رواية روح الصخر
الفصل السابع7
بقلم روان محمود
تفيق روح فى اليوم التالي مبكرا تجد نفسها مكبله في حضن أحد لا تستطيع التحرك يمينا أو يساراتفتح عينيها لتقايل وجهة الذي بيدو عليه القلق حتي وأن غلبه النعاس
تحاول أن تسحب نفسها من احضانه وتنجح في ذلك لتجلس القرفصاء وتنظر حولها
نعم هي في غرفته في قصر امه وذراعها ملفوق بقطع من الشاش وأيضا يوجد بجانبه طبق عميق يوجد به مياه من المتوقع إنها كانت عبارة عن ثلج وقطعه قماش
روح.اممم كان بيعملي كمادات ربنا يستر ومكونش قولت حاجه
تنظر إلي وجهه ولكنها اتتها الجراءه فجأة ولماذا لا فهو نائم ولا يراها فالبطبع لم يحاسبها على ماتفعله
تمد يدها تتلمس بها بشره وجهه وكأنها تعيد اكتشافه من جديد ولكن ليس إكتشاف صخر وانما إكتشاف روحه تريد أن تفهمه تتعمق فيه لاتريد لقبلها أن يفقد جدرانه الحديديه فسبيل اللاشئ
تسير بيدها على وجهه بشره خشنه ذقن خفيفه سوداء ملامح رجوليه لاشبيه لها تكاد تشبه الفنانين
نعم جذاب ليس بسبب مظهره الرجولي الفج فقط ولكن طبعه الشرس شخصيته القويه التي أحيانا تجبرها على الخضوع له حتي لو لم تظهر ذلك
ولكن ماجذبها إليه ليس كل هذا فهي اعتادت أن الأشياء بباطنها ليس بظاهرها
ماجذبها إليه روحه النقيه طيبته المبالغ فيها خوفه الشديد على من حوله
نعم تكاد تقسم أنه يشبهها إلي حد كبير !!!
ولكن لا تستطيع ...
هي تعترف بذلك هي تجهل كيفيه المحاوله في حبه أو اعطاؤه أثمن ماتملك وهو قلبها !!
مبدأ الزواج يكاد يكون مستخيل لها من أي شخص بعد ماعانته في حياتها بسبب تصرف شخص غير مسؤل شهواني من الدرجة الأولي يطلقون عليه كلمه اب ..
ولكنه لم يعرف معناها بل جعلها تتحمل نتائج اخطاؤه
نعم رصاصه للامس جعلتها تعيد التفكير في أمور عديده
ماذا لو كانت فقدته!!!!
فهل كانت ستتمني أن يعود إليها ولو لحظه لتتعم باحضانه الدافئه التي يسرقها هو غصبا
ولكن بالظاهر فقط
إنما روحيا وداخليا هي تحتاجها تحتاج إلي الأمان الذي يبثه فيها بهذا الحضن الرجولي الدافئ فقد لم تنال هذا الحنان والدفئ من أي رجل وان كان والدها أن أستحق أن تنعته بهذه الصفه!
تفكر في كل هذا تعيش غير متاهه وكأنها تحري بين حناياها واضلعها وروحها حبيسه بين جسدها لا تعرف الطريق للخروج للعالم .تعيش في ظلام لا تعرف الخروج للنور
هل من الممكن أن يكون أرسله الله لها ليدلها لطريقها فى الله له حكمه في كل شئ
فلماذا ظهر في حياتها الآن ؟؟
لتقول بصوت مسموع نسبيا بتنهيده تدل على تشتتها!انت ظهرتلي ليه !!
يفيق هو على صوتها ولمسه يدهت التي مازالت تتجول على وجهه الخشن
صخر بخشونه.انتِ كويسه ولا انتِ لسه بتخترفي وده أثر الحقنه والسخونيه ولا إيه انطقي كويسه
يقطع حبل أفكارها تنظر له باندهاش!!
ماذا يقول سخونيه تخترف فى الكلام .كويسه
تفاجئ به يضع يديه فوق جبهتها يقيس درجه حرارتها ويظهر عليه علامات القلق جليه على وجهه
روح بابتسامة عذبه لأول مرة.انا كويسه متقلقش شكرا تعبتك معايا امبارح انا اسفه
صخر بتنهيده.اووف الحمد لله
ده انا قولت انتِ موتي ياشيخه طلعتي روحي
روح.إيه القرف ده حاطط جاموسة فى بوقك يعني انا جايه على نفسي وبقولك شكرا واسفه تعبتك معايا تطلع زي الحمار كده وتفول فوشي تقولي موت إيه ده استعفر الله العظيم بدل ماتقولي العفو ولا يهمك
صخر بخشونه.العفو ولا يهمك من امتي وبعدين ماتموتي ولاتولعي انا مالي انا غلطان إني عبرت معزه زيك وقاعد اعملك كمادات طول الليل
الهي تولعي ياشيخه
روح.غور ياض ما انا واخده رصاصه بسببك
صخر.ماكنتش تبقي فدماغك ونخلص منك يابعيده ومن لسانك الزفر ده أو تعدل دماغك إللي شبه الحجر دي
تنظر له باحتقار.ده بعدك هفضل قاعده على نفسك يابن لواحظ
صخر.ههههه هنشوف مين إللي قاعد على نفس مين ياروح...ي ههههههه
أما فى استديو التصوير..
غاده.ازيك عامل ايه
مراد.كويس انتِ تمام
غاده بابتسامة تتصنع الخجل بها.تمام طول ما انت تمام
يبتسم لها ابتسامة جذابه لتتصنع الخجل وتغير الموضوع.قولي بقا شكلك مش تمام مالك مراتك مدايقاك برضوا
مراد.اممم يعني شويه قوليلي انتِ شاغله بالك بالموضوع ده ليه
غاده باحراج.لا عادي بيأثر على المود بتاعك وده بياثر عليك وانت بتمثل والفيلم مش هيطلع حلو
مراد بابتسامة وبغمزه من عينيه.بس كده
تضحك هي بدلع زائد..تتصنع الارتباك.لا لا مش قصدي وزميلي وصاحبي مش كفايه
مراد.ههههه ماشي
غاده.هتروح فين بعد التصوير هتروح لمراتك تاني
مراد.هروح فين يعني
غاده.طب ماتيحي تاخد معايا درينك
مراد.بس انا مبشربش وبعدين عشان الصحافه وكده مبحبش اظهر فى أي مكان انتِ عارفه مابيصدقوا يطلعوا اشاعات
غاده بخبث.طيب انا عندي فكره تاخده فى البيت عندي ايه رأيك
مراد بدهشه.عادي ينفع
غاده.اه عادي يامراد طبعا إحنا كبار ومتحضرين مش بفكر بالطريقه دي
مراد.طيب نتكلم بعد التصوير
م.ههههه عملتي إيه
غاده.هههه فاضل على الحلو تكه
م.ربنا يهدك
تجتمع موجه وهمسه وورد عند موجه
موجه.انا مفهمتش أي حاجة منكم بقا بالراحه كده وفهموني تاني اديني منزلتش الكليه مع إني كنت هموت وانزل
همسه.والله انا كمان مافاهمه حاجه ماتفهمينا ياورد
ورد.بصوا بقا مش روح كانت داخله مع صخر ده فى موضووع وده اللي بسببه هي اتجوزته عشان تساعده يقبض على ناس معينه
موجه وهمسه.اممم وبعدين
ورد.وهو قبض عليهم وده الموضوع إللي انا كتبت عنه فى الجرنال وهو ده الموضوع اللي رائد بيشتغل عليه وانا اتعرفت عليه بسبب القضيه ديه
موجه.وبعدين اخلصي ياورد
ورد.بس الناس دي تقريبا ماتقبضش عليهم كلهم وبيطاردوا روح وصخر دلوقتي وضربوا رصاص عليهم وروح اتصابت فى دراعها
موجه.يانهاركم اسود وهي كويسه انا عايزه اطمن عليها
ورد. للأسف قفلت موبايلها هي وصخر عشان محدش من العصابه يوصل لمكانهم
وللأسف انا بعد مانشرت عنهم فهموا ان انا معاهم عشان افضحهم وعايزينن يقتلوني انا كمان بس هي دي كل الحكايه
همسه.طب وبعدين إحنا عايزين نطمن على روح لو روح كانت فى مكانا مكانتش هتسيبنا كانت هتقلب الدنيا علينا
موجه.فعلا بس هنوصلها ازاي
ورد.رائد هو الفرصه الوحيدة بالنسبالنا
لازم صخر يتصل بيه
همسه.وإحنا هنقعد بقا مستنين كده وحاطين أيدينا على خدنا
ورد.مش فى أيدينا حاجه نعملها للأسف
همسه.طيب انا هقوم أروح ونجتمع عند موجه على طول عشان نتكلم فى أي جديد
موجه.ماشي
ورد.تمام
غاده.إيه يابني شكلك خلصان بعد التصوير إيه هتيجي معايا ولا هتروح
مراد.لا بصي خلي الحوار ده نتكلم فيه بكره انا تعبان وهروح أنام النهاردة
غاده.تمام براحتك أبقي طمني عليك أما تروح
مراد.هههه ده واجب عليا انا الي لطمن أما تروحي
كلميني انتِ انا توصلي
غاده.اخاف بس لحسن مراتك تفهمك غلط وتعمل مشاكل معاك بسببي وانت مش ناقص فى مبرضاش إتصل
مراد.ههه لا ولا يهمك أبقي اتصلي طمنيني عليكِ كده كده المشاكل موجوده
غاده برقه مصطنعه.ماشي باي
مراد.يحدث نفسه.البت دي كانت تايهه عني فين قبل ماتجوز لا ومهتمة بنفسها وشكلها وواثقه فى نفسها كده مش مهزوزه عشان ممثل الواحد بقا هيرجع للنكد ومشاكلها هي واخواتها اووف ربنا يصبرني
تدخل همسه المنزل تتذكر موقف مراد معها لم يعطي لمشاكلها أي اهميه بل عاملها بعدم إهتمام وملل وعنف بالرغم من إنها ابتعدت عن الغيره والمشاكل فهي اول مشكله تواجه اخواتها وليس هي بدل أن يساندها يبتعد بسهوله ويزفر بوجهها كأنها شئ مكروه
يوجد شئ جديد بحايته رائحه انثي أخري نعم هي أنثي وتشعر بتلك التغيرات
همسه.لا لا مش هسمح للغيره تدخل قلبي تاني لازم اثق فيه هي إلي كانت هتدمرلي حياتي وتطلقني لا لا هو كويس متعصب شويه بس استحمل انا
يدخل مراد منزله.
همسه.ازيك
مراد.الحمد لله الاكل جاهز
همسه بدلع تقترب منه.اكل ايه هو انت قاعد فاوتيل مفيش بوسه كده حضن كده وحشتيني
لتقبله من احدي وجنتيه وتحتضنه ولكن لا يبادلها
مراد.إيه ده انتِ مبتتكسفيش المفروض انا إلي اعمل كده مش انتِ إللي تقربي كده مبتخجليش من نفسك
تتفاجئ همسه برده عليها ولكن هي لاتحب المشاكل فلتتحمله لآخر ثانيه كما تحملها بغيرتها كثيرا.لا مبكسفش منك لان انا وانت واحد إيه لفرق ما بيني وما بينك
مراد.اووف همسه انا تعبان مش وقت شعارات انا داخل أنام
يتركها مذهوله من حديثه لاتعرف سبب لتعامله معها بهذه الطريقه...
يتلقي إتصال من غاده
غاده.الو
مراد.ازيك عامله إيه
غاده.الحمد لله
تقول بصوت منخفض يكاد لايسمعه لتتصنع الخجل.وحشتني
يبتسم .مسمعتش كنت بتقولي إيه آخر كلمه
غاده بضحكه خبيثه.خلاص خلاص مكنتش بقول
مراد.ههه وانتِ كمان وحشتيني
فسره.اه دي الناس إلي بتكسف مش هات بوسه وحضن...
غاده.ياغلس
مراد.إيه هتعزميني على درينه بكره ولا رجعتي فى رأيك ولا انتِ بخيله ولا إيه
غاده .اه طبعا تنور اوصفلك العنوان
مراد.لا نطلع من التصوير عليه تصبحي على خير بقا
غاده.وانت من أهله
يذهب أسر إلي شركته أول مرة بعد الزواج بدون موجه نعم يفتقدها بحيويتها ونشاطها شعله من النشاط تشعل الأجواء تشعره بالحياه
فهو أعترف أخيرا هو لا يحبها بل يعشقها
بعد قليل يجد دينا تدخل عليه بكامل اناقتها بملابس تكشف أكثر ماتستر أما هو فيستغفر ربه ولكن لا علاقه له بملابسه فلا يستحق التعليق عليها
دينا.ياتري هتشغلني فين يادكتور
أسر باحراج.المكان إللي تحبي تشرفي فيه يادكتور
دينا.طيب انا ممكن لو في عقود مع شركات بنود أي مسائل قانونيه ممكن أساعدكم كنت سامعه إنك عايز حد يساعدك فالثغرات انا عندي خبره كويسه فيها من كتر شغلي وخبرتي
اسر.تمام اتفضلي هخليهم يجهزوا لحضرتك مكتب
دينا.ما المكتب إلي الاوضه ده حلو ولا بتاع حد تاني
أسر باحراج.اه للأسف بتاع موجه مراتي هجهزلك مكتب احسن منه متقلقيش..
دينا وهي تقف بدلع وكبرياء انثي .تمام ماشي يادكتور
أسر بسره.ياتري اخرك إيه وناويه على إيه مش مستريحلك ربنا يستر
تدخل لواحظ الغرفه تجدهم قد استيقظوا
لواحظ.ازيك يا روح عامله إيه ياحبيتي دلوقتي
روح بحب.كويسه ياماما الحمد لله
تميل على صخر وتهمس في اذنه أمام روح.ولا هي قالت إيه إمبارح وهي نايمه وهتقولي ولا لا
أما صخر يضحك بشده.بعدين ياماما هتفضحينا.
صخر.طيب ياروح امك بس تعرف لو مقولتليش هسيحلك قدامها واقولها انك كان عندك تبول لا ارادي وانت صغير وانا إلي عالجتك
ينظر لها صخر بقهر مضحك.ههههه ربنا يخليكي ليا ياست الكل الحمد لله اتعالجت خلاص .هقولك والله الذل ده عاملالي ارهاب ولا داعش
لواحظ.طيب رايحة احضركم الفطار بقي
تذهب لواحظ لتحضير الفطار بعد أن ضمنت أن صخر سيعطيها ماتريد
روح .انتم بتقولوا إيه
صخر.مفيش هتموت وتعرف قولتي إيه امبارح وانتِ نايمه وانتِ سخنه بتموت فى الفضايح لواحظ دي
روح.هههه طنط دي عسل
هو انا لخبطت جامد اوي
صخر بشماته وضحكه رجوليه عاليه .ده انتِ قولتي كل حاجه
يقترب منها بشده ويهمس لها كأنه سر حربي .طب مش كنتي تقولي إنك بتحبيني اوي كده
روح بفزع.لا لا استحاله أقول كده
صخر.لا قولتي كله صوت وصوره ومش عايزه تطلقي
روح.انت بتهزر صح بتلعب معايا
صخر.ليه وانا عيل
بصي ده الفيديو الخامس والسادس تقريبا من إلي ماسكهم عليكي
روح.ليه هو في غيره يانهارك أسود
صخر.لا لا لمي لسانك ياحلوه لو كنتي نسيتي افكرك
فاكره الاوضه السريه
اللي كنتى فاكراني مش واخد بالي منها التسحيلات بتاعتك فيها بكل حاجه عندي صوت وصورهروح ببلاهه لاتعي ماقال او بالأصح لاتريد أن تصدق ماقاله لها.
أما هو تعلو ضحكاته الرجوليه
الخشنه
