رواية ولادة حرجة الفصل الاول1بقلم سالم محمد
مش عــــايزة أولـــــــــــــــــــد!
ـ يا مدام والله ما هينفع، الماية نزلت خلاص!
ـ لا مش عــــــــــــايزة
ـ الطفل هيقطع النفس يا مدام!
ـ لا أتصلولي على ليـــــــــــــــل، مش هولـــــــــــد غير لما تتصلوا عليــــــــــــــه!
ـ أتصلولها على ليل بسرعة خلينا نخلص!
...
ـ ألو يا ليل..
ـ يا حبيبتي أنا في الطريق وجاي، قبل ما تطلعي من العمليات هكون عندك
ـ لا مش هدخل العمليات يا ليل، مش عايزة أولد
ـ ما للأسف مينفعش تقولي الكلام ده دلوقتي يا نور، هنودي الواد فين يعني؟
ـ معرفــــــــش، بس مش عايزة أولد لا
ـ طب عشان خاطري، أدخلي العمليات وهجيبلك ورد وشيكولاتة لما تولدي
ـ لا، مش عايــــــزة
ـ طب أنتِ عايزة إيه طيب؟
ـ عيزاك تشيل الغسيل من على الحبل
ـ غسيل؟؟؟؟؟؟!
ـ اه وهم بينقلوني للمستشفى لقيت الجو بيقلب، شكلها هتمطر والغسيل هيتوسخ.. والله ما هسغله تاني يا ليل!
ـ حاضر يا نور، هشيله حاضر، ممكن تدخلي العمليات بقى؟
ـ وكان في أكل في الفرن من امبارح، حطه في التلاجة عشان عايزة أكل منه لما أخرج من هنا.. لو لقيته باظ يا ليل والله هاكـ.ـلك أنت
ـ لا حاضر هشيله في التلاجة وهجيبلك غيره يا ستي لو عايزة، بس أبوس إيدك أدخلي العمليات!
ـ وأمك، أمك متشوفش الواد قبلي!
ـ يا ستي مش هخليها تشوفه خالص بس أدخلي أم العمليات
ـ أنت بتزعق ليه؟ أنت مبقتش تحبني لا!
ـ طب بتعيطي ليه بس دلوقتي؟
ـ عشان أنت مبقتش تحبني وبتزعق فيا
ـ حقك عليا يا روحي، مش قصدي أزعقلك
ـ يعني أنت مبقتش تحبني فعلًا؟؟
ـ مين بس اللي قال كدا!!
ـ أنت اعتذرت إنك زعقتلي ومقولتليش إنك بتحبني!
ـ ياروح قلب ليل من جوا أنا بحبك وبعشقك.. وأبوس إيديكِ أدخلي العمليات عشان أنتِ بتولدي!
ـ منك لله... منك لله يا ليل، قلبي وربي غضبانين عليك
ـ حقك، أنا فعلًا بني آدم العيشة معاه تزهق وتقـ.ـرف، ممكن تتدخلي العمليات بقى لو سمحتي
ـ أمك متشوفش الواد يا ليـــــــــــل!
ـ والله ما حد هيشوفه قبلك!
ـ ومحدش يدخل عليا وأنا في البنج
ـ حاضر يا حبيبتي حاضر، هتدخلي العمليات بقى؟
ـ اه... بس متنساش الغسيل!