رواية أنا لست ضعيفة الفصل الثالث3والرابع4 بقلم هبة أحمد الجهمي

شهد/ عوزة شنطتى والفون بتاعى وعباية وطرحه  

جاسر / حاضر هاروح اجبهم بسرعة وجاى وخرج يجرى 

أمين الشرطة /ممكن اتكلم مع المجنى عليها يادكتور 

الدكتور ناصر/  لا هى لازم ترتاح  النهاردة  علشان  ميحصلش ليها  مضاعفات

  

آمين الشرطه/  وهنقدر نتكلم معاها امتى 

دكتور ناصر/  بكرة  ان شاء الله  سناء الزيارات  ممنوعة  فاهمة  

سناء / تحت امرك يادكتور  

نروووووح فى مكان على شاطئ البحر  بالاسكندرية

سهام  /خالد  هو جاسر  فين مش باين من يومين 

خالد/ معرفش اتصلى بيه

سهام / انت تعرف حاجة  انا معرفهاش 

خالد /لا انا اصلا  متخانق مع جاسر وقطعت علاقتى بيه وبدور على شغل تانى علشان  اسيب الشغل  معاه 

سهام / ولية كل ده دانتم طول عمركم اصحاب ايه اللى جد يعنى 

خالد / مفيش حاجة  انا ماشي  

سهام /فى واحد قريبى عنده مكتب محاماة  لو تحب تشتغل معاه  بس اهم حاجه  المواعيد  والأمانة 

خالد/ الحقينى بيه ربنا يكرمك 

سهام / خد الكارت بتاعه  وانا هاكلمة دلوقت 

خالد / وانا هاخد تاكسي  واروحله دلوقتى  شكرا ياسهام 

سهام  /احنا اخوات ملهوش لزوم الشكر 

جاسر /جه وداخل عند شهد 

سناء / ممنوع  الزيارة  يااستاز 

جاسر / لازم  اطمن عليها  

سناء  /طب دقيقة  واطلع على طول  

جاسر/ انا هاقعد جنبها 

سناء  /بالله عليك  متجبليش خصم ومشاكل  مع الدكتور  ناصر 

 

جاسر /خلاص  هاخرج على طول  

سناء/  ماشي  

جاسر / انتى كويسة وقرب منها شهد اتفزعت جامد منه وقعدت تصرخ

جاسر /متخفيش مش هاعملك حاجة 

سناء/ دخلت يلا يااستاز كويس كده  

جاسر /انا رايح مشوار  وجاى عوزة حاجة 

شهد /هزة دماغها بالنفى فخرج 

سناء /انا قاعدة  معاكى عوزة حاجة  

شهد/   هاتى الكيس دة

سناء/  اتفضلى ياقمر 

شهد/ طلعت الطرحة  وقالت خدى دي  بدل بتاعتك 

سناء/  والله مايحصل دانتى اختى وعلى فكرة دمى بيجرى فى عروقك وانا دمى خفيف يعنى  اوعك تبوزى 

شهد/ هو انت عطيتنى دم دانا كنت تعبانة  جامد للدرجة دي 

سناء/ انتى بنت حلال  ربنا كان  كريم  معاكى

  شهد/ الحمد لله  اشكرك

سناء/ ممكن أسألك سؤال  لو مش عوزة تجاوبى براحتك 

شهد /اتفضلى

 

سناء/ متخفيش منى انا عندى  بنت وولد متزوجين يعنى مش صغيرة

  

شهد/ مش باين عليكي

 

 سناء/ بطلى بكش وقولى هو اية اللي حصل 

شهد / تصدقى اللى قدامك دى عروسة  كان فرحها اول  امبارح وحكت لها اللى حصل 

سناء  /خبطت على صدرها  وقالت يالهووووووى ياقلب امك يابنتى 

شهد/ انا دلوقت عوزة اقعد مع نفسي  وارتب حياتي وازاى هاقدر اعيش لوحدى 

سناء / طب واهلك 

شهد/ ماما ميتة الله يرحمها وسبتنى انا واختى وبابا اتزوج واتبدل حاله  وبقت مرأتة هى الرجل وهو معدش له اى كلمة او رأي فى حاجة 

سناء/  وهتعملى ايه  يابنتى 

شهد /ربنا كبير  وكريم سبيها على الله  بصى خدى هاتى اكل وعلبه مناديل وعصير  وكمان ......  معلش هاتعبك معايا وانا هنام شوية  

سناء/ طب خلى وانا هاجيب على حسابى 

شهد/ لا اسمعى الكلام 

سناء / حاضر ياحبيبتى 

جاسر/ خبط ودخل  انا جبت اكل خدى كلى  هتعرفى ولا ااكلك بنفسى 

شهد /بصت ناحيه  الحيطة وسكتت 

جاسر/ حط الاكل جنبها وسابها وخرج 

سهام تطلب رقم جاسر 

جاسر /الوووو ايوه ياسهام  فى حاجة

 سهام/ فينك مش باين هو انت مسافر  ولا حاجة 

جاسر /عندي شويه شغل بخلصهم انتى كويسة 

سهام/  لا طول ماانت بعيد عنى بكون مش كويسة 

جاسر/ هاقفل دلوقت  سلام 

سهام/ مع السلامة  ابقى طمني عليك

جاسر حاضر  وقفل الفون 

عند والد شهد

===========

فريدة  /عوزين نحط للولاد كل عيل 15000 جنية فى دفتر توفير  والخمسة الباقين هاتهم اجيب بيهم حاجات ليه وللبيت

حسين / فلوس ايه  اللى  بتتكلمى عليهم 

فريدة /نععععممممم يااخوية الفلوس اللى دفعها المحروس جوز بنتك مهر

حسين /مهر يعنى الفلوس بتاعة شهد 

فريدة/على جثتى دانا اولع فيك وفى البيت اخلص الا انت عارف انا اقدر اعمل ايه 

حسين  /حرام عليكي تاكلى حق ولية 

فريدة /نعم ياعنية دى واقعة على واحد معاه شيئ وشويات مش زينا

حسين /بصوت واطى يخرببيتك ست مفجوعة 

فريدة /يتقول حاجة  ياسبعى

 

حسين/  لا  بس مش المفروض  مشيرة تاخد هى كمان نصيب من الفلوس

فريدة / لا يعنية ملهاش كفاية انى مستحميلها وهى مبتجبش مليم دى عالة عليه 

حسين  /حرام عليكي  البنت غلبانة

فريدة/  مليش فى انت تنزل بكرة تعمل لكل عيل دفترة توفير 

حسين/  طب علشان خاطر  ربنا  نعمل دفتر  لمشيرة حتى ب 5000 جنيه 

فريدة/  والنبى ولا مليم ده حق عيالى 

حسين/  امرى لله حاضر  ياستى 

فريدة/  احبك لما تسمع الكلام  

حسين/  تصبحى على خير

نرجع لشهد

=========

الدكتور  ناصر/  عاملة ايه  دلوقتي  

شهد/ الحمد لله  بخير 

الدكتور ناصر/  طب هتعملى ايه 

شهد /لو قولت لحضرتك انى هاشوف مكان  اقعد فيه  وهاشتغل وأكمل حياتي  مع نفسي  بس خايفة من نظرة المجتع ليه  بس هاتصرف

دكتور ناصر / انت بنت قوية  وجدعة 

شهد /ده الظاهر  انما  جوايا ضعيفة  زى ريشة اللى فى مهب الريح

دكتور ناصر/  هتعملى ايه مع الاخ اللى برة ده هتقولى ايه فى المحضر

شهد /هاقول انى وقعت من على السلم وهو مجاش ناحيتى

دكتور  ناصر/  طب ليه  افهم

 

شهد /علشان  اعرف  ارحل  بسلام  من غير ما يعرف انى هاختفى من حياته  

دكتور ناصر/  ممكن الفون بتاعك 

شهد/ اتفضل 

دكتور ناصر /ادى رقمى سيفتة والاكونت بتاعى ورقم الواتس كمان  فى اى وقت  عوزة حاجة أنا تحت  امرك

شهد/ ربنا يخليك  اشكرك كده  هتتعب معايا انا بغلس على كل اللى اعرفة 

دكتور ناصر/  وانا تحت امرك انا عندى بنتين فا متخفيش منى

 

شهد /ربنا يكفيهم شر غدر الزمن 

جاسر فتح الحجرة  ودخل وقال انتم بتعملوا ايه  مع بعض

دكتور ناصر /الزم حدودك واخرج برة 

جاسر/ مش انا اللى يتقال له الكلام  انت متعرفش انا مين 

دكتور  ناصر/ طز 

جاسر/ انا هاعرفك ازاى تتعامل مع. ....