رواية بين هذا وذاك الفصل الخامس5بقلم مريم سمير
_ أنا وأحمد طلعنا اخوات في الرضاعة!!
° أنا عارفة اني اتأخرت في اني اعرفكم
_ لا يطنط ولا اتأخرتي ولا حاجة دا حيالله هو عنده 27 سنة ، بجد والله كنتي هتقولي للورثة ولا اي الدنيا ؟
° طنط أي قوليلي يماما
_ جري أي يذينب!!
° منتي تربية ناقصه ، أنا عرفتك يبنتي عشان تكوني معايا علي نور
_ اه ، طب خدي الباب في ايدك بقي
طلعت برا ف فتحت بوقي وانا بحاول استوعب الي سمعته ، أخويا!! احمد؟ الي بحبه!! ، كويس أنه ميعرفش
= مريييييممممم
_ مش قولتلك ميت مره تخبط قبل ما تدخل؟
= مريم احنا طلعنا اخوات!!
_ بجد والله يا ابو نواف؟
= انتي ليكي نفس تهزري؟
_ وهو يعني العته الي بيحصل دا بذمتك يدخل العقل ب جنيه؟
= يعني انتي اختي؟
_ يادي القرف يجدعان ، يعني عيالي ممكن يورثوا مناخيرك الي عاملة زي شكمان العربية دي؟
= وعيالي هيقولولك يعمتو يحرباية؟؟ حلو دا
_ بقولك أي مينفعش أمي تعرف نهائي
الباب اتفتح فجأة وماما دخلت حضنت احمد
' كنت حاسه انك ابني وإن الحمد لله ربنا عوضني اني مخلفتش ولد
= مريم انتي عنيكي بتفصل شحن تقريبا
_ لاء يحبيب اخوك دا اعراض جلطة متاخدش في بالك
' مريم احمد اخوكي ، الحمدلله بقالك سند في الدنيا من بعدي
_ حبيبتي يماما خدي الباب في ايدك بدل ما اسيبلك احمد الحيلة من غير حد يبقاله سند ، اتفضلي
خرجت ف رجعت بصتله _ احنا نقتل امك و..
= و أي يمتخلفة؟
_ اي نسمها؟
= والله ؟ يعني أنا بتكلم عن طريقة القتل؟ ديييي أمي
_ اي يجدعان صلة الرحم الي بقت جزء من شخصيتكم فجأة دي؟ ، ما امي الي بتتشحتف من العياط برا دي طرداك امبارح وقالتلك مش عاوزة اشوف وشك تاني
= بقولك امي التانية
_ اللهم اجرني في مصيبتي
= مريم انتي زعلانة ؟
_ بالله عليك تسكت ، بالله عليك تنقطني ب ساعتين تلاتة صمت
= حاسس يعني هيجرالك حاجة
_ ويعني يجدعان لما تجروا بيا علي المستشفيات عشان تفوقوني ب محلول ملح هترتاحوا؟
= فعلا صدمة علي الكل ، أنا زعلان اوي
بصيتله _ بجد؟ وزعلان لي!
= مخبيش عليك يسيد يا اخويا انك تبقي وحيد من غير اخوات احسن
_ شوفت امك وامي الي لسه خارجين من الباب دا؟ حصلهم ، اتكل علي الله انتي عارفني مجنونة
قام ومسك الباب قبل ما يخرج = مريم أنا كد مش هخبط الباب قبل ما ادخل بعد كد صح ؟ اسأل فيها دار الافتاء؟
_ أيوة يحبيب اخوك واسأل أي حكم القتل العمد
= طب اسيبك دلوقتي بقي
خرج ف عيطت! ، كان واخد الموضوع بهزار ، بس دا الراجل الوحيد الي حبيته في حياتي ، مفيش في حياتي غيره ، جيران والباب في الباب طول عمرنا ، غصب عني حبيته وكنت مبسوطة اني أخيراً حبيت ، صحيت علي كل دا ب كابوس بشع مش عاوزة أصدقه ، يارب اكون بحلم
= خلاص يمريم بطلي عياط
_ مامتك كان المفروض تقولنا من الاول
= اهو الي حصل بقي نعمل أي ، منتي الي فضلتي تعيطي يومها وكنتي جعانة ، طول عمرك دنية
_ طب مامتك قبل ما تاخدني مفكرتش تقعد عليا تموتني ؟= فضلت مخبيه ٢٧ سنة ، لاء بس لعبة حلوة أنا احب اقول للعبة الحلوة انتي حلوة
_..
ضحك = ارهقها الكتمان
_..
= خلاص بقي فكك من الحوار دا ما احنا طول عمرنا صحاب
_ أيوة صحاب يعني فيه امل
= امل؟ امل في اي؟
_ اني اطلع بنت خالتك مثلا
= من ساعة ما بقيتي اختي وانتي دمك سم
_ اديك قولتها مهي الجينات بتحن
= وانتي دمك خفيف كد لوحدك ولا معاكي شلة؟
_ ولما يسطا اقوم اعدمك العافيه هتتبسط؟
= ولما اخليكي سوا الاسفلت هترتاحي؟
_ حلو ، وريني
= جري أي يا ابو السيد روق
_ أنا اسمي مريم ، ومش اخت حد ، المعاملة بعد كد علي القد
= طب ما نقطع مع بعض خالص يسطا بالله عليكي ؟
_ ماشي الي تشوفه
= لو انتي ليكي اخ اهبل عرفيني؟
بصتله = غيري يعني غيرييييي
رجعت بصيت قدامي بزعل _ انت عمرك ما هتحس أنا زعلانة قد كد ، ولا هتفهم أنا زعلانة لي اصلا
= ومش هفهم لي؟
_ عشان كنت بملحق قدرات ذهنيه من انت في خامسة ابتدائي
= هو انتي ازاي بتستخفي دمك وانتي بتعيطي؟
رجعت بصيتله _ استغفر الله العظيم يا رب دا حرام يجدعان ، يجدعان حراممممم الي بفكر فيه دا ، منا لسه قارئة ازكار الصباح وحصنت نفسي
= مريم انتي كويسه ؟
_ لاء ، ومش هعرف ابقي كويسه تاني ، أنا عاوزة أنام
= أيوة بس أنا عاوز اطمن عليكي
_ معلش يا احمد ارجوك سيبني دلوقتي
مكنش سهل عليا أبدا اتأقلم علي حاجة زي دي ، شخص كنت تقريباً بنية عليه حياتي كلها! ، حاولت اتجنبه الفترة دل لحد ما اتأقلم علي الوضع الحالي اه لو ينفع الإنسان ينسي الي بيحبه بضغطة زرار .
كنت مخنوقة ف روحت المكان الي بطلع فيه خنقتي ، بعدها ب نص ساعة جه قعد قدامي وفضلنا متنحين قصاد بعض أنا ازاي نسيت أنه عارف اني علي طول باجي هنا!
= لا يحبيب قلبي اقلب أنا قاعد هنا شويه
_ خف استظراف عشان أنا مخنوقة بجد
° طلبك يست مريم ، تلاتة حواوشي و خمسة كبدة والممبار علي النار
= فعلا؟؟؟
_ استظرف عادي أنا كدابة
= هاتلي طلب معاها يبني ، أنا مخنوق يمريم
_ بجد والله ؟ من اي؟
= أنا هقعد مع عروسة
_ والنيش علي مين ؟
= هقوم سايبك وماشي
_ طريق السلامة يحبيب قلبي
= اسمها سلمي ، بنت بسكوتة كد من الي بيقولوا whatever و thanks عرفاهم؟
_ يستار يارب ، بس حلوة اهو
= لاء مش التايب بتاعي ، أنا عاوز واحدة بتضرب كبدة مش تقولي عاوزة سوشي
_ مش واكله الكبدة بالهنا علي قلبك اديها انت ، الفود بلوجر الي حليتنا
= يعني اخطب؟
_ زعتر طلب كمان بسرعة بدل ما احط السكينة دي فيا واشكلكم احلي ربع مشكل
= مريم؟ ممكن نتكلم بجد شويه؟
كان بيبصلي جد ف اتعدلت في قعدتي وقلبت الكاب
_ ها؟ اتكلم أنا سمعاك
= انتي طول عمرك حاسه أننا مجرد صحاب وبس؟
_ بتهيقلي احنا لازم نساعد بعض نتأقلم ، أنا ممكن اساعدك تخطب البنت دي ، بس قولي انت عرفتها ازاي ؟
= حسيت فيها حاجة مختلفة
_ والحقيقه؟
= امي حلفت لو مقعدتش معاها هتمشي من البيت ومش هعرفلها طريق جرة
ضحكت _ يلا نمشي ، عاوزة اشم شوية هوا
كنا ماشيين ف جيبنا حمص الشام وقعدنا علي الكورنيش ، اتفقنا نتعامل زي الاخوات وواحدة واحدة هيعرف كل واحد ينفصل عن التاني ويشوف حياتي الطبيعة
_ هو دا اللوكيشن الي بعتتهولك؟
= أيوة
_ انت عازمني ولا جاي تذلني؟ أنا مدخلتش مطاعم زي دي قبل كد
= ولا أنا ، بس هي اتأخرت لي؟
_ عادي البنات بتتأخر عشان ميكب بقي واسكين كير والحاجات دي
= وانتي كابك مقوي قلبك مبتقلعهوش
_ خليك في النص الي يخص
جت وقعدت قدامنا ، كانت بنت جميلة وشيك وراقيه ، تجنن!
= ازيك يسلمي ، مريم اختي
° هاي ازيك يمريم أي الاخبارك؟
_ كويسة
الويتر جه = تحبي تاكلي اي؟
° ممكن اخد Steak meat
= وانتي يمريم ؟
_ سجق عليه عصرة لمون
برقلي _ قصدي ، زيها
= وانا زيهم ماشي ، متشكر
الاكل نزل ، بدأنا ناكل وكانت بتتكلم عن إنجازاتها وعن نجاحاتها ، كانت مبهرة!
° وانت يا احمد كلمني عن نفسك
= I'm engineer l love engineering
ضحكت _ يسطا فكرتني لما كنت بكتب براجراف وانا في ستة ابتدائي ، ما تتكلم بالعربي يا احمد!
= أنا مهندس يسلمي و مستقر في شغلي وبحاول اطور من نفسي وبسعي يعني الحمد لله
° وانتي يمريم ؟
_ مخلصة كلية تمريض وبشتغل الحمد لله في مستشفى البلد
° وبتعملي أي في حياتك؟
_ بحاول اكون سبب عشان اخفف من وجع المرضي بتوعي
° بس بتهيقلي الاخد افضل بكتير من العطاء
_ بالعكس ، لما تكوني انتي الي بتدي وتحسي انك سبب ولو بسيط في ان الي قدامك يبقي مبسوط هتحسي ساعتها إنك مش عاوزة تاخدي حاجة تانية
° يمكن!!
كان كل كلامها عقلاني ، بس المشكلة أنه كان عقلاني اوي! ، مفيش هزار ولا اي كلام ملوش لازمة ، ياه خروجة تحفه ياريت متتكررش تاني
خلصنا اليوم وهي ركبت عربيتها ومشيت واحنا اتمشينا لحد البيت = أي رأيك ؟
_ أنا شايفة..
= انتي بتشوفي اساسا؟
عدلت نضارتي _ طب ولما ارقع بالصوت دلوقتي واخلي الرجالة يروقوك؟
= كملي يمريومة شايفة اي؟
_ أنها كويسه وبنت ناس وما شاء الله جوازة مرتاحة ومستواها الفكري عالي اوي
= بس دمها تقيل
_ شوف بكلمه في أي يقولي أي!
= مفيش فايدة يعني الاقي بنت دمها خفيف؟ اديكي شايفة انتي ودمك يلطش وسلمي ومبتعرفش تهزر
_ اللهم اجرني في مصيبتي يارب انت العالم
للأسف كنت حاسه اني زعلانة اوي وانا شيفاه بيضيع مني ، حلمي الوحيد والراجل الي مبشوفش احسن ولا اوسم منه ، كان بطل حكاياتي واي حاجة بكتبها ، طب اقول للناس اي؟ احمد طلع اخويا!
= مين الي كنتي واقفة معاه دا؟
_ دا عبدالله كان زميلي في الكلية
= ماشي وانتي مخلصة بقالك سنتين ، جاي يتكلم معاكي لي؟ وشايفك بتضحكي يعني دمه خفيف ولا اي الدنيا؟
_ اه وشاب كويس
= اه
_ وسلمي بردو جميلة اوييي ، البنت حرفيا لقطة
= اه
_ شهادة عالية ومن عيلة غنية ورقيقه ، تستاهل كل خير يا احمد ، دي دعوات مامتك في قيام الليل عمتا
= اه ، زميلك في الكلية دا بقي كان عاوز منك اي؟
_ انت طبيعي يسطا ولا ضارب حاجة؟
كنت بساعده في علاقة بتأذيني! بس خلاص القدر مرضاش بحكايتنا ، يمكن يعرف يكمل حكايته مع واحدة تانية .
_ مرة واحد وافق يوصل جارته فرح صحبتها ف ربنا رزقه بفلوس كتير
= عاوزة أي يمريم؟
_ لولا أني مينفعش اركب مواصلات ب فستان مكنتش طلبت
= لا وانتي وش كسوف
_ يعني اه ، أنجز هتوصلني ولا اقول لعبدالله؟
= اخفي من وشي حالا
دخلت لبست الفستان الاسود الي كنت مفصلاه للمناسبة دي ، قلعت الكاب واختارت طرحة لون الفستان ، اختارت اكسسوارات رقيقه ، وهوبا بينا ميكب بالبستاشيو حاجة في البسيط منه ، أنا نقطة ضعفي النو ميكب ميكب واني ابقي ناتشورال
_ معلش أنا عارفة اني اتأخرت ، الهليز الرباط بتاعه طويل اوي فضلت اعمل فيه ربع ساعة
=..
_ يلا عشان منتأخرش!
= ..
_ احمد ؟؟
= مريم؟؟
بصيت ورايا _ امال هيبقي مين ؟
= شكلك ، تحفه
_ حلوة؟ حاجة كد في السمبلة منه
= الدنيا دي فيها كام بلياتشو يمريم ؟
_ يتري كام؟
= اطلعي امسحي الي حطاه في وشك دا ، مش همشي هناك اقولهم بصوا علي البت الحلوة الي معايا
_ مش ماسحة حاجة ، ما سلمي بتحط full ميكب!
= بلا فول ميكب بلا فول حراتي
_ يسطا قبل ما ترمي افيه زي دا فكرت فيا؟ اموت من الضحك مثلا ملحقش اكمل المناسبة؟
= مهو انتي مش هتلحقي لو روحتي كد فعلا
_ احمد أنا بجد مش همسح حاجة
= أيوة وهنا كمان ، اجبلك مناديل كمان؟
بصيتله بطرف عيني _ سوق وانت ساكت
= شوفتي وشك نور ازاي من غير ميكب؟
_ ادخل بينا في ترعة يسطا خنقتني
خلصنا الفرح وسلمي رنت عليه وقالت إنها هتجيلنا علي هناك ، خرجنا من القاعة واستنيناها ، جت بعربيتها ف ركبنا معاها
' لله يبيه حاجة لله
° شيلي ايدك من العربية يبتاعة انتي انا لسه مسحاها
_ بالراحة يسلمي ، تعالي يحبيبتي امسكي
° بجد ظاهرة أطفال الشوارع كترت اوي
_ بتهيقلي لازم نبقي ارحم من كد عليهم مش هتبقي احنا والدنيا قصادهم
° بطلي فلفسة يمريم أنا بتكلم في الصح
_ أنا مش بتفلسف انتي الي ماشية ورا عقلك وخلاص!
° أيوة عشان أنا عملية وطبيعي اكون ماشية بعقلي
_ يبقي ساعتها القلب بيضخ دم وبس!
° بتقولي حاجة ؟
_ ولا حاجة ، نزليني هنا لو سمحتي كملوا انتوا
= انتي راحة فين؟ انتي مروحة معايا
_ لاء معلش يا احمد روحوا انتوا أنا هتمشي شويه
خرجت من العربية وساقت وروحت قعدت علي اقرب استراحة ، الدنيا كانت برد ، يوه هو لازم كرامتي تنقح عليا يعني ؟ طب ولما اخد دور برد يقعدني في السرير هرتاح؟
حسيت ب جاكيت بيتحط عليا ف اتخضيت
= دا أنا ، متخافيش
_ إنت؟ انت نزلت من العربية وجيت؟
قعد جمبي = أنا منزلتش من العربية بس ومن حياتها كمان
_ مش فاهمة؟
= عمري ما هعرف اعيش مع واحدة مبتحسش ، شغلها رقم واحد وعقلها سايقها ومش بتفكر في حاجة غير نفسها ، ساعتها هكون غبي اني ضيعت عمري وكل حاجة كانت ظاهرة قدامي ف مكنش ينفع
_ بس هي كويسه وعروسة مناسبة و..
= مريم أنا مش عاوز عروسة مستواها محصلش ولا ذكية ولا بتعرف تجيب فلوس ، عاوز ست طيبة اعرف اتكلم معاها وانا مرتاح ، تكون فهماني اكتر منا فاهم نفسي ، مريم انا حاولت ابطل
_ تبطل اي؟
= حاولت ابطل أحبك ، حاولت معرفتش حتي نص ساعة علي بعض ، انتي اطيب وألذ بنت شوفتها في حياتي ، صاحبي الجدع الي بلاقيه في أي مصيبة بعملها ، الوحيدة الي بتسمعني وبتخلي أي مشكلة سهله وتتحل ، الي مببطلش ضحك وانا معاها ، الست الحنينة الي مبتعرفش تأذي أي حد ، إلي ممكن تروح تتكلم مع واحدة متعرفهاش عشان لقيتها بتعيط ، أو تلعب مع عيل صغير عشان مش لاقي حد يلعب معاه ، والي مبتعرفش ترد حد محتاجها ، الي عندنا أوسع قلب في الدنيا ، عمري ما شوفت زيك من واحنا عيال ، كنتي بتساعديني في الواجب عشان ماما متتضربنيش مع اني أكبر منك ، انتي الوحيدة الي مش بتكسف اقول قدامها أي حاجة وعارف اني عمري ما هتفهم غلط ، عمري ما شوفت نفسي حلو ولا صاحب جدع غير لما قولتيلي ، ولا شايف واحدة غيرك ولا عارف اشوف مع انك بتلبسي الكاب مقلوب!
كنت بعيط وبعدها ضحكت _ لي مقولتليش قبل كد؟
= مكنتش عاوز اخسرك و..
_ ثواني!! احنا اخوات! استغفر الله العظيم ، دا حرام باين
ضحك = مهو فيه حاجة كد أنا عرفتها وكنت عاوز اقولك النهارده
_ حاجة اي؟
= امي مش امك
_ وحيات امك؟
= احنا مش اخوات
_ ازاي!! مامتك قالت..
= قالت كد عشان كانت عارفة اني بحبك وهي كانت شايفة سلمي انسب ف عملت الحجة دي عشان مفكرش فيكي تاني
_ وانت عرفت منين؟
= هي صارحتني لما لاقتني مش عارف ارتاح
_ وهي ازاي عملت كد؟
= أنا عارف انها غلطت بس في الاول والاخر هي امي ولازم اسامحها ، هي بتحبك والله بس هي زي منتي عارفة الامهات بتدور علي المراكز والكلام دا ، لكن أنا فهمتها اني عمري ما هحب واحدة غيرك
مسحت علي وشي براحة _ يعني انت مش اخويا بجد ؟
= لاء ، أي مبسوطة؟
_ مضايقة جدا بجد ، لي دا انت اخويا جدا وعيالك هيقولولي يعمتو الحرباية وانا راضيه
= نعوض في عيالنا ويبقوا اخوات؟
_ ها؟
= تتجوزيني؟
_ الجو برد اوييي أنا عاوزة اروح
= ولما امددك وسط الشارع بالك هيهدي؟
ضحكت وبصتله _ احمد أنا بحبك اوي
_ ونظهر قلالات الادب في الشارع و.. أي قولتي أي ؟
= لاء بس انت اخويا