رواية احببت صعيدي الفصل الاول1بقلم بسمله احمد توفيق
الساعه 9 صباحا في فيلا راقيه جدا مليانه بحب و حنيه و دفي في مدينه القاهره تصحي بطلتنا مسك علي صوت مامتها و هي بتقول : صحي النوم يا مسك يا حبيبتي يلا عشان تفطري
مسك بنوم : سيبني انام يا مامي انا ما صدقت اتخرجت عاوزه انام برحتي بقي
مامتها و اسمها مياده بتشيل الغطا من عليها : ياسلام أومال عاوزه تشتغلي و تعتمدي علي نفسك ازي طلما عاوزه تنامي
مسك : رجعت في كلامي يا مياده سيبني انام بقي
مياده : اقسم بالله لو ما قومتي حالا يا مسك هنزل عليكي بالشبشب
مسك نطت من مكانها و قالت : لاء و علي اي يا مامي يا عسل انتي انا صحيت اصلا صباحك قشطه يا موزه
مياده بحب : صباح الفل علي عيونك يا قلب ماما يلا اجهزي عشان تلحقي بابا و تتكلمي معها في الموضوع الي انتي عاوزه رغم اني شايفه اني ملوش لازمه تشتغلي بره و بابكي مشاء الله عليه صاحب اكبر شركات في مصر
مسك : تاني يا مامي يا حبيبتي انا عاوزه اعتمد علي نفسي زي بابي و اسلام انا بحب الشغل جدا و النبي اقتنعي عشان تقنعي بابا معايا
مياده : دماغك ناشفه زي ابوكي بالظبط بس هعمل ايه بحبكم حاضر يا ست هقنعه بس انت البسي بسرعه عشان تلحقيه
مسك باستها : ربنا يديمك ليا يا دودو يا قمر انتي
استووووووب نتعرف علي البطله ( مسك عندها 21 سنه خريجه كليه الهندسه بنت جميله جدا بشرتها بيضه بياض الثلج و عيون بعيون السما و شعر طويل بالوان الاسود بس مدريها تحت حاجبها الي خليها اكتر وسامه و جمال مع الغمزتين طيبه جدا و شخصيتها مرحه و قويه و عنديه و عصبيه في نفس الوقت و رقيقه جدا و محبوبه من الكل عندها اخ اسمه اسلام خرج هندسه برضو عنده 25 و اخت صغيره في تانيه ثانوي و اسمها عشق دول هنتعرف عليهم في بقيت قصتنا )
مسك اخدت شاور و لبست و نزلت لقت بابها و مامتها و اخوها و اخوتها قاعدين علي السفره
نزلت و قالت بحب و ابتسامه: صباح الفل علي الحلوين كلهم
كلهم صباح الفل علي اجمل بنت في الكون
محمد بابها : عامله اي يا قلب أبوكي
مسك باست أيده و قالت : الحمد لله يا بابي انت عامل اي
محمد : كويس يا قلبي يلا افطري
اسلام اخوها قال : عامله اي يا حبيبت اخوكي
مسك : الحمد لله يا حبيبي انتي اخبارك اي
اسلام : كله تمام يا حبيبتي
مسك ابتسمت له و بعدها بصت لي عشق و قالت : عامله اي يا دكتورنا
عشق : كله تمام يا بش مهندسه قلبي انتي
مسك : يارب ديما يا قلبي
محمد : يلا يا ولاد كافيا كلام بقي و نأكل
كلهم فعلا بدا يكلو بعد ما خلصو اكمل و محمد جاي يقول مسك قالت : احم بابي كنت عاوزه حضرتك في موضوع
محمد قعد تاني و قال : خير يا حبيبتي
مسك : احم بصراحه يا بابي كنت عاوزه اشتغل
محمد : طب يا حبيبتي و ماله اي المشكله روحي روحي مع اسلام و هو هيعلمك كل حاجه في الشغل
مسك: احم ماهي يا بابي دي المشكله انا عاوزه اشتغل في شركه تانيه غير مع حضرتك و مع اسلام عاوزه اعتمد علي نفسي زي حضرتك و زي اسلام
محمد بصوت عالي نسبيا: دا الي هو ازي يعني مافيش الكلام دا انا لما وفقت انك تشتغلي قولت هتبقي تحت عنيا مش في شركه تانيه هتنزلي معاي تمام مش هتزلي مافيش خروج خالص من البيت يا مسك
مسك خافت و عيونها دمعت : طب يا بابا ممكن تهدا و نتكلم بهدوء
محمد : بلا بهدوء بلا نيله الي عندي قولته و مافيش كلام تاني في الحوار دا عاوزه تنزلي شغل شركتي موجوده غير كده مافيش
اسلام : طب يا بابا اهدي انت عشان مش تتعب سيب مسك و انا هقنعها
محمد : ماشي يا اسلام ترجع عن الي في ديمغاعها دا لما كل حاجه هتتسحب منها مافيش خروج و لا في عربيه و لا في اي حاجه
اسلام : حاضر يا حبيبي روح انت و سيب عليا الحوار دا
محمد اخد حاجته و مشي متعصب و اسلام راح اخد أخته في حضنه الي كانت بتعيط و قال : اهدي يا حبيبتي اخوكي انتي عارفه بابا بيحبك قد اي و خايف عليكي
مسك بعياط: اول مره بابا يزعق ليا يا اسلام و اول مره يرفض ليا طلب
اسلام : يا حبيبتي قلبي بابا خايف عليكي لو مش خايف عليكي مش كان قال و لا عمل كده و بعدين يا هبله يبقي ابوكي عنده بدل الشركه 3 و الف مين يتمني يشتغل عندنا و انتي عاوزه تشتغلي بره
مسك: عاوزه اعتمد علي نفسي يا اسلام حرام
اسلام : لاء يا قلب اسلام مش حرام تعالي اشتغلي عندنا في الشركه و هتبقي زيك زي اي موظف و هتترقي واحده واحده لحد ما تمسكي مديره الشركه معايا
مسك حضنت اخوها جامد و بطلت عياط و قالت : ماشي يا حبيبي ربنا يخليك ليا
اسلام : ايوا كده اضحكي خلي الدنيا تنور يلا باي عشان متأخرش
مسك : باي يا حبيبي
اسلام خرج و مسك رغده حضنتها و عشق و بعدها طلعو يقعدو مع بعض شويه و يضحكو
و عشق بتحاول بتنسها زعلها
في مكان آخر في صعيد مصر
في قصر كبير بيت الحاج مهران بيت في حب و حنيه و دفي و في شويه حرابيق كده هنتعرف عليهم بعدين
في الساعه 10 صباحا
صحي ادهم علي صوت أخته نور و هي بتصحيه لاني مافيش حد من الخدم بيدخل اوضته غير أخته نور و أمه الحاجه سعديه و أبوه الحاج مهران
نور بحب : ادهم يا ادهم فوق بقي
ادهم صحي و قال : صباح الخير يا حبيبت اخوكي
نور : صباح الفل عليك يلا قوم استحمي الوكل جاهز و احنا مستنينك
ادهم قام حاضر انزلي انتي و انت هحصلك نور خرجت و ادهم دخل اخد دش و نزل لاقي اخوه و مراته و أمه و أبوه و أخته قاعدين علي السفره
ادهم راح علي أبوه و باس ايده و رأسه و قال : صباح الخير يا بوي
مهران : صباح الخير يا والدي اقعد يلا عشان نفطر
ادهم : نسلم علي الحاجه الاول يا حاج و راح علي سعديه و باس راسها و ايدها و قال : صباح الخير يا ست الكل عامله اي
سعديه : صباح الخير عليك يا ولدي زينه يا ولدي
راح علي نور و باسها و قال : صباح الفل علي قلب اخوها و قعد جنبها
نور : صباح الفل علي اجمل اخ في الدنيا
ادهم باسها من خدها و بص علي صفوان اخوه و قال : صباح الخير عليك يا خوي
صفون بكره و غبث مداري بس ادهم عرافه و فاهمه و قال : صباح الخير يا ولد بوي
و ادهم بص لي نعمه مرات اخوه و قال : صباح الخير يا مرت اخوي
نعمه بكره : صباح الخير
ادهم قاعد ياكل و ياكل نور و بيضحكو مع بعض و مهران و سعديه بيحمدو ربنا علي الحب الي بينهم نور بالنسبه لي ادهم بنته مش أخته و كل دا تحت نظارات الحاقدين
(استووووووب نتعرف على البطل بقي و عيلته بعد كل دا )
( ادهم المنشاوي عنده 25 سنه شاب وسيم جدا ذو عضلات بارزه شعره مكس بين اللون الاسود و البني و كثيف جدا عنده دقن نفس لون شعره جعله اكثر وسامه علي واسمته شخصيه صارمه جدا و هيئه والكل بيخاف منه و عصبي و عندي و قاسي القلب بس مع الشر بس لاكن مع أخته و أمه و أبوه حاجه تانيه خالص
عنده اخ صفوان عنده 30 سنه بيكره ادهم موت لانه اذكي منه و اعقل منه و بيفكر بي حكمه عشان كده أبوه الحج مهران خلي ادهم كبير عيله المنشاوي و كبير الصعيد بعد منه صفوان متجوز و اسمها نعمه متجوزين من 5 سنين بس لسه مش خلفو و لفو علي دكاتره كتير و قالو اني مافيش امل أنهم يخلفو ديما نعمه بتعمل مشاكل و عدواه بينه و بين ادهم ديما و بتكره أخته نور لأنها اجمل منها في كل حاجه شكل تعليم لاني نور بتدرس في طب و عندنا عيله بتحبها ) هنتعرف علي باقي الحرابيق بعدين نرجع لي قصتنا 😂
ادهم خلص اكل و قام و اخد حاجته و قال : عاوز حاجه يا بوي انا هنزل الشركه انا
مهران : لاء يا ولدي عاوز سلامتك ابقي شوف اخبار الصفقه اي يا مع الوفد الي بتقول عليه دا
ادهم راح عليه و باس راسه و قال : حاضر يا حاج مش تقلقل انت بس اطمن ابنك الناس كلها تتمني تشتغل معها و خصوصا انها اول شركه تتعمل في الصعيد و مشاء الله سمعت علي طول
مهران : واثق فيك يا حبيب ابوك كله بفضلك بعد فضل ربنا ربنا يوفقك يا ولدي يارب
ادهم : و يبارك لينا فيك يا حاج انت و الحاجه يلا بالاذن انا
مهران : اذنك معاك يا ولدي
ادهم راح علي أمه و باس راسها و قال : عاوزه ميني حاجه يا ست الكل
سعديه: لاء يا والدي عاوزه سلامتك خد بالك من نفسك يا حبيب امك
ادهم : تسليمي يا امي يلا مع السلامه
و راح علي نور و قال : عاوزه حاجه يا قلب اخوكي
نور : عاوزه سلامتك يا حبيبي بس ممكن تبقي تجيب ليا حاجه حلوه
ادهم بحب : حاضر يا قلب اخوك احلي حاجه حلوه للحلويات كلها و باسها و خرج من البيت و رجع ادهم الاصلي تاني وش القسوه و البرود و الجبروت خرج و ركب عربيته و وراه اسطور من عربيات الحرس و اتجه الشركه في البيت جوه
صفوان قال : اي يا بوي انت مش ناوي تخليني مدير الشركه و لا اي انا الكبير
مهران ببرود : لاء لما ينصلح حالك يا صفوان ابقي اخليك المدير مش بس المدير دا انا هفتح ليك شركه
صفوان : و انا حالي مالو يا بوي عشان ينصلح زي الفل اهو عاد و لا ادهم أحسن ميني
مهران : لاء حالك مش عجبني يا والدي طول ما انت ماشي ورا مرتك مش هتفع حاجه اتجوزتها غصب عني و قولت معلش بيحبها بتكره اخوك و اختك و كرهتك فيهم و لا متكنش مفكرني مش واخد بالي عاد لاء دا واخد بالي من كل كبيره و صغيره بتحصل في البيت دا بس قسما عظما لو اي سوء مس اخوتك مش هيكفيني فيك عمرك و لا عمرها
نعمه بخبث و حنيه مزيفه : بقي أكده يا عمي دا انا بحب نور و ادهم زي خواتي
مهران بص ليها بقرف و بعدين بص لي صفوان و قال : علم مرتك بعد أكده يا صفوان لما الرجاله تتكلم الحريم تتخرس و يلا خد مرتك و اطلعو علي فوق
صفوان: حاضر يا بوي قدامي يا وليه علي فوق
طلعو علي فوق و دخلو الجناح الخاص بيهم و نعمه قالت بضيق و شر و كره : انا مش عرافه هنخلص من هم دا ميته انا زهجت يا صفوان و انت قلبك حنين اوي يا اخويا عليهم مش عاوز نخلص منهم
صفوان : انتي اتخبلتي في عقلك و لا اي يا وليه يا بومه عاوزين اخلص علي بوي و خوي و اوختي و امي دا انا اقتلك و لا اجتلهم انا اه بكره ادهم عشان و الكل في الكل لاكن مش اجتله اكره في ابويا اسرق من فلوس الشركه غير أكده لاء
نعمه : لا و الله قلبك حنين جوي يا اخويا و عاوز تجتلني يا صفوان عشان اهلك
صفوان : دا انا اجتلك و اجتل اهلك كلهم انا قولت ليكي قبل أكده قتل مش جاتل اي حاجه تانيه انا معاكي فيها غير أكده لاء
نعمه : حلو جوي أكدا سيبتي اخطط بقي هنوجع ادهم في ابوك ازي
صفوان : خطي يختي خطتي و انا هنزل لي ابويا اسحب معها ناعم و احب علي يده عشان يطمن لينا
نعمه : ايوا أكدا هو دا الكلام الصوح انزلي يلا
نور كانت طالعه أوضتها بعدهم و مره واحده وقفت مكانها بصدمه من الي سمعته سمعت كل حاجه بين صفوان و نعمه و لما خلصو كلام و سمعت صفوان و هو بيقول انا نزل جريت بسرعه علي اوضتها قبل ما يشوفها دخلت الاوضه و حاطه اديها علي بوقها من الصدمه و قالت : بقي أكدا يا خوي عاوز تسرقنا و مرتك عاوزه تقتلنا لاء أنا لازم اتصرف و احزر ادهم و بابا يارب احفظ ليا ادهم و ابويا و امي يارب و بعدها راحت قعدت علي السرير تكلم مروه صحبتها ( و مش ننسي اني ادهم و نور دراسين في القاهره)
عند مهران بعد ما الولاد طلعو سعديه راحت له و قالت : مش أكدا يا حاج برحه شويه علي الواد و مرته مهما كان دا ولدك
مهران : أهي طيبه قلبك دي هي الي مودكي في داهيه يا حاجه ابنك بقي معمي خلاص من ساعه ما اتجوز الي اسمها نعمه دي كرهته في اخوته مضيعه كل فلوسه انا خايف عليه جوي يا ام صفوان انا بحبهم كلهم زي بعض بس هو الي مخه صرمه
سعديه: هدي نفسك يا حاج بكره يعقل و يرجع لي عقله تاني ربنا يهديك يا صفوان يا والدي و يصلح حالك و يرزقك بالخلف الصالح يارب
مهران : يارب ما تيجي نطلعو فوق يا حاجه نريح شويه
سعديه : امرك يا حاجه انت تامر يلا
مهران : ربنا ما يحرمني منك يا حاجه و لا من حبك ليا و انتي كل يوم تحلوي أكده و تبقي زي البدر
سعديه بحب : حلوه كيف بس دا انا خلاص عجزت
مهران : فشر عجزتي كيف يعني و لا عشان التيران الي مخلفهم مشاء الله هتوحشي عنك العين و تقولي كبرت
سعديه : ربنا ما يحرمني منك يا حبيبي و لا من كلامك الحلو يلا اخلع جلبيتك و افرد ضهرك
مهران : و لا منك يا حبيبتي جلبي ادي يستي الجلييه أهي
و قلع العبايه و اخدها في حضنه و نامو
صفوان نزل تحت مش لاقي أبوه طلع تاني للحربوقه مراته و قعدو يخططوا ازي هياخدو الورث و وقعو ادهم في مهران
عند ادهم وصل الشركه و كل الموظفين اول ما شافه كل واحد بص قدامه علي الورق بتركيز و الصمت عم في المكان كله خوفا من الادهم دخل مكتبه و السكرتير واره بخوف و توتر ادهم قعد علي المكتب بكل هيبه و ثقه و بص لي ابراهيم السكرتير و قال ببرود مش لائق غير عليه : في اجتماعات انهارده
ابراهيم بتوتر : ايوا يا فندم في اتنين
ادهم : تمام الورق بتاعهم جاهز و لا لسه
ابراهيم و هو بيمد ايده له بالورق : لاء يا سيادتك الورق اهو اتفضل
ادهم اخد منه الورق و قال : تمام روح انت و ابعتلي قهوه
ابراهيم اوما له و خرج
و ادهم قعد مركز في الورق الي قدامه و فضل يدرس فيه
عند مسك كانت بتكلم صاحبتها حنين في الفون
مسك : بقولك اي انتي واركي حاجه
حنين : لاء يا موزه بس لي
مسك : طب ما تروحي استاذني من طنط أو عمو و تيجي نخرج انا و انتي و البت عشق
حنين بحماس: اوبا بقي هو دا الكلام هروح اشوف هتقول اي. و اكلمك يا موزه و انتي هتقولي لي مين مش انتي زعلانه منه عمو السكره مش عارفه انا في حد يزعل من القمر دا
مسك ضحكت : مش ملاحظه انك بتعاكسي ابويا يا فاسقه هقول لي اسلام و مامي و هما ما هيصدقو يلا بقي عشان مش نتأخر
حنين : ماشي يا موزه انا هروح اقول لي ماما اهو عشان بابا مش هنا اصلا
مسك : اشطاطات
و قفلو مع بعض و كل واحده راحت تستأذن أهلها
مسك : بقولك اي يا دودو يا قمر انتي ممكن اخرج مع البت حنين و عشق
مياده : عادي يا حبيبتي اخرجي بس كلمي بابا أو اسلام الاول
مسك : حبيبتي يا دودو هكلم اسلام لاني زعلانه من بابي
مياده بحنيه : في حد بيزعل من حبيبه برضو بابي خايف عليكي يا حبيبتي هو مش مانع انك تشتغلي هو عاوزه تحت عينه عشان محدش يضايقك عرفتي بقي بابا عمل كده لي
مسك : ايوا يا ماما بس برضو مش هكلمه غير لما هو يجي يصلحني
مياده ضحكت : هيجي يختي يصالحك مش تخافي دا انتي حبيبته و بنت قلبه
مسك بغرور مزيف : طبعا طبعا و دي مش محتاجه كلام يلا أنا هطلع اكلم اسلام و اقول لي عشق و نلبس
مياده: ماشي يا عم الواثق انت أجري يلا
مسك طلعت و قالت لي عشق الي مصدقت انها هتخرج و بعدها كلمو اسلام و وافق بعد إلحاح شديد منهم و حنين كمان أهلها وافقوا البنات خلصو لبس و نزلو و ودعو مامتهم و قالت ليهم: العربيه و معها السواق و الحرس يا مسك مفهوم
مسك : حاضر يا ماما اسلام محفظني مش تخافي يلا باي لاني لسه هعدي علي حنين عشان السواق مش موجود
مياده: ماشي يا حبايبي خدو بالكو من نفسكم و سلمو علي حنين
البنات : حاضر يا مياده يلا باي
و خرجو و راكبو العربيه و راحو عند حنين الي كانت واقفه مستنيهم تحت البيت سلمو علي بعض و اتفقو أنهم هيرحو اي كافيه يقعدو فيه روحو قعدو في كافيه و طلبو عصير و قعدو يتصور و يضحكو مع بعض
عند اسلام و محمد روحو البيت بعد يوم شغل طويل دخلو لاقو مياده قاعده في الانتريه محمد راح عليها و باسها من خدها و جبهتها و قال : السلام عليكم حبيبي عامل اي
مياده بحب : و عليكم السلام الحمد لله يا حبيبي انت عامل اي
محمد : الحمد لله يا قلب حبيبك ها البنات جم
مياده : ديما يارب لاء لسه مش جم بس جاين في الطريق لسه قافله معاهم
محمد : يجو بالسلامه بقولك اي انا واقع من الجوع ما تخليهم يجهزو الاكل
مياده : بس كده عنيا الاتنين اطلع غير هدومك علي ما الاكل يجهز
محمد : تسلم عينيك يا حبيبتي حاضر هطلع اهو
مياده: ماشي يا حبيبي و بعدين بصت علي اسلام الي قاعد مبتسم و متنح ليهم و قالت: اي يا حبيبي حمد الله علي سلامتك
اسلام بمرح: لا و الله لسه فاكره اني موجود علي الكوكب اي يا ام اسلام دا انا حتي الكبير اول فرحتك
مياده بضحكه : ابوك اهم يا واد دا ابو عيالي الغالي الله
محمد: ربنا يخليك ليا يا ام اسلام و بعضها بس لي اسلام و قال : عاوز اي يا واد مش شايفنا في حاله حب و عشق انت مالك بقي يا سنجل باس انت
اسلام : بقي كده ماشي يا حج بكره اتجوز و هجي اعيش معاكو هنا و اخلف و هعيش انا و مراتي قصه حب و غرام و انتو ربو العيال
محمد : لاء و حيات امك الغاليه انا لما اخلص منكو كلكو هخاد مراتي و اسافر و عيشو انتو بقي مع نفسكو و انا اروح ادلع و ادلع مراتي
اسلام : بكره نشوف يا جميل علي قلبك برضو مش هسيبك أنا جعان يا بشر مافيش اكل
مياده : همك علي بطنك علي طول اطلعي أجري غير هدومك لحد ما الاكل يجهز
اسلام : ماشي يا ست الكل
اسلام طلع هو و محمد اخدو شاور و غيرو هدومهم و نزلو لاقو الاكل جاهز قعدو يتغدو مع بعض و بعدها مسك و عشق وصلو البيت و سلمو عليهم و محمد صالح مسك و قعدو مع بعض مده و بعدها كل واحد طلع اوضته عشان ينام مسك غيرت هدومها و نامت و كذالك عشق و محمد اخد مراته في حضنه و نامو و اسلام نام
عند ادهم خلص شغله و خرج من الشركه و بعد مده وصل البيت دخل و لاقي أمه و أبوه و أخته و اخوه و مراته قاعده
دخل و قال : السلام عليكم
كلهم ردو السلام
راح ادهم باس علي راس أمه و قال : اذيك يا يما عامله اي
سعديه: الله يسلمك يا ولدي انا زينه انت اخبارك اي
ادهم: زين يما و لله بفضل دعوتك يا ست الكل ربنا يخليكي لينا انتي للحج
و بعدها راح لي أبوه و باس راسه و ايده بحب و احترام قال : اذيك يا بوي عامل اي
مهران طبط علي كتفه و قال : بخير يا ولدي ها اخبارك انت اي و اخبار الشغل
ادهم : كل تمام يا بوي و الصفقه أن شاء الله بتعنا مش تخاف
مهران : ربنا يبارك فيك يا والدي و يصلح حالك
ادهم راح علي نور أخته و باسها و قال : حبيبت اخوكي عامله اي خدي يا ستي الحلويات بتاعك أهي
نور : بخير يا حبيبي شكرا يا ادهم ربنا يخليك ليا
ادهم : و يخليكي ليا يا قلب اخوكي ها عامله اي في مذكرتك
نور : كل تمام يا حبيبي هي صعبه شويه بس اختك اقدها
ادهم : عراف ي قلب اخوكي أنك قداها اي حاجه واقفه معاكي تعالي قولي ليا و انا هشرحها ليكي لو اعرف و لو مش عرفت الدكاتره بتوع الجامعه كلهم يبقي عندك هنا
نور : ربنا ما يحرمني منك ابدا يا ادهم و تفضل ديما جنبي و سندي
ادهم: و لا يحرمني منك يا حبيبت اخوكي
صفوان بخبث و غل مرادي : اي يا خويا مش شافني و لا اي
ادهم : لاء ازي بس يا صفوان دا انت اخويا الكبير برضو بس اتلبخطت مع نور في الكلام معلش
صفوان : و لا يهمك يا خويا عامل اي
ادهم : بخير الحمد لله انت عامل اي
صفوان : بخير يا خويا
سعديه : مش هتاكل يا والدي زمانك جعان
ادهم : لاء يا ست الكل اكلت في الشركه مع عمر انا هطلع اغير و انام لاني هلكان
سعديه : ماشي يا والدي تصبح على خير و ربنا يعينك يارب و يقويك
ادهم : و انت أهل الخير يا حبيبتي
يلا تصبو علي خير يا جماعه و سابهم و طلع قلع هدومه و اخد دش و خرج صلي فرضه و رايح علي السرير عشان ينام سمع صوت الباب بيخبط و عرف انها أخته من خبطتها لبس التشريت لانه كان قلعه و قال : ادخلي يا نور يا حبيبتي تعالي
نور دخلت و قالت : فاضي احكي ليكي حاجه و لا هتنام
ادهم : فاضي يا قلبي و لو مش فاضي هفضي ليكي انا عندي كام نور يعني احكي يا حبيبتي مالك
نور : بصراحه يا ادهم انا خايفه عليك اوي و علي بابا و ماما من صفوان و نعمه
ادهم باستغراب : خايفه خايفه من اي يا حبيبتي و مالهم صفوان و نعمه
نور: بص انا هحكي ليك و انت اتصرف و خد بالك
ادهم : احكي يا حبيبتي و. اهدي و مش تخافي
نور : و انا طالعه اوضتي انهارده الصبح سمعت نعمه و صفوان و هما بيقولو .......