رواية تضحية امراة الفصل الرابع4بقلم اميرة سليمان
عرفت بعد ما طلقتها أنه كانت امدايرة عملية تكميم من وراء ظهري و اني نقول خيرها تتهرب مني خيرها منين روحت من صحراء هي تتهرب مني خيرها ديمة مريضة لين عرفت أنه كان صاير ليها مضاعفات و عملية الاخيرة هي عملية تبي
توقف نزيف ل صاير ف بطنها بس ل صدمني منين وراني كشف حساب تكاليف من بداية للنهاية قريب 60 الف قالي مرتك بعد عملية قعدت إيواء اسبوعين هذا كله
و اني في صحراء و تكذب على أمي تقوللها
اني ماشية عند اهلي و تكذب على أهلها تقوللهم اني في حوشي 💔 أبدت تتضعف
لين وصلت زي عود توا قعدت ساكت و مصدوم دارت همي لأنه أهلي ديمة يضحكوا على سمن امتاعها وين جيت في ليل قعدت نفكر منين جابت 60 الف حتى ذهبها روحت بيه بعد طلاق منين مبلغ هذا امشيت في عز صقع و مطر ل شقتي ندور في فلوسي في دولاب القيتهم حاجات داسهم كله موجود قعدت للصبح نايض لين جاني اتصال من نفس شخص ل جاب لينا معلومات قالي راهو صارفه 30 الف ثاني على كورس علاج اني لين نصدمت جاني راجل للحوش جاب ليا ملف ألقيت كورس
علاج شعر و حاجات الجلد لين نخلعت
خليته روح قعدت نفكر في مبالغ هاذي من وين بس 💔 ما عرفتش تمشي ايام و تجي ايام اني قاعد في مربوعة حوشي مصكر على روحي لين جوني خوتي و صغار عمي
و قعدنا ن حكوا في الموضوع قالي ولد عمي بلكي الفلوس من أهلها قتله لا ما عندهم شي ناس بسيطة و على بركة
قالي باهي منين آمالا فتشت حاجتك
قتله كلها ايه كل شي موجود قالي ترا زي شن قتله فلوسي و ساعتي هواتفي لاب
كل شي موجود ما فيش حاجة ناقصة
ناض ولد عمي ثاني و قالي الواحد هذاك
قتله اي واحد لين نقزت امشيت افتحت المخزن و الصدمة