف ان انت قاعد معايا ولا انا بتكلم غلط ؟؟؟!!
سليم بحده وهي هيركبها عفريت ليه انتي عبيطه ولا ايه هي مالها بيكي اصلااااا .. اسياااا انا مش عايز نكد على الصبح قومي شوفي هتعملي ايه لبنتك يلا
اسيا نفخت بضيق وقامت دخلت الحمام خدت شاور ولبست بدله حريمي سودا وتحتيها بدي ابيض وطرحه سودا وحطت ميكاب خفيف وكحل اسود بيبرز لون عينيها السماوي وروج احمر هادي
وبصت لسليم لقيته لابس قميص اسود وبنطلون كلاسيك اسود وقاعد على السرير بيعمل ساعته فتابعت بتنهيده سليم انا رايحه اعمل الاكل لتولين شوف لو لسه هتعمل حاجه بسرعه علشان اتاخرنا
سليم قفل الساعه وبصلها برفعه حاجب وتابع ايه الخرا اللي انتي حطاه في شفايفك ده ؟؟؟
اسيا استغربت وتابعت ايه ماله في ايه هو انت يا سليم صاحي تقول شكل للبيع علشان افهم بس ؟؟
سليم بحده ولا بيع ولا شرا روحي امسحي الروج اللي انتي حاطاه ده وحطي لون اهدى
اسيا نفخت بضيق وتابعت يابني متاخره مش وقته بجد الهبل ده
سليم برفعه حاجب مش وقته ايه ؟؟؟
اسيا اتوترت وتابعت مفيش حاجه خلاص هروح اغير اللون يا سليم
ورايحه تمشي فسليم قام واقف ومسك دراعها وتابع بحده لا سمعيني قولتي ايه وانا اوريكي الهبل صح
اسيا غمضت عينيها وتنهدت بعمق وفتحت بصتله وتابعت بهدوء : لو انت عملت كل ده علشان حقك الشرعي اللي انا نمت امبارح من غير ما اديهولك عرفني .. عرفني وانا اجي على نفس اهلي واراضيك عاادي علشان منفضلش في نكد كده واتعصبت وتابعت لان مش معقوله التلاكيك دي بجدد
سليم بعصبيه تصدقي ان انتي قليله الادب ومش محترمه علشان شايفاني حيوان للدرجه دي هو انا امتى يا اسيااا نكدت عليكي بسبب حاجه زي كده ؟؟؟
اسيا بحده : اصل مش معقوله بجد اسلوبك دده على الصبح
سليم بعصبيه اسلوب ايه انا صاحي من النووم بتعامل معاكي طبيعي بمشاعري وبقولك انك وحشاني روحتي دخلتي امي في الحوار ولما قولتلك ما انا قولتلها يا اسيا متنزليش روحتي جبتي ورا وقولتي انا بتكلم عامه مش على امباارح مع ان انا ماليش دعوه بعامه دي انا بتكلم على دلوقتي ولما كبرت دماغي وبقولك غيري لون الروج لاني شايفه ملفت اتشاف اني بقول هبل وبعد كل ده جايه تقوليلي انت بتعمل كده علشان حقك الشرعي لالا انتي شكلك اتجننتي
اسيا الدموع اتجمعت في عينيها وتابعت طب لو سمحت يا سليم سيب دراعي عشان البنت متاخره وياريت بلاش مشاكلنا تبان قدامها
سليم زق ايديها وتابع بحده غوري شوفي هتعملي ايه يا اسيااا وقبلها الخرا ده يتمسح
فراحت اسيا غيرت لون الروج ودموعها نزلت بحزن فمسحتهم وخرجت راحت المطبخ وحضرت اللانش بوكس لتولين وتابعت بصوت مسموع يا توتي ... انتي ياابت .. يلا عشان الحضانه وقفلت اللانش وحطته في شنطتها ودخلتلها الاوضه متابعه وهي بتصحيها يلا يعمري قومي عندنا حضانه كل ده نووم وباست خدها
فتولين فتحت ببطئ وتابعت هتوديني لحبيبه لما اجي ؟؟
اسيا بضحك هخليكي تكلميها لما تيجي انما مش هنعرف نروح النهارده حقك عليا
تولين اتعدلت وربعت ايديها بضيق وهي مغمضه من النوم فضحكت ااسيا على شكلها وتابعت صاحيه من النوم على حبيبه كنتي بتحلمي بيها ولا ايه
تولين بحزن اه شوفتها بتعيط
فابتسمت اسيا بحب وتابعت هنكلمها وعد لما نيجي ونشوفها انما دلوقتي نقوم يلا نلبس علشان بابي جهز وعايزين نروح الحضانه ويوصلنا بالعربيه
فتولين ابتسمت وتابعت ماشي يلا
وبالفعل شالتها اسيا ودخلت بيها الحمام غسلتلها اسنانها ووشها وخرجت لبستها اليونيفورم بتاع الحضانه وعملتلها شعرها قطتين وخرجت بيها وهي ماسكه ايديها فسليم كان قاعد على الكنبه ولما شافها ابتسم وتابع يا خرابي يا ناس على الحلاوه ايه الجمال ده وفتح دراعاته ليها
فتولين ضحكت وجريت عليه فسليم قام شالها وباس خدها وتابع صباح الخير ينورعيني
فتولين لفت ايديها حوالين رقبته وحضنته جامد وباست جبينه وتابعت صباح الخير يا حبيبي
فاسيا ابتسمت وسليم فضل يضحك وتابع نورعين حبيبك والله ووطى شال شنطتها
فتابعت تولين بستغراب مالك يا مامي انتي بتعيطي؟
اسيا مسكت دموعها بالعافيه وتابعت لا يعيون مامي انا كويسه بطني واجعاني شويه بس
تولين بحنان خدي دوا وربنا هيشفيكي
فابتسمت اسيا من بين دموعها وتابعت حاضر يحبيبتي من عيني
فبصت تولين لسليم وابتسمت وتابعت بوسها وهاتلها حاجه حلوه واحنا ماشيين علشان متعيطش
سليم بضحك انتي بتعتمدي اسلوب خالو علي معاكي عليها ولا ايه
تولين ضحكت وتابعت اه هو لما انا بعيط بيجبلي حاجات حلوه كتير وبيصالحني ويبوسني فبسكت فاعمل كده معاها علشان متعيطش هي كمان
فضحك سليم وتابع بحب حاضر ياعمري مش هنخلي مامي تعيط
تولين بابتسامه قولها الف سلامه يا سوسو وبوسها
فاسيا وسليم فضلوا يضحكوا بشده
فابتسم سليم وتابع الف سلامه يا سوسو وقرب باس خدها
فاسيا ابتسمت وتابعت الله يسلمك يحبيبي
فبص سليم لتولين وتابع بضحك هاا لسه في اوامر تاني؟
تولين بحماس اه هنجبلها ليها وليا حاجات حلوه
سليم بضحك من عيوني حاضر وباس خدها وبص لاسيا وتابع يلا يا اسيا اقفلي الباب وانزلي ورانا
اسيا هزت راسها بحاضر وسليم نزل وهي خدت شنطتها وقفلت ونزلت
فقابلت نعمه واقفه قدام باب الشقه بتاعتها وتابعت بتنهيده اعملي حسابك هنعمل لحمه وبسله ورز على الغدا انهارده فهاتي وانتي راجعه من برا والحلوه التانيه بتروق الشقه جوه اهي عبال ماتيجي تساعدوا بعض في الاكل
اسيا بتنهيده حاضر يا ماما اي طلبات تانيه ؟؟
نعمه بضيق لاياختي وانا هعوز منك ايه بلا مرار ودخلت وقفلت الباب جامد فاسيا نفخت بضيق ونزلت ركبت جنب سليم ومبينتش حاجه ومشيوا
----------------------------
في بيت كريم
كان صحي وجهز ولبس بنطلون كلاسيك كحلي غامق وقميص ابيض وجاكت كحلي غامق ورش برفيوم وبدا يسرح شعره والباب خبط فتابع ادخل
لميا فتحت وتابعت بحب صباح الخير يحبيبي
كريم بصلها ورجع يسرح شعره وتابع بحب صباح الفل يا لولتي
لميا بحب انا فطرت وهنزل علشان رئيس التحرير عايزني بدري انهارده
كريم بحب ماشي يحبيبتي ربنا معاكي
فا لميا راحت باست خده وتابعت يلا باي
كريم بحب باي يعمري وباس خدها
وخرجت بالفعل وهو مسك ساعته ولبسها وخرج وتابع يلا هنزل انا ياما عايزه حاجه
ابتسام بحب سلامتك ينورعين امك بس شوف اختك الاول هتنزل الجامعه ولا ايه دنيتها
كريم بتفاجئ هناء وتنزل !! وضحك وتابع خير اللهم اجعله خير الدنيا جراا فيها ايه
ابتسام بضحك يا واد اخلص وروح شوفها كانت قيلالي الفجر لما جينا نصلي اصحيها ممكن تنزل فصحيتها معرفش لبست ولالا
كريم بضحك يسلاام ده احنا نشوفها جري وراح عند اوضتها وخبط علي الباب
فتابعت هناء ادخل
فدخل كريم وابتسم بفرح لما شافها لابسه وجاهزه وكانت لابسه چيبه بليسيه بيضه وشميز سماوي وطرحه بيضه
فتابع كريم ايه يخواتي الحلااوه والقمر والجمال اللي على الصبح ده .. ده الشمس طلعت اخيرااا يجدعان
هناء ضحكت ولفت حوالين نفسها وتابعت بحماس ايه رايك في الطقم
كريم بصلها بحب واعجاب وتابع زي القمر طبعا ايه الجديد
فهناء ابتسمت وتابعت والله العظيم دي عيونك اللي قمر
كريم بضحك هو في عيون قمر بعد عيونك العسليه دي مش معقوله يعني
هناء بضحك حبيبي انت والله بص بقى انا قدامي خمس دقايق بالظبط هحط ميكاب بس وابقى جاهزه ننزل
كريم بحب والله مش محتاجه
هناء بضحك معلش حقك عليا المره دي
كريم بضحك هناء مبهزرش بجد متقليش
هناء بحب مش هتقل والله
كريم باس جبينها وتابع بحب ماشي يعمري هستناكي وبراحتك مش خمس دقايق بس وحقيقي مبسوط بيكي اوي انك هتنزلي بس انتي متاكده انك بخير وعايزة تنزلي ؟؟
هناء بحب متخافش عليا يحبيبي انا بقيت كويسه والله
كريم ابتسم بفرح وتابع الف حمد وشكر والله ربنا يريح قلبك ويطمني عليكم كلكم يارب ينورعيني
هناء بحب يارب يحبيبي فباس جبينها وهناء بصتله وابتسمت فتابع كريم: هنزل اشوف نيره جهزت ولا لسه وانتي خلصي وانزليلي
هناء بحب تمام ماشي
وخرج كريم من الاوضه وتابع بضحك يبركه دعاكي يا سيموو بنتك المجنونه ربنا هداها ونازله الجامعه
ابتسام ضحكت بفرح وتابعت يا الف بركه ربنا يهديكي يابنتي ويفرح قلبك يارب
كريم بضحك يارب اللهم امين هنزل انا لنيره هاا
ابتسام بحب ماشي ينورعيني ربنا معاك
كريم بحب ومعاكي ياست الكل
ونزل بالفعل كان باب شقه هاله مفتوح وقاعده بتقرطف الملوخيه وباصه على الشاشه
فدخل كريم وتابع بابتسامه صباح الفل يا هوله
هاله بصتله وابتسمت وتابعت صباح النور يا نور عين هوله
كريم قعد على الكنبه ومسك تفاحه من اللي محطوطين قدامه على الترابيزه في طبق الفاكهه وقطم منها وتابع بناتك الباردين فين
هاله تنهدت وتابعت حبيبه عند سلمى لسه مجتش لحد دلوقتي ومعرفش مواعيد محاضرتها امتى النهارده ونيره يا نور عيني عليها امبارح بعد صلاه الفجر خدت شاور وطلعت وهي لفه عليها الفوطه بس ومش متنشفه كويس على التكييف فجالها دور برد من اللي قلبك يحبه وراقده في السرير وزورها وجعها وجسمها مولع وحالتها بالبلى
كريم بتفاجئ طب ومقولتوليش ليه اخدها اوديها للدكتور ؟؟!! ليه تستنوا تتعب للدرجه دي يعني ؟!!
هاله بتنهيده والله يا كريم انا تعبت من الاتنين اهي عندك جوه اهي عايزه تنزل تنزل عايزه تفضل تفضل انا والله يا ابني جبت اخري
كريم قام وقف وتابع بضيق استغفر الله العظيم يارب وراح عند اوضه نيره وخبط
فتابعت نيره بصوت مليان تعب : ادخل
ففتح كريم كانت نايمه وشعرها مفرود جنبها على المخده ومتغطيه ببطانيه مع انهم في عز الصيف بس جسمها بردان فبصتله وتابعت بتعب : ايه يا كريم
كريم تنهد بعمق وراح شد كرسي وقعد قدامها وتابع ايه انتي ؟!! صغيره يعني يا نيره عشان تخرجي من الحمام بفوطه بس وانتي مبلوله على التكييف ؟!!
نيره فضلت تكح بتعب وتابعت : كنت حرانه اوي فمجاش في بالي اني اتعب كده بجدد
فاكريم غمض عينيه بضيق وهمس استغفر الله العظيم يارب ونفخ وبصلها تابع قومي البسي وتعالي ننزل للدكتور طيب
نيره بتعب والله العظيم وغلاوتك عندي مش قادره خالص اتحرك
كريم بحده ما هو مينفعش اسيبك تعبانه كده انتي عبيطه ولا ايه ؟؟؟
نيره فضلت تكح وتابعت : سيبك مني هبقى كويسه روح انت علشان متتاخرش على الشركه
كريم بضيق شركه ايه وزفت ايه بس دلوقتي وحط ايديه على جبينها وتابع بصدمه يا نهار ازرق يا نيره انتي مولعه !!
نيره دموعها نزلت من كتر السخونه وتابعت اه والله مش قادره
كريم بقلق لا مش هينفع نستنى يلا قومي البسي
نيره بدموع علشان خاطري يا كريم مش عايزه اروح لدكاتره
كريم بعصبيه يا بنتي انتي مش عيله صغيره متعصبنيش عليكي مالك في ايه دي دماغ دكتوره عااقله دي !!
نيره بدموع انا مش بحب اروح لدكاتره ولا بحب العلاجات علشان خاطري سيبني وانا هخف لوحدي
كريم برفعه حاجب ده عند امك عارفاهاا ؟؟
نيره ضحكت من بين دموعها وتابعت ماشي يا سيدي تشكر
فكريم قرب وباس جبينها بحنان وتابع هوصل هناء الكليه وراجعلك
نيره باستغراب يا حبيبي هتتاخر على شغلك تيجي تعمل ايه
كريم بابتسامه لا هعتذر النهارده وهشتغل على اللاب توب من البيت متقلقيش
نيره غمضت بتعب وتابعت لا يكريم روح شغلك وسيبك مني
كريم بضحك ممكن تخرسي ؟؟
نيره بتعب علشان خاطري روح مش هينفع اصل مش هتقعد جنبي علشان تعبت يعني
كريم بضحك لا هقعد جنبك شوفي بقى انتي وضميرك لو عايزاني ابقى عواطلي خليكي تعبانه كده ومننزلش للدكتور انهارده
نيره بتعب والله مش هقدر
كريم بحب لا هتقدري عيب تقولي مش هقدر واخوكي جنبك ومعاكي انا هوصل هناء وهاجي اعملك كمادات وهتبردي شويه فهننزل وهتقدري ومسك ايديها حطها بين ايديه الاتنين وباسها بعمق وطبطب عليها وتابع هاا اتفقنا؟
نيره ابتسمت بتعب وتابعت لو قدرت علشان خاطرك والله هنزل
كريم بحب هتقدري باذن الله وضحك وتابع اصل لازم تقدري ده انتي لسعتيني بايديك وانا ببوسها دلوقتي فمش كده يا دكتوره جمره
فنيره ضحكت وتابعت ماشي يا بشمهندس مقبوله
كريم بضحك هارت البشمهندس
نيره بضحك جتك وجع فيه
فكريم حط ايديه على قلبه وتابع بتمثيل ااه كده ينيره اخص عليكي
فنيره ضحكت وتابعت بتعب لا يعيوني بهزر والله تعالى قرب
كريم بتمثيل لا زعلان منك خلاص اوعي كده ورايح يقوم فمسكت ايديه
فتابع بضحك يحح دكتوره جمره لو سمحتي بدون تلامس بتلسعيني
فنيره فضلت تضحك وتابعت تعالى بس ده انا هلسعك اكتر دلوقتي
فكريم قرب وتابع بضحك خير عايزه ايه يابت
نيره بضحك دكتوره نيره بقيت بت !!
كريم بضحك دكتوره على نفسك ده انا مهندس يعني كويس قاعد بتكلم معاكي اصلا
نيره بضحك بدانا متلازمه المهندسين بدانااا ماكنا مرنااحين بقالنا فترره وفكرت ربنا هدااك
كريم بضحك لا ربنا هدااني اييه اوعي تنسي فرق الطبقات بينا لو سمحتي ده انا بضحي تضحيه كبيره دلوقتي خصوصا انك داعيتي علياا وقولتيلي وجع في قلبك فمفروض اقوم ومعرفكيش تااني
نيره ضحكت وتابعت بتعب لا يعمري حقك عليا مقدرش وقربته باست جبينه
فتابع كريم بضحك يحح بردو بتلسعيني مش نافعني انا الكلام ده خفي كده علشان البوسه تبقى ساقعه الجو حر
نيره فضلت تضحك وتابعت اتفقنا
فابتسم كريم وقام علشان يمشي ووطى باس جبينها وتابع بحب هوصل نوئه الكليه وجايلك علطول
فنيره ابتسمت وتابعت بتعب : ماشي
فخرج كريم كانت هناء بتتكلم مع هاله فشافها ابتسم وتابع يلا يعمري
هناء بابتسامه يلا
وبص لهاله وتابع بالنسبه لنيره ملكيش دعوه بيها يخالتي انا جايلها متشيليش هم
هاله بحب ماشي يحبيبي ربنا يديمك لينا
كريم بحب ويديمك يغاليه
ونزل ركب عربيته وهناء جنبه علشان يوصلها الشغل
----------------------------
في بيت علي
رانيا كانت بتحط الفطار وسلمي بتساعدها فخرجت اسراء وهي بتتاوب وتابعت صباح الخير الساعه بقيت كام
رانيا بحب صباح النور الساعه 10:00 اقعدي يلا علشان تلحقي تفطري ومتتاخريش
اسراء قعدت وتابعت بتنهيده على اساس ايه ما البيه بتاعكم مانعني انزل
رانيا بصت حواليها لان باب الشقه مفتوح وتابعت بحده طب اتلمي علشان لو نزل وسمعك ومسكك كسرك كده مش هتدخل
اسراء بضيق لا اصل عمرك ادخلتي علشان تدخلي دلوقتي يعني علي لو مسك واحده فينا دبحهاا هتقولي يلاا تلاقيه بيضحي قبل العيد
فرانيا بصتلها بتفاجئ وسلمى فضلت تضحك بشده وتابعت اما انتي بت قليله اصل بصحيح ماهي ياما دارت عليكي يا وااطيه يانكااره
اسراء بضيق بتدااري اه انما وقت الجد كلكم بتخرسواا
رانيا بحده شوف بنت الكلب الجزمه ماشي يا اسرااء انا هوريكي لما بنبطل ندخل صح بيحصل فيكي ايه
اسراء بحده ودموع : لا اصل امبارح بهدلني وضربني وواقفين تتفرجوا علياا
رانيا بعصبيه ويقطم رقبتك كمااان لو غلطتيي ده اخوكي الكبير وراجل البيت وتعب وشقي علشان يطلعكم احسن بناات في الدنيااا يبقى الصح لما اشوفه بيربي بنت من بنااته مدخلش ومع ذلك مسكتش وقولتله انت ابوها متجيش عليهاا ياعلي بس عمايلك السوداا خلتني معرفتش ارد علييه فسكت
اسراء بدموع خلاص قفلوا على الموضوع ده علشان مش طايقه نفسي
سلمي بحزن اهدي طيب يمكن لما ينزل يقولك روحي الجامعه علشان الشيت بتاعك علي حنين ومش هيهون عليه
اسراء بحده ودموع ولا هيفرقله ومبيغيرش رايه هو مش جديد علييكم انا كده كده اتصلت بساره تيجي تاخده وتسلمه مكاني خلاص
رانيا بتوتر طب وده هينفع ؟
سلمي بتنهيده اه عادي ينفع
رانيا بتنهيده وانتي وحبيبه يا سلمى نازلين امتى انهارده
سلمى بضحك لا انا مش هروح بصراحه علشان حازم جااي فعايزه احضر نفسي والاكل معاكي وكده بس هدخل اصحي حبيبه علشان لو هتروح تلحق
رانيا خلاص ماشي بس روحي يابنتي لتروح عليها نومه وتقول محدش صحاني ليه
سلمى بحب حاضر وقامت تصحي حبيبه وعلي نزل كان الباب مفتوح فدخل وباس راس رانيا وتابع صباح الخير يا غاليه
رانيا بحب صباح الفل يحبيبي اقعد يلا علشان تفطر
فعلي قعد وتابع بتنهيده مبتكلميش اسيا ؟؟
رانيا بحب لسه مكلماها امبارح كويسه يا نن عيني متقلقش
علي بتنهيده واخد على خاطري منها اوي بجد
رانيا بحزن معلش حقك عليا عارفه قصرت في حقنا كلنا بس عليها ضغوطات كتير بيتها وحماتها وشغلها فالله يكون في عونها بردو ياابني
علي تنهد بعمق وتابع اللهم امين ياارب وبص لاسراء وتابع برفعه حاجب: مبتاكليش ليه ؟؟
اسراء بضيق ماليش نفس وقامت تدخل اوضتها فرانيا رايحه توقفها فعلي رفع ايديه قاطعها وتابع بحده سيبيهااا بلاش دلع مرئ متبقاش غلطااانه ونتحايل عليها تطفح كماان وهما ساعتين ودخليلها الاكل وتبقى متاكلوش
رانيا بتنهيده حزينه: حاضر يا ابني بس مش هتسيبها تنزل تسلم الشيت بتاعها
علي بحده لا مش هتنزل وتسلمه متسلموش يخش يغور ولا يولع في ستين دااهيه انما مش هغير رايي
رانيا بحزن ياعلي انت حنين خلاص عديها علشان خاطر امك ياابني
علي بحده اماا ولا حنين ولا زفت خدنا ايه من الحنيه غير قله الادب والمسخره وعدم سمعان الكلاام والبجااجه فقفلي على الموضوع ده الله يباركلك انا قولت كلمتي وعمري مارجعت فيهاا وخلصنااا خلاااص
رانيا بتنهيده حزينه : اللي تشوفه يابني
وثواني وخرجت سلمى وباست خده وقعدت جنبه وتابعت صباح الخير يحبيبي
علي بحب صباح النور ينورعيني اهي دي الناس اللي الواحد يصبطح بيهاا
سلمى بضحك مدمن عيون حضراا انت
علي بضحك بعشقهم
فضحكت رانيا وتابعت طب بطل بكش ياروح امك هي سلمى صاحبتك من زمان من قبل العيون وكلهم عارفين
علي بحب سلمى .. ده سلمى دي زرعتي الصالحه والله العظيم مختمره وبتلبس واسع ومثال مشرف لبنت مسلمه
سلمى بحب تربيتك يعيون سلمى
علي بضحك انا تربيتي و-سخه جوه اهي بوظت شكلي قدام نفسي وانا بقول طلعت بناتي محترمين واسيا محجبه وملتزمه وسلمى مختمره وملتزمه
رانيا : لالا يا ابني كلمه حق اسرااء مبتفوتش فرض
علي برفعه حاجب : اه وشعرهااا ؟؟؟
رانيا بتنهيده ربنا يهديها ادعيلها يعلي
علي بضيق بدعيلها هي واللي معااياا والله علشان جبت اخري خلاص
سلمى بحب صح يا علولي حازم جاي انهارده بالليل علشان تيجي وتعمل حسابك
علي بتذكر : اووف انا نسيت انه جااي وحمايا راسه والف سيف عايزني بعد الشغل انهارده طب والعمل ؟؟
رانيا بستغراب عايزك في ايه حماك ؟
علي بتنهيده معرفش ياما بس عايز يقعد معايا شويه
رانيا لوت بوقها وتابعت : هيطلع هيكلمك على الفرح
علي بضيق : ربك يسترها المهم هقعد مع خطيب بنتك اللي جاي ازاي
سلمى : بس انا مش هقدر اقول لحازم ميجيش هو انت مش هتعرف تعتذر من عمو عادل خالص؟
علي تنهد بعمق وتابع : اكيد مش هنقولوا متجيش يعني يسلمى بس عامه متشغليش بالك انا هتصرف وهحاول اشوف حمايا لو اروحلهم بكره
سلمى بحب : ياريت بجد ياعلي لان حازم كان في شغل في شركه في الصعيد بقاله فتره ومشفتوش بقالي كتير
علي بحب ماشي يحبيبتي عيوني والله وبص حواليه وتابع بس الا صحيح فين حبيبه راحت بيتها ولا ايه ؟
رانيا بتفاجئ ايوه صح فينها مش روحتي تصحيهاا يابت
سلمى بحب قالتلي هتغسل وشها جايه ورايا
علي بضحك تلاقيها معرفتش تنام من الرفص بتاعك طول الليل وصاحيه همدانه يعيني
سلمى بضحك لا ياخفيف هي لما لقيت نفسهاا مش عارفه تنام نقلت في اوضتك يعسل
علي بضحك ده بجد ؟!!
رانيا بتوتر اه انا قولتلها نامي فيها طلما فاضيه علشان تاخد راحتها اكتر
علي بابتسامه ايوه صح خير ماعملتي
عند حبيبه كانت بتسرح شعرها بمشط علي قدام المرايا ورمت شعرها لورا نزل بتمويجته الطبيعيه الجميله وبصت لنفسها في المرايا كانت حلوه فتابعت وهي بتشيل شعرها من المشط بتوتر ده بالله الحمدلله ان هدومه وقعت على الارض وسلمى لما دخلت مقفشتنيش حضناها نحمد ربنا بجد ونفخت بتوتر وسابت المشط مكانه وبصت لنفسها في المرايه نظره اخيره كانت قمر رغم انها مش حاطه اي حاجه وشفايفها متورده مع خدودها وخرجت وتابعت بابتسامه صباح الخير
فتابع الجميع صباح النور وعلي مجرد مارفع عينيه ليها بص في الارض وحبيبه استغربت اسلوبه جداا فتابعت رانيا بحب تعالي يابنتي اقعدي افطري
علي وهو باصص للطبق تابع معلش يحبيبه البسي الاسدال فوق الهدوم وتعالي
كلهم استغربوا فتابعت حبيبه بستغراب ليه في ايه مش فاهمه منا مش محجبه ايه الجديد؟
علي بتنهيده لا متتحجبيش البسي الاسدال بس وتعالي يلا
حبيبه باستغراب حاضر ودخلت الاوضه تاني
فعلي بص لسلمى بحده فتابعت سلمى بتوتر ايه يا علي في ايه ؟؟؟
علي بهمس حاد : دي منظر بيجامه تديها لحبيبه !! وضحك وتابع هو انتي شايفاها زيك يا معصعصه ؟؟!!
رانيا فضلت تضحك بشده فتابعت سلمي بضحك وانا ماالي انا اجبلهاا منين ما هو ده اللبس اللي عندي
علي بضيق مينفعش يا سلمى بجد البيجامه شويه وهتطق عليها وانا بصيت مش في نيتي حاجه اتصدمت بمنظرها حطيت عيني في الارض كنتي اديها اي جلابيه بيتي
سلمى بضحك والله ما جيه في بالي المره الجايه بقى
رانيا فضلت تضحك بشده وتابعت اصل دي البنات صح اللي تفتح النفس مش اختك انا عارفه حازم بصلها على ايه
سلمى بضيق لا بعد اذنك بقى انا زي القمر يحبيبتي وعيوني خضرا ومفيش مني مش بالجسم هي ولا ايه علي ؟؟!
علي بصلها وتابع بضحك انتي زي القمر صح وكل حاجه بس بالنسبالنا احنا بالجسم هي هنكدب ولا ايه
فسلمى اتفاجئت ورانيا فضلت تضحك بشده فتابعت سلمى بضحك لالا اخص عليك متوقعتش منك كده يا شيخ علي بقى الكلام ده يطلع منك ااانت وضربته في كتفه جامد
فعلي فضل يضحك وتابع هو انتي يابت علشان شيفاني قريب من ربنا ومبفوتش فرض وعارف الحلال من الحرام ابقى شيخ ؟!! لا انا انسان عادي وبحس وعندي دم وليا طموووح الانسان صاايم بقاله 25 سنه يا لومااا خلاص جبت اخرري
فكلهم فضلوا يضحكوا فتابعت رانيا بضحك طب والمعصعصه بتاعتك دي هتعمل بيها ايه ماهي من حالات اختك
علي بضحك لا مسمحلكوش رفيده اتخن من سلمى وعامله نظام غذائي وبتتخن اهو انما مش زي سلمى احنا هنهزر ولا ايه
سلمى بضحك بقيت وباء سلمى مااشي يا علي مااشي وضربته في كتفه
فعلي فضل يضحك وحبيبه خرجت لابسه الاسدال وسايبه شعرها وقعدت معاهم فتابعت رانيا بضحك احنا نشوف حبيبه تابعت مع انهي دكتور ونبعتهم هما وهناء بنت عمك بالمره
علي بضحك اه وهناء صح تنضم لفريق الانيميا ده
فكلهم فضلوا يضحكوا فتابعت حبيبه بضحك مش فاهمه دكتور ايه ؟؟؟
رانيا بضحك اللي مخليكي بطايه كده
فحبيبه اتكسفت ووشها احمر وتابعت بابتسامه لا انا مش بروح لدكاتره
سلمى بضحك صلاه النبي احسن يعني العود ده طبيعي !!
حبيبه بضحك اه الحمدلله
علي كتم ابتسامته وبص للطبق ياكل فضحكت رانيا وتابعت ارفع صوتك وانت بتقول اللهم لا اعترااض على قدرك وقدر حازم وقدر نصيب هناء يلا
فعلي فضل يضحك بشده وتابع ماهو اللهم لا اعتراض صح حبيبك على عيبه بقى يا رنوش انا هتخنها متقلقيش وغمز بضحك
فرانيا وسلمى فضلوا يضحكوا بس حبيبه اتقفلت جدا فشربت مايه وسابت الكوبايه وتابعت بابتسامه الحمدلله وقامت
فبصتلها رانيا جامد علشان محدش ياخد باله وتابعت مالك بس اقعدي انتي مكالتيش حااجه خالص
حبيبه بابتسامه انا مبعرفش اكل لما اصحى من النوم وقعدت علشان متزعليش بس حقيقي مقدرتش عن اذنكم هدخل اغير هدومي
ورايحه تمشي فتابع علي : استني يا حبيبه تعالي نفطر علشان خاطري بعدين قومي غيري براحتك
حبيبه بصتله وتابعت بوجع : خاطرك غالي يا علي والله بس حقيقي مش هقدر الف هنا انتوا
ودخلت الاوضه وقفلت الباب وراحت للحمام وشغلت الحنفيه وفضلت تعيط وبتحاول تكتم صوتها
برا في الصالون
علي بستغراب ياما مالها في ايه ليكون حد ضايقها ولا حاجه ؟
رانيا بتوتر لا ولا حد ضايقها ولا حاجه بس هي حبيبه ده طبعها مبتاكلش لما تصحى علطول
علي بضحك حبيبه !! دي حبيبه بتاكل الاخضر واليابس هاتي بس انا هخليها تاكل
رانيا بصتله وضحكت وتابعت لا والله اشمعنا اسراء سيبيها بتدلع ياسي علي ؟؟؟
علي قام وتابع بضحك وهو بيحط اكل على صنيه صغيره: لان اسراء فعلا بتدلع وانا مغلطش في حقها وهي اللي زعلانه ووطى صوته وتابع بس حاسس والله واعلم ان حبيبه زعلت علشان خليتها لبست الاسدال
سلمى بتأييد: اه انا حسيت كده بردو اصل ممكن بينها وبين نفسها تقول ليه فياا ايه يعني ؟؟ وممكن تكون اتحرجت من انها طلعت عادي مش في نيتها حاجه وانت اللي اتكسفت من لبسها فشوفها ياعلي حرام
علي بتنهيده حاضر والله هشوفها وخد الاكل ودخل الطرقه راح عند اوضته ورايح يخبط سمع صوت عياط مكتوم فزعل جدا من نفسه وخد نفس بعمق وخبط خبطتين
وحبيبه كانت دافنه وشها في المخده على السرير وبتعيط فلما سمعت الباب بيخبط توقعت رانيا فاتعدلت وتابعت وهي بتمسح دموعها ادخل
فعلي فتح وحبيبه اتفاجئت انه هو بس حاولت متبينش فابتسم بحزن وحط الاكل على الكومود وقعد بعيد عنها شويه وتابع بتنهيده انا اسف مقصدش ازعلك حقيقي
حبيبه دقات قلبها بقيت سريعه واتوترت اوي من وجوده معاها وتابعت اسف على ايه مش فاهمه حاجه
علي ابتسم وتابع لما قولتلك تقومي تلبسي الاسدال كان قصدي اغطيكي من عيني ومن عين اي حد انتي زيك زي اخواتي وربنا يعلم معزتك عندي قد ايه فكل الفكره بحافظ عليكي مش بضايقك يعني انتي ولا فيكي حاجه ولا انا شايفك عملتي حاجه غلط مثلا لا والله بس البيجامه بتاعت سلمى كانت ضيقه عليكي حبتين
حبيبه ابتسمت بوجع وتابعت انا مخدتش بالي والله
علي بحب عارف انك مخدتيش بالك ولو انتي مش غاليه عندي وبعتبرك واحده من اخواتي البنات مكنتش لفت نظرك وكنت اقل شئ هتجنب النظر ليكي وخلاص بس انا فعلا بحافظ عليكي
حبيبه ابتسمت من بين دموعها وتابعت عادي يعلي خلاص حصل خير والله
علي بحب يعني مش زعلانه ؟؟؟
حبيبه بحب لا والله مش زعلانه
فعلي ابتسم وتابع حلو ده يبقي تثبتيلي وتاكلي
حبيبه والله فعلا ماليش نفس انا لما احس اني قادره هاكل صدقني
علي بضحك مفيش منه الكلام ده هتاكلي يعني هتاكلي انا مش هقوم غير لما تخلصي
حبيبه بضحك طب وانت هتفضل تتفرج علياا ومش هتاكل؟
علي بحب لا هاكل معاكي والله اهو وشال الصنيه حطها على السرير وتابع يلا حقك عليا والله العظيم
حبيبه بضحك ياابني والله مزعلتش انا فهمت نيتك من ساعه ماقولتلي قومي غيري دخلت شوفت نفسي في المرايا ودققت فهمت انما مخدتش بالي قبل ما اطلع فخلاص والله مش زعلانه
علي بابتسامه طب الحمدلله يلا بقى سمي ومدي ايدك
حبيبه بابتسامه حاضر
وبدائو ياكلوا
--------------------------------
في بيت رفيده
كانت صحيت ولبست بنطلون واسع اسود وشميز منت جرين وحطت ميكاب هادي وخلصت ومسكت فونها ترن على علي بس مش بيرد ففضلت ترن كذا مره مردش بردو فنفخت بضيق وتابعت وتزعل لما انزل ومقولش يا علي وخرجت الصالون وتابعت بابتسامه صباح الخير
سعاد بحب صباح النور يقلبي
عادل بتنهيده صباح النور يارفيده
رفيده بحب يلا انا نازله رايحه المركز هاا ومسكت مفاتيحها
فوقفها ابوها وتابع بتنهيده علي يجي انهارده يا رفيده هاا
رفيده تنهدت بعمق وبصتله وتابعت : قولتله وقاالي حاضر بس بالله عليك يابابا واحده واحده عليه هو غصب عنه
عادل بضيق وهتستنيه لحد امتى علشان افهم بس؟
رفيده بتنهيده العمر كله .. انا قولتلكم هفضل معاه على الحلوه والمره فمينفعش اجي عليه واحطه تحت ضغط وانا عارفه انه غصب عنه خصوصا هو راجل ومحافظ علياا وبيتقي الله فياا وعمره مافكر يعمل حاجه متعجبنيش سواء باللمس او النظر
سعاد بحب هو علي ابن حلال ومتربي لسه كنت بقول لابوكي يابنتي والله
عادل بتنهيده على العموم متقلقيش بس انا عايز اقعد معاه افهم منه الدنيا
رفيده بحب ماشي يحبيبي وراحت باست خده وتابعت بحماس بااي هروح انا بقى وفتحت ونزلت فتابعت سعاد بصوت مرتفع نسبيا خلي بالك من نفسك يا بت
رفيده بضحك حاضر متقلقيش
فبصت سعاد لجوزها وتابعت بتنهيده لو مش علشانه بص لبنتك وحُبها ليه
عادل بتنهيده هو انا جايبني ورا غير بنتي
سعاد بضحك معلش مالناش غيرها وعايزين سعادتها بردو
عادل بتنيهده ربنا يعمل اللي فيه الخير ويفرحنا بيهم
--------------------------
عند رفيده كانت ماشيه بتتصل بيه بردو مش بيرد فنفخت بضيق وتابعت اكيد ناايم البيه هعدي عليه وخلاص بقى علشان ميعملش حواار
ومشيت لحد ما وصلت بيته وطلعت كان الباب مفتوح فدخلت وتابعت بابتسامه صباح الخير
رانيا صباح النور يابنتي
رفيده بحب ايه يا ماما هو علي لسه نايم ولا ايه رنيت عليه كتير
رانيا بتوتر ها لا مش نايم ولا حاجه ده في اوضته ب
رفيده بضحك ومقاطعه خلاص انا هدخله اطلع عينيه ودخلت للطرقه وهي مبتسمه فنفخت رانيا بتوتر لانها عارفه ان رفيده مش هتعديها على خير
عند علي في الاوضه
كانوا قاعدين زي ماهما فبص لحبيبه وتابع ايه ده انتي خلصتي كده ؟؟!
حبيبه قامت وتابعت بضحك اه كالت والله العظيم وشبعت متقلقش انا مبتكسفش والجو دده .. ده بيتيي
علي بضحك ايوه كده جدعه انا بقول بردو ده مش اكلك ده اكل عشره مع بعض
حبيبه فضلت تضحك وتابعت ماشي يعلي مش هاكل براحتي معااك تااني
علي فضل يضحك وتابع لالا بهزر عيب عليكي الف هنا والله
فرفيده كانت واقفه وسمعاهم ونظراتها اتبدلت جدا واتعصبت وحست بغيره ونار من اسلوبهم فتابعت بهدوء عكس اللي حساه : لا يحبيبي بس ليك حق متردش على الفون مكنتش اعرف انك مشغول اوي كده بصراحه