رواية خائنه الفصل الاول1بقلم جمانه السعيدي
هلمره القصه غير
وحده تحجي عن خيانتها الزوجها
اني حذرتها لان اعرف كل الي راح يقرأ القصه راح يحجي عليها
بس هي صممت انزل قصتها
تتمنى من البنات تاخذ منها عبره
وعدها طلب تريد البنات تدعيلها رب العالمين يغفر الها ذنبها
ويسامحها لان هي فعلا ندمانه
اني نيران مواليد ٨٩
اني شكلي عادي بس حلوه مو جمال صاعق بس.شكلي مقبول اني الساني متبري مني ووكيحه
بس شسوي هم يستفزوني
اني حنطاويه طولي ١٦٠
عيوني حلوات شعري سرح نازل نص ضهري
عندي خوات ثنيين اكبر مني مزوجات
خوان ثنيين مزوجين ويانه بلبيت
وواحد عنده وولد ثنيين وواحد عندا بنات ثنيين وولد
البيت اربع وعشرين ساعه هوسه بسبب الجهال
وما يفوت يوم اذا ما نسوان اخواني يتعاركن
بيناتهن
لو اني اتعارك وياا وحده منهن
شسوي كلبي يطك من البيت وهوسة الجهال
اني صف ثالث متوسط وبطلت رسبت بلبكلوريا وبطلت
الصراحه مااحب المدرسه هلكد
اضوج منها
بس من تركت المدرسه اتندمت
لان تحولت الي مطي مال شغل بلبيت
احنا حالتنا الماديه زينه
بس اني طكت روحي اريد ازوج حالي حال البنات
عمري صار ٣٠ واني بعدني مامزوجه
رغم البنات الي بعمري سجلن جهالهن مدرسه
مااعرف شنو السبب
امي اخذتني كم كشافه يمنا وحده كالت معموللها عمل
انطتني ماي اسبح بي وحرز اشيله
بس كلشي ماكووو
اي عمل ومنو الي فارغ يسويلي عمل
هو اني لا اطلع ولا امشي منو الي يعرفني اصلا
حتى طلعه مااطلع
جمانه السعيدي
علاقتنا ويااقاربنا مو شي وماكو مكان اطلع اغير جو بي
منو فارغ يسويلي عمل
على شنو العمل كل عمل ماكووو بس هاي ام الخيره تريد تاخذ فلوس
الثانيه كالت هاي دايسه طالعه المغرب دايسه عمل مدفون وصايره عدها تابعه
هم انطتني حرز شلته وقرت عليه
وهم كلشي ما كوووو
الحال بقه على ماهو عليه
ليش محد يتقدملي مااعرف
يمنا بنات شكلهن كلش عادي وزوجن
بس حضي اني نايم فد نومه
ليش مااعرف
المشكله امي قلقه ليش اني مازوجت ٣٠ سنه هواي بلنسبه الها ووحده بعمري مستحيل
بعد تزوج وتلحك تخلف
اكو علويه يمنا كالت تعاي اني اسبحج وجيبي ماعون جديد محد ماكل بي
اقرا علي وبعدين تاكلين بي لمدت اسبوع كامل
طبعا احنا بلبيت ماعدنا ماعون محد ماكل بي
رحت اشتريت درزن ماعون جديد
واخذت منه ماعون ورحت عليها تقرأ علي شرطت عليه
تريد ٣٠٠ الف ١٠٠ مقدم اذا ازوجت ٢٠٠ الف غيرهن
ميخالف بس كون ازوج
جمانه السعيدي
فات شهر ثنيين اتلاثه وكلشي ماكوووو
بديت ايئس يمكن اني ما مكتوبلي ازوج حالي حال البنات
المشكله نسوان اخوتي كامن يعيرني
كلمه والثاني وكالن عانس
بقت بلدار محد .يكلبها
طارت الزلم على عينها بسلا تبقى كاعده على كلبنا
واذا تعاكت وياهن على اي سبب
راسا تجيني العارات
اول كلمه من نتعارك اسمعها
....اي من وكاحتها ماتعرس
....لو يكولن انشاء الله ماتعرسين وتشوفين العرس بعينج
مره ابن اخوي راد شغله من امه جان تكول روح العمتك
خل تحلل خبزتها بمكان ماكاعده على كلبنا لاشغل ولا عمل
اني سمتعها رحت تعاركت وياها حتى سحلتها من شعرها شنو كاعده بيت ابوها اني كاعده بيت اهلي
كبت العيطه بيتنا
هلكد ما ضربتها خشمها كام ينزف دم
اثر هاي العركه زعلت وراحت بقت ببت اهلها ٣ اشهر
شرطت بيت وحدها يله ترجع
والشرط الثاني اني ماادخل بيتهم طول عمري
طول فترة زعلها اخوي بس يغلط عليه لان زوجته وجهاله مو بلبيت
اجر اخوي بيت ورجعها
كرهت نفسي وكرهت كعدتي بلبيت وحتى اهلي كرهتهم
ماكو شي كالو علي يفتح القسمه ماسويته
ومحد جاي بتقدملي
المصيبه نسوان اخواني اي واحد يسئلهن عني
يكولن وكحه مستحيل اكو رجال يحملها
دخلت ٣١ سنه واني بعدني على وضعي
بيوم اندكت الباب فتحته مره جبيره سئلت عن امي
دخلتها جوه
رحت حضرت الجاي وجبته
بس دخلت كالت هاي نيران
امي...اي
... الله يستر عليها حلوه
مااعرف حسيتها جايه خطابه اكو امل انزرع بكلبي
طلعت وكالت الامي يومين وارجع عليكم
انشاء الله خير
جمانه السعيدي
بس طلعت اني لزمت امي
نيران...هاي جاي تخطبني
امي...اي
نيران..... يالله واخيرا فرجت
امي...مطلك
نيران....ميخالف
امي...جبير
نيران...ميخالف اذا خوش انسان
امي...يريد جهال مطلك زوجته علمود الجهال يريد جهال
نيران...انشاء الله اترس البيت اطفال
بس هو شيشتغل ما سئلتيها
امي...سايق سياره حمل
نيران....اي خوش شغله اني موافقه
امي.. هو بكيفج غير ابوج يعرفه منو بيت منو اخلاقه
لو هيج شيل وشمر بلشط
نيران....لو كلشي بي أخذه شعندي بعد شمنتضره
حتى راسي انترس شيب
ممنوع ترفضونه هذا اخر امل اليه
لو كلشي بي اني موافقه علي
فعلا من اجا ابوي امي حجتله كلشي صار بينها وبين هاي المره على فكره هاي اخت العريس الجبيره
ابوي اخذ بومين يسئل عنه
اكبر مني ١٨ سنه مزوج صار عشرين سنه
وماكو اطفال
يريد زوجه علمود يصير عندا اطفال
علاقته بزوجته الأولى كانت كلش زينه هلكد ما يحبها
رفضت تشوف وحده ثانيه بلبيت غيرها
شكد متوسل بيها تبقى ويااا
حتى كايللها اقسم البيت بلنص وابد مااقصر وياج
بس هي رفضت وصممت على الطلاك
جمانه السعيدي
على فكره هم مسوين تحاليل حتى يعرفون السبب
شنو
طالع هي عدها ضعف بلمبايض
وهو عندا نسبة ضعف بلحيامل يعني مو هي السبب
وحدها
لا هو هم عندا نسبة ضعف
هو ماخذ علاجات بس بدون فايده
وهي هم مراجعه طول هاي السنين يم اكثر من دكتوره بدون فايده
زواجهم مستمر عشرين سنه بدون اطفال
محد يقبل يعفوهم بحالهم رغم هما واحد يحب الثاني
الناس الحشريه ادخلت
وبقت تحجي براسه ازوج ليش باقي بدون اطفال
شنو تزغر لو تكبر
ازوج شنو قابل مره تاكل مره
بيتك جبير ازوج وخليهن سوا
ايجوز رب العالمين يقسملك اطفال ليش ساكت
شمنتضر
هاي الناس الحشريه خلته يفكر يزوج وحده ثانيه
عسى والعل يصير عنده طفل