رواية صندوق عجب
الفصل السادس6الاخير
بقلم بقلم محمد منصور
وبعدها بكام يوم سند كان جوة بيت عجب وعجب ماسك ساطور وبيذبحة.
عجب عرف ازاي ان سند تاني واحد ووصله ازاي. دة اللي هنعرفو مع باقي الاحداث
صندوق عجب
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
هنرجع بالاحداث لقبل اللي حصل دة بيوم واحد وقت ما سند كان جوة محل حدادة والحداد كان خلص الصندوق اللي هو نسخ طبق الاصل من صندوق عجب
وكان مع سند المخبر عامر اللي بص له سند وقال
اية رايك مش بقي زي صندوق عجب بالظبط
عامر
ايوة بس صندوق عجب كان قديم ومطبق من فوق
سند
دة انا هظبطة ليك بالظبط
وفتح سند صورة لصندوق عجب كانت علي موبيل عامر وبدا يخبط الصندوق في الاماكن اللي كان مخبوط فيها صندوق عجب وخلص سند وهنا يدخل لمحل الحدادة المامور صفوت وبص ل عامر وسند وبعدها بص للصندوق وقال
لا برافو. وملعوبة
وطلع المامور صفوت موبيلة وبدا يقارن بين صندوق عجب اللي عنده في الصورة والصندوق اللي عمله الحداد واستغل سند انشغال المامور بالمقارنه بين الصندوقين وبص سند ل عامر وقال بصوت واطي
انت قولت للمامور علي احنا ناوين نعمله
عامر
طبعا وجناب المامور موافق وهياخد من عجب 50 الف كمان انت ليك 10 وانا زيهم والباقي لي
سند
ولية بس عملت كدة مش احنا كنا اولي بال 50 الف كلها
هنا المامور بص ل سند وقال
بتقول حاجة يا سند
سند
لا يا باشا ولا اقدر اقول اي كلمة
المامور
طيب ركز معايا بقي علشان اللي انا عايزك في محتاج تركيز
وبص المامور للحداد وقال
سيب يا ابني انت المحل واخرج برة
وفعلا خرج الحداد وهنا المامور قال ل سند
علشان عجب يصدق ان دة الصندوق بتاعه. ويدينا
ال 50 التانين لازم اقدم له مع الصندوق الحرامي اللي سرق الصندوق
سند
سهلة يا باشا نجيب له اي عيل من اللي في التخشيية. ونقول له هو دة اللي سرق الصندوق
المامور
بس انا شايف ان ما فيش حد ينفع يعمل دور الحرامي
الا انت
سند ارتبك وقال
واشمعني انا يا باشا
المامور
ليا مزاج تلعب الدور دة وانا عارف انك هتعمله صح
وبص المامور ل عامر وقال
لبسة الكلبشات في ايدة
و تعالو معايا علي بيت عجب، ،،،،
ومن جوة بيت عجب يقف عجب قصاد سند ومعه المامور وعامر والمامور بيقول ل عجب
دة الحرامي اللي سرقك ودة الصندوق بتاعك
بص عجب للصندوق وعرف انه مش هو لكنه ما تكلمش وسمع المامور بيقول ل سند
قولي بقي اية اللي حصل ليلتها ومين اللي كانو معاك
عامر ميل علي ودان سند وقال
قول انا حفظتهولك في السكة
هنا سند بدا يقول
احنا كنا تلاته وجائيين نسرق شقة عجب لكننا واحنا بنسرق الشقة عجب دخل علينا كل واحد راح استخبئ في مكان. انا استخبيت وراء باب الحمام والاثنين التانين كل واحد منهم دخل اوضة. وهنا لقيت عجب جاي يدخل الحمام وقفت وراء الباب واستغليت انه هيولع نور الحمام ووقتها اداني ظهرة وهنا لفيت ايدية الاثنين حوالين عيونه
لكن هنا سند غلط لان عجب اطول منه بحوالي 30 سم. وايد سند اللي مدها تقدروا تقولو انها في نفس طول صفاء
بص عجب لسند اللي لسة بيحكي وعرف انه كذاب فراح ناحيته وخده بالحضن وحط ايدة علي ظهرة وكان عجب بيقول
نسيت تحكي اني خدك بالحضن كدة ووقعت فوق منك
وعجب بيقول الجملة دي كان بيحط ايدة علي ظهر سند وحس بالورم اتعصب وبعد عن سند وفاضل باصص له وسند لسة بيحكي كل حاجة كذب في كذب وقبل ما يخلص سند قال عجب للمامور
انا مسامح في حقي ومش عايز سند ينقبض عليه
المامور
عايزنا نسيبة علشان تذبحه زي ما ذبحت مرزوق
عجب اتصدم وبرق ودة كان حال سند وعامر والمامور قال
الكاميرات جبتك وانت ماشي وراء مرزوق بالموتوسيكل بتاعك. بس انا مش هلوم عليك. لان اللي يضرب ويغتصب عيلة في تالته اعدادي يستاهل الحرق
وهنا المامور مسك رقبه سند وقال
وانت بقي غلط يوم ما روحت السجن ل كرم صاحب مرزوق والتحريات اثبت علاقتك بي ودة اللي كان بيخليك ديما بتراقب بيت عجب وبنته علشان كرم ينتقم منه.
وبص لعجب وقال
وانت ازاي دماغك كدة. عرفت ان اللي اغتصبو بنتك كانو جائيين علشانك انت وعلشان يقتلوك علشان كدة جيت القسم وقدمت بلاغ بضياع صندوق زباله وتقعد في القسم وتبات مش علشان خايف منهم لا. علشان توصل لهم. واهو انت. خلصت من واحد وقدامك الثاني وبعد ما تخلص عليه هعرفك مكان الثالث. خد حق بنتك. وانا هعمل نفسي مش شايف
عجب
انت لية بتعمل كدة
المامور
علشان من كام سنة بنتي ماتت وهي في بطن امها بسبب كلاب نهشوا لحمها. علشان ينتقمو مني ولما قولت اجيب حقي بالقانون. خدو 15 سنة بدل ما ياخدو اعدام ودة لية لعدم كفاية الادلة وهربو من السجن وياعالم هما فين دلوقتي لكني من وقتها وانا بندم علي كل دقيقة فاتت لاني ما خدش حقي بايدي وشربت من دمهم
وبص المامور ل عامر وقاله
يلا يا عامر. وبعد ما ياخد حقة من التاني. ادي له عنوان كرم
وخرج المامور من بيت عجب وسند كان بيترجي لكن المامور ضربه بالرجل في بطنه وقعه علي الارض وخرج المامور من البيت. وعجب هجم علي سند وفضل يضرب في بمنتهي الغل والقوة كسر له عضم وشه. وبعدها دخل المطبخ جاب ساطور. وذبح سند، ،،،،،
ومن جوة بيت كرم اللي كان في منطقة مطرفة يقعد عجب مستني رجوع كرم وفعلا رجع كرم وبص ل عجب واتصدم لما شافه وقال
وجاي لغاية عندي برجلك انت اية ما بقتش تحب الدنيا
عجب وقف وطلع شفرة حلاقة من جيبة وهو بيقول
حسابك كان معايا انا لية بدخل بنتي في اللي بيني وبينك
كرم طلع مطواة من هدومة وقال
ما انت لما بلغت عني حرمتني من بنتي وخليت مراتي تحرمني منها. لغاية ما ماتو هما الاثنين
عجب وهو بيقرب من كرم قال
كنت عايزني اعرف انك سرقت وقتلت ناس غلابه واسكت
كرم وهو بيقرب من عجب قال
وانت مال اهلك كان من بقيت عيلتك. لكن هقول اية العبيط اللي زيك. غشيم واهو الغشم بتاعك وقعك معايا انا
و هجم كرم بالمطواة علي عجب في نفس وقت هجوم عجب علي كرم والاثنين عورو بعض لكن عجب ما اهتمش وهجم علي كرم وبدا يغرز الشفرة في لحمه. وكرم كان بيعور عجب بالمطواة واستمر الحال علي كدة لغاية من الاسلحة وقعت من الاثنين وبدات معركة تانية بالايدين وكل واحد فيهم كان بيخنق التاني لكن عجب كان اقوي وقدر علي كرم ومسك كرسي حديد ونزل بكل قوته علي رجلين كرم كرسهم و كرم فضل يتوجع وعجب حط الموس علي رقبته وقال
مطلوب مني راسك لكن بعد
ما هي تقولي اذبحك
وطلع موبيلة واتصل برقم صفاء وقال
هاتي الاستاذة مني وتعالي العنوان دة
واداها عنوان البيت وجت في عربية الاستاذة مني وكانت لسة حالتها الصحية مش قد كدة ودخلو البيت وفتح لهم عجب ودخلت صفاء وبصت ل كرم اللي كان مضروب والدم بينزل منه من كذا مكان وقالت
لية عملتو كدة.
كرم بصعوبه
دين في رقبه ابوكي وكان لازم يدفعو
مني
تضيع مستقبل بنت بنوت علشان خاطر تاخد حقك من راجل طيب
كرم
عجب طيب. دة قدر عليه انا. انا كرم اللي، ،،،،،،،،،
لكن هنا كرم سكت لما شاف سلسلة ذهب في رقبه صفاء سلسلة ما فيش منها الا نسخة واحدة سلسلة من فص ذهب اصفر وفص من ذهب ابيض وفص احمر. كان سرقها كرم من سنين من بيت الست اللي ولع في بيتها ولبسها لبنته وهنا صفاء قالت
سكت لية مش لاقي كلام توصف بي نفسك.
كرم
انتي جبتي السلسة دي منين
هنا ادخل عجب وقال
استاذة مني خدي صفاء وروحي بيها العربية وانا جاي وراء منكم
كرم
لا مش هتمشي الا لما تقولي هي جابت السلسلة دي منين
صفاء
معايا من صغري اية طمعان فيها تاخدها
عجب خلي مني تخرج مع صفاء وكرم فضل ينادي عليها وبعدها بص ل عجب وقال
السلسلة دي كانت مع بنتي شروق. سلسلة ما فيش منها حتة تانية وصلت لبنتك ازاي
عجب ما ردتش لكن كرم وطي باس رجله وقال
ابوس رجلك قولي ازاي وصلت لها
عجب قعد قصاد منه وقال
في يوم خد مراتي وبنتي وروحنا نشوف مراتك الغلبانة وبنتك عايشين ازاي بعد ما اتقبض عليك لاني قررت اصرف عليهم لغاية ما تخرج. وقتها مراتي قالت اخرج اجيب لعبة ل بنتك
وعيط عجب وكمل وقال
خرجت وبعدها بدقيقة تريلا دخلت في البيت عندك موتت كل اللي في ما عدا بنتك شروق اللي كانت جوة صندوق الزبالة الحديد خدها وضمتها لحضني لانها كانت في نفس سن بنتي صفاء اللي ماتت مع مراتي ومراتك.
كرم صرخ وقال
لا. انا بنفسي عملت كدة في بنتي. وانت اللي مش ابوها بتحارب علشان تجيب حقها
عجب
لازم اجيب حقها علشان دي بنتي وهي طلبت مني اذبحكم انتو الثلاثة وانا ما عرفش اقول لا للبرنسيسة صفاء
وراح عجب ناحية المطواة وكرم كان بيقول وهو بيعيط
اقتلني بعد ما اخدها مرة واحدة في حضني. مرة اخيرة المسها فيها
عجب مسك رقبته وقال
اخر مرة شافتك فيها كنت سبب عذابها. ولما بس لمستها
كسرت عضم وشها كفاية اوي لغاية كدة. لان في حاجات ما ينفعش يكون ليها مرة تانية
وذبحه. عجب وخرج من الشقة وركب عربية مني وخد صفاء في حضنة وقال
اللي طلبتي انا عملته يا برنسيسة